აჭარა.22 აგვისტოს, ბათუმის დემოკრატიული ჩართულობის ცენტრში, საქართველოს დემოკრატიისა და ეკონომიკური განვითარების ინსტიტუტმა გამართა შეხვედრა, რომელსაც ესწრებოდნენ ადგილობრივი საზოგადოებრივი ორგანიზაციების წარმომადგენლები. შეხვედრის მიზანი იყო ინსტიტუტის ახალი პროექტის – „საზოგადოების როლი არჩევნებში" – პრეზენტაცია. აღნიშნული პროექტის მიზანია საზოგადოებაში სამოქალაქო–საარჩევნო ცნობიერების ამაღლება, საარჩევნო უნარ–ჩვევებისა და საარჩევნო კულტურის ამაღლების ხელშეწყობა. პროექტი ხორციელდება „საარჩევნო სისტემის განვითარების, რეფორმებისა და სწავლების ცენტრის" ფინანსური მხარდაჭერით.

იმერეთი. ქუთაისის განათლების, განვითარების და დასაქმების ცენტრის ორგანიზებით ტრენინგების სერია ჩატარდა ქუთაისის იუსტიციის სახლში. ბაღდათის მუნიციპალიტეტის სოფლების მე–9, მე–10, მე–11, მე–12  კლასის მოსწავლეები დაესწრნენ ტრენინგს თემაზე დებატების ხელოვნება. მოსწავლეებმა შეისწავლეს დებატების კულტურა, არგუმენტირებულად მსჯელობა და ა.შ. ამავე პროექტის ფარგლებში 16 აგვისტოს ტრენინგი ჩატარდა კონფლიქტების მართვასა და ეფექტურ კომუნიკაციაში. ბავშვებს საშუალება მიეცათ როლური თამაშების საშუალებთ აეთვისებინათ, რა არის კონფლიქტის გამომწვევი მიზეზები და რამდენად შესაძლებელია მისი მართვა. სამდღიან ტრენინგს სულ 58 ბავში და ორი მენტორი დაესწრო წითელხევისა და როხის საჯარო სკოლებიდან.  ღონისძიებები ART–ს პროექტის ფარგლებში იყო ორგანიზებული. სეტქემბერში დაგეგმილია დებატების ტურნირი ახალგაზრდული საბჭოს წევრებს შორის.  სრულად წყარო: kedec.ge

გურია. ახალგაზრდა პედაგოგთა კავშირმა მოამზადა დოკუმენტური ფილმი „მე ბოშა ვარ". ფილმის მთავარი გმირი ბოშა ქალი ზინაა, რომელსაც 7 შვილი ჰყავს და მათხვრობით ირჩენს თავს. ზინა ფილმში თავისი ცხოვრების და პრობლემების შესახებ ყვება. დოკუმენტური ფილმი მომზადებულია პროექტის – „ეროვნული ინტეგრაციის გაძლიერება საქართველოში" – ფარგლებში, რომელიც დაფინანსებულია აშშ–ს საერთაშორისო განვითარების სააგენტოს (USAID) მიერ , როემლსაც ახორციელებს საქართველოს გაეროს ასოციაცია.  

იმერეთი.  სამეცნიერო–ინტელექტუალური კლუბი „თაობათა დიალოგი" ახორციელებს პროექტს „ბოლო ზარი", რომლის მთავარი მიზანია დაეხმაროს მოზარდებს ისეთი ნაჩქარევი და უარყოფითი გადაწყვეტილებების მიღების თავიდან აცილებაში, როგორიცაა თვითმკვლელობა, ნაადრევი ქორწინება, სახლიდან გაქცევა. ამ თემებზე პედაგოგის, იურისტის და ფსიქოლოგის კონსულტაციების მიღება შესძლებელია ცხელი ხაზის მეშვეობით.  ასევე ორგანიზაციის საიტზე სკაიპით დაკავშირება. პროექტი სრულად წყარო: ricdog.org

თბილისი. საზოგადოებრივმა ორგანიზაციამ ეკოხედვამ/ECOVISION საერთაშორისო სასკოლო პროექტის SPARE (School Project for Application of Resources and Energy) ფარგლებში დაიწყო ახალი მედია პროექტი - ყოველკვირეული, საბავშვო, გარემოსდაცვითი გადაცემა „ეკოვიზია". „ეკოვიზიის" გადაცემები მიეძღვნება სხვადასხვა გარემოსდაცვით პრობლემას და წარიმართება საბავშვო თოქ-შოუს ფორმატში. ამასთან ერთად, თითოეულ გადაცემაში იქნება შემეცნებითი ნაწილი, გარემოსდაცვითი თამაში, სამეცნიერო ექსპერიმენტი და სტუდიის გარე სიუჟეტი. ყველა გადაცემას ეყოლება ბავშვებისათვის საყვარელი სტუმარი, რომელიც კონკრეტულ გარემოსდაცვით პრობლემაზე ისაუბრებს. გადაცემის მთავარი გზავნილია თუ როგორ შეუძლიათ ბავშვებს შეიტანონ თავიანთი წვლილი იმ დიდ საქმეში - რასაც გარემოს დაცვა ჰქვია. ამიტომაც გადაცემის დევიზია - ბავშვები მოქმედებაში! ასევე „ეკოვიზიის" მიზანია მოიზიდოს ბავშვებისათვის საყვარელი მსახიობები, ტელეწამყვანები, მხატვრები და მუსიკოსები, რომლებიც გარემოსდაცვით პრობლემებს გაიზიარებენ და ბავშვებთან ერთად შეეცდებიან მოძებნონ ამ პრობლემების გადაჭრის გზები. საბედნიეროდ ჩვენს ინიციატივას უკვე ბევრი ცნობილი ადამიანი გამოეხმაურა. ისინი აღნიშნავენ რომ - „გარემოს დაცვა არჩევანი არ არის - ეს ყველას პასუხისმგებლობაა!’’. გადაცემა „ეკოვიზია" ეთერში გავა ყოველ შაბათს, 2012 წლის 15 სექტემბრიდან, საბავშვო არხ ენკი-ბენკიზე. პროექტი თანადაფინანსებულია ნორვეგიის საგარეო საქმეთა სამინისტროს და გერმანიის საერთაშორისო თანამშრომლობის საზოგადოების (GIZ) მიერ. წყარო: CENN

სამცხე–ჯავახეთი. 21 აგვისტოს, ახალციხის დემოკრატიული ჩართულობის ცენტრში,  კოალიცია „ახალგაზრდობა სამართლიანი არჩევნებისთვის” ადგილობრივი პოლიტიკური პარტიების ახალგაზრდული ფრთის წარმომადგენლებს შეხვდა. შეხვედრის ძირითადი თემა 2012 წლის ოქტომბრის საპარლამენტო არჩევნები, საპარლამენტო და საპრეზიდენტო მმართველობა და ადგილობრივი თვითმმართველობის საკითხები იყო. ასევე საუბარი შეეხო სამოქალაქო საზოგადოების როლსა და მნიშვნელობას. კოალიცია საერთაშორისო რესპუბლიკური ინსტიტუტის (IRI) მხარდაჭერითა და აშშ საერთაშორისო განვითარების სააგენტოს (USAID)  დაფინანსებით ფუნქციონირებს. მისი  მიზანია გაზარდოს ახალგაზრდების მონაწილეობა არჩევნებში, „ახალგაზრდობა სამართლიანი არჩევნებისთვის” შეხვედრას მთელი საქართველოს მასშტაბით მართავს. შემდეგი შეხვედრა მარნეულსა და ზუგდიდში გაიმართება.

მცხეთა–მთიანეთი. 12–19 აგვისტოს CENN-ის ბულაჩაურის მწვანე ცენტრში მოსწავლე–ახალგაზრდებისათვის ჩატარდა საგანმანათლებლო ეკობანაკი, რომლის მიზანი იყო მონაწილეთა ცნობიერების ამაღლება გარემოს დაცვისა და კლიმატის ცვლილებასთან ადაპტაციის საკითხებზე და ასევე მოქალაქეთა ჩართულობაზე ადგილობრივი თვითმმარველობის საქმიანობაში. ეკობანაკის მონაწილეები შეირჩა კონკურსის – „ჩემი მწვანე ინიციატივა" – საფუძველზე, რომელიც გამოცხადებული იყო CENN-ის ეკობანაკების კურსდამთვრებული მოსწავლეებისათვის. კონკურსში მონაწილეობისათვის მოსწავლეებს საკონკურსოდ უნდა წარმოედგინათ ის გარემოსდაცვითი ინიციატივები, რომლებიც მათ CENN-ის ბანაკებში მიღებული ცოდნის საფუძველზე განახორციელეს. ეკობანაკში მონაწილეობა მიიღო 20–მა მოსწავლემ ხელვაჩაურის, ქედას, ბორჯომის, ახალციხის, საგარეჯოსა და დედოფლისწყაროს მუნიციპალიტეტებიდან. ლექცია-სემინარების გარდა შედგა ექსკურსია გარემოს ეროვნული სააგენტოსა და ვაშლიჯვარის მეტეოსადგურში, სადაც მონაწილეები გაეცნენ ამინდის პროგნოზირების თანამედროვე სისტემის ფუნქციონირებას. აგრეთვე ჩატარდა ლაშქრობა ბულაჩაურის მიმდებარე ტერიტორიაზე. ეკობანაკი ჩატარადა პროექტის „კლიმატის ცვლილებასთან ადაპტაცია და ბუნებრივი კატასტროფების რისკის შემცირება" (CCADM) ფარგლებში, რომელსაც CENN საქართველოს 6 მუნიციპალიტეტში USAID-ის ფინანსური მხარდაჭერით ახორციელებს. წყარო: CENN

22 აგვისტოს, 12:00 საათზე, ბათუმის დემოკრატიული ჩართულობის ცენტრში , საქართველოს დემოკრატიისა და ეკონომიკური განვითარების ინსტიტუტი გამართავს პროექტის -"საზოგადოების როლი არჩევნებში" - პრეზენტაციას. მისამართი: ბათუმი, ფარნავაზ მეფის 62–64, დემოკრატიული ჩართულობის ცენტრი

22 აგვისტოს, 12:00 საათზე, თავისუფალ ჟურნალისტთა სახლი პროექტის – „დემოკრატიული იდეების განვითარებისათვის" ფარგლებში გამართავს პირველ დებატებს. დებატების თემა: რა როლს ასრულებს აჭარის უმაღლესი საბჭო რეგიონის განვითარების პროცესში და რას სთავაზობს აჭარა საქართველოს სხვა რეგიონებს რეგიონული განვითარების თვალსაზრისით. მისამართი: ბათუმი, მელაშვილის და საბაჟოს შესახვევი 1–2, პრეს–კაფე

თბილისი. „სამართლიანი არჩევნებისა და დემოკრატიის საერთაშორისო საზოგადოება"  2012 წლის საპარლამენტო არჩევნების წინასაარჩევნო პერიოდის მონიტორინგის მეოთხე შუალედურ ანგარიშს აქვეყნებს.  მონიტორინგის ფარგლებში დამკვირვებლები აღრიცხავენ წინასაარჩევნო პერიოდში გამოვლენილ დარღვევებს საქართველოს მასშტაბით. ანგარიში მოიცავს 2012 წლის 03 ივლისიდან 31 ივლისის ჩათვლით პერიოდს.    მონიტორინგის მეოთხე შუალედური ანგარიში  წყარო: isfed.ge

სამცხე–ჯავახეთი. 17 აგვისტოს, ახალციხის ახალგაზრდულმა ცენტრმა ახალციხის მუნიციპალიტეტის სკოლების მოსწავლეებისთვის აივ-შიდსის პრევენციაზე კონკურსი გამოაცხადა. კონკურსი გაიმართება  „ერთობლივი ადვოკატირება აივ-პრევენციისათვის ახალციხის მუნიციპალიტეტში" პროექტის ფარგლებში და მასში მონაწილეობის შესაძლებლობა აქვს  ახალციხის სკოლების მე-8 - მე-12 კლასის მოსწავლეებს.  საკონკურსო ნამუშევრებს ესეს, ნახატის, ან ვიდეო-რგოლის სახით, მონაწილეები 14 სექტემბრამდე წარმოადგენენ. ნამუშევარში უნდა იყოს გამოკვეთილი აივ-შიდსის პრობლემის იდენტიფიცირება და მისი ეფექტური გადაჭრის გზები. კონკურსში გამოვლენილი სამი გამარჯვებული დაჯილდოვდება ფასიანი საჩუქრებით.კონკურსი მიზნად ისახავს მოსწავლე-ახალგაზრდობის გააქტიურებას და მათი ინფორმირებულობის გაზრდას.

თბილისი. საზოგადოებრივ ორგანიზაციებს, ცენტრალურ საარჩევნო კომისიასა და უშიშროების საბჭოსთან არსებულ უწყებათაშორისო კომისიას შორის ურთიერთგაგების მემორანდუმი გაფორმდა. მემორანდუმის გაფორმებით, ხელისმომწერი მხარეები თანხმდებიან, რომ ადმინისტრაციული და სასამართლო წარმოების დროს მემორანდუმში მითითებული  განმარტებებით იხელმძღვანელებენ.  მემორანდუს ხელს 7 საზოგადოებრივი ორგანიზაციის ხელმძღვანელი პირები აწერენ. ხელმომწერი ორგანიზაციებია: „სერთაშორისო გამჭვრვალობა – სქართველო", „საარჩევნო და პოლიტტექნოლოგიების კვლევის ცენტრი", „საქართველოს ახალგაზრდა იურისტთა ასოციაცაია", „სამართლანი არჩევნებისა და დემოკარტიის  განვითარების ცენტრი", „სამოქალაქო კულტურის საერთაშორსო ცენტრი" და „ახალი თაობა – ახალი ინიციატივა".  სრულად  წყარო:  ivote.ge

თბილისი. საზოგადოებრივი ორგანიზაცია „ფსიქოლოგთა და ფსიქოთერაპევტთა ასოციაცია" იწყებს წევრების მიღებას ორგანიზაციაში. გაწევრიანების მსურველები უნდა იყვნენ  პროფესიით ფსიქოლოგები, ფსიქოთერაპევტები, სამედიცინო განათლების მქონე პროფესიონალები, ან რომელიმე ზემოთ ჩამოთვლილი ფაკულტეტის სტუდენტები. სრულად

თბილისი. „იარე ფეხით" – ასე ქვია ორგანიზაციას, რომელიც მხარს უჭერს ქალაქებში ფეხით სიარულს და ცდილობს დაიცვას ფეხით მოსიარულეთა უფლებები. ორგანიზაციამ უკვე გამართა აქცია ფეხით სიარულის მხარდასაჭერად.

სამცხე–ჯავახეთი. 17 აგვისტოს, საზოგადოებრივი ორგანიზაციის  სამცხე-ჯავახეთის დემოკრატ ქალთა საზოგადოების ინიციატივით, ახალციხის დემოკრატიული ჩართულობის ცენტრში  ჩატარდა შეხვედრა თემაზე - „ამომრჩეველთა განათლება". როგორც საზოგადოების თავმჯდომარემ მარინა მოდებაძემ განაცხადა შეხვედრა ქალ ამომრჩეველთა ინფორმირებულობას და განათლებას მიეძღვნა. შეხვედრის მონაწილეებს აღნიშნულ საკითხებზე ქალთა პოლიტიკური რესურს–ცენტრის დირექტორი ლიკა ნადარაია ესაუბრა. ხოლო მოდერაციას, როგორც პროექტის პარტნიორი ორგანიზაცია, სამცხე–ჯავახეთის დემოკრატ ქალთა საზოგადოების თავმჯდომარე მარინა მოდებაძე უწევდა.

21 აგვისტოს, 13:00 საათზე კოალიცია „დამოუკიდებელი და გამჭვირვალე მართლმსაჯულებისთვის" პრესკონფერენციას გამართავს თემაზე: „სასამართლო სისტემაში არსებული ინსტიტუციური ხარვეზები და მათი აღმოფხვრისთვის კოალიციის მიერ შემუშავებული რეკომენდაციები". მისამართი:თბილისი, სასტუმრო „თბილისი მარიოტის" საკონფერენციო დარბაზი („სანადიმო")

აჭარა.20 აგვისტოს, ბათუმის დემოკრატიული ჩართულობის ცენტრში, საზოგადოებრივმა ორგანიზაციამ „ახალგაზრდა ადვოკატებმა" ბრიფინგი გამართა ქობულეთის საზოგადოებრივი კოლეჯიდან გათავისუფლებული პედაგოგის, თამარ კაიკაციშვილის შესახებ. მისი ადვოკატის მტკიცებით, დარღვეულია პედაგოგის სამოქალაქო და პოლიტიკური უფლებები. როგორც პრესკონფერენციის ორგანიზატორებმა აღნიშნეს ამ ფაქტს გაერთიანებული ერების ორგანიზაციის ადამიანის უფლებათა უმაღლესი კომისიის თბილისის ოფისიც გამოეხმაურა. არ არის გამორიცხული „ახალგაზრდა ადვოკატებმა" სარჩელი ჟენევაში, გაეროს ადამიანის უფლებათა დაცვის კომიტეტში შეიტანონ.

21 აგვისტოს, 12:00 საათზე „სამართლიანი არჩევნებისა და დემოკრატიის საერთაშორისო საზოგადოება" წინასაარჩევნო გარემოს მონიტორინგის მეოთხე შუალედურ ანგარიშს გამოაქვეყნებს. მისამართი: თბილისი, ონიაშვილის ქუჩა #37, „სამართლიანი არჩევნებისა და დემოკრატიის საერთაშორისო საზოგადოება"

თბილისი. „საერთაშორისო გამჭვირვალობა – საქართველო" ახალ ანგარიშს აქვეყნებს. ანგარიში პოლიტიკური პარტიების დაფინანსების გამჭვირვალობას და მათი ანგარიშვალდებულების საკითხებს ეხება. კვლევაში გაანალიზებულია 2011 წლის 13 პოლიტიკური გაერთიანების შემოსავლები და ხარჯები, რომლებიც შემდეგ შედარებულია 2007-2010 წლების მონაცემებთან. კვლევაში ძირითადი ტენდენციების და მიგნებების გარდა, ასევე წარმოდგენილია რეკომენდაციები არსებული პრობლემების გადასაჭრელად.  კვლევა   წყარო: transparency.ge

თბილისი. „მედიის განვითარების ფონდმა” წარმოადგინა მონიტორინგის შედეგები შემდეგ თემაზე: „განათლების საკითხების გაშუქება ქართულ მედიაში”. მონიტორინგი ჩატარდა პროექტის – „მედია მონიტორინგი – პასუხისმგებელი და ანგარიშვალდებული მედიის განვითარებისთვის" – ფარგლებში. პროექტის მხარდამჭერია ფონდი „ღია საზოგადოება – საქართველო". მოცემული ნაშრომი წარმოადგენს 2012 წლის 15 მაისიდან 15 ივნისამდე პერიოდში განათლების თემაზე გამოქვეყნებული სტატიებისა და ტელეეთერით გადაცემული სიუჟეტების ანალიზს. ანგარიში   წყარო: media.ge

20 აგვისტოს, 15:00 საათზე,  ბათუმის დემოკრატიული ჩართულობის ცენტრში,  „ახალგაზრდა ადვოკატები" გამართვას ბრიფინგს პედაგოგებთან დაკავშირებით. მისამართი: ბათუმი, ფარნავაზ მეფის 62–64. ბათუმის დემოკრატიული ჩართულობის ცენტრი

კახეთი. თელავში, საზოგადოებრივმა ორგანიზაციამ ბიზნეს-ცენტრმა ,,კახეთმა" შაბათს, 18 აგვისტოს ჩაატარა ტრენინგი თემაზე: საქართველოს ადმინისტრაციული–ტერიტორიული მოწყობა. ტრენინგი მიზნად ისახავდა საზოგადოებისათვის აქტუალური თემის საჯარო განხილვას. სოსო მიქელაძე, ბიზნეს-ცენტრის ,,კახეთი" დირექტორი: ,,ღონისძიებაში, რომელიც ითვალისწინებს საზოგადოებისათვის აქტუალური თემის საჯარო განხილვას ჩავრთედ ყველა ასაკის დაინტერესებული მოქალაქე. ჩვენი შეხვედრა ეხებოდა საქართველოს ადმინისტრაციულ-ტერიტორიულ მოწყობას. ღონისძიების თითოეულ მონაწილეს ჰქონდა შესაძლებლობა აქტიურად ჩართულიყო დისკუსიაში, გამოეთქვა საკუთარი მოსაზრებები და შეხედულებები: რამდენად შედეგიანად მიაჩნია საკუთარ ქვეყნის ამჟამინდელი ადმინისტრაციულ-ტერიტორიული დაყოფა (მუნიციპალიტეტი, რეგიონი, ცენტრი), რას შეცვლიდა ან გააუმჯობესებდა იგი ეფექტური მმართველობის ჩამოყალიბებისათვის და სხვა". ორგანიზატორების თქმით, მსგავს შეხვედრებში მონაწილეობა თითოეული აქტიური მოქალაქისათვის განსაკუთრებით მნიშვნელოვანია საკუთარი სამოქალაქო პოზიციების დაფიქსირების, სამოქალაქო განათლების დონის ამაღლების, საერთო დემოკრატიული აზროვნების განვითარებისა და საზოგადოებრივი დაკვეთების ფორმირების კუთხით.