აჭარა. 30 აგვისტოს, ბათუმის დემოკრატიული ჩართულობის ცენტრში, საქართველოს „ინვალიდ მეომართა დ დაღუპულ მებრძოლთა კავშირმა" გამართა პროექტის პეზენტაცია – „გენდერული თანასწორობა პოლიტიკურ პროცესებში". პროექტის მიზანია, ხელი შეუწყოს საქართველოში  გენდერული თანასწორობის პოლიტიკის ხელისშემშლელი პრობლემების,  სტერეოტიპების გამოვლენას და მოგვარების გზების დასახვას.  შეხვედრას ესწრებოდნენ საზოგადოებრივი ორგანიზაციების წარმომადგენლები, რომლებმაც შეხვედრის მეორე ნაწილში, იმსჯელეს გედერული თანასწორობის ხელშემშლელ ფაქტორებზე, ასევე დაასახელეს ის სტერეოტიპები, რომელებიც  მოქმედებენ გენდერული თანასწორობის წინააღმდეგ. პროექტი დაფინნსებულია საარჩევნო სისტემების საერთაშრისო ფონდის (IFES)  და ამერიკის შეერთებული შტატების საერთაშორისო განვითადების სააგენტოს (USAID) მიერ, პროექტის – „ნდობის გაზრდა საარჩევნო პროცესებისადმი"  –  ფარგლებში.

31 აგვისტოს, 15:00 საათზე ორჰუსის ცენტრი საქართველოში გიწვევთ პრეზენტაციაზე: "ორჰუსის ცენტრი გარემოსდაცვითი განათლებისთვის”.  მისამართი: თბილისი, სასტუმრო „ბეტსი", მაყაშვილის ქ. # 32-34

31 აგვისტოს, 12:00 საათზე საქართველოს მწვანეთა მოძრაობა/დედამიწის მეგობრები–საქართველო ატარებს საგანმანათლებლო და მეთოდური სახელმძღვანელოს "გარემოსდაცვითი განათლება მდგრადი განვითარებისათვის” პრეზენტაციას.  მისამართი: თბილისი, საქართველოს გეოგრაფიული საზოგადოება, გუდიაშვილის ქ. 11

თბილისი. სამოქალაქო განვითარების ინსტიტუტი ტელეკომპანიებისა და საზოგადოების საინფორმაციო პრიორიტეტების  შესაბამისობის კვლევის მეათე ანგარიშს აქვეყნებს. ანგარიში ორკვირიანი პერიოდის შეჯამებას წარმოადგენს და  ორსაფეხურიანია. კვლევის პირველ ეტაპზე გამოვლინდა 2012  წლის 3-17 აგვისტოს ჩათვლით 7 ტელეკომპანიის მიერ (პირველი არხი, „იმედი", „რუსთავი 2", „კავკასია",  „მაესტრო", „მეცხრე არხი", „რეალ ტვ") ყველაზე ინტენსიურად გაშუქებული თემები. კვლევის მეორე ეტაპზე, „სოციალური კვლევისა და ანალიზის ინსტიტუტმა" (ISSA), სამოქალაქო განვითარების ინსტიტუტის დაკვეთით,  ჩაატარა მასობრივი სოციოლოგიური გამოკითხვა თბილისში. სულ გამოიკითხა 400 რესპონდენტი თბილისის ათივე ადმინისტრაციულ რაიონში. გამოკითხვის ფარგლებში,  რესპონდენტებს უნდა შეეფასებინათ თითოეული გაშუქებული თემის მნიშვნელობა და მოეხდინათ მათი რანგირება მნიშვნელოვნების მიხედვით. ტელევიზიების მონიტორინგი 2012  წლის 2  აპრილს დაიწყო და უკვე გამოქვეყნებულია ცხრა პერიოდის ანგარიში  კვლევა წყარო: cdi.org.ge 

იმერეთი. აგვისტოში საქართველოს სოციალურ მუშაკთა ასოციაციამ  ჩაატარა ტრენინგი თემაზე „სოციალური მუშაობა ახალგაზრდებსა და მათ ოჯახებთან". ტრენინგში მონაწილეობას იღებდნენ ქუთაისის სოციალური მომსახურების სააგენტოს სოციალური მუშაკები და „სოციალური მუშაობის პრაქტიკის საფუძვლებში" გადამზადებული პირები იმერეთის რეგიონიდან.   ტრენინგი ჩატარდა პროექტის „სოციალურად დაუცველი ახალგაზრდების მხარდაჭერა" ფარგლებში. წყარო: gasw.org

თბილისი. გარემოსდაცვით საგანმანათლებლო კვირეულის ფარგლებში საერთაშორისი არასამთავრობო ორგანიზაციამ „მერსი ქორსმა” და კავკასიის გარემოსდაცვითი ორგანიზაციების ქსელმა (CENN) დაიწყო სკოლის მოსწავლეთა ნახატების გამოფენა. გამოფენაზე წარმოდგენილია ბავშვების მიერ გარემოსდაცვით თემაზე შექმნილი ნახატები და მასში მონაწილეობას იღებენ ბავშვები საქართველოს შვიდი მუნიციპალიტეტიდან: დედოფლისწყარო, სიღნაღი, საგარეჯო, ბოლნისი, დმანისი, მარნეული და ნინოწმინდა. გამოფენა ტარდება ევროკავშირის მიერ დაფინანსებული პროგრამის „ადგილობრივი შესაძლებლობების გაზრდა და რეგიონული თანამშრომლობის გაღრმავება კლიმატის ცვლილებასთან ადაპტირებისა და ბიომრავალფეროვნების დაცვის მიზნით საქართველოსა და სამხრეთ კავკასიაში" ფარგლებში.  გამოფენა გაგრძელდება 2 სექტემბრამდე.  საგამოფენო გალერეაში –  „ბაიაში”. წყარო: CENN

31 აგვისტოს, 12:30 საათზე, დემოკრატიული ჩართულობის ცენტრში გაიმართება შეხვედრა-დიალოგი თემაზე –  „ქალაქ ქუთაისისა და იმერეთის რეგიონის ნარჩენების მართვის საკითხების შესახებ". მისამართი: ქუთაისი,  პუშკინის 6, დემოკრატიული ჩართულობის ცენტრი

30 აგვისტოს, 13: 00 საათზე „თავისუფალ ჟურნალისტთა სახლის" და „კავკასიური ინსტიტუტის" ერთობლივი ორგანიზებით გაიმართება ვორქშოპი საქართველოს ტერიტორიული მოწყობასთან დაკავშირებით.   მისამართი: ბათუმი, მემედ აბაშიძის 48

აჭარა. 29 აგვისტოს, ბათუმის დემოკრატიული ჩართულობის ცენტრში, ბათუმის ხელოვანთა სახლმა „არგანმა" საავტორო ფილმების მე–7 საერთაშორისო კინოფესტივალის პროგრამის პრეზენტაცია გამართა. 2012 წლის კინოფესტივალზე წარმოდენილი იქნება დაახლოებით 40 სრულმეტრაჟიანი მხატვრული და დოკუმენტური ფილმი 22 ქვეყნიდან. მოწვეულნი იქნებიან სტუმრები ევროპიდან, აშშ–დან პოსტ–საბჭოთა სივრციდან და აზიიდან. მათ შორისა იერჟი ჰოფმანი, ნური ბილჯე ჩეილანი, შონ მაკალისტერი, ევა ნეიმანი. BIAFF 2012 კინოფესტივალის პროგრამა მოიცავს სხვადასხვა სახის კონკურსებს ,  მასტერკლასებსა და ვორკშოპებს. ბათუმის საავტორო ფილმების მე–7 საერთაშორისო კინოფესტივალი გაიმართება 2012 წლის 16–23 სექტემბერს. 

თბილისი. 29 აგვისტოს, აღმოსავლეთ პარტნიორობის სამოქალაქო საზოგადოების ფორუმის საქართველოს პლატფორმამ, საქართველოში წინასაარჩევნო მედია გარემოს შესახებ სპეციალური განცხადება გაავრცელა. „საქართველოში დაგეგმილი საპარლამენტო არჩევნები უმნიშვნელოვანესი ეტაპია ქვეყნის დემოკრატიული განვითარებისა და ევროკავშირთან ინტეგრაციის თვალსაზრისით. შესაბამისად, თავისუფალი და კონკურენტული საარჩევნო გარემოს უზრუნველყოფა უმთავრეს ამოცანას წარმოადგენს, ჯანსაღი მედია გარემო კი, ამ პროცესის უმნიშვნელოვანესი შემადგენელია" –  ნათქვამია განცხადებაში. განცხადებაში აღნიშნულია, რომ გარკვეული გაუმჯობესებაა მედიაპლურალიზმის თვალსაზრისით, თუმცა  მრავალფეროვანი ინფორმაციის ხელმისაწვდომობის საკითხი კვლავ გამოწვევად რჩება. განცხადებაში ასევე საუბარია must carry–ისა და  must offer–ის მოქმედების ვადებზე, ტელეკომპანია „მაესტროს" სატელიტური თეფშების დაყადაღების საკითხსა და ჟურნალისტური საქმიანობის ხელისშემშლელ ფაქტებზე და ა.შ. ეროვნული პლატფორმა მოუწოდებს საქართველოს ხელისუფლებას მიიღოს შესაბამისი ზომები. ასევე, მოუწოდებს ევროკავშირს, საქართველოში აკრედიტირებულ საელჩოებსა და საერთაშორისო წარმომადგენლობებს აღნიშნული საკითხები, ხელისუფლებასთან ოფიციალური კომუნიკაციისას, პრიორიტეტულად განიხილონ.

აჭარა. 29 აგვისტოს, ბათუმის დემოკრატიული ჩართულობის ცენტრში, ბათუმის განათლების განვითარების და დასაქმების ცენტრმა, გამართა ბირთვული იარაღის ტესტირების წინააღმდეგ ბრძოლის დღისადმი მიძღვნილი კონფერენცია თემაზე _ „ბირთვული ტესტირება და საზოგადოება". კონფერენციაში მონაწილეობდნენ ბათუმის სხვადასხვა საჯარო სკოლების, სამოქალაქო კლუბის წევრები. კონფერენცია ჩატარდა „სამოქალაქო განათლებისა და პედაგოგდთა გადამზადების პროგრამის" ფარგლებში, ბათუმის მე-8 საჯარო სკოლის ეგიდით. აღნიშნული პროგრამა დაფინანსებული USAID-ის მიერ.

29 აგვისტოს, 13:00 საათზე ბათუმის დემოკრატიული ჩართულობის ცენტრში ბათუმის ხელოვანთა სახლი "არგანი" გამართავს ბათუმის საერთაშორისო კინოფესტივალის პროგრამის პრეზენტაციას. მისამართი: ფარნავაზ მეფის 62/64  

29 აგვისტოს, 15:00 საათზე ბათუმის დემოკრატიული ჩართულობის ცენტრში ბათუმის განათლების განვითარებისა და დასაქმების ცენტრი გამართავს კონფერენციას თემაზე: "ბირთვული ტესტირება და საზოგადოება" მისამართი: ფარნავაზ მეფის 62/64  

29 აგვისტოს, 14:00 საათზე აღმოსავლეთ პარტნიორობის სამოქალაქო საზოგადოების ფორუმის საქართველოს ეროვნული პლატფორმა გამართავს ბრიფინგს  და გაავრცელებს განცხადებას საქართველოში წინასაარჩევნოდ შექმნილი მედია გარემოს შესახებ. მისამართი: თბილისი, სასტუმრო "თბილისი მერიოტი"

იმერეთი. 29-31 აგვისტოს საჩხერის სამთო მომზადების სკოლაში ეროვნული კონკურისის „ალიანტე 2012" ფინალი გაიმართება, რომელშიც მონაწილეობას 25 გუნდი მიიღებს. ფინალში გასული გუნდის წევრები ერთმანეთს როგორც ინტელექტუალურ, ასევე ფიზიკურ ასპარეზობაში შეეჯიბრებიან ერთმანეთს.  კონკურსში მონაწილეობის მისაღებად სულ დარეგისტრირდა 2700 გუნდი. ეროვნული ფინალის გამარჯვებულები (3 გუნდი) ჩეხეთის პარტნიორი ორგანიზაციის „ევრო ატლანტიკური ასოციაციის" (JAGELLO) თანამშრომლობის ფარგლებში სექტემბრის შუა რიცხვებში ეწვევა ჩეხეთს. ეროვნულ კონკურსი „ალიანტე" საერთაშორისო კონკურს „ალიანტეს" ანალოგია, რომელსაც „ახალი თაობა – ახალი ინიციატივა" 2008 წლიდან ახორციელებს. სრულად წყარო: ორგანიზაციის ოფიციალური გვერდი სოციალურ ქსელში

იმერეთი.  25 აგვისტოს სამეცნიერო-ინტელექტუალურმა კლუბმა „თაობათა დიალოგმა" დემოკრატიის ჩართულობის ცენტრში სამთავრობო და არასამთავრობო ორგანიზაციებთან შეხვედრა გამართა. შეხვედრაზე ორგანიზაციის წარმომადგენლებმა სტუმრებს მათი ახალი ინიციატივა „ახალგაზრდული პლატფორმა" გააცნეს. „ახალგაზრდული პლატფორმის" შექმნა გულისხმობს ახალგაზრდულ საკითხებზე მომუშავე ორგანიზაციების რესურსების გაერთიანებას და ერთიანი ძალისხმევით მათ პრობლემებზე ზრუნვას შემდეგი მიმართულებებით: 1. ახალგაზრდების სამოქალაქო საზოგადოების ცხოვრებაში აქტიური ჩართვა; 2. მოხალისეობის წახალისება, გადამზადება, კვალიფიკაციის ამაღლება, დასაქმებაზე ზრუნვა; და 3. ადვოკატირება.  შეხვედრაზე მისულმა სტუმრებმა აღნიშნეს, რომ მზად არიან, პლატფორმას შეურთდნენ. სრულად

ქვემო ქართლი. საგანმანათლებლო ინიციატივების ქართული ასოციაცია (სიქა) 29 აგვისტოს  გამართავს სემინარს თემაზე „რატომ უნდა გავხდე მოხალისე?". სემინარზე განხილული იქნება საქართველოში მოხალისეობის კულტურა, სიქა-ს ის მიმდინარე პროგრამები, რომლებიც ახალგაზრდებს აძლევს მოხალისედ მუშაობის გამოცდილებას, „ევროპული მოხალისეობრივი სერვისის" (EVS) პროგრამაში მონაწილეობის შესაძლებლობები ქართველი ახალგაზრდებისათვის. სემინარი გაიმართება დემოკრატიული ჩართულობის რუსთავის ცენტრში. სრულად წყარო: სიქას სოციალური ქსელის გვერდი

თბილისი. საზოგადოებრივი გარემოსდაცვითი ორგანიზაცია „მწვანე ალტერნატივა" იწყებს პოლიტიკური გაერთიანებების წინასაარჩევნო პრგროამების მონიტორინგს და შეფასებას, იმის მიხედვით, თუ რამდენადაა მათში ასახული გარემოს დაცვითი და მდგრადი განვითარების საკითხები. შეფასება ტარდება გაერთიანების წინასაარჩევნო პროგრამის, გამოქვეყნებული მასალებისა და ორგანიზაციის მიერ ჩატარებული ინტერვიუების ანალიზის საფუძველზე. კამპანიის მიმდინარეობისას პარტიების მიერ გამოქვეყნებული ყველა მასალა განთავსებულია  სპეციალურ ვებ-გვერდზე http://www.greeningfuture.net  პროექტის გვერდი სოციალურ ქსელში წყარო: greeningfuture.net 

თბილისი. არჩევნების პორტალს არჩევნებისა და ამომრჩეველთა სიების ინტერაქციული რუკები დაემატა. ვებ–გვერდის მეშვეობით შესაძლებელია 2008 წლის შემდეგ ჩატარებული თითოეული არჩევნების შედეგების ნახვა ისეთი ინდიკატორების მიხედვით, როგორიცაა არჩევნების შედეგები, ცალკეული პარტიების შედეგები და ა.შ. ვებ–გვერდზე მონაცემები წარმოდგენილია რუკების სახით სხვადასხვა გეოგრაფიულ არეალში, რომელიც მოიცავს რეგონებს, სარჩევნო ოლქებსა და უბნებს.  არჩევნების შედეგების გარდა, საიტი ასევე ასახავს ამომრჩეველთა სიის ანალიზს 2006 წლიდან დღემდე ისეთი ინდიკატორების მიხედვით, როგორიცაა ამომრჩეველთა რაოდენობა, საშუალო ასაკი და ა.შ. ეს მონაცემები ასევე წარმოდგენილია რუკის ფორმატში.  (http://data.electionsportal.ge ) არჩევნების პორტალის პროექტი ხორციელდება ამერიკის შეერთებული შტატების საერთაშორისო განვითარების სააგენტოს (USAID) მხადაჭერით. ვებ–პორტალის შექმნა  წარმოადგენს სამი არასამთავრობო ორგანიზაციის - „სამართლიანი არჩევნებისა და დემოკრატიის საერთაშორისო საზოგადოების", „საქართველოს ახალგაზრდა იურისტთა ასოციაციისა" და „საერთაშორისო გამჭვირვალობა - საქართველოს" ერთობლივ ინიციატივას.  არჩევნების მონაცემთა ბაზის შექმნა დაფინანსებულია შვედეთის საერთაშორისო განვითარების და თანამშრომლობის სააგენტოს (Sida) მიერ. 

აჭარა. 24 აგვისტოს, ბათუმის დემოკრატიული ჩართულობის ცენტრში, ორგანიზაცია „Micro-ფონმა" პროექტის – „ეზოს ისტორიების" ფარგლებში გამართა შეხვედრა, რომელიც ითვალისწინებდა მონაწილე მხატვრების პორტფოლიოების პრეზენტაციას. „ეზოს ისტორიები" კულტურულ-სახელოვნებო ინიციატივაა, რომელიც მოიცავს ბათუმელი და თბილისელი მხატვრების ერთობლივ შემოქმედებით პროცესს საჯარო სივრცეში. საჯარო სივრცეს ბათუმის ერთ–ერთი ქუჩა (ახმედ მელაშვილი) და იქ მდებარე რამოდენიმე ეზო წარმოადგენს. პროექტის მიზანია ეზოების მაცხოვრებლებთან მხატვრების შემოქმედებითი თანამშრომლობა, კულტურული მემკვიდრეობის და პერსონალური ისტორიების გაცოცხლება და მისი ტრანსფორმაცია თანამედროვე ხელოვნებაში, რომლებიც თავის მხრივ ასახავს ბათუმის ურბანულ და სოციალურ დინამიკას. შექმნილი ნამუშევრები გარკვეული დროით გამოიფინება ქუჩასა და ეზოებში, რომლებიც შეცვლიან ეზოების იერსახეს და მობინადრეთა აქამდე უცნობ, კულტურულ, ისტორიულ და ყოფით თავისებურებებს ეზოს ფიზიკურ სივრცეში ხელოვნების ნიმუშების სახით დააფიქსირებენ  

სამეგრელო. 24 აგვისტოს, დემოკრატიული ჩართულობის ზუგდიდის ცენტრში არასამთავრობო ორგანიზაციების, პოლიტიკური პარტიებისა და საზოგადოების წარმომადგენლებმა პოლიტიკურ პარტიათა ქცევის წესებზე ისაუბრეს. აუდიტორიას 17 პუნქტიანი ქცევის კოდექსი ორგანიზაცია „არჩევანის თავისუფლებისთვის" წარმომადგენელმა, გააცნო.  შეხვედრაზე არასამთავრობო ორგანიზაცია „არჩევანის თავისუფლებისთვის" რეგიონულმა წარმომადგენელმა და ადამიანის უფლებათა ცენტრის კორდინატორმა სამეგრელო–ზემო სვანეთში, დავით ფაცაციამ აუდიტორიას გააცნო კვლევა სამოქალაქო საზოგადოების და ასევე მოქალაქეთა ჩართულობის შესახებ წინასაარჩევნო ვითარებაში, რომელიც პოლიტიკური სუბიექტების, მედიის და არასამთავრობო ორგანიზაციების მიერ მოწოდებულ ინფორმაციებს ეფუძნება. მოკვლევის თანახმად, სამოქალაქო საზოგადოების მონაწილეობა აღნიშნულ პროცესში საშუალო მაჩვენებლით განისაზღვრა, მხოლოდ გამოკითხულთა მცირე ნაწილმა განაცხადა, რომ სამოქალაქო სექტორი ამ მიმართულებით პასიურია.