თბილისი. გამოვიდა მედიის განვითარების ფონდის, MDF ახალი პუბლიკაცია „გენდერმედიატორი". გამოცემის მიზანია, ხელი შეუწყოს მედიაში გენდერული საკითხების პროფესიულად გაშუქებას. ასევე ადგილობრივი და საერთაშორისო გამოცდილების საფუძველზე გააცნოს მოქმედ და მომავალ ჟურნალისტებს ამ სფეროს მარეგულირებელი ნორმები და პროფესიული სტანდარტები; ასევე ხელი შეუწყოს თვითრეგულირების მექანიზმების ეფექტურ დანერგვას, რაც გენდერულ საკითხებზე მედია გაშუქების ხარისხის ამაღლების მნიშვნელოვანი წინაპირობაა. აღნიშნული პუბლიკაციის გამოცემა გაერთიანებული ერების განათლების, მეცნიერებისა და კულტურის ორგანიზაციის UNESCO-სა და საქართველოს იუნესკოს ეროვნული კომისიის მხარდაჭერით გახდა შესაძლებელი. პუბლიკაცია: „გენდერმედიატორი" წყარო: mdfgeorgia.ge

თბილისი. 27 გაიმართა საჯარო დისკუსია თვითმმართველობის არჩევნებში მონაწილე ქალი კანდიდატები. მასში მონაწილეობას იღებდნენ თბილისის საკრებულოს წევრები, ადგილობრივი თვითმმართველობის არჩევნებში მონაწილეობის მსურველი კანდიდატები, გენდერული თანასწორობის ქსელის, არასამთავრობო, საერთაშორისო ორგანიზაციებისა და მედიის წარმომადგენლები. შეხვედრის მიზანი იყო ადგილობრივ თვითმმართველობის არჩევნებში მონაწილე ქალ კანდიდატთა გამოვლენა და მოტივირება. ღონისძიება გაიმართა პროექტის – „გენდერული თანასწორობა პოლიტიკურ პროცესებში" – ფარგლებში, რომელსაც ახორციელებს გენდერული თანასწორობის ქსელი, საარჩევნო სისტემების საერთაშორისო ფონდის და აშშ–ის განვითარების სააგენტოს ფინანსური მხარდაჭერით. წყარო: გენდერული თანასწორობის ქსელის ვებგვერდი სოციალურ ქსელში

კახეთი. დუისში, კახეთის რეგიონული განვითარების ფონდის საზოგადოებრივი ცენტრის ოფისში, ტრენინგი სახელწოდებით ,,მამაკაცური საუბრები'' მიმდინარეობს. შეხვედრა, ქალთა საინფორმაციო ცენტრი პროექტის „თემთა მობილიზება საგანმანათლებლო, კულტურული და სპორტული ღონისძიებების გზით ქალთა წინააღმდეგ მიმართული ძალადობის პრევენციისა და აღმოფხვრისათვის” ფარგლებში, იმართება. პროექტის მიზანია პანკისის ხეობის მოსახლეობის, ეთნიკური და რელიგიური უმცირესობების და ლტოლვილების ცნობიერების ამაღლება ქალთა წინააღმდეგ მიმართულ ძალადობასთან დაკავშირებული პრობლემატიკის შესახებ. ნანუკა ავალიანი, პროექტის კოორდინატორი: ,, ტრენინგის მიზანია მამაკაცების ინფორმირება გენდერული და ოჯახში ძალადობის შესახებ და ამ პრობლემის მიმართ მათი სენსიტიურობის გაზრდა. „მამაკაცური საუბრები”, თავისი მნიშვნელობით, გამორჩეული ტრენინგია. ქალთა საინფორმაციო ცენტრი აქტიურად მუშაობს სხვადასხვა ასაკის მამაკაცებთან საქართველოს თითქმის ყველა რეგიონში, მათი ცნობიერების ამაღლებისა და ქალთა მიმართ ძალადობის დაძლევის მიზნით. „მამაკაცური საუბრები” ტარდება ცნობილი ტრენერის, მიშელ კაუფმანის რეგიონული ტრენინგ კურსის მიხედვით". პროექტი მიმდინარეობს ევროკავშირის დაფინანსებით და კახეთის რეგიონული განვითარების ფონდთან პარტნიორობით.

თბილისი. ლიბერალიზმის სასწავლო ცენტრმა „ლიბთაიმის" გადაცემა გამოაქვეყნა. გადაცემის თემაა - „ქალთა მიმართ ძალადობა". რა მდგომარეობაა საქართველოში ქალთა მიმართ ძალადობის კუთხით, როგორია დინამიკა, რა გავლენას ახდენს არსებული სტერეოტიპები გენდერულ თანასწორობაზე და რა უწყობს ხელს მათ ჩამოყალიბებას - ამ საკითხებზე წამყვანთან ერთად გადაცემის სტუმრები - „ქალთა ინიციატივის მხარდამჭერი ჯგუფის"  აღმასრულებელი დირექტორი ეკა აღდგომელაშვილი და „ქალთა საინფორმაციო ცენტრის" დირექტორი ელენე რუსეცკაია საუბრობენ. გადაცემა   წყარო:ორგანიზაციის გვერდი სოციალურ ქსელში

აჭარა. 22 დეკემბერს ბათუმის ახალგაზრდული ცენტრის ორგანიზებით გენდერული თანასწორობის თემაზე, ბათუმის პრესკაფეში, თანატოლთა ტრენინგი ჩატარდა, რომელშიც მონაწილეობდნენ როგორც ცენტრის წარმომადგენლები, ასევე სხვადასხვა საჯარო სკოლის მოსწავლეები, სულ 40 მონაწილე. თანატოლთა ტრენინგი დაგეგმეს და განახორციელეს გენდერის თემატური სკოლის მონაწილეებმა. ტრენინგის დროს ჩატარდა სხვადასხვა სავარჯიშოები, გაიმართა მოკლემეტრაჟიანი ფილმების ჩვენება და პრეზენტაცია ისეთ საკითხებზე, როგორიცაა სქესსა და გენდერს შორის განსხვავება, გენდერული თანასწორობა, ფემინიზმი, გენდერული თანასწორობა საქართველოს ისტორიაში, გენდერული სტერეოტიპები, საკანონმდებლო ბაზა, დღევანდელი მდგომარეობა მსოფლიოში და საქართველოში, გენდერული უთანასწორობის განმაპირობებელი ფაქტორები და საზოგადოების როლი. აქტივობა განხორციელდა პროექტის ფარგლებში „ეროვნული ინტეგრაციის გაძლიერება საქართველოში" (ANI), რომელსაც ახორციელებს საქართველოს გაეროს ასოციაცია (UNAG) აშშ-ს საერთაშორისო განვითარების სააგენტოს (USAID) ფინანსური მხარდაჭერით. ბათუმში პარტნიორი ორგანიზაციაა „თავისუფალ ჟურნალისტთა სახლი" (IJH).

მცხეთა–მთიანეთი. საარჩევნო სისტემების საერთაშორისო ფონდი (IFES) ამერიკის შეერთებული შტატების განვითარების სააგენტოს (USAID) მხარდაჭერით 17-21 დეკემბერს ატარებს ტრეინინგს. სადაც განიხილება შემდეგი თემატიკა: კომუნიკაცია, ლიდერობა, გენდერული თანასწორობა და ადამიანის უფლებები. ტრენინგი ტარდება გუდაურში, სადაც მონაწილეობას იღებენ გენდერული თანასწორობის ქსელის წევრები და საქართველოში მოქმედი პოლიტიკური პარტიების წარმომადგენელი ქალები. წყარო: ორგანიზაციის გვერდი სოციალურ ქსელში

კახეთი. თელავის დემოკრატიული ჩართულობის ცენტრისა და საქართველოს სახალხო დამცველის აპარატის ორგანიზებით გაიმართა ტრენინგი თემაზე ,,გენდერი სტერეოტიპები და თანასწორობა". სახალხო დამცველის აპარატის წარმომადგენელმა ეკატერინე სხილაძემ გავრცელებულ სტერეოტიპებზე გააკეთა პრეზენტაცია. მან განმარტა თუ რას ნიშნავს ოჯახური ძალადობა და მახასიათებლები გააჩნია: ,,ვისაუბრეთ რას ნიშნავს გენდერი, თანასწორობა და ასევე, როგორია სტერეოტიპები. ვაჩვენეთ ფილმი, რომელიც ოჯახში შრომის არათანაბარ გადანაწილებას ასახავს". გენდერული კლუბის წევრი, ალექსანდრე თეგერაშვილი: ,,ხშირ შემთხვევაში ქალები უწყობენ ხელს სტერეოტიპების დამიკვიდრებას, რადგან მიაჩნიათ, რომ საყოფაცხოვრებო და ოჯახური საქმიანობა უნდა იყოს მკაცრად გამიჯნული. ეს ყველაფერი ინფორმაციის არარსებობისა და განათლების ნაკლებობის ბრალია. საზოგადოებას მეტი ინფორმირებულობა სჭირდება". შეხვედრის დასასრულს ტრენინგის მონაწილეებმა აღნიშნეს, რომ ამ ტიპის დისკუსიები და მსჯელობა, სხვადასხვა მოსაზრებების გაცვლა ხელს შეუწყობს საზოგადოებრივი ცნობიერების ამაღლებას.

აჭარა. ხანდაზმულ ქალთა ასოციაციამ გენდერული ძალადობის წინააღმდეგ ბრძოლის 16 დღიანი კამპანიის ფარგლებში სოციალური რეკლამა მოამზადა. რეკლამა  წყარო:ორგანიზაციის გვერდი სოციალურ ქსელში

კახეთი. 12-15 დეკემბერს, კაჭრეთში, ადგილობრივი თვითმმართველობების მრჩევლებისთვის ტრენინგი - „ინსტიტუციურ მექანიზმებსა და გედენრულ მეინსტრიმინგში" - ჩატარდა. ღონისძიება განხორციელდა პროექტის - „გენდერული სამართლიანობის ხელშეწყობა ქალთა პოლიტიკური გაძლიერების გზით" - ფარგლებში. ტრენინგი ჩატარდა ქალთა საინფორმაციო ცენტრის მიერ, რეგიონული განვითარებისა და ინფრასტრუქტურის სამინისტროსთან თანამშრომლობითა და ბრიტანული საქველმოქმედო ორგანიზაცია Oxfam-ის ერთობლივი ინიციატივით. ადგილობრივი თვითმმართველობის მრჩევლები დაინიშნენ 2013 წელს, ქალთა საინფრომაციო ცენტრისა და კოალიცია ქალთა პოლიტიკური ჩართულობისთვის ერთობლივი ინიციატივითა და რეგიონული განვითარებისა და ინფრასტრუქტურის სამინისტროს მხარდაჭერით. წყარო:ორგანიზაციის გვერდი სოციალურ ქსელში

სამცხე–ჯავახეთი. ახალციხის დემოკრატიული ჩართულობის ცენტრში ძალადობის წინააღმდეგ მიმართული ორკვირიანი კამპანიის ფარგლებში გაიმართა ღონისძიება თემაზე: ქალთა მიმართ ძალადობა და დისკრიმინაცია. დისკუსიას წარუძღვნენ ორგანიზაცია „მესხ ქალთა კლუბის” წევრი ქალები. შეხვედრას ესწრებოდნენ სამოქალაქო კლუბის წევრები, სტუდენტები, არასამთავრობო ორგანიზაციის წარმომადგენლები. შეხვედრაზე წარმოდგენილი იყო ,,მესხ ქალთა კლუბის" მიერ მომზადებული პრეზენტაცია ქალთა მიმართ ძალადობის შესახებ. ასევე ნაჩვენები იყო დოკუმენტური ფილმი 2010 წლის ქალთა TED მოძრაობის შესახებ მადლენ ოლბრაიტის ინტერვიუს ჩანაწერით. მსმენელებს გააცნეს საქართველოს შინაგან საქმეთა სამინისტროს მიერ გამოქვეყნებული სტატისტიკა ოჯახში ძალადობის შესახებ. დისკუსიის ფარგლებში კლუბის წევრებს შესაძლებლობა მიეცათ დამსწრე საზოგადოებისთვის გაეზიარებინათ საკუთარი მოსაზრებები ქალური სოლიდარობისა და ზიარი პასუხისმგებლობის შესახებ.

შიდა ქართლი. გორის დემოკრატიული ჩართულობის ცენტრში 10 დეკემბერს გაიმართა ორგანიზაციის „ქალთა კლუბის" პრეზენტაცია. ორგანიზაციის წარმომადგენლებმა დამსწრეებს წარუდგინეს ორგანიზაციის მიზნები, ინტერესის სფეროები და ორგანიზაციის მმართველობის სტრუქტურა. მისმა ხელმძღვანელმა ასევე მიაწოდა ინფორმაცია დამსწრეებს „ქალთა კლუბის" უახლოესი გეგმების შესახებ. ქალთა კლუბი ამ ეტაპზე იფუნქციონირებს გორის დემოკრატიული ჩართულობის ცენტრში.

კახეთი. ახალგაზრდა იურისტთა ასოციაციის თელავის ოფისმა, დემოკრატიული ჩართულობის ცენტრში, ადამიანის უფლებათა დაცვის საერთაშორისო დღისადმი მიძღვნილ საჯარო შეხვედრა გაიმართა. რომელსაც ადგილობრივი თვითმმართველობის და არასამთავრობო ორგანიზაციების წარმომადგენელები და დაინტერესებული პირები ესწრებოდნენ. ახალგაზრდა იურისტთა ასოციაციის თელავის ოფისის ხელმძღვანელის, მარეხ მგალობლიშვილის თქმით, შეხვედრის მიზანია სამოქალაქო საზოგადოების წევრებს შორის ცნობიერების ამაღლება ადამიანის უფლებებზე, კერძოდ ქალთა უფლებებზე, აგრეთვე, უკანასკნელ პერიოდში საქართველოს შრომის კოდექსში შეტანილი ცვილელების შესახებ, რომელიც ეხება დასაქმებულ ქალთა უფლებებს: ,,შეხვედრაზე ვისაუბრეთ შრომის კოდექსის შესახებ, დამსწრე საზოგადოებას გავაცანით კოდექსში შესული ცვლილებები და ვუპასუხე კითხვებს ქალთა უფლებებთან დაკავშირებით." შეხვედრაზე, ასევე, საუბარი იყო საქართველოში ქალთა საკუთრების უფლების შესახებ და ქალებს შორის სოლიდარობის მნიშვნელობაზე.

სამეგრელო. კონფლიქტებისა და მოლაპარაკებების საერთაშორისო კვლევითმა ცენტრმა ღოსნიძიება - „გენდერული სტერეოტიპების გაანალიზება და გაცნობიერება" - გამართა. აღნიშნულ თემაზე ასევე მოეწყო ფოტო და სამხატვრო ნამუშევრების გამოფენა. ღონისძიების ბოლოს გამოავლინეს გამარჯვებულები, რომლებსაც ფასიანი საჩუქრები გადაეცათ. წყარო:ახალგაზრდულ ცენტრ „ორტუსის" გვერდი სოციალურ ქსელში

კახეთი.  თელავის დემოკრატიის ჩართულობის ცენტრში გაიმართა საჯარო დისკუსია „გენდერული თანასწორობა პოლიტიკურ პროცესებში".  შეხვედრის მიზანი იყო საზოგადოების ინფორმირება ქალთა პოლიტიკური უფლებების შესახებ გადაწყვეტილების მიღების პროცესში და ადგილობრივი თვითმართველობის არჩევნებისათვის აქტიურ ლიდერ ქალთა გამოვლენა. პროექტი ხორციელდება გენდერული თანასწორების მიერ, საარჩევნო სისტემების საერთაშორისო ფონდის (IFES) და ამერიკის შეერთებული შტატების საერთაშორისო განვითარების სააგენტოს (USAID) ფინანსური მხარდაჭერით, პროექტის – „ნდობის გაზრდა საარჩევნო პროცესებისადმი" – ფარგლებში.

სამეგრელო. 6 დეკემბერს, ასოციაცია „ათინათის" ახალგაზრდული ცენტრი „ორტუსის" წევრებმა ზუგდიდის მეხუთე საჯარო სკოლაში თანატოლთა ტრენინგი - „გენდერული თანასწორობა" - ჩაატარეს.  ტრენინგში მონაწილეობა მიიღეს ამავე სკოლის მე-8 და მე-9 კლასის მოსწავლეებმა. თანატოლგანმანათლებლებმა ინფორმაცია მიაწოდეს ახალგაზრდებს გენდერზე, გენდერულ თანასწორობაზე და ფემინიზმზე.  წყარო:ორგანიზაციის გვერდი სოციალურ ქსელში

აჭარა. 4 დეკემბერს, თვითმმართველ ქალაქ ბათუმის საკრებულოს სხდომათა დარბაზში, ფონდმა „სოხუმმა" პროექტის პრეზენტაცია გამართა. პროექტი გენდერულ საკითხებზე მუშაობას ითვალისწინეს, ასევე რეკომენდაციების გაცემასა და ქალთა უფლებების განმტკიცებას ისახავს მიზნად. შეხვედრაზე ფონდსა და  ქალაქის საკრებულოს შორის ურთიერთთანამშრომლობის მემორანდუმი გაფორმდა.  მან უნდა განსაზღვროს თვითმმართველობის პერსპექტივები და მხარეთა მიერ აღებული ვალდებულებები ადგილობრივი გენდერულ პოლიტიკაში, რაც ხელს შეუწყობს ახალი ინსტიტუციონალური მექანიზმის - გენდერული საკონსულტაციო საბჭოს დაკომპლექტებას საკრებულოს წევრების, დევნილი ადგილობრივი თემის, ეთნიკური უმცირესობის, მედიისა და საზოგადოებრივი ორგანიზაციების წარმომადგენლებით.

აჭარა. 2 დეკემბერს, ბათუმის დემოკრატიული ჩართულობის ცენტრში, გენდერული ჩართულობის კლუბმა ღონისძება გამართა, რომელიც მიმართული იყო გენდერული ძალადობის წინააღმდეგ.  16 დღიანი კამპანია, აღნიშნულ საკითხთან დაკავშირებით 1991 წლიდან იღებს სათავეს.  ბათუმი თავის მხრივ შეუერთდა კვირეულს. შეხვედრაში მონაწილეობას იღებდნენ საზოგადოებრივი ორგანიზაციებისა და მედიის წარმომადგენლები, ასევე სტუდენტები.

ქალთა ასოციაცია „თანხმობამ" წყალტუბოში, თბილისში, გორსა და ნიქოზში „ქალთა მიმართ ძალადობის წინააღმდეგ" კამპანიის ფარგლებში დოკუმენტური ფილმის ჩვენება-დისკუსიები გამართა. შეხვედრებზე მიწვეულნი იყვნენ ადგილობრივი აქტივისტები და ეროვნული უმცირესობების წარმომადგენლები. ღონისძიებები ხორციელდება პროექტის - „კონფლიქტით დაზარალებული თემებისთვის ინოვაციური გადაწყვეტილებების შემუშავება" - ფარგლებში.  ორგანიზაცია შეხვედრებს ზუგდიდში, გარდაბანში, ფოცხო-ეწერასა და ინგირშიც გამართავს.  

თბილისი. არასამთავრობო ორგანიზაციებმა და პარლამენტის გენდერული საბჭომ გენდერული ეროვნული სამოქმედო გეგმა განიხილეს. კერძოდ, შეხვედრის თემას წარმოადგენდა  სამოქმედო გეგმის პროექტი,  რომლის განხილვასაც პარლამენტი, მიმდინარე წელს აპირებს. გენდერული საბჭოს გაძლიერება, პოლიტიკურ ცხოვრებაში ქალთა და კაცთა თანაბარი მონაწილეობა, ადგილობრივი თვითმმართველობის რეფორმის დროს გენდერული ბალანსის დაცვა, ეს იმ საკითხთა მცირე ჩამონათვალია, რომელზეც არასამთავრობო ორგანიზაციებმა, გენდერული საბჭოს თავმჯდომარესთან ერთად იმსჯელეს.  წყარო:ginsc.net

თბილისი. „ქალთა ფონდმა საქართველოში" ქალთა უფლებების დაცვის საერთაშორისო დღეს „კატო მიქელაძის სახელობის პრემიის" გამარჯვებული გამოავლინა.  ქალთა უფლებების დაცვისათვის პრემიის მფლობელი ეკა აღდგომელაშვილი გახდა, რომელიც „ქალთა ინიციატივების მხარდამჭერი ჯგუფის" დამფუძნებელია.  ორგანიზაცია „ქალთა ფონდი საქართველოშის" ინიციატივით, კატო მიქელაძის სახელობის პრემია ყოველი წლის 29 ნოემბერს საქართველოში ქალთა უფლებების დამცველ ერთ -ერთ აქტივისტს გადაეცემა.  წყარო:ორგანიზაციის გვერდი სოციალურ ქსელში

აჭარა. 29 ნოემბერს,  დემოკრატიული ჩართულობის ცენტრში, პროექტის – „გენდერული თანასწორობა პოლიტიკურ პროცესებში" -  ფარგლებში  დისკუსია გაიმართა. შეხვედრა მიზნად ისახავდა პოლიტიკურად აქტიურ ქალთა გამოვლენას როგორც ბათუმში, ასევე აჭარის მაღალმთიანეთში. დისკუსიების დასარულს, შეიქმნება პოლიტიკურად აქტიურ ქალთა ბაზა, რომელთა უმრავლესობაც 2014 წლის ადგილობრივი თვითმმართველობის არჩევნებში აქტიურად იქნება ჩართული. შეხვედრას სხვადასხვა საზოგადოებრივი  ორგანიზაციების წარმომადგენლები და გენდერული თანასწორობის ქსელის აჭარის რეგიონების კოორდინატორები ესწრებოდნენ. 

შიდა ქართლი. 28 ნოემბერს, გენდერული ძალადობის წინააღმდეგ ბრძოლის 16 დღიანი კამპანიის ფარგლებში, გორის ახალგაზრდულმა ცენტრმა მორიგი აქტივობა ჩაატარა. ცენტრის ახალგაზრდებმა მოიძიეს რეალური ისტორიები, რომლებიც ქალებზე ძალადობას ეხებოდა და ისაუბრეს მათზე. ასევე ისაუბრეს შარიათის კანონზე და საქართველოში სხვადსხვა სტიგმაზე. აქტივობა დაიგეგმა „ეროვნული ინტეგრაციის გაძლიერება საქრთველოში" პროექტის ფარგლებში, რომელიც ხორციელდება საქართველოს გაეროს ასოციაციის მიერ, აშშ-ს საერთაშორისო განვითარების სააგენტოს (USAID) მხარდაჭერით. გორში პროექტის პარტნიორი ორგანიზაციაა „გორის ინვალიდთა კლუბი". წყარო:ორგანიზაციის გვერდი სოციალურ ქსელში