თბილისი. ადამიანის უფლებების სწავლებისა და მონიტორინგის ცენტრი (EMC) აქვეყნებს განცხადებას თემირლან მაჩალიკაშვილის საქმეზე პარლამენტში გენპროკურორის მიერ გაკეთებულ განცხადებაზე. ორგანიზაცია მიიჩნევს, რომ „განცხადება კიდევ ერთხელ ადასტურებს მიმდინარე გამოძიების არაეფექტიანობასა და ფორმალისტურ ხასიათს“.  სრულად...  წყარო: emc.org.ge

თბილისი. საქართველოს ახალგაზრდა იურისტთა ასოციაციამ (საია) სისხლის სამართლის საქმეების სასამართლო მონიტორინგის შედეგების პრეზენტაცია გამართა.  „საია საზოგადოებას წარუდგენს 2018 წლის მარტის თვიდან 2019 წლის თებერვლის ჩათვლით პერიოდში 2700-ზე მეტი სასამართლო პროცესის დაკვირვების შედეგებს. სასამართლო პროცესების მონიტორინგი ცხადყოფს, რომ სისხლის სამართალწარმოება ხარვეზებით მიმდინარეობს, თუმცა, გარკვეულ საკითხებში შეინიშნება გაუმჯობესებული მიდგომები“, ნათქვამია ორგანიზაციის ვებგვერდზე.  სრულად... წყარო: gyla.ge სამართალი მონიტორინგი

თბილისი. საქართველოს სახალხო დამცველი უზენაესი სასამართლოს მოსამართლეების შერჩევის პროცესთან დაკავშირებით სპეციალურ ანგარიშს აქვეყნებს.  „დაკვირვებამ გამოავლინა, რომ უზენაესი სასამართლოს მოსამართლეების შერჩევის პროცესის სამართლიანად და მაღალი სტანდარტებით წარმართვაზე არსებითი გავლენა მოახდინა მრავალმა ხარვეზმა. იუსტიციის უმაღლეს საბჭოში წარმართულმა პროცესმა ვერ შეძლო ობიექტური დამკვირვებლის დარწმუნება იმაში, რომ საბოლოოდ ყველაზე კომპეტენტური და კეთილსინდისიერი კანდიდატები წარედგინა საქართველოს პარლამენტს“, - აღნიშნულია დოკუმენტში.  სრულად... წყარო: ორგანიზაციის ვებგვერდი

თბილისი. თბილისის საქალაქო სასამართლოში დღეს მორის მაჩალიკაშვილის საქმის არსებითი განხილვა იწყება, რასთან დაკავშირებითაც, ადამიანის უფლებების სწავლებისა და მონიტორინგის ცენტრი (EMC) განცხადებას ავრცელებს.  „2019 წლის 8 ოქტომბერს, 11 საათზე, თბილისის საქალაქო სასამართლოში მორისი მაჩალიკაშვილისა და სხვა დაკავებული სამი პირის საქმის არსებითი განხილვა იწყება. როგორც საზოგადოებისთვის ცნობილია მორის მაჩალიკაშვილი 2019 წლის 26 ივლისს დააკავეს და მას პროკურატურა 2019 წლის 20-21 ივნისს, თბილისში, პარლამენტის წინ გამართული აქციის დროს ჯგუფურ ძალადობაში მონაწილეობას ედავება“, - ვკითხულობთ განცხადებაში, - „EMC იმედოვნებს, რომ საქმის სასამართლოში განხილვის დროს დაცვის მხარეს შესაბამისი არგუმეტების წარდგენის შესაძლებლობა ექნება და სასამართლო შეძლებს სწორი სამართლებრივი შეფასებების გაკეთებას“.  სრულად...  წყარო: ორგანიზაციის ვებგვერდი

თბილისი. 20-21 ივნისის მოვლენებთან დაკავშირებით, დაზარალებულად უფრო მეტი სამართალდამცავია ცნობილი, ვიდრე აქციის მონაწილე.  „20-21 ივნისის მოვლენებთან დაკავშირებით მიმდინარე სისხლის სამართლის საქმეებზე ინფორმაციის დაზუსტებით მიზნით საიამ საქართველოს გენერალურ პროკურატურას მიმართა. მიღებული ინფორმაციის თანახმად: შინაგან საქმეთა სამინისტროში გამოძიება მიმდინარეობს 2 საქმეზე, რომლის ფარგლებში აქციის 17 მონაწილეს წარედგინა ბრალი, ხოლო დაზარალებულად 67 სამართალდამცავია ცნობილი; საქართველოს გენერალურ პროკურატურის საგამოძიებო ნაწილში მიმდინარე გამოძიების ფარგლებში ბრალდება წარედგინა შინაგან საქმეთა სამინისტროს 3 თანამშრომელს, ხოლო შსს-ს თანამშრომელთა მხრიდან შესაძლო დანაშაულებრივ ქმედებასთან დაკავშირებით დაზარალებულად ცნობილია აქციის 4 მონაწილე. საია აგრძელებს 20-21 ივნისის მოვლენების შესწავლას და სამართლებრივ შეფასებას უახლოეს პერიოდში წარუდგენს საზოგადოებას“, ნათქვამია ორგანიზაციის გვერდზე სოციალურ ქსელში.  სრულად... წყარო: ორგანიზაციის გვერდი სოციალურ ქსელში

თბილისი. პარტნიორობა ადამიანის უფლებებისთვის (PHR) აკადემიური სივრცეებისა და ადამიანის უფლებების პრაქტიკის დაახლოებისათვის მემორანდუმი გააფორმა.  „მემორანდუმის ძირითადი მიზანია, ერთი მხრივ, სტუდენტებს მიეცეთ შესაძლებლობა აქტიურად ჩაერთონ ადამიანის უფლებების დაცვაში არასამთავრობო ორგანიზაციების ადვოკატებთან ერთად და, მეორე მხრივ, ადამიანის უფლებების დამცველ ორგანიზაციებს ჰქონდეთ უნივერსიტეტთან აქტიური კავშირი. თანამედროვე აკადემიური განათლების მნიშვნელოვანი გამოწვევაა მუდმივ კავშირში იყოს სამართლის მიმდინარე პროცესებთან“, ნათქვამია ორგანიზაციის ვებგვერდზე.  სრულად... წყარო: phrgeorgia.wordpress.com

თბილისი. საქართველოს სახალხო დამცველი ეხმიანება გავრცელებულ ინფორმაციას თბილისის საკრებულოს დეპუტატის მიერ მისივე თანამშრომლის მიმართ განხორციელებული სავარაუდო სექსუალური და ფიზიკური ძალადობის შესახებ.  „საკითხის სიმძიმიდან და მგრძნობელობიდან გამომდინარე, საქართველოს სახალხო დამცველი მოუწოდებს საქართველოს გენერალურ პროკურატურას ეფექტურად წარიმართოს გამოძიება, მათ შორის, დროულად ჩაატაროს ყველა საჭირო საგამოძიებო თუ სხვა საპროცესო მოქმედება. ამასთან, მნიშვნელოვანია გამოირიცხოს ყველა ეჭვი საქმის მიკერძოებით თუ პოლიტიკური ინტერესით განხილვის მიმართულებით და საგამოძიებო ორგანომ აქტიურად ითანამშრომლოს სავარაუდო მსხვერპლთან და მის წარმომადგენელთან”, - აღნიშნულია სახალხო დამცველის განცხადებაში.  სრულად...  წყარო: ორგანიზაციის ვებგვერდი

2019 წლის 25 სექტემბერს, საქმეზე - „იდენტობა და სხვები საქართველოს წინააღმდეგ“ ევროსაბჭოს მინისტრთა კომიტეტმა, საქმის გაძლიერებული ზედამხედველობის პროცესის ფარგლებში, დასკვნა გამოაქვეყნა.  ადამიანის უფლებების სწავლებისა და მონიტორინგის ცენტრის ინფორმაციით, დასკვნაში მიმოხილულია ის ძირითადი ხარვეზები, რაც საქმეზე ევროსასამართლოს მიერ მიღებული გადაწყვეტილების აღსრულების პროცესში, სახელმწიფოს მხრიდან ვლინდება.  სრულად...  წყარო: https://emc.org.ge

თბილისი. ორგანიზაციის “პარტნიორობა ადამიანის უფლებებისთვის” იურისტებმა საქართველოს უნივერსიტეტის სამართლის სკოლის ოჯახში ძალადობის აღკვეთის, ოჯახში ძალადობის მსხვერპლთა დაცვისა და დახმარების კლინიკის სტუდენტებთან შეხვედრა ჩაატარეს. იურისტებმა სტუდენტებს ორგანიზაციის ის სტრატეგიული სასამართლო საქმეები და პრაქტიკა გაუზიარეს, რაც ოჯახში/გენდერული ნიშნით ძალადობას შეეხება. მათ შორის, განიხილეს პრეცედენტული საქმეები, რომელიც შეზღუდული შესაძლებლობის მქონე პირთა მიმართ ოჯახში ძალადობის სპეციფიკას უკავშირდება; ყურადღება გაამახვილეს გენდერული სტატისტიკის წარმოების მნიშვნელობაზე ოჯახში ძალადობის პრევენციისას. სრულად... წყარო: ორგანიზაციის ვებგვერდი

თბილისი. ადამიანის უფლებების სწავლებისა და მონიტორინგის ცენტრი (EMC) მიიჩნევს, რომ მუსლიმი მესხი სტუდენტის, ხალილ სარვაროვისთვის საქართველოში შემოსვლაზე შსს-ს უარი თვითნებურია და ის რეპატრიაციის პროცესს აზიანებს.  „EMC მიიჩნევს, რომ საქართველოს შინაგან საქმეთა სამინისტროს მხრიდან საზღვრის კვეთის შეზღუდვის მსგავსი პრაქტიკა ეწინააღმდეგება საქართველოს კონსტიტუციისა და კანონმდებლობის მოთხოვნებს, ხოლო შინაგან საქმეთა სამინისტროს მოუწოდებს: •მოახდინოს ხალილ სარვაროვის მიმართ მიღებული გადაწყვეტილების რევიზია და კანონის და ადამიანის უფლებების სტანდარტებზე დაფუძნებული ახალი გადაწყვეტილების მიღება;  •უზრუნველყოს თითოეულ საქმეში ქვეყანაში შემოსვლაზე უარის თქმის ჯეროვანი დასაბუთება შესაბამისი სამართლებრივი საფუძვლის მითითებით, რაც თვითნებური და დისკრიმინაციული პრაქტიკის აღმოფხვრის წინაპირობას შექმნის.  •გაითვალისწინოს მის მიერ მიღებული თვითნებური გადაწყვეტილებების მძიმე სოციალური ეფექტი კონკრტული სოციალური ჯგუფებისთვის (საზღრის კვეთის დროს როგორც წესი მნიშნელოვან ბარიერებს, სწორედ, ეთნიკური და რელიგიური უმცირესობები აწყდებიან) და გადაწყვეტილებები საქმის დეტალურ და ზედმიწევნით შესწავლას დააფუძნოს.  •შექმნას სამუშაო ჯგუფი, რომელიც რელევანტური სახელმწიფო უწყებების გარდა, ადამიანის უფლებებზე მომუშავე ინსტიტუტებს და აქტორებს გააერთანებს და კანონში არსებულ ხარვეზისა და დამკვიდრებული თვითნებური პრაქტიკის აღმოფხვრას შეუწყობს ხელს“, - ვკითხულობთ EMC-ის მიერ გავრცელებულ განცხადებაში.  სრულად...  წყარო: ორგანიზაციის ვებგვერდი

თბილისი. ახალგორელი ჟურნალისტის და აქტივისტის, თამარ მეარაყიშვილის უფლებებს ხელახლა აღძრულ სისხლის სამართლის საქმეზე ადვოკატი დაიცავს. თბილისის ადამიანის უფლებათა სახლი დონორების – “Human Rights House Foundation”-ის და “Urgent Action Fund” ის ფინანსური მხარდაჭერით მთლიანად დაფარავს თამარ მეარაყიშვილის ადვოკატის ხარჯებს. თამარ მეარაყიშვილი 2017 წლის აგვისტოში რამდენიმე საათით გაიტაცეს და ოკუპირებული ცხინვალის დე-ფაქტო ხელისუფლებამ მის წინააღმდეგ საქმე აღძრა. ახალგორის რაიონულმა სასამართლომ მეარაყიშვილს ყველა ბრალდება მოუხსნა, მაგრამ ე.წ. პროკურატურამ საქმე სასამართლოში 2019 წლის ივლისში ხელახლა დააბრუნა. სრულად...  წყარო: ორგანიზაციის ვებგვერდი

თბილისი. ადამიანის უფლებათა ევროპული სასამართლოს 2019 წლის 27 სექტემბრის ოფიციალური წერილით, ადამიანის უფლებებს სწავლებისა და მონიტორინგის ცენტრს (EMC) ეცნობა, რომ ევროპულმა სასამართლომ 23 სექტემბერს მიიღო გადაწყვეტილება მაჩალიკაშვილის საქმის არსებითი განხილვის შესახებ და მთავრობასთან კომუნიკაცია დაიწყო.  „მნიშვნელოვანია, რომ ევროპულმა სასამართლომ საქმის არსებითი განხილვა დროულად და პრიორიტეტულად დაიწყო, რაც, მათ შორის, ამ საქმეზე უფლების დარღვევის სიმძიმეს და კონვენციისთვის სიცოცხლის უფლების დაცვის მაღალ ხარისხსა და მნიშვნელობას უკავშირდება“, ნათქვამია ორგანიზაციის ვებგვერდზე.  სრულად... წყარო: emc.org.ge

თბილისი. საქართველოს ახალგაზრდა იურისტთა ასოციაცია (საია) აქვეყნებს ბლოგპოსტს: გიორგი კოხრეიძის სარჩელზე სასამართლოს ხარვეზი უნდა დაედგინა.  „საიამ შეისწავლა აღნიშნული განჩინებები და მიიჩნევს, რომ ბათუმის საქალაქო სასამართლოს გიორგი კოხრეიძის სარჩელზე ხარვეზი უნდა დაედგინა და განჩინებაში მითითებული საფუძვლით არ უნდა მომხდარიყო დირექტორის თანამდებობაზე გამოცხადებული ახალი კონკურსის შეჩერება“, ნათქვამია ორგანიზაციის ვებგვერდზე.  სრულად... წყარო: gyla.ge

თბილისი. ადამიანის უფლებების სწავლებისა და მონიტორინგის ცენტრი (EMC) აქვეყნებს ინფორმაციას ბათუმის მეჩეთის საქმის გადაწყვეტილებაზე. „კერძოდ, სასამართლომ დაადგინა, რომ ბათუმის მერიის მიერ გამოცემული სამართლებრივი აქტი, რომლითაც მუსლიმ თემს ბათუმში ახალი მეჩეთის მშენებლობაზე უარი ეთქვა, უკანონო და დისკრიმინაციულია. სამწუხაროდ, სასამართლომ არ დააკმაყოფილა მოსარჩელის ის მოთხოვნა, რაც მერიისთვის მშენებლობის ნებართვის გაცემის დავალდებულებას გულისხმობდა და მიღებული გადაწყვეტილების უფრო ეფექტიანი და დროული აღსრულების საფუძველი გახდებოდა“, ნათქვამია ორგანიზაციის ვებგვერდზე.  სრულად... წყარო: emc.org.ge

თბილისი. საქართველოს ახლაგაზრდა იურისტთა ასოციაციის ინფორმაციით, „რუსეთს დეპორტირებული მოქალაქეებისთვის კომპენსაცია დღემდე არ გადაუხდია“.  „2019 წლის 31 იანვარს ევროპული სასამართლოს დიდმა პალატამ სახელმწიფოთაშორის საქმეზე „საქართველო რუსეთის წინააღმდეგ“ (I) რუსეთიდან დეპორტირებულებისთვის კომპენსაციის მინიჭების თაობაზე იმსჯელა და რუსეთის ფედერაციას საქართველოს მოქალაქეების სასარგებლოდ 10 მილიონი ევროს გადახდა დააკისრა. იქიდან გამომდინარე, რომ წინამდებარე გადაწყვეტილება ევროპული სასამართლოს დიდმა პალატამ მიიღო, იგი გამოქვეყნებისთანავე საბოლოო გახდა. რუსეთის ფედერაციას განესაზღვრა სამ-თვიანი ვადა სასამართლოს მიერ დაკისრებული თანხის გადასახდელად. აღნიშნული ვადა 2019 წლის 30 აპრილს ამოიწურა ისე, რომ რუსეთმა კომპენსაცია არ გადაიხადა“, ნათქვამია ორგანიზაციის ვებგვერდზე.  სრულად...  წყარო: gyla.ge

თბილისი. ინფორმაციის თავისუფლების განვითარების ინსტიტუტმა (IDFI) სახელმწიფო ინსპექტორის სამსახურთან ერთად გამართა საჯარო დისკუსია 2019 წლის 22 მაისს ინიცირებულ „პერსონალურ მონაცემთა დაცვის შესახებ“ კანონპროექტის თაობაზე.  „იმ შემთხვევაში, თუ კანონპროექტის მიღება მოხდება სხვა საკანონმდებლო აქტებში შესაბამისი ცვლილებების ინიცირების გარეშე, სასამართლო გადაწყვეტილებების სრულ ვერსიაზე წვდომა შეიზღუდება, რაც, თავის მხრივ, ეწინააღმდეგება საქართველოს საკონსტიტუციო სასამართლოს მიერ დამკვიდრებულ სტანდარტებს. გარდა ამისა, პერსონალურ მონაცემთა წაშლის ან დაბლოკვის უფლების აღსრულების პროცესში არსებობს რისკი იმისა, რომ გამოხატვის თავისუფლება არათანაზომიერად შეიზღუდოს,“ – განაცხადა ქეთევან კუკავამ, IDFI-ს საპარლამენტო მდივანმა და კანონის უზენაესობის მიმართულების ხელმძღვანელმა.  სრულად...  წყარო: idfi.ge

იმერეთი. ქუთაისის დემოკრატიული ჩართულობის ცენტრში, დღეს, საარჩევნო სისტემაში საქართველოს კონსტიტუციაში განსახორციელებელი ცვლილებების შესახებ იმსჯელეს.  შეხვედრაში, რომელსაც სამართლიანი არჩევნებისა და დემოკრატიის საერთაშორისო საზოგადოების წარმომადგენელი უძღვებოდა, პოლიტიკური პარტიებისა და მათი ახალგაზრდული ფრთების წარმომადგენლები მონაწილეობდნენ.  სრულად... წყარო: გვერდი სოციალურ ქსელში

თბილისი. კონსტიტუციის 42-ე მუხლის გამგეობის თავმჯდომარე უზბეკეთის პარლამენტის წევრებსა და არასამთავრობო სექტორის წარმომადგენლებს შეხვდა. შეხვედრის მიზანს საქართველოში არსებული არასამთავრობო ორგანიზაციების მუშაობის სპეციფიკის გაცნობა და მართლმსაჯულების საკითხებზე მსჯელობა წარმოადგენდა. სრულად... წყარო: ორგანიზაციის ვებგვერდი

თბილისი. ა(ა)იპ სკოლამდელი აღზრდის დაწესებულებათა გაერთიანებამ, „ბორჯომის ჯანმრთელი მომავალი“, გაითვალისწინა საქართველოს სახალხო დამცველის რეკომენდაცია ბორჯომის მუნიციპალიტეტის ერთ–ერთი სოფლის მცხოვრები სამი არასრულწლოვანი შვილის მშობლისთვის საქართველოს საგადასახადო კოდექსით გათვალისწინებული საგადასახადო შეღავათის გავრცელების შესახებ.  საქმის შესწავლის შედეგად სახალხო დამცველის აპარატმა დაადგინა, რომ მოქმედი საგადასახადო კანონმდებლობის ცალკეული ნორმის არასწორი ინტერპრეტაციის შედეგად, 2016 წლის 1 იანვრიდან ა(ა)იპ უკანონოდ ხორციელდებოდა ბაღში დასაქმებულისათვის გაცემული ხელფასიდან საშემოსავლო გადასახადის დაკავებას. საქართველოს სახალხო დამცველის მიერ გაცემული რეკომენდაციის პასუხად, საჯარო დაწესებულებამ გამოთქვა მზაობა მაქსიმალურად შემჭიდროებულ ვადებში მოახდინოს 2016 წლის 1 იანვრიდან დღემდე დასაქმებულისათვის გაცემული ხელფასიდან დაკავებული საშემოსავლო გადასახადის დაბრუნება.  სრულად  წყარო: ორგანიზაციის ვებგვერდი

თბილისი. „საერთაშორისო გამჭვირვალობა - საქართველო“ უზენაესი სასამართლოს მოსამართლეობის კანდიდატების ბიოგრაფიებს აქვეყნებს.  „წარმოგიდგენთ შერჩეული კანდიდატების მოკლე ბიოგრაფიებს, მათ მიერ განხილულ გახმაურებულ საქმეებს, მონაცემებს მათი ფინანსური მდგომარეობის შესახებ, კავშირებს სასამართლოში არსებულ გავლენიან მოსამართლეებთან თუ ხელისუფლებასთან და კანდიდატის შესახებ სხვა დამატებით საინტერესო ინფორმაციას“, ნათქვამია ორგანიზაციის ვებგვერდზე.  სრულად... წყარო: www.transparency.ge

თბილისი. კოალიცია „მედიის ადვოკატირებისთვის“ გამოცემა ,,ბათუმელებთან“ დაკავშირებით გავრცელებულ ინფორმაციას ეხმიანება. „2019 წლის 21 სექტემბერს გავრცელებული ინფორმაციის თანახმად, ,,ბათუმელების” დამფუძნებლის ახლობლებს პოლიციაზე თავდასხმას ედავებიან. მთავარი რედაქტორი, ეთერ თურაძე კი არ გამორიცხავს, რომ პოლიციის მიერ განხორციელებული ღონისძიება შესაძლოა იყოს მესიჯი გამოცემის მიმართ. კოალიცია „მედიის ადვოკატირებისთვის“ მიიჩნევს, რომ აუცილებელია, დადგინდეს, ხომ არ უკავშირდება პოლიციის ქმედება მედია საშუალების საქმიანობას. ამასთან, იმ შემთხვევაში, თუ სამართალდამცავთა ქმედება რაიმე სახით კავშირში იქნება გაზეთი ბათუმელების საქმიანობასთან, აუცილებელია, რომ საქმეს მიეცეს შესაბამისი კვალიფიკაცია“, - აღნიშნულია განცხადებაში.  სრულად  წყარო: gyla.ge

თბილისი. „საქართველოს ღია საზოგადოების ფონდმა“ დღეს საქართველოს უზენაესი სასამართლოს მოსამართლეობის კანდიდატთა ინდივიდუალური პორტფოლიოები გამოაქვეყნა.  პორტფოლიოები იუსტიციის უმაღლესი საბჭოს მიერ მოსამართლეობის კანდიდატებთან ზეპირი გასაუბრების შედეგად შერჩეული/ნომინირებული ოცი კანდიდატის პროფილს გვთავაზობს, აერთიანებს საჯარო წყაროებიდან მოძიებულ ფაქტებს და ნაკლებად მოიცავს შეფასებებს.  სრულად  წყარო: ორგანიზაციის ვებგვერდი