თბილისი. გარემოსდაცვითი ინფორმაციისა და განთლების ცენტრში პროექტის - „მედია გარემოსთვის" ფარგლებში ბლოგერებისთვის ტრენინგი ჩატარდა. „ტრენინგზე ბიომრავალფეროვნების წინაშე არსებული საფრთხეებისა და მისი კონსერვაციის გარდა ადამიანის ეკოლოგიური უფლებები, დაცული ტერიტორიები, ბუნების ტურიზმი, მედიის როლი გარემოს დაცვაში და საგამომძიებლო გარემოსდაცვითი ჟურნალისტიკა იყო განხილული," ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

თბილისი. ადამიანის უფლებების სწავლებისა და მონიტორინგის ცენტრი (EMC) შემაჯამებელ განცხადებას აქვეყნებს მუსლიმი მოსწავლეების პანსიონატის საქმესთან დაკავშირებით. „EMC მოუწოდებს შპს „ქობულეთის წყალს" და ქობულეთის მუნიციპალიტეტის გამგეობას დაუყოვნებლივ მიიღოს ზომები სახალხო დამცველის მიერ გაცემული რეკომენდაციების შესასრულებლად, რათა როგორც ეს სახალხო დამცველის რეკომენდაციაშია მითითებული, ქობულეთში მცხოვრებმა მუსლიმმა თემმა რელიგიური პანსიონატის შენობით სარგებლობა სასწავლო წლის დაწყებისთანავე შეძლოს," ნათქვამია ორგანიზაციის განცხადებაში. სრულად... წყარო: emc.org.ge

სამეგრელო. ანაკლიის „მომავლის ბანაკში" შეხვედრათა ციკლი დაიწყო. „„ნატოსა და ევროკავშირის შესახებ საინფორმაციო ცენტრის" ინიციატივით, რამდენიმე ნაკადის მონაწილეებს უკვე შეხვდნენ საინფორმაციო ცენტრისა და თავდაცვის სამინისტროს წარმომადგენლები. ახალგაზრდებს მიეწოდათ ინფორმაცია ნატოსა და ევროკავშირის შესახებ, ორგანიზაციების ისტორიაზე, მათი განვითარების ეტაპებსა და საქართველოს ევროპული და ევროატლანტიკური ინტეგრაციის პროცესის მიმდინარეობაზე," ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

თბილისი. „ახალგაზრდა ადვოკატები" უმაღლეს სასწავლებლებში სტატუსშეჩერებული სტუდენტების საკითხზე მოკვლევის შედეგებს აქვეყნებს. 2016 წლის აგვისტოს მდგომარეობით, საქართველოს 35 841 სტატუსშეჩერებული სტუდენტი ჰყავს. „მარიამ ფირცხალაიშვილის განცხადებით, საქართველოში მოქმედი 75 ავტორიზებული უმაღლესი სასწავლებელში სტატუსშეჩერებული სტუდენტების რაოდენობა ჯამში 35 841 სტუდენტს შეადგენს. ორგანიზაციის მიერ 2014 წლის ანალოგიურ კვლევასთან მიმართებით, სტატუსშეჩერებული სტუდენტების მდგომარეობა უკიდურესად გაზრდილია. საერთო შეფასებით, წარმოდგენილი მონაცემი ცხადყოფს, რომ 2013 წლიდან 2016 წლის მდგომარეობით, სტატუსშეჩერებიული სტუდენტთა რაოდენობა გაიზარდა 7 786-ით, რაც პრობლემის არსებობას და მისი გადაჭრის სწრაფ მოქმედებაზე მიუთითებს," ნათქვამია ორგანიზაციის ვებ-გვერდზე. სრულად... წყარო: barristers.ge

აჭარა. ქალთა საინფორმაციო ცენტრი ქალაქ ამბროლაურის წარმომადგენელი ლიდერი ქალებისთვის ქობულეთში გასვლით ტრენინგს მართავს. „ტრენინგის მონაწილე ქალები მოწვეული ექსპერტებისგან მიიღებენ ინფორმაციას გენდერული თანასწორობის, გენდერული როლებისა და სტერეოტიპების, შრომის ბაზრის გენდერული სეგრეგაციისა და გენდერული თანასწორობის, როგორც დემოკრატიის, სოციალური სამართლიანობისა და კეთილდღეობის საკითხის შესახებ," ნათქვამია ორგანიზაციის ვებ-გვერდზე. სრულად... წყარო: ginsc.net

თბილისი. საქართველოს ჟურნალისტური ეთიკის ქარტია იწყებს „ლიბცენტრის" ახალი ჯგუფის დაკომპლექტებას. „შერჩეული აპლიკანტები ექვსი თვის განმავლობაში მოისმენენ საჯარო ლექციებს ადამიანის უფლებებზე, სამოქალაქო საზოგადოებაზე, ლიბერალიზმსა და დემოკრატიასთან დაკავშირებულ საკითხებზე. გარდა ამისა, მოამზადებენ გამოკითხვებს, შექმნიან ჟურნალისტურ მასალებს, დაწერენ პოსტებს სხვადასხვა თემაზე, რაც განთავსდება ცენტრის ვებგვერდზე," ნათქვამია ორგანიზაციის ვებ-გვერდზე. სრულად... წყარო: libcenter.ge

ქვემო ქართლი. რუსთავის დემოკრატიული ჩართულობის ცენტრში, ჟურნალისტებისთვის ტრენინგი გაიმართა. „ტრენინგი ჩატარდა ლევან მიქელაძის სახელობის ფონდის პროექტის („სამოქალაქო საზოგადოების შესაძლებლობების განვითარება ეთნიკური უმცირესობებით დასახლებულ რეგიონებში" ) ფარგლებში. პროექტის მიზანია ცნობიერების ამაღლება ევროკავშირსა და საქართველოს თანამშრომლობასა და ურთიერთობების გაღრმავებაზე მედიის, არასამთავრობო ორგანიზაციებისა და ადგილობრივი თვითმმართველობის წარმომადგენელთათვის," ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

თბილისი. საქართველოს პარლამენტის 2016 წლის 8 ოქტომბრის არჩევნებისთვის საარჩევნო სისტემების განვითარების, რეფორმებისა და სწავლების ცენტრმა მოამზადა სასწავლო და საინფორმაციო ხასიათის მასალა არჩევნებში ჩართული პირებისთვის. სრულად... წყარო: electionreforms.ge

თბილისში. 10 აგვისტოს, ქალთა საინფორმაციო ცენტრის პროექტის „გაძლიერებული ქალები მშვიდობისა და განვითარებისათვის" ფარგლებში, კოოპერატივის წევრი ქალებისთვის სამ დღიანი ტრენინგი ჩატარდა. „აშშ-ს სახელმწიფო დეპარტამენტის მხარდაჭერით, პროექტის ფარგლებში ქალები შეიძენენ ქათმებს, ძროხებსა და ფუტკარს, დაამზადებენ ჩირსა და რძის პროდუქტებს და ადგილობრივ ბაზარზე გაიტანენ გასაყიდად. სამდღიანი ტრენინგი კი მიზნად ისახავს სწორედ იმ კოოპერატივის წევრი ქალების მომზადებას ვინც, შინ დაბრუნების შემდეგ, დამოუკიდებელი ეკონომიკური საქმიანობა უნდა დაიწყოს," ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

სამცხე-ჯავახეთი. 7-8 აგვისტოს, ბორჯომში, სახალხო დამცველის რეგიონული ოფისების წარმომადგენლებს ჩაუტარდათ ტრენინგი ბავშვის უფლებათა მონიტორინგის საკითხებში. „ტრენინგის განმავლობაში განიხილეს ბავშვთა განთავსების ღია და დახურული ტიპის სასჯელაღსრულების დაწესებულებების, არასრულწლოვანთა სახელმწიფო პროგრამებისა და სერვისების მონიტორინგის საკითხები. განსაკუთრებული ყურადღება დაეთმო ძალადობის, ექსპლუატაციისა და სხვა ტიპის არასათანადო მოპყრობის მსხვერპლ ბავშვთა დაცვისა და დახმარების ღონისძიებებს, სახელმწიფო მზრუნველობაში განთავსებულ არასრულწლოვანთა უფლებრივ მდგომარეობას," ნათქვამია ომბუდსმენის ვებ-გვერდზე. სრულად... წყარო: www.ombudsman.ge

აჭარა. 3 აგვისტოს, გონიოს ციხეში, გაიმართა სამუშაო შეხვედრა - „საზოგადოებრივი დარბაზების განვითარება - ახალგაზრდული ხედვა". პროექტის „მართე შენი ქალაქის" მონაწილეები საზოგადოებრივი დარბაზების მუშაობის წესებსა და მის მუშაობაში არსებულ პრობლემებს გაეცნენ. ასევე, შეიმუშავეს დარბაზების განვითარების კონცეფციები. შეხვედრის მიზანი იყო ახალგაზრდების ჩართულობის გაზრდა თვითმმართველობის პროცესში, რომელიც მოქალაქეთა მონაწილეობის აღნიშნული მექანიზმის საფუძვლიანად გაცნობაში გამოიხატა. შეხვედრის ნაწილი დარბაზების წევრობის მოდელირებას დაეთმო, სადაც „პროგრესის გზის" ინსტრუმენტის გამოყენებით ახალგაზრდებმა დაბაზების წინაშე არსებული პრობლემები გამოავლინეს, ასევე იმსჯელეს პრობლემების მოგვარების გზებზე. შეხვედრა გაიმართა, სამოქალაქო საზოგადოების ინსტიტუტის ბათუმის ფილიალის ორგანიზებით, რომლის მხარდამჭერია „აღმოსავლეთ-დასავლეთის მართვის ინსტიტუტი (EWMI).

სამცხე-ჯავახეთი. 29 ივლისს, ახალგაზრდული ცენტრის ორგანიზებით და ომბუდსმენის აპარატის სამცხე-ჯავახეთის ოფისის პარტნიორობით „მომავლის თაობის" ფარგლებში ახალგაზრდული ინტეგრირებული ფესტივალი გაიმართა. ფესტივალში ქართული და არაქართული საჯარო სკოლის სამოქალაქო კლუბის თორმეტი წევრი მონაწილეობდა. ფესტივალის მთავარ მიზანს ახალგაზრდების სამოქალაქო ცნობიერების ამაღლება და ეთნიკური უმცირესობების საზოგადოებაში ინტეგრაციის ხელშეწყობა წარმოადგენდა," ნათქვამია სახალხო დამცველის ვებ-გვერდზე. სრულად... წყარო: www.ombudsman.ge

მცხეთა-მთიანეთი. 30 ივლისიდან 2 აგვისტოს ჩათვლით, სასტუმრო „ალპინაში", გუდაურში გაიმართა მორიგი ტრენინგი პოლიტიკური პარტიების წარმომადგენელთათვის. „პროექტის განხორციელების არეალს წარმოადგენს: შიდა ქართლისა და მცხეთა-მთიანეთის რეგიონი (8 საარჩევნო ოლქი). ტრენინგების ციკლი გრძელდება 20 ივლისიდან - 17 აგვისტოს ჩათვლით და მოიცავს 8 ტრენინგს, პოლიტიკური პარტიების 180-მდე წარმომადგენელისათვის. პროექტის მიზანია პოლიტიკური პარტიების საარჩევნო შესაძლებლობების განვითარების ხელშეწყობა 2016 წლის ოქტომბერში გასამართი საქართველოს პარლამენტის არჩევნებისათვის," ნათქვამია განვითარებისა და დემოკრატიის ცენტრის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

თბილისი. „თვითმმართველობის ზოგადი საფუძვლების" ონლაინ სასწავლო პროგრამაში მონაწილეთა პირველმა ნაკადმა დაასრულა სასწავლო პროცესი. მასში მონაწილეობას იღებდნენ საქართველოს სხვადასხვა რეგიონის თვითმმართველობების 80 მოხელე. რომელთაგან 65–მა გადალახა სერტიფიკატისთვის დაწესებული ზღვარი. სასწავლო პროცესი მოიცავს თვითმმართველობის საკითხებზე შექმნილ 10 ვიდეოლექციას, საკითხავ მასალას და შესაბამის ტესტებს. კურსს უძღვება ირაკლი მელაშვილი. სასწავლო პროცესი სხვა მონაწილეებისთვის შემოდგომაზე დაიწყება. „თვითმმართველობის ზოგადი საფუძვლების" კურსი განთავსებულია სამოქალაქო საზოგადოების ინსტიტუტის ონლაინ პლატფორმაზე – www.e-learning.ge - განთავსებული. სამოქალაქო საზოგადოების ინსტიტუტმა უკვე რამდენიმე წელია, რაც ონლაინ სასწავლო პროგრამები დაიწყო, რომელიც მოიცავს ვიდეოლექციებს, სასწავლო მასალას, მონაწილეთა და ლექტორის ინტერაქციას ფორუმის საშუალებით და შეფასების სისტემას. ონლაინ სასწავლო კლასიკურ მოდელზე დაფუძნებული „თვითმმართველობის ზოგადი საფუძვლები" ინსტიტუტისთვის რიგით მეექვსე კურსია. აღნიშნული კურსის მხარდამჭერია ფონდი „ღია საზოგადოება – საქართველო".

თბილისი. Erasmus + სტიპენდიანტებისთვის აქვეყნებს ბროშურას სასარგებლო ინფორმაციით: ვის უნდა მიმართოთ პრობლემების დროს (საჩივრის ფორმა), როგორ უნდა მოიქცეთ გადაუდებელ შემთხვევაში (112), საქართველოს საელჩოების მისამართები Erasmus+ ქვეყნებში. სრულად... წყარო: ორგანიზაციის ვებ-გვერდი სოციალურ ქსელში

სამეგრელო. ქალთა საინფორმაციო ცენტრის ორგანიზებით ჩატარებული ტრენინგი ჟურნალისტიკის ფაკულტეტის სტუდენტებისთვის მოკლემეტრაჟიანი ფილმის გადაღებით დასრულდა. ჩატარებული  „ზღვისპირა სოფელში გატარებული რამდენიმე დღის მანძილზე ჯგუფებად დაყოფილმა მონაწილეებმა მენტორებთან ერთად ხუთი დამოუკიდებელი ფილმი გადაიღეს, რომლებსაც სულ მალე ვუჩვენებთ ფართო აუდიტორიას, მანამდე კი, ის გოგოები და ბიჭები უნდა გაგაცნოთ, ვინც ქალთა საინფორმაციო ცენტრის გუნდთან ერთად გათენებიდან დაღამებამდე დაუზარელად მუშაობდა საინტერესო, გენდერულად მგრძნობიარე და კრეატიული ფილმების შესაქმნელად," ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

თბილისი. სექტემბრიდან ადვოკატებს ექნებათ შესაძლებლობა სავალდებულო კრედიტები პროფესიული ეთიკის მიმართულებით ვიდეო ტრენინგების საშუალებით დააგროვონ. ტრენინგები დისტანციური სწავლების პორტალზე olp.abarol.ge განთავსდება. ვიდეო ტრენინგების ჩაწერა მიმდინარეობს პროექტის „ადვოკატთა ასოციაციის მხარდაჭერა” ფარგლებში, რომელიც USAID-PROLoG -ის თანადგომით ხორციელდება. წყარო: საქართველოს ადვოკატთა ასოციაციის სასწავლო ცენტრი

მცხეთა-მთიანეთი. 26 -28 ივლისს გუდაურში, განვითარებისა და დემოკრატიის ცენტრის (CDD) ორგანიზებით ტრენინგი „საქართველო და ევროკავშირი". „ტრენინგი შეეხებოდა შემდეგ საკითხებს : საქართველო - ევროკავშირის ურთიერთობის ისტორია; ევროკავშირი და მისი ინსტიტუტები; თავისუფალი, უვიზო, მიმოსვლა საქართველოსა და ევროკავშირს შორის; საქართველო - ევროკავშირს შორის ასოცირების შესახებ შეთანხმება; ასოცირების დღის წესრიგი და ეროვნული სამოქმედო გეგმა. მონაწილეები ასევე გაეცნენ ევროკავშირის წევრ ქვეყნებში სახელმწიფოსა და რელიგიურ ორგანიზაციებს შორის ურთიერთობის საკითხებს," ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

სამეგრელო. 29 ივლისს, 14:00 საათზე, ქალაქ ფოთის სახელმწიფო დრამატულ თეატრში პროექტის „გავხადოთ ჩვენი გზა უსაფრთხო” პირველი ეტაპის დახურვის ღონისძიება გაიმართება. დამსწრე საზოგადოებას საშუალება ექნება მოისმინოს ანგარიში კამპანიის ფარგლებში ჩატარებული აქტივობების შესახებ და სამომავლო რეკომენდაციები. დაჯილდოვდებიან ჟურნალისტებისა და ხატვის კონკურსების გამარჯვებულები. შედგება სოციალური ვიდეორგოლის პრეზენტაცია. პროექტის მიზანს E60 ჩქაროსნულ გზატკეცილსა და მის მიმდებარედ საგზაო უსაფრთხოების შესახებ ცოდნისა და ცნობიერების ამაღლება წარმოადგენდა. კამპანია 4 თვის განმავლობაში გრძელდებოდა და სხვადასხვა ტიპის საგანმანათლებლო ღონისძიებებს მოიცავდა. კამპანიის ფარგლებში ჩატარდა 24 შეხვედრა როგორც მსუბუქი, ასევე სატრანზიტო და მგზავრთა გადამყვანი ტრანსპორტის მძღოლებთან, რომლებიც მუდმივად გადაადგილდებიან E60 ჩქაროსნულ გზატკეცილზე. ასევე, საგანმანათლებლო ტრენინგები ჩატარდა გზატკეცილის მიმდებარედ განლაგებული 15 სკოლის 1500-მდე მოსწავლესთან. შეხვედრები მოიცავდა როგორც თეორიულ, ასევე პრაქტიკულ ნაწილს, რაც გულისხმობს ხილვადობის ღონისძიებებს და ქვეითებისათვის ამრეკლი საშუალებების (რეფლექტორები, ჟილეტები) დარიგებას. კამპანიის ფარგლებში ჩატარდა ერთობლივი ღონისძიებები კერძო და საზოგადოებრივ სექტორთან ერთად. პროექტის სოლიდარობის კამპანიაში ჩართულები იყვნენ საზოგადოებისათვის ცნობილი ადამიანები. კამპანია აქტიურად შუქდებოდა სხვადასხვა მედიასაშუალებებით. E60 ჩქაროსნულ გზატკეცილსა და მის მიმდებარედ საგზაო უსაფრთხოების შესახებ ცოდნისა და ცნობიერების ამაღლების კამპანიას „გავხადოთ ჩვენი გზა უსაფრთხო" საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტი ტენდერით შერჩეულ არასამთავრობო ორგანიზაციასთან „პარტნიორობა საგზაო უსაფრთხოებისათვის" ერთად ახორციელებდა.

სამეგრელო. ქალთა საინფორმაციო ცენტრის პროექტის ფარგლებში, ანაკლიაში, ჟურნალისტიკის ფაკულტეტის სტუდენტებისთვის ტრენინგები ტარდება. „ჟურნალისტურ ბანაკში ხუთ გუნდად დაყოფილი ახალგაზრდები ნიუსრუმის როლებს ირგებენ: ზოგი პროდიუსერია, ზოგი ჟურნალისტი, ზოგი ოპერატორი, ზოგი კი სცენარს წერს. სათემო მობილიზება, ქალთა ეკონომიკური გაძლიერება, გენდერული როლები, ცხოვრება გამყოფ ხაზთან, ქალები სამშვიდობო პროცესებში - ეს ის თემებია, რაზეც ჩვენი ბანაკის წევრები ოთხი დღის მანძილზე იმუშავებენ. ტრენინგი თეორიული და პრაქტიკული სესიებისგან შედგება. თეორიული სწავლების დროს, ტრენინგის მონაწილეები გაეცნობიან კონფლიქტურ და პოსტ-კონფლიქტურ სიტუაციებში გენდერულად მგრძნობიარე საკითხების გაშუქების პრინციპებს. პრაქტიკული სწავლება კი მოიცავს ადმინისტრაციული გამყოფი ხაზის გასწვრივ საველე გასვლებსა და მოკლემეტრაჟიანი ფილმების მომზადებას," ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

სამეგრელო. 26-30 ივლისს, ანაკლიაში, სასტუმრო „პალმ ბიჩში" ქალთა საინფორმაციო ცენტრი ჟურნალისტიკის ფაკულტეტის სტუდენტებისთვის გენდერული თანასწორობის, კონფლიქტის პრევენციისა და პოსტ-კონფლიქტური სიტუაციების გაშუქების თემაზე ტრენინგს მართავს. „გასვლითი ტრენინგი თეორიული და პრაქტიკული სესიებისგან შედგება. თეორიული სწავლების დროს, ტრენინგის მონაწილეები გაეცნობიან კონფლიქტურ და პოსტ-კონფლიქტურ სიტუაციებში გენდერულად მგრძნობიარე საკითხების გაშუქების პრინციპებს. პრაქტიკული სწავლება მოიცავს ადმინისტრაციული გამყოფი ხაზის გასწვრივ საველე გასვლებსა და მოკლემეტრაჟიანი ფილმების/რეპორტაჟების გადაღება/მომზადებას. ტრენინგი ტარდება ქალთა საინფორმაციო ცენტრის პროექტის „გაძლიერებული ქალები მშვიდობისა და განვითარებისათვის" შესახებ ფარგლებში, რომელიც ხორციელდება აშშ-ს სახელმწიფო დეპარტამენტის მხარდაჭერით," ნათქვამია ორგანიზაციის ვებ-გვერდზე. სრულად... წყარო: www.ginsc.net

თბილისი. 18 თებერვალს, საქართველოს ტექნიკურ უნივერსიტეტში ჩატარებული არჩევნების შედეგად, უნივერსიტეტის რექტორად ზედიზედ მესამედ აირჩა არჩილ ფრანგიშვილი. მისი მესამე ვადით არჩევით დაირღვა „უმაღლესი განათლების შესახებ" საქართველოს კანონის ის ნორმები, რომლებიც კრძალავს რექტორის ზედიზედ ორზე მეტი ვადით არჩევას. ომბუდსმენის რეკომენდაციის მიხედვით, განათლების სამინისტრომ არჩევნების შედეგების აღმოსაფხვრელად შესაბამისი ზომები უნდა მიიღოს, ხოლო ტექნიკური უნივერსიტეტის საარჩევნო კომისიამ - ბათილად ცნოს რექტორობის კანდიდატად არჩილ ფრანგიშვილის რეგისტრაცია და მისი თანმდევი არჩევნების შედეგები. სრულად... წყარო: www.ombudsman.ge