იმერეთი. 25 ოქტომბერს, ზესტაფონის რაიონის #6    საჯარო  სკოლაში სამოქალაქო განათლების  და პედაგოგთა გადამზადების პროგრამის ფარგლებში ჩატარდა ტრენინგი თემაზე „აქტიური მოქალაქეობა". ტრენინგს ესწრებოდნენ პროგრამის პარტნიორი სკოლების წარმომადგენლები. მსმენელები გაეცვნენ მოქალაქის სტატუსს და როლს, მოქალაქეობრივ უფლება-მოვალეობებს და პასუხისმგებლობებს, სამოქალაქო საზოგადოების როლს და ა.შ. მათ ასევე ტრენინგზე შეასრულეს პრაქტიკული სამუშაოები. სამოქალაქო განათლების  და პედაგოგთა გადამზადების პროგრამა საქართველოში ხორციელდება PH-International-ის მიერ USAID-ის ფინანსური მხარდაჭერით სფერო: სამოქალაქო საზოგადოება, სრულად წყარო: kedec.ge

ქვემო ქართლი. სიქა–ს ევროპული მოხალისეობრივი სერვისის პროგრამის მონაწილეები 27 ოქტომბერს გამართავენ აქციას სახელწოდებით „მე დავასუფთავე ჩემი ქუჩა, შენ?". 11 საათიდან სამ საათამდე რუსთავში მოხალისეები დაასუფთავებენ გარვეულ ქუჩებს. აქციაზე ორგანიზატორები ეპატიჟებიან ორგანიზაციებს, სკოლებს, სხვა დამოუკიდებელ ჯგუფებს, ისინი უზრუნველყოფილნი იქნებიან ნაგვის პარკებითა და ხელთათმანებით.   სოციალურ ქსელში შექმნილია სპეციალური ჯგუფი, სადაც შეგიძლიათ გაეცნოთ სიახლეებს აქციის შესახებ. წყარო: CENN

კახეთი. 20 ოქტომბერს, თელავში  სამოქალაქო განათლებისა და პედაგოგთა გადამზადების პროგრამის ფარგლებში ჩატარდა სამოქალაქო განათლების პედაგოგების საწვრთნელი პროგრამის შემაჯამებელი შეხვედრა. შეხვედრას უძღვებოდა  სამოქალაქო განათლების პედაგოგთა ფორუმის კონსულტანტი და  ესწრებოდა 18 პედაგოგი კახეთის რეგიონიდან.  შეხვედრა მიზნად ისახავდა ჩატარებული საწვრთნელი პროგრამის პრაქტიკული საქმიანობის შეფასებას, გამოცდილების გაზიარებას და რეკომენდაციების მიღებას, რომელიც შემდომში გააუმჯობესებს და ხელს შეუწყობს პედაგოგების საქმიანობას. სრულად წყარო: civics.ge

26 ოქტომბერს, 16:00 საათზე, „ინტერნიუს-საქართველო" ცენტრალურ საარჩევნო კომისიასთან ერთად გამართავს მედიის მონიტორინგის პროექტის ,,სიძულვილის ენა წინასაარჩევნო პერიოდში" შემაჯამებელი შედეგების პრეზენტაციას. მისამართი: თბილისი, სასტუმრო ,,თბილისი მარიოტი"

26 ოქტომბერს, 13:00 საათზე, ,,საქართველოს პოლიციის ვეტერანთა კავშირი" გამართავს ბრიფინგს თემაზე ,,პოლიციელთა არაკანონიერი დათხოვნა". მისამართი: ბათუმი, ფარნავაზ მეფის 62/64, დემოკრატიული ჩართულობის ცენტრი.

სამცხე–ჯავახეთი. 25 ოქტომბერს ახალციხის მუნიციპალიტეტის გამგეობის ფეისბუქის ოფიციალურ გვერდზე  მორიგი ონლაინ კონფერენცია გაიმართა. ამჯერად მოსახლეობის კითხვებს  საკრებულოს მთავარმა სპეციალისტმა იურიდიულ საკითხებში ირინა ყურმაშვილმა უპასუხა. კონფერენციის შესახებ განცხადება რამდენიმე დღით ადრე გავრცელდა. მოსახლეობის კითხვები ძირითადად  ქალაქის გაზიფიცირების დასრულებას, ქუჩების და საცხოვრებელი კორპუსების კეთილმოწყობას და ინფრასტრუქტურის გაუმჯობესებას შეეხებოდა. ონლაინ კონფერენცია ახალციხის მუნიციპალიტეტის ფეისბუკის გვერდზე 30 აგვისტოდან, პროექტ „გამჭვირვალე თვითმმართველობის" ფარგლებში იმართება, რომელსაც არასამთავრობო ორგანიზაცია „დემოკრატ მესხთა კავშირი" ახორციელებს. მოქალაქეთა კითხვებს უკვე უპასუხეს ახალციხის მუნიციპალიტეტის გამგებელმა და სხვა წარმომადგენლებმა. პროექტის  მიზანია გააადვილოს  თანამშრომლობა თვითმმართველობის წარმომადგენლებსა და მოსახლეობას შორის.

თბილისი. საქართველოს ახალგაზრდა იურისტთა ასოციაციის მედიის სამართლებრივი დაცვის ცენტრი ეხმაურება ტელეკომპანია „პიკის" გარშემო განვითარებულ მოვლენებს. 12 ოქტომბრიდან ტელეკომპანია პიკის საქმიანობა შეფერხდა. დღეისათვის ტელეკომპანია პიკის ჟურნალისტები ვერ ახორციელებენ პროფესიულ საქმიანობას. მედიის სამართლებრივი ცენტრის განცხადებით  ამ საკითხის ირგვლივ გამოქვეყნებული დოკუმენტები ძალიან ბევრ კითხვას აჩენს, როგორც საზოგადოებრივი მაუწყებლის, ისე ტელეკომპანია პიკის ხელმძღვანელობის მიმართ. სრულად წყარო: gyla.ge

იმერეთი. 25 ოქტომბერს, ზესტაფონის  მუნიციპალიტეტის  სოფელ შორაპანის   საჯარო  სკოლაში, სამოქალაქო განათლების  და პედაგოგთა გადამზადების პროგრამის ფარგლებში სამოქალაქო კლუბების კოორდინატორმა   სამუშაო შეხვედრა გამართა კლუბის წევრებთან. სამოქალაქო კლუბი აერთიანებს 27 წევრს. სამოქალაქო კლუბის წევრებს მიაწოდეს ინფორმაცია კლუბური მუშაობის პრინციპების შესახებ, გააცნეს კლუბის დებულება, კლუბის წევრებმა შეიმუშავეს მომდევნო სამი თვის საქმიანობის გეგმა და ა.შ. სამოქალაქო განათლების  და პედაგოგთა გადამზადების პროგრამა ხორციელდება  PH-International-ის მიერ USAID-ის ფინანსური მხარდაჭერით სრულად წყარო: kedec.ge

26 ოქტომბერს, 12:00 საათზე, "საქართველოს ანტიკორუფციული პალატა" გამართავს ბრიფინგს თემაზე "შესაძლო გაყალბებები და დარღვევები". მისამართი: ბათუმი, ფარნავაზ მეფის 62/64, დემოკრატიული ჩართულობის ცენტრი

26 ოქტომბერს, 15:00 საათზე, დემოკრატიული ჩართულობის ცენტრში, Izone  გამართავს საჯარო დისკუსიას თემაზე: სტუდენტური პროტესი. მისამართი: ქუთაისი, პუშკინის ქუჩა. #6

თბილისი. ინფორმაციის თავისუფლების განვითარების ინსტიტუტმა (IDFI) განახორციელა კვლევა, რომლის ფარგლებშიც მონიტორინგი ჩაუტარდა საქართველოს სასამართლო სისტემაში შემავალი 16 სასამართლოს ოფიციალურ ვებგვერდს: შეფასდა მათი ინფორმაციული გამჭვირვალობა და ტექნიკური გამართულობის ხარისხი. კვლევის მიხედვით საქართველოს სასამართლო ხელისუფლების 41 ორგანოდან ოფიციალური ვებ გვერდი მხოლოდ 16-ს აქვს. IDFI-ს მიერ ჩატარებულმა კვლევამ აჩვენა, რომ საქართველოს სასამართლო ხელისუფლების ორგანოთა საიტების უმეტესობა ელექტრონული გამჭვირვალობის შეფასების კუთხით ნაკლებად ინფორმაციულია მომხმარებლისთვის, ხოლო ტექნიკური გამართულობის ინდექსით არ შეესაბამება თანამედროვე ვებ-სტანდარტებს. სრულად კვლევა „სასამართლო სისტემის ელექტრონული გამჭივრვალობა საქართველოში" წყარო: idfi.ge

აჭარა. 23 ოქტომბერს პროექტის "სატურნალია" ფარგლებში უცხოელმა მხატვრებმა საკუთარი ნამუშევრების გამოფენა მოაწყვეს.  გამოფენაზე მისულ დამთვალიერებელს საშუალება ჰქონდა, ენახა ალიონა ტრეშკოსა და პიოტრ კრიუშას პერფომანსის ვიდეო დოკუმენტაციები. ამ ფილმებში ნაჩვენებია, როგორ ხდება ავტორი ტრადიციების მსხვერპლი.  საგამოფენო სივრცეში მისულ სტუმრებს შეეძლოთ ენახათ ირინა კორინას „საფრთხობელა", რომელიც წარმოადგენდა რუსულ საზოგადოებაში არსებული ფობიების ერთობლიობას. გამოფენაზე წარმოდგენილი იყო ორი ახალგაზრდა მხატვრის მიერ საპნისგან დამზადებულ მოედანზე წარმოდგენილი ადამიანთა ციგურაობა, რომლის იდეაც ადამიანის უტოპიური მისწრაფებების პაროდიაში მდგომარეობდა.

ქვემო ქართლი. ქვემო ქართლის რეგიონის  სასკოლო სამოქალაქო კლუბების წევრები შეხვდნენ მოწვეულ სტუმარს, ორგანიზაცია ლელი–ს დირექტორს,  ნანა ნერსეზაშვილს. შეხვედრაზე სტუმარმა მოსწავლეებს უამბო თავისი საქმიანობის შესახებ. მან ასევე მოუწოდა ახალგაზარდებს ინიციატივების გამოჩენისა და განხორციელებისკენ.  შეხვედრა შედგა მარნეულის დემოკრატიული ჩართულობის ცენტრში და მას დაესწრო პროგრამაში ჩართული 13  საჯარო სკოლის 63 მოსწავლე. სრულად წყარო: civics.ge

25 ოქტომბერს, 13.00 საათზე, არასამთავრობო ორგანიზაციების კოალიცია საქართველოს ხელისუფლებისადმი მიმართვას გააკეთებს.  მისამართი: თბილისი, ჭოველიძის ქუჩა #10, ფონდი "ღია საზოგადოება - საქართველოს" ოფისი

გურია. 24 ოქტომბერს ახალგაზრდა პედაგოგთა კლუბის სააქტო დარბაზში ჩატარდა პრეზენტაცია, რომელზეც ამ ორგანიზაციის წევრებმა წარადგინეს მათ მიერ განხორციელებული მონიტორინგის შედეგები. გურიის საჯარო სკოლებში წყლისა და სველი წერტილების სანიტარულ-ჰიგიენური მონიტორინგის პროცესი 2011 წლის 1 მაისიდან 2012 წლის 30 ივლისამდე მიმდინარეობდა და მის განხორციელებაში ოზურგეთის „ახალგაზრდა პედაგოგთა კავშირთან" ერთად  ამერიკის შეერთებული შტატების მშვიდობის კორპუსის წარმომადგენელიც მონაწილეობდა. მონიტორინგის მიზანს წარმოადგენდა იმის დადგენა, თუ რამდენად შეესაბამება საქართველოში რეკომენდირებულ სააღმზრდელო ნორმებსა და სტანდარტებს გურიის რეგიონის საჯარო სკოლებში არსებული სველი წერტილების (წყლის ონკანები და ტუალეტები) მდგომარეობა. მონიტორინგის შედეგების პრეზენტაციას დაესწრო, ოზურგეთში მოქმედი არასამთავრობო ორგანიზაციების, ადგილობრივი მედიის, ადგილობრივი თვითმმართველობის, საჯარო სკოლებისა და განათლების რესურსცენტრების წარმომადგენლები.

იმერეთი.ახალგაზრდა ეკონომისტთა ასოციაციის იმერეთის წარმომადგენლობამ პროექტ „ჩაერთე შენი ქალაქის მართვაში" ფარგლებში მომზადებული პუბლიკაციების პრეზენტაცია გამართა. პრეზენტაციაზე, ქალაქის საბიუჯეტო კალენდარი და საინფორმაციო ბროშურა წარადგინეს. კერძოდ ადგილობრივი თვითმართველობის უფლებამოსილებები და საბიუჯეტო პროცესი თვითმმართველობაში. პროექტი „ჩაერთე შენი ქალაქის მართვაში" მიზნად ისახავს ქუთაისის მოსახლეობის სამოქალაქო აქტიურობის ზრდის ხელშეწყობას. ასევე მოქალაქეთა ინფორმირებას თვითმმართველობის ფუნქციებისა და ადგილობრივი ბიუჯეტის შესახებ, ადგილობრივი ხელისუფლების ანგარიშვალდებულების ამაღლებას სამოქალაქო მონიტორინგის ზრდით. შეხვედრაში მონაწილეობა არასამთავრობო სექტორის, ადგილობრივი მედია საშუალებებისა და ხელისუფლების წარმომადგენლებმა მიიღეს.

თბილისი. ქალთა ფონდი საქართველოში თავისი გრანტის მიმღებების მიერ ნაწარმოები ნატურალური პროდუქტის გამოფენა-გაყიდვას აწყობს. ღონისძიების მიზანია საზოგადოებას გააცნოს ქალთა ფონდის პროექტის ”ქალთა ეკონომიკური გაძლიერება საქართველოს პოსტ-კონფლიქტურ ზონასა და ძნელად მისადგომ რეგიონებში” ძირითადი შედეგები და მიღწევები. პროექტი ხორციელდება ამერიკის შეერთებული შტატების საერთაშორისო განვითარების სააგენტოს (USAID) მხარდაჭერით. გამოფენა-გაყიდვას დაესწრებიან პროექტის მონაწილეები, რომლებიც წარმოადგენენ პროექტის ფარგლებში შექმნილ პროდუქტს, ხოლო სტუმრებს საშუალება ექნებათ ადგილზე შეიძინონ პროდუქტი.  გამოფენა–გაყიდვა გაიმართება 29 ოქტომბერს. სრულად წყარო: ორგანიზაციის გვერდი სოციალურ ქსელში

სამცხე–ჯავახეთი. 24 ოქტომბერს მცირე გრანტების პროგრამის ფარგლებში დაბა  ვალეს #2 საჯარო სკოლაში გაქტიურდა შიდა სასკოლო რადიო. რადიოქსელის საშუალებით სამოქალაქო კლუბისა და სკოლის თვითმმართველობის წევრები გაავრცელებენ ინფორმაციას კლუბური მუშაობის შესახებ.   როგორც სკოლის დირექციის, ასევე პედაგოგებისა და მოსწავლეების აზრით რადიოს მუშაობა ხელს შეუწყობს მოსწავლეების აქტიურ ჩართვას საკლუბო და სასკოლო ცხოვრებაში. მცირე გრანტების პროგრამას სამცხე–ჯავახეთში ახალციხის ახალგაზრდული ცენტრი ახორციელებს.

აჭარა. 23 ოქტომბერს, ბათუმის დემოკრატიული ჩართულობის ცენტრის ორგანიზებით გაიმართა საჯარო დისკუსია თემაზე "აჭარის მთვარობის თავმჯდომარე: დანიშვნითი თუ არჩევითი თანამდებობა". დისკუსიაში მონაწილეობა მიიღო "ერთიანი ნაციონალური მოძრაობის", კოალიცია "ქართული ოცნების" წარმომადგენლებმა, ასევე არასამათავრობო ორგანიზაციის "საქართველოს ახალგაზრდა იურისტთა ასოციაციის" აჭარის ფილიალის თავმჯდომარემ და სხვადასხვა პოლიტიკური პარტიების, საზოგადოებრივი ორგანიზაციების, სტუდენტებისა და მედიის წარმომადგენლებმა. შეხვედრის მონაწილეებმა ისაუბრეს აჭარის მთავრობის თავმჯდომარის დანიშვნის წესსა და პროცედურებზე. პოლიტიკური პარტიების და საზოგადოების ერთი ნაწილი თვლის, რომ მთავრობის თავმჯომარის კანდიდატურის წარდგენა პრეზიდენტისგან ხელს შეუშლის ავტონომიის თვითგანვითარებას, მეორე ნაწილი კი მიიჩნევს რომ აჭარის მთავრობის თავმჯდომარის თანამდებობა არჩევითი უნდა იყოს, ან როგორც პრემიერის შემთხვევაშია, უნდა დასახელდეს იმ პოლიტიკური სუბიექტის მიერ, რომელმაც არჩევნებში ხმათა უმრავლესობა მიიღო.

ქვემო ქართლი. 23 ოქტომბერს ძველი ქვეშის აზერბაიჯანულ სკოლაში ქართული ბიბლიოთეკის პრეზენტაცია მოეწყო. ბიბლიოთეკა ACETT პროგრამის საგრანტო პროექტის ფარგლებში შეიქმნა. პროგრამაში ჩართულია 34 არაქართული სკოლა ქვემო ქართლის რეგიონიდან. შეხვედრას ესწრებოდნენ ადგილობრივი ხელისუფლების წარმომადგენლები, სოფლის დეპუტატი, მეზობელი აზერბაიჯანული სკოლების მოსწავლეები და პედაგოგები. სრულად წყარო: SIQA-ს ოფიციალური გვერდი სოციალურ ქსელში

25 ოქტომბერს, 12:00 საათზე, "ინფორმაციის თავისუფლების განვითარების ინსტიტუტი" (IDFI) საქართველოს სასამართლო სისტემის ელექტრონული რესურსების მონიტორინგის შედეგებს წარმოადგენს. მისამართი: თბილისი, სასტუმრო "ქორთიარდ მარიოტი" 

თბილისი. საზოგადოებრივი ორგანიზაციები და გაერთიანებები კიდევ ერთხელ მიმართავენ პარლამენტს წინადადებით, საქართველოს სახალხო დამცველის პოზიციაზე წარადგინონ და აირჩიონ თამარ გურჩიანი. ამ რეკომენდაციით საზოგადოებრივმა ორგანიზაციებმა პირველად პარლამენტს 11 ოქტომბერს მიმართეს. მაშინ განცხადებას 39 ორგანიზაცია აწერდა ხელს, ამ დროისათვის მათი რაოდენობა 98–ია. განცხადება წყარო: gyla.ge