თბილისი. ღირსეული შრომის პლატფორმა ეხმიანება თბილისის სატრანსპორტო კომპანიის დამოუკიდებელი პროფესიული კავშირის „ერთობა 2013”-ის მიერ კოლექტიურ შრომითი დავის ანონსს და სოლიდარობას უცხადებს მეტროს თანამშრომელთა სამართლიან მოთხოვნას შრომის ანაზღაურების ზრდასთან დაკავშირებით. სრულად... წყარო: socialjustice.org.ge

თბილისი. თანასწორობის კვირეულის ფარგლებში, „კოალიცია თანასწორობისთვის“ წევრი ორგანიზაციების მიერ 18 ნოემბერს პრეზენტაცია გაიმართა. პრეზენტაციაზე განიხილეს ხანდაზმულთა უფლებრივი მდგომარეობა და სოციალური დაცვის სისტემის ძირითადი გამოწვევები სხვადასხვა დაუცველი ჯგუფისათვის საქართველოში, სოციალური დაცვის სისტემის გამოწვევები ბავშვების და შშმ პირებისთვის, სოციალური დაცვის სისტემის გამოწვევები ლგბტქი+ პირებისთვის, სოციალური დაცვის სისტემის გამოწვევები ქალებისათვის, სოციალური დაცვის სისტემის გამოწვევები ექთანი ქალებისთვის. „კოალიცია თანასწორობისთვის“ წევრი ორგანიზაციების მიერ წარდგენილი მოხსენებები იმ კვლევებს ეფუძნება, რომელიც ბოლო წლების მანძილზე ამ საკითხებზე შეიქმნა. სრულად... წყარო: equalitycoalition.ge

თბილისი. ამ წუთებში, აჭარის რეგიონული ჰაბის - თავისუფალ ჟურნალისტთა სახლის ორგანიზებით, ევროკავშირისა და კონრად ადენაუერის ფონდის მიერ დაფინანსებული პროექტის „სამოქალაქო საზოგადოების ინიციატივა“ ფარგლებში, კონფერენცია „სოციალური პასუხისმგებლობის გააზრება“ იმართება. კონფერენციის მიზანია ინფორმაციის გაცვლა იმ ჯგუფებს შორის, რომლებიც მუშაობენ კორპორაციული სოციალური პასუხისმგებლობის საკითხებზე ან არიან ბენეფიციარები. კონფერენციას ესწრებიან სოციალურ პოლიტიკაზე პასუხისმგებელი პირები სახელმწიფო სტრუქტურებიდან, აჭარის რეგიონის ბიზნეს ორგანიზაციები, საკანონმდებლო, საგანმანათლებლო და სამედიცინო სფეროს წარმომადგენლები, სამოქალაქო საზოგადოების ორგანიზაციები, ადვოკატები, პოლიტიკოსები, სოციალური მუშაკები, მედიის წარმომადგენლები და ახალგაზრდები. სრულად... წყარო: ორგანიზაციის გვერდი სოციალურ ქსელში

რაჭა-ლეჩხუმი და ქვემო სვანეთი. მულტიმედია პლატფორმა „ჩაიხანა“ გიზიარებთ სტატის: თვალისგან და გონებისგან შორს: საქართველოში მცხოვრები ოსები. ჟურნალისტი გვიყვება რაჭაში, სოფელ ჭვებარსა და გადამშში მცხოვრებ ეთნიკურად ოს, ქართველ ოჯახებზე, მათ ყოველდღიურობასა და სოციალურ პრობლემებზე.  „ოცდაათი წლის წინ, ორი ომის შემდეგ, ქართველები და ოსები ჭვებარში ერთად ცხოვრობდნენ, ოჯახებს ქმნიდნენ და ერთმანეთის მრავალსაუკუნოვან ტრადიციებს იზიარებდნენ. ცხინვალის რეგიონის სტატუსთან დაკავშირებული კონფლიქტების შემდეგ, მოსახლეობის უმეტესობა მეზობელ რუსეთში, ან ცხინვალში გადავიდა საცხოვრებლად. ცხინვალი (რომელსაც სამხრეთ ოსეთად ან სამაჩაბლოდაც მოვიხსენიებთ) რუსეთის ოკუპაციის შემდეგ, საქართველოს კონტროლს მიღმაა“. სრულად... წყარო: chaikhana.media ჟურნალისტი: სოფიო შარაძე ფოტოგრაფი: ბასა მეტრეველი

თბილისი. საქართველოს სტრატეგიული კვლევებისა და განვითარების ცენტრი (CSRDG) გიზიარებთ რიგით მე-3, სოციალური საწარმოების B2B გამოფენის შედეგებს. ღონისძიება განხორციელდა ევროკავშირისა და პური მსოფლიოსთვის მხარდაჭერით მიმდინარე პროექტის „სოციალური მეწარმეობის განვითარება მდგრადი და ინკლუზიური საზოგადოებისთვის“ ფარგლებში, რომელსაც CSRDG პარტნიორებთან ერთად ახორციელებს. დეტალურად… წყარო: ორგანიზაციის გვერდი სოციალურ ქსელში

სამცხე-ჯავახეთი. სოციალური სამართლიანობის ცენტრი აქვეყნებს ტიგრან თარზიანის ბლოგპოსტს: „ხოპანი“ - ჯავახეთის ახალგაზრდების ერთადერთი დასაქმების ადგილი. „უთანასწორო შესაძლებლობები რეგიონში უფრო მკაფიოდ ჩანს ქალაქთან შედარებით, თუნდაც განათლების საკითხში. ყველაფერს რომ თავი დავანებოთ, არ არსებობს არაფორმალური განათლების მიღების ცენტრები, პროფესიული სასწავლებლები, უცხო ენების შესწავლის შესაძლებლობა და სხვა. ამიტომაცაა რომ, რეგიონიდან გარბის ხალხი, დღეს ფილოლოგიც, ხელოვანიც და მექანიკოსიც მუშაობს თბილისის რომელიმე უბნის მაღაზიაში, რადგან დაბრუნება რეგიონში უდრის უმუშევრობას, მიგრაციას, ან მძიმე ფიზიკურ უშედეგო შრომას. ასეთ პირობებში განვითარება შეუძლებელია. უმუშევრების რიგებში ახალგაზრდებს დიდი წილი უკავიათ, რის გამოც იზრდება სოციალური რისკები, საფრთხე ექმნება ქვეყნის მომავალს“, ნათქვამია ბლოგპოსტში. სრულად... წყარო: socialjustice.org.ge

სამცხე-ჯავახეთი. სოციალური სამართლიანობის ცენტრი აქვეყნებს გოჰარ აღჯოიანის ბლოგპოსტს: მოქალაქეობის გარეშე დარჩენილები. „2008 წლის აგვისტოს ომის შემდეგ რუსეთში საქართველოს მოქალაქეების შესვლა, იქ ხანგრძლივი დროის განმავლობაში დარჩენა და დასაქმება გართულდა. შრომით მიგრაციაში წასულ ხალხს რუსეთში ყოფნა და მუშაობა საქართველოს მოქალაქეობის პასპორტით მხოლოდ სამი თვის განმავლობაში შეეძლოთ. ამ პოლიტიკურმა რეალობამ გამოიწვია ის, რომ ადამიანების უმეტესობამ ჯავახეთში საქართველოს მოქალაქეობასთან ერთად, სომხეთის მოქალაქეობაც მიიღო, რაც მათ რუსეთში მუშაობის და საბაზისო შემოსავლის მიღების შესაძლებლობას აძლევდა. თუმცა, მალევე, ვისაც საზღვარზე დაუფიქსირდა ორმაგი მოქალაქეობა, ჩამოერთვათ საქართველოს პასპორტები და შესაბამისად, საქართველოს მოქალაქეობაც. კანონის აღსრულება კიდევ უფრო გამკაცრდა 2013 წლიდან და ათასობით ადამიანმა აღმოაჩინა, რომ ისინი საქართველოს მოქალაქეობის გარეშე დარჩნენ“. სრულად... წყარო: socialjustice.org.ge

შიდა ქართლი. სოციალური სამართლიანობის ცენტრის ინფორმაციით, გორში, ანწუხელის ქუჩაზე მდებარე ყოფილი ნარკოლოგიური კლინიკის ხუთსართულიანი შენობა წლებია, სოციალურ საცხოვრისადაა გადაქცეული. აქ 150-ზე მეტი ადამიანი უკიდურესად მძიმე და ღირსების შემლახავ გარემოში ცხოვრობს. მათი ნაწილი დევნილია, ნაწილი კი - უსახლკაროდ დარჩენილი ადამიანები. „საცხოვრისში უამრავი მძიმე პრობლემაა, რომელიც მუნიციპალიტეტის მხრიდან დაუყოვნებელ რეაგირებას მოითხოვს. შენობა ავარიულია, რის გამოც ადამიანების სიცოცხლე და ჯანმრთელობა საფრთხის წინაშე დგას. საცხოვრისში არსებობს გადატვირთულობის პრობლემაც - მცირე ფართობებში მრავალსულიან ოჯახებს უწევთ ცხოვრება, რის გამოც ადამიანებისათვის, მათ შორის, ბავშვებისთვის ან/და შშმ პირებისათვის ინდივიდუალური სივრცის არსებობის შესაძლებლობა გამოირიცხება. აქ მყოფ ადამიანებს ასევე, არ აქვთ ინდივიდუალური სველი წერტილები - ისინი მათ სართულზე განლაგებული საერთო სველი წერტილებით სარგებლობენ, სადაც კედლები ინგრევა და ჭერიდან ბათქაში ცვივა. შენობაში არ მოდის ცხელი წყალი და აქ არც სამზარეულო სივრცეა“. სრულად... წყარო: socialjustice.org.ge

თბილისი. სოციალური სამართლიანობის ცენტრი წარმოგიდგენთ ვაკო ნაცვლიშვილის ბლოგპოსტს: „ჭკუასუსტები, ლოთები, მათხოვრები“ -  საქართველოს სოციალური კანონის მოკლე ისტორია. „სოციალური დახმარების სისტემა დღემდე მოქმედებს იმ ლოგიკის ფარგლებში, რომელიც 2006 წელს მიღებულმა სოციალური დახმარების შესახებ კანონმა განსაზღვრა. ის საჩუქარია და, მისი ოდენობით თუ ვიმსჯელებთ, სიმბოლური საჩუქარი. ასეთი სოციალური დაცვის სისტემის შენარჩუნების ბაზისური არგუმენტი ის არის, რომ საქართველო ღარიბი ქვეყანაა და თავს უფლებას ვერ მისცემს, სოციალური დაცვის სამართლიანი სისტემა ჰქონდეს; რომ ღირსეული დახმარება მისცეს მათ, ვისაც ეს სჭირდება. საქართველო ღარიბი ქვეყანაა, მაგრამ ამ ღარიბი ქვეყნის მთავრობას უარი არასდროს უთქვამს, ძვირიანი საპოლიციო სისტემა აეშენებინა; საქართველო ღარიბი ქვეყანაა, მაგრამ ბანკები, საავადმყოფოები, კაზინოები, აფთიაქები რეკორდულად მდიდრდებიან. ამიტომ, არგუმენტს, რომლის მიხედვით საქართველო ღარიბი ქვეყანაა და ღირსეული სოციალური დაცვა ვერ ექნება, შინაარსი არ აქვს. უფრო მეტად, ეს არის არგუმენტი, რომელიც სახელმწიფოს უმოქმედებას ამართლებს“, ნათქვამია ნაშრომში. სრულად... წყარო: socialjustice.org.ge

სამეგრელო. აგვისტოს თვეში სოციალური სამართლიანობის ცენტრის თანამშრომლებმა ზუგდიდისა და წალენჯიხის მუნიციპალიტეტებში ე.წ. გამყოფ ხაზებთან მდებარე სოფლები ხურჩა და ფახულანი მოინახულეს. „ორივე სოფლის მოსახლეობა აღნიშნავს, რომ მათი უფლებრივი და სოციალური ყოფა 2008 წლის აგვისტოს ომის შემდეგ დამძიმდა და ვითარება წლების განმავლობაში უფრო და უფრო რთულდება. გაუარესება განსაკუთრებით აისახება აფხაზეთის რეგიონთან მიმოსვლის თავისუფლების შეზღუდვაში და მასთან დაკავშირებული სოციალური და ეკონომიკური კავშირების გაწყვეტაში. მძიმე სოციალური მდგომარეობის გამო ორივე სოფლიდან მაღალია მიგრაცია, რაც მოსახლეობის რაოდენობის შემცირებას იწვევს. ამ სოფლებში მოსახლეობის შემოსავლის მთავარი წყარო თხილის მეურნეობაა, რომლის ფასიც მოსავლის ხარისხის შესაბამისად წლიდან წლამდე მცირდება“. სრულად... წყარო: socialjustice.org.ge

აჭარა. სოციალური სამართლიანობის ცენტრი წარმოგიდგენთ ფოტო ისტორიას „ოცნების ქალაქიდან“. „ბათუმთან ახლოს, უკვე მეათე წელია, მაღალმთიანი აჭარიდან წამოსული ოჯახები არაფორმალურ დასახლებაში ცხოვრობენ. მათ ეს დასახლება თვითნებურად გააშენეს და აქაურობას „ოცნების ქალაქი“ დაარქვეს. ამ სახელის დარქმევა შემთხვევითი არ ყოფილა. ოჯახებს, ვისაც საცხოვრებლის პრობლემა ჰქონდა, სჯეროდა, რომ 2012 წლის არჩევნებისა და ხელისუფლებაში „ქართული ოცნების“ მოსვლის შემდეგ, მათ ცხოვრებაში ბევრი რამ შეიცვლებოდა და ბოლოს და ბოლოს შეძლებდნენ ცხოვრების ღირსეულ პირობებში გაგრძელებას. როგორია „ოცნების ქალაქის“ ახლანდელი ყოფა და რას ელოდებიან აქ მცხოვრები ადამიანები? როგორი მომავალი აქვს ოჯახებს, ვინც აქ წლების წინ თვითნებურად დასახლდა?“. ვრცლად „ოცნების ქალაქის“ შესახებ წაიკითხეთ ორგანიზაციის ვებგვერდზე... წყარო: socialjustice.org.ge

იმერეთი. სოციალური სამართლიანობის ცენტრი გთავაზობთ ვიდეოს, სადაც საუბარი კიდევ ერთხელ შეეხება ჭიათურას და ამ რეგიონში მადნის მოპოვების შესახებ დისკუსიის განახლებას. რა მოხდა ითხვისში? როგორია ჭიათურაში მანგანუმის მოპოვების ისტორია, ბუნება და გეოგრაფია? როგორ ჩამოყალიბდა რეგიონში სოციალურად და ეკოლოგიურად უპასუხისმგებლო რეჟიმი? რა შეცვალა სპეციალური მმართველის დანიშვნამ და რა გამოსავალი არსებობს ამ მდგომარეობიდან? ორგანიზაცია მკვლევართან, გიორგი ცინცაძესთან ერთად პასუხებს გასცემს ამ კითხვებს. სრულად... წყარო: socialjustice.org.ge

სამცხე-ჯავახეთი. სოციალური სამართლიანობის ცენტრი გთავაზობთ ტიგრან თარზიანის ბლოგპოსტს: „ხოპანი“, რუსული გავლენები და უსაფრთხოება. „ჯავახეთზე საუბრისას გვერდს ვერ აუვლი ისეთ საკითხებს, როგორიცაა რუსული გავლენები ან უსაფრთხოება. ჯავახეთის მოსახლეობის 60-65% ფულს რუსეთში გამოიმუშავებს. უმრავლესობა არ იხდის საშემოსავლო გადასახადს, რადგან თვითდასაქმებულია, ათასობით ადამიანს დაკარგული აქვს მოქალაქეობა და ამის გამო, არანაირი სერვისით არ სარგებლობს. ჩვენთან სეზონურ სამუშაო მიგრაციას „ხოპანს“ ვეძახით. არავის სიამოვნებს რუსეთის ცივ ქალაქებში სიარული, საერთო საცხოვრებლებსა და სარდაფებში ცხოვრება იმისთვის, რომ ჯავახეთში დარჩენილი ოჯახისთვის რაღაც მაინც იშოვოს“. სრულად... წყარო: socialjustice.org.ge

თბილისი. სოციალური სამართლიანობის ცენტრი აქვეყნებს ომარ გორდეზიანის სტატიას: სიღარიბის მახე: სოციალური დაცვა და (არაფორმალური) შრომა. „ქვეყანაში არსებულმა პოლიტიკურ-ეკონომიკურმა ცვლილებებმა და პრივატიზაციის პოლიტიკამ გამოიწვია სახელმწიფოს როლის დაქვეითება სოციალურ თანასწორობასთან და საჯარო სიკეთეებთან მიმართებაში, როგორიცაა: კეთილდღეობის გადანაწილება, დასაქმება, საბინაო პოლიტიკა, განათლება, ჯანდაცვა და ა.შ. ამგვარ სიტუაციაში უკვე არსებული პრობლემები გახდა ინდივიდუალური და დღეს მოქალაქეს თავად უწევს უმუშევრობასთან გამკლავება და ბრძოლა თვითგადარჩენისათვის“. სრულად... წყარო: socialjustice.org.ge

აჭარა. სოციალური სამართლიანობის ცენტრი ეხმიანება აჭარის ა/რ მთავრობის გადაწყვეტილებას საქართველოს ტერიტორიაზე ყველაზე დიდი არაფორმალური დასახლების - „ოცნების ქალაქის“ - მაცხოვრებლებისთვის ბინების გადაცემის კრიტერიუმების განსაზღვრის საკითხს. ორგანიზაცია მოუწოდებს ხელისუფლებას, უზრუნველყოს პროცესის გამჭვირვალობა, მოსახლეობის ინფორმირება განსახლების პროცესის შესახებ და ამ პროცესის იმგვარად წარმართვა, რომ გათვალისწინებული იყოს ყველა მოსახლის მოწყვლადობა და საჭიროებები. „მოსახლეობა მიიჩნევს, რომ კრიტერიუმები, რომლის შესახებაც მედიასაშუალებებიდან შეიტყვეს, არ არის ცხადი, განმარტებას მოითხოვს და არ საუბრობს მათ საჭიროებებზე, ვინც საცხოვრისით დაუკმაყოფილებელი შეიძლება დარჩეს“. სრულად... წყარო: socialjustice.org.ge

თბილისი. 20 აპრილს დამოუკიდებელი პროფესიული კავშირების ახალმა გაერთიანებამ კონფერენცია გამართა თემაზე - საცხოვრებელი ხელფასი. „ეს კონფერენცია არის მცდელობა გაიხსნას დისკუსია საქართველოში არსებული სახელფასო პოლიტიკის გაანალიზების გარშემო და დავიწყოთ ფიქრი ღირსეულ ხელფასზე საცხოვრებელი ხელფასის პრიზმიდან“. იხ. ჟურნალი... სრულად... წყარო: ორგანიზაციის გვერდი სოციალურ ქსელში

კახეთი. სოციალური სამართლიანობის ცენტრი წარმოგიდგენთ პოდკასტების ციკლს „დაკარგული ხმები“. ორგანიზაცია ამ პოდკასტებში გვთავაზობს იმ სოციალური ჯგუფებისა და ადამიანთა ისტორიებს, რომელთა ხმები საზოგადოებას სუსტად, ან საერთოდ არ ესმის. „პოდკასტი პანკისის ხეობას და პანკისიდან მიგრირებულ ადამიანებს ეხება. ჩვენი სტუმრები არიან პანკისიდან ევროპის სხვადასხვა ქვეყანაში მიგრაციაში მყოფი ადამიანები. ამ ეპიზოდის მიზანია მოკლედ აღწეროს ბოლო წლებში პანკისში განვითარებული მოვლენები, ქარტეხილები და ახლანდელი რეალობა“. სრულად... წყარო: socialjustice.org.ge

თბილისი. სოციალური სამართლიანობის ცენტრის მწვანე პოლიტიკის მკვლევარი, გიორგი ცინცაძე ცდილობს, კვლევის ავტორთან, ალექსანდრა აროშვილთან ერთად, ცდილობს პასუხი გასცეს კითხვებს: როგორია ტყიბულში ქალთა ცხოვრება და რა ძირითადი გამოწვევები და საჭიროებები აქვთ მათ. წყარო: socialjustice.org.ge

თბილისი. 14 დეკემბერს სოციალური სამართლიანობის ცენტრმა ორი კვლევის პრეზენტაცია გამართა: „ტყიბულელ ქალთა ცხოვრების, შრომისა და მიგრაციის თავისებურებები“, „ექსტრაქტივიზმი და ქალთა ეკონომიკური მონაწილეობა ტყიბულში“. ლაივი... „კვლევების მიხედვით, ტყიბულელი ქალები სიღარიბის გამო ტოვებენ სახლებს და სამუშაოდ სხვა ქალაქებსა და ქვეყნებში მიემგზავრებიან, რის გამოც ირღვევა სოციალური ქსოვილი“. წყარო: ორგანიზაციის გვერდი სოციალურ ქსელში

თბილისი. საქართველოს წითელი ჯვრის და საქართველოს ფოსტის კამპანია „შენი მარკის“ ფარგლებში, კიდევ ერთი სიახლე მომზადდა. „აქსის თაუერსის და აგროჰაბის მხარდაჭერით, საქველმოქმედო ღონისძიება დავგეგმეთ, სადაც სოციალურად დაუცველი ადამიანების დასახმარებლად შეგეძლებათ შემოწირულობის გაღება, საჩუქრად კი ეროვნული გმირის - მარო მაყაშვილის გამოსახულებიან მარკას მიიღებთ. კამპანიიდან მიღებული შემოწირულობა მოხმარდება შინმოვლის პროექტში ჩართულ ბენეფიციარების საჭიროებებს. საქველმოქმედო ღონისძიება გაიმართება 4-30 ნოემბრის ჩათვლით,12:00-19:00 საათამდე აქსის თაუერსის შენობის ფოიეში“. სრულად... წყარო: ორგანიზაციის გვერდი სოციალურ ქსელში

თბილისი. სოციალური სამართლიანობის ცენტრის ინფორმაციით, ხმაური, გადატვირთულობა, სერვისებსა და ინფრასტრუქტურასთან შეზღუდული წვდომა - ეს იმ გამოწვევების არასრული ჩამონათვალია, რომელსაც ორხევის სოციალურ საცხოვრისში მცხოვრები ადამიანები ყოველდღიურად აწყდებიან. „საცხოვრისი განსაკუთრებით არასათანადოა შშმ პირებისა და ბავშვებისთვის. თბილისის მერიას დღემდე არ აქვს უსახლკარობასთან ბრძოლის პოლიტიკა და საბინაო ფონდი, რაც ადამიანებს ღირსეული საცხოვრისით უზრუნველყოფდა“. დამატებითი ინფორმაციისთვის, იხ. სოციალური სამართლიანობის ცენტრის დოკუმენტი - “სად არის პრობლემები საცხოვრისის პოლიტიკაში”.  ღია საზოგადოების ფონდის (OSGF) კვლევა - “ცხოვრება სოციალურ საცხოვრისში - მიზეზები, საჭიროებები.  სრულად... წყარო: socialjustice.org.ge

სამეგრელო. გაეროს განვითარების პროგრამის ინფორმაციით, სოფელ რუხში განახლებული და კეთილმოწყობილი მოხუცთა სახლი „ჩემი მორდუ“ გაიხსნა. „მისი მაცხოვრებლები კონფლიქტით დაზარალებული, დევნილი, ზრუნვას მოკლებული ან ოჯახური ძალადობის მსხვერპლი მოხუცები არიან“. სრულად... წყარო: www.ge.undp.org