კახეთი. 19 ივლისს, პარტნიორობა ადამიანის უფლებებისთვის (PHR) იურისტებმა ქეთევან კოპალიანმა და სოფიკო მენაბდიშვილმა საგარეჯოში ქმედუნარიანობის რეფორმის შესახებ მხარდამჭერებთან ტრენინგი ჩაატარეს. შეხვედრა შეზღუდული შესაძლებლობის მქონე პირთა სათემო ორგანიზაციაში – "Life” გაიმართა. „ტრენინგის განმავლობაში ორგანიზაციის იურისტებმა ქმედუნარიანობის რეფორმის ფარგლებში არსებულ სხვადასხვა მნიშვნელოვან საკითხზე ისაუბრეს. ტრენინგზე ყურადღება გაამახვილეს იმ განსხვავებებზე, რაც მეურვეობის კანონმდებლობისა და პრაქტიკას, მეორე მხრივ კი, ქმედუნარიანობის რეფორმით გათვალისწინებულ ცვლილებებს შორის არსებობს", ნათქვამია ორგანიზაციის ვებგვერდზე. სრულად... წყარო: phrgeorgia.wordpress.com

თბილისი. სამოქალაქო საზოგადოების ინსტიტუტმა (CSI), ჩაატარა ტრენინგი: „სისტემური ცვლილება და მონაწილეობითი ფასილიტაცია“. მასში მონაწილეობას იღებდნენ საზოგადოებრივი ორგანიზაციების წარმომადგენლები, სათემო ლიდერები და აქტიური მოქალაქეები. მონაწილეები გაეცნენ სისტემური ცვლილებების არსს და შედეგზე ორიენტირებული მიდგომის საბაზისო პრინციპებს, რაც ხელს შეუწყობს განვითარების აქტორებს, ეფექტურად განახორციელონ პოზიტიური ცვლილებები საკუთარ თემში. ტრენინგი გაიმართა პროექტის ,,სამოქალაქო საზოგადოების განვითარების ინიციატივის“ ფარგლებში, რომელიც ხორციელდება კონრად ადენაუერის ფონდის (KAS) მიერ სამოქალაქო საზოგადოების ინსტიტუტთან (CSI), საქართველოს სტრატეგიული კვლევებისა და განვითარების ცენტრთან (CSRDG), კონსულტაციისა და ტრენინგის ცენტრთან (CTC) და განათლების განვითარების და დასაქმების ცენტრთან (EDEC) თანამშრომლობით. პროექტი დაფინანსებულია ევროკავშირის და გერმანიის ეკონომიკური თანამშრომლობისა და განვითარების ფედერალური სამინისტროს მიერ.

კახეთი. პანკისის ხეობაში, დუისის საგანმანათლებლო ცენტრში ბავშვებისთვის და ახალგაზრდებისთვის მიმდინარეობს თიხაზე მუშაობის კურსი, რომელიც ძალიან მოთხოვნადია და დიდი პოპულარობით სარგებლობს ადგილობრივ მოსახლეობაში, განსაკუთრებით კი ბავშვებში.  „პატარა მოსწავლეები აქტიურად ესწრებიან გაკვეთილებს და საკუთარი ხელებით ქმნიან სხვადასხვა ნამუშევრებს", ნათქვამია კახეთი რეგიონული ცენტრის ვებგვერდზე სოციალურ ქსელში. სრულად...  წყარო: ორგანიზაციის ვებგვერდი სოციალურ ქსელში

აჭარა. 17 ივლისს მოხალისე-რეპორტიორმა, ხატია სიხარულიძემ პროექტის „მულტიკულტურული ინტეგრაცია აჭარაში" ფარგლებში ბათუმის მერიის ახალგაზრდულ ცენტრში ჩაატარა ტრენინგი თემაზე: „რელიგიური მრავალფეროვნება". „მონაწილეებმა იხილეს ხატია სიხარულიძის მიერ მომზადებული სიუჟეტები თემაზე: „რელიგიური დაწესებულებები ბათუმში", რომელშიც ასახულია სად არის/იყო განთავსებული სხვადასხვა რელიგიური დაწესებულება ქალაქის ტერიტორიაზე და როგორია მათი დღევანდელი მდგომარეობა. ტრენინგზე ასევე ისაუბრეს უარყოფითი განწყობების, რელიგიური ტოლერანტობის ნაკლებობის და სხვა სარწმუნოების წარმომადგენელთა მიმართ სიძულვილის ენით საუბარის შესახებ, რაც საზოგადოების ნაწილში იჩენს თავს", ნათქვამია თავისუფალ ჟურნალისტთა სახლის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში  

თბილისი. გაეროს ბავშვთა ფონდი (იუნისეფი) აქვეყნებს კვლევას: „ადრეული და სკოლამდელი აღზრდისა და განათლების სახელმწიფო სტანდარტები". „ადრეული და სკოლამდელი აღზრდისა და განათლების სახელმწიფო სტანდარტები(შემდგომში – სტანდარტები) განსაზღვრავენ თუ რა ცოდნას, უნარ-ჩვევებს, ღირებულებებსა და დამოკიდებულებებს უნდა იძენდეს ბავშვი სკოლამდელი აღზრდისა და განათლების ფარგლებში, ასევე განსაზღვრავს ადრეული და სკოლამდელი აღზრდისა და განათლების დაწესებულების გარემოსა და საგანმანათლებლო ხარისხის სტანდარტს. 2. სტანდარტი სავალდებულოა ყველა ადრეული და სკოლამდელი აღზრდისა და განათლების დაწესებულებისათვის (მიუხედავად მათი სამართლებრივი ფორმისა)", ნათქვამია პუბლიკაციაში. სრულად... წყარო: unicef.ge

თბილისი. ფულბრაიტის სამაგისტრო პროგრამით დაინტერესებული პირებისთვის ამერიკის საელჩო საინფორმაციო შეხვედრას გამართავს. 19 ივლისს, 19:00 საათზე, პროგრამის კოორდინატორი, მოსწავლე ახალგაზრდობის სასახლეში არსებულ ამერიკულ კუთხეში(რუსთაველის #6), თქვენს კითხვებს უპასუხებს. სრულად...  წყარო: ამერიკის საელჩოს ვებგვერდი სოციალურ ქსელში

გურია. 12-13 ივნისს, ოზურგეთში სამოქალაქო საზოგადოების ინსტიტუტმა (CSI), ოზურგეთის რეგიონულ ჰაბთან: ინოვაციებისა და სამოქალაქო განვითარების ცენტრი - „პროგრესის სახლთან“ თანამშრომლობით ჩაატარა ტრენინგი: „სისტემური ცვლილება და მონაწილეობითი ფასილიტაცია“. მასში მონაწილეობას იღებდნენ საზოგადოებრივი ორგანიზაციების, თვითმმართველობის, მედიის წარმომადგენლები, სათემო ლიდერები და აქტიური მოქალაქეები. მონაწილეები გაეცნენ სისტემური ცვლილებების არსს და შედეგზე ორიენტირებული მიდგომის საბაზისო პრინციპებს, რაც ხელს შეუწყობს განვითარების აქტორებს, ეფექტურად განახორციელონ პოზიტიური ცვლილებები საკუთარ თემში. ტრენინგი გაიმართა პროექტის ,,სამოქალაქო საზოგადოების განვითარების ინიციატივის“ ფარგლებში, რომელიც ხორციელდება კონრად ადენაუერის ფონდის (KAS) მიერ სამოქალაქო საზოგადოების ინსტიტუტთან (CSI), საქართველოს სტრატეგიული კვლევებისა და განვითარების ცენტრთან (CSRDG), კონსულტაციისა და ტრენინგის ცენტრთან (CTC) და განათლების განვითარების და დასაქმების ცენტრთან (EDEC) თანამშრომლობით. პროექტი დაფინანსებულია ევროკავშირის და გერმანიის ეკონომიკური თანამშრომლობისა და განვითარების ფედერალური სამინისტროს მიერ.

სამეგრელო. 12 ივლისს, ასოციაცია „ათინათის" ახალგაზრდული ცენტრის წევრებმა ანა ცირდავამ და თეონა ზარავანდაშვილმა ჩაატარეს კარიერულ წინსვლაზე ორიენტირებული ტრენინგების ციკლიდან სემინარი თემაზე „წერითი კომუნიკაციის საფუძვლები". ტრენინგზე განიხილეს შემდეგი თემები: რეალობის აღქმის სუბიექტურობა, ინსტრუქციების გაცემის და შეკითხვების დასმის ტექნიკები, წერითი კომუნიკაციის ელემენტები (ელ.ფოსტა, ოფიციალური წერილი). სრულად... წყარო: ორგანიზაციის ვებგვერდი სოციალურ ქსელში

იმერეთი. ქუთაისის ახალგაზრდული ცენტრის წევრებისთვის ჩატარდა სემინარი ძალადობის და ეთნიკური კონფლიქტების თემაზე. მისი მიზანი იყო მონაწილეთა ცნობიერების ამაღლება ძალადობის ფორმების, ეთნიკური კონფლიქტების, სახალხო დიპლომატიის, საქართველოში არსებული ეთნიკური კონფლიქტების და ძალადობის პრევენციის საკითხებზე. სრულად... წყარო: ორგანიზაციის ვებგვერდი სოციალურ ქსელში

თბილისი. სახალხო დამცველის აპარატმა აფხაზეთსა და ცხინვალის რეგიონში სკოლადამთავრებული სტუდენტებისთვის ადამიანის უფლებებისა და მისი დაცვის მექანიზმების თაობაზე სწავლება ჩაატარა. სწავლების დასასრულს, საქართველოს სახალხო დამცველი შეხვდა სტუდენტებს და მათგან მოისმინა იმ პრობლემებისა და გამოწვევების შესახებ, რომელიც ახალგაზრდებს საშუალო და უმაღლესი განათლების მიღების პროცესში ექმნებათ. სრულად  წყარო: სახალხო დამცველის ვებგვერდი

აჭარა. ევროკავშირის მხარდაჭერით, CENN-ის პროექტის, „ქედა ლიდერი", ფარგლებში, ბულაჩაურის „მწვანე ცენტრმა" ახალგაზრდა ლიდერთა და ინოვატორთა მწვანე ბანაკს უმასპინძლა. 10 დღის განმავლობაში, ქედის მუნიციპალიტეტის სხვადასხვა სოფლებიდან, კონკურსის - „მე ლიდერი" ფარგლებში შერჩეულ 21 მოსწავლეს გარემოსდაცვითი სფეროს სპეციალისტებმა ჩაუტარეს თავისუფალი გაკვეთილები მდგრადი განვითარების მიზნების, კლიმატის ცვლილების გლობალური გამოწვევების, ტყის მდგრადი მართვის, ნარჩენების თანამედროვე მართვის ტექნოლოგიების, წყლის სანიტარიის, ურბანიზაცია-რეგიონების განვითარების მიმართულებების შესახებ. სრულად  წყარო: http://enpard.ge

სამეგრელო. 5-6 ივლისს, ტექნოპარკში ზუგდიდის ახალგაზრდული ცენტრის წევრებმა გაიარეს 2 დღიანი ვორქშოფი გაზეთების დიზაინის შექმნაზე.  „ვორქშოფის ფასილიტატორმა გიორგი ხალათიანმა მონაწილეებს გააცნო დიზაინის შექმნის სპეციფიკა და ახალგაზრდებმა დაამზადეს გამოსაცემი ბეჭდური მასალის (პროექტის ფარგლებში დაგეგმილი) ელექტრონული ვარიანტების სამუშაო ვერსიები. ვორქშოფის ბოლოს ახალგაზრდებმა ჩამოაყალიბეს ყოველთვიური გაზეთის დიზაინსა და შინაარსობრივ ნაწილზე პასუხისმგებელი გუნდები", ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

თბილისი. 3-4 ივლისს, გერმანიის საერთაშორისო თანამშრომლობის საზოგადოების (GIZ) სამართლის პროგრამის ახალი კომპონენტის ხელშეწყობით, გაიმართა სამუშაო შეხვედრა საქართველოს განათლებისა და მეცნიერების სამინისტროს პროფესიული განათლების განვითარების დეპარტამენტის თანამშრომლებთან. „სამუშაო შეხვედრის მიზანი იყო საკანონმდებლო პროცესში დღის წესრიგის 2030 მოთხოვნების - მდგრადი განვითარების მიზნებისა და პრინციპების გათვალისწინების შესაძლო გზებსა და მეთოდებზე მსჯელობა, იმ კავშირებისა და სინერგიების პოვნა, რომელიც არსებობს რეგულირებას დაქვემდებარებულ პრობლემასა და დღის წესრიგის 2030 ცალკეულ მიზნებსა თუ პრინციპებს შორის. სამუშაო ჯგუფის წევრებმა, მაგალითის სახით, „პროფესიული განათლების შესახებ" საქართველოს კანონპროექტზე განხორციელებულ ე.წ. RIA-ს ანგარიშში დღის წესრიგის 2030 ცალკე თავი შეიმუშავეს. ორდღიან სამუშაო შეხვედრას საერთაშორისო ექსპერტი იულია კერხერი უძღვებოდა", ნათქვამია GIZ-ის სამართლის პროგრამის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

თბილისი. ეკონომიკური მედია სკოლის მეცხრე ნაკადის მსმენელებს სერტიფიკატები გადაეცათ.  „სასწავლო კურსი 2 თვის განმავლობაში გრძელდებოდა და მისი მიზანი ჟურნალისტებისთვის ფინანსური განათლების ამაღლება იყო. ტრენინგებს გიორგი ბაქრაძე და მოწვეული ექსპერტები ატარებდნენ, რომელთა შორისაც ეროვნული ბანკის პრეზიდენტი კობა გვენეტაძეც იყო. მედია სკოლის მსმენელებს სერტიფიკატები ილიაუნის ბიზნესის სკოლის დეკანმა, გიორგი ქადაგიძემ გადასცა. სკოლის მეცხრე ნაკადი 20 ჟურნალისტისგან შედგებოდა, რომლებმაც ეკონომიკის საფუძვლები სპეციალური კურსის მიხედვით შეისწავლეს. მედია სკოლა მეათე ნაკადის მიღებას შემოდგომიდან დაიწყებს", ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

აჭარა. 30 ივნისს, ბათუმის ახალგაზრდული ცენტრის მოხალისეებს, მედიის განვითარების ფონდის წარმომადგენელმა, დალი ქურდაძემ მედია წიგნიერების სემინარი ჩაუტარა. სემინარზე ისაუბრეს სოციალური მედია და ყალბი ინფორმაციის გავრცელების გამოწვევებზე. სრულად... წყარო: ორგანიზაციის ვებგვერდი სოციალურ ქსელში

მცხეთა–მთიანეთი. კახეთი. 25–26 ივნისს მცხეთაში, 28–29 ივნისს თელავში, სამოქალაქო საზოგადოების ინსტიტუტმა (CSI), ადგილობრივ, რეგიონულ ჰაბებთან თანამშრომლობით, ჩაატარა ტრენინგი: „სისტემური ცვლილება და მონაწილეობითი ფასილიტაცია“. მასში მონაწილეობას იღებდნენ საზოგადოებრივი ორგანიზაციების, თვითმმართველობის, მედიის წარმომადგენლები, სათემო ლიდერები და აქტიური მოქალაქეები. მონაწილეები გაეცნენ სისტემური ცვლილებების არსს და შედეგზე ორიენტირებული მიდგომის საბაზისო პრინციპებს, რაც ხელს შეუწყობს განვითარების აქტორებს, ეფექტურად განახორციელონ პოზიტიური ცვლილებები საკუთარ თემში. ტრენინგი გაიმართა პროექტის ,,სამოქალაქო საზოგადოების განვითარების ინიციატივის“ ფარგლებში, რომელიც ხორციელდება კონრად ადენაუერის ფონდის (KAS) მიერ სამოქალაქო საზოგადოების ინსტიტუტთან (CSI), საქართველოს სტრატეგიული კვლევებისა და განვითარების ცენტრთან (CSRDG), კონსულტაციისა და ტრენინგის ცენტრთან (CTC) და განათლების განვითარების და დასაქმების ცენტრთან (EDEC) თანამშრომლობით. პროექტი დაფინანსებულია ევროკავშირის და გერმანიის ეკონომიკური თანამშრომლობისა და განვითარების ფედერალური სამინისტროს მიერ.

თბილისი. ინფორმაციის თავისუფლების განვითარების ინსტიტუტი (IDFI) აქვეყნებს ანალიტიკურ სტატიას: „უცხო ქვეყნის მოქალაქეები საქართველოში: მითები და სინამდვილე". „მითი: უცხოელი სტუდენტები განვითარებადი ქვეყნებიდან ჩამოდიან და საქართველოს ეკონომიკა არანაირ სარგებელს არ იღებს. რეალობა: მარტო მიმდინარე წელს, უცხოელი სტუდენტები დაახლოებით 78 მილიონ დოლარს დახარჯავენ". სრულად... წყარო: idfi.ge

თბილისი. თუ ფულბრაიტის სამაგისტრო პროგრამაში მონაწილეობთ და აპლიკაციასთან დაკავშირებით შეკითხვები გაქვთ 26 ივნისს, 17:00 საათზე, პროგრამის კოორდინატორი  თქვენს შეკითხვებს უპასუხებს. სრულად... წყარო: ამერიკის საელჩოს ვებგვერდი სოციალურ ქსელში

სამეგრელო. 23 ივნისს ზუგდიდის ახალგაზრდული ცენტრის წევრებმა, ანა ცირდავამ და ალექსანდრე გაბესკირიამ, მოპოვებული მცირე გრანტის პროექტის ფარგლებში ჩაატარეს თანატოლთა განათლების ტრენინგი თემაზე „რესურსების რაციონალური მართვა". „ახალგაზრდებმა ისაუბრეს ბუნებრივი რესურსების მხრივ არსებულ მდგომარეობაზე მსოფლიოში, რაციონალურად მართვის დადებით მხარეებსა და შედეგებზე, ასევე ადამიანის როლზე და პრობლემის გადაჭრის ალტერნატიულ გზებზე", ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

სამეგრელო. 22 ივნისს, ტოლერანტობისა და ინკლუზიის კვირეულის ფარგლებში, ზუგდიდის ახალგაზრდული ცენტრის (PITA) ინიციატივითა და რადიო ათინათის მხარდაჭერით შედგა რადიო ჩართვა რადიო ათინათის დილის ეთერში. მასში მონაწილეობა მიიღეს ცენტრის წევრებმა: ანანო გვილიამ, ალექსანდრე გაბესკირიამ, მარიამ სალიამ, ანი ცირდავამ. „ახალგაზრდებმა ისაუბრეს ზოგადად, ცენტრსა და კვირეულის ფარგლებში უკვე განხორციელებული და დღეს დაგეგმილი აქტივობების შესახებ. რადიო ჩართვის მიზანია საზოგადოების ინფორმირება ტოლერანტობისა და ინკლუზიის კვირეულის ფარგლებში დაგეგმილი აქციის შესახებ", ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

თბილისი. 22 ივნისს გაიმართა ტრენინგი - "CSR ანგარიშგება და CSR აქტივობების კომუნიკაცია“. ტრენინგს უძღვებოდა საერთაშორისო ტრენერი ელენ კოენი, რომელსაც ბიზნესისა და მდგრადი განვითარების კონსულტაციის მხრივ 30 წლიანი გამოცდილება აქვს, მათ შორის 8 წელი იყო ევროპის Procter and Gamble-ს მოწოდების ჯაჭვის აღმასრულებელი მენეჯერი. ტრენინგს დაესწრნენ საქართველოში მოქმედი ბიზნეს კომპანიების წარმომადგენელი. ტრენინგი გაიმართა, პროექტის „სამოქალაქო საზოგადოების განვითარების ინიციატივის" ფარგლებში, რომელსაც ახორციელებს კონსორციუმი კონრად ადენაუერის ფონდის ხელმძღვანელობით. პროექტი დაფინანსებულია ევროკავშირისა და გერმანიის ეკონომიკური თანამშრომლობისა და განვითარების ფედერალური სამინისტროს მიერ.

აჭარა. 20 ივნისს, ბათუმის ახალგაზრდული ცენტრის და ამერიკული კუთხის ორგანიზებით გაიმართა ინკლუზიური განათლების ცენტრის აღსაზრდელების ნამუშევრების გამოფენა.  აქტივობის მიზანია ხელი შეუწყოს ცენტრის აღსაზრდელების საქმიანობას და გააცნოს საზოგადოებას მათი ნამუშევრები. სრულად... წყარო: ორგანიზაციის ვებგვერდი სოციალურ ქსელში