კახეთი. სახალხო დამცველის მიმართვის შედეგად, საგარეჯოს მუნიციპალიტეტის მერმა მოქალაქეს განაცდური ხელფასი აუნაზღაურა. „სახალხო დამცველის მიმართვის საფუძველზე მოქალაქისთვის 20 ათას ლარამდე განაცდური ხელფასის ანაზღაურების შესახებ და იმედოვნებს, რომ მომავალშიც ხშირი იქნება ასეთი წარმატებული თანამშრომლობის მაგალითები სხვადასხვა სახელმწიფო უწყებებსა და ადგილობრივ თვითმმართველობასთან", - აღნიშნულია სახალხო დამცველის აპარატის მიერ გავრცელებულ ინფორმაციაში. სრულად  წყარო: სახალხო დამცველის ვებგვერდი

თბილისი. საკონსტიტუციო სასამართლოს გადაწყვეტილებით, პლაკატების, ლოზუნგების, ბანერების განთავსების აკრძალვის არსებული წესი კონსტიტუციურ უფლებებს არღვევს. ინფორმაციას ამის თაობაზე საქართველოს ახალგაზრდა იურისტთა ასოციაცია აქვეყნებს. საქმე, რომელთან დაკავშირებითაც საკონსტიტუციო სასამართლომ ასეთი გადაწყვეტილება მიიღო, ერთ-ერთია იმ 5 საქმიდან, რომელიც საია-მ ადმინისტრაციულ სამართალდარღვევათა კოდექსის არაკონსტიტუციური გამოყენების დასრულების მიზნით საკონსტიტუციო სასამართლოში წარადგინა. სრულად  წყარო: gyla.ge

თბილისი. ადამიანის უფლებების სწავლებისა და მონიტორინგის ცენტრი (EMC) მოუწოდებს პროკურატურას ჭიათურაში პოლიციის მხრიდან შესაძლო ძალადობის შემთხვევის გამოძიება დროულად დაასრულოს. „ჭიათურაში, პოლიციის ადმინისტრაციული შენობის მიმდებარედ, ადგილობრივები უკვე მე-17 დღეა შიმშილობენ. პროტესტის მონაწილეები სამართალდამცავი ორგანოს თანამშრომლების მხრიდან ძალადობას აპროტესტებენ და 26 მაისს დაკავებული პირის დაუყოვნებლივ განთავისუფლებას ითხოვენ. აღსანიშნავია, რომ ჭიათურის შემთხვევა არ არის პირველი, როდესაც რეგიონში მცხოვრები მოქალაქეები ადგილობრივი პოლიციის რეპრესიულ პოლიტიკას, დაშინებასა და ძალადობაზე დაფუძნებულ საპოლიციო საქმიანობას აპროტესტებენ", ნათქვამია ორგანიზაციის ვებგვერდზე სოციალურ ქსელში. სრულად... წყარო: emc.org.ge

თბილისი. საქართველოს სახალხო დამცველის აპარატისა და ევროპის საბჭოს საქართველოს ოფისის ორგანიზებით, დღეს, სტამბოლის კონვენციის ირგვლივ, სამუშაო შეხვედრა გაიმართა. შეხვედრის მიზანს წარმოადგენდა სახალხო დამცველის აპარატისა და საზოგადოებრივი ორგანიზაციების შესაძლებლობების გაძლიერება, ქალთა მიმართ ძალადობასა და ოჯახში ძალადობასთან დაკავშირებული საკითხების კუთხით, სტამბოლის კონვენციის მონიტორინგის მექანიზმის დახვეწა და საერთაშორისო გამოცდილების გაზიარება. სრულად  წყარო: სახალხო დამცველის ვებგვერდი

თბილისი. საზოგადოებრივი ორგანიზაციების ნაწილი „ერთიანი ნაციონალური მოძრაობის" პოლიტსაბჭოს წევრის, ბესიკ ქათამაძის მიმართ ფიზიკური ანგარიშსწორების თაობაზე განცხადებას ავრცელებს. „ხელმომწერი ორგანიზაციები გამოვხატავთ შეშფოთებას ენმ-ს პოლიტსაბჭოს წევრის, ოზურგეთის მუნიციპალიტეტის საკრებულოს დეპუტატის, ბესიკ ქათამაძის მიმართ განხორციელებული ფიზიკური ანგარიშსწორების ფაქტზე და მოვუწოდებთ სამართალდამცავ ორგანოებს, დროულად და ეფექტურად გამოიძიონ აღნიშნული შემთხვევა, მათ შორის კი გამოავლინონ ინციდენტში მონაწილე ყველა პირი," - ვკითხულობთ განცხადებაში. სრულად  წყარო: www.gdi.ge

თბილისი. GIZ სამართლის პროგრამა მომხმარებლის უფლებების დაცვის შესახებ საქართველოს კანონპროექტის სამართლებრივ ანალიზს აქვეყნებს. ანალიზი შეგიძლიათ ჩამოტვირთოთ შემდეგი ბმულიდან... წყარო: ორგანიზაციის ვებგვერდი სოციალურ ქსელში

თბილისი. საქართველოს სახალხო დამცველი მწუხარებას გამოთქვამს ბათუმში, 4 წლის ბავშვის სავარაუდო ცემისა და მკვლელობის თაობაზე და სპეციალურ განცხადებას ავრცელებს და სახელმწიფო უწყებებს ფაქტის დროული გამოკვლევისკენ მოუწოდებს. „საქართველოში, არა ერთი წელია, მწვავე პრობლემად რჩება ბავშვის მიმართ ძალადობის შემთხვევათა დროული გამოვლენა, ბავშვის დაცვა ძალადობისა და არასათანადო მოპყრობისგან და დახმარების ღონისძიებების ეფექტიანი განხორციელება. სამწუხაროდ, ბავშვის მიმართ ძალადობრივ დამოკიდებულებას ადგილი აქვს საზოგადოებაში, ოჯახში, საგანმანათლებლო და სააღმზრდელო დაწესებულებებში. თუმცა, საზოგადოებაში დამკვიდრებულ სტერეოტიპებთან ერთად, ბავშვის ძალადობის ნებისმიერი ფორმისგან დაცვის მაჩვენებელზე საგანგაშოდ აისახება სახელმწიფოს მხრიდან რეაგირების სისტემური ხარვეზები", - აღნიშნულია განცხადებაში. სრულად  წყარო: სახალხო დამცველის ვებგვერდი

თბილისი. 14 ივნისს, ადამიანის უფლებათა ცენტრმა წარმოადგინა ანგარიში - „მსჯავრდებული, ბრალდებული და დაზარალებული ქალების სასამართლო მონიტორინგი". ანგარიში მომზადდა ადამიანის უფლებათა ცენტრის პროექტის - „სასამართლო მონიტორინგი ქალებისათვის" ფარგლებში, რომელიც ორგანიზაციამ ბულგარეთის განვითარების ფონდის ფინანსური მხარდაჭერით განახორციელა. სრულად... წყარო: ორგანიზაციის ვებგვერდი სოციალურ ქსელში

თბილისი. ადამიანის უფლებების სწავლებისა და მონიტორინგის ცენტრი (EMC) აქვეყნებს შეფასებას ნუგზარ ქავთარაშვილისთვის იარაღის სავარაუდო ჩადების საქმეზე. „EMC-ს  შეფასებით, ნ. ქავთარაშვილის მიმართ წარდგენილი ბრალდება, ისევე როგორც ბათუმის საქალაქო სასამართლოს განაჩენი აშკარად დაუსაბუთებელი, უკანონოა  და არღვევს პირადი ცხოვრებისა და სამართლიან სასამართლოზე უფლების სტანდარტებს. განაჩენი არ ემყარება ეჭვის გამომრიცხავ მტკიცებულებათა ერთობლიობას და არღვევს საქართველოს კანონმდებლობით დადგენილ მოთხოვნებს", ნათქვამია ორგანიზაციის ვებგვერდზე. სრულად... წყარო: emc.org.ge

თბილისი. ადმინისტრაციულ სამართალდარღვევათა კოდექსისა და სამართლიანი სასამართლოს გარანტიებით სარგებლობის თაობაზე, სახალხო დამცველი სპეციალურ განცხადებას ავრცელებს. „2018 წლის 12 ივნისს საქართველოს სახალხო დამცველის წარმომადგენელი აკვირდებოდა თბილისის საქალაქო სასამართლოში მიმდინარე პროცესებს, რომლებზეც 11 ივნისის აქციაზე სავარაუდოდ ჩადენილი ადმინისტრაციული სამართალდარღვევების საქმეებს განიხილავდნენ. დაკავებული პირები სასამართლოში მთელი დღე ელოდნენ მათი საქმის განხილვის რიგს, ვინაიდან რამდენიმე საქმეს ერთი მოსამართლე იხილავდა. სახალხო დამცველი მიიჩნევს, რომ აღნიშნული კიდევ ერთხელ წარმოაჩენს რამდენად არაკონსტიტუციურია მოქმედი ადმინისტრაციულ სამართალდარღვევათა კოდექსი და როგორ არ უზრუნველყოფს იგი სამართლიანი სასამართლოს გარანტიებით სარგებლობას", - ნათქვამია განცხადებაში. სრულად  წყარო: სახალხო დამცველის ვებგვერდი

თბილისი. „ადამიანის უფლებების სწავლებისა და მონიტორინგის ცენტრი" (EMC) ეხმიანება მედია საშუალებებით გავრცელებულ ინფორმაციას, სახელმწიფო უსაფრთხოების სამსახურის მიერ მალხაზ მაჩალიკაშვილის მიმართ გამოძიების დაწყებასთან დაკავშირებით. მედია საშუალების - reginfo.ge მიერ გავრცელებული ინფორმაციით ცნობილი გახდა, რომ ხორავას ქუჩაზე არასრულწლოვანი პირების მკვლელობის არაეფექტურ გამოძიებასთან დაკავშირებით გამართულ საპროტესტო აქციის დროს მალხაზ მაჩალიკაშვილის მიერ თავის აფეთქების იდეის თაობაზე გაკეთებულ განცხადებაზე, სახელმწიფო უსაფრთხოების სამსახურმა გამოძიება დაიწყო. აღსანიშნავია, რომ სუს-ისგან თავად მალხაზ მაჩალიკაშვილს ინფორმაცია გამოძიების დაწყების ფაქტთან დაკავშირებით არ მიუღია. დღის განმავლობაში EMC-იმ, ასევე, ვერ შეძლო სახელმწიფო უსაფრთხოების სამსახურიდან ინფორმაციის მიღება გამოძიების დაწყების ფაქტთან, პერიოდთან და სამართლებრივ საფუძველთან დაკავშირებით. ინფორმაციის სიმწირის მიუხედავად, მიგვაჩნია, რომ მ. მაჩალიკაშვილის მიმართ დაწყებული გამოძიება დაუსაბუთებელი და პრობლემურია", - აცხადებს EMC, - მოვუწოდებთ სუს-ს არ მოახდინოს მის ხელთ არსებული სამართლებრივი მექანიზმების პოლიტიკური ინსტუმენტალიზება და სწორედ ამ უწყების მიერ ჩადენილი დანაშაულებრივი ქმედებების შედეგად დაზარალებული ოჯახისთვის დამატებითი უფლებრივი ზიანის მიყენება. იმ ფონზე, როცა პრემიერ-მინისტრთან თემირლან მაჩალიკაშვილის სიცოცხლის ხელყოფის საქემზე საგანგებო შეხვედრის შემდეგ, მიმდინარე გამოძიების პროცესში არც ერთი ნაბიჯი პროკურატურის მიერ არ გადადგმულა, სუს-ის მიერ დაზარალებულის ემოციურ განცხადებაზე დაწყებული გამოძიება კიდევ უფრო აღრმავებს უნდობლობას სამართალდამცავი ორგანოების მიმართ". სრულად  წყარო: ორგანიზაციის ვებგვერდი

თბილისი. 2018 წლის 12 მაისის მოვლენებთან დაკავშირებით, „ადამიანის უფლებების სწავლებისა და მონიტორინგის ცენტრმა" (EMC) პროკურატურას გამოძიების დაწყების მოთხოვნით მიმართა. „2018 წლის 12 მაისს, ღამის საათებში, შინაგან საქმეთა სამინისტრომ თბილისის რამდენიმე კლუბში ერთდროული და მასშტაბური საპოლიციო ღონისძიება განახორციელა. კლუბებში ჩატარებული საგამოძიებო მოქმედებები და პარალელურად, თბილისის რამდენიმე ქუჩაზე მიმდინარე სპონტანური საპროტესტო აქციებისას პოლიციის მოქმედება, სახელმწიფოს მხრიდან ძალის დემონსტრირების ცალსახა და ბოლო დროის უპრეცედენტო შემთხვევა იყო", - ნათქვამია განცხადებაში, - „მოვუწოდებთ პროკურატურას, დაიწყოს გამოძიება აღნიშნულთან დაკავშირებით და უზრუნველყოს გამოძიების სწრაფად, ობიექტურად და გამჭვირვალედ წარმოება". სრულად  წყარო: ორგანიზაციის ვებგვერდი

თბილისი. ადამიანის უფლებების სწავლებისა და მონიტორინგის ცენტრი (EMC) ბლოგპოსტში მოკლედ აღწერს, რა ძირეული ცვლილებებია გასატარებელი სამართალდამცავ ორგანოებში და რა იგულისხმება სისტემურ რეფორმებში. „შინაგან საქმეთა სამინისტროში, პროკურატურასა და უსაფრთხოების სექტორში, ბოლო წლებში განხორციელებული ცვლილებები ვერ გახდა რეალურად დეპოლიტიზირებული, ანგარიშვალდებული და ადამიანის უფლებებზე ორიენტირებული სამართალდამცავი სისტემის ჩამოყალიბების საფუძველი. საზოგადოებაში კვლავ რჩება განცდა, რომ მაღალია სამართალდამცავ ორგანოებზე გავლენის მოხდენის რისკები, პრობლემად რჩება ძალის გადამეტების ფაქტები, არაობიექტური გამოძიება, დაუსჯელობა და ძალოვანი უწყებების დაბალი ანგარიშვალდებულება", ნათქვამია ორგანიზაციის ვებგვერდზე. სრულად... წყარო: emc.org.ge

თბილისი. ქართული საზოგადოებრივი ორგანიზაციების ნაწილი, რუსთაველის გამზირზე მიმდინარე აქციასთან დაკავშირებით, განცხადებას ავრცელებს. „კიდევ ერთხელ, გამოვხატავთ სოლიდარობას ზაზა სარალიძის, მალხაზ მაჩალიკაშვილის და მათი ოჯახების მიმართ. ხაზგასმით აღვნიშნავთ, რომ ამ საქმეებზე გამოძიების დროული პროგრესი და ყველა პასუხისმგებელი პირის გამოკვეთა და დასჯა საზოგადოების მთავარ მოთხოვნად და ხელისუფლების პასუხისმგებლობად რჩება", - ვკითხულობთ განცხადებაში, - „დაზარალებულთა და მათი მხარდამჭერების სამართლიანი და ლეგიტიმური პროტესტის გამოხატვის მიზნით, მოვუწოდებთ აქციის ორგანიზატორებს, გაითვალისწინონ კანონის მოთხოვნები და უზრუნველყონ აქციის მშვიდობიანი და კანონიერი ხასიათის შენარჩუნება. ასევე, მოვუწოდებთ ხელისუფლებას იმოქმედოს შეკრების და მანიფესტაციის უფლების დაცვის პრინციპებით. საჭიროების შემთხვევაში, აწარმოოს მოლაპარაკებები აქციის ორგანიზატორებთან და მონაწილეებთან და არ დაუშვას დაუსაბუთებელი და არაპროპორციული საპოლიციო ღონისძიებების გამოყენება აქციის მონაწილეთა მიმართ". სრულად წყარო: www.osgf.ge

თბილისი. ხორავას ქუჩაზე მომხდარი მკვლელობის გამოძიებასთან დაკავშირებით, საქართველოს სახალხო დამცველმა სპეციალური განცხადება გააკეთა. „სახალხო დამცველი საქმეს ორი მიმართულებით სწავლობს: ერთი - რამდენად ჩატარდა აუცილებელი საგამოძიებო მოქმედებები ან ჩატარებული საგამოძიებო მოქმედებები რამდენად საკმარისი იყო; მეორე - რამდენად არიან გამოკვეთილი საქმის მასალებში კონკრეტული პირები, რომელთა პასუხისმგებლობის იდენტიფიცირება შესაძლებელია. ჩვენს მიერ ამ ეტაპისთვის იდენტიფიცირებულია გარკვეული ფაქტები, რომელთა გარშემოც გვინდა საზოგადოებას მივაწოდოთ ინფორმაცია. საქმის შესწავლის შედეგად გაჩნდა კითხვები”, - აღნიშნავს სახალხო დამცველი, „აქვე გვსურს მივესალმოთ შინაგან საქმეთა სამინისტროს მიერ წარმოებულ აქტიურ საგამოძიებო პროცესს. ჩვენი დაკვირვებით პარალელურ რეჟიმში უამრავი საგამოძიებო მოქმედება ხორციელდება და ასევე გავრცელდა ინფორმაცია, რომ რამდენიმე პირს წარედგინა ბრალი. ვფიქრობთ, აღნიშნული პირებისთვის ბრალის წაყენება არსებული კითხვების ნაწილს მაინც გასცემს პასუხს. იმედს ვიტოვებთ, პარალელურ რეჟიმში შინაგან საქმეთა სამინისტროც გასცემს საქმეში არსებულ კითხვაზე პასუხს. უნდა აღვნიშნოთ, რომ საქმის მასალების სრულად გაცნობის შემდეგ, ჩვენი შეფასების ერთ-ერთი საგანი შინაგან საქმეთა სამინისტროს ფარგლებში 2018 წლის ივნისიდან წარმოებული გამოძიების ეფექტურობის შეფასება იქნება". სრულად  წყარო: სახალხო დამცველის ვებგვერდი

თბილისი. „საერთაშორისო გამჭვირვალობა - საქართველოს" დახმარებით, მოქალაქე ირაკლი კიკვაძემ სასამართლო დავა მოუგო ქუთაისის „სპორტულ დაწესებულებათა გაერთიანებას". განაჩენის თანახმად, მოქალქე უნდა აღდგეს თანამდებობაზე და აუნაზღაურდეს განაცდური 2000 ლარის ოდენობით. სრულად... წყარო: ორგანიზაციის ვებგვერდი სოციალურ ქსელში

თბილისი. საქართველოს სახალხო დამცველი საქართველოს პარლამენტის წევრსა და სპეციალური საპარლამენტო კომისიის ხელმძღვანელს, სერგი კაპანაძესა და კომისიის წევრ ელენე ხოშტარიას შეხვდა. შეხვედრაზე განიხილეს არასრულწლოვანი დავით სარალიძის მკვლელობის გამოძიების მიმდინარეობა, საგამოძიებო კომისიის მუშაობის გეგმები და პრიორიტეტები, სახალხო დამცველისა და კომისიის თანამშრომლობისა და კოორდინაციის საკითხები. სრულად  წყარო: სახალხო დამცველის ვებგვერდი

თბილისი. ინფორმაციის თავისუფლების განვითარების ინსტიტუტი (IDFI) აქვეყნებს ლგბტ პატიმრებისთვის ხანგრძლივი პაემანის უფლების მინიჭების საკითხზე საკონსტიტუციო სასამართლოს განჩინების ანალიზს აქვეყნებს.  „ნაშრომი აჯამებს და კრიტიკულად აანალიზებს სასამართლო განჩინების ძირითად აქცენტებს. ავტორის შეფასებით, სასამართლოს მიერ საქმის არსებითად განსახილველად არ მიღება რიგ კითხვის ნიშნებს ტოვებს და ასევე განჩინების კონკრეტული ასპექტებში არ შეესაბამება სასამართლოს მანამდე არსებულ პრაქტიკას", ნათქვამია ორგანიზაციის ვებგვერდზე. სრულად...  წყარო: idfi.ge

თბილისი. სამოქალაქო პლატფორმაში "არა-ფობიას!” შემავალი საზოგადოებრივი ორგანიზაციები, აფრიკელ სტუდენტებზე თავდასხმის გამოძიებასთან დაკავშირებით, განცხადებას ავრცელებენ. „ვეხმაურებით 8 აპრილს აფრიკელი სტუდენტების მიმართ, სავარაუდო რასობრივი შეუწყნარებლობის მოტივით ჩადენილი ძალადობის ფაქტს. ჩნდება კითხვები იმასთან დაკავშირებით, რამდენად მიუკერძოებლად მიმდინარეობს გამოძიება, სამართალდამცავი ორგანოები რამდენად ისახავენ მიზანად საქმეზე ობიექტური ჭეშმარიტების დადგენას, ხომ არა აქვს ადგილი იმის მცდელობას, რომ მოხდეს სამართლებრივი საკითხების არაფორმალური მოწესრიგება და დანაშაულის სავარაუდო ჩამდენი პირების პასუხისმგებლობისაგან არიდება", - აღნიშნულია განცხადებაში. დანაყოფს. სრულად  წყარო: gyla.ge

თბილისი. „ადამიანის უფლებების სწავლებისა და მონიტორინგის ცენტრი" (EMC) სარჩელით მიმართავს თბილისის საქალაქო სასამართლოს და შინაგან საქმეთა სამინისტროს ქმედებების შედეგად, კერძოდ, ზვიად რატიანის პერსონალური მონაცემების გავრცელებით, მისთვის მიყენებული მორალური ზიანის ანაზღაურებას ითხოვს. „შინაგან საქმეთა სამინისტროს მხრიდან ვიდეოკადრების მედიისთვის გადაცემისა და მისი გავრცელების შემდგომ, ზვიად რატიანი მუდმივი საზოგადოებრივი წნეხისა და ყურადღების ქვეშ ცხოვრობს. საჯარო სივრცეში ყოფნისას, მისი მისამართით ხშირად ისმის ირონიული, დამცინავი შეძახილები, კომენტარები, გამუდმებული მზერა, რამაც მას თავისუფლად ცხოვრების შესაძლებლობა წაართვა. ვიდეოჩანაწერების გასაჯაროვების შემდეგ, მის მიმართ, სხვადასხვა დროს, ადგილი ჰქონდა სიტყვიერ შეურაცხყოფას და აგრესიას. აღნიშნულის შედეგად, ზვიად რატიანის ფსიქოლოგიური და ემოციური მდგომარეობა მნიშვნელოვნად გაუარესდა, მას მოერღვა უსაფრთხოების განცდა და განუვითარდა პოსტტრავმული სტრესული აშლილობა. აღნიშნული მოვლენების შედეგად გამოწვეული საზოგადოების მუდმივი წნეხის ქვეშ ცხოვრება მისთვის გაუსაძლისი გახდა", - ნათქვამია განცხადებაში. სრულად  წყარო: ორგანიზაციის ვებგვერდი

თბილისი. „ადამიანის უფლებების სწავლებისა და მონიტორინგის ცენტრი" (EMC) მალხაზ მაჩალიკაშვილის მიმართ სავარაუდო თვალთვალის გამო, საქართველოს პერსონალური მონაცემების დაცვის ინსპექტორს მიმართავს. განცხადებაში, რომელიც EMC-მ გაავრცელა, საუბარი ეხება გარდაცვლილი თემირლან მაჩალიკაშვილი მამის მალხაზ მაჩალიკაშვილის მიმართ, სავარუდოდ, სახელმწიფო უსაფრთხოების სამსახურისა და საქართველოს შინაგან საქმეთა სამინისტროს წარმომადგენლების მიერ, უკანონო ვიზუალური კონტროლისა და მაიდენტიფიცირებელი მონაცემების უკანონო დამუშავების ფაქტებს. სრულად  წყარო: ორგანიზაციის ვებგვერდი

თბილისი. ზვიად დევდარიანი, პატივისა და ღირსების შელახვისთვის სასამართლოს მიმართავს. „სარჩელი შევა იმ ქალების წინააღმდეგ, ვინც მას სექსუალურ შევიწროვებაში ადანაშაულებს, ასევე იმ ადამიანების წინააღმდეგ, ვინც, მისი თქმით, ამ თემის ტირაჟირებას უწყობდა ხელს. ამის შესახებ დევდარიანმა სახალხო დამცველის ოფისში, ომბუდსმენის აპარატის წარმომადგენლებთან შეხვედრის შემდეგ გამართულ ბრიფინგზე განაცხადა", ნათქვამია გენდერული საინფორმაციო პორტალის ვებგვერდზე. სრულად...  წყარო: ginsc.net