თბილისი.კოალიცია დამოუკიდებელი ცხოვრებისათვის რეგიონში პარტნიორი ქვეყნების ორგანიზაციებთან ერთად — უნისონი (სომხეთი) და შეზღუდული შესაძლებლობის მქონე პირთა რეაბილიტაციის ასოციაცია (მოლდოვა) ახორციელებს პროექტს "მოლდოვის, სომხეთის და საქართველოს შეზღუდული შესაძლებლობის მქონე პირთა ორგანიზაციები ჩართულობისა და თანამშრომლობისთვის". პროექტის ფარგლებში კოალიციამ დამოუკიდებელი ცხოვრებისთვის ევროკავშირის მხარდაჭერით მოამზადა კვლევა, რომლის ძირითადი მიზანია ხელი შეუწყოს საქართველოში არსებული საკანონმდებლო ჩარჩოს გაუმჯობესებასა და შშმ პირთა უფლებების ეფექტურად დაცვას.  სრულად... წყარო: კოალიცია დამოუკიდებელი ცხოვრებისათვის 

თბილისი.27 ოქტომბერს 12 საათზე რიგით მეოთხე მასშტაბური და გავლენაზე ორიენტირებული B2B გამოფენა ევროკავშირის (European Union in Georgia) მხარდაჭერითა და საქართველოს სტრატეგიული კვლევებისა და განვითარების ცენტრის (CSRDG) ორგანიზებით 12 საათზე გაიხსნა. გამოფენაში 50 სოციალური საწარმო მონაწილეობს, რომლებსაც სხვადასხვა სოციალური მიზანი ამოძრავებს და დღეს თქვენთან შესახვედრად თავიანთი პროდუქციითა და სერვისებით იქნებიან წარმოდგენილნი. სრულად... წყარო: საქართველოს სტრატეგიული კვლევებისა და განვითარების ცენტრი

თბილისი.გაეროს განვითარების პროგრამამ ახალი სახელმძღვანელო „შეზღუდული შესაძლებლობის მქონე პირთა არსებითი მონაწილეობა გადაწყვეტილების მიღების პროცესში“ გამოაქვეყნა.  სახელმძღვანელოს საჯარო განხილვა 25 ოქტომბერს გაიმართა. მსჯელობაში მონაწილეობა მიიღეს შშმ პირებმა და შშმ პირთა საკითხებზე მოუშავე ორგანიზაციების, სამოქალაქო საზოგადოებისა და საქართველოს სახალხო დამცველის წარმომადგენლებმა.  სახელმძღვანელო გაეროს განვითარების პროგრამისა და გაეროს შშმ პირთა უფლებების დაცვის მრავალ-პარტნიორული ნდობის ფონდის (UNPRPD MPTF) მხარდაჭერით შეიქმნა.  სრულად... წყარო: გაეროს განვითარების პროგრამა

აფხაზეთი.სოციალური სამართლიანობის ცენტრი აფხაზეთის დე ფაქტო ხელისუფლების მიერ უკანონოდ დაპატიმრებული საქართველოს კიდევ ორი მოქალაქის საქმეს ეხმიანება.  „აფხაზეთში პატიმრობაში მყოფი პირების ჯანმრთელობა და უსაფრთხოება მძიმეა და მნიშვნელოვანია, საქართველოს ხელისუფლებას გააჩნდეს სისტემური მიდგომები და ინსტრუმენტები კონფლიქტის რეგიონებში ადამიანის უფლებების დაცვის ხელშეწყობისთვის, მათ შორის, არსებითია საერთაშორისო ორგანიზაციების წინაშე კონფლიქტის რეგიონებში ადამიანის უფლებათა დარღვევის ფაქტებზე და მათი ჩარევის გზებზე სისტემური მუშაობა, ასევე, გაჭიანურებული კონფლიქტის პირობებში დე ფაქტო ხელისუფლებებთან ადამიანური უსაფრთხოების, უფლებებისა და ჰუმანიტარული საკითხებზე პირდაპირი დიალოგის ფორმატების შექმნა.“ - ნათქვამია განცხადებაში  სრულად...   წყარო: სოციალური სამართლიანობის ცენტრი

თბილისი. 27 ოქტომბერს სოციალური საწარმოების რიგით მე-4 მასშტაბური გამოფენა გაიმართება.  ღონისძიების მიზანია სოციალურ საწარმოებსა და ბიზნეს სექტორს შორის პარტნიორობის ხელშეწყობა, პასუხისმგებლიანი შესყიდვების პრაქტიკის დანერგვა და განვითარება მეტი სოციალური და გარემოსდაცვითი გავლენის უზრუნველსაყოფად.  გამოფენა საქართველოს სტრატეგიული კვლევებისა და განვითარების ცენტრი (CSRDG) ევროკავშირისა და პური მსოფლიოსთვის მხარდაჭერით იმართება.  სრულად... წყარო: საქართველოს სტრატეგიული კივლევებისა და განვითარების ცენტრი

მცხეთა-მთიანეთი.დუშეთში, ქალაქის ცენტრალურ მოედანზე, სადაც მდებარეობს ადმინისტრაციული შენობები, არ იყო გამოყოფილი შეზღუდული შესაძლებლობების მქონე პირების ავტომანქანებისთვის შესაბამისი პარკირების ადგილები.  საქართველოს ახლაგაზრდა იურისტთა ასოციაცია 2017 წლიდან დღემდე აწარმოებდა საადვოკაციო კამოანიას პრობლემის მოგვარების მიზნით 2023 წელს მუნიციპალიტეტმა დაიწყო შესაბამისი სამუშაოების წარმოება. შედეგად, შშმ პირებისთვის ქალაქის ცენტრალურ ქუჩაზე გამოიყო პარკირების ადგილები.სამუშაოები უახლოეს პერიოდში დასრულდება და შშმ პირებს შესაძლებლობა ექნებათ ისარგებლონ ინდივიდუალურად მათთვის გამოყოფილი პარკირების ადგილებით. სრულად...   წყარო: საქართველოს ახალგაზრდიურისტთა ასოციაცია

სამეგრელო. მარტვილის მუნიციპალიტეტში, ბალდის კანიონის მიმდებარედ მცხოვრები მოსახლეობა და სოციალური სამართლიანობის ცენტრი ბალდის კანინოზე მიმდინარე სამუშაოების შეჩერებას ითხოვენ.  „მნიშვნელოვანია, სახელმწიფო უწყებებმა კიდევ უფრო დიდი ეკოლოგიური ზიანის თავიდან ასარიდებლად, გააძლიერონ ზედამხედველობა მიმდინარე სამუშაოებზე და შეაფასონ კანიონზე ამ დროისთვის არსებული მდგომარეობა. ამასთან, რამდენადაც კანიონის კერძო კომპანიისთვის იჯარით გადაცემის შესახებ გადაწყვეტილება კანონდარღვევით იქნა მიღებული, აუცილებელია, გარემოს დაცვის სამინისტრომ ბალდის კანიონზე მიმდინარე სამუშაოები შეაჩეროს - ადგილობრივ მოსახლეობასთან შეთანხმების მიღწევამდე და საკითხის სამართლებრივ გადაწყვეტამდე“ - ნათქვამია განცხადებაში სრულად... წყარო: სოციალური სამართლიანობის ცენტრი

თბილისი. საქართველოს ახალგაზრდა იურისტთა ასოციაცია სიღარიბის დაძლევის საერთაშორისო დღესთან დაკავშირებით განცხადებას ავრცელებს.  „მნიშვნელოვანია, რომ სახელმწიფომ შეიმუშაოს სიღარიბის დაძლევის იმგვარი ერთიანი და მდგრადი პოლიტიკა, რომელიც იქნება მაქსიმალურად ინკლუზიური, მოიცავს ქვეყანაში არსებული ყველა მოწყვლად ჯგუფს და მიმართული იქნება არსებული სოციალური უთანასწორობის აღმოფხვრისაკენ. სახელმწიფოს მიერ შემუშავებული დასაქმებისა და სოციალური მხარდაჭერის პროგრამები საჭიროებს გადახედვას და არსებულ სოციალურ რისკებზე ადაპტირებას, რათა არ იყოს დამოკიდებული ხელისუფლების მხრიდან ერთჯერად ინიციატივებზე და ერთიანი ეროვნული სტანდარტი იყოს ჩამოყალიბებული.„ - ნათქვამია განცხადებაში სრულად... წყარო: საქართველოს ახალგაზრდა იურისტთა ასოციაცია

თბილისი. სოციალური სამართლიანობის ცენტრი ანი ისაკაძის სტატიას აქვეყნებს – „ეთნიკური უმცირესობების განათლების უფლების გარანტიები და მისი დაცვის საუკეთესო მიდგომები“.  „...დღესდღეისობით ეთნიკური უმცირესობები, საზოგადოების ერთ-ერთი ყველაზე მოწყვლადი სოციალური ჯგუფია, რაც, როგორც სხვადასხვა სოციალურ-ეკონომიკური ფაქტორით, ისე ამ ჯგუფების გარიყულობისა და მივიწყების სისტემური პრაქტიკითაა განპირობებული. ამდენად, მათი უფლებრივი მდგომარეობის გაუმჯობესების მნიშვნელოვანი ბერკეტი უშუალოდ ხარისხიან განათლებაზე წვდომასთანაა დაკავშირებული“ - ნათქვამია სტატიაში სრულად... წყარო: სოციალური სამართლიანობის ცენტრი 

თბილისი. 8 ნოემბერს, სოციალური მეწარმეობის რიგით მე-12 ფორუმი გაიმართება, სადაც საუკეთესო საწარმო დასახელდება.  ჟიურის გადაწყვეტილებით, აღნიშნული ნომინაციის ფინალისტები არიან – „თავისუფალი სივრცე“, „ედენა“ და „იკორთა“.  სწორედ ამ სამი ნომინანტიდან შეირჩევა გამარჯვებული – სოციალური საწარმო 2023–ის ტიტულის მფლობელი, ღონისძიების მიზანია სოციალური მეწარმეობის კონცეფციის პოპულარიზაცია და საქმიანი კავშირების გაძლიერება სოციალურ მეწარმეებსა და სხვადასხვა სექტორის წარმომადგენლებს შორის.  ფორუმს სოციალურ საწარმოთა ალიანსი, ევროკავშირის ფინანსური მხარდაჭერით მართავს პროექტის – „სოციალური მეწარმეობის განვითარება მდგრადი და ინკლუზიური საზოგადოების“ ფარგლებში. სრულად... წყარო: სოციალურ საწარმოთა ალიანსი

იმერეთი.იმერეთის რეგიონში სოციალური მეწარმეობის პოპულარიზების პროგრამის ფარგლებში მეორე საინფომრაციო შეხვედრა „სოციალური მეწარმეობა“ გაიმართა.  პროგრამის მიზანია ხელი შეუწყოს ახალგაზრდებში სოციალური მეწარმეობის მნიშვნელობის გააზრების პროცესს და მოახდინოს სოციალური მეწარმეობის პოპულარიზება.  "იმერეთის რეგიონში სოციალური მეწარმეობის პოპულარიზების პროგრამა " მიმდინარეობს სოციალური მეწარმეობის ახალგაზრდა ელჩების პროექტის მხარდაჭერით, რომელსაც საქართველოს სტრატეგიული კვლევებისა და განვითარების ცენტრი (CSRDG) „სოციალური მეწარმეობის განვითარება მდგრადი და ინკლუზიური საზოგადოებისთვის“ ფარგლებში, ევროკავშირისა და პური მსოფლიოსთვის დაფინანსებით ახორციელებს. სრულად... წყარო: თაობათა დიალოგი 

კახეთი. სოციალური სამართლიანობის ცენტრი ყვარლის მუნიციპალიტეტში მცირერიცხოვანი ეთნიკური ჯგუფების - უდიების და ავარების საჭიროებების შესახებ კვლევას აქვეყნებს.  სოციალური სამართლიანობის ცენტრმა ადგილზე ხანგრძლივი საველე სამუშაოები ჩაატარა, რომელმაც ნათელი გახადა სოფლის მაცხოვრებლების საჭიროებები.  „კვლევა აჩვენებს, რომ ცენტრალური და ადგილობრივი ორგანოები კარგად არ იცნობენ მცირე ეთნიკური ჯგუფების სპეციფიკურ საჭიროებებს, ასევე, არასაკმარისად არის გააზრებული და მხარდაჭერილი ამ მუნიციპალიტეტში არსებული უნიკალური მრავალფეროვნება“, ნათქვამია ორგანიზაციის მიმოხილვაში.  სოციალური სამართლიანობის ცენტრმა კვლევა მოამზადა USAID პროგრამის – „ერთიანობა მრავალფეროვნების” ფარგლებში, რომელიც ხორციელდება საქართველოს გაეროს ასოციაციის მიერ, აშშ-ის საერთაშორისო განვითარების სააგენტოს ფინანსური მხარდაჭერით. სრულად... წყარო: სოციალური სამართლიანობის ცენტრი 

თბილისი.საქართველოს მედიატორთა ასოციაციის ორგანიზებითა და დონორების მხარდაჭერით, გასულ კვირას, გაიმართა მედიაციის წლის დაწყებასთან დაკავშირებული ღონისძიება, რომელსაც ესწრებოდნენ საქართველოს პარლამენტისა და მთავრობის წარმომადგენლები, მედიატორები, მოსამართლეები და ჟურნალისტები.  მხარეებმა იმსჯელეს მართლმსაჯულების განხორციელების პროცესში მედიაციის როლსა და საზოგადოებაში ცნობიერების ამაღლების მნიშვნელობაზე.  მედიაცია დავის მოგვარების ალტერნატიული მეთოდია, მისი გამოყენება ზოგავს მხარეთა დროს, ფინანსებსა და ემოციურ რესურსს, კონფლიქტს კი იცავს გაღრმავებისგან.  მედიატორი, რომელიც დაპირისპირებულ მხარეებს პროცესის მოგვარებაში ეხმარება მიუკერძოებელი და ნეიტრალურია, როგორც მხარეების, ასევე საქმის შედეგების მიმართ. სრულად... წყარო: გაეროს განვითარების პროგრამა

იმერეთი.ადგილობრივი დემოკრატიის სააგენტო საქართველომ პროექტის „სამოქალაქო საზოგადოების ინიციატივა“ ფარგლებში ტყიბულში შეხვედრა გამართა, რომელსაც ტყიბულის მუნიციპალიტეტის გენდერული თანასწორობის საბჭოს წევრები ესწრებოდნენ.  შეხვედრაზე განხილული იქნა ისეთი საკითხები როგორიცაა:  კორპორაციული სოციალური პასუხისმგებლობის ზოგადი მიმოხილვა;  კორპორაციული სოციალური პასუხისმგებლობის მნიშვნელობა და დადებითი შედეგები;  სახელმწიფო და კორპორაციული პასუხისმგებლობა; სახელმწიფო უწყებები და სამოქალაქო საზოგადოების ორგანიზაციები; შეხვედრა ჩატარდა პროექტის "სამოქალაქო საზოგადოების ინიციატივის" ფარგლებში, ევროკავშირისა და კონრად ადენაუერის ფონდის მხარდაჭერით. სრულად... წყარო: ადგილობრივი დემოკრატიის სააგენტო

სამეგრელო. „ზუგდიდის დამოუკიდებელი ცხოვრების ცენტრში“, 20 სექტემბერს გაიმართა სამუშაო შეხვედრა პროექტის „ორგანიზაციის სტრატეგიისა და მონიტორინგის და შეფასების სისტების შემუშავება“ ფარგლებში.  პროექტი მიზნად ისახავს ორგანიზაციის განვითარების ხელშეწყობას, სტრატეგიისა და მონიტორინგისა და შეფასების სისტემის შემუშავება-დანერგვას.  აღნიშნული პროექტი ხორციელდება ევროკავშირისა და კონრად ადენაუერის ფონდის მიერ დაფინანსებული პროექტის „სამოქალაქო საზოგადოების ინიციატივა“ (#STARInitiative) ფარგლებში, კონსულტაციისა და ტრენინგის ცენტრის მიერ (CTC) გამოცხადებული საგრანტო კონკურსის „სამოქალაქო ორგანიზაციის საქმიანობისა და მისი შედეგების შეფასება-ფარგლებში." სრულად... წყარო: ზუგდიდის დამოუკიდებელი ცხოვრების ცენტრი

თბილისი.მაკ–ჯორჯიას პროგრამას „მესტუმრეს“ 95 მოხალისე შეუერთდა, რომლებიც ხანდაზმულების მეგობრები და თანამოსაუბრეები გახდებიან.  „მესტუმრეს“ მოხალისეები ერთი თვის განმავლობაში ინტენსიურ ტრენინგებს გაივლიან, რათა მოხალისეებმა ყველა ის საჭირო უნარს შეიძინონ, რაც პროექტის მსვლელობისას, ხანდაზმულებთან ურთიერთობას საჭირო და აუცილებელია. სრულად...  წყარო: მაკ-ჯორჯია

თბილისი.კავკასიური სახლი აქვეყნებს ნინო ჭედიას სტატიას – „მუსლიმი მესხები – სამშობლოს გარეშე დარჩენილი ადამიანების ინტეგრაციასა და რეპატრიაციასთან დაკავშირებული გამოწვევები“, სადაც მუსლიმი მესხების წინაშე არსებულ გამოწვევებზეა საუბარი.  სტატიაში განხილულია მესხეთის რეგიონის მოკლე ისტორია, საკანონმდებლო მიმართულებით არსებული ხარვეზების გამოსწორების გზები და პოლიტიკური მიმართულების ცვლილება. სრულად... წყარო: კავკასიური სახლი

კახეთი.რა რეალობის წინაშე უწევთ პანკისის ხეობის მოსახლეობას ცხოვრება, როგორია მათი საზოგადოებაში ინტეგრაციის პროცესი და რა პრობლემებს აწყდებიან ისინი.  სოციალური სამართლიანობის ცენტრი ვიდეოს ავრცელებს, სადაც სულხან ბორძიკაშვილი, პანკისის ხეობიდან მოსახლეობის პრობლემებზე საუბრობს.  „ყველა ადამიანი თანასწორი უნდა იყოს. არ შეიძლება, ეთნიკური, ან რელიგიური ჯგუფი აიღო და მონიშნო საფრთხედ" სრულად... წყარო: სოციალური სამართლიანობის ცენტრი 

ქვემო ქართლი. მარნეულის სათემო ორგანიზაცია „სოფოჰოლისს“ ახალი ბიბლიოთეკა აქვს. იგი გაეროს განვითარების პროგრამისა და ნორვეგიის მხარდაჭერით აღიჭურვა. ბიბლიოთეკა მარნეულში მცხოვრებ ახალგაზრდებს კიდევ უფრო მეტ შესაძლებლობას მისცემს აქტიურად ჩაერთონ სოციალურ ცხოვრებაში. ბიბლიოთეკაში უკვე გაიმართა პირველი თემატური სემინარი ადამიანის უფლებების, მრავალფეროვნებისა და თანასწორობის საკითხებზე. ახალგაზრდებმა იმსჯელეს საკუთარ როლზე თანაბარი საზოგადოების მშენებლობის პროცესში და განათლების უფლებაზე ყველასათვის. სრულად... წყარო: გაეროს განვითარების პროგრამა

თბილისი.საქართველოს დაუნის სინდრომის ასოციაცია ახალ პროექტს იწყებს.  პროექტის მიზანია დაუნის სინდრომის მქონე პირების ჯანმრთელობის დაცვა, ხარისხიანი და ხელმისაწვდომი სერვისების უზრუნველყოფა. პროექტის ფარგლებში იგეგმება:  დაუნის სინდრომის მქონე ბავშვებისა და ზრდასრულების ჯანმრთელობის მეთვალყურეობის გაიდლაინის/პროტოკოლის განახლება და დამტკიცება სამედიცინო სექტორის მუშაობა არსებული პროტოკოლების შესაბამისად  დაუნის სინდრომის მქონე პირთა საჭიროებების დაფინანსება ჯანდაცვის სახელმწიფო პროგრამით  თემში არსებული, დაუნის სინდრომის მქონე 6 თვით ადვოკატი ახალგაზრდის და 15 მშობლის პროექტში ჩართულობა, რომლებსაც თემის საჭიროებებზე ადვოკატირება შეუძლიათ  შედეგების მისაღწევად დაგეგმილია შემდეგი სტრატეგიული ამოცანები:  დაუნის სინდრომის მქონე პირთა განახლებული/დამტკიცებული სამედიცინო მეთვალყურეობის პროტოკოლების დანერგვა/გავრცელება სამედიცინო სექტორში  დაუნის სინდრომის მქონე პირთათვის ჯანდაცვის სერვისებზე ფინანსური ხელმისაწვდომობის გაზრდა -აღსრულება და საბიუჯეტო ადვოკატირება. პროექტი USAID-ის სამოქალაქო საზოგადოების ჩართულობის პროგრამის მხარდაჭერით,( USAID Civil Society Engagement Program) ამერიკის შეერთებული შტატების საერთაშორისო განვითარების სააგენტოს (USAID)( USAID - US Agency for International Development) დაფინანსებით დაიწყება. სრულად... წყარო: საქართველოს დაუნის სინდრომის ასოციაცია

კახეთი. სოციალური სამართლიანობის ცენტრი ვიდეოს ავრცელებს, რომელშიც უდიური თემის წარმომადგენლების ცხოვრებაა აღწერილი.  „უდიური თემი ერთ-ერთი ყველაზე მცირერიცხოვანი თემია დღეს საქართველოში. მით უმეტეს ნაწილი, ყვარელის სოფელ ზინობიანში ცხოვრობს.ვიდეოში მოისმენთ, როგორ ცხოვრობენ თემის წარმომაგდენლები;  რა რეალობის წინაშე უწევთ გამკლავება და როგორია მათი საზოგადოებაში ინტეგრაციის პროცესი.“ სრულად... წყარო:  სოციალური სამართლიანობის ცენტრი

თბილისი. გოგონებისა და ქალების რეპროდუქციული ჯანმრთელობის საკითხებზე, საქართველოს დაუნის სინდრომის ასოციაციამ, საინფორმაციო შეხვედრა გამართა მშობლებთან. საკითხი აქტუალურია და იგი მშობლების ინტერესის საგანს წარმოადგენს.  ონლაინ შეხვედრაზე მშობლებმა დეტალური ინფორმაცია მიიღეს საკითხის ირგლივ დაგეგმილი აქტივობების შესახებ. სრულად... წყარო: საქართველოს დაუნის სინდრომის ასოციაცია