თბილისი. სოციალური სამართლიანობის ცენტრი აქვეყნებს რადიო თავისუფლების გადაცემა: „დილის საუბრების“ ჩანაწერს. ორგანიზაციის მკვლევარ-იურისტები საუბრობენ საქართველოში მართლმსაჯულების ხელმისაწვდომობის შესახებ. რამდენიმე დღის სოციალური სამართლიანობის ცენტრმა გამართა კვლევის „მართლმსაჯულების ხელმისაწვდომობა საქართველოში“ პრეზენტაცია. კვლევა ხელმისაწვდომია ბმულზე... სრულად... წყარო: socialjustice.org.ge

თბილისი. ასოციაცია „ჰერა ოცდაერთი“ გთავაზობთ მაღალკვალიფიციური იურისტის უფასო პირისპირ ონლაინ კონსულტაციას. კონსულტაციისთვის დაუკავშირდით ორგანიზაციას ცხელ ხაზზე - 0322 01 12 21(იურიდიული კონსულტანტის შიდა ნომერი „4“) ან გადადით ბმულზე და მისწერეთ იურისტს. სრულად... წყარო: ორგანიზაციის გვერდი სოციალურ ქსელში

თბილისი. 2021 წლის 23 სექტემბერს საკონსტიტუციო სასამართლომ გამოაცხადა გადაწყვეტილება საქმეზე „გიორგი ცერცვაძე საქართველოს პარლამენტის წინააღმდეგ. ამ გადაწყვეტილებით დაკმაყოფილდა სარჩელი და არაკონსტიტუციურად ცნო საქართველოს სისხლის სამართლის საპროცესო კოდექსის 33-ე მუხლის მე-6 ნაწილის „ა“ ქვეპუნქტის სადავოდ გამხდარი ნორმატიული შინაარსი.  სადავო ნორმა საქართველოს მთავარ პროკურორს ან მის მიერ უფლებამოსილ პირს ანიჭებდა უფლებამოსილებას, საგამოძიებო ქვემდებარეობის მიუხედავად, ერთი საგამოძიებო ორგანოდან ამოეღო სისხლის სამართლის საქმე და გადაეცა იმ ორგანოსთვის, რომლის თანამშრომლის (პოლიციელის) მიერ კონსტიტუციის მე-9 მუხლის მე-2 პუნქტით გარანტირებული უფლების ხელყოფის ფაქტზე არსებობდა საფუძვლიანი საჩივარი. მოსარჩელის თანახმად, აღნიშნული უფლებამოსილება საფრთხეს უქმნიდა გამოძიების დამოუკიდებლობას და არ იყო შემოსაზღვრული სახელმძღვანელო პრინციპებით.  სრულად...   წყარო: ორგანიზაციის ვებგვერდი

თბილისი. სოციალური სამართლიანობის ცენტრი გთავაზობთ კვლევას - „მართლმსაჯულების ხელმისაწვდომობა საქართველოში“. კვლევა მომზადებულია ამერიკის შეერთებული შტატების საერთაშორისო განვითარების სააგენტოს პროექტის, კანონის უზენაესობის მხარდაჭერა საქართველოში (USAID/PROLoG), მხარდაჭერით. სოციალური სამართლიანობის ცენტრის მიერ 2020-2021 წლებში წარმოებული კვლევის შედეგად, გამოიკვეთა, რომ მართლმსაჯულებაზე ხელმისაწვდომობას საქართველოში მრავალი განზომილება აქვს. უმთავრეს პრობლემას წარმოადგენს ის, რომ სახელმწიფოს არ აქვს ერთიანი ხედვა მართლმსაჯულებაზე ხელმისაწვდომობის გაუმჯობესების მიმართულებით და ვერ უზრუნველყოფს ამ კუთხით ეფექტიანი პოლიტიკის გატარებას. სრულად...  წყარო: ორგანიზაციის ვებგვერდი

თბილისი. ჟურნალისტ ვახო სანაიას მიმართ თავდასხმის საქმეზე GDI პროკურატურას მიმართავს და სასჯელის ნაწილში, სასამართლოს განაჩენის გასაჩივრებას მოითხოვს. „ვახო სანაიას თავდამსხმელებს 2021 წლის 25 აგვისტოს განაჩენით, ძირითადი სასჯელის სახით, განესაზღვრათ თავისუფლების აღკვეთა 6 თვის ვადით. GDI-ს პოზიციით სასამართლოს განაჩენი სასჯელის ნაწილში არის დაუსაბუთებელი. სასამართლომ დანაშაულის ჩამდენ პირებს არაპროპორციულად დაბალი სასჯელები შეუფარდა და სასჯელის დანიშვნის დროს არ გაითვალისწინა სასჯელის დამამძიმებელი გარემოებები. სასამართლომ სასჯელის ზომის დასაბუთებისას დამამძიმებელ გარემოებად არ მიიჩნია ის ფაქტი რომ ძალადობრივი დანაშაული მცირეწლოვანი ბავშვის თანდასწრებით მოხდა. სასამართლომ არც იმ ფაქტზე გაამახვილა ყურადღება, რომ მოძალადეები მოქმედებდნენ ჯგუფურად. ამასთან, სასამართლოს მიერ მიღებული გადაწყვეტილება არ ითვალისწინებს სიძულვილის მოტივით ჩადენილ დანაშაულებზე, სისხლის სამართლის კოდექსით გათვალისწინებულ მკაცრ მიდგომებს“, - ვკითხულობთ განცხადებაში. სრულად...  წყარო: ორგანიზაციის ვებგვერდი

თბილისი. „საქართველოს დემოკრატიულმა ინიციატივამ“ (GDI) შუამდგომლობით მიმართა საქართველოს საკონსტიტუციო სასამართლოს და საქმეზე „ანი გაჩეჩილაძე საქართველოს პარლამენტის წინააღმდეგ“ მოსამართლე მანანა კობახიძის აცილება და მის მიმართ დისციპლუნური წარმოების დაწყება მოითხოვა.  „შუამდგომლობის საფუძველია 2020 წლის 12 სექტემბერს ინტერნეტ სივრცეში გავრცელებული საქართველოს სახელმწიფო უსაფრთხოების სამსახურის მიერ გაკეთებული ფარული ჩანაწერების შესახებ ინფორმაცია, რომელთა შორის წარმოდგენილია პროტოპრესვიტერ გიორგი ზვიადაძესა და საქართველოს საკონსტიტუციო სასამართლოს მოსამართლე მანანა კობახიძეს შორის გამართული საუბრის ჩანაწერის კრებსი. გავრცელებული ინფორმაციის თანახმად მათი საუბრის თემა იყო საკონსტიტუციო სასამართლოში მიმდინარე საქმე - „ანი გაჩეჩილაძე საქართველოს პარლამენტის წინააღმდეგ.“ აღსანიშნავია, რომ კომუნიკაციის ფაქტს ადასტურებს პროტოპრესვიტერი, გიორგი ზვიადაძე, თუმცა უარყოფს კონსულტაციის გაწევას მოსამართლის მხრიდან“, - ნათქვამია ორგანიზაციის ვებგვერდზე გამოქვეყნებულ ინფორმაციაში.  სრულად...   წყარო: ორგანიზაციის ვებგვერდი

თბილისი. „ტოლერანტობის და მრავალფეროვნების ინსტიტუტი“ აქვეყნებს კვლევას - „რასობრივი გამორჩევა საქართველოში საპოლიციო სისტემაში ეთნიკური უმცირესობებისა და მიგრანტების მიმართ არსებული პოლიტიკა და პრაქტიკა“.  „რასობრივი გამორჩევის პრობლემა აქტუალურია სხვადასხვა ქვეყნის საპოლიციო ინსტიტუტების ყოველდღიურ საქმიანობაში. პოლიცია რუტინული პროცედურების განხორციელებისას ხშირად იყენებს ადამიანის ვიზუალურ მახასიათებლებს და სხვა პირად მონაცემებს. ასეთ შემთხვევაში ჩნდება იმის რისკი, რომ ეს მონაცემები საზოგადოების მოცემულ ჯგუფს პოლიციისთვის უფრო აქტუალურს გახდის, ანუ პოლიციელები გარკვეული ვიზუალური მახასიათებლების მქონე პირებს უფრო მეტ ყურადღებას მიაქცევენ, უპირობოდ ჩათვლიან მათ მომეტებული რისკის მქონეთ“, - ვკითხულობთ კვლევის შესავალ ნაწილში, - „წინამდებარე კვლევა პირველია, რომელიც მიზნად ისახავს შეისწავლოს საქართველოში რასობრივი გამორჩევის არსებული პრაქტიკა პოლიციელების, მიგრანტებისა და ეთნიკური უმცირესობების გამოცდილების საფუძველზე. ვიმედოვნებთ, რომ მოცემული კვლევა განსაკუთრებულ წვლილს შეიტანს რასობრივი გამორჩევის პრობლემაზე საჯარო დისკუსიის დაწყებაში, ხოლო სახელმწიფოს დაეხმარება შესაბამისი პოლიტიკის გატარებაში“.  სრულად...   წყარო: ორგანიზაციის ვებგვერდი

თბილისი. 2021 წლის 16 სექტემბერს, 20-21 ივნისის საქმეებზე ევროპულ სასამართლოში დავის პროცედურა დაიწყო - ევროპულმა სასამართლომ საქართველოს მთავრობას 20-21 ივნისის საქმეებზე პოზიციის წარმოდგენის ვადა განუსაზღვრა.  საია-მ და EHRAC-მა 20-21 ივნისის მოვლენების შედეგად დაზარალებული 22 პირის სახელით ევროპულ სასამართლოში საჩივრები 2021 წლის 07 აპრილს წარადგინეს, ხოლო, სასამართლომ საჩივართა თაობაზე საქართველოს მთავრობას 2021 წლის 07 ივნისს აცნობა. არსებული პროცედურების შესაბამისად, საქართველოს მთავრობა ვალდებულია, გაგზავნილ საჩივრებთან დაკავშირებით სასამართლოს მიერ დასმულ შეკითხვებს 2021 წლის 09 დეკემბრამდე უპასუხოს. სახელმწიფოს, ასევე, ევალება წარმოადგინოს 2019 წლის 20-21 ივნისს აქციის დაშლასთან დაკავშირებით პროკურატურის მიერ წარმოებული სისხლის სამართლის საქმის მასალები.  სრულად...   წყარო: ორგანიზაციის ვებგვერდი

თბილისი. სოციალური სამართლიანობის ცენტრი საკონსტიტუციო სასამართლოში კიდევ ერთხელ დავობს ჩხრეკის შედეგად მტკიცებულებათა მოპოვების სტანდარტის კონსტიტუციურობის გამო. „საქართველოს პარლამენტმა 2021 წლის 28 ივნისს მიიღო ნორმა, რომელიც ვერ უზრუნველყოფს ჩხრეკის შედეგად მტკიცებულებათა მოპოვების სისტემის დახვეწას და კვლავ შეიცავს პოლიციელთა მხრიდან თვითნებობის რისკებს. ახალი წესის თანახმად, ოპერატიული ინფორმაციის საფუძველზე ჩატარებული ჩხრეკის შედეგად ამოღებული უკანონო ნივთის პირის მფლობელობაში ყოფნა, ჩხრეკაში მონაწილე პოლიციელთა ჩვენებების გარდა, შესაძლოა დადასტურდეს ნებისმიერი სხვა მტკიცებულებით. ამასთან, სხვა მტკიცებულების მოპოვება საჭირო არ არის, თუ ეს ობიექტურად შეუძლებელია. კანონი არ ითვალისწინებს არანაირ ვალდებულებას პოლიციელთა მიერ ნეიტრალური მტკიცებულების მოპოვებასთან დაკავშირებით“, - აღნიშნულია ცენტრის მიერ გავრცელებულ განცხადებაში. სრულად...  წყარო: ორგანიზაციის ვებგვერდი

თბილისი. „უფლებები საქართველო“ აქვეყნებს ორგანიზაციის მკვლევრის, გური ბალიაშვილის ბლოგს - „რატომ უნდა ითვალისწინებდეს კანონმდებლობა შეკრებების მიმართ დაწესებული შეზღუდვების გასაჩივრების ეფექტიან მექანიზმს“.  „შეკრების თავისუფლების ბუნებიდან გამომდინარე, მშვიდობიანი შეკრების მიმართ შეზღუდვების დაწესების პრაქტიკა არაერთი იურისდიქციაში შეინიშნება და ამ კუთხით გამონაკლისი არც საქართველოა“, - წერს ავტორი“, - „თუმცა, საქართველოს უახლოეს წარსულში განვითარებული მოვლენების გათვალისწინებით, არსებობს მომეტებული რისკი იმისა, რომ შეკრების დროის, ადგილის ან ფორმის კუთხით დაწესებულმა თვითნებურმა ანდა დაუსაბუთებელმა შეზღუდვებმა არაპროპორციულად შეზღუდოს შეკრების მონაწილეების თავისუფლება და მნიშვნელოვნად შეაფერხოს შეკრების თავისუფლებით სათანადოდ სარგებლობა. შესაბამისად, მნიშვნელოვანია, ეროვნული კანონმდებლობა შეზღუდვების გასაჩივრების თვალსაზრისით, ეფექტიანი სასამართლო კონტროლის მექანიზმს ითვალისწინებდეს“.  სრულად...   წყარო: ორგანიზაციის ვებგვერდი

თბილისი. „საქართველოს დემოკრატიული ინიციატივა“ (GDI) წარმოგიდგენთ საქართველოს უზენაესი სასამართლოს მოსამართლეების ვაკანტურ პოზიციებზე საქართველოს იუსტიციის უმაღლესი საბჭოს მიერ ნომინირებული კანდიდატების საპარლამენტო მოსმენების მონიტორინგის ანგარიშს.   ანგარიშის მიხედვით, - „მართალია წინამდებარე კონკურსი 2019 წელს ჩატარებულ ანალოგიურ პროცესთან შედარებით გაუმჯობესებული პროცედურისა და წესების საფუძველზე წარიმართა, თუმცა უშუალოდ პროცესში შინაარსობრივ მხარესთან დაკავშირებული არანაკლები ხარვეზი გამოვლინდა. თვალშისაცემი იყო ის განსხვავება, რომელიც იუსტიციის უმაღლესი საბჭოს წევრების მიერ მომზადებულ შეფასებასა და საკომიტეტო მოსმენის დროს რეალურად ნაჩვენებ შედეგებს შორის არსებობდა. კანდიდატები, რომელთა პიროვნულ თუ პროფესიულ, ასევე კომუნიკაციის უნარ-ჩვევებს, საბჭოს წევრები მაღალ შეფასებას აძლევდნენ, საკომიტეტო მოსმენების დროს ხშირად კარგავდნენ წონასწორობას და მოსამართლის მაღალი სტატუსისათვის შეუფერებელი ქცევით გამოირჩეოდნენ“.  სრულად...   წყარო: ორგანიზაციის ვებგვერდი

თბილისი. საქართველოს ახალგაზრდა იურისტთა ასოციაცია საკონსტიტუციო სასამართლოში ადგილობრივი თვითმმართველობის არჩევნებისთვის დადგენილი მაჟორიტარული ოლქების საზღვრების არაკონსტიტუციურად ცნობას ითხოვს. „საქართველოს საკონსტიტუციო სასამართლომ, 2015 წლის 28 მაისის N1/3/547 გადაწყვეტილებით, არაკონსტიტუციურად მიიჩნია საარჩევნო კოდექსის ის ნორმები, რომლებიც საპარლამენტო არჩევნებისთვის საარჩევნო ოლქების საზღვრებს განსაზღვრავდა ისე, რომ ირღვეოდა ამომრჩეველთა საარჩევნო ხმის თანაბარი წონის პრინციპი. საქართველოს საკონსტიტუციო სასამართლოს დადგენილი პრაქტიკით, „საარჩევნო უფლების განხორციელების უპირველესი მიზანი და საფუძველია მოქალაქეთა ნების ასახვა არჩევნების საბოლოო შედეგებზე“. შესაბამისად, ამ უფლების მნიშვნელოვანი კომპონენტია ამომრჩევლების შესაძლებლობა, გავლენა მოახდინონ არჩევნების შედეგზე. სადავო ნორმებიდან გამომდინარე, ამომრჩევლის ხმის „წონის“ და გავლენის დაკარგვა, ართმევს ამომრჩეველს აქტიური საარჩევნო უფლების ეფექტიანად განხორციელების შესაძლებლობას. ამის საპირისპიროდ, იზრდება იმ ამომრჩევლების მიერ არჩევნების შედეგებზე გავლენის მოხდენის შესაძლებლობა, ვისი ხმის „წონაც“ გაზრდილია. ასეთი საარჩევნო სისტემა ანიჭებს მოქალაქეებს არათანასწორ შესაძლებლობებს და ვერ უზრუნველყოფს კონსტიტუციის შესაბამისი არჩევნების ჩატარებას და ამომრჩევლების ნების ადეკვატურად ასახვას არჩევნების საბოლოო შედეგებზე, რაც, დემოკრატიული მმართველობის პრინციპის საწინააღმდეგოა. საკონსტიტუციო სასამართლოს გადაწყვეტილება საპარლამენტო არჩევნებზე ხმების თანაბრობის უფლებას ეხებოდა, თუმცა, საერთაშორისო გამოცდილება ადასტურებს, რომ იგივე მიდგომა ადგილობრივი თვითმმართველობის არჩევნებისათვისაც რელევანტურია“, - აცხადებენ საიაში. სრულად...  წყარო: წყარო: ორგანიზაციის ვებგვერდი

თბილისი. თბილისის საქალაქო სასამართლოში წარმატებით დასრულდა ლუკა იმედაშვილის ადმინისტრაციული სამართალდარღვევის ბრალდებით მიმდინარე საქმის განხილვა.  ლუკას ინტერესებს სასამართლოში საქართველოს დემოკრატიული ინიციატივა (GDI) იცავდა. თბილისის საქალაქო სასამართლოს ადმინისტრაციულ საქმეთა კოლეგიის მოსამართლე, კობა ჩაგუნავამ, გაიზიარა GDI-ს არგუმენტაცია და საქმეში სამართალდარღვევის ჩადენის დამადასტურებელი მტკიცებულებების არ არსებობის მოტივით შეწყვიტა საქმის წარმოება.  სრულად...   წყარო: წყარო: ორგანიზაციის ვებგვერდი

თბილისი. სოციალური სამართლიანობის ცენტრი სასამართლოში ასაჩივრებს, თბილისის მერიის გადაწყვეტილებას, რომლითაც ცნობილი გახდა, რომ არ დაკმაყოფილდა მოსახლეობის საჩივარი ყიფშიძის N1-ში დაგეგმილი სადაო მშენებლობის შეჩერებასთან და მისი ნებართვის გაუქმებასთან დაკავშირებით. „თბილისში, ყიფშიძის N1-ში 25, 19 და 16 სართულიანი სამი ახალი საცხოვრებელი კორპუსი შენდება. სოციალური სამართლიანობის ცენტრმა მშენებლობის ნებართვა სასამართლოში გაასაჩივრა, რადგან ვთვლით, რომ მშენებლობა თბილისის მერიის არასამართლიანი, კერძო და არა საჯარო ინტერესით ნაკარნახევი პოლიტიკის მანკიერი პრაქტიკის ერთ-ერთ თვალსაჩინო მაგალითია“. სრულად... წყარო: socialjustice.org.ge

თბილისი. ინფორმაციის თავისუფლების განვითარების ინსტიტუტი (IDFI) 13 სექტემბერს ინტერნეტ სივრცეში განთავსებულ და მედიისთვის გაგზავნილ დოკუმენტურ მასალას ეხმაურება, რომელიც სავარაუდოდ, სახელმწიფო უსაფრთხოების სამსახურის მიერ, მათ შორის, ფარული თვალთვალის შედეგად მიღებულ ინფორმაციის გადამუშავებით არის შექმნილი. „საქართველოს პროკურატურამ დაუყოვნებლივ უნდა მიაწოდოს საზოგადოებას ინფორმაცია არის თუ არა გავრცელებული მასალები ავთენტური. ამავე დროს, პარლამენტმა უნდა გამოიყენოს მისთვის კონსტიტუციითა და კანონით მინიჭებული უფლებამოსილებები და ჩაერიოს გავრცელებული მასალებთან დაკავშირებული გარემოებების შესწავლაში, განსაკუთრებით იმის ფონზე, რომ სავარაუდოდ იკვეთება სისტემური უკანონო თვალთვალის ნიშნები“. სრულად... წყარო: idfi.ge

თბილისი. 2021 წლის პირველ ივლისს დარეგისტრირდა საქართველოს პარლამენტის წევრთა მიერ ინიცირებული კანონის პროექტი. ინიციატივის მიზანია საქართველოს საკონსტიტუციო სასამართლოს მიერ 2019 წელის 7 ივნისის N1/4/693,857 გადაწყვეტილების აღსრულება. აღსანიშნავია, რომ გადაწყვეტილების აღსრულება საკანონმდებლო ორგანოს 2020 წლის პირველ მაისამდე უნდა განეხორციელებინა.  „საკონსტიტუციო სასამართლოს აღნიშნულმა გადაწყვეტილებამ მართლმსაჯულების გამჭვირვალობის უაღრესად მნიშვნელოვანი კონსტიტუციური სტანდარტები დაამკვიდრა, თუმცა საქართველოს პარლამენტს იგი ამ დრომდე არ აღუსრულებია. ამ სტანდარტების იმპლემენტაცია არის არამხოლოდ საქართველოს პარლამენტის პირდაპირი კონსტიტუციური ვალდებულება ე.წ. „შარლ მიშელის შეთანხმების“ ნაწილი. კანონპროექტის მიღებას წინ უძღვოდა 2021 წლის 16 ივნისს ქ. ბორჯომში IDFI-ის მიერ ორგანიზებული სამუშაო შეხვედრა, რომელშიც მონაწილეობა მიიღო საქართველოს იურიდიულ საკითხთა კომიტეტმა“, - წერია IDFI-ის მიერ გავრცელებულ ინფორმაციაში.  სრულად...   წყარო: ორგანიზაციის ვებგვერდი

თბილისი. „საქართველოს დემოკრატიული ინიციატივა“ იურიდიულ დახმარებას გაუწევს მათ, ვინც მედიაში ახალხან გავრცელებულ ფარულ ჩანაწერებში ფიგურირებს.  „როგორც ცნობილი გახდა, სახელმწიფო უსაფრთხოების სამსახურიდან გამოჟონილ ათასობით ფაილში ფიგურირებს არაერთი ჟურნალისტი, სამოქალაქო აქტივისტი და სხვა პირი, რომელთა მიმართაც მიმდინარეობდა ფარული მიყურადება და მოსმენა“, - აღნიშნულია ორგანიზაციის მიერ გავრცელებულ ინფორმაციაში, - „GDI მზადაა დაეხმაროს ნებისმიერ პირს ინდივიდუალური განცხადების მომზადებაში და გაუწიოს კონსულტაცია“.  სრულად...   წყარო: ორგანიზაციის ვებგვერდი

თბილისი. „საქართველოს დემოკრატიული ინიციატოვა“ პირადი ცხოვრების შესახებ სხვადასხვა არხის ეთერში გასულ მასალებს ეხმიანება.  „სხვადასხვა ტელეკომპანიის ეთერში გავრცელებულმა ინფორმაციამ სახელმწიფო უსაფრთხოების სამსახურის მიერ სასულიერო პირების, ჟურნალისტების, მასწავლებლებისა და დიპლომატიური კორპუსის წარმომადგენლების სავარაუდო უკანონო ფარული თვალთვალისა და მიყურადების ფაქტების შესახებ, კიდევ უფრო გაამყარა საზოგადოებაში არსებული ეჭვები ქვეყანაში ადამიანის კერძო სფეროში უკანონოდ ჩარევის მძიმე პრაქტიკის არსებობის თაობაზე. გავრცელებული ინფორმაცია მეტყველებს იმაზე, რომ სუს-ის კონტროლის და მეთვალყურეობისგან ქვეყანაში არც ერთი ჯგუფი, პირთა წრე, ინდივიდი არ არის დაცული“, - ნათქვამია ორგანიზაციის მიერ გავრცელებულ განცხადებაში.  სრულად...   წყარო: ორგანიზაციის ვებგვერდი

თბილისი. სოციალური სამართლიანობის ცენტრი ეხმიანება სახელმწიფო უსაფრთხოების სამსახურის უკანონო მუშაობის მამხილებელ სავარაუდო ფაქტებს და მიიჩნევს, რომ გავრცელებული მასალა ადამიანების უკანონო, რეგულარული და ტოტალური მოსმენისა და თვალთვალის უმძიმეს პრაქტიკას აჩვენებს.  „ჩვენი შეფასებით, ეს ფაქტი პირადი ცხოვრების ხელშეუხებლობის უხეში ხელყოფაა და ძირს უთხრის ქვეყნის დემოკრატიური განვითარების შესაძლებლობებს”, - აღნიშნულია ორგანიზაციის მიერ გავცელებულ განცხაეებაში, - „სოციალური სამართლიანობის ცენტრი მოუწოდებს, საქართველოს პარლამენტს: შეიქმნას საგამოძიებო კომისია, რომელიც გამოიკვლევს სუს-ის მხრიდან სავარაუდო მასობრივი უკანონო მიყურადებისა და ადამიანის უფლებების უხეში დარღვევის ფაქტებს; დაიწყოს მსჯელობა სუს-ის ფუნდამენტურ რეფორმაზე, მისი ჭარბი ძალაუფლების დეკონცენტრაციასა და ანგარიშვალდებულების მექანიზმების გაზრდაზე; საქართველოს პროკურატურას: მიმდინარე ფაქტებზე დაუყოვნებლივ დაიწყოს დროული, ეფექტიანი და დამოუკიდებელი გამოძიება და საზოგადოებას მიაწოდოს ინფორმაცია გამოძიების პროგრესისა და შედეგების შესახებ“.  სრულად...   წყარო: ორგანიზაციის ვებგვერდი

თბილისი. ადამიანის უფლებათა ევროპულმა სასამართლომ წარმოებაში მიიღო ადამიანის უფლებათა ცენტრის მიერ მომზადებული კიდევ ერთი სარჩელი, რომელიც 2019 წლის 20-21 ივნისის მოვლენებს უკავშირდება.  საქმე სახელწოდებით Berikashvili vs Georgia სასამართლომ უკვე დაარეგისტრირა. შსს-ს მიერ დარბეულ დემონსტრაციაზე დაზარალებული მოქალაქე ევროპული კონვენციის მე-3, მე-10, მე-11 და მე-13 მუხლების დარღვევის დადგენას ითხოვს.  სრულად...   წყარო: ორგანიზაციის ვებგვერდი

თბილისი. „საქართველოს დემოკრატიული ინიციატივა“ მიიჩნევს, რომ თბილისის საქალაქო სასამართლომ, ყოველგვარი მტკიცებულებების გარეშე, აქტივისტი გიგა მაქარაშვილი სამართალდამრღვევად ცნო და 2000 ლარით დააჯარიმა. „საერთო სასამართლოები მშვიდობიანი სამოქალაქო აქტივისტების დევნას, გასამართლებას და უმკაცრესი სანქციებით დასჯას აგრძელებენ. კერძოდ, 2021 წლის 10 სექტემბერს თბილისის საქალაქო სასამართლოს მოსამართლე ლელა ცაგარეიშვილმა გიგა მაქარაშვილი, პოლიციის მოთხოვნისადმი დაუმორჩილებლობის გამო, ადმინისტრაციულ სამართალდამრღვევად ცნო და 2000 ლარიანი ჯარიმის გადახდა დააკისრა“, - წერია განცხადებაში, - „გიგა მაქარაშვილს, არც დაკავებამდე და არც დაკავების შემდეგ, პოლიციელებისთვის წინააღმდეგობა არ გაუწევია და აღნიშნული დადასტურდა თავად შსს-ს წარმომადგენლების მიერ სასამართლო პროცესზე წარმოდგენილი ვიდეო მასალითაც. სხვადასხვა ტელეკომპანიის ოპერატორის მიერ გადაღებული ვიდეოებიდან ირკვევა, რომ გიგა მაქარაშვილი მშვიდობიანად დგას და პოლიციის თანამშრომლები ყოველგვარი გაფრთხილების ან მოწოდების გარეშე აკავებენ მას”. სრულად...  წყარო: ორგანიზაციის ვებგვერდი

თბილისი. საქართველოს ახალგაზრდა იურისტთა ასოციაციამ საზოგადოებას სისხლის სამართლის პროცესების მონიტორინგის N15 ანგარიში წარუდგინა.  ეს პირველი ერთწლიანი ანგარიშია, რომელშიც შეფასებულია თბილისის, ქუთაისის, ბათუმის, რუსთავის საქალაქო და ზუგდიდი, თელავის რაიონულ სასამართლოებში მიმდინარე სხდომებზე Covid-19-ის პანდემიით გამოწვეული შეზღუდვების გავლენა.  ანგარიშში ასახულია, როგორც სასამართლო სხდომის დარბაზში დამსწრე პირთა გარეშე მიმდინარე სხდომების შედეგად გამოვლენილი ტენდენციები, აგრეთვე შეფასებულია დისტანციური სამართალწარმოების დადებითი და უარყოფითი მხარეები. შეფასებულია მხარეებისა და სასამართლოს მიერ გაჟღერებული გადაწყვეტილებების შესაბამისობა კანონმდებლობასთან და გაანალიზებულია ის გამოწვევები, რომელთა წინაშეც Covid-19-ის პანდემიამ დააყენა სასამართლო, მხარეები და პენიტენციური დაწესებულებები. შეფასებულია სისხლის სამართლის პროცესში პანდემიის გავლენით შესული ცვლილებები და მათი შედეგები. გაანალიზებულია პანდემიის შედეგად სხვადასხვა ეტაპზე მიღებული გადაწყვეტილებების გავლენა სამართალწარმოების პროცესზე და მოცემულია არსებული მდგომარეობის გაუმჯობესებისთვის საჭირო რეკომენდაციები.  ანგარიში ასახავს სისხლის სამართლის სხდომების მონიტორინგის შედეგებს 2020 წლის მარტიდან - 2021 წლის მარტის ჩათვლით პერიოდში. აგრეთვე მონიტორინგის სხვადასხვა ეტაპზე გამოვლენილ ძირითადი ტენდენციებს.  სრულად...   წყარო: ორგანიზაციის ვებგვერდი