29 ოქტომბერს, 14:00 საათზე, „წამების მსხვერპლთა ფსიქო-სოციალური და სამედიცინო რეაბილიტაციის ცენტრი" (GCRT) პრესკონფერენციას გამართავს. თემა: „არასრულწლოვან მსჯავრდებულთა მდგომარეობა".  მისამართი: თბილისი, ჭოველიძის ქუჩა #10

სამცხე–ჯავახეთი. 26 ოქტომბერს ახალციხის დემოკრატიული ჩართულობის ცენტრმა ქალთა პრობლემებზე სასაუბროდ დისკუსია გამართა, რომელსაც ესწრებოდნენ საზოგადოების წარმომადგენლები, სტუდენტები. დოკუმენტური ფილმის „ქალები საქართველოდან” ჩვენების შემდეგ გაიმართა დისკუსია. მსჯელობის საგანი გახდა ემიგრანტი ქალების სოციალურ-ეკონომიკური და ფსიქოლოგიური მდგომარეობა.  შეხვედრის მონაწილეებმა შეიმუშავეს რეკომენდაციები გაეროს ქალთა ფონდის სხდომაზე წარსადგენად. ღონისძიებაზე სტუმრის სტატუსით იმყოფებოდა გაეროს ქალთა ფონდის სამოქალაქო საზოგადოების მრჩეველთა საბჭოს წევრი, პროექტის – „ქალები ერთიანდებიან კონფლიქტებს მიღმა” ექსპერტი გულიკო ბექაური. შეხვედრას საფუძვლად დაედო გაეროს ქალთა ორგანიზაციის კვლევის შედეგები, რომლის მიხედვით საქართელოში ქალთა 35 % სახვადასხვა სახის ძალადობის მსხვერპლია, ხოლო 50% სიღარიბის ზღვარს მიღმაა, რაც განაპირობებს მათ მიგრაციას სხვადასხვა ქვეყნებში სამუშაოს საძებნელად.

თბილისი. „ინტერნიუს - საქართველომ"  წინასაარჩევნო მედიამონიტორინგის შემაჯამებელი შედეგების პრეზენტაცია 26 ოქტომბერს გამართა. „სიძულვილის ენა წინასაარჩევნო პერიოდში" – ასე ჰქვია მონიტორინგს, რომლის მიზანსაც წინასაარჩევნო პერიოდში ქართულ მედიაში სიძულვილის ენის გამოვლენა წარმოადგენდა. პროექტის ფარგლებში მონიტორინგი შემდეგ მედიასაშუალებებს ჩაუტარდათ შემდეგ ტელეკომპანიებს: საზოგადოებრივი მაუწყებელი, რუსთავი-2, იმედი, მაესტრო, მე-9 არხი, კავკასია, რეალ ტვ; რადიოებს: რადიო 1, იმედი, მწვანე ტალღა, ფორტუნა, აფხაზეთის ხმა, პალიტრა, უცნობი; (მონიტორინგი ჩაუტარდათ საინფორმაციო გადაცემებსა და ტოქ-შოუებს პრაიმ-ტაიმში). ბეჭდურ მედიასაშუალებებს: ალია, კვირის ქრონიკა, ასავალ-დასავალი, კვირის პალიტრა, 24 საათი, რეზონანსი, ახალი თაობა, პრაიმტაიმი, გზა, თბილისელები, რეიტინგი, სარკე, ტაბულა; ინტერნეტ-გამოცემებს: www.netgazeti.ge, www.liberali.ge, www.tribuna.ge, www.droni.ge, www. presa.ge, www. news.ge, www.for.ge, www.ambebi.ge. ანგარიში წყარო: media.ge

იმერეთი. 26 ოქტომბერს,  ქუთაისის დემოკრატიული ჩართულობის ცენტრში, ორგანიზაცია „ინოვაციური ზონის" ინიციატივით  გაიმართა საჯარო დისკუსია თემაზე: სტუდენტური პროტესტი. ლიტერატურის მუზეუმის დირექტორმა ლაშა ბაქრაძემ სტუდენტური მოძრაობების  ევროპულ ტრადიციებზე ისაუბრა.  მოხსენებები წაიკითხეს ლაბორატორია 1918–ის  წევრებმა, სტუდენტებმა სალომე დანელიამ და გიორგი ჩუბინიძემ – მათ ლაბორატორიის საქმიანობა და მიზნები გააცნეს მსმენელელებს. შეხვედრის დასასრულს ერეკლე დეისაძემ არტისტულ პროტესტსა და პროტესტის ესთეტიკაზე ისაუბრა.

თბილისი. „საერთაშორისო გამჭვირვალობა – საქართველო" ეხმაურება ტელეკომუნიკაციის სფეროში სამართალდამცავი ორგანოების მიერ მოქალაქეების უკანონო „მოსმენების" თემას. ორგანიზაცია მოუწოდებს ახალ ხელისუფლებას, გამოიძიოს ქვეყანაში მოქალაქეთა უკანონო „მოსმენების" ფაქტები. ასევე მნიშვნელოვნად მიიჩნევს, რომ საქართველოში მოქმედმა ყველა ოპერატორმა საჯარო გახადოს მათ ხელთ არსებული ინფორმაცია უკანონო ქმედებებთან დაკავშირებით.  სრულად წყარო: transparency.ge

აჭარა. 26 ოქტომბერს ბათუმის პრესკაფეში, აჭარის ავტონომიური რესპუბლიკის ხელოვანთა ნაწილმა გამართა დისკუსია,  თემაზე „კულტურის განვითარების ასპექტები აჭარის ავტონომიურ რესპუბლიკაში". დისკუსიის მიზანი იყო შესაბამისი საკითხების კვლევა, ანალიზი და პრობლემების გადაჭრის გზების მოძიება. შეხვედრას ესწრებოდნენ ადგილობრივი საზოგადოებრივი ორგანიზაციების, პოლიტიკური პარტიების და მედია საშუალებების წარმომადგენლები.  მომხსენებლების მხრიდან  ძირითადი  აქცენტი ბათუმის დრამატულ თეატრში, სახელმწიფო ტელევიზიასა და ბათუმის ხელოვნების უნივერსიტეტში  არსებულ პრობლემებზე გაკეთდა. აღნიშნული ორგანიზაციების პრობლემები, როგორც დისკუსიის ორგანიზატორებმა აღნიშნეს სწრაფად არის გადასაჭრელია, რათა ახალაგაზრდა ხელოვანებს თავიანთი ნიჭის წარმოჩენის შესაძლებლობა მიეცეთ.

იმერეთი. 25 ოქტომბერს ქუთაისის ახალგაზრდული ცენტრის წევრები ესტუმრნენ ქუთაისის სააპელაციო სასამართლოს.  ისინი გაეცნენ სასამართლოში მიმდინარე რეფორმებს, შეხვდნენ და გამართეს დისკუსია სპიკერ-მოსამართლეებთან და განიხილეს ისეთი საკითხები, როგორიცაა  ნაფიც მსაჯულთა ინსტიტუტი, სასამართლო პროცესის გაშუქების წესები, არასრულწლოვანთა მართლმსაჯულება და ა.შ.  სასწავლო ტური შედგა „საქართველოში ეროვნული ინტეგრაციის გაძლიერების" პროექტის  (ANI)  ფარგლებში, რომელიც ხორციელდება საქართველოს გაეროს ასოციაციის (UNAG) მიერ, აშშ-ს საერთაშორისო განვითარების სააგენტოს (USAID) მხარდაჭერით. სრულად წყარო: kedec.ge

თბილისი. საზოგადოებრივი ორგანიზაციის „ხელმისაწვდომი გარემო ყველასთვის"  წარმომადგენლები მერიაში სატრანსპორტო სამსახურის უფროსს შეხვდნენ.  ორგანიზაციამ რამდენიმე დღის წინ თბილისის მერიაში საზოგადოებრივი ტრანსპორტის ადაპტირების მოთხოვნით 3000 ადამიანის მიერ ხელმოწერილი პეტიცია შეიტანა, სადაც საზოგადოებრივი ტრანსპორტის შეზღუდული შესაძლებლობის პირებისთვის ადაპტირებას ითხოვდნენ. თბილისის მერია მზადაა, დაიწყოს 150-ზე მეტი ავტობუსის ადაპტირება. ამ პროცესში თავად შეზღუდული შესაძლებლობის მქონე პირები იქნებიან ჩართულნი. სრულად წყარო: osgf.ge

27 ოქტომბერს, 16:00 საათზე  პროგრამის "აღმოსავლეთ - აღმოსავლეთი საზღვრებს გარეშე" ფარგლებში ტარდება ლექცია ბავშვთა ძალადობის საკითხებზე. ლექციას ატარებს პროფესორი მარგარეტ ლინჩი. მისამართი: თბილისი, ჭოველიძის ქუჩა #10

თბილისი. 24 ოქტომბერს ქალთა საინფორმაციო ცენტრის ინიციატივით რადიო ,,მწვანე ტალღის” ღია ეთერში  გავიდა პირველი გადაცემა ,,ქალი და პოლიტიკა”. გადაცემაში განხილულ იქნა ისეთი საკითხები, როგორიცაა  საქართველოში ქალთა დაბალი პოლიტიკური მონაწილეობა,  კვოტების შემოტანის აუცილებლობის საკითხი და გენდერული საბჭოს საქმიანობის მომავალი პრიორიტეტები და გეგმები. გადაცემა „ქალი და პოლიტიკა" ნაწილია გადაცემათა ციკლისა „გენდერი და საზოგადოება" , რომელიც პროექტის „გაძლიერებული ქალები საჯარო ცხოვრებისათვის" ფარგლებში ხორციელდება და რომელიც დაფინანსებულია საქართველოში აშშ-ს საელჩოს დემოკრატიის განვითარების მცირე საგრანტო პროგრამის ფარგლებში. გადაცემები ყოველ მეორე თხშაბათს, 19:00 საათზე გადის რადიო „მწვანე ტალღის" სიხშირეზე.  სრულად წყარო: ginsc.net

იმერეთი. 25 ოქტომბერს, ზესტაფონის რაიონის #6    საჯარო  სკოლაში სამოქალაქო განათლების  და პედაგოგთა გადამზადების პროგრამის ფარგლებში ჩატარდა ტრენინგი თემაზე „აქტიური მოქალაქეობა". ტრენინგს ესწრებოდნენ პროგრამის პარტნიორი სკოლების წარმომადგენლები. მსმენელები გაეცვნენ მოქალაქის სტატუსს და როლს, მოქალაქეობრივ უფლება-მოვალეობებს და პასუხისმგებლობებს, სამოქალაქო საზოგადოების როლს და ა.შ. მათ ასევე ტრენინგზე შეასრულეს პრაქტიკული სამუშაოები. სამოქალაქო განათლების  და პედაგოგთა გადამზადების პროგრამა საქართველოში ხორციელდება PH-International-ის მიერ USAID-ის ფინანსური მხარდაჭერით სფერო: სამოქალაქო საზოგადოება, სრულად წყარო: kedec.ge

ქვემო ქართლი. სიქა–ს ევროპული მოხალისეობრივი სერვისის პროგრამის მონაწილეები 27 ოქტომბერს გამართავენ აქციას სახელწოდებით „მე დავასუფთავე ჩემი ქუჩა, შენ?". 11 საათიდან სამ საათამდე რუსთავში მოხალისეები დაასუფთავებენ გარვეულ ქუჩებს. აქციაზე ორგანიზატორები ეპატიჟებიან ორგანიზაციებს, სკოლებს, სხვა დამოუკიდებელ ჯგუფებს, ისინი უზრუნველყოფილნი იქნებიან ნაგვის პარკებითა და ხელთათმანებით.   სოციალურ ქსელში შექმნილია სპეციალური ჯგუფი, სადაც შეგიძლიათ გაეცნოთ სიახლეებს აქციის შესახებ. წყარო: CENN

კახეთი. 20 ოქტომბერს, თელავში  სამოქალაქო განათლებისა და პედაგოგთა გადამზადების პროგრამის ფარგლებში ჩატარდა სამოქალაქო განათლების პედაგოგების საწვრთნელი პროგრამის შემაჯამებელი შეხვედრა. შეხვედრას უძღვებოდა  სამოქალაქო განათლების პედაგოგთა ფორუმის კონსულტანტი და  ესწრებოდა 18 პედაგოგი კახეთის რეგიონიდან.  შეხვედრა მიზნად ისახავდა ჩატარებული საწვრთნელი პროგრამის პრაქტიკული საქმიანობის შეფასებას, გამოცდილების გაზიარებას და რეკომენდაციების მიღებას, რომელიც შემდომში გააუმჯობესებს და ხელს შეუწყობს პედაგოგების საქმიანობას. სრულად წყარო: civics.ge

26 ოქტომბერს, 16:00 საათზე, „ინტერნიუს-საქართველო" ცენტრალურ საარჩევნო კომისიასთან ერთად გამართავს მედიის მონიტორინგის პროექტის ,,სიძულვილის ენა წინასაარჩევნო პერიოდში" შემაჯამებელი შედეგების პრეზენტაციას. მისამართი: თბილისი, სასტუმრო ,,თბილისი მარიოტი"

26 ოქტომბერს, 13:00 საათზე, ,,საქართველოს პოლიციის ვეტერანთა კავშირი" გამართავს ბრიფინგს თემაზე ,,პოლიციელთა არაკანონიერი დათხოვნა". მისამართი: ბათუმი, ფარნავაზ მეფის 62/64, დემოკრატიული ჩართულობის ცენტრი.

სამცხე–ჯავახეთი. 25 ოქტომბერს ახალციხის მუნიციპალიტეტის გამგეობის ფეისბუქის ოფიციალურ გვერდზე  მორიგი ონლაინ კონფერენცია გაიმართა. ამჯერად მოსახლეობის კითხვებს  საკრებულოს მთავარმა სპეციალისტმა იურიდიულ საკითხებში ირინა ყურმაშვილმა უპასუხა. კონფერენციის შესახებ განცხადება რამდენიმე დღით ადრე გავრცელდა. მოსახლეობის კითხვები ძირითადად  ქალაქის გაზიფიცირების დასრულებას, ქუჩების და საცხოვრებელი კორპუსების კეთილმოწყობას და ინფრასტრუქტურის გაუმჯობესებას შეეხებოდა. ონლაინ კონფერენცია ახალციხის მუნიციპალიტეტის ფეისბუკის გვერდზე 30 აგვისტოდან, პროექტ „გამჭვირვალე თვითმმართველობის" ფარგლებში იმართება, რომელსაც არასამთავრობო ორგანიზაცია „დემოკრატ მესხთა კავშირი" ახორციელებს. მოქალაქეთა კითხვებს უკვე უპასუხეს ახალციხის მუნიციპალიტეტის გამგებელმა და სხვა წარმომადგენლებმა. პროექტის  მიზანია გააადვილოს  თანამშრომლობა თვითმმართველობის წარმომადგენლებსა და მოსახლეობას შორის.

თბილისი. საქართველოს ახალგაზრდა იურისტთა ასოციაციის მედიის სამართლებრივი დაცვის ცენტრი ეხმაურება ტელეკომპანია „პიკის" გარშემო განვითარებულ მოვლენებს. 12 ოქტომბრიდან ტელეკომპანია პიკის საქმიანობა შეფერხდა. დღეისათვის ტელეკომპანია პიკის ჟურნალისტები ვერ ახორციელებენ პროფესიულ საქმიანობას. მედიის სამართლებრივი ცენტრის განცხადებით  ამ საკითხის ირგვლივ გამოქვეყნებული დოკუმენტები ძალიან ბევრ კითხვას აჩენს, როგორც საზოგადოებრივი მაუწყებლის, ისე ტელეკომპანია პიკის ხელმძღვანელობის მიმართ. სრულად წყარო: gyla.ge

იმერეთი. 25 ოქტომბერს, ზესტაფონის  მუნიციპალიტეტის  სოფელ შორაპანის   საჯარო  სკოლაში, სამოქალაქო განათლების  და პედაგოგთა გადამზადების პროგრამის ფარგლებში სამოქალაქო კლუბების კოორდინატორმა   სამუშაო შეხვედრა გამართა კლუბის წევრებთან. სამოქალაქო კლუბი აერთიანებს 27 წევრს. სამოქალაქო კლუბის წევრებს მიაწოდეს ინფორმაცია კლუბური მუშაობის პრინციპების შესახებ, გააცნეს კლუბის დებულება, კლუბის წევრებმა შეიმუშავეს მომდევნო სამი თვის საქმიანობის გეგმა და ა.შ. სამოქალაქო განათლების  და პედაგოგთა გადამზადების პროგრამა ხორციელდება  PH-International-ის მიერ USAID-ის ფინანსური მხარდაჭერით სრულად წყარო: kedec.ge

26 ოქტომბერს, 12:00 საათზე, "საქართველოს ანტიკორუფციული პალატა" გამართავს ბრიფინგს თემაზე "შესაძლო გაყალბებები და დარღვევები". მისამართი: ბათუმი, ფარნავაზ მეფის 62/64, დემოკრატიული ჩართულობის ცენტრი

26 ოქტომბერს, 15:00 საათზე, დემოკრატიული ჩართულობის ცენტრში, Izone  გამართავს საჯარო დისკუსიას თემაზე: სტუდენტური პროტესი. მისამართი: ქუთაისი, პუშკინის ქუჩა. #6

თბილისი. ინფორმაციის თავისუფლების განვითარების ინსტიტუტმა (IDFI) განახორციელა კვლევა, რომლის ფარგლებშიც მონიტორინგი ჩაუტარდა საქართველოს სასამართლო სისტემაში შემავალი 16 სასამართლოს ოფიციალურ ვებგვერდს: შეფასდა მათი ინფორმაციული გამჭვირვალობა და ტექნიკური გამართულობის ხარისხი. კვლევის მიხედვით საქართველოს სასამართლო ხელისუფლების 41 ორგანოდან ოფიციალური ვებ გვერდი მხოლოდ 16-ს აქვს. IDFI-ს მიერ ჩატარებულმა კვლევამ აჩვენა, რომ საქართველოს სასამართლო ხელისუფლების ორგანოთა საიტების უმეტესობა ელექტრონული გამჭვირვალობის შეფასების კუთხით ნაკლებად ინფორმაციულია მომხმარებლისთვის, ხოლო ტექნიკური გამართულობის ინდექსით არ შეესაბამება თანამედროვე ვებ-სტანდარტებს. სრულად კვლევა „სასამართლო სისტემის ელექტრონული გამჭივრვალობა საქართველოში" წყარო: idfi.ge

აჭარა. 23 ოქტომბერს პროექტის "სატურნალია" ფარგლებში უცხოელმა მხატვრებმა საკუთარი ნამუშევრების გამოფენა მოაწყვეს.  გამოფენაზე მისულ დამთვალიერებელს საშუალება ჰქონდა, ენახა ალიონა ტრეშკოსა და პიოტრ კრიუშას პერფომანსის ვიდეო დოკუმენტაციები. ამ ფილმებში ნაჩვენებია, როგორ ხდება ავტორი ტრადიციების მსხვერპლი.  საგამოფენო სივრცეში მისულ სტუმრებს შეეძლოთ ენახათ ირინა კორინას „საფრთხობელა", რომელიც წარმოადგენდა რუსულ საზოგადოებაში არსებული ფობიების ერთობლიობას. გამოფენაზე წარმოდგენილი იყო ორი ახალგაზრდა მხატვრის მიერ საპნისგან დამზადებულ მოედანზე წარმოდგენილი ადამიანთა ციგურაობა, რომლის იდეაც ადამიანის უტოპიური მისწრაფებების პაროდიაში მდგომარეობდა.