იმერეთი. 2018 წლის 16-18 ნოემბერს, ევროკავშირის მიერ მხარდაჭერილი საქართველოს ადგილობრივი განვითარების ჯგუფების ასოციაციის (GALAG) 15-მდე წევრი ადგილობრივი განვითარების სხვადასხვა ჯგუფებიდან, ქალაქ ქუთაისში, ადვოკატირება-ლობირების ტრენინგზე დასასწრებად შეიკრიბა. ტრენინგის მიზანი იყო ადვოკატირებასა და ლობირებაში GALAG-ის წევრების უნარების გაუმჯობესების ხელშეწყობა. ღონისძიებაზე განხილული იყო სხვადასხვა საკითხები: რა არის ადვოკატირება, ლობირება და რატომ არის ევროპული LEADER-ის მიდგომა მნიშვნელოვანი ადვოკატირება ლობირების საკითხებში, ლობირება და ადვოკატირების როლი რეგიონულ/სოფლის განვითარებაში, ადვოკატირების კამპანიის დაგეგმვა და მისი სტრატეგიები და ასევე სხვა მრავალი საინტერესო საკითხი, რაც დაეხმარება GALAG-ს მის მომავალ საქმიანობაში. სრულად  წყარო: http://enpard.ge

თბილისი. 12-16 ნოემბერს, გაეროს ასოციაციამ, USAID-ის #PITA-ას პროგრამის ფარგლებში 4-დღიანი „მულტიმედიის თემატური სკოლა" ჩაატარა. თემატურ სკოლაში, #PITA-ას პროგრამის ახალგაზრდული ცენტრების წევრებს (13 ქალაქიდან) შესაძლებლობა ჰქონდათ მიეღოთ ცოდნა და განევითარებინათ უნარები შემდეგი მიმართულებებით: ფოტოგრაფია, ვიდეოგრაფიკა, მონაცემთა ვიზუალიზაცია, სოციალური მედია, ამბის მოყოლა (story-telling), მედია წიგნიერება, ფაქტების გადამოწმება. სრულად... წყარო: ორგანიზაციის ვებგვერდი სოციალურ ქსელში

თბილისი. ჟურნალისტური ეთიკის ქარტია და გაეროს ბავშვთა ფონდი (UNICEF), 17-18 ნოემბერს, მართავენ სემინარს უფროსკლასელებისათვის - „მედიაწიგნიერება და კრიტიკული აზროვნება". ორდღიანი სემინარი იმართება თბილისში, განათლების მულტიმედია ცენტრში. (ალექსანდრე ჭავჭავაძის #10). პრაქტიკულ ტრენინგებში მონაწილეობას მიიღებენ XI და XII კლასების მოსწავლეები თბილისისა და რეგიონების სკოლებიდან. ორგანიზატორების განცხადებით, სემინარი დაეხმარება ახალგაზრდებს, აიმაღლონ ცოდნა მასობრივი კომუნიკაციისა და ახალი ტექნოლოგიების შესახებ, გააძლიერებს მათ უნარს, კრიტიკულად გაანალიზონ, რა კავშირი არსებობს მედიას, აუდიტორიასა და ინფორმაციას შორის. სრულად  წყარო: http://qartia.ge

შიდა ქართლი. 12 ნოემბერს „კეთილდღეობის და განვითარების ცენტრთან" არსებული სამოქალაქო აქტივიზმის ცენტრის ლიდერმა ლუკა ზედაშიძემ ჩაატარა თანატოლგანმანათლებელთა ტრენინგი. „მისი მიზანი იყო თვითპრეზენტაციის უნარის გაღრმავება და კარიერული წინსვლა. სემინარზე, მონაწილეებს საშუალება ჰქონდათ უკეთ გაეცნოთ საკუთარი თავი და ჩაეტარებინათ საკუთარი შესაძლებლობების S.W.O.T ანალიზი", ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

თბილისი. 8-9 ნოემბერს, თბილისში, სამოქალაქო საზოგადოების ინსტიტუტმა (CSI), ჩაატარა ტრენერთა ტრენინგი თემაზე, „სისტემური ცვლილება და მონაწილეობა “, რომელშიც მონაწილეობას იღებდნენ რეგიონული ჰაბების წარმომადგენლები. ტრენინგის მონაწილეებმა გაიღრმავეს ცოდნა სისტემური ცვლილებისა და მონაწილეობითი მიდგომების შესახებ, ისინი ასევე გაეცნენ მონაწილეობით ინსტრუმენტებს და გაიუმჯობესეს ფასილიტაციის უნარ-ჩვევები. რეგიონულ ჰაბებს გადაეცემათ აღნიშნული ტრენინგ-მოდულის სრული პაკეტი, რაც მათ შესაძლებლობას მისცემს, თავად დაგეგმონ და ჩაატარონ ტრენინგები მოცემულ საკითხებზე, საკუთარ თემში.  ტრენერთა ტრენინგი ჩატარდა პროექტ ,,სამოქალაქო საზოგადოების განვითარების ინიციატივის“ ფარგლებში, რომელიც ხორციელდება კონრად ადენაუერის ფონდის (KAS) მიერ სამოქალაქო საზოგადოების ინსტიტუტთან (CSI), საქართველოს სტრატეგიული კვლევებისა და განვითარების ცენტრთან (CSRDG), კონსულტაციისა და ტრენინგის ცენტრთან (CTC) და განათლების განვითარების და დასაქმების ცენტრთან (EDEC) თანამშრომლობით. პროექტი დაფინანსებულია ევროკავშირის და გერმანიის ეკონომიკური თანამშრომლობისა და განვითარების ფედერალური სამინისტროს მიერ.

ქვემო ქართლი. 12 ნოემბერს, დმანისის ახალგაზრდულ ცენტრში ტოლერანტობის თვესთან დაკავშირებით ჩატარდა თანატოლთა ტრენინგ-სემინარი. „შეხვედრა წარმოდგენილი იყო ორ ნაწილად: პირველი - ლექცია და დისკუსია ტოლერანტობის დადებით მხარეებზე, მის ისტორიაზე, ევროკავშირისა და აშშ-ს გამოცდილებაზე, ხოლო მეორე - ჯგუფური მუშაობა, რომლის ფარგლებში მონაწილეებმა პრეზენტაციის სახით ისაუბრეს ტოლერანტული საზოგადოების ჩამოყალიბების ალტერნატიულ გზებზე”, ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

18 ნოემბერს, 10:00 საათზე, საერთაშორისო ორგანიზაცია IE-ის ღონისძიება „Insider Day Tbilisi" Rooms Hotel-ში გაიმართება, სადაც პარტნიორობის ფარგლებში წარმოდგენილი იქნება AIESEC-ის პროფესიული ანაზღაურებადი გაცვლითი პროგრამები. „IE Insider Day Tbilisi" ახალგაზრდებს საშუალებას აძლევს, რომ მიიღონ დეტალური ინფორმაცია საზღვარგარეთ სწავლის შესაძლებლობაზე, ვისაც სურს სამაგისტრო, MBA ან EMBA-ის ხარისხის გაუმჯობესება მსოფლიოში წამყვან უნივერსიტეტებსა და ბიზნეს სკოლებში ან კიდევ ვინც დაინტერესებულია აისეკის პროფესიული ანაზღაურებადი გაცვლითი პროგრამებით მსოფლიოს 120-ზე მეტ ქვეყანაში," ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

სამეგრელო. ასოციაცია „ათინათის" ოფისში ჩატარდა ხუთდღიანი ტრენინგი თანატოლგანმანათლებლებისათვის. ტრენინგი მოიცავდა შემდეგ თემებს: ლიდერობა და გუნდური მუშაობა, გენდერული თანასწორობა და რეპროდუქციული ჯანმრთელობა, ეფექტური კომუნიკაცია და ადვოკატირება. სრულად... წყარო: ორგანიზაციის ვებგვერდი სოციალურ ქსელში

აჭარა. 9 ნოემბერს, ორგანიზაციის მოხალისეებმა, ლაშა შაინიძემ და ჯიმი გორგილაძემ ხელვაჩაურის ახალგაზრდული ცენტრის წევრებისთვის თანატოლგანმანათლებელთა ტრენინგი ჩაატარეს თემაზე: მრავალფეროვნების სახეები. „მრავალფეროვნება არსებობს მაშინ, როდესაც მთელი საზოგადოება და თემი, ყველა უმცირესობათა ჯგუფი სამართლიანად მონაწილეობს ყველა იმ გადაწყვეტილების მიღებაში, რომელიც ეხება ამ საზოგადოებისთვის მნიშვნელოვან საკითხებს. შეხვედრაზე მონაწილეებმა ისაუბრეს რელიგიურ, ეთნიკურ და ეროვნულ მრავალფეროვნებაზე, ასევე რატომ არის მნიშვნელოვანი ერთმანეთის პატივისცემა, ურთიერთგაგება და მშვიდობიანი თანაცხოვრება", ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

სამეგრელო. 8 ნოემბერს, ზუგდიდის ახალგაზრდულ ცენტრში ჩატარდა თანატოლთა განათლების ტრენინგი ჩატარდა კარიერულ წინსვლაზე ორიენტირებული სესიების ციკლიდან. „შეხვედრა მოიცავდა შემდეგ თემებს: CV-ს შევსების სტრატეგიები და რეკომენდაციები, სამოტივაციო წერილის შედგენის სტრუქტურა, და თვითპრეზენტაცია. შეხვედრის დასასრულს გაიმართა როლური თამაში, იმიტირებული გასაუბრება, სადაც ახალგაზრდებმა მოირგეს, როგორც ვაკანტური პირის, ასევე დამსაქმებლის ამპლუა," ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

შიდა ქართლი. გორის სახელმწიფო სასწავლო უნივერსიტეტში „კონსტიტუციის 42-ე მუხლი"-ს იურისტებმა ჩაატარეს სემინარი სამუშაო ადგილზე შევიწროების/სექსუალური შევიწროების თემაზე. „სემინარზე სტუდენტებს გააცნეს სამუშაო ადგილზე შევიწროების დეფინიცია; საერთაშორისო თუ საქართველოში ჩატარებული კვლევების მიგნებები შევიწროების/სექსუალური შევიწროების შესახებ. სემინარზე განიხილეს ქართულ კანონმდებლობაში არსებული ხარვეზები, რაც სამუშაო ადგილზე შევიწროების/სექსუალური შევიწროების წინააღმდეგ ეფექტურად ბრძოლას ართულებს. სემინარის დასკვნითი ნაწილი დაეთმო სასმართლო გამოცდილებისა და კონკრეტული სიტუაციური მაგალითების განხილვას დისკუსიის რეჟიმში", ნათქვამია კონსტიტუციის 42-ე მუხლის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

გურია. ახალგაზრდა პედაგოგთა კავშირის წარმომადგენლების მიერ, ორგანიზაციის 4 პარტნიორი სკოლის - სოფ. შრომის, სოფ. ლაითურის, სოფ. ნასაკირალისა და სოფ. ხაჯალიას მოსწავლეთა მშობლებს ჩაუტარდათ ცნობიერების ამაღლებისკენ მიმართული ტრენინგი თემაზე - „მრავალფეროვნების მართვა."  „აღნიშნული თემა, დაეხმარება მიზნობრივ ჯგუფს, სწორად განსაზღვროს საზოგადოების მრავალფეროვანი ჯგუფების სპეციფიკური თავისებურებები, ასევე გაუჩნდეთ შესაბამისი დამოკიდებულებები მათი მიმღებლობის მიმართ", ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

სამეგრელო. ახალსოფლის საჯარო სკოლაში, ახალგაზრდა თანატოლგანმანათლებლებმა ჩაატარეს ტრენინგი გენდერული თანასწორობისა და რეპროდუქციული ჯანმრთელობის თემაზე. ტრენინგი ჩატარდა UNFPA Georgia საქართველოს ოფისის მხარდაჭერით, გაეროს ერთობლივი პროგრამის „გენდერული თანასწორობისთვის" ფარგლებში, რომელიც შვედეთის მთავრობის ფინანსური ხელშეწყობით ხორციელდება. სამეგრელოს რეგიონში პროგრამის პარტნიორია ასოციაცია „ათინათი". სრულად... წყარო: „ათინათის" ვებგვერდი სოციალურ ქსელში

გურია. 2-4 ნოემბერს „ახალგაზრდა პედაგოგთა კავშირის" ოფისში ჩატარდა ტრენინგი თემაზე: რთული ქცევის მართვის სტრატეგიები.  „ტრენინგს ესწრებოდნენ „ახალგაზრდა პედაგოგთა კავშირის" პარტნიორი საბავშვო ბაღების მასწავლებლები და ფსიქოლოგები (დაბა ლაითურის #1 და #2 , დაბა ნასაკირალის, შრომის და ლანჩხუთის მუნიციპალიტეტის სოფელ ნიგვზიანის საბავშვო ბაღები). განხილული იყო ბავშვის საჭიროებები, აღზრდის სტილი, მოტორული და კოგნიტური განვითარების საკითხები, ასევე ბავშვის ფსიქოსოციალური და მორალური განვითარება", ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

სამეგრელო. ზუგდიდში, აფხაზეთის N11 საჯარო სკოლაში გაიმართა გენდერული თანასწორობის თემაზე ტრენინგების ციკლის პირველი ეტაპის ბოლო შეხვედრა. „ტრენინგისა და სამუშაო შეხვედრების მომდევნო ეტაპები (მეორე და მესამე ეტაპი) დაგეგმილია მიმდინარე წლის ნოემბერსა და დეკემბერში, პროექტის ექვს პარტნიორ სკოლაში, შემდეგ სამიზნე ჯგუფებთან - მოსწავლეები, სკოლის ადმინისტრაცია, მასწავლებლები და მშობლები. ტრენინგი ხორციელდება პროექტის „სოციალური მუშაკები გენდერული თანასწორობისთვის სკოლებში" ფარგლებში, კანადის საელჩოს ადგილობრივი ინიციატივების ფონდის (СFLI) მხარდაჭერით", ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

თბილისი. 2 ნოემბერს, „ახალმა ეკონომიკურმა სკოლამ - საქართველომ” გამართა ელექტრონული სახელმძღვანელოს პრეზენტაცია - „ეკონომიკის გაკვეთილები.” „სახელმძღვანელო მორგებულია ქართულ სინამდვილესთან, სრულად აკმაყოფილებს საქართველოს შესაბამის სახელმწიფო სტანდარტებს და მისი გამოყენება შესაძლებელია საგნებში: „სახელმწიფო და ეკონომიკა", როგორც ძირითადი სახელმძღვანელო, აგრეთვე „სამოქალაქო განათლება" და „მეწარმეობის საფუძვლები", როგორც დამხმარე სახელმძღვანელო”, ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

თბილისი. მაკ ჯორჯიას ბოლო ელექტრონული გაკვეთილის საშუალებით, ნინო ჭუმბურიძე გვაწვდის სხვადასხვა პრაქტიკულ რეკომენდაციას და გვესაუბრება მარტივ სტრატეგიებზე, რაც ხელს შეუწყობს დამოუკიდებლად კვებას ბავშვებში, რომელთაც აქვთ სირთულეები კვების დროს. სრულად... წყარო: ორგანიზაციის ვებგვერდი სოციალურ ქსელში

იმერეთი. ქუთაისის ახალგაზრდული ცენტრის წევრებმა, გურამ ვაშაყმაძემ და თამუნა ქიმაძემ ახალგაზრდული ცენტრის წევრებისთვის, ჩაატარეს ტრენინგი თემაზე „ევროკავშირი და საქართველო". „მისი მიზანი იყო ევროპული ფასეულობების და დასავლური ღირებულებების, საქართველოს ევროპული არჩევანის შესახებ ახალგაზრდების ცნობიერების ამაღლება. მონაწილეებმა მიიღეს დეტალური ინფორმაცია ნატოსა და ევროკავშირის, საქართველოს ევროპული და ევროატლანტიკური ინტეგრაციის, ასევე იმ შესაძლებლობებისა და სარგებლის შესახებ, რაც ევროინტეგრაციის პროცესს ქვეყნისთვის მოაქვს", ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

იმერეთი. 1 ნოემბერს, ქუთაისში დაიწყო 3 დღიანი ტრენინგი თემაზე „ჰაუსმასტერი - აუცილებელი უნარები და პასუხისმგებლობები", რომელსაც გერმანელი სპეციალისტები უძღვებიან.  „ტრენინგის თემატიკა მთლიანად ემყარება გერმანიაში დამკვიდრებული „ჰაუსმასტერის" წარმატებული გამოცდილების გაზიარებას იმერეთის რეგიონში. ტრენინგებს დევნილთა დასახლებებში მცხოვრები ახალგაზრდები ესწრებიან, რომლებსაც სურვილი აქვთ მონაწილეობა მიიღონ თავიანთი საცხოვრისების განვითარებაში", ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

აჭარა. 30 ოქტომბერს, ბათუმის შოთა რუსთაველის სახელმწიფო უნივერსიტეტში აისეკის (AIESEC) საინფორმაციო შეხვედრა გაიმართა. ორგანიზაციის წარმომადგენლებმა გაცვლითი პროგრამების შესახებ სტუდენტებს დეტალური ინფორმაცია მიაწოდეს, ასევე ღონისძიებაზე განიხილეს აისეკ საქართველოს საქმიანობა და ახალგაზრდებს სხვადასხვა აქტივობები და დაგეგმილი ღონისძიებები გააცნეს. სრულად... წყარო: ორგანიზაციის ვებგვერდი სოციალურ ქსელში

თბილისი. „საზოგადოება და ბანკების" ეკონომიკურ მედია სკოლაში სწავლა დაიწყო. მეათე ნაკადს ტრენინგებს საქართველოს ეროვნული ბანკის პრეზიდენტის მრჩეველი გიორგი ბაქრაძე ჩაუტარებს. სკოლას მოწვეული სტუმრებიც ეყოლება. „მედია სკოლის მიზანია ჟურნალისტების ფინანსური განათლების ამაღლება. მსმენელები ეკონომიკის საფუძვლებს სპეციალური კურსის მიხედვით შეისწავლიან. სასწავლო კურსი, რომელიც 2 თვის განმავლობაში გაგრძელდება, უფასოა და მისი დასრულების შემდეგ წარმატებულ კურსდამთავრებულებს სერტიფიკატები გადაეცემათ", ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

სამეგრელო. ზუგდიდის მუნიციპალიტეტის სოფელ კახათის ადმინისტრაციული შენობაში გაიმართა ტრენინგი თემაზე: ქალთა უფლებები. ტრენინგზე განიხილეს შემდეგი საკითხები: საერთაშორისო დოკუმენტები და ადგილობრივი კანონმდებლობა; - CEDAW გაეროს კონვენცია ქალთა მიმართ დისკრიმინაციის ყველა ფორმის აღმოფხვრის შესახებ - საქართველოს კანონმდებლობა მიმოხილვა ქალთა უფლებების კონტექსტში - ოჯახში ძალადობის კანონში ცვლილებების შესახებ - ვის მივმართოთ დასახმარებლად? სრულად... წყარო: ორგანიზაციის ვებგვერდი სოციალურ ქსელში