რაჭა–ლეჩხუმი.ასოციაცია „რეგიონული კინოს ასოციაცია" საქართველოს მუნიციპალიტეტებში კინოჩვენებებს აწყოს ღია ცის ქვეშ. 3 დღის მანძილზე თითო ქალაქში ნაჩვენები იქნება ქართული ფრანგული და გერმანული ფილმები. 16, 17, 18 აგვისტოს კინოჩვენები ცაგერში მოეწყო. ორგანიზაციის წევრებმა თვითმმართველობის წარმომადგენლებთან კინოკლუბის შექმნის პერსპექტივებზე ისაუბრეს. დაათვალიერებს რამდენიმე მოქმედი და უმოქმედო ობიექტი, სადაც კინოკლუბის განთავსებაა შესაძლებელი. 19, 20, 21 აგვისტოს კინოჩვენებები გაგრძელდება ამბროლაურის რაიონში. საღამოს 8 საათზე ქართული და უცხოური ფილმების ჩვენება მოეწყობა პარკში, ხოლო დღის 3 საათზე კულტურის სახლში. წყარო: ორგანიზაციის გვერდი სოციალურ ქსელში

აჭარა. 18 აგვისტოს, ბათუმის სახელმწიფო უნივერსიტეტის საკონფერმენციო დარბაზში ახალგაზრდულმა ორგანიზაციამ – „შენ დემოკრატიისკენ" –  სტუდენტური კონფერენცია გამართა. კონფერენციის თემა იყო „უნივერსიტეტი და პოლიტიკა". შეხვედრას თბილისის, თელავის, ქუთაისის და ბათუმის უნივერსიტეტის სტუდენტები ესწრებოდნენ. კონფერნცია მიზნად ისახავდა განათლების რეფონრმის შესახებ სტუდენტების მაქსიმალურ ინფორმირებას და საკითხის მიმართ მათი მოსაზებების დაფიქსირებას. კონფერენციის ფარგლებში განხილეს  უნივერსიტეტებში სტუდენტური თვითმმართველობების საკითხი.

ქვემო ქართლი. ორგანიზაცია „ძეგლის მეგობრის" ინიციატივით 17 აგვისტოს საყდრისის ოქროს საბადოს ისტორიული მემკვიდრეობის სტატუსის აღდგენის მოთხოვნით აქცია გამართა. ორგანიზაციის ვებგვერდზე აღნიშნულია, რომ დაახლოებით ერთი თვის წინათ „კულტურისა და ძეგლთა დაცვის სამინისტრომ საყდრისის ოქროს საბადოს გაუუქმა ისტორიული მემკვიდრეობის სატუსი, რის შემდეგაც ის ადგილი გადაეცა ერ ჯი ემ გოლდს". წყარო: ორგანიზაციის გვერდი სოციალურ ქსელში

სამეგრელო. 18 აგვისტოს გაიმართა შეხვედრები  ზუგდიდის მუნიციპალიტეტის სოფლების ყულიშკარისა და ჯიხაშკარის მოსახლეობასთან. შეხვედრები ტარდება ასოციაცია „ათინათის", „საერთაშორისო გამჭვირვალობა-საქართველოს" ზუგდიდის ოფისის და „სამოქალაქო მონიტორინგისა და კვლევების ცენტრის" კოალიციური პროექტის – „საზოგადოების ჩართულობა დემოკრატიული თვითმმართველობისათვის" – ფარგლებში. შეხვედრაზე განიხილეს ადგილობრივი თვითმმართველობის, მოქალაქეთა ჩართულობისა და თვითმმართველობის დაგეგმილი რეფორმის ძირითადი საკითხები. ასევე მოკვლეულ იქნა კონკრეტულ თემში არსებული პრობლემები, რაც გათვალისწინებულ იქნება ზუგდიდის მუნიციპალიტეტის გამგეობის, საკრებულოსა და სხვა უწყებებისათვის შესათავაზებელ რეკომენდაციებში. წყარო: საოქალაქო მონიტორინგისა და კვლევების ცენტრი

თბილისი. ვებგვერდი media.ge ავრცელებს მედიის განვითარების ფონდის განცხადებას, რომელიც ეხმაურება „გურიის მოამბისთვის" ადგილობრივი ხელისუფლების მხრიდან გაზეთის ორი ოფისისთვის უზუფრუქტის გაუქმებას. „...მოვუწოდებთ ადგილობრივი თვითმმართველობების ხელმძღვანელებს, თავი შეიკავონ ისეთი ქმედებებისგან, რაც ამა თუ იმ ფორმით პრობლემებს შეუქმნის მედიის საქმიანობას და ნეგატიურად აისახება საარჩევნო გარემოზე" ნათქვამია განცხადებაში. სრულად წყარო: media.ge

თბილისი. ორგანიზაცია „იდენტობა" აქვეყნებს ანალიზისა და კონსულტაციის ჯგუფის ACT–ის სოციოლოგიურ კვლევას 17 მაისის მოვლენების გარშემო. როგორც იდენტობის საიტზეა აღნიშნული კვლევითმა ორგანიზაციამ სოციოლოგიური კვლევა, 17 მაისს განვითარებული მოვლენებიდან, სამი თვის თავზე ჩაატარა, როცა ემოციები ჩაცხრა. კვლევა თბილისის მასშტაბით ჩატარდა. სრულად წყარო: identoba.com

თბილისი. საქართველოს ჟურნალისტური ეთიკის ქარტია გამოეხმაურა „გურიის მოამბის" განცხადებას. ამის შესახებ ვებგვერდი media.ge წერს. მისი ინფორმაციით, რომელიც „გურიის მოამბის" განცხადებას ეყრდნობა, ოზურგეთის საკრებულოს „გურიის მოამბის" ორ ოფისზე სასყიდლიანი უზრუფრუქტი გააუქმაა. ,,საქართველოს ჟურნალისტური ეთიკის ქარტიისთვის" გაუგებარი და მიუღებელია ოზურგეთის საკრებულოს გადაწყვეტილება, რაც რეალურად აფერხებს ადგილობრივი მედიაოგრანიზაციის ფუნქციონირებას. ოზურგეთის საკრებულოს გადაწყვეტილების საფუძვლად ოზურგეთში სტატისტიკის სამსახურის განთავსების აუცილებლობა სახელდება. მოვუწოდებთ ადგილობრივ მთავრობას ისე მოიძიოს საჭირო ფართი, რომ ხელი არ შეუშალოს ადგილობრივი მედიაორგანიზაციის საქმიანობას", ნათქვამია ვებგვერდზე media.ge. სრულად წყარო: media.ge

თბილისი. პროექტ „დამოუკიდებლობა 4"– ის ფარგლებში საქართველოში, 18–23 აგვისტოს, პოლონელი სპეციალისტები ჩამოვლენ. პროექტს ორგანიზაციები „მარიანი", ასოციაცია „სათავე" და პოლონური არასამთავრობო ორგანიზაცია „არი არი" ახორციელებენ. პოლონელი სპეციალისტების მიზანია სუპერვიზია გაუწიონ ქართელ ჰიპოთერაპევტებს, ისინი შეაფასებენ მათ მუშაობას და მათთან ერთად დაისახავენ რეაბილიტაციის სისტემის განვითარების გზებს. ასევე დაგეგმილია შეხვედრები ჰიპო და დოგოთერაპევტებთან, ფსიქოლოგებთან, უსინათლოთა სივრცეში ორიენტაციის ინსტრუქტორებთან, ბენეფიციარებთან და მათი ოჯახის წევრებთან. ივნისში ამავე პროექტის ფარგლებში საგარეჯოს სარეაბილიტაციო ცენტრში მოეწყო ჰიპოთერაპიის ბანაკი უსინათლო და მცირემხედველი ბავშვებისთვის. წყარო: „მარიანის" გვერდი სოციალურ ქსელში

ბავშვთა და ახალგაზრდობის განვითარების ფონდის მიერ გამოცხკადებული საგრანტო კონკურსის ფარგლებში გრძელდება საინფორმაციო შეხვედრები. 19 აგვისტოს შეხვედრები გაიმართება: 12:00 საათი სიღნაღის მუნიციპალიტეტი; 13:00 საათი ლაგოდეხის მუნიციპალიტეტი; 15:00 საათი ყვარლის მუნიციპალიტეტი; 18:00 საათი ახმეტის მუნიციპალიტეტი.

19 აგვისტოს 12:30 საათზე უფლებადამთველთა გაერთიანების თავმჯდომარე ნიკოლოზ მჟავანაძე პრესკონფოერენციას გამართავს. მისამართი: თბილისი, ვაჟა–ფშაველას 45, „პრესკლუბი მე–17 სართულზე"

თბილისი. ადამიანის უფლებების სწავლებისა და მონიტორინგის ცენტრმა (EMC) აგვისტოდან დაიწყო ახალი პროექტი „საჯარო სკოლებში სეკულარული და ტოლერანტული გარემოს ხელშეწყობა". პროექტი დაფინანსდა ბრიტანეთის საელჩოს მიერ. პროექტის მიზანია "კვლევის საფუძველზე იმ სისტემური პრობლემების გამოვლენა, რაც ხელს უშლის განათლების სფეროში რელიგიურად ნეიტრალური და ტოლერანტული გარემოს არსებობას", ნათქვამია ორგანიზაციის ვებგვერდზე სოციალურ ქსელში.. კვლევა საჯარო სკოლების პრაქტიკასა და სახელმწიფო პოლიტიკის შესწავლის მიმართულებით განხორციელდება, რომლის შედეგების საფუძველზე მომზადდება დოკუმენტი და შემუშავდება რეკომენდაციები. სრულად წყარო: ორგანიზაციის გვერდი სოციალურ ქსელში

თბილისი.თბილისის ადამიანის უფლებათა სახლს საზოგადოებრივმა მაუწყებელმა სოციალური რეკლამის განთავსებაზე უარი უთხრა, ამის შესახებ ინფორმაციას media.ge ავრცელებს. უარის საფუძვლად მაუწყებლის გენერალურ დირექტორს  „მაუწყებლობის შესახებ" საქართველოს კანონის მეორე მუხლი მოჰყავს. ადამიანის უფლებათა სახლის გამგეობის თავმჯდომარე: „ჩვენი ვიდეორგოლი უდავოდ საზოგადოებრივი სიკეთის ხელშეწყობისკენ არის მიმართული, რადგან ვეხმარებით სოციალურად დაუცველ მოქალაქეებს, რომლებსაც იურიდიული დახმარებისთვის არა აქვთ საშუალება კერძო იურიდიულ კომპანიებს მიმართონ, აქედან გამომდინარე,  სოციალური რეკლამა ვერ ჩაითვლება კომერციულ რეკლამად, მითუმეტეს, ჩვენი ორგანიზაცია არის არასამეწარმეო  იურიდიული პირი და კომერციული მიზნები არ გაგვაჩნია", ნათქვამია საიტზე. სრულად წყარო: media.ge

თბილისი. 16 აგვისტოს არასამთავრობო ორგანიზაცია „ადამიანის უფლებების დაცვისა და ანტიკორუფციული კავშირის" და საჯარო რეესტრის ეროვნული სააგენტოს ორგანიზებით, თხუთმეტმა რუსთაველმა მზრუნველობამოკლებულმა მოზარდმა სააგენტოში ერთი სამუშაო დღე გაატარა. საჯარო რეესტრის თანამშრომლებმა მოზარდებს გააცნეს სამსახურის ფუნქციები, მუშაობის სპეციფიკა, უპასუხეს მათ შეკითხვებს სამუშაო პროცესთან და მუშაობის პრინციპებთან დაკავშირებით. ბავშვებმა დაათვალიერეს ტექნიკური ინფრასტრუქტურა, სკანირების ცენტრი, ელექტრონული და ქაღალდის არქივები. სტუმრობის მიზანი იყო მზრუნველობამოკლებული მოზარდების სოციალური ინტეგრაცია, მათი მოტივაციის ამაღლება და პროფესიული განვითარების სტიმულირება. წყარო: საჯარო რეესტრის ეროვნული სააგენტოს გვერდი სოციალურ ქსელში

მცხეთა–მთიანეთი.  15 აგვისტოს, დუშეთში საქართველოს წითელი ჯვრის საზოგადოების კატასტროფების მართვის დეპარტამენტმა ჰუმანიტარულ დახმარება სტიქიით დაზარალებულებს გადასცა.  ორგანიზაციამ პირველადი მოხმარების ნივთები და სურსათი 130 ოჯახს დაურიგა. დუშეთის მუნიციპალიტეტის მოსახლეობა 19 ივლისს, ძლიერი წვიმების შედეგად დაზარალდა.  წყარო:ორგანიზაციის გვერდი სოციალურ ქსელში

თბილისი. ადამიანის უფლებათა ცენტრი მსჯავრდებულ გია ალავიძის საქმის შესწავლას მოითხოვს, ნათქვამია თბილისის ადამიანის უფლებათა სახლის ვებგვერდზე. პუბლიკაციაში აღნიშნულია: „გია ალავიძე იმ სკანდალური ვიდეოკადრების ავტორია, რომელიც 2009 წლის 25 მაისს გაშუქდა ტელეკომპანია „მაესტროს"  ეთერით, გადაცემაში - „პროფესია ჟურნალისტი". კადრებში ნათლად არის ასახული, როგორი პრივილეგიებით სარგებლობდნენ სანდრო გირგვლიანის გახმაურებული მკვლელობისათვის მსჯავდებული პირები სასჯელაღსრულების დაწესებულებაში. სწორედ აღნიშნული ვიდეოკადრების გასვლის შემდგომ დაიწყო გია ალავიძის  დევნა, რასაც მოჰყვა მის წინააღმდეგ წარმოებული სისხლის სამართლის საქმე და 20 წლით თავისუფლების აღკვეთა". ადამიანის უფლებათა ცენტრმა, როგორც ვებგვერზეა აღნიშნული, შეისწავლა აღნიშნული საქმე და მიიჩნევს, რომ მთავარმა პროკურატურამ და პარლამენტის ადამიანის უფლებათა დაცვის კომიტეტმა უნდა შეისწავლოს აღნიშნულ საქმეში არსებული დარღვევები და მოახდინოს რეაგირება. სრულად წყარო: humanrightshousetbilisi.wordpress.com

ქვემო ქართლი. 14 აგვისტოს გარდაბნის ახალგაზრდული ცენტრის ფასილიტატორები ახალგაზრდული ცენტრის წევრებს შეხვდნენ. შეხვედრაზე განიხილეს ცენტრში არსებული პრობლემები და გააკეთეს ახალი ქვეკლუბების პრეზენტაციები. წყარო:ორგანიზაციის გვერდი სოციალურ ქსელში

თბილისი. ორგანიზაცია „ჯამპსტარტ ჯორჯია"  შსს–დან გამოითხოვა დანაშაულის სტატისტიკა, რომლის ვიზუალიზაცია ფერად ინფოზე 15 აგვისტოს განთავსდა. როგორც ვებგვერდზეა ნათქვამი –  „...მიღებული ინფორმაცია არასრულია და არ შეესაბამება მოთხოვნას". ორგანიზაცია შს სამინისტროს მიმართავს „ოფიციალურ ვებგვერდზე (police.ge) ელექტრონულ ფორმატში (exl, cvs, xml) გამოაქვეყნოს დანაშაულის დეტალური სტატისტიკა, რათა საზოგადოებამ უკეთ გაიგოს, როგორია კრიმინოგენული ვითარება საქართველოში", ნათქვამია ორგანიზაციის ერთ–ერთი პროექტის ფერადი ინფოს ვებგვერდზე. ორგანიზაციამ ამ მიზნით შექმნა ელექტრონული პეტიცია. სრულად წყარო: feradi.info

15-დან 25 აგვისტოს ჩათვლით ქალაქ თეოდოსიაში (უკრაინაში) ჩატარდება კრეატიული სემინარი  საერთაშორისო პროექტის – „კულტურის ახალი სიცოცხლე: ხელოვნება ასაზრდოებს მემკვიდრეობის" –  ფარგლებში. 10 დღის განმავლობაში 21 ახალგაზრდა ხელოვანი უკრაინიდან, საქართველოდან და სომხეთიდან იმუშავებს ქალაქსა და უშუალოდ თეოდოსიის ანტიკური ხანის მუზეუმში, ჩაატარებენ ფოტო გამოფენას და განავითარებენ თავიანთ შემოქმედებით იდეებს სამუზეუმო სფეროში. აღნიშნული შემოქმედებითი ვორქშოფი არის ერთ-ერთი იმ შვიდი ღონისძიებათაგანი, რომლებიც ტარდება 2012 წლის სექტემბერი - 2013 წლის სექტემბრის პერიოდში. წყარო: cso.ge

16 აგვისტოს, 14:00 საათზე, თბილისის ადამიანის უფლებათა სახლის საკონფერენციო დარბაზში, ადამიანის უფლებათა ცენტრი პრესკონფერენციას გამართავს. თემა: სანდრო გირგვლიანის მკვლელობისათვის მსჯავრდებულთა შესახებ სკანდალური ვიდეოკადრების ავტორის, გია ალავიძის საქმე. მისამართი: თბილისი, მელიტონ ქანთარიას #11ა (ყოფილი გაგარინის II შესახვევი). 

ბავშვთა და ახალგაზრდობის განვითარების ფონდის მიერ გამოცხკადებული საგრანტო კონკურსის ფარგლებში გრძელდება საინფორმაციო შეხვედრები. 16 აგვისტოს შეხვედრები გაიმართება: 12:00 საათი ქუთაისის დემოკრატიული ჩართულობის ცენტრი 12:00 საათი წყალტუბოს მუნიციპალიტეტი 15:00 საათი ბაღდათის მუნიციპალიტეტი 15:00 საათი ხონის მუნიციპალიტეტი 18:00 საათი ვანის მუნიციპალიტეტი

თბილისი. პირადი ცხოვრების ამსახველი ფარული ჩანაწერების განადგურება, რომელიც 15 აგვისტომდე უნდა მომხდარიყო, რამდენიმე დღით გადაიდო, იტყობინება media.ge. „უკანონოდ მოპოვებული  ჩანაწერების შემსწავლელი სპეციალური კომისიის წევრმა, გაზეთ „რეზონანსის" მთავარმა  რედაქტორმა, ლაშა ტუღუშმა, შს სამინისტროდან მიღებულ ინფორმაციაზე დაყრდნობით, Media.Ge-ს უთხრა, რომ კადრების განადგურება კომისიის რამდენიმე წევრის თბილისში არყოფნის გამო გადაიდო", ნათქვამია საიტზე. სრულად წყარო: media.ge

აჭარა. ასოციაციამ „ღირსეულმა სიბერემ" ტრადიციული საქველმოქმედო კვირეული – „ჩვენც დავბერდებით" დაიწყო. მისი მიზანია საზოგადოებაში ქველმოქმედების და მოხალისეობის კულტურის განვითარება. ახალგაზრდული მოხალისეთა ჯგუფები სპეციალური მაისურებით და შუშის ყულაბებით ქობულეთის თითქმის ყველა ხალხმრავალ უბანს ეწვევიან, გავრცელდება საინფორმაციო მასალა, გაიმართება ხელნაკეთი ნივთების საქველმოქმედო გამოფენა -გაყიდვა. შეგროვებული თანხა მოხმარდება უმწეო ხანდაზმულთათვის საკვები პროდუქტების და მედიკამენტების შეძენას, რომლებსაც მოხალისეები ბენეფიციარებს მარიამობის დღესასწაულზე გადასცემენ. სრულად  წყარო: ორგანიზაციის გვერდი სოციალურ ქსელში