22-ე საგანმანათლებლო-შემეცნებითი სემინარი „ნატო-არჩევანი მშვიდობიანი და სტაბილური განვითარებისთვის" პედაგოგებისთვის დასრულდა. სემინარის მეორე დღეს მონაწილეებს ნატოსა და ევროკავშირის შესახებ საინფორმაციო ცენტრმა უმასპინძლა. „ორდღიან სემინარს ეთნიკური უმცირესობის წარმომადგენელი პედაგოგები ნინოწმინდისა და ახალქალაქის მუნიციპალიტეტებიდან, ასევე თბილისიდან ესწრებოდნენ. ისინი გაეცნენ ნატო-საქართველოს თანამშრომლობასა და მის მნიშვნელობას საქართველოს განვითარებისთვის, მიმდინარე პროცესებს, საქართველოს მონაწილეობას საერთაშორისო სამშვიდობო მისიებში, საინფორმაციო ომის თავისებურებებს, მითებსა და რეალობას საქართველოს ევროატლანტიკური ინტეგრაციის შესახებ, გაიგეს, თუ როგორ უნდა გაარჩიონ სწორი და არასწორი ინფორმაცია თანამედროვე საინფორმაციო სივრცეში”, ნათქვამია ორგანიზაცის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

26 სექტემბერს, ლიდერობის აკადემია გაიხსნა. პირველ დღეს აკადემიის თემები იყო „გენდერის სოციოლოგია", „გენდერული თანასწორობა პრაქტიკაში" და „გენდერული დისკრიმინაცია სამუშაო ადგილას". სრულად... წყარო: ორგანიზაციის ვებგვერდი სოციალურ ქსელში

აჭარა. 21 სექტემბერს „თავისუფალ ჟურნალისტთა სახლის" ინიციატივით შუახევის მუნიციპალიტეტის სხვადასხვა სოფლის ახალგაზრდებთან ევროინტეგრაციის თემაზე შეხვედრა გაიმართა. „მონაწილეებმა მიიღეს ინფორმაცია საქართველო-ევროკავშირს შორის გაფორმებული ასოცირების ხელშეკრულების მნიშვნელობაზე, მისი შესრულების პროცესზე, კონკრეტულად კი სოფლის მეურნეობისა და გარემოს დაცვის მიმართულებით არსებულ სიახლეებზე. ახალგაზრდებმა ასევე იხილეს საინფორმაციო ვიდეო-რგოლები, რაც ასოცირების ხელშეკრულების შედეგად მიღებულ სარგებელს ასახავს", ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

თბილისი. ამერიკული ორგანიზაცია PH International-ი და „საზოგადოება „ბილიკი" ამერიკის შეერთებული შტატების სახელმწიფო დეპარტამენტის დაფინანსებით იწყებს „ინგლისური ენის შესწავლის ხელმისაწვდომობის სასტიპენდიო პროგრამას" (English Access Microscholarship Program). „პროგრამა მიზნად ისახავს ხელმისაწვდომი გახადოს ინგლისური ენის შესწავლა მოზარდებისთვის სოციალურად დაუცველი და ეკონომიკურად შეჭირვებული ოჯახებიდან. გარდა იმისა, რომ ბავშვები შეისწავლიან ინგლისურ ენას, ისინი, ასევე ეზიარებიან ამერიკულ კულტურასა და წეს-ჩვეულებებს და განავითარებენ ლიდერის თვისებებს", ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

22 სექტემბერს პროექტის „ერთობლივი ძალისხმევა ქალთა ეკონომიკური გაძლიერებისთვის" ფარგლებში ჩატარდა ტრენინგი თემაზე: ქალთა უფლებები. ტრენინგის 16 მონაწილე ლანჩხუთიდან და ს. ლაითურიდან ჩამოვიდა. ტრენინგზე მონაწილეებმა მიიღეს ინფორმაცია CEDAW გაეროს კონვენციის შესახებ, ქალთა უფლებების კონტექსტში საქართველოს კანონმდებლობაზე. მისი მეორე ნაწილი ეხებოდა ოჯახში ძალადობას, ადრეული ქორწინებას, კიბერ ძალადობას (ბულინგი/ადევნება/სექსუალური შევიწროვება), გენდერული თანასწორობას. სრულად... წყარო: ორგანიზაციის ვებგვერდი სოციალურ ქსელში

თბილისი. საქართველოს დემოკრატიული ინიციატივა გთავაზობთ სოფო გელავას და დალი ქურდაძის საჯარო ლექციას თემაზე „პროპაგანდა და ყალბი ინფორმაცია", რომელიც გაიმართა პროექტის „თავისუფლების სკოლა - Liberty School" ფარგლებში. პროქტი განხორციელდა „საქართველოს დემოკრატიული ინიციატივის" ეგიდით, საქართველოს გაეროს ასოციაციისა და აშშ-ს საერთაშორისო განვითარების სააგენტოს ფინანსური მხარდაჭერით. სრულად... წყარო: ორგანიზაციის ვებგვერდი სოციალურ ქსელში

სამცხე-ჯავახეთი. დემოკრატიული ჩართულობის მხარდაჭერის პროგრამის ფარგლებში, დემოკრატ მესხთა კავშირში ტრენინგი ჩატარდა თემაზე: პროექტის წერა და მართვა. „პროგრამის მიზანია ხელი შეუწყოს თანასწორობისა და ადამიანის უფლებებისთვის თანამშრომლობას საქართველოსა და სამხრეთ კავკასიაში", ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

იმერეთი. 17–18 ივლისს, ქუთაისში, სამოქალაქო საზოგადოების ინსტიტუტმა (CSI), ადგილობრივ, რეგიონულ ჰაბთან თანამშრომლობით, ჩაატარა ტრენინგი: „სისტემური ცვლილება და მონაწილეობითი ფასილიტაცია“. მასში მონაწილეობას იღებდნენ საზოგადოებრივი ორგანიზაციების, თვითმმართველობის, მედიის წარმომადგენლები, სათემო ლიდერები და აქტიური მოქალაქეები. მონაწილეები გაეცნენ სისტემური ცვლილებების არსს და შედეგზე ორიენტირებული მიდგომის საბაზისო პრინციპებს, რაც ხელს შეუწყობს განვითარების აქტორებს, ეფექტურად განახორციელონ პოზიტიური ცვლილებები საკუთარ თემში. ტრენინგი გაიმართა პროექტის ,,სამოქალაქო საზოგადოების განვითარების ინიციატივის“ ფარგლებში, რომელიც ხორციელდება კონრად ადენაუერის ფონდის (KAS) მიერ სამოქალაქო საზოგადოების ინსტიტუტთან (CSI), საქართველოს სტრატეგიული კვლევებისა და განვითარების ცენტრთან (CSRDG), კონსულტაციისა და ტრენინგის ცენტრთან (CTC) და განათლების განვითარების და დასაქმების ცენტრთან (EDEC) თანამშრომლობით. პროექტი დაფინანსებულია ევროკავშირის და გერმანიის ეკონომიკური თანამშრომლობისა და განვითარების ფედერალური სამინისტროს მიერ.

თბილისი. ასოციაცია „ჰერა XXI"-ის ორგანიზებით, სოციალური მუშაკებისთვის ტრენინგი ჩატარდა. ღონისძიებას ესწრებოდა 20-ზე მეტი პრაქტიკოსი სოციალური მუშაკი, რომლებიც სოციალური მომსახურების სააგენტოსთან თანამშრომლობით შეირჩნენ. ტრენინგის თემატიკა იყო: რეპროდუქციული ჯანმრთელობა და მისი ელემენტები, რეპროდუქციული უფლებები, მოზარდობა და მისი შემდგომი ეტაპები, სგგი და მათი პრევენცია, ოჯახის დაგეგმვის თანამედროვე მეთოდები, ჯანდაცვის სერვისებზე ხელმისაწვდომობა, ეფექტური კომუნიკაცია და სხვა. სრულად  წყარო: ორგანიზაციის გვერდი სოციალურ ქსელში

თბილისი. „საზოგადოებრივი დამცველი" აგრძელებს პროექტს - „ინფორმირებული ამომრჩევლები დემოკრატიული არჩევნებისთვის”. პროექტი მიზნად ისახავს, 2018 წლის საქართველოს პრეზიდენტის არჩევნებისთვის, თბილისის დიდუბე-ჩუღურეთის, გლდანი-ნაძალადევისა, ისანი-სამგორის რაიონების ამომრჩევლები იღებენ ინფორმაციას არჩევნების გზით ქვეყნის მართვის პროცესში მოქალაქეთა მონაწილეობის მნიშვნელობისა და საარჩევნო უფლებების რეალიზების საკანონმდებლო მექანიზმების შესახებ. სრულად  წყარო: ორგანიზაციის გვერდი სოციალურ ქსელში

თბილისი. "საერთაშორისო გამჭვირვალობა - საქართველომ" (TI) საზოგადოებას წარუდგინა პოლიტიკის დოკუმენტი, სასკოლო განათლების კუთხით ქვეყანაში არსებული მდგომარეობის შესახებ. „2018 წელს, 2011 წელთან შედარებით, საქართველოში ზოგადი (სასკოლო) განათლების დაფინანსება თითქმის ორჯერ არის გაზრდილი. მიუხედავად ამისა, სასკოლო განათლების ხარისხი ისევ კრიტიკულად დაბალ დონეზე რჩება, რასაც საერთაშორისო კვლევები და ოფიციალური სტატისტიკაც ადასტურებს", - აღნიშნულია დოკუმენტში. სრულად  წყარო: ორგანიზაციის ვებვეგრდი

თბილისი. ორმოცდაათამდე ქარველმა და ევროპელმა ახალგაზრდამ მონაწილეობა მიიღო თეთრიწყაროს მუნიციპალიტეტში გამართულ ახალგაზრდულ ღონისძიებაში. ღონისძიება ევროკავშირის სოფლისა და სოფლის მეურნეობის განვითარების ევროპის სამეზობლო პროგრამის (ENPARD) პროექტის „სოფლის მდგრადი განვითარება თეთრიწყაროს მუნიციპალიტეტში" ფარგლებში შედგა. ღონისძიება მიზნად ისახავდა თეთრიწყაროს ახალგზრდებისთვის ევროპული ღირებულებებისა და კულტურის გაცნობასა და ინფორმაციის მიწოდებას იმ შესაძლებლობების შესახებ, რასაც მათ ევროკავშირი სთავაზობს როგორც ERASMUS-ის, ისე RDFG-ის მიერ განხორციელებული ENPARD-ის პროექტის ფარგლებში. სრულად  წყარო: http://enpard.ge

თბილისი. 12 სექტემბერს, „ილია ჭავჭავაძის საქველმოქმედო ფონდი" ილია ჭავჭავაძის მკვლელობასთან დაკავშირებულ ღონისძიებებს გამართავს. „დღე, როცა ვერ მოკლეს ილია" - ასე ეწოდება პროექტს, რომელსაც ორგანიზაცია მეხუთე წელია მართავს. პროექტის ფარგლებში დაგეგმილი ღონისძიებები 12 სექტემბერს 13 საათიდან დაიწყება და თითქმის მთელი დღის განმავლობაში გაგრძელდება. თბილისის მასშტაბით დაგეგმილ არაერთ საჯარო, სახელოვნებო, შემეცნებით და სოციალურ აქტივობაზე დასწრება ნებისმიერ მსურველს შეეძლება. სრულად წყარო: ორგანიზაციის გვერდი სოციალურ ქსელში

თბილისი. პოპულარული გაცვლითი პროგრამა FLEX შესარჩევ ეტაპს იწყებს. საქართველოს სკოლების მე-9, მე-10, ან მე-11 კლასის მოსწავლეეებს, ვისაც აშშ-ში ერთი წლით სასწავლებლად წასვლა სურთ, გაცვლით პროგრამაში მონაწილეობის შესაძლებლობა ეძლევათ. სრულად  წყარო: https://www.facebook.com/tbilisi.usembassy

თბილისი. საგზაო უსაფრთხოების თემაზე საზოგადოებაში ცნობიერების ამაღლების კამპანიის - „სუფთა ჰაერი, უსაფრთხო მოძრაობა!" შესახებ, რეგიონული სამოქალაქო საზოგადოების ორგანიზაციების წარმომადგენლებისთვის, ტრენერთა ტრენინგი გაიმართა. ტრენინგის მონაწილეებმა მიიღეს ინფორმაცია საგზაო უსაფრთხოებასთან დაკავშირებულ ისეთ საკითხებზე, როგორიცაა: ინფრასტრუქტურის, ტრანსპორტის და ადამიანი როლი ავტოავარიების ზრდასა თუ შემცირებაში, ნასვამობა საჭესთან, სიჩქარის გადაჭარბება, ავტომობილის დაუდევარი/უყურადღებო/გადაღლილი მართვა, ღვედებისა და სამგზავრო საბავშვო სავარძლების მნიშვნელობა მგზავრობისას, ფეხით მოსიარულეთა უსაფრთხოება. სრულად  წყარო: ორგანიზაციის გვერდი სოციალურ ქსელში

საქართველო. „საერთაშორიშოსო გამჭვირვალობა - საქართველოს" ორგანიზებით, ქუთაისში, ზუგდიდსა და ბათუმში საზოგადოებრივი და მედიაორგანიზაციებისთვის ტრენინგი გაიმართა. ტრენინგი ეხებოდა წინასაარჩენო პერიოდში ადმინისტრაციული რესურსის გამოყენების საფრთხეებსა და ამ მიმართულებით არსებული კანონმდებლობისა და პრაქტიკის მიმოხილვას. ტრენინგში მონაწილეობა მიიღო სამ რეგიონში მოქმედი 25 არასამთავრობო და მედია ორგანიზაციის 35-მა წარმომადგენელმა. შეხვედრები შვედეთის საერთაშორისო განვითარების სააგენტოს მხარდაჭერით გაიმართა. სრულად  წყარო: ორგანიზაციის გვერდი სოციალურ ქსელში

სამცხე-ჯავახეთი. მცირე გრანტის ფარგლებში, ახალქალაქის მუნიციპალიტეტის სოფლებში, მაჯადიასა და კორხში გაიმართა ტრენინგი თემაზე "ძალადობა ოჯახში". ღონისძიება დაიგეგმა ტოლერანტობის სამოქალაქო ცნობიერებისა და ინტეგრაციის, მხარდაჭერის პროგრამა PITA-ს ფარგლებში, რომელსაც ახორციელებს საქართველოს გაეროს ასოციაცია, აშშ-ს საერთაშორისო განვითარების სააგენტოს (USAID) ფინანსური მხარდაჭერით. სრულად  წყარო: ორგანიზაციის გვერდი სოციალურ ქსელში

კახეთი. პანკისისთვის დამახასიათებელი სამზარეულო, სამოსი, ფოლკლორი და ენა - პანკისელი მოსწავლეები ხეობას, მის ტრადიციებსა და თავისებურებებს თანატოლებს გააცნობენ. პროექტი, სახელწოდებით „გაიცანი პანკისი", რომელსაც „დემოკრატიის ლაბორატორია" საქართველოში სლოვაკეთის საელჩოს მხარდაჭერით ახორციელებს, ხეობის შესახებ არსებული სტერეოტიპების გაბათილებასა და პანკისელი ახალგაზრდების გააქტიურებას ისახავს მიზნად. სრულად  წყარო: ორგანიზაციის გვერდი სოციალურ ქსელში

კახეთი. ევროკავშირის პროექტის - „ეფექტიანობისა და განვითარების ქსელი" (N4ED) - ფარგლებში, საქართველოს ადგილობრივ თვითმმართველობათა ეროვნული ასოციაციამ, კაჭრეთში, ტრენერთა ტრენინგი გამართა. ევროკავშირის ექსპერტებმა ღონისძიებაზე ევროკავშირში ადგილობრივი და რეგიონული, თემზე დაფუძნებული განვითარების პოლიტიკაზე ისაუბრეს და ქართულ მხარეს საკუთარი გამოცდილება გაუზიარეს. შეხვედრის მონაწილეებმა პროექტის - „ეფექტიანობისა და განვითარების ქსელი" - მნიშვნელობას გაუსვეს ხაზი, მისი კომპონენტები განიხილეს და იმსჯელეს საქართველოში რეგიონული განვითარების პოლიტიკის, მუნიციპალიტეტების როლის, ასევე, იმ მეთოდოლოგიის დანერგვის გზების თაობაზე, რომელიც ხელს შეუწყობს თემის განვითარების პროცესს. სრულად  წყარო: ორგანიზაციის გვერდი სოციალურ ქსელში

სამცხე-ჯავახეთი. ტოლერანტობის სამოქალაქო ცნობიერებისა და ინტეგრაციის მხარდაჭერის პროგრამა PITA-ში ჩართულმა ახალგაზრდებმა მონაწილეობა მიიღეს, ბორჯომ-ხარაგაულის ეროვნული პარკის მიერ ორგანიზებულ პროექტში - „კავშირი ბუნებასთან". პროექტის ფარგლებში, ახალგაზრდები შეხვდნენ დაცული ტერიტორიების სხვადასხვა ტერიტორიული ადმინისტრაციის თანამშრომლებს და მონაწილეობა მიიღეს თემატურ გარემოსდაცვით აქტივობებში. სრულად  წყარო: ორგანიზაციის გვერდი სოციალურ ქსელში

თბილისი. მედიის განვითარების ფონდი რეგიონული აქტივისტებისთვის მედიაწიგნიერების ახალ ორწლიან პროექტს იწყებს. UN Association of Georgia - UNAG-ის ახალგაზრდულ ცენტრებთან და სხვა რეგიონულ ორგანიზაციებთან პარტნიორობით, საქართველოს 17 ქალაქში სხვადასხვა ღონისძიება და კვლევა ჩატარდება. რეგიონულ აქტივისტებს MDF-ის ექსპერტებთან ერთად გამოცდილებას უცხოელი პარტნიორებიც გაუზიარებენ. სრულად  წყარო: ორგანიზაციის გვერდი სოციალურ ქსელში

შიდა ქართლი. გორის სამოქალაქო აქტივიზმის ცენტრის მოხალისემ, ლუკა ზედაშიძემ პროფესიულ კოლეჯ „განთიადის" სტუდენტებისათვის ჩაატარა ტრენინგი - „საჯარო საუბარი და პრეზენტაციის უნარები". თეორიული კურსის გავლის შემდეგ, ტრენინგის მონაწილეებს მიღებული ცოდნის პრაქტიკაში გამოყენების შესაძლებლობა მიეცათ. ახალგაზრდებმა მიიღეს სხვადასხვა რჩევები, გააანალიზეს შეცდომები, რასაც გამომსვლელები უშვებენ. სრულად  წყარო: ორგანიზაციის გვერდი სოციალურ ქსელში