შიდა ქართლი. 26 ნოემბერს, გორის სამოქალაქო აქტივიზმის ცენტრის მოხალისეები აქციას „არა გენდერულ სტერეოტიპებს" შეუერთდნენ. „ამ აქციით კიდევ ერთხელ შევახსენეთ საზოგადოებას რომ გენდერული სტერეოტიპები პირდაპირ კავშირშია უთანასწორობასთან და ხელს უწყობს გენდერულ ძალადობას და ქალების დისკრიმინაციას. აქციის მიზანი იყო საზოგადოების ცნობიერების ამაღლება და გენდერული ძალადობის მსხვერპლთა მიმართ სოლიდარობის დემონსტრირება", ნათქვამია ორგანიზაციი ვებ-გვერდზე. სრულად... წყარო: ორგანიზაციის ვებ-გვერდი სოციალურ ქსელში

იმერეთი. ქუთაისის ახალგაზრდული ცენტრის ორგანიზებით, შშმ ბავშვთა დღის ცენტრის ბენეფიციარების მშობლებისთვის ჩატარდა ლექცია ოჯახის დაგეგმარების თემაზე. „შეხვედრის მიზანი იყო არასასურველი ფეხმძიმობის პრევენცია, თანამედროვე კონტრაცეფციის, აბორტის პრევენციის, უშვილობასთან ბრძოლის შესახებ მშობლების ცნობიერების ამაღლება", ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

შიდა ქართლი. ეკონომიკური პოლიტიკის კვლევის ცენტრის (EPRC) რეგიონულმა კოორდინატორებმა საინფორმაციო შეხვედრა საოკუპაციო ხაზთან მდებარე სოფელ ერგნეთის საჯარო სკოლის მოსწავლეებთან და მასწავლებლებთან გაიმართა. „შეხვედრის მიზანი ერგნეთის მოსახლეობისთვის ევროინტეგრაციის შესახებ ინფორმაციის მიწოდება იყო. შეხვედრის ფარგლებში სკოლის მოსწავლეებს შორის დისკუსია გაიმართა ევროკავშირის და რუსეთის ბაზრებს შორის სხვაობის შესახებ", ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

თბილისი. პროექტის „სკოლის მოსწავლეებში კრიტიკული, ანალიტიკური და კრეატიული უნარ-ჩვევების განვითარების ხელშეწყობა სასკოლო ოლიმპიადის გზით" მიზანია კრიტიკული აზროვნების განვითარება სკოლის მოსწავლეებში, ლიდერებად ჩამოყალიბება და მათში მომავლის ხედვის განვითარება. „FPSPI ეხმარება ახალგაზრდებს კრეატიულად მიუდგნენ პრობლემის გადაჭრის გზებს. პროგრამა უზრუნველყოფს ჯანსაღი და კონკურენტული გარემოს შექმნას. პროექტში მონაწილეობას მიიღებს ქ. თბილისის 20 რჩეული საჯარო სკოლა და 200-მდე  9-12 კლასის მოსწავლე. პროგრამის ფარგლებში გადამზადდება 20 მწვრთნელი, რომლებიც ფასილიტაციას გაუწევენ 4-4 მოსწავლისაგან შექმნილ ჯგუფებს. ხუთთვიანი სასწავლო მოდულის გავლის შემდეგ, გაიმართება სასკოლო ოლიმპიადა, რომლის გამარჯვებულებიც გამოვლინდებიან საერთაშორისო და ადგილობრივი კომისიის მიერ და დაჯილდოვდებიან", ნათქვამია ორგანიზაციის ვებ-გვერდზე სოციალურ ქსელში. აპლიკაციის ფორმა... წყარო: ორგანიზაციის ვებ-გვერდი სოციალურ ქსელში

სამცხე-ჯავახეთი. დემოკრატ მესხთა კავშირს, ასოციაცია ათინათის (ზუგდიდი) ახალგაზრდული ცენტრის წევრები ესტუმრნენ. „გაცვლითი პროგრამის მიზანს სამცხე-ჯავახეთის მოსახლეობის წეს-ჩვეულებების, ტრადიციების, კულტურის, ხელოვნების და ისტორიის გაცნობა, ორი რეგიონის ახალგაზრდების დაახლოება წარმოადგენდა", ნათქვამია დემოკრატ მესხთა კავშირის ვებ-გვერდზე სოციალურ ქსელში სრულად... წყარო: ორგანიზაციის ვებ-გვერდი სოციალურ ქსელში

თბილისი. სემინარი მასწავლებლებისთვის „ნატო – არჩევანი მშვიდობიანი და სტაბილური განვითარებისთვის" დასრულდა. აჭარის რეგიონის პედაგოგებმა თბილისელ კოლეგებთან ერთად ორი დღის განმავლობაში მიიღეს დეტალური ინფორმაცია ნატოს მიზნებისა და ამოცანების, ნატო-საქართველოს თანამშრომლობის, საერთაშორისო სამშვიდობო მისიებში საქართველოს წვლილის შესახებ, ასევე, გაეცნენ ევროატლანტიკური ინტეგრაციის გარშემო გავრცელებულ არასწორ ინფორმაციასა და რეალურ ფაქტებს. სემინარი „ნატოსა და ევროკავშირის შესახებ საინფორმაციო ცენტრის" ორგანიზებითა და საქართველოში ნატოს სამეკავშირეო ოფისის მხარდაჭერით უკვე მესამე წელია ხორციელდება და მასში უკვე ჩაერთო 500-მდე მასწავლებელი საქართველოს სხვადასხვა რეგიონიდან", ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

თბილისი. ლიბცენტრის მონაწილეებმა მოქალაქეები გამოკითხეს – უნდა შედიოდეს თუ არა სასკოლო პროგრამებში უფრო ნაკლები საზეპიროები. გამოკითხვის ერთ–ერთი მოტივატორი იყო განათლებისა და მეცნიერების მინისტრის ალექსანდრე ჯეჯელავას მოსაზრება. მან „პრობლემურად დაასახელა სასკოლო პროგრამებში საზეპიროების რაოდენობა. მისი აზრით, განათლების სისტემა პირველ რიგში, იმ ნაწილებს უნდა ავითარებდეს, რომელივ კრიტიკულ აზროვნებაზეა ორიენტირებული", ნათქვამია ლიბცენტრის ვებგვერდზე. ვიდეო–გამოკითხვა... წყარო: ლიბცენტრის ვებგვერდი სოციალურ ქსელში

თბილისი. 18 ნოემბერს, ცენტრალური ევროპის უნივერსიტეტი აწყობს ღია კარის დღეს. „ვისაც გაინტერესებთ ინფორმაცია უნივერსიტეტის აკადემიური პროგრამების, ჩარიცხვის პროცედურებისა და დაფინანსების წყაროების შესახებ, მთელი დღის განმავლობაში გექნებათ შესაძლებლობა შეხვდეთ უნივერსიტეტის წარმომადგენლებს, პრფესორ-მასწავლებლებს და სტუდენტებს, ვირტუალურად დაუსვათ მათ კითხვები და მიიღოთ კვალიფიციური პასუხები პირველწყაროსგან”, ნათქვამია ორგანიზაციის ვებ-გვერდზე სოციალურ ქსელში. აპლიკაციის ფორმა...  წყარო: ორგანიზაციის ვებ-გვერდი სოციალურ ქსელში

თბილისი. აისეკ საქართველო იწყებს ადგილობრივი სოციალური პროექტების განხორციელებას გაეროს მდგრადი განვითარების მიზნების გარშემო. „თუ კი ხართ დაინტერესებული საქართველოში არსებული პრობლემებით და გსურთ იპოვოთ მათი გადაწყვეტის გზები, შემოგვიერთდით. ყველა არასამთავრობო ორგანიზაციას, სკოლას ან დაწყებითი განათლების ცენტრს შეუძლია დარეგისტრიდეს და გახდეს აისეკის პარტნიორი", ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

აჭარა. 11 ნოემბერს, პროექტ „მართე შენი ქალაქის” მონაწილე ახალგაზრდებმა და საკრებულოს მრჩეველთა საბჭოს წევრებმა ახალგაზრდობის, კულტურის და სპორტის პროგრამების - საჯარო განხილვაში მიიღეს მონაწილეობა. შეხვედრაზე ახალგაზრდებმა ღია შეხვედრების - „შენი ხმა საბჭოში” ფარგლებში გამოვლენილი ინიციატივები და რეკომენდაციები წარადგინეს. სრულად... წყარო: ორგანიზაციის ვებ-გვერდი სოციალურ ქსელში

თბილისი. პროექტის „დავლიოთ ჩაი და ვისაუბროთ ადამიანის უფლებებზე" ფარგლებში - უნივერსიტეტების იურიდიული ფაკულტეტების სტუდენტების შეხვედრა პროფესორებთან ლელა ჯანაშილსა და გიორგი გოგიაშვილთან. „საქართველოს შოთა რუსთაველის ეროვნული ფონდის მიერ დაფინანსებული კვლევის „საქართველოს ტერიტორიული მოწყობის პრობლემები" - პრეზენტაცია ღონისძიება გაიმართა არაფორმალურ და თავისუფალ გარემოში, სადაც ახალგაზრდები აქტიურად იღებდნენ მონაწილეობას დისკუსიაში, სვამდნენ კითხვებს და ისმენდნენ საპატიო სტუმრების კომენტარებს მათ მიერ წამოწეულ საკითხებზე. პროექტის „დავლიოთ ჩაი და ვისაუბროთ ადამიანის უფლებებზე" მიზანია ე.წ. ჩაი-ფართების (tea-party) ორგანიზება სამართალმცოდნეობის ფაკულტეტის სტუდენტებისათვის მათი პროფესიული განათლების ამაღლების მიზნით," ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

თბილისი. გაეროს ბავშვთა ფონდის მხარდაჭერით და ევროკავშირის დაფინანსებით მიმდინარე ტარდება ტრენინგები პროკურორების, სოციალური მუშაკების, მოსამართლეებისა და მედიატორებისთვის არასრულწლოვანთა მართლმსაჯულების ახალი კოდექსით გათვალისწინებული ნორმების შესახებ. „ტრენინგის მიზანი კოდექსის დეტალური გაცნობა, განრიდების შესახებ არსებული გამოცდილების გაზიარება და სხვადასხვა პროფესიის მუშაკების ურთიერთკოორდინაციის ხარისხის გაზრდაა", ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

თბილისი. 9 ნოემბერს, ვანო ხუხუნაიშვილის სახელობის ეფექტიანი მმართველობის სისტემის და ტერიტორიული მოწყობის რეფორმის ცენტრისა და საქართველოში გაეროს განვითარების პროგრამის (UNDP) ორგანიზებით, ადგილობრივი თვითმმართველობის მოხელეთა უწყვეტი სწავლების სისტემის პრეზენტაცია გაიმართა. „პრეზენტაციაზე ცენტრის დირექტორის მოვალეობის შემსრულებელმა, მაკა კორძაძემ წარმოადგინა ადგილობრივი თვითმმართველობის მოხელეთა უწყვეტი სწავლების სისტემა, რომლის მიზანია ადგილობრივი თვითმმართველობის ადამიანური რესურსის გაძლიერების ხელშეწყობა მუნიციპალიტეტის მოხელეთა საჭიროებებზე მორგებული, ხარისხიანი სასწავლო პროგრამებით", ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

თბილისი. 7 ნოემბერს, გაიმართა კონფერენცია, რომელიც საქართველოს ასოცირებას ევროკავშირის კვლევისა და ინოვაციის ჩარჩო პროგრამასთან „ჰორიზონტი 2020" და მასში საქართველოს მეცნიერთა მონაწილეობის გაძლიერებას მიეძღვნა. „ღონისძიებაზე განიხილეს: ევროკავშირის კვლევისა და ინოვაციის ჩარჩო პროგრამის Horizon 2020 მიმოხილვა (დაფინანსების შესაძლებლობები, საერთაშორისო თანამშრომლობა); საქართველოს მონაწილეობა ჩარჩო პროგრამაში; საქართველოს საერთაშორისო თანამშრომლობის ხელშემწყობი კვლევისა და განვითარების პროგრამები; გამოცდილების გაზიარება და სამომავლო ეროვნული საქმიანობის მხარდაჭერის გაძლიერება", ნათქვამია შოთა რუსთაველის ეროვნული სამეცნიერო ფონდის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

სამეგრელო. 4 ნოემბერს, ასოციაცია „ათინათის” ახალგაზრდული ცენტრის წევრებისთვის მოეწყო მეორე შეხვედრა „სწავლება დოკუმენტური ფილმების მეშვეობით" ფარგლებში. „…შეხვედრაზე ნაჩვენები იყო დოკუმენტური ფილმები „ანა" და „მესბა", რომელიც ეხებოდა ბავშვთა უფლებებს. საუბარი იყო თუ რა უფლებები აქვთ ბავშვებს და რა მოვალეობები აკისრია სახელმწიფოს ბავშთა კონვენციასთან რატიფიცირების შემდეგ”, ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

თბილისი. 10 ნოემბერს, 17:00 საათზე აშშ–ში გაცვლითი პროგრამის (UGRAD) კოორდინატორი უპასუხებს პროგრამით დაინტერესებულ პირებს. კითხვა პასუხის სესია გაიმართება აშშ–ის საელჩოს ვებგვერდზე სოციალურ ქსელში („ფეისბუქი"). სრულად... პროგრამის შესახებ... წყარო: აშშ–ის საელჩოს ვებგვერდი სოციალურ ქსელში

თბილისი. 4 ნოემბერს „მზიურის" კაფეში ხმოვანი წიგნების პირველი ქართული აპლიკაციის პრეზენტაცია გაიმართა. „ამ პროექტზე მუშაობა „საბამ" გაზაფხულზე დაიწყო. აპლიკაციაში „SABA Reader" დაემატა ხმოვანი წიგნების ფუნქციონალი და ადაპტირდა უსინათლო ადამიანებზე, რაც ნიშნავს, რომ ისინი ხმოვანი წიგნის მოსმენას დამოუკიდებლად, სხვისი დახმარების გარეშე შეძლებენ. ამასთან, „საბას" 300-ზე მეტი ხმოვანი წიგნი ხელმისაწვდომია ნებისმიერი მსურველისთვის. ეს არის ტექნოლოგიურად დახვეწილი, თანამედროვე სტანდარტების შესაბამისი ხმოვანი წიგნები. მათი მოსმენა შესაძლებელია Android და ioS მოწყობილობებში, ინტერნეტის გარეშე. პროექტი განხორციელდა ფონდ „ღია საზოგადოება საქართველოს" მხარდაჭერით", ნათქვამია ელექტრონული წიგნების სახლი „საბას" ვებ-გვერდზე სოციალურ ქსელში. სრულად... წყარო: „საბას" ვებ-გვერდი სოციალურ ქსელში

თბილისი. გენდერული საინფორმაციო პორტალი აქვეყნებს სალომე ბელქანიას ბლოგპოსტს: „გოგოების გადამრჩენელ სეხნიას". „ადამიანის უშუალობა რიცხვებში რომ იზომებოდეს, პირველი იქნებოდა. ხიდი რომ არსებობდეს გოგოებსა და დანარჩენ სამყაროს შორის, აი ის დამაკავშირებელი ხიდი იქნებოდა. ისეთი სასწორი რომ იდგას სადმე, რომელზეც ერთ მხარეს გადასარჩენი გოგოები დადგებოდნენ ხოლო მეორე მხარეს სალომე ბენიძის წიგნით გადარჩენილი გოგოები, ეს უკანასკნელი გადაწონიდა", ნათქვამია ბლოგპოსტში. სრულად... წყარო: ginsc.net

თბილისი. ლიბერალიზმის სასწავლო ცენტრმა ჩაატარა გამოკითხვა განათლების სისტემის პრობლემებთან დაკავშირებით. წყარო: ორგანიზაციის ვებ-გვერდი სოციალურ ქსელში

თბილისი. 4 ნოემბერს დასრულდა არამომგებიანი ორგანიზაციის მართვის ტრენინგ კურსი, რომელსაც კონსულტაციისა და ტრენინგის ცენტრი (CTC) EWMI ACCESS-ის დაფინანსებით ატარებდა. კურსი 5 თვის განმავლობაში გრძელდებოდა და მოიცავდა არამომგებიანი ორგანიზაციისა და პროექტის მართვის თითქმის ყველა ასპექტს. სრულად... წყარო: ორგანიზაციის ვებ-გვერდი სოციალურ ქსელში

სამცხე-ჯავახეთი. PITA-ს ახალციხის ახალგაზრდული ცენტრის წევრები მონაწილეობას მიიღებენ სახალხო დამცველთან არსებული ტოლერანტობის ცენტრის მიერ ორგანიზებულ ვიქტორინაში. კონკურსი მიზნად ისახავს, ტოლერანტობის კულტურის ხელშეწყობას, ახალგაზრდებს შორის საქართველოს რელიგიურ და ეთნიკურ მრავალფეროვნების შესახებ ცოდნის ამაღლებას. სრულად... წყარო: ორგანიზაციის ვებ-გვერდი სოციალურ ქსელში

თბილისი. 27-28 ოქტომბერს, შოთა რუსთაველის ეროვნული სამეცნიერო ფონდის ორგანიზებით, ჩატარდა ტრეინინგი საქართველოს მეცნიერთათვის და კვლევითი ინსტიტუციების მიერ დასახელებული პირებისათვის. „ტრეინინგი - „Navigating H2020 and its rules principles Opportunities and challenges for Georgian scientists" შეეხო ევროკავშირის კვლევისა და ინოვაციის ჩარჩო პროგრამა „ჰორიზონტი 2020"-ში და საერთაშორისო სამეცნიერო-კვლევით კონკურსებში საქართველოს მეცნიერთა ჩართულობის შესაძლებლობებს, კვლევითი პროექტების დაფინანსების მოპოვების საშუალებებს, საერთაშორისო სამეცნიერო კავშირების დამყარებისა და კოლაბორაციის გაზრდის გზებს," ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში