თბილისი. ადამიანის უფლებების სწავლებისა და მონიტორინგის ცენტრი (EMC) ეხმიანება სოფელ წაბლანას სტიქიით დაზარალებული ადგილობრივი თემის პროტესტს და აჭარის მთავრობას სტიქიით დაზარალებული ოჯახების სათანადო საცხოვრისზე უფლების დაუყოვნებლივი უზრუნველყოფისკენ მოუწოდებს. „ამჟამად სოფელ წაბლანას მოსახლეობა აჭარელი ეკომიგრანტების დიდი ნაწილის მსგავსად, „გაორებულ“ მდგომარეობაში ცხოვრობს. იმის გამო, რომ ბათუმში მიღებული ბინების საცხოვრებლად ვარგის მდგომარეობამდე მისაყვანად მოსახლეობას არ გააჩნია საკმარისი თანხები, ისინი აგრძელებენ ცხოვრებს სოფლად მათ ძველ საცხოვრებელ სახლებში, რომელიც რეალურად სიცოცხლისთვის სახიფათო ზონაში მდებარეობს. „აჭარისწყალის“ ჰესის სამშენებლო სამუშაოების შედეგად სოფლის წყაროების ნაწილი დაშრა, რამაც სოფლისთვის ისედაც ნაკლებად სარგებლიანი სოფლის მეურნეობა კიდევ უფრო გაართულა. ამდენად ადგილობრივ თემს სიცოცხლისთვის საშიშ ზონაში, მძიმე სოციალურ პირობებში და სიღარიბეში უწევს ცხოვრება“, ნათქვამია ორგანიზაციის ვებგვერდზე. სრულად... წყარო: emc.org.ge

თბილისი. ადამიანის უფლებების სწავლებისა და მონიტორინგის ცენტრი (EMC) აქვეყნებს პარტიების წინასაარჩევნო ხედვებში სოციალური პოლიტიკის შეფასებას. „მიუხედავად იმისა, რომ შრომითი უფლებები საქართველოში მასიურად ირღვევა, შეიძლება ითქვას, რომ პოლიტიკური პარტიების უმრავლესობის წინასაარჩევნო პროგრამები ამ საკითხს პრობლემად არ განიხილავს და, შესაბამისად, არც მისი გადაჭრის დაპირებას თუ ხედვას სთავაზობს ამომრჩევლებს“, ნათქვამია ორგანიზაციის ვებგვერდზე. სრულად... წყარო: emc.org.ge

აჭარა. კორონავირუსის გავრცელების ამ ეტაპზე საქართველოს წითელი ჯვრის საზოგადოების ბათუმის ფილიალის მოხალისეები აგრძელებენ სასურსათო და ჰიგიენური ამანათების დარიგებას საზოგადოების განსაკუთრებულად მოწყვლადი ჯგუფებისთვის.: 70 და მეტი წლის მარტოხელა, სოციალურად დაუცველი ხანდაზმულები; ხანდაზმულები, რომლებიც ცხოვრობენ მხოლოდ განსაკუთრებული საჭიროებების მქონე (შშმ) პირებთან ერთად; ბინაზე მოვლის საჭიროების მქონე მარტოხელა პენსიონერები; სოციალურად დაუცველი, მარტოხელა პენსიონერები, განსაკუთრებული საჭიროებების მქონე პირები (შშმ). სრულად... წყარო: ორგანიზაციის გვერდი სოციალურ ქსელში

თბილისი. მეგობრობის ხიდი ქართლოსი საქველმოქმედო აქციით შეჭირვებულ ოჯახებს დაეხმარება. „მრავალშვილიანი და სოციალურად დაუცველი ოჯახებისათვის ვაგროვებთ ტანსაცმელს და სამომხმარებლო ნივთებს. ვისაც გაქვთ სურვილი, მიიღოთ მონაწილეობა აქციაში, ნივთები შეგიძლიათ მოიტანოთ სტალინის 10 ნომერში, არტ კაფე-ში, 11:00 საათიდან 19:00 საათამდე“. სრულად... წყარო: ორგანიზაციის გვერდი სოციალურ ქსელში

აჭარა. კორონავირუსის გავრცელების ამ ეტაპზე საქართველოს წითელი ჯვრის საზოგადოების ბათუმის ფილიალის მოხალისეებმა სასურსათო და ჰიგიენური ამანათები დაურიგეს საზოგადოების განსაკუთრებულად მოწყვლად ჯგუფებს.: 70 და მეტი წლის მარტოხელა, სოციალურად დაუცველი ხანდაზმულები; ხანდაზმულები, რომლებიც ცხოვრობენ მხოლოდ განსაკუთრებული საჭიროებების მქონე (შშმ) პირებთან ერთად; ბინაზე მოვლის საჭიროების მქონე მარტოხელა პენსიონერები; სოციალურად დაუცველი, მარტოხელა პენსიონერები, განსაკუთრებული საჭიროებების მქონე პირები (შშმ).  სრულად... წყარო: ორგანიზაციის გვერდზე სოციალურ ქსელში

შიდა ქართლი. „კეთილდღეობის და განვითარების ცენტრთან“ არსებულ გორის სამოქალაქო აქტივიზმის ცენტრის მოხალისეებმა მაღალმთიან სოფელ ბიისში უკიდურესად შეჭირვებული პავლიაშვილების ოჯახი მოინახულეს. „ოჯახს ჩავუტანეთ სხვადასხვა საყოფაცხოვრებო ნივთები, ასევე, წიგნები და სხვადასხვა საგანმანათლებლო საჭიროების ნივთები, რომლებმაც გოგოები ძალიან გაახარა“. სრულად... წყარო: ორგანიზაციის გვერდი სოციალურ ქსელში

იმერეთი. ხანდაზმულთა საერთაშორისო დღისადმი მიძღვნილი კვირეულის ფარგლებში, საქართველოს წითელი ჯვრის საზოგადოების სამტრედიის ფილიალის ბინაზე მოვლის ჯგუფის წევრებმა ხანდაზმულებს სასურსათო და ჰიგიენური ამანათები გადასცეს. ბენეფიციარებს ასევე მიეწოდათ Covid-19–თან დაკავშირებული ინფორმაცია და დაურიგდათ ბუკლეტები. სრულად... წყარო: ორგანიზაციის გვერდი სოციალურ ქსელში

თბილისი. სამოქალაქო საზოგადოების ინსტიტუტმა გამოსცა გზამკვლევი სოციალური საწარმოებისა და არასამეწარმეო იურიდიული პირებისათვის. საქართველოს საკანონმდებლო აქტები არ იცნობს სოციალური საწარმოსა და სოციალური მეწარმეობის ცნებებს, თუმცა საქართველოში ფუნქციონირებენ სუბიექტები, რომლებიც ახორციელებენ სოციალურ მეწარმეობას. დაინტერესებულ პირებს შესაძლებლობა აქვთ, კერძო სამართლის იურიდიული პირის დაფუძნებისა და დამკვიდრებული საერთაშორისო გამოცდილების გათვალისწინებით განახორციელონ სოციალური მეწარმეობა. სოციალურ საწარმოში იგულისხმებიან ის კერძო სამართლის იურიდიული პირები, რომლებიც ფუნქციურად მოიაზრებიან სოციალურ საწარმოებად და რომელთა ეკონომიკური საქმიანობაც უპირატესად სოციალური მიზნების მიღწევას გულისხმობს. საქართველოს კანონმდებლობის შესაბამისად, საზოგადოებრივ ორგანიზაციებს, რომლებშიც იგულისხმებიან არასამეწარმეო (არაკომერციული) იურიდიული პირები, ძირითად საქმიანობასთან ერთად უფლება აქვთ, განახორციელონ კანონით აუკრძალავი ნებისმიერი საქმიანობა, მათ შორის, დამხმარე ხასიათის სამეწარმეო საქმიანობა. ამასთან, დამხმარე ხასიათის სამეწარმეო საქმიანობა შეიძლება ატარებდეს ან არ ატარებდეს სოციალური მეწარმეობის ხასიათს. ეს გზამკვლევი განკუთვნილია როგორც სოციალური მეწარმეობის განმახორციელებელი სუბიექტების, ისე არასამეწარმეო (არაკომერციული) იურიდიული პირებისათვის. გზამკვლევი მოიცავს კერძო სამართლის იურიდიული პირების სამართლებრივი მართვის, ფინანსური აღრიცხვა-ანგარიშგებისა და საგადასახადო ადმინისტრირების საკითხებს.  გზამკვლევი შექმნილი სამოქალაქო საზოგადოების ინსტიტუტის მიერ (ავტორები: ინსტიტუტის მთავარი იურისტი ლევან ფანიაშვილი, ინსტიტუტის ფინანსური მენეჯერი დავით ტივიშვილი) სოციალურ საწარმოთა ალიანსთან თანამშრომლობით და არასამეწარმეო სამართლის საერთაშორისი ცენტრის (ICNL) მხარდაჭერით.  გზამკვლევი ...

აჭარა. საქართველოს წითელი ჯვრის საზოგადოების ბათუმის ფილიალმა სათნოების სახლ „სავანეს“ სასურსათო და ჰიგიენური ამანათები გადასცა. საქართველოს წითელი ჯვრის საზოგადოება აღნიშნულ დახმარებას ახორციელებს აშშ-ის საერთაშორისო განვითარების სააგენტოსა (USAID) და წითელი ჯვრისა და წითელი ნახევარმთვარის საზოგადოებათა საერთაშორისო ფედერაციის მხარდაჭერით. სრულად... წყარო: ორგანიზაციის გვერდი სოციალურ ქსელში

თბილისი. კავშირი ადამიანებისთვის განსაკუთრებულ ზრუნვას რომ საჭიროებენ არსებობისა და ფუნქციონირების ერთ-ერთ წყაროს წარმოადგენს იმ პროდუქტების რეალიზაცია, რომელსაც თერაპიულ სახელოსნოებში ორგანიზაციის ბენეფიციარები ამზადებენ სოციალ-თერაპევტებთან ერთად. "ჩვენი ნაწარმი გამოირჩევა ნამდვილად მაღალი ხარისხითა და ხელმისაწვდომი ფასებით. შეგიძლიათ შეგვიკვეთოთ თქვენთვის საჭირო აქსესუარები (ლოგოთი და სლოგანით დაპრინტული გულსაბნევები, მაისურები, ჭიქები, კეპები, ნაჭრის ჩანთები, ბლოკნოტები), რასაც საარჩევნო კამპანიისთვის გამოიყენებთ. ამით თქვენ არა მხოლოდ შეიძენთ საჭირო ხარისხიან პროდუქციას, არამედ შშმ პირებისთვის სასიკეთო ნაბიჯსაც გადადგამთ - მათ ექნებათ საქმე და ორგანიზაციას დაეხმარებით ფინანსურად", ნათქვამია ორგანიზაციის პოსტში. სრულად... წყარო; ორგანიზაციის გვერდი სოციალურ ქსელში

ქვემო ქართლი. საქართველოს წითელი ჯვრის საზოგადოებისა და გაეროს მოსახლეობის ფონდის (UNFPA) საქართველოს ოფისის პარტნიორობით, გრძელდება სოციალურ-ეკონომიკური რეაგირება COVID-19-თან დაკავშირებულ გამოწვევებზე. კერძოდ, ხანდაზმულთა მხარდაჭერა პრევენციული ღონისძიებების, ხანდაზმულთა ჯანმრთელობის და დაცვის ხელშეწყობით. პროექტის ფარგლებში საქართველოს წითელი ჯვრის საზოგადოებისა და გაეროს მოსახლეობის ფონდის (UNFPA) საქართველოს ოფისის წარმომადგენლები ბოლნისს ეწვივნენ. სრულად... წყარო: ორგანიზაციის გვერდი სოციალურ ქსელში

თბილისი. საქართველოს კარიტასმა მოამზადა ანგარიში „მოწყვლადი ჯგუფების საჭიროებები და სოციალური დაცვა“, რომელიც ორგანიზაციის ბენეფიციარების მიერ მიწოდებულ პირველად ინფორმაციას ეფუძნება.  ანგარიშის მიზანია სოციალური ზრუნვისა და დაცვის სფეროს ყველა აქტორის ყურადღების მიპყრობა იმ სისტემატიური პრობლემებისადმი, რომელსაც საქართველოს მოწყვლადი მოსახლეობა აწყდება.  სრულად...  წყარო: გვერდი სოციალურ ქსელში

კახეთი. თელავში ახალი პროექტის - „ჩემი ქუჩა, ჩვენი ქალაქი“ განხორციელება დაიწყო. მისი მიზიანია ისტორიული სახლებით სავსე უბნის, მაწანწარას და, კერძოდ, ჭავავაძის ქუჩის მდიდარი ისტორიის შესწავლა.  პროექტის, ასევე, მიზნად ისახავს ამ ტერიტორიის განვითარებასა და იქ მცხოვრები ოჯახების ტურისტულ ცხოვრებაში სრულფასოვან ჩართვას, რისთვისაც შინამეურნეობების შესაძლებლობებს შეისწავლიან. ინფორმაციას ამის შესახებ ავრცელებს პორტალი „თვითმმართველობის დროა“.  სრულად...  წყარო: https://droa.ge

თბილისი. 17 სექტემბერს ქალაქ ქუთაისში, მაღალი ძაბვის გადამცემი ხაზის საყრდენი კონსტრუქციის დემონტაჟის დროს, სს „საქართველოს რკინიგზაში“ დასაქმებული ორი ელექტრომონტიორი გარდაიცვალებასა და ერთის დაშავებასთან დაკავშირებით, ღირსეული შრომის პლათფრმა განცხადებას ავრცელებს.  „ქვეყანაში კვლავ პრობლემურია და მწვავედ დგას მომეტებული საფრთხის მქონე სამუშაო ადგილებზე, დასაქმებულთა შრომითი პირობების საკითხი. საკანონმდებლო დონეზე გატარებული გარკვეული ცვლილებების მიუხედავად, სახელმწიფო დღემდე ვერ ახერხებს მომეტებული საფრთხის მქონე სამუშაო ადგილებზე დასაქმებული მუშებისთვის ღირსეული და უსაფრთხო სამუშაო პირობების შექმნას. მსგავს ობიექტებზე დასაქმებულთა შრომა უკიდურესად მოწყვლადი და სიცოცხლისა და ჯანმრთელობისათვის სახიფათოა“, - ვკითხულობთ განცხადებაში.  სრულად...  წყარო: www.gyla.ge

თბილისი. თუ ხარ 17 წლის ან მეტის და ფიქრობ, რომ შეგიძლია სხვების ცხოვრება უკეთესობისკენ შეცვალო, ან თუნდაც გაქვს სურვილი თავისუფალი დრო ნაყოფიერად გაატარო - ეს პროექტი შენთვისაა. „პროექტი „მესტუმრე“ მიზნად ისახავს კვირაში ერთხელ, ერთი საათის განმავლობაში, მოხუცთა პანსიონებში მცხოვრებ მოხუცებულებს მისცეს ახალგაზრდებთან რეგულარული, სოციალური ინტერაქციისა და სასიამოვნო საქმიანობით დაკავების შესაძლებლობა. შერჩეული მოხალისეები დატრენინგდებიან მაკ ჯორჯიას გუნდის მიერ და აღიჭურვებიან იმ საჭირო ცოდნით და უნარებით, რაც ექვსი თვის განმავლობაში დაეხმარებათ მოხუცებთან ურთიერთობაში". დაინტერესების შემთხვევაში - გადადით ბმულზე და დარეგისტრირდით... წყარო: პროექტის გვერდი სოციალურ ქსელში

გურია. 10 სექტემბერს, გურიაში ვიზიტის ფარგლებში, აშშ-ის ელჩი საქართველოში კელი დეგნანი PITA-ას ოზურგეთის ახალგაზრდულ ცენტრში პროგრამის მონაწილეებს შეხვდა.  „შეხვედრის დროს, პროგრამის ახლაგაზრდა ლიდერებმა ელჩს ცენტრის საქმიანობის შესახებ პრეზენტაცია წარუდგინეს, მათ შორის COVID-19-ის დროს მათი ჩართულობის შესახებ.  შეხვედრის ძირითადი ნაწილი დისკუსიას დაეთმო ისეთ თემებზე, როგორიცაა ახალგაზრდების პერპექტივიდან დანახული საქართველოში არსებული გამოწვევები (უმუშევრობა, განათლება, მიგრაცია, რეგიონალური განვითარება და ა.შ.), ევროინტეგრაცია, დეზინფორმაციასთან ბრძოლა, ახალგაზრდების თანამშრომლობა ადგილობრივ მთავრობასთან, პოლიტიკური პროცესები და არჩევნები, და პროგრამის გავლენა ახალგაზრდებზე“. სრულად... წყარო: ორგანიზაციის გვერდი სოციალურ ქსელში

თბილისი. სოციალური მეწარმეობა, როგორია მისი პრაქტიკა საქართველოში, თავად სოციალური საწარმოები და მათი ეკოსისტემა? თუ გაინტერესებთ აღნიშნული საკითხები – შესაძლებლობა გეძლევათ გაეცნოთ სამოქალაქო საზოგადოების ინსტიტუტის უახლეს 2 კვლევაში. საქართველოს პრაქტიკის მიმოიხილავს სოცმეწარმეობის არსებულ მდგომარეობას და მოიცავს სამოქმედო გარემოს ანალიზს. მიმოხილვაში გაანალიზებულია საქართველოში მოქმედი სოციალური საწარმოები საქმიანობის ტიპის, მიზნებისა და იურიდიული ფორმის ჭრილში და ა.შ. კვლევა: სოციალური მეწარმეობა საქართველოში (პრაქტიკის მიმოხილვა, ავტორი ეკა დათუაშვილი), 2020...  მეორე კვლევის საგანს წარმოადგენდა ევროპული გამოცდილების შესწავლა სოციალური მეწარმეობის, სოციალური საწარმოებისა და მათთვის ხელსაყრელი გარემოს მახასიათებლების შესახებ. აღსანიშნავია, რომ სოციალური საწარმოებისათვის აუცილებელი ეკოსისტემა ოთხი ძირითადი ღერძისგან შედგება. ესენია: თვითორგანიზების შესაძლებლობები; ხილვადობა და აღიარება; რესურსებზე ხელმისაწვდომობა; კვლევა, განათლება და უნარები. კვლევა: სოციალური მეწარმეობა, სოციალური საწარმოები და მათი ეკოსისტემა, 2020 (ავტორები ეკატერინე დანელია, მარიამ ლაცაბიძე, ნინო სამსონიძე) ... კვლევები შექმნილია სამოქალაქო საზოგადოების ინსტიტუტის დაკვეთით, საქართველოს სოციალურ საწარმოთა ალიანსთან თანამშრომლობით და არასამეწარმეო სამართლის საერთაშორისი ცენტრის (ICNL) მხარდაჭერით.

თბილისი. ადამიანის უფლებების სწავლებისა და მონიტორინგის ცენტრის (EMC) ინფორმაციით, 8 სექტემბერს, პარლამენტში მინიმალურ ხელფასთან დაკავშირებული კანონპროექტის განხილვა დაიწყო, რომელიც მინიმალურ ხელფასს საქსტატის მიერ დადგენილი ყოველთვიური საშუალო ხელფასის 45%-ით განსაზღვრას ითვალისწინებს. „ორგანიზაცია მიესალმება საჯარო დისკუსიის განახლებას მინიმალური ხელფასის შესახებ და მხარს უჭერს ღირსეული მინიმალური ხელფასის დადგენას. კანონით განსაზღვრული, ღირსეული მინიმალური ხელფასი მშრომელთა დაცვის ფუნდამენტური ინსტრუმენტია, რომელსაც საქართველოში მშრომელთა და მათი ოჯახების სოციო-ეკონომიკური მდგომარეობის, ისევე როგორც მშრომელთა უფლებრივი მდგომარეობის ხელშესახები გაუმჯობესება შეუძლია“. სრულად... წყარო: emc.org.ge

თბილისი. ადამიანის უფლებების სწავლებისა და მონიტორინგის ცენტრი (EMC) აქვეყნებს პოდკასტს: რა დაგვანახა პანდემიამ მონოინდუსტრიულ რეგიონებთან დაკავშირებით.  „ბოლო მოვლენებმა ცხადი გახადა, რომ პანდემიის პირობებში სახელმწიფო ორმაგ პოლიტიკას ეწევა - მაშინ, როდესაც სახელმწიფო დონეზე ერთის მხრივ გაცხადებულ მიზნად ადამიანთა ფიზიკური ჯანმრთელობა და უსაფრთხოებაა დასახელებული, მონოქალაქებში სამთომოპოვებითი სექტორში საქმიანობა არ გაჩერებულა, ხოლო მაღაროელების და მეშახტეების პროტესტი უსაფრთხო სამუშაო გარემოს შესახებ საჯარო პოლიტიკური დღისწესრიგიდან გაქრა“. სრულად... წყარო: emc.org.ge

თბილისი. USAID/PROLoG-ის მხარდაჭერით, საქართველოს პროფესიული კავშირების გაერთიანებამ მოამზადა ელექტრონული ბიულეტინი და ბანერები თემაზე COVID-19-ის გავლენა დასაქმებაზე. ბიულეტენი მომზადდა პროექტის „COVID-19 ვირუსის შედეგად დაზარალებულ დასაქმებულთა სამართლებრივი დახმარება“ ფარგლებში იხილეთ ბიულეტინი... წყარო: ორგანიზაციის გვერდი სოციალურ ქსელში

სვანეთი. საქართველოს წითელი ჯვრის საზოგადოების პრეზიდენტი ნათია ლოლაძე და წითელი ჯვრისა და წითელი ნახევარმთვარის საზოგადოებათა საერთაშორისო ფედერაციის ოფისის ხელმძღვანელი სამხრეთ კავკასიაში, ოლგა ჯუმაევა მესტიის მუნიციპალიტეტს სამუშაო ვიზიტით ესტუმრნენ. ისინი COVID19-თან დაკავშირებით შექმნილ ვითარებას და ადგილობრივი მოსახლეობის საჭიროებებს გაეცნენ. „საქართველოს წითელი ჯვრის საზოგადოებამ, USAID-ის მხარდაჭერით, მესტიის მოსახლეობას 672 სასურსათო და 672 ჰიგიენური ამანათი გადასცა“. სრულად... წყარო: ორგანიზაციის გვერდი სოციალურ ქსელში

თბილისი. „საერთაშორისო გამჭვირვალობა - საქართველოს“ სამოქალაქო საბჭოების ორგანიზებით, ორგანიზაციის წარმომადგენლები 4 მუნიციპალიტეტის 5 სოფლის და დასახლებული პუნქტის მოსახლეობას შეხვდნენ. „ადგილობრივებმა, ჩვენი ორგანიზაციის რეგიონული ოფისების წარმომადგენლებს თემებში არსებული პრობლემები გააცნეს, მათ შორის გამოიკვეთა სასმელი და სარწყავი წყლის სისტემის, შიდა გზების, გარე განათების, ხიდების, ტროტუარების მოწესრიგების და სხვა ინფრასტრუქტურული საჭიროებები“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში