თბილისი. საქართველოს ახალგაზრდა იურისტთა ასოციაციამ ლევან ასათიანის სახელით საკონსტიტუციო სასამართლოს მიმართა. „დავის საგანია „ადვოკატთა შესახებ“ კანონის მე-10 მუხლის პირველი პუნქტის „გ“ ქვეპუნქტი, რომელიც ადვოკატის პროფესიაში შესასვლელად პროფესიული ადაპტაციის პროგრამის გავლის ვალდებულებას აწესებს. აღნიშნული პროგრამა მოსარჩელეს ავალდებულებს გაიაროს ერთწლიანი პროფესიული ადაპტაციის პროგრამა, რომელიც ფასიანია და მოიცავს ცხრა თვიან სტაჟირებას ადვოკატთან და სამთვიან თეორიულ კურსს. სადავო ნორმა მოსარჩელეს ადვოკატის პროფესიაში შესასვლელად პროფესიული ადაპტაციის პროგრამის გავლის დამატებით ვალდებულებას უწესებს, მაშინ, როცა მოსარჩელეს, მისი მრავალწლიანი პრაქტიკული იურიდიული გამოცდილების შედეგად უკვე აქვს ის უნარ-ჩვევები, რომელიც პროფესიული ადაპტაციის პროგრამის გავლის პროცესში უნდა შეიძინოს“, ნათქვამია ორგანიზაციის ვებგვერდზე. სრულად... წყარო: gyla.ge

ქვემო ქართლი. 18 ოქტომბერს, ადამიანის უფლებების სწავლებისა და მონიტორინგის ცენტრმა (EMC) ადგილობრივ სათემო ორგანიზაცია „ახალი აზროვნების ინსტიტუტთან“ ერთად, სოფელ ხულდარში გასვლითი შეხვედრა მოაწყო და მოსახლეობას უფასო იურიდიული დახმარება გაუწია სისხლის სამართლის, ოჯახში ძალადობის, განათლების უფლების, დისკრიმინაციისა და გარემოს დაცვის საკითხებზე. სრულად... წყარო: emc.org.ge

თბილისი. ინფორმაციის თავისუფლების განვითარების ინსტიტუტი (IDFI), CRRC-საქართველო და ადამიანის უფლებების სწავლებისა და მონიტორინგის ცენტრი აქვეყნებს ერთობლივ სტატიას: უზენაესი სასამართლოს მოსამართლეების შერჩევა: რა იცის და რა დამოკიდებულება აქვს ხალხს საქართველოში ამ პროცესის შესახებ. „რა იცის საზოგადოებამ ამ პროცესის შესახებ საქართველოში, როგორია მათი დამოკიდებულება უზენაესი სასამართლოს მოსამართლეობის კანდიდატებისა და სასამართლო სისტემის ინსტიტუტების შესახებ? 2019 წლის 5-დან 11 სექტემბრამდე ჩატარებული სატელეფონო კვლევის მიხედვით, საქართველოს მოსახლეობა გაყოფილია სასამართლო ინსტიტუტების მიმართ ნდობის კუთხით, დიდ ნაწილს არ სმენია უზენაესი სასამართლოს მოსამართლეობის კანდიდატების შერჩევის პროცესის შესახებ, არ ენდობა მას და ასევე უმეტესად არ სმენია შერჩეული კანდიდატების შესახებ“, ნათქვამია განცხადებაში. სრულად... წყარო: idfi.ge

კახეთი. 16-17 ოქტომბერს, წამების მსხვერპლთა ფსიქო-სოციალური და სამედიცინო რეაბილიტაციის საქართველოს ცენტრმა (GCRT), დანაშაულის პრევენციის ცენტრთან თანამშრომლობით, რიგით მე-9 რეგიონში, კახეთში გამართა შეხვედრა არასამთავრობო ორგანიზაციებთან და ადგილობრივ მუნიციპალიტეტებთან თემაზე „ადგილობრივი თვითმმართველობებისა და საზოგადოებრივი ორგანიზაციების ჩართულობა არასრულწლოვანთა დანაშაულის პრევენციის პროცესში“. „მონაწილეებმა იმსჯელეს კანონთან კონფლიქტში მყოფი და დანაშაულის ჩადენის რისკის მქონე მოზარდებისთვის ადგილობრივ დონეზე სერვისების შემუშავებასა და დანერგვაზე და არსებულ მუნიციპალურ სერვისებზე ხელმისაწვდომობის გაზრდაზე“.  სრულად... წყარო: ორგანიზაციის გვერდი სოციალურ ქსელში

თბილისი. ადამიანის უფლებების სწავლებისა და მონიტორინგის ცენტრის (EMC) ინფორმაციით, 18 ოქტომბერს, საქართველოს პროკურორთა კონფერენცია ექვს ახალ პროკურორ წევრს აირჩევს საპროკურორო საბჭოს შემადგენლობაში. „სამწუხაროდ, კონსტიტუციური რეფორმის შემდეგ, საკანონმდებლო ცვლილებებზე მუშაობის დროს, პარლამენტის მიერ სრულად არ იქნა გაზიარებული ის შეთავაზებები, რაც დაინტერესებულ ჯგუფებს საპროკურორო საბჭოს ფორმირების და მისი საქმიანობის თვალსაზრისით ჰქონდათ. პარლამენტმა მათ შორის არ გაითვალისწინა კონკრეტული წინადადებები, საპროკურორო საბჭოს შემადგენლობის განსაზღვრის და მისი საქმიანობის გაფართოების შესახებ. მოქმედი რეგულაციების ფარგლებში, რთულია საპროკურორო საბჭო იყოს ქმედითი ორგანო, უზრუნველყოს უწყების დამოუკიდებლობა და ეფექტიანი საქმიანობა“, ნათქვამია ორგანიზაციის განცხადებაში. სრულად... წყარო: emc.org.ge

თბილისი. ორგანიზაციამ „პარტნიორობა ადამიანის უფლებებისთვის“ (PHR), ევროპის საბჭოს პროექტის – „სასამართლო რეფორმის მხარდაჭერა საქართველოში“ და იუსტიციის უმაღლესი საბჭოს მხარდაჭერით მოამზადა ანგარიში: სასამართლო შენობების მისაწვდომობის შეფასება შეზღუდული შესაძლებლობების მქონე პირთათვის. სრულად... წყარო: phrgeorgia.wordpress.com

თბილისი. ადამიანის უფლებების სწავლებისა და მონიტორინგის ცენტრმა (EMC), ადამიანის უფლებათა აქტივისტის, ვიტალი საფაროვის მკვლელობის საქმეზე, თბილისის სააპელაციო სასამართლოს "სასამართლო მეგობრის" მოსაზრებით (amicus curiae) მიმართა და სასამართლოს შეუწყნარებლობის მოტივის იდენტიფიცირებისკენ მოუწოდებს.  „ჩვენი შეფასებით, დანაშაულის მოტივის დადგენა არსებითია სიძულვილით მოტივირებული დანაშაულების პრევენციისთვის და უმცირესობების ჯგუფებისთვის უსაფრთხო და თანასწორი პოლიტიკური და სოციალური გარემოს შექმნისთვის“, - აღნიშნულია EMC-ის განცხადებაში.  სრულად...  წყარო: https://emc.org.ge

თბილისი. საქართველოს სახალხო დამცველმა, ადამიანის უფლებების სწავლებისა და მონიტორინგის ცენტრის (EMC) განცხადების საფუძველზე, დასაქმების ადგილზე, განსხვავებული მოსაზრების გამო, შევიწროებით გამოხატული დისკრიმინაცია დაადგინა.  EMC წარმოადგენდა შპს "კომპანია ბლექ სი გრუპის" ყოფილი თანამშრომლების ინტერესებს ამავე კომპანიის დირექტორის მოადგილის წინააღმდეგ, რომელიც განმცხადებლების მიმართ არაეთიკური კომუნიკაციის ფორმების გამოყენებით სამუშაო ადგილზე მტრულ, დამამცირებელ და ღირსების შემლახავ სამუშაო გარემოს ქმნიდა.  საქართველოს სახალხო დამცველმა რეკომენდაციით მიმართა კომპანიის დირექტორის მოადგილეს მომავალში, პროფესიული საქმიანობის განხორციელებისას თავი შეიკავოს ადამიანების მიმართ შეურაცხმყოფელი გამონათქვამებით მიმართვისგან და სამუშაო ადგილზე არ შექმნას მტრული გარემო.  რეკომენდაცია გაიცა ასევე კომპანიის დირექტორის მისამართით, რათა კომპანიამ რეაგირება მოახდინოს განმცხადებლების შევიწროვების ფაქტზე, დროული და ეფექტური რეაგირება მოახდინოს თანამშრომელთა მიმართ რაიმე ტიპის დისკრიმინაციის შემთხვევებზე, შეიმუშავოს და თანამშრომლებს გააცნოს თანასწორობის პრინციპის ამსახველი დოკუმენტი და კომპანიაში არსებული სამუშაო გარემო და ეთიკა შეუსაბამოს თანასწორობის პრინციპს.  სრულად...  წყარო: ორგანიზაციის ვებგვერდი

თბილისი. საქართველოს სახალხო დამცველი აქვეყნებს წამების პრევენციის 10 წლის შეფასებას - მუშაობს თუ არა საქართველოს პრევენციის ეროვნული მექანიზმი. სრულად... წყარო: ombudsman.ge

USAID/PROLoG წარმოგიდგენთ ბროშურას მედიაციის შესახებ ახალი კანონის თაობაზე.  ბროშურა... წყარო: ორგანიზაციის გვერდი სოციალურ ქსელში

თბილისი. გერმანიის საერთაშორისო თანამშრომლობის საზოგადოების (GIZ) სამართლის პროგრამის მხარდაჭერით ევროკავშირის თანადაფინანსებული პროექტის „საქართელოს კომერციული სამართლისა და პრაქტიკის გაუმჯობესება“ ფარგლებში დაიწყო კერძო აღმასრულებლის საქმიანობის შემსწავლელი ტრენერთა ტრენინგი, რომელშიც 14 სახელმწიფო და კერძო აღმასრულებელი მონაწილეობს. "ტრენინგის მიზანია კერძო სააღსრულებო საქმიანობასთან დაკავშირებულ საკითხებზე ადგილობრივი ტრენერების მომზადება, რომელთა მეშვეობითაც მიმდინარე და მომდევნო წლის განმავლობაში ყველა სახელმწიფო აღმასრულებელი გადამზადდება კერძო საქმიანობისთვის აუცილებელ საკითხებში და მომზადებული შეხვდება აღსრულების სამართალში დაგეგმილი რეფორმის განხორციელებას“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

თბილისი. კავშირი „საფარი“, ორგანიზაციის დაცვის ქვეშ მყოფ, ძალადობის მსხვერპლ ქალთან ჩაწერილ ინტერვიუს აქვეყნებს „ერთ დღესაც, სახლში რომ მივედი, ჩემმა ქმარმა უცაბედად კარი გადაკეტა, ფანჯრები მიხურა, ტელევიზორს ხმა აუწია და ჩემს ცემას შეუდგა. აზრზეც ვერ მოვედი, ნამდვილი შოკი იყო. მეუბნებოდა, ხმა არ ამოიღო, უნდა მოგკლა, სახლიდან ცოცხალი ვერ გახვალო“. სრულად... წყარო: sapari.ge

თბილისი. საქართველოს ახალგაზრდა იურისტთა ასოციაცია (საია) მიიჩნევს, რომ შინაგან საქმეთა სამინისტრო პერსონალურ მონაცემებს უკანონოდ ამუშავებს. „ადმინისტრაციული სამართალდარღვევების საქმეთა ანალიზის შედეგად, გამოიკვეთა შინაგან საქმეთა სამინისტროს მიერ პერსონალური მონაცემების უკანონო დამუშავების შემთხვევები. აღნიშნული ტიპის საქმეთა განხილვისას შინაგან საქმეთა სამინისტრო სასამართლოში წარსადგენად იყენებს საინფორმაციო ელექტრონული ბაზიდან (info.police.ge) ინფორმაციას ადმინისტრაციული სახდელების დადების თაობაზე, რომელთაგან უმრავლეს შემთხვევაში, ერთ წელზე მეტი დროა გასული“, ნათქვამია ორგანიზაციის ვებ-გვერდზე. სრულად... წყარო: gyla.ge

სამცხე-ჯავახეთი. წამების მსხვერპლთა ფსიქო-სოციალური რეაბილიტაციის ცენტრმა (GCRT) დანაშაულის პრევენციის ცენტრთან თანამშრომლობით, შეხვედრა გამართა არასამთავრობო ორგანიზაციებთან და ადგილობრივ მუნიციპალიტეტებთან თემაზე „ადგილობრივი თვითმმართველობებისა და საზოგადოებრივი ორგანიზაციების ჩართულობა არასრულწლოვანთა დანაშაულის პრევენციის პროცესში“. სრულად... წყარო: ორგანიზაციის გვერდი სოციალურ ქსელში

თბილისი. საიამ, 16 პირის სახელით, თბილისის საქალაქო სასამართლოს მიმართა და პროკურორის იმ დადგენილების გაუქმება მოითხოვა, რომლითაც 20-21 ივნისს დაზარალებულ პირებს სტატუსი არ მიენიჭათ.  საია სასამართლოში პროკურატურის დადგენილების გაუქმებასა და 20-21 ივნისს დაზარალებული 16 პირისათვის დაზარალებულის სტატუსის მინიჭების შესახებ გადაწყვეტილების გამოტანას ითხოვს. სასამართლომ საჩივარი 15 დღეში უნდა განიხილოს.  სრულად...  წყარო: ორგანიზაციის ვებგვერდი

თბილისი. 11 ოქტომბერს, „კონსტიტუციის 42-ე მუხლმა“, ევროსასამართლოს მიერ ირაკლი ბათიაშვილის საქმეზე გუშინ გამოტანილ გადაწყვეტილებასთან დაკავშირებით, პრესკონფერენცია გამართა.  ევროსასამართლომ ირაკლი ბათიაშვილის საქმეზე გადაწყვეტილება 12 წლის შემდეგ მიიღო და დაადგინა, რომ საქმეზე „ბათიაშვილი საქართველოს წინააღმდეგ“ დარღვეულია ევროკონვენციის მე-6 მუხლის (სამართლიანი სასამართლოს უფლება) მე-2 ნაწილი, რომელიც უდანაშაულობის პრეზუმფციის დარღვევას გულისხმობს. ევროსასამართლომ საქართველოს სახელმწიფოს მომჩივნის სასარგებლოდ მორალური ზიანის ანაზღაურების სახით 3,600 ევროს გადახდა დააკისრა.  ირაკლი ბათიაშვილის ინტერესებს ევროპის სასამართლოში ორგანიზაცია „კონსტიტუციის 42-ე მუხლი“ 2007 წლიდან იცავს.  სრულად...  წყარო: ორგანიზაციის ვებგვერდი

თბილისი. ადამიანის უფლებების სწავლებისა და მონიტორინგის ცენტრი (EMC) სოფელ კიკიბოსა და სოფელ დერცელში მცხოვრები ქართველი მუსლიმი ოჯახებისთვის საძოვარი მიწების ჩამორთმევისა და საქართველოს საპატრიარქოსთვის გადაცემას ეხმიანება.  ორგანიზაციის მიერ გავრცელებული განცხადების მიხედვით, EMC მიიჩნევს, რომ ხელისუფლების ამგვარი გადაწყვეტილება ადიგენის მუნიციპალიტეტში მუსლიმი თემის უფლებების იგნორირების პრაქტიკას აგრძელებს და სოციალური დაძაბულობის კიდევ ერთ კერას ქმნის.  სრულად...  წყარო: ორგანიზაციის ვებგვერდი

თბილისი. საქართველოს სახალხო დამცველმა შპს „კომპანია პლექ სი გრუპისა“ და ამავე კომპანიის დირექტორის მოადგილის წინააღმდეგ სამუშაო ადგილზე განსხვავებული მოსაზრების გამო შევიწროება დაადგინა.  საქმის ფაქტობრივი გარემოებების თანახმად, დირექტორის მოადგილე არაეთიკური კომუნიკაციის ფორმებს იყენებდა მის დაქვემდებარებაში მყოფი განმცხადებლების მისამართით, მათ შორის, მესამე პირების თანდასწრებით, შეურაცხმყოფელი გამონათქვამებით მიმართავდა მათ და, როგორც ძალაუფლების მქონე პირი, მტრულ და დამამცირებელ სამუშაო გარემოს ქმნიდა. ამასთან, განმცხადებლების თხოვნის მიუხედავად, კომპანიის დირექტორს აღნიშნულ ფაქტებზე რეაგირება არ მოუხდენია.  სრულად...  წყარო: ორგანიზაციის ვებგვერდი

თბილისი. საქართველოს სახალხო დამცველმა ვიტალი საფაროვის მკვლელობის სისხლის სამართლის საქმეზე თბილისის სააპელაციო სასამართლოს სასამართლოს მეგობრის მოსაზრებით (Amicus Curiae) მიმართა. ვინაიდან საქმეში მსჯელობა შეეხებოდა სავარაუდო სიძულვილის მოტივს, სახალხო დამცველმა, როგორც დისკრიმინაციასთან ბრძოლის მექანიზმმა, წარადგინა სასამართლოს მეგობრის მოსაზრება, სადაც საერთაშორისო ინსტიტუტების მიერ დადგენილი სტანდარტების საფუძველზე იმსჯელა სიძულვილის მოტივის ინდიკატორებზე და სიძულვილის მოტივის გამოკვეთის მნიშვნელობაზე. სრულად… წყარო: ორგანიზაციის ვებგვერდი

თბილისი. ადამიანის უფლებათა ცენტრი პროკურატურისგან მოითხოვს, დაზარალებულად სცნოს 38 ჟურნალისტი, რომელიც 20 ივნისს თბილისში, რუსთაველის გამზირზე მიმდინარე პროცესებს აშუქებდა.  „ადამიანის უფლებათა ცენტრი მოუწოდებს საქართველოს გენერალურ პროკურატურას: სისხლის სამართლის საქმეებზე გამოძიება წარიმართოს სისხლის სამართლის კოდექსის 154-ე მუხლით, რაც გულისხმობს ჟურნალისტური საქმიანობისათვის ხელის შეშლას; ჩაატაროს სრულყოფილი და ობიექტური გამოძიება და დანაშაულის ჩამდენ პირებს დააკისროს სისხლისსამართლებრივი პასუხისმგებლობა; სისხლის სამართლის საპროცესო კოდექსის 56-ე მუხლის საფუძველზე 20 ივნისს დაზარალებულ მოქალაქეებს დროულად მიანიჭოს დაზარალებულის სტატუსი“, - აღნიშნულია ცენტრის მიერ გავცელებულ განცხადებაში.  სრულად...  წყარო: http://www.humanrights.ge

თბილისი. ორგანიზაცია „კონსტიტუციის 42-ე მუხლმა“ ადამიანის უფლებათა სახლში პრესკონფერენცია გამართა. „პრესკონფერენციას დაესწრო საქართველოში ახლადჩამოსული აფგან მუხთარლის მეუღლე ლეილა მუსტაფაევა, რომელმაც მუხთარლის დამცველ ორგანიზაცია „კონსტიტუციის 42-ე მუხლის“ ადვოკატ არჩილ ჩოფიკაშვილთან ერთად მედიას დეტალურ ინფორმაცია მიაწოდა როგორც მუხთარლის ჯანმრთელობის მდგომარეობის, ასევე გამოძიების პროცესში მტკიცებულების ვიდეოს დაზიანების შესახებ. აღსანიშნავია, რომ მუხთარლის და მისი მეუღლის ლეილა მუსტაფაევას ინტერესებს ევროსასამართლოშიც „კონსტიტუციის 42-ე მუხლის“ იურისტი არჩილ ჩოფიკაშვილი იცავს. საქმეს ევროპის სასამართლოში პრიორიტეტი აქვს მინიჭებული“, ნათქვამია ორგანიზაციის გვერდზე სოციალურ ქსელში.  სრულად...  წყარო: ორგანიზაციის გვერდი სოციალურ ქსელში

თბილისი. პარტნიორობა ადამიანის უფლებებისთვის (PHR) ხელმძღვანელი ანა აბაშიძე წარადგენს ანგარიშს - „სასამართლო შენობების მისაწვდომობის შეფასება შეზღუდული შესაძლებლობის მქონე პირთათვის“.  „ორგანიზაციამ საქართველოს მასშტაბით ჩაატარა 40 სასამართლოს მისაწვდომობის სისტემური აუდიტი და ასევე, 25 სასამართლოს პარალელურად დაეგზავნა საველე სამუშაოების ჩასატარებელი კითხვარი. როგორც შედეგებმა აჩვენა, სასამართლოთა უმეტესობას სჭირდება მოდიფიცირება მათი სერვისებისა და შენობების მისაწვდომობისთვის. ანგარიში მომზადდა ევროპის საბჭოს პროექტის - „სასამართლო რეფორმის მხარდაჭერა საქართველოში“ და იუსტიციის უმაღლესი საბჭოს მხარდაჭერით“, ნათქვამია ორგანიზაციის გვერდზე სოციალურ ქსელში.  სრულად... წყარო: ორგანიზაციის გვერდი სოციალურ ქსელში