თბილისი. კონსტიტუციის 42–ე მუხლმა საქართველოს მოქმედ სისხლის სამართლის საპროცესო კოდექსში არსებულ შუამდგომლობის დაყენების მარეგულირებელ დებულებებზე სტატია გამოაქვეყნა. ორგანიზაცია სასამართლო განხილვის ნებისმიერ ეტაპზე მტკიცებულებათა დაუშვებლად ცნობაზე შუამდგომლობის უფლების ინიციატივით გამოდის.   სრულად წყარო:ორგანიზაციის გვედი სოციალურ ქსელში

თბილისი. „ახალგაზრდა ადვოკატები" მიიჩნევენ, რომ „შსს უნდა დაინტერესდეს, ტერორიზმის შესახებ ცრუ შეტყობინებები შემთხვევითობაა თუ ორგანიზებული დანაშაული". ორგანიზაცია მიმართავს საქართველოს პარლამენტს, დააჩაქროს საქართველოს მთავრობის საკანონმდებლო ინიციატივის ძალაში შესვლა და დაჩქარებული განხილვის წესით, სისხლის/ადმინისტრაციული სამართლის კოდექსებში შევიდეს ცვლილებები ტერორიზმის შესახებ ცრუ შეტყობინების სანქციის გამკაცრებასთან დაკავშირებით. „მიგვაჩნია, რომ შემთხვევით ხდება მნიშვნელოვანი პოლიტიკური საკითხების გადაფარვა და საზოგადოებაში მართლწესრიგების მიმართ ნეგატიური დამოკიდებულების გაჩენა. ცრუ შეტყობინებების ერთ–ერთი მიზანი, საპრეზიდენტო არჩევნების პერიოდში, მოსახლეობის დეორგანიზების მცდელობად მიგვაჩნია. ის ფაქტი, რომ ყველა შეტყობინების ავტორი არასრუწლოვანია, გვაფიქრებინებს, რომ პროცესი მიზანმიმართული და ხელოვნურია", ნათქვამია ორგანიზაციის გვერდზე სოციალურ ქსელში. წყარო:ორგანიზაციის გვერდი სოციალურ ქსელში 

თბილისი. 13 ივნისს საქართველოს პარლამენტში ინიცირებულ სამ კონსტიტუციური კანონის პროექტთან დაკავშირებით საიამ ვრცელი წერილობითი დასკვნა საქართველოს პარლამენტს წარუდგინა.  დასკვნა წყარო:gyla.ge

თბილისი. 5 სექტემბერს საქართველოს ახალგაზრდა იურისტთა ასოციაციამ სალომე ზურაბიშვილის სახელით თბილისის საქალაქო სასამართლოს ადმინისტრაციულ საქმეთა კოლეგიას მიმართა. საია ცესკოს თავმჯდომარის განკარგულების ბათილად ცნობას ითხოვს. განკარგულების მიხედვით სალომე ზურაბიშვილს უარი ეთქვა პრეზიდენტობის კანდიდატად რეგისტრაციაზე. „სალომე ზურაბიშვილის პრეზიდენტობის კანდიდატად რეგისტრაციაზე უარი არის დაუსაბუთებელი. შესაბამისად, საია გეგმავს სასამართლოში დაიცვას სალომე ზურაბიშვილის ინტერესები", ნათქვამია ორგანიზაციის ვებ–გვერდზე. სრულად წყარო: gyla.ge

იმერეთი. „საერთაშორისო გამჭვირვალობა – საქართველოს" სასარჩელო მოთხოვნა ქუთაისის საქალაქო სასამართლომ სრულად დააკმაყოფილა და ბათილად ცნო ქუთაისის მერის დიმიტრი კოპალიანის ბრძანება მერის მოადგილის კოტე რატიანის თანამდებობიდან გათავისუფლების შესახებ. „დღეის მდგომარეობით, „საერთაშორისო გამჭვირვალობა – საქართველომ" ქუთაისის მერიის წინააღმდეგ უკვე 8 პროცესი მოიგო, რომელიც ქუთაისის მერიაში რეორგანიზაციის შედეგად გათავისუფლებული თანამშრომლების სამსახურში აღდგენას უკავშირდება". სრულად წყარო:ორგანიზაციის გვერდი სოციალურ ქსელში

თბილისი. „საქართველოს ახალგაზრდა იურისტთა ასოციაცია" საქართველოს პრეზიდენტის მიერ ფართომასშტაბიანი შეწყალების (მსჯავრდებულთათვის ნასამართლეობისა, დამატებითი სასჯელებისა და პირობითი მსჯავრის მოხდისაგან გათავისუფლების)  ინიციატივას გამოეხმაურა. „იმის გათვალისწინებით, რომ პრეზიდენტი წლების განმავლობაში პირადად იყო მკაცრი სისხლის სამართლის პოლიტიკის გატარების ინიციატორი და მხარდამჭერი, არჩევნებამდე 2 თვით ადრე მსგავსი ინიციატივის გამოჩენა, რომელიც გათვლილია მოსახლეობის ფართო მასებზე, შესაძლოა, მიზნად ისახავდეს წინასაარჩევნო პერიოდში ამომრჩევლის კმაყოფილების დონის გაზრდას, რაც, თავის მხრივ, წინასაარჩევნო კამპანიის ნაწილს შეიძლება წარმოადგენდეს. ეს კი საქართველოს პრეზიდენტს მიერ ადმინისტრაციული რესურსის გამოყენებად შეიძლება იყოს აღქმული. კოპენჰაგენის დოკუმენტი[1] ცალსახად ავალდებულებს სახელმწიფო უზრუნველყონ სახელისუფლებო და პარტიული საქმიანობის გამიჯვნა და არ დაუშვან ადმინისტრაციული რესურსების გამოყენება პარტიული მიზნებისათვის", ნათქვამია ორგანიზაციის მიერ გავრცელებულ განცხადებაში. საია ასევე მიიჩნევს, რომ „პრეზიდენტის (სახელმწიფოს) მიერ განხორციელებული ყველა ქმედება უნდა განხორციელდეს საქართველოს კანონმდებლობის და სამართლებრივი სახელმწიფოს ფუძემდებლური პრინციპების, მათ შორის, კანონის უზენაესობის, სრული დაცვით". სრულად წყარო: gyla.ge

თბილისი. საერთაშორისო გამჭვირვალობა – საქართველოს ინფორმაციით ქუთაისის საქალაქო სასამართლომ ქუთაისის მერიიდან გათავისუფლებული ათი პირის საქმეზე გადაწყვეტილება გამოიტანა. „სასამართლოს გადაწყვეტილებით ხუთი პირის სასარჩელო მოთხოვნა სრულად დაკმაყოფილდა, სამი – ნაწილობრივ, ხოლო ორი არ დაკმაყოფილდა. შეგახსენებთ, რეორგანიზაციისა და შტატების შემცირების საფუძვლით ქუთაისის მერიიდან 86 თანამშრომელი გათავისუფლდა, ხოლო მერის ორი მოადგილე – სამსახურებრივი უფლებამოსილების უხეში დარღვევის მოტივით". 12 მათგანის ინტერესებს „საერთაშორისო გამჭვირვალობა – საქართველო" იცავს. სრულად წყარო: ორგანიზაციის გვერდი სოციალურ ქსელში

იმერეთი. საერთაშორისო გამჭვირვალობა საქართველოს ორი სარჩელი ნაწილობრივ დააკმაყოფილა ქუთაისის საქალაქო სასამართლომ. როგორც ორგანიზაციის გვერდზე სოციალურ ქსელშია ნათქვამია „ქუთაისის საქალაქო სასამართლომ ბათილად ცნო ქუთაისის მერის დიმიტრი კოპალიანის 24 ივნისის ბრძანებები დავით ცაგარეიშვილისა და ირაკლი ქანთარიას სამსახურიდან გათავისუფლეების შესახებ და ქუთაისის მერს საკითხი დამატებითი შესწავლისთვის დაუბრუნა". საერთაშორისო გამჭვირვალობა – საქართველო" აგრძელებს მოსარჩელეთა ინტერესების დაცვას. სრულად წყარო: ორგანიზაციის გვერდი სოციალურ ქსელში

სამცხე–ჯავახეთი. არასამთავრობო ორგანიზაცია „დემოკრატ მესხთა კავშირის" საკონფერენციო დარბაზში შეხვედრა იურისტებსა და მოსახლეობას შორის გაიმართა. შეხვედრის თემა იყო საოჯახო და სამეზობლო სამართალი. შეხვედრა ჩატარდა პროექტ – „უფასო იურიდიული დახმარება სამცხე-ჯავახეთის მცხოვრებლებს" – ფარგლებში, ევრაზიის თანამშრომლობის ფონდის ფინანსური მხარდაჭერით. წყარო:ორანიზაციის გვერდი სოციალურ ქსელში

აჭარა. 9-10 აგვისტოს კონსტიტუციის 42-ე მუხლის ექსპერტები ბათუმსა და ქობულეთში გამართავენ შეხვედრებს მეწარმეებთან და ადვოკატებთან პროექტის ფარგლებში "მცირე და საშუალო ბიზნესმესაკუთრეთა ნდობის ხარისხის ამაღლება საქართველოს მართლმსაჯულების სისტემის მიმართ". დაინტერესებულ პირებს 42–ე მუხლის იურისტ/ექსპერტები გაუწევენ კონსულტაციებს საგადასახადო საკითხებზე, ასევე გააცნობენ საგადასახადო სფეროს საკანონმდებლო ცვლილებებს, საგადასახადო კონტროლის პროცედურებს და შემოწმების სახეებს. მცირე და საშუალო ბიზნესის წარმომადგენლები ასევე მიიღენბ საჭირო ინფორმაციას საგადასახადო დავალიანების გადახდის უზრუნველყოფის ღონისძიებებისა და საგადასახადო დავების გადაწყვეტის ეფექტური გზების შესახებ. მისამართი: ბათუმი დემოკრატიული ჩართულობის ცენტრი დასაწყისი: 12.00 საათი წყარო: ორგანიზაციისგვერდი სოციალურ ქსელში

თბილისი. 6 აგვისტოს სამართლიანმა არჩევნებმა და ახალგაზრდა იურისტთა ასოციაციამ პრესკონფერენცია გამართეს. ორგანიზაციებმა „იმ საშიშროებაზე ისაუბრეს, რომელიც აჭარის ბიუჯეტის გაზრდითა და სასამართლოს უმოქმედობის შედეგად აზიანებს წინასაარჩევნო პროცესს", ნათქვამია სამართლიანი არჩევნების ვებგვერდზე. საია და სამართლიანი არჩევნები მოუწოდებენ ბათუმის საქალაქო სასამართლოს საარჩევნო დავა კანონით დადგენილ გონივრულ ვადაში განიხილოს. შეგახსენებთ, რომ 30 ივლისს, სამართლიანი არჩევნებმა და საქართველოს ახალგაზრდა იურისტთა ასოციაციამ ბათუმის საქალაქო სასამართლოში სარჩელი შეიტანა, რათა აჭარის უმაღლესმა საბჭომ შეაჩეროს რესპუბლიკური ბიუჯეტის შესახებ კანონში შეტანილი ცვლილება, რომლის თანახმადაც 13 მილიონ 554 ათას 400 ლარი ინფრასტრუქტურულ და სოციალურ პროექტებს მოხმარდება. სრულად წყარო: isfeg.ge

თბილისი. ახალგაზრდა იურისტთა ასოციაცია განცხადებას ავრცელებს, სადა ნათქვამია –  "საიას დასაბუთებული  ვარაუდით, ბრალდებულ მამუკა ივანიაძის ფარული ვიდეოგადაღება პროკურორმა კანონდარღვევით განახორციელა". ორგანიზაცია მიმართავს საქართველოს მთავრ პროკურატურას „გაასაჯაროვოს ის სასამართლოს განჩინება, რომლითაც დაკანონდა პროკურორ გიორგი დავითაშვილის მიერ სასჯელაღსრულებით დაწესებულებაში მამუკა ივანიაძის ფარული ვიდეო გადაღება. იმ შემთხვევაში თუ მსგავსი განჩინება არ არსებობს, მოვითხოვთ დაუყოვნებლივ დაიწყოს ზემოაღნიშნულ ფაქტებზე გამოძიება". სრულად წყარო: gyla.ge

სამცხე–ჯავახეთი. მოსახლეობისათვის უფასო იურიდიული კონსულტაციის შეთავაზების მიზნით, დემოკრატ მესხთა კავშირის იურისტებმა, შეხვედრები გამართეს ახალციხის მუნიციპალიტეტის სოფელი გიორგიწმინდის მოსახლეობასთან. შეხვედრა ჩატარდა პროექტ ,,უფასო იურიდიული დახმარება სამცხე-ჯავახეთის მცხოვრებლებს" ფარგლებში, რომელიც დაფინანსებულია ევრაზიის თანამშრომლობის ფონდის მიერ. პროექტის ფარგლებში ახალციხის, ახალქალაქისა და ნინოწმინდის მუნიციპალიტეტებში მოქმედებს სამი სამართლებრივი დახმარების ცენტრი, რომელიც სამცხე-ჯავახეთის მოსახლეობას სთავაზობს: უფასო სამართლებრივ კონსულტაციებს; წერილების და განცხადებების მომზადებას სხვადასხვა სამსახურებში წარსადგენად; ნებისმიერი სახის სარჩელის მომზადებას; სამოქალაქო და ადმინისტრაციულ საქმეებზე სერთიფიცირებული იურისტის, უფასო, წარმომადგენლობას სასამართლოში, კერძო და საჯარო სამსახურებში; სატელეფონო კონსულტაციებს ON-LINE კონსულტაციას დემოკრატ მესხთა კავშირის გვერდზე სოციალურ ქსელში (www.facebook.com/UDMGeorgia ) ვებ-გვერდის (www.udm.org.ge) მეშვეობით. წყარო: დემოკრატ მესხთა კავშირის გვერდი სოციალურ ქსელში

თბილისი. 2 აგვისტოს, „კოალიცია მედიის ადვოკატირებისთვის" წევრი ორგანიზაციების წარმომადგენლებმა შეხვედრა საქართველოს მთავარ პროკურორ არჩილ კბილაშვილთან გამართეს. „შეხვედრაზე განხილვის ძირითადი თემა იყო ბოლო წლების განმავლობაში მედიის წარმომადგენლების მიმართ გამოვლენილი მნიშვნელოვანი დარღვევების ფაქტებზე დღემდე გამოუძიებელი საქმეებისა და ტელეკომპანია „რუსთავი2"-ის დამფუძნებლების მიერ აღძრული სისხლის სამართლის საქმის გაჭიანურების მიზეზები”, ნათქვამია media.ge-ზე სრულად  წყარო:media.ge

თბილისი. ინფორმაციის თავისუფლების განვითარების ინსტიტუტი (IDFI) საქართველოს ენერგეტიკისა და წყალმომარაგების მარეგულირებელი ეროვნული კომისიისაგან ინფორმაციის გაცემას ითხოვდა. ქუთაისის საქალაქო სასამართლომ 2013 წლის 24 ივნისის გადაწყვეტილებით არ დააკმაყოფილა IDFI-ის სარჩელი. ინსტიტუტის მოთხოვნა იყო საქართველოს ენერგეტიკისა და წყალმომარაგების მარეგულირებელი ეროვნული კომისიის დავალდებულება გაეცა 2013 წლის 26 მარტს მოთხოვნილი ინფორმაცია ხელმძღვანელსა და მის მოადგილეზე (ცალ-ცალკე) დარიცხული პრემიების ოდენობის შესახებ; ინფორმაცია თანამშრომლებზე (საერთო ოდენობა) დარიცხული პრემიების ოდენობის შესახებ; მოქმედი საშტატო ნუსხა თითოეული პოზიციის თანამდებობრივი სარგოს მითითებით; ინფორმაცია ხელმძღვანელის ქვეყნის გარეთ განხორციელებულ ოფიციალურ და სამუშაო ვიზიტებზე გაწეულ სამივლინებო ხარჯების შესახებ; ინფორმაციის თავისუფლების განვითარების ინსტიტუტი „მიიჩნევს, რომ ქუთაისის საქალაქო სასამართლოს გადაწყვეტილება სარჩელის დაკმაყოფილების თაობაზე არ შეესაბამება საქართველოს კანონმდებლობით დადგენილ ნორმებსა და საქართველოს საკონსტიტუციო სასამართლოს მიერ აღნიშნული ნორმების ინტერპრეტაციას". სრულად წყარო: opendatablog.wordpress.com

თბილისი. ახალგაზრდა იურისტთა ასოციაციამ სამი ადმინისტრაციული ორგანოს წინააღმდეგ თბილისის საქალაქო სასამართლოს სასარჩელო განცხადებებით მიმართა. საიამ საქართველოს კანონმდებლობით განსაზღვრული საჯარო ინფორმაციის გაუცემლობის და მოთხოვნილი ინფორმაციის არასრულყოფილი სახით გაცემის ფაქტზე, სასამართლოს საქართველოს პრეზიდენტის ადმინისტრაციის, საქართველოს შინაგან საქმეთა სამინისტროს და თბილისის მერიის წინააღმდეგ მიმართა. „საია მოუწოდებს ყველა ადმინისტრაციულ ორგანოს, განსაკუთრებული ყურადღებით მოეკიდოს საჯარო ინფორმაციის საქართველოს კანონმდებლობით დადგენილ ვადებში გაცემის ვალდებულებას და მაქსიმალურად შეუწყოს ხელი დაინტერესებული პირების მიერ  საჯარო ინფორმაციის  მიღების უფლებას", ნათქვამია ორგანიზაციის ვებ–გვერდზე. სრულად წყარო: gyla.ge

სამცხე–ჯავახეთი. დემოკრატიულ მესხთა კავშირის სამართლებრივი კონსულტაციის ცენტრის იურისტებმა სოფელი კარწახის მოსახლეობას უფასო იურიდიული კონსულტაცია შესთავაზეს. შეხვედრა ჩატარდა პროექტ – „უფასო იურიდიული დახმარება სამცხე-ჯავახეთის მცხოვრებლებს" –ფარგლებში. პროექტის ფარგლებში ახალციხის, ახალქალაქისა და ნინოწმინდის მუნიციპალიტეტებში მოქმედებს სამი სამართლებრივი დახმარების ცენტრი, რომელიც სამცხე-ჯავახეთის მოსახლეობას სთავაზობს: უფასო სამართლებრივ კონსულტაციებს; წერილების და განცხადებების მომზადებას სხვადასხვა სამსახურებში წარსადგენად; ნებისმიერი სახის სარჩელის მომზადებას; სამოქალაქო და ადმინისტრაციულ საქმეებზე სერთიფიცირებული იურისტის, უფასო, წარმომადგენლობას სასამართლოში, კერძო და საჯარო სამსახურებში. წყარო:ორგანიზაციის გვერდი სოციალურ ქსელში

თბილისი. საერთაშორისო გამჭვირვალობა – საქართველომ  ბათუმის საქალაქო სასამართლოში აჭარის ავტონომიური რესპუბლიკის უმაღლესი საბჭოსა და მთავრობის წინააღმდეგ შეიტანა სარჩელი, ნათქვამია ორგანიზაციის გვერდზე სოციალურ ქსელში. სარჩელით ორგანიზაცია  მოითხოვს აჭარის 2013 წლის ბიუჯეტში 24 ივლისს შეტანილი ცვლილებების შედეგად გაზრდილი საბიუჯეტო ხარჯების შეჩერებას.  აჭარის ავტონომიური რესპუბლიკის საბიუჯეტო ცვლილებების შესახებ გამჭვირვალობამ განცხადება ჯერ კიდევ 24 ივლისს გამოაქვეყნა – „საქართველოს ორგანული კანონის „საარჩევნო კოდექსის" 49-ე მუხლის მე-3 პუნქტის თანახმად, არჩევნების დანიშვნის დღიდან არჩევნების შედეგების შეჯამებამდე აკრძალულია ისეთი პროექტების განხორციელება, რომლებიც მანამდე არ იყო გათვალისწინებული სახელმწიფო/ადგილობრივ ბიუჯეტში. გარდა ამისა, დაუშვებელია იმ საბიუჯეტო პროგრამების ზრდა, რომლებიც არჩევნებამდე გათვალისწინებული იყო ბიუჯეტით, ასევე, არაგეგმური ტრანსფერების ინიცირება ან გეგმური ტრანსფერის ზრდა ადგილობრივ ბიუჯეტში". სრულად  წყარო: ორგანიზაციის გვერდი სოციალურ ქსელში

თბილისი.ახალგაზრდა იურისტთა ასოციაცია საქართველოს პრეზიდენტის მიერ თენგიზ გუნავას შეწყალებას ეხმაურება. „გაჩნდა კითხვები, თუ რამდენად კანონიერი და სამართლიანი იყო პრეზიდენტის ეს გადაწყვეტილება. მაღალი საზოგადოებრივი ინტერესიდან გამომდინარე. გვსურს პასუხი გავცეთ აღნიშნულ ფაქტთან დაკავშირებულ რამდენიმე ძირითად კითხვას", – ნათქვამია საიას ვებგვერდზე. საიამ გამოაქვეყნა პასუხები შემდეგ კითხვებზე: „არის თუ არა ფორმალურ-სამართლებრივი თვალსაზრისით კანონიერი პრეზიდენტის განკარგულება თ.გუნავას სასჯელის მოხდისაგან გათავისუფლების შესახებ? კანონიერია, თუ არა პრეზიდენტის განკარგულება თ.გუნავასთვის ნასამართლობის მოხსნის შესახებ? არის თუ არა პრეზიდენტის გადაწყვეტილება თ.გუნავას სასჯელისაგან გათავისუფლების შესახებ სამართლიანი და კონსტიტუციური პრინციპების შესაბამისი?" სრულად წყარო: gyla.ge

თბილისი.საქართველოს ახალგაზრდა იურისტთა ასოციაციამ და სამართლიანი არჩევნებისა და დემოკრატიის საერთაშორისო საზოგადოებამ სასამართლოში სარჩელი წარადგინეს, რათა აჭარის უმაღლესმა საბჭომ შეაჩეროს რესპუბლიკური ბიუჯეტის შესახებ კანონში შეტანილი ცვლილება, რომლის თანახმადაც 13 მილიონ 554 ათას 400 ლარი ინფრასტრუქტურულ და სოციალურ პროექტებს მოხმარდება. „ჩვენ მივესალმებით ქვეყნის ინფრასტრუქტურის განვითარებისა და მოსახლეობის ჯანმრთელობის დაცვის უზრუნველსაყოფად მიმართულ ნებისმიერ ღონისძიებას. თუმცა, ხელისუფლება ვალდებულია პრიორიტეტები ბიუჯეტის დაგეგმვის პროცესში განსაზღვროს და საბიუჯეტო ხარჯების ზრდა  წინასაარჩევნო პერიოდში კანონდარღვევით არ მოხდეს", ნათქვამია გავრცელებულ განცხადებაში. სრულად წყარო: gyla.ge

თბილისი. „საერთაშორისო გამჭვირვალობა – საქართველო" აქვეყნებს პუბლიკაციას – „ცვლილებები სისხლის სამართლის საპროცესო კანონმდებლობაში: გადავადებული თუ რეალური რეფორმა". „სისხლის სამართლის პროცესში შესატანი ცვლილებების გადავადება უკვე ერთგვარი ტენდენციის სახეს იღებს. მოწმის დაკითხვის ახალი წესისა და დაცვის მხარისათვის დამატებითი უფლებების მინიჭების გადავადებას საქართველოს მთავრობა იმ არგუმენტით ასაბუთებს, რომ სამართალდამცავი ორგანოები ჯერ კიდევ არ არიან მზად ახალი ნორმების ამოქმედებისათვის. თუმცა, გაუგებარია რა ტიპის მოსამზადებელი სამუშაოები უნდა ჩატარდეს ამ ორი უმნიშვნელოვანესი ნორმის იმპლემენტაციისთვის", ნათქვამია პუბლიკაციაში. სრულად წყარო: ორგანიზაციის გვერდი სოციალურ ქსელში

გურია. 24 ივლისს, ოზურგეთის დემოკრატიული ჩართულობის ცენტრში, ადამიანის უფლებების სწავლებისა და მონიტორიგნის ცენტრმა (EMC) გაიმართა დისკუსია თემაზე: „სასჯელების მიმართ სახელწიფო პოლიტიკა და მისი სოციალური რეფლექსიები”. შეხვედრის მომხსენებელმა, სისხლის სამართლის პოლიტიკის ექსპერტმა სოფო ვერძეულმა ისაუბრა სისხლის სამართლის პოლიტიკაზე ვარდების რევოლუციის შემდეგ, გაცხადებულ ნულოვან ტოლერანტობის, სასჯელების სიმკაცრესა და მის გავლენაზე კრიმინალის დონეზე, პატიმართა რესოციალიზაციის პრობლემაზე სასჯელაღსრულების დაწესებულებებში. ასევე, სამომავლო განვითარების შესაძლო გზებს. შეხვედრას დაესწრნენ, ადგილობრივი არასამთავრობო ორგანიზაციების წარმომადგენელბი, მედია და პრაქტიკოსი იურისტები. წყარო: ადამიანის უფლებების სწავლებისა და მონიტორინგის ცენტრის გვერდი სოციალურ ქსელში