მცხეთა-მთიანეთი. 15 დეკემბერს გაიმართა კონფერენცია - იძულებით გადაადგილება საქართველოს კონტექსტში.  კონფერენცია მიზნად ისახავდა, იძულებით გადაადგილებულ პირთა და საქართველოში მცხორებ უკრაინელ ლტოლვილთა მულტისექტორული და გრძელვადიანი მხარდაჭერის ხელშეწყობას.  კონფერენციის ფარგლებში მოეწყო დევნილი და უკრაინელი ლტოლვილი მეწარმეების გამოფენა, მათი პროდუქციისა და საქმიანობის პოპულარიზების მიზნით.  მცხეთა-მთიანეთის რეგიონული ჰაბი, ესტონეთის ლტოლვილთა საბჭოსთან თანამშრომლობით და ესტონეთის საერთაშორისო განვითარების ცენტრის (ESTDEV) ფინანსური მხარდაჭერით ახორციელებს პროგრამას “სამოქალაქო საზოგადოების გაძლიერება - დევნილთა და ლტოლვილთა ხმა საქართველოში”.  სრულად... წყარო: მცხეთა-მთიანეთის რეგიონული ჰაბი

თბილისი. 12 დეკემბერს, ეროვნული ბიბლიოთეკის საგამოფენო დარბაზში, რიგით მეორე "იდეების აუქციონი" გაიმართა.  „იდეების აუქციონი“ მცირე ზომის ჯგუფებს საკუთარი პროექტების პოტენციურ დონორებთან წარდგენასა და ფინანსების მოზიდვაში ეხმარება.  წელს, იდეების აუქციონზე სამმა გუნდმა წარადგინა სოციალური პროექტი. ესენია: ორგანიზაცია „ჰოუფი“, ორგანიზაცია „ამო მეოთხეზე“, ორგანიზაცია „გზა მშვიდობისკენ“.  სამივე სოციალურმა პროექტმა აუდიტორიის დიდი ინტერესი გამოიწვია. ამ პროექტების წარსამართად სულ 22 300 ლარი შეგროვდა ღონისძიებაზე. ღონისძიებას ესწრებოდნენ საერთაშორისო დონორი ორგანიზაციების, სამოქალაქო სექტორის, მედიის, სახელმწიფო სტრუქტურებისა და ბიზნეს სექტორის წარმომადგენლები. საქართველოში ქრაუდფანდინგში, ანუ სახალხო დაფინანსების პრაქტიკაში სულ უფრო მეტი ადამიანი, ჯგუფი, თუ ორგანიზაცია ერთვება.  სხვადასხვა სოციალური თუ გარემოსდაცვით პროექტებისთვის, მსგავსი ფინანსური მხარდაჭერა უმნიშვნელოვანეს და ხშირად გადამწყვეტ როლს ასრულებს.  აუქციონი გაიმართა პროექტის “სამოქალაქო საზოგადოების ინიციატივის” ფარგლებში, ევროკავშირისა და კონრად ადენაუერის ფონდის (KAS) მხარდაჭერით.  სრულად...   წყარო: საქართველოს სტრატეგიული კვლევებისა და განვითარების ცენტრი

იმერეთი. 12 დეკემბერს, ქუთაისში, განათლების განვითარების და დასაქმების ცენტრის ორგანიზებით, პროექტის „სამოქალაქო საზოგადოების ინიციატივა“ ფარგლებში ახალგაზრდების განვითარების და მოხალისეობის ხელმშემწყობი პროგრამების საჯარო განხილვა გაიმართა.  ღონისძიების მიზანი იყო, იმერეთის რაჭა-ლეჩხუმი-ქვემო სვანეთის ახალგაზრდებისთვის სახელმწიფოს 2023-2026 წწ. ახალგაზრდული სტრატეგიის წარდგენა და მის ფარგლებში გაწერილი სამოქმედო გეგმისა და დაგეგმილი აქტივობების გაცნობა.  შეხვედრა ორგანიზებული იყო ევროკავშირისა და კონრად ადენაუერის ფონდის მიერ დაფინანსებული პროექტის “სამოქალაქო საზოგადოების ინიციატივა: მდგრადი, ღია და ანგარიშვალდებული სამოქალაქო საზოგადოების ორგანიზაციები საქართველოს განვითარებისთვის” ფარგლებში.  პროექტს ახორციელებს კონსორციუმი კონრად ადენაუერის ფონდის (KAS) ხელმძღვანელობით შემდეგ არასამთავრობო ორგანიზაციებთან ერთად – საქართველოს სტრატეგიული კვლევებისა და განვითარების ცენტრი (CSRDG), სამოქალაქო საზოგადოების ინსტიტუტი (CSI), კონსულტაციის და ტრენინგის ცენტრი (CTC), განათლების განვითარების და დასაქმების ცენტრი (EDEC) და ევროპული პოლიტიკის ინსტიტუტი (IEP).  სრულად... წყარო: განათლების განვითარების და დასაქმების ცენტრი

თბილისი. სოციალური სამართლიანობის ცენტრი აქვეყნებს 2023 წელს, მართლმსაჯულებისა და დემოკრატიის მიმართულებით უფლებრივი მდგომარეობის შეფასებას.  „აღსანიშნავია, რომ არსებითად არის გაუარესებული უწყებების მიერ საჯარო ინფორმაციის და სტატისტიკური მონაცემების წარმოების პრაქტიკა. საჯარო უწყებები მხოლოდ გამონაკლის შემთხვევებში უზრუნველყოფდნენ გამოთხოვილი ინფორმაციის მოწოდებას კანონით დადგენილ ვადებში. უწყებების დახურულობა და მათ საქმიანობაზე ინფორმაციის მოუწოდებლობა არსებითად შეუძლებელს ხდის დემოკრატიულ საზოგადოებრივ კონტროლს და მნიშვნელოვნად ამცირებს მათ მიმართ ნდობას.“ - ნათქვამია განცხადებაში სრულად...  წყარო: სოციალური სამართლიანობის ცენტრი

ფონდი „აფხაზეთი“ ჯანდაცვის პროგრამების, სოციალური სერვისების, განსახლებასა და ერთჯერად დახმარებების საკითხებზე საზოგადოებას სათავაზობს ცხელი ხაზის მომსახურებას. დაინტერესების შემთხვევაში დაუკავშირდით - 032 2 152 911. Whatsapp/Viber - +995 577 960 444. ელ–ფოსტა - hotline@chca.org.ge  სრულად...  წყარო: ფონდი „აფხაზეთი“

გურია. ახალგაზრდა პედაგოგთა კავშირმა გამოაქვეყნა ახალი კვლევა – „ბავშვზე ზრუნვის მომსახურებათა ეფექტიანობის“ შესახებ. კვლევის მიზანი იყო ბავშვზე ზრუნვის მომსახურებათა ეფექტიანობის შესწავლა საქართველოში.  აღნიშნული კვლევის ფარგლებში შესწავლილ იქნა შემდეგი მომსახურებები: მიტოვების რისკის წინაშე მყოფი 6-18 წლის ასაკის ბავშვების დღის ცენტრი; არასპეციალიზებული მინდობით აღზრდა; მცირე საოჯახო ტიპის სახლი. კვლევა ...  წყარო: ორგანიზაციის გვერდი სოციალურ ქსელში

თბილისი. 3 დეკემბერს აღინიშნა შშმ პირთა საერთაშორისო დღე, რომლის მიზანია საზოგადოებრივი ცხოვრების ყველა ასპექტში შშმ პირების უფლებების რეალიზაციის მნიშვნელობის ხაზგასმა და თემის შესახებ ცნობიერების ამაღლებაა. სოციალური სამართლიანობის ცენტრი ამ დღესთან დაკავშირებით განცხადებას ავრცელებს, სადაც ნათქვამია, რომ „სახელმწიფო კვლავ ვერ უზრუნველყოფს შშმ პირების ღირსეულ ცხოვრებას“. ორგანიზაცია მოუწოდებს სახელმწიფოს „გაიაზროს საკუთარი ვალდებულებები შშმ პირთა სოციალური დაცვისა და მხარდაჭერის სფეროში და შეიმუშაოს ისეთი პოლიტიკა, რომელიც სრულად უპასუხებს თემის საჭიროებებს და რეალურად გააძლიერებს მათ“. სრულად... წყარო: სოციალური სამართლიანობის ცენტრი

სვანეთი.ზემო სვანეთის ადგილობრივი განვითარების ჯგუფმა (LAG Upper Svaneti) საახელწლო კამპანია #ჩაუLAGესაჩუქრები უკვე დაიწყო.  თქვენ შეგიძლიათ აჩუქოთ ახალი წელი და საჩუქრები მათ, ვისაც მზრუნველობა ყველაზე მეტად სჭირდება.  თვალი ადევნეთ კამპანიის გვერდს...   წყარო: ორგანიზაციის გვერდი სოციალურ ქსელში

თბილისი.ორგანიზაციამ „ქალები საერთო მომავლისთვის“ ახალი კვლევა გამოაქვეყნა: „საქართველოს შრომითი მიგრანტი ქალების სოციალურ–ეკონომიკური სტაბილურობა“. კვლევაში განხილულია ის გამოწვევები, რომლებსაც შრომითი მიგრანტი ქალები საქართველოში დაბრუნებისას აწყდებიან, შესწავლილია ამ გამოწვევების საფუძვლები, აღწერილია შრომითი მიგრანტი ქალების დაბრუნებისა და რეინტეგრაციის მხრივ არსებული ბარიერები და მოყვანილია შესაბამისი რეკომენდაციები სხვადასხვა უწყების მიმართ.  კვლევა გაეროს განვითარების პროგრამის, შვედეთისა და ევროკავშირის მხარდაჭერით ჩატარდა.  კვლევა ... წყარო: გაეროს განვითარების პროგრამა

აჭარა.სოლიდარობის თემი, 28 ნოემბერს ქალთა ფორუმს გამართავს. ფორუმზე განხილული იქნება აჭარაში მცხოვრები ქალთა გამოწვევები რეგიონის კონტექსტში, სხვადასხვა გამოცდილების მქონე ქალების მიერ დანახული რეალობა და იდენტიფიცირებული გამოწვევები.  პროეტის ახორციელებს სოლიდარობის თემი ნიდერლანდების საელჩოს მხარდაჭერით.  სრულად... წყარო: სოლიდარობის თემი

კახეთი. 14–15 ნოემბერს, თელავში გაიმართა სოციალური მეწარმეობის საკოორდინაციო პლატფორმის სამუშაო შეხვედრა. შეხვედრაში მონაწილეობას იღებდნენ სოციალური მეწარმეობის მიმართულებით მომუშავე საჯარო და კერძო სექტორის წარმომადგენლები, აგრეთვე სფეროს ექსპერტები. სამუშაო შეხვედრაზე განიხილეს, საკოორდინაციო პლატფორმის ფარგლებში, შემუშავებული სოციალური მეწარმეობის სახელმწიფო მხარდაჭერის სტრატეგიული ხედვის დოკუმენტის პროექტი. აგრეთვე, საკოორდინაციო პლატფორმის საქმიანობის მომავალი გეგმები. შეხვედრა გაიმართა, ევროკავშირისა (EU) და გერმანული საერთაშორისო ორგანიზაციის „პური მსოფლიოსთვის” (BFTW) მხარდაჭერით მიმდინარე პროექტის – „სოციალური მეწარმეობის განვითარება მდგრადი და ინკლუზიური საზოგადოებისთვის“ – ფარგლებში. პროექტს ახორციელებს საქართველოს სტრატეგიული კვლევებისა და განვითარების ცენტრი (CSRDG), პროექტის პარტნიორები არიან: სოციალურ საწარმოთა ალიანსი (SEA), სამოქალაქო საზოგადოების ინსტიტუტი (CSI), საქართველოს სამოქალაქო განვითარების ასოციაცია (GCDA), საქართველოს დემოკრატიული განვითარების კავშირი (DDUG), ევროპული ვენჩურული ფილანტროპიის ასოციაცია (EVPA), სსიპ „ახალგაზრდობის სააგენტო“.

თბილისი. საბჭოთა წარსულის კვლევის ლაბორატორია (SOVLAB), ფრანკლინის კლუბთან და საქართველოში უკრაინის საელჩოსთან თანამშრომლობით 24 ნოემბერს, 18:00 საათზე ფაბრიკაში ჰოლოდომორის 91-ე ხსოვნის დღეს აღნიშნავს.  ღონისძიებაზე ნაჩვენები იქნება დოკუმენტური ფილმი, რომელიც სტალინის საბჭოთა რუსული ტოტალიტარული რეჟიმის მიერ ორგანიზებული ხელოვნური შიმშილის გზით მილიონობით უკრაინელის გენოციდს შეეხება.  გაიმართება დისკუსია რაკლი ხვადაგიანისა და ლევან ღამბაშიძის მონაწილეობით, რომელსაც ფრანკლინის აკადემიის ლექტორი, გიორგი ანდრონიკაშვილი გაუძღვება. ღონისძიებას მხარს უჭერს "ევროპული ფონდი დემოკრატიისთვის" (EED)  სრულად...  წყარო: საბჭოთა წარსულის კვლევის ლაბორატორია

თბილისი.22 ნოემბერს, „ბილტმორ თბილისში“ გაიმართება ახალი კვლევის წარდგენა: „საქართველოში შრომითი მიგრანტი ქალების სოციალურ-ეკონომიკური სტაბილურობა“.  კვლევა განახორციელა არასამთავრობო ორგანიზაციამ “ქალები საერთო მომავლისათვის (WECF) - საქართველო“ გაეროს განვითარების პროგრამის (UNDP), შვედეთისა და ევროკავშირის მხარდაჭერით.  კვლევაში განხილულია ის გამოწვევები, რომლებსაც შრომითი მიგრანტი ქალები საქართველოში დაბრუნებისას აწყდებიან, შესწავლილია ამ გამოწვევების საფუძვლები, აღწერილია შრომითი მიგრანტი ქალების დაბრუნებისა და რეინტეგრაციის მხრივ არსებული ბარიერები და მოყვანილია შესაბამისი რეკომენდაციები სხვადასხვა უწყების მიმართ.  სრულად... წყარო: გაეროს განვითარების პროგრამა

ქვემო ქართლი.18 ნოემბერს, გარდაბანში, სოციალური და ეკონომიკური უფლებების გაძლიერების ცენტრში, საჯარო ლექცია გაიმართება.  საქართველოს სტრატეგიის და განვითარების ცენტრმა პროექტის “მულტიკულტურული განათლების ხელშეწყობა საქართველოს სკოლებში” ფარგლებში დაიწყო საჯარო ლექციების სერია საქართველოში მცხოვრები ეთნიკური და რელიგიური უმცირესობების შესახებ. შეხვედრაზე დასწრება თავისუფალია.  პროექტი საქართველოს ღია საზოგადოების ფონდის (OSGF) ფინანსური მხარდაჭერით ხორციელდება.  სრულად... წყარო: საქართველოს სტრატეგიის და განვითარების ცენტრი

თბილისი.14 ნოემბერს ტოლერანტობის და მრავალფეროვნების ინსტიტუტმა გამართა ღონისძიება, რომელიც ეძღვნებოდა ტოლერანტობის საერთაშორისო დღეს და ასევე, ტოლერანტობის და მრავალფეროვნების ინსტიტუტის 10 წლის იუბილეს.  ღონისძიება გაიმართა გაეროს განვითარების პროგრამისა (UNDP) და ნორვეგიის მხარდაჭერით, ინიციატივის „ლიდერობა, თანასწორობა, ადვოკატირება და დემოკრატია“ (LEAD) ფარგლებში.  სრულად... წყარო: ტოლერანტობის და მრავალფეროვნების ინსტიტუტი

თბილისი.საქართველოს სოციალურ მუშაკთა ასოციაცია სოციალური მუშაობის მიმართულებით ცნობიერების ამაღლების მიზნით იწყებს კამპანიას: „გააზიარე სოციალური მუშაობა“ . კამპანიის მიზანია სოციალური მუშაობის შესახებ ინფორმაციის გავრცელების ხელშეწყობა, აუდიტორიის ჩართულობის გაზრდა, საინტერესო და მნიშვნელოვანი ფაქტების გაზიარება, როგორც სოციალური მუშაობის, ასევე სოციალური მუშაკების შესახებ.  სრულად... წყარო: საქართველოს სოციალურ მუშაკთა ასოციაცია

კახეთი. 4-5 ნოემბერს, ყვარლის მუნიციპალიტეტში, ახალსოფლის ახალგაზრდულ ცენტრში, „უფლებები საქართველოს“ ექსპერტებმა ადგილობრივი ახალგაზრდებისათვის უნარების გაძლიერების ტრენინგი ჩაატარეს, რომელსაც მუნიციპალიტეტში მცხოვრები არადომინანტური ეთნიკური ჯგუფის წარმომადგენლებიც დაესწრნენ.  ტრენინგი ჩატარდა პროექტის - „ეთნიკური უმცირესობების ახალგაზრდათა ჩართულობის და ინკლუზიური მმართველობის ხელშეწყობა ლაგოდეხის და ყვარლის მუნიციპალიტეტებში“ - ფარგლებში, რომელსაც „უფლებები საქართველო“, „ლელიანის ზრდასრულთა განათლების ცენტრთან“ და „ახალსოფლის ახალგაზრდულ ცენტრთან“ პარტნიორობით, და „ომისა და მშვიდობის გაშუქების ინსტიტუტის“ (IWPR) მხარდაჭერით ახორციელებს. სრულად... წყარო: უფლებები საქართველო

სამცხე-ჯავახეთი.“სამართლიანმა არჩევნებმა” სოციალური მედიის მონიტორინგის გუნდთან ერთად ახალციხეში ორი სამუშაო შეხვედრა გამართა სოციალურ მედიაში გავრცელებული პროპაგანდისტული ნარატივებისა და დეზინფორმაციის შესახებ.  შეხვედრებზე ასევე განხილული იყო აღნიშნულ თემასთან დაკავშირებით არსებული უახლესი კვლევები და მიგნებები.  სრულად... წყარო: სამართლიანი არჩევნები

თბილისი.პლატფორმა კომენტარი ანალიტიკურ სტატიას აქვეყნებს, რომელშიც განხილულია სოციალური შემწეობის სისტემები და საქართველოში არსებული გამოწვევები. „სოციალური დაცვის სქემების მიზანი უნდა იყოს, დაეხმაროს საზოგადოების დაუცველ წევრებს, რათა მეტად გაძლიერდნენ, დაძლიონ სიღარიბე და შეძლონ, შრომის ბაზარზე ღირსეულად დასაქმდნენ. ... საქართველოში სოციალური შემწეობის სისტემას აქვს ხარვეზები და არ არის სრულყოფილი. შედეგად, ის ვერ ამცირებს სიღარიბის დონეს სოციალურად დაუცველებისათვის“, ნათქვამია პლატფორმის გვერდზე სოციალურ ქსელში.  სრულად... წყარო: პლატფორმა კომენტარი

თბილისი. სათემო ორგანიზაცია „ნუკრიანი“ და სათემო განვითარების ცენტრი რამდენიმე თვეა „ანდრონიკაანთ უბანს“ იკვლევენ.  «ანდრონიკაანთ უბანი» სოფელ ნუკრიანში მდებარეობს და ის არქიტექტურულად გამორჩეული განაშენიანების ქუჩაა: ვინ აშენებდა ამ დღემდე დიდებული იერის მქონე სახლებს? ვინ ცხოვრობდა აქ და რა ბედი ეწიათ მათ. რა აწუხებთ დღეს უბნის მაცხოვრებლებს და როგორ ცდილობენ იზრუნონ იმ მემკვიდრეობაზე, სახლებისა და მეხსიერების სახით რომ ერგოთ მამა-პაპისგან. როგორ შეგვიძლია ერთობლივად ვიზრუნოთ უბნის იერსახის შენარჩუნებაზე? სამუშაო პროცესი სწორედ ამ შეკითხვების გარშემო ტრიალებს. ე.წ. «ანდრონიკაანთ უბანში» თითოეული სახლი თავის ამბავს ჰყვება, ხოლო უბანი მთლიანობაში, სიღნაღის ისტორიის განუყოფელი ნაწილია, რომელიც შესწავლას, დაწერას და ზრუნვას საჭიროებს.  პროექტის მხარდასაჭერად 24 ნოემბერს, გაიმართება ანა მარგველაშვილის ნახატების სერიის „მარგვიკეთში“ – გამოფენა–გაყიდვა. შემოსული თანხა ე.წ. „ანდრონიკაანთ უბნის“ კვლევას მოხმარდება. არ გამოტოვოთ, გელოდებიან «მარგვიკეთში»!  24 ნოემბერს, 16 საათიდან. მისამართი: თბილისი, ოთარ ჩხეიძის 5, ე.წ. შანხაის უბანი, საბურთალოზე. სრულად...  წყარო: კონსულტაციისა და ტრენინგის ცენტრი

თბილისი.სოციალური სამართლიანობის ცენტრი ამერიკის პერ ცენტრის ანგარიშის შესახებ ინფორმაცია აქვეყნებს. ანგარიშში განხილულია ისეთი საკითხები, როგორიცაა საქართველოს მუზეუმებსა და კულტურული მემკვიდრეობის სააგენტოში რეორგანიზაციის პროცესი და მათი შეფასებები. სრულად... წყარო: სოციალური სამართლიანობის ცენტრი

თბილისი.კონსულტაციის და ტრენინგის ცენტრში, პოლონური ორგანიზაცია „Shipyard”-ის ექსპერტებთან ერთად, ამ წუთებში მიმდინარეობს სამუშაო შეხვედრა „სოციალური ინოვაციები სამოქალაქო საზოგადოებისთვის“.  შეხვედრა მოიცავს ისეთ საკითხებს, როგორიცაა სოციალური ინოვაციის არსი, კონცეფცია და მნიშვნელობა თანამედროვე კონტექსტში; სოციალური ინოვაციების განხორციელების ციკლი და მასშტაბირება; ორგანიზაციის შიგნით სოციალური ინოვაციების აღმოჩენა, მხარდაჭერის მექანიზმები და დაფინანსების შესაძლებლობები;  სამუშაო შეხვედრა ტარდება კონსულტაციის და ტრენინგის ცენტრის ორგანიზებით ევროკავშირისა და კონრად ადენაუერის ფონდის მიერ დაფინანსებული პროექტის „სამოქალაქო საზოგადოების ინიციატივა“ (STAR Initiative) ფარგლებში.  სრულად... წყარო: კონსულტაციის და ტრენინგის ცენტრი