თბილისი. COVID19-ის პანდემიის დროს ორგანიზაციამ, EWMI Access-ის ფინანსური მხარდაჭერით, მნიშვნელოვანი მხარდაჭერა და დახმარება გაუწია ბოშათა თემის წარმომადგენლებს აჭარის რეგიონში. წარმოდგენილ ინფოგრაფიკაში შესაძლებლობა გაქვთ იხილოთ განხორციელებული აქტივობების შესახებ ინფორმაციები. სრულად... წყარო: ორგანიზაციის გვერდი სოციალურ ქსელში

თბილისი. ადამიანის უფლებების სწავლებისა და მონიტორინგის ცენტრი (EMC) აქვეყნებს ტიმ ნიუბერნის: „არახელსაყრელი სოციალური მდგომარეობა, დანაშაული და სასჯელი“ ნინო კარანაძისეულ თარგმანს. „სოციო-ეკონომიკური მდგომარეობა და სოციალური უთანასწორობა, მნიშვნელოვან როლს ასრულებს გარკვეულ საზოგადოებაში დანაშაულის დონის განსაზღვრაში. რამდენადაც, არსებული სოციალური მდგომარეობა, ხშირ შემთხვევაში განაპირობებს და ხელს უწყობს კონკრეტული კატეგორიის ან ზოგადი დანაშაულებრივი დონის ზრდას. წინამდებარე სტატია იკვლევს ზოგადი ეკონომიკური დონის, სოციალური სიდუხჭირის და უთანასწორობის გავლენას დანაშაულზე. სტატია მიზნად ისახავას იპოვოს კავშირი ერთი მხრივ, დანაშაულის დონეს და მის ცვალებადობას შორის, ხოლო მეორე მხირვ უმუშევრობის დონეს, ეკონომიკური მდგომარეობის გაუარესებას ან გაუმჯობესებას შორის“, ნათქვამია ორგანიზაციის ვებგვერდზე. სრულად... წყარო: emc.org.ge

თბილისი. სოციალურ საწარმოთა ალიანსმა (SEA) და სამოქალაქო საზოგადოების ინსტიტუტმა (CSI), არასამეწარმეო სამართლის საერთაშორისო ცენტრის (ICNL) მიერ დაფინანსებული პროექტის „სოციალური მეწარმეობის ინიციატივა საქართველოში“ ფარგლებში ვებინარი ჩაატარა თემაზე: „სოციალური მეწარმეობა და შესაძლებლობა ანტიკრიზისული გეგმის ფარგლებში“. „შეხვედრას ესწრებოდა საქართველოში მოქმედი 21 სოციალური საწარმოს წარმომადგენელი. შეხვედრის ფარგლებში CSI-ის იურისტების ჯგუფმა ისაუბრა საქართველოს მთავრობის მიერ გამოქვეყნებული ანტიკრიზისული გეგმის მნიშვნელოვანი საკითხებზე: კომპენსაციების მიღების პროცედურა; საგადასახადო და ფინანსური აღრიცხვის საკითხები; დაშვებული ეკონომიკური საქმიანობები“. სრულად... წყარო: seageorgia.ge

Prevencia.ge - ციფრული სოლიდარობის პლატფორმა გაგაცნობთ ცოდნის კაფე/Knowledge Cafe-ს და სამოქალაქო ინიციატივა - Civic Initiative-ის თანადამფუძნებელს ნანა ბაგაშვილს, რომელიც მოგვიყვებათ თუ როგორ ზრუნავენ ის და მისი მეგობრები ხანდაზმულებზე Covid-19-ის პანდემიის დროს. Live დისკუსია გიმართება დღეს, 28 აპრილს, 18:00 საათზე. სრულად... წყარო: ორგანიზაციის გვერდი სოციალურ ქსელში

თბილისი. ადამიანის უფლებების სწავლებისა და მონიტორინგის ცენტრი (EMC) მთავრობის ანტიკრიზისული გეგმის შეფასებას აქვეყნებს და მთავრობას სოციალური მხარდაჭერის უფრო სრულყოფილი, მოქნილი და საყოველთაო პოლიტიკისკენ მოუწოდებს. „უკიდურესად მნიშვნელოვანია, რომ ანტიკრიზისული გეგმის იმპლემენტაცია მაქსიმალურად სწრაფად დაიწყოს და დახმარების მისაღებად საჭირო პროცედურების შესახებ საზოგადოების, მათ შორის განსაკუთრებით ეთნიკური უმცირესობების, სათანადო ინფორმირება მოხდეს“, ნათქვამია ორგანიზაციის ვებგვერდზე. სრულად... წყარო: emc.org.ge

თბილისი. ადამიანის უფლებების სწავლებისა და მონიტორინგის ცენტრი (EMC) მოუწოდებს მთავრობას, 24 აპრილისთვის დაანონსებულ სოციალური დახმარების ანტიკრიზისულ გეგმაში გაითვალისწინოს სოციალური დაცვის მექანიზმების მიღმა დარჩენილი, ყველაზე მოწყვლადი, მათ შორის, ფორმალური სისტემებიდან გარიყული ადამიანების მრავალმხრივი საჭიროებები. სრულად... წყარო: emc.org.ge

თბილისი. ადამიანის უფლებების სწავლებისა და მონიტორინგის ცენტრი (EMC) მოუწოდებს საქართველოს მთავრობას და თბილისის მერიას მიიღოს დროული და ეფექტიანი ზომები საჭიროების მქონე სტუდენტების სოციალური დაცვისა და მხარდაჭერის, მათ შორის, ქირით უზრუნველყოფისა და სასწავლო საფასურის გადახდის გადავადების მიზნით. „სტუდენტების დიდი ნაწილი საკუთარი ბაზისური სოციალური საჭიროებების (ქირა, სწავლის საფასური, საკვები) დაკმაყოფილების მიზნით, მძიმე პრეკარიატულ შრომაშია ჩართული. პანდემიის პირობებში მათმა უმრავლესობამ სამსახური დაკარგა, რაც ცხადია, რომ მათ საცხოვრისის დაკარგვის და სწავლის საფასურის გადაუხდელობის რისკის წინაშე აყენებს. ამ კუთხით განსაკუთრებულ ყურადღებას იმსახურებენ აფხაზეთიდან და ცხინვალის რეგიონიდან, ასევე იმ რეგიონებიდან ჩამოსული სტუდენტები, რომელთა ქალაქები და სოფლები იზოლირებულია de facto საზღვრების ჩაკეტვისა და კარანტინის რეჟიმის გამო“. სრულად... წყარო: emc.org.ge

თბილისი. ევროკავშირი საქართველოს მთავრობისა და ხალხის მისამართით ერთობლივი მიმართვის განცხადებას აქვეყნებს. „COVID-19–ის პანდემია და მასთან დაკავშირებული ეკონომიკური კრიზისი უპრეცედენტო სისწრაფით ღრმავდება და მსოფლიოს ეკონომიკას რეცესიისკენ უბიძგებს. მოსალოდნელია, რომ მისი გავლენა მსოფლიო ფინანსურ კრიზისზე უარესი იქნება, ხოლო ეკონომიკური ზარალი ყველა ქვეყანაში გაიზრდება. საქართველო, როგორც ღია ეკონომიკის მქონე ქვეყანა, რომელიც ტურიზმზე, ვაჭრობაზე და საზღვარგარეთიდან შემოსულ ფინანსურ გზავნილებზეა დამოკიდებული, განსაკურთებული რისკის ქვეშ დგას ამ პანდემიის გამო. ამ პანდემიის დაძლევისთვის საჭიროა ჯანდაცვის, სოციალური და ეკონომიკური პოლიტიკის სფეროებში კოორდინირებული რეაგირება. ჩვენ, აზიის განვითარების ბანკი, აზიის ინფრასტრუქტურის საინვესტიციო ბანკი, ევროპის რეკონსტრუქციისა და განვითარების ბანკი, ევროკავშირი და ევროპის საინვესტიციო ბანკი, გერმანიის ფედერაციული რესპუბლიკა – რეკონსტრუქციის საკრედიტო ბანკის (KfW) საშუალებით, საფრანგეთის რესპუბლიკა – განვითარების სააგენტოს (AFD) საშუალებით, საერთაშორისო სავალუტო ფონდი და მსოფლიო ბანკის ჯგუფი ერთად ვმუშაობთ, რომ ვუზრუნველყოთ საქართველოს სწრაფი მხარდაჭერა და ამჟამად, განვიხილავთ ფინანსური დახმარების არსებით პაკეტს, რაც ხელს შეუწყობს ხელისუფლების ეფექტიან რეაგირებას ამ უპრეცედენტო კრიზისზე. განვითარების სფეროში მოღვაწე ბევრი სხვა პარტნიორი ასევე ამზადებს დახმარების პაკეტებს საქართველოს ხალხისთვის. როგორც საქართველოს გერბზე არსებული წარწერა სამართლიანად ამბობს, ახლა ნამდვილად ”ძალა ერთობაშია”“. სრულად... წყარო: eeas.europa.eu

თბილისი. გაეცანით, საქართველოს ახალგაზრდა იურისტთა ასოციაციის (საია) საინფორმაციო ბროშურას „სახელმწიფო პენსიის მიღებასთან დაკავშირებული საკითხები“ და მიიღეთ კითხვებზე პასუხი. •რა არის პენსიის დანიშვნის საფუძველი? •როგორ ხდება პენსიის დანიშვნა? •შეგვიძლია თუ არა პენსიის მიღება საჯარო სამსახურში მუშაობისას? •შეიძლება თუ არა პენსიის დაკავება? სრულად... წყარო: ორგანიზაციის გვერდი სოციალურ ქსელში

თბილისი. ადამიანის უფლებების სწავლებისა და მონიტორინგის ცენტრი (EMC) ეხმიანება საქართველოს მთავრობის 2020 წლის 30 მარტის N204 დადგენილებით, საქართველოში ახალი კორონავირუსის გავრცელების შემცირების მიზნით საჯარო ტრანსპორტის შეზღუდვას. ორგანიზაცია მოუწოდებს საქართველოს მთავრობას, გადადგას სათანადო ქმედითი ნაბიჯები დასაქმებულთა სამუშაო ადგილებზე გადაადგილების უზრუნველსაყოფად. „ერთი მხრივ, დასაქმებულთა საჭიროებების გათვალისწინებით, ხოლო მეორე მხრივ, ეკონომიკური საქმიანობის შეუფერხებლად გაგრძელების მიზნით, საქართველოს მთავრობას მოვუწოდებთ, გამოიყენოს საგანგებო უფლებამოსილება და: საგანგებო მდგომარეობის ვადით, დამსაქმებლებს დაავალოს დასაქმებულთა ავტოსატრანსპორტო საშუალებებით უზრუნველყოფა, მათი სამუშაო ადგილზე მიყვანისა და წამოყვანის გათვალისწინებით, და საჭიროების შემთხვევაში, აღმოუჩინოს დამსაქმებლებს შესაბამისი მხარდაჭერა“, ნათქვამია ორგანიზაციის ვებგვერდზე. სრულად... წყარო: emc.org.ge

თბილისი. ადამიანის უფლებების სწავლებისა და მონიტორინგის ცენტრი (EMC) მოუწოდებს საქართველოს მთავრობას, დაუყოვნებლივ დანერგოს მოქნილი, დროებითი სოციალური დაცვის მექანიზმები, რომელიც დაფარავს ყველას ვინც ახალი კორონავირუსის გავრცელებით შექმნილ კრიზისულ ვითარებაში დაკარგა ან დაკარგავს შემოსავალს. „ამგვარი სოციალური პროგრამის შემუშავების დროს კი, იხელმძღვანელოს საერთაშორისო სტანდარტებითა და გამოცდილებით. კრიზისის დასაძლევად აქამდე შემუშავებული ზომების დიდი ნაწილი დამსაქმებლებისთვის გათვალისწინებულ შეღავათებს მოიცავს. მნიშვნელოვანია შემუშავდეს ისეთი სოციალური პროგრამებიც, რომლებიც პირდაპირ შემოსავლის გარეშე დარჩენილ მოსახლეობას მიემართება“, ნათქვამია ორგანიზაციის ვებგვერდზე. სრულად... წყარო: emc.org.ge

სამეგრელო. 27 მარტს ასოციაცია „ათინათის“ ახალგაზრდულ ცენტრმა, ქვეყანაში არსებული მდგომარეობის გათვალისწინებით, ხანდაზმულებსა და სიღარიბის ზღვარს მიღმა მყოფ 5 ოჯახს საკვები პროდუქტები და საყოფაცხოვრებო ნივთები გადასცა. „ღონისძიება ორგანიზებულია „ტოლერანტობის, სამოქალაქო ცნობიერებისა და ინტეგრაციის მხარდაჭერის პროგრამის“ (PITA) ფარგლებში. პროგრამა დაფინანსებულია აშშ-ის საერთაშორისო განვითარების სააგენტოს (USAID) მიერ, მას საქართველოს გაეროს ასოციაცია (UNAG) ახორციელებს. სამეგრელოში პროექტის პარტნიორია ასოციაცია „ათინათი““.  სრულად... წყარო: ორგანიზაციის გვერდი სოციალურ ქსელში

დღეს, 16:30 საათზე, გაიმართება ონლაინ სემინარი: „ქალები გარემოსდაცვითი და სოციალური სამართლიანობისთვის". ხანგრძლივობა: 1 საათი ბმული... ID (სმარტფონებისთვის) - 413-320-264 ინიციატივა ხორციელდება პროექტის - „ტყის მდგრადი მართვა საქართველოში ფარგლებში“, „ავსტრიის თანამშრომლობა განვითარებისათვის“ ფინანსური მხარადჭერით. სრულად... წყარო: ორგანიზაციის გვერდი სოციალურ ქსელში

მარტის თვეს USAID/Zrda წარმოგიდგენთ პროექტის ქალ ბენეფიციარებს, ამჯერად კი, გვანცა აბსანძეს - USAID/Zrda-ს მიერ მხარდაჭერილი საოჯახო სასტუმროსა და კაფეს მფლობელს სამეგრელოდან. „საოჯახო სასტუმროსა და კაფეს შექმნის იდეა პირველად ჩემს ძმას გაუჩნდა, შემდგომ მთელი ოჯახი ჩავერთეთ და დღესდღეობით კაფე „არტ ჰაუსი“ და ჰოსტელი „ბუდე“ ერთ-ერთი ყველაზე მოთხოვნადია რეგიონში. USAID/Zrda-სთან მეგობრობამ ბიზნესის გაფართოვებისა და ახალი სერვისების დამატების საშუალება მოგვცა. მთელი ოჯახი კერამიკოსები გახლავართ და სტუმრებს ადგილობრივი გასტრონომიული შედევრებისა და კოლორიტის გარდა, უკვე კერამიკის მასტერკლასებსაც ვთავაზობთ." სრულად... წყარო: პროგრამის გვერდი სოციალურ ქსელში

თბილისი. რა არის სოციალური მეწარმეობა, რით არის მნიშვნელოვანი მისი საქმიანობა და რას აკეთებს ევროკავშირი ეკონომიკური და სოციალური ცვლილებებისათვის საქართველოში, უყურეთ ანიმაციურ ვიდეოს. სრულად... წყარო: ევროკავირის გვერდი სოციალურ ქსელი სოციალური

თბილისი. საქრთველოს სახალხო დამცველი ჭიათურის მუნიციპალიტეტის სოფელ შუქრუთის მოსახლეობის პროტესტს ეხმიანება.  შუქრუთის მოსახლეობას, რომელიც ამბობს, რომ შპს „ჯორჯიან მანგანეზი“, მადნის მოპოვებისა და გადაზიდვის პროცესში, აზიანებს გარემოს, გზასა და მათ საცხოვრებელ სახლებს, 2020 წლის 17 თებერვლიდან ბლოკირებული აქვს მაღარო, თუმცა ამ პროტესტს შედეგი არ გამოუღია.  „საქართველოს სახალხო დამცველი მოუწოდებს შესაბამის უწყებებს გამოიყენონ მათ ხელთ არსებული ყველა რესურსი, ზიანის გამომწვევი მიზეზების დადგენისა და კომპანიასთან შედეგზე ორიენტირებული მოლაპარაკებების წარმართვის მიზნით. ასევე, მოუწოდებს ეკონომიკისა და მდგრადი განვითრების მინისტრს უშუამდგომლოს შუქრუთის მოსახლეობას და პირადად ჩაერთოს კომპანიასთან მოლაპარაკებებში, რათა დაცული იყო მათი როგორც საკუთრების ასევე, ჯანსაღ გარემოში ცხოვრების უფლება“, - ნათქვამია სახალხო დამცველის აპარატის მიერ გავრცელებულ განცხადებაში.  სრულად...  წყარო: http://ombudsman.ge

თბილისი. ინფორმაციის თავისუფლების განვითარების ინსტიტუტი (IDFI) აქვეყნებს ანა კვინტრაძის ანალიტიკურ სტატიას: სოციალური დახმარებები VS არჩევნები. „სტატია დაიწერა კონკურსისთვის „ჟურნალისტები დემოკრატიული მმართველობისთვის“. კონკურსი ჩატარდა IDFI-ის მიერ ვიშეგრადის საერთაშორისო ფონდისა და ნიდერლანდების სამეფოს საგარეო საქმეთა სამინისტროს ფინანსური მხარდაჭერით. როგორც მონაცემებიდან ჩანს რაოდენობრივად ყველაზე მეტი პირი საარსებო შემწეობას თბილისში იღებს, თუმცა ყველაზე ღარიბ რეგიონად შეგვიძლია რაჭა ლეჩხუმი დავასახელოთ, სადაც მოსახლეობის 30%-ზე მეტი ცხოვრობს საარსებო შემწეობაზე და ეს მონაცემი სამჯერ აღემატება ქვეყნის საშუალო მაჩვენებელს და ასევე თითოეული რეგიონის მაჩვენებელსაც. გამოდის, რომ რაჭა ლეჩხუმსა და ქვემო სვანეთში ყოველი მესამე ადამიანი საარსებო შემწეობის მიმღები პირია“, ნათქვამია სტატიაში. სრულად... წყარო: idfi.ge

კახეთი. „ჯანდაცვისა და განათლების განვითარების შესაძლებლობების გაუმჯობესება სოციალურად დაუცველი დედებისა და ბავშვებისათვის“- ასე ჰქვია პროექტს, რომლის ფარგლებშიც კახეთში მცხოვრებ სოციალურად დაუცველ ახალშობილებს სასაჩუქრე ნაკრები გადაეცათ. პროექტი "კახეთის რეგიონალური განვითარების ფონდმა" ევროკაშირის დაფინანსებით განახორციელა. 2018 წელს ახმეტის, გურჯაანისა და თელავის მუნიციპალიტეტში ეს დახმარება სულ 60-მა ბენეფიციარმა მიიღო.  „აღნიშნულ პროექტს ევროკავშირი 2016 წლიდან აფინანსებს. პარტნიორი ორგანიზაციები არიან "ინოვაციების და რეფორმების ცენტრი" და "ევროპის სამართლისა და ადამიანის უფლებათა საერთაშორისო სამართლის ინსტიტუტი". ამ პროექტის ძირითადი მიზანი ქალებისა და ბავშვების დახმარებაა. სამოცი სასაჩუქრე პაკეტი გავეცით, ორიღა დაგვრჩა თელავში გადასაცემი. ამ წელში მარაგი ამით ამოიწურა, მომავალ წელს ეს პროექტი კვლავ გრძელდება და ისევ გაიცემა 60 სასაჩუქრე პაკეტი. ამ დახმარების მიღების პირველი კრიტერიუმია ის, რომ ოჯახი სოციალურად დაუცველი უნდა იყოს, ზოგს შეიძლება მოხსნილი ჰქონდეს სტატუსი, მაგრამ მისი ოჯახური მდგომარეობიდან გამომდინარე, მაინც ისარგებლოს ამ შეღავათით, “- აღნიშნავს "კახეთის რეგიონალური განვითარების ფონდის" დირექტორი, თამარ ბექაური.  მისივე თქმით, სასაჩუქრე პაკეტების გარდა, ევროკავშირმა დააფინანსა ტრენინგები, სადაც დედებმა პატარების სწორად მოვლასთან დაკავშირებით საინტერესო და საჭირო ინფორმაცია მიიღეს.  სრულად...  წყარო: https://eeas.europa.eu

თბილისი. საერთაშორისო გამჭვირვალობა - საქართველო (TI) შრომის კანონმდებლობის ცვლილების პროექტის პირველად ანალიზს აქვეყნებს.  შრომის კანონმდებლობის ცვლილებებზე მუშაობა 2019 წელს, პარლამენტის დამოუკიდებელი წევრის, დიმიტრი ცქიტიშვილის ინიციატივით დაიწყო. უკვე გაიმართა რამდენიმე შეხვედრა საერთაშორისო, ბიზნეს და არასამთავრობო ორგანიზაციების მონაწილეობით. საკანონმდებლო პაკეტის ინიცირება 2020 წლის საგაზაფხულო სესიაზე იგეგმება.  სრულად...  წყარო: ორგანიზაციის ვებგვერდი

აჭარა. 7 თებერვალს, 11:00-დან 17:00-ამდე ადამიანის უფლებების სწავლებისა და მონიტორინგის ცენტრი (EMC) ბათუმის ახალი მეჩეთის სივრცეში ადგილობრივ თემს სთავაზობს უფასო იურიდიულ და სოციალურ კონსულტაციებს მათთვის პრობლემატურ საკითხებზე. „მათ შორის, სოციალური დაცვის, რელიგიის თავისუფლების, გარემოს დაცვის, განათლების უფლების, დისკრიმინაციის საკითხებზე. ადგილზე იურიდიული და სოციალური კონსულტაციების გარდა, EMC შეეცდება, რომ თემისგან მოსმენილი საჭიროებები და წუხილები ადგილობრივ მუნიციპალიტეტს და შესაბამის სახელმწიფო უწყებებს გაუზიაროს“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

თბილისი. ბაღდათში მომხდარ ტრაგედიასთან დაკავშირებით, საქართველოს სახალხო დამცველი განცხადებას ავრცელებს.  „სამწუხაროდ, წლების განმავლობაში, გადაუჭრელ პრობლემად რჩება ბავშვთა სიღარიბე და ცხოვრების არასათანადო დონე, რაც რიგ შემთხვევაში არასრულწლოვნების ჯანმრთელობას თუ სიცოცხლეს განსაკუთრებული რისკის ქვეშ აყენებს. ბავშვთა დაცვისა და სოციალური სისტემა ვერ უზრუნველყოფს არასრულწლოვნების დაცვას უკიდურესი სიღარიბისგან. ის პროგრამები, რომელსაც სახელმწიფო სთავაზობს სიღარიბეში მცხოვრებ ოჯახებს, არ არის ორიენტირებული შედეგზე, მათ ინდივიდუალურ საჭიროებებზე და დროულ პრევენციაზე, შესაბამისად, ოჯახების სოციალურ-ეკონომიკური მდგომარეობა ხშირ შემთხვევაში, წლების განმავლობაში არ იცვლება. ამჟამინდელი სოციალური პოლიტიკის პირობებში, სიღარიბეში მცხოვრებ ბავშვიან ოჯახებში პრობლემურია არასრულწლოვნების თუნდაც ელემენტარული საბაზისო საჭიროებების დაკმაყოფილებაც კი“, - აღნიშნულია განცხადებაში.  სრულად...  წყარო: http://ombudsman.ge

ქვემო ქართლი. 22 იანვარს, ადამიანის უფლებების სწავლებისა და მონიტორინგის ცენტრმა (EMC) მარნეულის სოფლების ხულდარას, აღმამედლოს, ქვემო სარალისა და კასუმლოს სათემო ცენტრების აქტივისტებთან ერთად, იმსჯელა ამ სოფლებში იდენტიფიცირებული სოციალური, სამართლებრივი და პოლიტიკური გამოწვევების შესახებ. „ბოლო თვეებში დემოკრატიული კვლევის მეთოდების გამოყენებით ადამიანის უფლებების სწავლებისა და მონიტორინგის ცენტრმა (EMC) აღნიშნული სოფლების საჭიროებები და წუხილები შეისწავლა და სოფლის მოსახლეობისა და სათემო აქვისტების მონაწილეობით სოციალური ცვლილებებისთვის მუშაობის ორგანიზებას გეგმავს. საჭიროებების კვლევა აჩვენებს ადგილობრივი თვითმმართველობის პროცესში მოსახლეობის დაბალი პოლიტიკური მონაწილეობის, სასიცოცხლო რესურსებზე (წყალი, მიწა) და საზოგადოებრივ სიკეთეებზე არასათანადო წვდომის, პოლიციის გულგრილობის, ქალთა საჭიროებების პოლიტიკიდან განდევნის და არაღიარების სერიოზულ და სისტემურ გამოწვევებს“, ნათქვამია ორგანიზაციის ვებგვერდზე. სრულად... წყარო: emc.org.ge