აჭარა. 29 ოქტომბერს, მოხალისე-რეპორტიორმა ხატია სიხარულიძემ პროექტის „მულტიკულტურული ინტეგრაცია აჭარაში” ფარგლებში ხელვაჩაურის მუნიციპალიტეტის, ოცნების ქალაქში მცხოვრებ ახალგაზრდებთან ჩაატარა ტრენინგი თემაზე: „რელიგიური მრავალფეროვნება”. „მონაწილეებმა ისაუბრეს სხვადასხვა რელიგიურ გაერთიანებებსა და დაწესებულებებზე, რომლებიც ქალაქ ბათუმშია. იხილეს ხატია სიხარულიძის მიერ მომზადებული სიუჟეტები თემაზე: „რელიგიური დაწესებულებები ბათუმში", რომელშიც ასახულია სად არის/იყო განთავსებული სხვადასხვა რელიგიური დაწესებულება ქალაქის ტერიტორიაზე და როგორია მათი დღევანდელი მდგომარეობა”, ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

სამეგრელო. 27 ოქტომბერს, ასოციაცია „ათინათში” სამოქალაქო განათლების პროგრამის „მომავლის თაობა” პარტნიორი სკოლების მოსწავლეებისთვის ჩატარდა ტრენინგი თემაზე: „კვლევის ჩატარების ტექნიკები”. „მოსწავლეებმა მიიღეს ინფორმაცია კვლევის თემატიკის შერჩევის, კვლევის ჩატარების, ინფორმაციის შეგროვებისა და შედეგების საზოგადოებამდე სწორად მიწოდების შესახებ. ტრენინგის შემდეგ იგეგმება კვლევების ჩატარება მოსწავლეების მიერ სკოლისა და თემის საჭიროებების იდენტიფიცირებისთვის," ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

აჭარა. 26 ოქტომბერს, ქედის მუნიციპალიტეტის სოფელ ხარაულის საჯარო სკოლაში ჩატარდა კიდევ ერთი სტუდენტური დისკუსია. კონკურსის წესით შერჩეულმა მოხალისე, მალვინა ბერიძემ ისაუბრა სოციალური ქსელების ზეგავლენასა და ტროლებზე. „დისკუსიიდან გამოჩნდა, რომ მონაწილეები აქტიური მომხმარებლები არიან სხვადასხვა სოციალური ქსელების და ხშირად ხვდებიან სხვადასხვა გვერდებს, რომლებიც ავრცელებენ დეზინფორმაციას. მომხსენებელმა ისაუბრა სოციალური ქსელების დადებით და უარყოფით მხარეებზე, ასევე, იმაზე თუ როგორ ამოვიცნოთ ტროლი და სიმართლე", ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

თბილისი. 30 ოქტომბერს, ქალთა მზერა (Women’s Gaze) გამართავს ვებინარს: დონორებთან ურთიერთობა და პროექტის მართვის გამოცდილების გაზიარება. დამატებითი ინფორმაციისთვის და მონაწილეობის მისაღებად დაუკავშირდით ორგანიზაციას მეილზე: Womensgaze@gmail.com ან მისწერეთ პირადად სოციალურ ქსელში. მსურველთა რეგისტრაციის ბოლო ვადაა 28 ოქტომბერი. სრულად... წყარო: ორგანიზაციის ვებგვერდი სოციალურ ქსელში

იმერეთი. ქუთაისის ახალგაზრდული ცენტრის წევრებისათვის ჩატარდება დისკუსია თემაზე: „დემოკრატიული არჩევნები და არჩევის პრაქტიკა საქართველოში”.  მისი მიზანი იყო ახალგაზრდები გაცნობოდნენ, თუ რა მნიშვნელობა აქვს არჩევნების დემოკრატიულად ჩატარებას ქვეყნის განვითარებისათვის და დემოკრატიული სახელმწიფოს მშენებლობისთვის. დისკუსიის მუშაობას ორგანიზაცია „გამჭვირვალობა - საქართველოს" წარმომადგენელი ლელა მოწონელიძე უძღვებოდა. სრულად... წყარო: ორგანიზაციის ვებგვერდი სოციალურ ქსელში

გურია. 20 ოქტომბერს, ახალგაზრდა პედაგოგთა კავშირის ოფისში გურიის მოსწავლეთა ახალგაზრდული პარლამენტის პირველი შეხვედრა გაიმართა. „შეხვედრის პირველი ნაწილი დაეთმო პარლამენტის კონცეფციისა და სტრუქტურის გაცნობას. მეორე სესიაზე პარლამენტის წევრებმა მოისმინეს სემინარი ბავშვის მონაწილეობის უფლების შესახებ და განიხილეს მოსწავლეთა თვითმართველობა, როგორც სასკოლო პროცესებში მონაწილეობის და ჩართულობის საშუალება", ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

ქვემო ქართლი. „კონსტიტუციის 42-ე მუხლის" იურისტებმა რუსთავის მუნიციპალიტეტის მერიისა და საკრებულოს თანამშრომლებთან შეხვერდა გამართეს. შეხვედრის მთავარი მიზანი იყო სამუშაო ადგილზე შევიწროების საკითხების განხილვა და ბოლო კვლევების მონაცემების გაცნობა; მუნიციპალიტეტის თანამშრომლებისთვის ინფორმაციის მიწოდება იმის თაობაზე, თუ როგორ არეგულირებს სამუშაო ადგილზე შევიწროების/სექსუალური შევიწროებას ქართული და ევროპული კანონები. სრულად  წყარო: ორგანიზაციის გვერდი სოციალურ ქსელში

თბილისი. IFES-ის მხარდაჭერით, ცენტრალური მედიის წარმომადგენლებისთვის, საარჩევნო საკითხების ირგვლივ, სამუშაო შეხვედრა გაიმართა. არჩევნების პროცესთან და მის გაშუქებასთან დაკავშირებული მნიშვნელოვანი თემების შესახებ ჟურნალისტებმა ცესკოს, სწავლების ცენტრის, საარჩევნო სისტემების საერთაშორისო ფონდისა (IFES) და შინაგან საქმეთა სამინისტროს აკადემიის წარმომადგენლებთან ისაუბრეს. სრულად  წყარო: https://www.facebook.com/IFES.Geo/posts

გურია. 9-10 ოქტომბერს, ოზურგეთის ახალაგზრდული ცენტრის თანატოლგანმანათლებლებმა მოზარდებისთვის ჩაატარეს „ტრენინგი: ინტერპერსონალური კომუნიკაციები”. საუბარი წარიმართა ვერბალური და არავერბალური კომუნიკაციის ფორმებზე, ინტერპერსონალური კომუნიკაციის სახეებზე. სრულად... წყარო: ორგანიზაციის ვებგვერდი სოციალურ ქსელში

„რეგულირების გავლენის შეფასება - პრაქტიკულ სახელმძღვანელო" USAID/PROLoG-ის მხარდაჭერით თავისუფალი უნივერსიტეტის მიერ შემუშავდა. იგი დაეხმარება დაინტერესებულ მხარეებს შეაფასონ არსებული ან/და შეთავაზებული რეგულაციები და წარმოადგინონ ალტერნატივები. სახელმძღვანელო... წყარო: ორგანიზაციის ვებგვერდი სოციალურ ქსელში

თბილისი. ტოლერანტობისა და მრავალფეროვნების ინსტიტუტი (GDI) მრავალფეროვნების სახეების ფარგლებში, აქვეყნებს შრილანკელი ტარაკა შრინათა დუნუვილანის ვიდეოინტერვიუს. „ის თბილისის სამედიცინო უნივერსიტეტის კურსდამთავრებულია და საქართველოში ცხოვრობს. ვიდეოში თარაში გვიზიარებს თავის შთაბეჭდილებებს ქართულ კულტურაზე, სტუმართმოყვარეობაზე, ასევე იმ პრობლემებზე, რომლებიც საქართველოში მცხოვრებ უცხოელებს სახელმწიფო პოლიტიკისა და ზოგჯერ ქსენოფობიური განწყობების გამო ექმნებათ”, ნათქვამია მრავალფეროვნების სახეების ვებგვერდზე სოციალურ ქსელში. სრულად… წყარო: ორგანიზაციის ვებგვერდი სოციალურ ქსელში

თბილისი. საქართველოს სტრატეგიული კვლევებისა და განვითარების ცენტრმა (CSRDG) გამართა ტრენინგების მესამე ციკლი საზოგადოებრივი ორგანიზაციებისათვის ევროკავშირ-საქართველოს ასოცირების შეთანხმების შესახებ ტრენინგის მიზანია ხელი შეუწყოს ქართული საზოგადოებრივი ორგანიზაციების მიერ ასოცირების შეთანხმების შესრულების მონიტორინგს ტრენინგი მიმდინარეობს პროექტის „სამოქალაქო საზოგადოების განვითარების ინიციატივა“ ფარგლებში, ევროკავშირისა და გერმანიის ეკონომიკური თანამშრომლობისა და განვითარების ფედერალური სამინისტროს ფინანსური მხარდაჭერით.

თბილისი. ადამიანის უფლებების სწავლებისა და მონიტორინგის ცენტრი (EMC) აქვეყნებს მაკედონიელი ავტორის, პირო რექსეპის ვიდეო ლექციას: სექსუალობის (პოსტ) სოციალისტური პოლიტიკა. „პირო რექსეპი მაკედონიელი ავტორია. ამჟამად, ასწავლის ნიუ–იორკის უნივერსიტეტში. მისი კვლევების ფოკუსია: რელიგიის პოლიტიკა; პან–ისლამიზმი; ჰომონაციონალიზმი და პოსტკოლონიალიზმი; სექსუალობა და კოლონიალიზმი საერთაშორისო ურთიერთობებში (ბალკანეთისა და შუა აღმოსავლეთის ფოკუსით)", ნათქვამია ორგანიზაციის ვებგვერდზე. სრულად... წყარო: emc.org.ge

აჭარა. 150-ზე მეტმა ახალგაზრდამ მონაწილეობა მიიღო ახალგაზრდულ ფორუმში, რომელიც 2018 წლის 14 ოქტომბერს ბათუმში გაიმართა. ფორუმის მონაწილეებმა სოფლის განვითარებაში ახალგაზრდა მოქალაქეების როლზე იმსჯელეს. ღონისძიების მიზანი იყო ახალგაზრდებში ლიდერობის უნარების განვითარება, გადაწყვეტილების მიღების პროცესში მათი ჩართვა და ადგილობრივ თვითმმართველობასთან ეფექტიანი თანამშრომლობის ხელშეწყობა. ფორუმის ფარგლებში შეიქმნა კარგი სადისკუსიო სივრცე სოფლის განვითარების ყველაზე მწვავე საკითხებისა და მათი გადაჭრის გზების განსახილველად. ახალგაზრდებმა საკუთარი დამოკიდებულება გამოხატეს არსებული გამოწვევების მიმართ და ერთად განიხილეს დადებითი ცვლილებისათვის საჭირო ნაბიჯები. სრულად  წყარო: http://enpard.ge

თბილისი. საბჭოთა წარსულის კვლევის ლაბორატორიის მკვლევარის, ანა მარგველაშვილის სტატია „გერმანულის სკოლების კვალი, ნოიტიფლისის კოლონია 1918-1925" წიგნის „კალენდულა და ლურჯი ღილი, თბილისის გერმანული ბაღის ისტორია" მხოლოდ ერთი, მცირე ნაწილია. ჰაინრიჰ ბიოლის ფონდის სამხრეთ კავკასიის რეგიონალური ბიუროს ხელმძღვანელის, ნინო ლეჟავას მიერ გამოცემული წიგნი, საქართველოში, თბილისში გერმანელი კერძო ბაღების ე.წ. გერმანელი ტანტეების ისტორიას შეეხება და მის რეკონსტურქციას წარმოადგენს თანამედროვეთა მოგონებების და საარქივო მასალის ანალიზის გზით. სრულად... წყარო: german-georgian.archive.ge

თბილისი. გამოიცა ევროპის კულტურული მემკვიდრეობის წლის სახელმძღვანელო მასწავლებლებისთვის, რომელიც წარმოდგენილია ევროკავშირის 24 ოფიციალურ ენაზე. სახელმძღვანელოს მთავარ სამიზნე ჯგუფს წარმოადგენენ დაწყებითი და საშუალო სკოლის მოსწავლეები (10-15 წელი) და მასწავლებლები. სახელმძღვანელოს მთავარი შემადგენელი ნაწილი არის: • მასწავლებლების გზამკვლევი • ორი გაკვეთილის გეგმა • 16 პროექტის გეგმა • ონლაინ თამაშები სრულად... წყარო: შემოქმედებითი ევროპის ვებგვერდი სოციალურ ქსელში

თბილისი. საგანმანათლებლო-საკონსულტაციო ორგანიზაცია Edu-Guide.Ge 28 ოქტომბერს გამართავს „განათლების საერთაშორისო გამოფენას  – თბილისი 2018". ყველას ვინც დაინტერესებული ხართ საზღვარგარეთ სწავლით, სტიპენდიებით, ან სტაჟირების შესაძლებლობებით გეძლევათ უნიკალური შანსი პირისპირ გაესაუბროთ სხვადასხვა ქვეყნის კერძო და სახელმწიფო უნივერსიტეტების, საერთაშორისო ორგანიზაციების, საელჩოების და საგანმანათლებლო ორგანიზაციების წარმომადგენლებს და მიიღოთ ამომწურავი ინფორმაცია თქვენთვის საინტერესო კითხვებზე. სრულად... წყარო: ორგანიზაციის გვერდი სოციალურ ქსელში

თბილისი. 13 ოქტომბერს ფრონტლაინ ჯორჯიაში ექსპერტები ჟურნალისტებისთვის გამართავენ ღია მასტერკლასს მონაცემთა უსაფრთხოებისა შესახებ. გარდა ამისა მონაწილეები გაეცნობიან აღმოსავლეთ ევროპის საგამოძიებო ჟურნალისტური ერთ–ერთი ქსელის გამოცდილებას. სრულად... წყარო: ლიბერალი

სამეგრელო. 29 სექტემბერს, ასოციაცია „ათინათის” ახალგაზრდული ცენტრის წევრებმა ალექსანდრე გაბესკირიამ და ანა ცირდავამ ცენტრის ახალ წევრებს ჩაუტარეს ტრენინგი გუნდის შეკვრაზე. ღონისძიება ორგანიზებულია „ტოლერანტობის, სამოქალაქო ცნობიერებისა და ინტეგრაციის მხარდაჭერის პროგრამის" (PITA) ფარგლებში. პროგრამა დაფინანსებულია აშშ-ის საერთაშორისო განვითარების სააგენტოს (USAID) მიერ, მას საქართველოს გაეროს ასოციაცია (UNAG) ახორციელებს. სამეგრელოში პროექტს ასოციაცია „ათინათი” ახორციელებს. სრულად... წყარო: ორგანიზაციის ვებგვერდი სოციალურ ქსელში

„საერთაშორისო გამჭვირვალობა - საქართველოს" ორგანიზებით, 26-28 სექტემბერს, ზუგდიდში, ქუთაისსა და ბათუმში საკრებულოების თანამდებობის პირებისთვის და აპარატის თანამშრომლებისთვის ტრენინგები ჩატარდა. „ტრენინგები საკრებულოს ფრაქციების მუშაობას, პრაქტიკას და გამოწვევებს ეხებოდა. ზუგდიდში, ქუთაისსა და ბათუმში გამართულ ტრენინგებს სამეგრელო-ზემო სვანეთის, იმერეთისა და აჭარის ავტონომიური რესპუბლიკის 21 მუნიციპალიტეტის საკრებულოების 70 წარმომადგენელი დაესწრო", ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

თბილისი. საზოგადოება და ბანკების ეკონომიკური მედია სკოლის მსმენელებს ეროვნული ბანკის პრეზიდენტმა კობა გვენეტაძემ სერტიფიკატები გადასცა. „კობა გვენეტაძემ ჟურნალისტებთან ერთად მაკროეკონომიკური თემები მიმოიხილა. მან ჟურნალისტების შეკითხვებსაც უპასუხა. მედია სკოლის მსმენელებმა საკასო ცენტრი დაათვალიერეს და მის სამუშაო პროცესს გაეცნენ. ეკონომიკური მედია სკოლის ტრენინგი რეგიონში მომუშავე ჟურნალისტებისთვის ჩატარდა და მას ილიას სახელმწიფო უნივერსიტეტის ასოცირებული პროფესორი გიორგი პაპავა უძღვებოდა. სკოლას სხვა მოწვეული სტუმრებიც ჰყავდა. მედია სკოლის მიზანია ჟურნალისტების ფინანსური განათლების ამაღლება. მსმენელები ეკონომიკის საფუძვლებს სპეციალური კურსის მიხედვით სწავლობენ. სასწავლო კურსი 4 დღის განმავლობაში გრძელდებოდა და მასში საქართველოს თითქმის ყველა რეგიონის სხვადასხვა მედიასაშუალებიდან კონკურსის წესით შერჩეული 20 ჟურნალისტი მონაწილეობდა”, ნათქვამია ორგანიზაციის ვებგვერდზე. სრულად... წყარო: ორგანიზაციის ვებგვერდი სოციალურ ქსელში

სამცხე-ჯავახეთი. დემოკრატ მესხთა კავშირის ინიციატივით, რუსულ პროპაგანდაზე და ანტიდასავლურ კამპანიებზე სასაუბროდ, დემოკრატ მესხთა კავშირში, სცენარისტის, ქეთი დევდარიანის საჯარო ლექცია გაიმართა. პროგრამის მიზანია ხელი შეუწყოს თანასწორობისა და ადამიანის უფლებებისთვის თანამშრომლობას საქართველოსა და სამხრეთ კავკასიაში. სრულად... წყარო: ორგანიზაციის ვებგვერდი სოციალურ ქსელში