თბილისი. სოციალური სამართლიანობის ცენტრი გიზიარებთ ლია დეკანაძის ბლოგპოსტს: სოციალური სამართლიანობა ისლამის ძირითად წყაროებში. „არც ისლამის ძირითადი ტექსტები გვარწმუნებენ, რომ აბსოლუტური სამართლიანობის სრულიად მიღწევა შესაძლებელია დედამიწაზე, ან რომ ის იქნება გარანტირებული ძალისხმევის გარეშე. ისლამში ადამიანი რაციონალურ, არჩევანის მქონე არსებადაა მიჩნეული, რომლის მდგომარეობაც მანამ არ შეიცვლება, სანამ ეს უკანასკენლი თავად არ გადაწყვეტს ამას “ეს იმის გამო, რომ ალაჰი არ შეცვლის წყალობას, რომელიც უწყალობა ხალხს მანამ, ვიდრე თვითონ არ შეცვლიან იმას, რაც მათ სულებშია (თავებშია ლ.დ)” (8:55(53)). საზოგადოებები და ინდივიდები სოციალური სამართლიანობისა და მშვიდობის ფორმირებისთვის მუდმივად უნდა სწევდნენ ძალისხმევას. მუსლიმური უმა/საზოგადოება, რომლის ჩამოყალიბებასაც მუჰამადი (დმს) ესწრაფვოდა სამართლიან წესრიგს, ინდივიდუალურ თავისუფლებასა და თანასწორუფლებიანობას ისახავდა მიზნად თითოეული ინიდვიდისა და ჯგუფის განსხვავებულობის, უნიკალურობისა და მრავალფეროვნების აღიარებითა“. სრულად... წყარო: socialjustice.org.ge

თბილისი. სოციალური სამართლიანობის ცენტრის ინფორმაციით, 2023 წლის ივნისის მდგომარეობით, საარსებო შემწეობის მიმღებთა თითქმის ნახევარი - ბენეფიციართა 47 % სისტემაში 5 წელზე მეტხანს რჩება, ხოლო თითქმის მეხუთედი - ბენეფიციართა 19.3 % შემწეობას 11 წელზე მეტია იღებს. „სისტემაში მრავლად არიან ისეთებიც, ვინც საარსებო შემწეობას 15 წელზე მეტია  იღებს - 61 ათასზე მეტი ადამიანი. სისტემაში წლობით გაჩერებული ადამიანების ასეთი მაღალი რიცხვი კიდევ ერთხელ მიუთითებს, რომ ქვეყანაში ჯერ კიდევ ვერ ჩამოყალიბდა სოციალური დაცვის მწყობრი პოლიტიკა და სიღარიბის დაძლევისკენ მიმართული ეფექტიანი მექანიზმები. სისტემა ვერ ეხმარება ადამიანებს, თავი დააღწიონ სოციალური შემწეობის მიმღები ბენეფიციარების სტატუსს“. პროექტი ხორციელდება USAID-ის სამოქალაქო საზოგადოების ჩართულობის პროგრამის მხარდაჭერით. სრულად... წყარო: ორგანიზაციის გვერდი სოციალურ ქსელში

თბილისი. სოციალური სამართლიანობის ცენტრი გიზიარებთ სტატიას, რომელშიც განხილულია განვითარებად ქვეყნებში მცხოვრები ადამიანების სოციალური დაცვის სქემებზე წვდომის ბარიერები. ნაშრომში ასევე აღწერილია, თუ როგორ ხდება ექსკლუზია არა მხოლოდ ბენეფიციარების იდენტიფიკაციისა და რეგისტრაციის დროს, არამედ საოპერაციო ციკლის სხვა პერიოდებშიც, მაგალითად, ფულადი დახმარების გადარიცხვისა და პროგრამით დაწესებული პირობების აღსრულების პროცესში. „სოციალური დაცვის სქემებიდან გარიყულობა კვლავ მნიშვნელოვან გამოწვევად რჩება. შრომის საერთაშორისო ორგანიზაციის მონაცემებით, გლობალური მოსახლეობის მხოლოდ 27%-ს აქვს წვდომა სოციალური დაცვის სრულყოფილ სისტემებზე. განვითარებული ქვეყნების ისტორია გვიჩვენებს, რომ სრულყოფილი ეროვნული სოციალური დაცვის სისტემების ჩამოყალიბება გრძელვადიანი მცდელობის შედეგია. სერვისში ჩართვის უფლების მქონე ადამიანები გარიყულნი არიან სოციალური დაცვის სქემებიდან მრავალი კომპლექსური მიზეზის გამო, როგორებიცაა, პოლიტიკის გადაწყვეტილებები ბიუჯეტის შესახებ, სქემის დიზაინი და სერვისის განხორციელების დროს არსებული გამოწვევები“, ნათქვამია სტატიაში. სრულად... წყარო: socialjustice.org.ge

თბილისი. სოციალური სამართლიანობის ცენტრის ცნობით, საარსებო შემწეობა ის ფულადი დახმარებაა, რასაც 660 000 - ზე მეტი სოციალურად დაუცველი ადამიანი ყოველთვიურად იღებს.  „საარსებო შემწეობა მცირეა - იგი საარსებო მინიმუმს მნიშვნელოვნად ჩამორჩება და ადამიანების მინიმალური საჭიროებების დაკმაყოფილებას შეუძლებელს ხდის. ინფლაციის მიუხედავად, ზრდასრულ პირებზე გათვალისწინებული ყოველთვიური საარსებო შემწეობა 2015 წლის შემდგომ არ გაზრდილა“. სრულად... წყარო: ორგანიზაციის გვერდი სოციალურ ქსელში

სამცხე-ჯავახეთი. სოციალური სამართლიანობის ცენტრი გიზიარებთ ტიგრან თარზიანის ბლოგპოსტს: „საარსებო შემწეობის სისტემის მიღმა: ჯავახეთში მცხოვრები ეთნიკურად სომეხი თემის გამოწვევები“. „სოციალური მომსახურების სააგენტოს სტატისტიკის მიხედვით, ახალქალაქსა და ნინოწმინდაში მცხოვრები, საარსებო შემწეობის მიმღები ოჯახების რაოდენობა მცირეა, რის გამომწვევ მიზეზებზეც წარმოდგენილ დოკუმენტში იქნება საუბარი. სამწუხაროდ, ამ დრომდე, სახელმწიფო არ ცვლის საკუთარ სოციალურ პოლიტიკას, რაც სხვადასხვა ჯგუფების კეთილდღეობაზე მძიმედ აისახება. ეთნიკური უმცირესობის წარმომადგენლების წინაშე არსებული დამატებითი გამოწვევები კი საარსებო შემწეობის მიღებას კიდევ უფრო ართულებს. შედეგად, ჯავახეთში მცხოვრები ოჯახების მდგომარეობა ფაქტობრივად არ უმჯობესდება - არსებული პრობლემები კვლავ დღის წესრიგშია და, ამავდროულად, ახალ სირთულეებსაც იწვევს“. ბლოგპოსტი იხ. ბმულზე... პროექტი ხორციელდება USAID-ის სამოქალაქო საზოგადოების ჩართულობის პროგრამის მხარდაჭერით. წყარო: socialjustice.org.ge

თბილისი. სოციალური სამართლიანობის ცენტრის ცნობით, 2023 წელს საარსებო შემწეობის მიმღებთა რაოდენობა ისტორიულ მაქსიმუმზეა - მარტში შემწეობის მიმღებთა რიცხვი 676 641 ადამიანი იყო. „ამ წლის მაისის მონაცემებით, სოციალური შემწეობის მიმღებთა რაოდენობა 668 555 პირია, რაც ქვეყნის საერთო მოსახლეობის 17.9%-ს შეადგენს. ეს მაჩვენებელი სერვისის ამოქმედებიდან დღემდე ყველა წლის საშუალო მაჩვენებლებს აღემატება. ბოლო 10 წლის განმავლობაში საარსებო შემწეობის მიმღებთა რაოდენობა 62.29%-ით გაიზარდა, რაც ერთი მხრივ, სისტემის მიერ მოწყვლადი მოსახლეობის უკეთესი დაფარვით, ხოლო, მეორე მხრივ, მოსახლეობის მძიმე სოციალურ-ეკონომიკური მდგომარეობით შეიძლება აიხსნას“. სრულად... წყარო: ორგანიზაციის გვერდი სოციალურ ქსელში

თბილისი. სოციალური სამართლიანობის ცენტრი მხარს უჭერს ჭიათურელი მაღაროელების მოთხოვნებს და სახელმწიფოს მოუწოდებს, დაუყოვნებლივ მიიღოს ზომები ჭიათურელი მშრომელების სამართლიანი მოთხოვნების დასაკმაყოფილებლად. „კომპანიასა და დამსაქმებელს შორის მიმდინარე მედიაციის ფარგლებში, სახელმწიფოს და კომპანიის წარმომადგენლებთან შეხვედრის შემდეგ, ჭიათურელმა მაღაროელებმა პროტესტის უკიდურეს ფორმებს მიმართეს. ერთ-ერთმა მაღაროელმა თვალი ამოიკერა, ერთმა მშრომელმა ვენები გადაიჭრა. ჯერ კიდევ 16 ივნისს კი კიდევ ერთმა მაღაროელმა პირი ამოიკერა. დღეს, უკვე მე-10 დღეა, რაც 10 მაღაროელი შიმშილობს“. სრულად... წყარო: socialjustice.org.ge

ქვემო ქართლი. სოციალური სამართლიანობის ცენტრის ინფორმაციით, სამირა ისმაილოვამ სამოქალაქო თანასწორობის პლატფორმა 1 წლის წინ დააფუძნა და მას შემდეგ ქვემო ქართლში, განსაკუთრებით კი ბოლნისის მუნიციპალიტეტში მუშაობს ეთნიკურ უმცირესობებთან. „სამირა ცდილობს, რომ სოფლად მცხოვრები ქალების და გოგოების რეალობა უკეთესობისკენ შეცვალოს - დაეხმაროს მათ არაფორმალურ განათლების მიღებაში, მიაწოდოს მათ ინფორმაცია რეპროდუქციული ჯანმრთელობაზე და იმ სერვისებზე, რომლის მიღებაც შეუძლიათ და ეკუთვნით. ცდილობს ადგილობრივების გააქტიურებას, რომ ისინი უფრო მეტად იყვნენ ჩართული გადაწყვეტილების მიღების პროცესებში“. სრულად... წყარო: socialjustice.org.ge

სამცხე-ჯავახეთი. სოციალური სამართლიანობის ცენტრი სოფელ ტურცხის მაცხოვრებლების პრობლემების შესახებ წერს. ტურცხი ახალქალაქის მუნიციპალიტეტში მდებარე სოფელია, რომელიც ეთნიკური სომხებით არის დასახლებული. ორგანიზაციის ცნობით, ამ სოფელში ჯავახეთის სხვა სოფლების მსგავსად მწვავედ დგას საქართველოს მოქალაქეობის მიღების საკითხი. „სიღარიბის და უმუშევრობის გამო ქვეყნიდან შრომით მიგრაციაში წასულ ტურცხელებს, რომლებმაც სომხეთის ან რუსეთის მოქალაქეობის მიღების გამო, საქართველოს მოქალაქეობა რამდენიმე წლის წინ დაკარგეს, დღეს სახელმწიფო მოქალაქეობის აღდგენაზე/მიცემაზე უარს ეუბნება. უარის ძირითადი მიზეზი სახელმწიფო ენის არცოდნაა. ეს მაშინ, როდესაც ამ ადამიანების დიდ ნაწილს განათლება საბჭოთა პერიოდში აქვს მიღებული და ცხადია, რომ მათთვის ქართული ენის ცოდნა რთულია. მოქალაქეობის არარსებობა ამ ადამიანებს საბაზისო სამოქალაქო, პოლიტიკურ და სოციალურ უფლებებს ართმევს...“ სოციალური სამართლიანობის ცენტრი ითხოვს ამ დამიანებისთვის მოქალაქეობის მიღების გამარტივებულ პროცედურას და მათ უფლებებზე და სპეციალურ საჭიროებებზე დაფუძნებული მიდგომების გატარებას. სრულად... წყარო: ორგანიზაციის გვერდი სოციალურ ქსელში

შიდა ქართლი. სოციალური სამართლიანობის ცენტრმა, გორის სოციალური საცხოვრისის ბენეფიციარების სახელით, ოფიციალურად მიმართა გორის მუნიციპალიტეტის მერიას და საცხოვრისიდან უსახლკარო პირების დაუყოვნებლივი გაყვანა და მათთვის ღირსეული და უსაფრთხო ალტერნატიული საცხოვრებლის უზრუნველყოფა მოითხოვა. „გორის სოციალურ საცხოვრისში, რომელიც ნარკოლოგიური კლინიკის ყოფილ შენობაში მდებარეობს, ამჟამად 103 უსახლკარო ადამიანი ცხოვრობს; მათ შორის არიან არასრულწლოვნები, ხანდაზმულები, ვეტერანები, შშმ პირები. წლების განმავლობაში ეს ადამიანები უკიდურესად მძიმე, ღირსებაშემლახველ გარემოში ცხოვრობენ, თუმცა, გორის მუნიციპალიტეტის მთავრობა კვლავ არ რეაგირებს საცხოვრისში არსებულ პრობლემებზე“. სრულად... წყარო: socialjustice.org.ge

კახეთი. ევროკავშირი (EU) და გაეროს განვითარების პროგრამა (UNDP) პროექტის „ადამიანის უფლებები ყველასათვის“ ფარგლებში „თემ ქედელთან“ თანამშრომლობით ხელს უწყობენ  შშმ პირების სოციალურ ინკლუზიას სიღნაღის მუნიციპალიტეტში პერსონალური ასისტენტის სერვისის განვითარებით.  „შეზღუდული შესაძლებლობის მქონე პირებისთვის მხარდამჭერი სერვისების არსებობა მათი უფლებების დაცვისა და დამოუკიდებელი ცხოვრების მთავარი წინაპირობაა. „თემ ქედელში“ გამართულ შეხვედრაზე სიღნაღისა და  კახეთის სხვა მუნიციპალიტეტების წარმომადგენლებმა იმსჯელეს შშმ პირებისთვის პერსონალური ასისტენტის სერვისის მნიშვნელობასა და მისი დანერგვის გზებზე“. სრულად... წყარო: ორგანიზაციის გვერდი სოციალურ ქსელში

თბილისი. პარტნიორობა ადამიანის უფლებებისთვის (PHR) ცნობით, ორგანიზაციაში იურიდიული კონსულტაციის მიღების მიზნით, საქართველოს მოქალაქეების მიმართვიანობის მაგალითზე შეიძლება ითქვას, რომ შვილებისთვის ჯანმრთელობის სერვისების მისაღებად მიგრაცია ევროპის სხვადასხვა ქვეყნებში ქალების მძიმე არჩევანია. „ბოლო 3 წლის განმავლობაში, არაერთი სატელეფონო ზარი და შეტყობინება ყოფილა ლტოლვილის სტატუსის მინიჭებასთან დაკავშირებით. ისტორიები განსხვავებულია, თუმცა ინტერესი ერთი - ყველა შესაძლებლობის გამოყენება, რათა შვილებმა მიიღონ ის საჭირო ჯანმრთელობის სერვისები, რომელსაც საკუთარ ქვეყანაში ვერ იღებენ. ვრცლად იმის შესახებ, თუ კიდევ რატომ მიდიან ქალები შრომით მიგრაციაში, წაიკითხავთ  PHR-ის ადვოკატის, სოფიკო მენაბდიშვილის ბლოგპოსტში. სრულად... წყარო: phr.ge

თბილისი. სოციალური სამართლიანობის ცენტრის გიზიარებთ თარგმანს „მოსაზრებები ნეოლიბერალიზმისა და ფემინიზმის საკამათო ურთიერთმიმართებაზე“. „ჩვენ ვამტკიცებთ, რომ გარდა გავლენისა ეკონომიკასა და პოლიტიკაზე, ნეოლიბერალიზმი სოციალური ღირებულებებისა და კულტურის ჩამოყალიბებაშიც მონაწილეობს. ზემოხსენებული ეკონომიკური და პოლიტიკური პრაქტიკების შემოტანითა და მხარდაჭერით იგი გვევლინება ყოველდღიური ცხოვრების თანმდევი ღირებულებების, პირადი ინტერაქციების, სხვადასხვა სოციალური ჯგუფებისა და მათი ქცევის შესახებ წარმოქმნილი იდეების აღმნიშვნელად. ძლიერი ინდივიდუალიზმის მხარდაჭერით იგი აზვიადებს ინდივიდის ინდივიდუალური პასუხისმგებლობის როლს არსებულ უთანასწორო სოციალურ სტრუქტურაში ისე, რომ კითხვებს არ უსვამს თავად სისტემის შიგნით არსებულ სტრუქტურულ ჩაგვრას. მაგრამ, როგორ შემოდის ამ სურათში ფემინიზმის საკითხი? როგორც უოლბი ამტკიცებს (2011:11), ნეოლიბერალიზმის ინტენსიფიკაცია ფემინიზმს ახალი გამოწვევის წინაშე აყენებს, იმდენად, რამდენადაც მისი ეფექტები (მზარდი სოციალური უთანასწორობა, დემოკრატიული მმართველობის შესუსტება) წინააღმდეგობაშია ფემინიზმის ზოგად მიზნებთან. ქამრების შემოჭერის პოლიტიკათა გენდერიზებული ეფექტების თანმდევი პრობლემები, სიღარიბის ფემინიზაცია, დაბალი შემოსავალი, შეუსაბამო ექსპლუატაციური და მყიფე სამუშაო გარემო, ქალთა შრომის გაორმაგებული ტვირთი, შინამეურნეობების პრობლემები, რომელთაც მარტოხელა ქალები აწყდებიან, ნეოლიბერალიზმის გენდერიზებული ფორმებისა და მათი შესაძლო შედეგების შესახებ გვაფრთხილებენ“. სრული თარგმანი... წყარო: socialjustice.org.ge

შიდა ქართლი. სოციალური სამართლიანობის ცენტრმა, გორის სოციალური საცხოვრისის ბენეფიციარების სახელით, ოფიციალურად მიმართა ქ. გორის მუნიციპალიტეტის მერიას და საცხოვრისიდან უსახლკარო პირების დაუყოვნებლივი გაყვანა და მათთვის ღირსეული და უსაფრთხო ალტერნატიული საცხოვრებლის უზრუნველყოფა მოითხოვა. ორგანიზაციის ინფორმაციით, „გორის სოციალურ საცხოვრისში, რომელიც ნარკოლოგიური კლინიკის ყოფილ შენობაში მდებარეობს, ამჟამად 103 უსახლკარო ადამიანი ცხოვრობს; მათ შორის არიან არასრულწლოვნები, ხანდაზმულები, ვეტერანები, შშმ პირები. წლების განმავლობაში ეს ადამიანები უკიდურესად მძიმე, ღირსებაშემლახველ გარემოში ცხოვრობენ, თუმცა, გორის მუნიციპალიტეტის მთავრობა კვლავ არ რეაგირებს საცხოვრისში არსებულ პრობლემებზე“. სრულად... წყარო: socialjustice.org.ge

ქალთა ფონდი საქართველოში გიზიარებთ ქეთი ხიდაშელის, კატო მიქელაძის 2017 წლის პრემიის მფლობელის ნაამბობს ფემინისტური საქმიანობის, მძიმე პოლიტიკური პროცესების, სოციალური და ეკონომიკური სიძნელეების და ემიგრანტობის სირთულეების შესახებ. „ჩვენი ორგანიზაცია „ქალები რეგიონის განვითარებისთვის“ ჩემი წასვლის შემდეგ დაშლის პირამდე მივიდა. უამრავი გეგმა მქონდა, სანამ ამ გზას დავადგებოდი, მაგრამ ისეთი იმედგაცრუებული და გადამწვარი ვიყავი, რომ სხვა გზა ვერ დავინახე. ჩვენი საქმიანობიდან გამომდინარე უამრავი პრობლემა გვექმნება, ოფისის დაცვლაც კი მოგვთხოვეს, სადაც 7 წელი ვიმუშავეთ. ადგილობრივი თვითმართველობა თანამშრომლობის ნაცვლად, როგორც მტრებს ისე მოგვიაზრებდა. იგივე განწყობები იყო მოსახლეობის მხრიდანაც, ფაქტობრივად, მუშაობა შეუძლებელიც კი გახდა. საზოგადოებრივი ორგანიზაციების მიმართ ხელისუფლების დამოკიდებულება ღიად გამოჩნდა ე.წ. რუსული კანონის მიღების მცდელობით, თუმცა ამ მესიჯებს გაცილებით ადრე ავრცელებდა ხელისუფლება და ამაზე ხშირად ვსაუბრობდი შეხვედრების დროს.  გადაწყვეტილება მყისიერად მივიღე და ბოლო სამი წელია აბსოლუტურად რუტინულ საქმეს ვაკეთებ. ემიგრანტის ცხოვრება ნიშნავს რომ წყდები შენს ძირითად საქმეს, თავისუფალი დრო თითქმის არ გაქვს და საქართველოში მიმდინარე პროცესებსაც ინტერნეტით ვადევნებდი თვალ-ყურს. საშინელი, მძაფრი შეგრძნებები მქონდა. ოჯახის წევრების ნებისმიერ პრობლემას ხვდები სასოწარკვეთილი, იმიტომ რომ მათ გვერდით არა ხარ. ამ ყველაფერმა ჯანმრთელობაც კი შემირყია, მივიღე გულის ინფარქტი, რის გამოც საავადმყოფოშიც მოვხვდი.  სიცარიელის შესავსებად დავიწყე ემიგრანტი ქალების ზეპირი ისტორიების ჩაწერა. 14 ამბავი მაქვს უკვე ჩაწერილი და გაშიფრული, ვაპირებ პუბლიკაციად გამოვცე და საერთოდ, თუკი გადავრჩით საზოგადოებრივი ორგანიზაციები საქართველოში, როცა დავბრუნდები, ისევ ვაპირებ გავაგრძელო ჩემი საქმე“, ამბობს ქეთი. სრულად... წყარო: ორგანიზაციის გვერდი სოციალურ ქსელში

თბილისი. 5 აპრილს საქართველოს სახალხო დამცველი ლევან იოსელიანი „ვოლტის“ გაფიცულ კურიერებს შეხვდა და მათ შრომით უფლებებთან შრომით უფლებებთან და დისკრიმინაციასთან დაკავშირებული პრობლემები განიხილა. ომბუდსმენის აპარატში წარმოდგენილი განცხადებების თანახმად, კურიერების ნაწილს კომპანია „ვოლტმა“ აპლიკაცია დაუბლოკა, რის გამოც ისინი ვეღარ აგრძელებენ მუშაობას, ნაწილმა კი კომპანიიდან გათავისუფლების შესახებ გამაფრთხილებელი მესიჯი მიიღო. უფლებების დარღვევის მიზეზად კურიერები მათ მიერ კომპანიის მიმართ გამოხატულ პროტესტს ასახელებენ. სახალხო დამცველი აგრძელებს აღნიშნული განცხადებების შესწავლას და გადაწყვეტილებას უახლოეს მომავალში მიიღებს. სრულად... წყარო: ombudsman.ge

თბილისი. სოციალური სამართლიანობის ცენტრი ეხმაურება ვოლტის კურიერების პროტესტს და მიიჩნევს, რომ ბოლოდროინდელი მოვლენები, რომლებიც „პლატფორმულ“ ეკონომიკაში დასაქმებისთვის დამახასიათებელ ფუნდამენტურ უსამართლობებს ააშკარავებს, უნდა გახდეს ბიძგი სახელმწიფოსთვის, განიხილოს ამ სექტორში დასაქმებული მშრომელების შრომითი და სოციალური გარანტიებით აღჭურვის გზები და გადადგას კონკრეტული ნაბიჯები ამ მიმართულებით. ორგანიზაცია მოუწოდებს: საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრს - საქართველოს შრომის კოდექსის შესაბამისად, მაღალი საზოგადოებრივი ინტერესის გათვალისწინებით, განიხილოს მედიატორის დანიშვნის შესაძლებლობა შრომითი დავის გადასაწყვეტად; „ვოლტ ჯორჯიას“ - საგულდაგულოდ განიხილოს კურიერების მოთხოვნები და გადადგას ნაბიჯები სამართლიანი და გამჭვირვალე ანაზღაურების სისტემის დასანერგად და კურიერების სამუშაო პირობების, მათ შორის, შრომის უსაფრთხოების, გასაუმჯობესებლად. სრულად... წყარო: socialjustice.org.ge

თბილისი. სოციალური სამართლიანობის ცენტრი ეხმაურება ტელეკომპანია „ფორმულას“ ოპერატორების პროტესტის ირგვლივ მიმდინარე მოვლენებს და მიიჩნევს, რომ, სამწუხაროდ, ხელიდან იქნა გაშვებული შესაძლებლობა, მხარეებს შორის წამოჭრილი უთანხმოება გადაწყვეტილიყო მოლაპარაკების გზით. ორგანიზაცია სამსახურიდან მასობრივად დათხოვნილი ოპერატორების ნაწილის ინტერესებს სასამართლოში დაიცავს. სოციალური სამართლიანობის ცენტრს მნიშვნელოვნად მიაჩნია ქვეყანაში ხელისუფლებისადმი კრიტიკულად განწყობილი მედიის შეუფერხებლად მუშაობა და ითვალისწინებს ბოლო წლებში მედიისთვის გაუარესებულ პოლიტიკურ და ეკონომიკურ კონტექსტს. თუმცა, როგორც შრომის უფლებებზე და სოციალური სამართლიანობის საკითხებზე მომუშავე ორგანიზაციას, მიაჩნია, რომ დამსაქმებელი ორგანიზაციის საჯარო მნიშვნელობა და მის მიმართ საზოგადოებრივი პატივისცემა, არ ათავისუფლებს მას ვალდებულებისგან, დაიცვას საკუთარი თანამშრომლების შრომითი უფლებები. სრულად... წყარო: socialjustice.org.ge

თბილისი. ღირსეული შრომის პლატფორმა აქვეყნებს კვლევას: საცხოვრებელი ხელფასი საქართველოში. „საცხოვრებელი ხელფასი არის ხელფასის ის ოდენობა, რომელიც ფარავს მშრომელთა ღირსეული ცხოვრებისათვის აუცილებელ და ძირითად საჭიროებებს... მისი გამომუშავებისათვის მშრომელებს არ უნდა სჭირდებოდეთ ზეგანაკვეთური შრომა - საცხოვრებელი ხელფასის მიღება შესაძლებელი უნდა იყოს ერთ სამუშაოზე დასაქმების შემთხვევაშიც. 2022 წლის ოქტომბერში Wage Indicator Foundation-ის გამოთვლებით, საცხოვრებელი ხელფასი საქართველოში, ყოველთვიურად 1770 ლარი უნდა იყოს. სამწუხაროდ, საქართველოში არსებული ხელფასები ამჟამად საცხოვრებელ ხელფასზე გაცილებით დაბალია. კანონმდებლობით განსაზღვრული მინიმალური ხელფასი თვეში 20 ლარია და 1999 წლის შემდეგ არ განახლებულა. სახელმწიფოს მონაცემების თანახმად, მედიანური ხელფასი - თანხა, რომელიც მშრომელებს ორ თანაბარ ჯგუფად ყოფს – 2021 წლისთვის თვეში 900 ლარი იყო. ეს ნიშნავს, რომ დასაქმებულთა 50% ამ თანხაზე ნაკლებს იღებს. საშუალო ხელფასიც კი 2021 წელს, თვეში მხოლოდ 1305 ლარი იყო, რაც საცხოვრებელ ხელფასზე გაცილებით დაბალია“, ნათქვამია მასალაში. სრულად... წყარო: shroma.ge

თბილისი. ევროკავშირის მხარდაჭერით, ექპერტიზ ფრანს-ი (Expertise France) და ჩეხეთის განვითარების სააგენტო ახორციელებენ პროექტს „სოციალური დაცვის გაძლიერება საქართველოში“. ამ ინიციატივის ფარგლებში დაიგეგმა და განხორციელდა საქართველოს მოსახლეობის ცოდნის, დამოკიდებულებისა და პრაქტიკის კვლევა (KAP) სოციალური დაცვის პროგრამების შესახებ, რომელიც 2022 წლის თებერვალსა და მარტში ჩატარდა. აღნიშნული პროექტის მთავარი მიზანი სოციალური დაცვის პროგრამებზე საქართველოს მოსახლეობის ცოდნის, დამოკიდებულებისა და პრაქტიკის (KAP) კვლევის განხორციელება იყო.  უფრო კონკრეტულად, კვლევა შემდგომ ასპექტებზე ამახვილებს ყურადღებას: (1) სოციალური დაცვის სხვადასხვა სქემის შესახებ ინფორმირებულობის ზოგადი დონე და შეფასება; (2) ყველაზე ხშირად გამოყენებული და მოსახერხებელი ინფორმაციის წყაროები; (3) ინფორმაციისა და ცოდნის ნაკლებობა; (4) სერვისებსა და ინფორმაციაზე ხელმისაწვდომობა; (5) კონკრეტული მომსახურებების გამოყენება და ბენეფიციარების გამოცდილება; (6) კონკრეტული სოციალური დაცვის მომსახურებების შეფასება; (7) სოციალური დაცვის მომსახურებების მიმართ მოლოდინები; (8) სამიზნე მოსახლეობის სოციო-დემოგრაფიული და ეკონომიკური პროფილი. იხ. კვლევა სრულად... წყარო: expertisefrance.fr

თბილისი. ღირსეული შრომის პლატფორმა ეხმიანება თბილისის სატრანსპორტო კომპანიის დამოუკიდებელი პროფესიული კავშირის „ერთობა 2013”-ის მიერ კოლექტიურ შრომითი დავის ანონსს და სოლიდარობას უცხადებს მეტროს თანამშრომელთა სამართლიან მოთხოვნას შრომის ანაზღაურების ზრდასთან დაკავშირებით. სრულად... წყარო: socialjustice.org.ge

თბილისი. თანასწორობის კვირეულის ფარგლებში, „კოალიცია თანასწორობისთვის“ წევრი ორგანიზაციების მიერ 18 ნოემბერს პრეზენტაცია გაიმართა. პრეზენტაციაზე განიხილეს ხანდაზმულთა უფლებრივი მდგომარეობა და სოციალური დაცვის სისტემის ძირითადი გამოწვევები სხვადასხვა დაუცველი ჯგუფისათვის საქართველოში, სოციალური დაცვის სისტემის გამოწვევები ბავშვების და შშმ პირებისთვის, სოციალური დაცვის სისტემის გამოწვევები ლგბტქი+ პირებისთვის, სოციალური დაცვის სისტემის გამოწვევები ქალებისათვის, სოციალური დაცვის სისტემის გამოწვევები ექთანი ქალებისთვის. „კოალიცია თანასწორობისთვის“ წევრი ორგანიზაციების მიერ წარდგენილი მოხსენებები იმ კვლევებს ეფუძნება, რომელიც ბოლო წლების მანძილზე ამ საკითხებზე შეიქმნა. სრულად... წყარო: equalitycoalition.ge