სამეგრელო. 27 ოქტომბერს, ასოციაცია „ათინათის" ახალგაზრდული ცენტრის წევრებმა ჩაატარეს „ტოლერანტობის, სამოქალაქო ცნობიერებისა და ინტეგრაციის მხარდაჭერის პროგრამის" პრეზენტაცია. პრეზენტაცია ორგანიზებულ იქნა „ტოლერანტობის, სამოქალაქო ცნობიერებისა და ინტეგრაციის მხარდაჭერის პროგრამის" (PITA) ფარგლებში. პროექტს ასოციაცია „ათინათი" ახორციელებს. სრულად... წყარო: ორგანიზაციის ვებ-გვერდი სოციალურ ქსელში

თბილისი. საქართველოს ახალგაზრდა იურისტთა ასოციაცია აქვეყნებს ვიდეო რგოლს, სადაც წინასაარჩევნო აგიტაციის წესებზეა საუბარი. წყარო: ორგანიზაციის ვებ-გვერდი სოციალურ ქსელში

სამცხე-ჯავახეთი. საქველმოქმედო ჰუმანიტარული ცენტრი „აფხაზეთის" თანამშრომლები ბორჯომში სამდღიან ტრენინგებს დაესწრნენ თემაზე „დროის მენეჯმენტი, მოტივაცია, ანგარიშის წერა". შეხვედრის მიზანი იყო დროის მენეჯმენტთან, მოტივაციასა და ანგარიშის წერასთან დაკავშირებით მონაწილეთა კომპეტენციების განვითარება. სრულად... წყარო: ორგანიზაციის ვებ-გვერდი სოციალურ ქსელში

თბილისი. პროექტი „მე-ევროპელი" გრძელდება. საჯარო ლექციათა ციკლს ვილნიუსის სახელმწიფო უნივერსიტეტის ასოცირებული პროფესორი ტომას ჯანელიუნასი შეუერთდა. პროფესორმა ლიტვის, როგორც ნატოს წევრი სახელმწიფოს, უსაფრთხოების პოლიტიკაზე, გამოწვევებსა და ამ კუთხით ბალტიისპირეთში მიმდინარე აქტუალურ საკითხებზე ისაუბრა”, ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

თბილისი. 22 ოქტომბერს, ეკონომიკური პოლიტიკის კვლევის ცენტრმა რეგიონული კოორდინატორებისთვის ტრენინგი ჩაატარა. „ტრენინგის მიზანი იყო სოფლის მეურნეობის სექტორში ევროკავშირის ასოცირების ხელშეკრულების და ღრმა და ყოვლისმომცველი თავისუფალი ვაჭრობის შესახებ შეთანხმების (DCFTA) მოთხოვნების გაცნობა. ტრენინგის ფარგლებში რეგიონული კოორდინატრები გაეცნენ ისეთ საკითხებს როგორიცაა: ევროკავშირის ბაზრის მნიშვნელობა სოფლის მეურნეობის სექტორისთვის, ასოცირების ხელშეკრულების ფარგლებში ნაკისრი ვალდებულებები პირველადი მწარმოებლების და სურსათის მწარმოებლებისთვის", ნათქვამია ორგანიზაციის ვებ-გვერდზე. კოორდინატორები მომდევნო ხუთ თვის განმავლობაში თავად ჩაატარებენ ტრენინგებს და მიღებულ ცოდნას ფერმერებს გადასცემენ. სრულად... წყარო: ორგანიზაციის ვებ-გვერდი სოციალურ ქსელში

აჭარა. 20 ოქტომბერს, ბათუმის ახალგაზრდული ცენტრის ორგანიზებით გაიმართა ტრენინგი „ცვლილებები იწყება ჩვენით". ტრენინგს გაუძღვა „საერთაშორისო გამჭირვალობა საქართველოს" რეგიონული ოფისის მენეჯერი მალხაზ ჭკადუა. აქტივობის მიზანი იყო ახალგაზრდების გააქტიურება და მათი ჩართვა სამოქალაქო ცხოვრებაში. აქტივობა ხორციელდება „ტოლერანტობის, სამოქალაქო ცნობიერებისა და ინტეგრაციის მხარდაჭერის პროგრამის" (PITA) ფარგლებში, რომელსაც ახორციელებს საქართველოს გაეროს ასოციაცია (UNAG), ამერიკის შეერთებული შტატების საერთაშორისო განვითარების სააგენტოს (USAID) ფინანსური მხარდაჭერით.

აჭარა. სემინარი მასწავლებლებისთვის „ნატო - არჩევანი მშვიდობიანი და სტაბილური განვითარებისთვის" დასრულდა. „აჭარის რეგიონის პედაგოგებმა თბილისელ კოლეგებთან ერთად ორი დღის განმავლობაში მიიღეს დეტალური ინფორმაცია ნატოს მიზნებისა და ამოცანების, ნატო-საქართველოს თანამშრომლობის, საერთაშორისო სამშვიდობო მისიებში საქართველოს წვლილის შესახებ, ასევე, გაეცნენ ევროატლანტიკური ინტეგრაციის გარშემო გავრცელებულ არასწორ ინფორმაციასა და რეალურ ფაქტებს", ნათქვამია ორგანზიაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

აჭარა. 16 ოქტომბერს, სოფელ ქვედა ვაშლოვანში გაიმართა დისკუსია, რომელსაც თავისუფალ ჟურნალისტთა სახლის მოხალისეები - თამარ გვარიშვილი და ზაზა ტაკიძე უძღვებოდნენ. დისკუსიათა ციკლის მიზანია აჭარის მაღალმთიან სოფლებში ნატოსა და ევროკავშირის შესახებ ცნობიერების ამაღლება. შეხვედრაზე იმსჯელეს ვიზალიბერალიზაციის პროცესზე, საქართველოს სამომავლო პერსპექტივაზე განათლების, ადამიანის უფლებებისა და ეკონომიკის თვალსაზრისით. მონაწილეებს გადაეცათ ნატოსა და ევროკავშირის საინფორმაციო ცენტრის მიერ მოწოდებული სხვადასხვა საინფორმაციო მასალა. დისკუსიების ციკლი იმართება ნატოსა და ევროკავშირის შესახებ საინფორმაციო ცენტრის და ფონდ „ნაციონალური წვლილი დემოკრატიისთვის" (NED) მხარდაჭერით.  

სამეგრელო. 13 ოქტომბერს, ასოციაცია „ათინათში" ახალგაზრდული ცენტრის წევრებმა ჩაატარეს პროგრამის „PITA” პრეზენტაცია და თანატოლთა ტრენინგი თემაზე „ეფექტური კომუნიკაცია". „ტრენინგზე მონაწილეობას იღებდნენ ცენტრის ახალი წევრები. შეხვედრა მოეწყო „ტოლერანტობის, სამოქალაქო ცნობიერებისა და ინტეგრაციის მხარდაჭერის პროგრამის (PITA) ფარგლებში. პროგრამა დაფინანსებულია აშშ-ის საერთაშორისო განვითარების სააგენტოს (USAID) მიერ, მას საქართველოს გაეროს ასოციაცია (UNAG) ახორციელებს. სამეგრელოში პროექტს ასოციაცია „ათინათი" ახორციელებს", ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

თბილისი. 24 ოქტომბერს, 14:00 – 17:00 საათზე, ეროვნულ საპარლამენტო ბიბლიოთეკაში, ამერიკაში სწავლის მსურველთათვის გაიმართება გამოფენა. „გაიცანი უნივერსიტეტები, დაესწარი სემინარებს. გაიგე, როგორ გახდე სტუდენტი აშშ-ში", ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

თბილისი. ონლაინ სასწავლო პროგრამის მეოთხე ციკლზე სწავლა დღეს, 10 ოქტომბერს დაიწყო. განაცხადების მიღება 5 სექტემბერს დაიწყო და 25 სექტემბერს დასრულდა. ჯამში 6 კურსზე 1 300-ზე მეტი აპლიკაცია შემოვიდა. სწავლებისთვის შეირჩა და საიტზე დარეგისტრირდა 360 მსმენელი. ძირითადი სამიზნე ჯგუფები არიან საზოგადოებრივი ორგანიზაციის წარმომადგენლები, საჯარო მოხელეები, სტუდენტები და სამოქალაქო აქტივისტები. ონლაინ სასწავლო პროგრამა 6 კურსს მოიცავს: სოციალური კვლევის მეთოდები - ლექტორი იაგო კაჭკაჭიშვილი საჯარო პოლიტიკის ანალიზი - ლექტორი ქეთი მელიქაძე ადვოკატირება ლობირება - ლექტორი ვაჟა სალამაძე საჯარო ფინანსები - ლექტორი ოთო კიკვაძე, მიშა ძაგანია ეკონომიკის საფუძვლები - ლექტორი თენგიზ შერგელაშვილი საზოგადოებასთან ურთიერთობა და კომუნიკაცია - ლექტორი კახა მაღრაძე შეგახსენებთ, რომ ონლაინ სწავლების პროექტი მოიცავს სტაჟირების პროგრამას სტუდენტებისთვის და საგრანტო კონკურს საზოგადოებრივი ორგანიზაციებისათვის. პროექტი 2014 წელს დაიწყო და ამ დრომდე პროგრამაზე დარეგისტრირდა 633 მსმენელი და გაიცა 239 სერთიფიკატი. სამოქალაქო საზოგადოების ინსტიტუტი ულოცავს შერჩეულ კანდიდატებს პროგრამაში მოხვედრას და უსურვებს წარმატებას.

თბილისი. აშშ–ის საელჩო ავრცელებს ინფორმაციას, რომ დღეს 16:00 საათზე მოსწავლე ახალგაზრდობის შენობაში დაგეგმილი ფესტივალი აღარ გაიმართება. „მიზეზი მოსალოდნელი საგზაო შეფერხებები და რუსთაველის გამზირის სავარუდო გადაკეტვაა. ბოდიშს გიხდით შექმნილი უხერხულობისათვის. გთხოვთ, პირადი მიმოწერით დაგვიკავშირდეთ საელჩოს საგანმანათლებლო პროგრამებთან დაკავშირებული ყველა შეკითხვით და სიამოვნებით გიპასუხებთ", ნათქვამია საელჩოს ვებგვერდზე სოციალურ ქსელში. სრულად... წყარო: აშშ–ის საელჩო

თბილისი. 11-12 ოქტომბერს, შოთა რუსთაველის ეროვნული სამეცნიერო ფონდი ჩაატარებს საკონსულტაციო დღეებს მაგისტრანტების სასწავლო-კვლევითი პროექტების გრანტით დაფინანსების შესახებ. ფონდის თანამშრომლები მაგისტრანტებს გააცნობენ კონკურსის პირობებს და უპასუხებენ მათ შეკითხვებს. სრულად... წყარო: rustaveli.org.ge

თბილისი. ფულბრაიტის პროგრამით დაინტერესებული პირებისთვის 7 ოქტომბერს გაიმართება ფეისბუქ გვერდის საშუალებით კითხვა–პასუხის სესია. დაინტერესებულ პირებს პროგრამის კოორდინატორი უპასუხებს. სრულად... წყარო: აშშ–ს საელჩოს ვებგვერდი სოციალურ ქსელში

თბილისი. „ქართული დამწერლობა და ტიპოგრაფიკა. ისტორია, თანამედროვეობა" პირველი გამოცემაა, რომელიც თანმიმდევრულად წარმოაჩენს ქართულ დამწერლობისა და შრიფტის განვითარების ეტაპებს საუკუნეების განმავლობაში. „წიგნის პირველ ნაწილში წარმოდგენილია ქვაზე ნაკვეთი, მოზაიკური, ფრესკული, ჭედური და ნაქარგი, ასევე - ხელნაწერებისა და სიგელ-გუჯრების ულამაზესი ნიმუშები, ქართული დამწერლობის განვითარების უძველესი დროიდან დღემდე; წიგნის მეორე ნაწილი წარმოაჩენს ქართული ტიპოგრაფიკის განვითარების გზას ვახტანგ VI-ის სასტამბო შრიფტებიდან უახლეს ფონტებამდე," ნათქვამია ორგანიზაციის ვებ-გვერდზე სოციალურ ქსელში. სრულად... წყარო: www.osgf.ge

აჭარა. 2 ოქტომბერს, ბათუმში ბავშვთა ადრეული განვითარების შესახებ საგანმანათლებლო კვირეული დაიწყო. „კვირეულის ჩატარების შემდგომ იგეგმება ბავშვთა ადრეული განვითარების სასერტიფიკატო და სამაგისტრო პროგრამის შექმნა ბათუმის სახელმწიფო უნივერსიტეტში, რაც რეგიონებში ამ საკითხის შესახებ სტუდენტების ინფორმირებულობას და პროფესიულ განვითარებას შეუწყობს ხელს," ნათქვამია ორგანიზაციის ვებ-გვერდზე. სრულად... წყარო: www.osgf.ge

თბილისი. მაგისტრანთა სასწავლო-კვლევითი პროექტების გრანტით დაფინანსების 2016 წლის კონკურსის საბუთების მიღების ვადა გაიზარდა.  „განცხადება კონკურსში მონაწილეობის შესახებ უნდა წარმოადგინოთ ფონდის კანცელარიაში 2016 წლის 28 ოქტომბრის 17:00 სთ-მდე", ნათქვამია ფონდის ვებ-გვერდზე.   სრულად... წყარო: rustaveli.org.ge

თბილისი. 23 სექტემბერს, საქართველოს განათლებისა და მეცნიერების სამინისტროსა და ბრიტანეთის საბჭოს (British Council) ორგანიზებით, ინკლუზიური განათლებაზე კონფერენცია გაიმართა. „კონფერენციის ფარგლებში იმსჯელეს სპეციალური საგანმანათლებლო საჭიროების მქონე მოსწავლეებისთვის განათლებისა და მეცნიერების სამინისტროს მიერ დანერგილი სპეციალური საგანმანათლებლო სერვისების საჭიროებასა და სასწავლო გეგმების მნიშვნელობაზე"..., ნათქვამია ორგანიზაციის ვებ-გვერდზე. სრულად... წყარო: ორგანიზაციის ვებ-გვერდი სოციალურ ქსელში

თბილისი. 27 სექტემბერს, სამხრეთ-კავკასიის რეგიონის აკადემიური წრეების წარმომადგენლებმა იურიდიული განათლების საკითხებზე იმსჯელეს. „ყურადღების ცენტრში მოექცა იურიდიული განათლების საწყისი, საბაზისო ეტაპი და სასკოლო განათლებიდან საუნივერსიტეტო განათლებაში შესვლის თავისებურებები. მრგვალ მაგიდაზე ასევე მოწვეული იყვნენ ექსპერტები ჰამბურგის უნივერსიტეტის სამართალმცოდნეობის დიდაქტიკის ცენტრიდან და სამხრეთ-აღმოსავლეთ ევროპის სამართლის სკოლათა გაერთიანებიდან", ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

თბილისი. 26 სექტემბერს, მოძრაობა „აუდიტორია 115"-ის ორგანიზებით, სტუდენტებმა თბილისის სახელმწიფო უნივერსიტეტში აქცია გამართეს. „სტუდენტები რექტორად განათლების მინისტრის ყოფილი მოადგილის გიორგი შერვაშიძის არჩევას და დღევანდელი განათლების სისტემას აპროტესტებდნენ. აქციის მონაწილეები უნივერსიტეტის ავტონომიის დაცვას, გარე რეფერირების სისტემის დანერგვას, სტუდენტური თვითმმართველობის ძირეულ რეფორმას, სტუდენტური საცხოვრებლებისა და სწავლის ხარისხის გაუმჯობესებას ითხოვდნენ", ნათქვამია ლიბ-ცენტრის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

თბილისი. „ახალგაზრდა ადვოკატები" შეფასებით, თბილისის სახელმწიფო უნივერსიტეტში ახალი რექტორის არჩევა შესაბამისობაში იყო არჩევნების გამჭვირვალობასთან და დემოკრატიულ პრინციპებთან.  „ორგანიზაცია აღნიშნავს, რომ ხმის მიცემის პროცესი მიმდინარეობდა თავისუფალ გარემოში. ადგილი არ ჰქონია ხარვეზებს, რომლებსაც არჩევნების შედეგებზე და ნების თავისუფალ გამოვლენაზე შეეძლო არსებითი გავლენის მოხდენა. ორგანიზაცია შენიშნავს, რომ ეფექტურად იმუშავა უნივერსიტეტის საარჩევნო ადმინისტრაციამაც", ნათქვამია ორგანიზაციის ვებ-გვერდზე. სრულად... წყარო: barristers.ge

თბილისი. ერასმუს პლუსი აქვეყნებს ბმულს სამაგისტრო პროგრამების კონკურსების ვადების და სწავლების ენის შესახებ. „ინფორმაცია მუდმივად განახლდება: ამ სიას დაემატება წელს დაფინანსებული სამაგისტრო პროგრამები და მოაკლდება ის პროგრამები, რომლებსაც დაფინანსება აღარ აქვთ", ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდის სოციალურ ქსელში