თბილისი. სამოქალაქო განვითარების ინსტიტუტი ტელეკომპანიებისა და საზოგადოების საინფორმაციო პრიორიტეტების შესაბამისობის კვლევის მეოთხე ორკვირიან პერიოდს აჯამებს და იმ საკითხებს გამოყოფს, რომლებიც ყველაზე მეტად და აქტიურად შუქდებოდა ქართულ ტელევიზიებში.  მონიტორინგი 2012 წლის 2 აპრილს დაიწყო და მოიცავს შემდეგ ტელევიზიებს: საზოგადოებრივი მაუწყებელი ,  „იმედი",  „რუსთავი 2" ,  „მაესტრო" , „კავკასია" , „რეალ ტვ", „მეცხრე არხი". წყარო: cdi.org.ge  ტელეკომპანიებისა და საზოგადოების საინფორმაციო პრიორიტეტების შესაბამისობის კვლევა მონიტორინგის პერიოდი: 11.05.12-24.05.12 მონიტორინგის პერიოდი: 27.04.12–10.05.12 მონიტორინგის პერიოდი: 13.04.12–26.04.12 მონიტორინგის პერიოდი: 2.04.12–12.04.12

18-22 ივნისს ენერგეეფექტურობის ცენტრი საქართველო „BP საქართველოს" მიერ დაფინანსებული პროექტის – „განახლებადი ენერგიისა და ენერგოეფექტური პროექტების განხორციელება”  – უერთდება ევროკავშირის ინიციატივას და მართავს მდგრადი ენერგეტიკის კვირეულს. 18–22 ივნისი - თბილისის სახელმწიფო სამხატვრო აკადემიის სახვითი ხელოვნების ფაკულტეტის გრაფიკის მიმართულების სახელოსნოს სტუდენტთა საკონკურსო ნამუშევრების გამოფენა თემაზე „განახლებადი ენერგიის და ენერგოეფექტურობის გამოყენება" და გამარჯვებულთა  დაჯილდოვება;  (სავაჭრო ცენტრი „ქარვასლა"დადიანის #7); 20 ივნისი, 2012 - BP საქართველოს და მისი პარტნიორების მხარდაჭერით კავშირი „ენერგოეგექტურობის ცენტრისა" და „კავკასუს სოლარ-ის" მიერ #203 საჯარო სკოლაში მზის წყლის გამაცხელებელი სისტემის ექსპლუატაციაში ჩაბარების საზეიმო ცერემონიალი (ნუცუბიძის #5);  21 ივნისი, 2012 - BP საქართველოს და მისი პარტნიორების მხარდაჭერით კავშირი „ენერგოეგექტურობის ცენტრისა" და „კავკასუს სოლარ-ის" მიერ ‘თბილისის SOS ბავშვთა სოფელში’ მზის წყლის გამაცხელებელი სისტემის ექსპლუატაციაში ჩაბარების საზეიმო ცერემონიალი(ნუცუბიძის IV მკ. რ-ნი, ჰერმან გმეინერის ქ. #1);  წყარო – Info CENN 

18 ივნისს, 12:00 საათზე, ოზურგეთში, „დემოკრატიული ჩართულობის ცენტრში", გაიმართება კოალიციის „არჩევნის თავისუფლებისთვის" შეხვედრა არასამთავრობო და მედია ორგანიზაციების წარმომადგენლებთან და მოქალაქეებთან. მისამართი: ოზურგეთი, დემოკრატიული ჩართულობის ცენტრი

აჭარა. 16 ივნისს, პრეს–კაფეში, კოალიციამ „სამართლიანი არჩევნისთვის" გამართა შეხვედრა არასამთავრობო და მედია ორგანიზაციების წარმომადგენლებთან, აგრეთვე, აქტიურ მოქალაქეებთან, რომლებიც დაინტერესებულნი არიან საარჩევნო გარემოს გაუმჯობესების საკითხებით. კოალიციამ საზოგადოებას გააცნო ის მოთხოვნები, რომლებიც, მათი აზრით, მნიშვნელოვანი და აუცილებელია საარჩევნო გარემოს გაუმჯობესებისთვის.  ესენია: ქართული ყველა  საინფორმაციო არხის ხელმისაწვდომობა; წინასაარჩევნო ტელედებატები, სამსახურეობრივი რესურსების გამოყენების შემთხვევაში არჩევნებში მონაწილეობის უფლების ჩამორთმევა. შეხვედრის ჩანაწერი

თბილისი. „სამართლიანი არჩევნებისა და დემოკრატიის საერთაშორისო საზოგადოება" (ISFED) წინასაარჩევნო გარემოს მონიტორინგის მეორე შუალედურ ანგარიშს აქვეყნებს. ანგარიშში მოიცავს 2012 წლის 4 მაისიდან 4 ივნისის პერიოდს, თუმცა მასში ასევე ასახულია 4 მაისამდე განვითარებული ის მოვლენები, რომლებიც მონიტორინგის პერიოდშიც მიმდინარეობდა. სამართლიანი არჩევნები" წინასაარჩევნო გარემოს მონიტორინგს საქართველოს 73 საარჩევნო ოლქში ახორციელებს. წყარო: www. isfed.ge  მონიტორინგის მეორე შუალედურ ანგარიში 

თბილისი. საზოგადოებრივი ორგანიზაცია „ადამიანის უფლებათა ცენტრი" აქვეყნებს 2011 წელს ჩატარებული მედია მონიტორინგის შედეგებს. მონიტორინგი ეხებოდა ქართულ მედიაში გარემოს დაცვის საკითხების გაშუქებას და მოიცავდა შემდეგ მედია საშუალებებს: გაზეთები „ალია", „რეზონანსი", „ახალი თაობა" და საზოგადოებრივი მაუწყებლის დღის მთავარი საინფორმაციო გამოშვება „მოამბე".  შუალედური ანგარიშში ასახულია მონიტორინგის პირველი ორი ეტაპის მონაცემები:  30 მაისიდან 3 ივლისამდე პერიოდი და 18 ივლისიდან 4 სექტემბრამდე დროის შუალედი. წყარო: www.humanrights.ge  მონიტორინგის შუალედური ანგარიში  

იმერეთი. 16 ივნისს, ქუთაისის თოჯინების თეატრში, გაიმართა შეხვედრა თანამედროვე ხელოვნებაში მიმდინარე პროცესებზე. შეხვედრაზე იმსჯელეს თანამედროვე ხელოვნებაში მიმდინარე პროცესებზე,მათ დამოკიდებულებაზე დროსთან და სივრცესთან, ხელოვნების თანამედროვეობასა და აქტუალობაზე. შეხვედრაში მონაწილეობდნენ ხელმოვნებათმცოდნე ხათუნა ხაბულიანი, მწერალი ზაზა ბურჭულაძე, პოეტი გიორგი ხასაია, ფოტოხელოვანი გურამ წიბახაშვილი.

თბილისი. „ეს შენ გეხებას" მონაწილე ორგანიზაციები სპეციალურ განცხადებას ავრცელებენ 14 ივნისს პარლამენტის იურიდიული კომიტეტის წარმომადგენლებთან შეხვედრის შემდეგ. განცხადებაში ნათქვამია, რომ შეხვედრაზე კაპმანიის მიერ ინიცირებული წინადადება მედია სფეროში „Must Carry-ისა და Must Offer-ის რეგულაცების დანერგავზე მმართველმა პარტიამ არ გაითვალისწინა. კამპანია „ეს შენ გეხება" ხელმოწერების შეგროვებას იწყებს, რათა ეს პრინციპი საკანონმდებლო ინიციატივად იქცეს.  წყარო: www.esshengexeba.ge  განცხადება

აჭარა. 16 ივნისს, პოლიციის ვეტერანთა კავშირმა ფარი – საქართველომ, ბათუმის დემოკრატიული ჩართულობის ცენტრში, შეხვედრა გამართა „პოლიციის ვეტერთა კავშირის" კონცეფციის შესახებ. შეხვედრის მიმდინაეობის პროცესში ყურადღება გამახვილდა  შინაგან საქმეთა სამინისტოს რეფორმებზე, მათ ოპტიმიზაციაზე. ასევე საბჭოს მიერ იქნა წარდგენილი, მათივე მიზნები და ამოცანები, რომლებიც ითვალისწინებს პოლიციის ვეტერანთა და მათი ოჯახების წევრთა ცხოვრების დონის ხარისხის ამაღლების ხელშეწყობასა და კავშირის წევრების ინტელექტუალური და ეკონომიკური პოტენციალის რეალიზაციისათვის სათანადო პირობების შექმნას. შეხვედრას ესწრებოდნენ ამავე კავშირის წევრები – ვეტერანი პოლიციელები და მედიის წარმომადგენლები. 

16 ივნისს, 12:00 საათზე, ბათუმის პრეს კაფეში, კოალიცია არჩევანის თავისუკფლებისთვის ორგანიზებით გაიართება შეხვედრა – საარჩევნო გარემოს გაუმჯობესების საკითხზე. მისამართი: ბათუმი, მელაშვილის და საბაჟოს შესახვევი 2–1, პრეს–კაფე  

16 ივნისს, 14:00 საათზე, ბათუმის დემოკრატიული ჩართულობის ცენტრში, საქართველოს პოლიციის ვეტერანთა კავშირი ფარი–საქართველო გამართავს შეხვედრას თემაზე: „ვეტერანთა კავშირის წევრების ცხოვრების დონის გაუმჯობესება". მისამართი:ბათუმი, ფარნავაზ მეფის 62–64,  დემოკრატიული ჩართულობის ცენტრი

თბილისი. 15 ივნისს მცირე და საშუალო საწარმოთა ასოციაცია მრგვალ მაგიდას მართავს თემაზე „საგადასახადო დავების გადაწყვეტის ეფექტური ინსტიტუტები, საგადასახადო სასამართლოები და ალტერნატიული გზები". შეხვედრაზე მოწვეულ სტუმრებს გააცნობენ მანამდე ჩატარებული კვლევის შედეგებს და ამ შედეგებზე დაფუძნებულ კონცეფციას.  კლვევა ორი მიმართლებით ჩატარდა „საგადასახადო დავების გადაწყვეტის ეფექტური ინსტიტუტები, საგადასახადო სასამართლოები და ალტერნატიული გზები" და „გადასახადისგან თავის არიდება და სისხლის სამართლებრივი პასუხისმგებლობა, შედარებითი ანალიზი".   აღნიშული შეხვედრა და კვლევები ევრაზიის თანამშრომლობის ფონდის მიერ მხარდაჭერილი პროექტის – „ბიზნესისთვის მეგობრული ჩარჩო კანონმდებლობის მხარდაჭერა საქართველოში" – ფარგლებში ხორციელდება.

სამცხე–ჯავახეთი. 14 ივნისს,  ბაკურიანში, სასტუმრო ,,ვერე პალასში" გამართულ შეხვედრაზე თბილისის პოლიტიკური სწავლების სკოლის კურსდამთავრებულებმა და მოწვეულმა სტუმრებმა იმსჯელეს თემაზე – დემოკრატიული კულტურა და პოლიტიკური პროცესები თანამედროვე საქართველოში.   სემინარს ორგანიზება ევროპის საბჭომ, თურქეთის თანამშრომლობისა და განვითარების სააგენტომ და საქართველოსა და სომხეთში შვეიცარიის საელჩომ გაუწიეს. თბილისის პოლიტიკური სწავლების  სკოლა წელს 35–მა ადამიანმა დაამთავრა, რომლებიც ოქტომბრის თვეში სტარსბურგში გაემგზავრებიან, ისინი  მონაწილეობას დემოკრატიის მსოფლიო ფორუმში მიიღებენ, სადაც გლობალურ საკითხებზე იმსჯელებენ.  თბილისის პოლიტიკური სწავლების სკოლა 10 წლის წინ დაარსდა, მისი მიზანია საზოგადოების სხვადასხვა წევრებმა ერთად შექმნან სამართლებრივი სახელმწიფო და  ქვეყანაში დემოკრატიის განვითარებას შეუწყონ ხელი. 

თბილისი. 14 ივნისს ორგანიზაციებმა საქართველოს ახალგაზრდა იურისტთა ასოციაციამ და საერთაშორისო გამჭვირვალობა – საქართველომ  თბილისის და ბათუმის სისხლის სამართლისა და ადმინისტრაციულ საქმეთა მონიტორინგის შედეგები გააცნეს საზოგადოებას.  საქართველოს ახალგაზრდა იურისტთა ასოციაცია  თბილისის საქალაქო სასამართლოს სხდომების მონიტორინგის პროექტს 2011 წლის ოქტომბრიდან ახორციელებს. ამავე პერიოდიდან ახორციელებს მონიტორინგს საერთაშორისო გამჭვირვალობა – საქართველო თბილისისა და ბათუმის პირველი ინსტანციის სასამართლოებში. მონიტორინგის შედეგები – ახალგაზრდა იურისტთა ასოციაცია. 2011 წ. მონიტორინგის შედეგები – ახალგაზრდა იურისტთა ასოციაცია. 2012 წ. მონტორინგის შედეგები –  საერთაშორისო გამჭვირვალობა – საქართველო. 2011–2012 წწ.   

გურია. „ახალგაზრდა პედაგოგთა კავშირის"  დარბაზში, ორგანიზაციის მშვიდობის კორპუსის მოხალისემ ლეისი პოფმა საკუთარი საქმიანობების შესახებ საანგარიშო პრეზენტაცია ჩაატარა. მოხალისემ საზოგადოებას საქართველოში, კონკრეტულად კი ოზურგეთში გატარებულ  2 წელზე მიაწოდა ინფორმაცია.  ისაუბრა იმ პროექტებისა და აქტივობების შესახებ,  რომელიც „ახალგაზრდა პედაგოგთა კავშირთან" ერთად განახორციელა.  ყურადღება გაამახვილა ბათუმში შოთა რუსთაველის სახელობის უნივერსიტეტში მის მიერ წაკითხული ლექციებისა და მშვიდობის კორპუსის სხვა მოხალისეეებთან ერთად განხორციელებული საქმიანობების შესახებ.

სამცხე–ჯავახეთი.  14 ივნისს, 14 საათზე, ახალციხის დემოკრატიული ჩართულობის ცენტრში ადგილობრივმა თვითმმართველობამ სამოქალაქო საზოგადოების მიერ დასმულ 10 შეკითხვას უპასუხა. შეხვედრა ცენტრის მიერ იყო ორგანიზებული - ცენტრის თანამშრომლები წინასწარ დაუკავშირდნენ სამოქალაქო საზოგადოების წარმომადგენლებს, საზოგადოებრივი ორგანიზაციებს, მედიას, პოლიტიკურ პარტიებსა და მოქალაქეებს, რომლებმაც ცენტრში  საინტერესო კითხვები გადმოგზავნეს. ადგილობრივმა თვითმმართველობამ კი მოამზადა შესაბამისი ინფორმაცია აღნიშნული თემების გარშემო.  შეხვედრაზე განიხილეს საკითხები: ქალაქის წყალმომარაგების სისტემის რეაბილიტაცია, უბნების გაზიფიკაცია, უნარშეზღუდული პირებისთვის გათვალისწინებული პროგრამები, ქალაქის შიდა გზების აღდგენა, ახალციხის მუნიციპალიტეტში განხორციელებულ პროექტებში არასამთავრობო სექტორის ჩართულობა.  დიალოგის ფორმატი მხარეებისთვის საინტერესო აღმოჩნდა და გადაწყდა, რომ მსგავსი შეხვედრები სამომავლოდაც გაიმართოს.

თბილისი. 14 ივნისს საზოგადოებრივმა ორგანიზაციამ „ახალგაზრდა ადვოკატებმა" პრესკონფერენცია გამართა. ორგანიზაციის წარმომადგენლები 2012 წლის ზაფხულის არდადეგებზე სტუდენტური დასაქმების "Summer Job” ერთთვიან პროგრამაში მონაწილე სტუდენტებთან გაფორმებული ხელშეკრულების განსაჯაროებას ითხოვენ. ორგანიზაციაში ეჭვობენ, რომ პროგრამაში მონაწილე სტუდენტებისთვის სავალდებულო იქნება იმ საზოგადოებრივ ღონისძიებებში მონაწილეობა, რომელსაც ორგანიზებას პოლიტიკური პარტიები გაუწევენ. პრესკონფერენციაზე ასევე, ყურადღება გამახვილდა ბიუჯეტიდან დედაქალაქის რამდენიმე სკოლისთვის გადარიცხულ თანხებზე, რომლებიც პედაგოგების ხელფასის დანამატში აისახა. ორგანიზაცია გეგმავს მიმართოს აღნიშნული სკოლების დირექციას.  მიუხედავად იმისა, რომ არც ერთი ზემოთხსენებული ფაქტი დადასტურებული არ არის, ორგანიზაციის მესვეურები თვლიან, რომ ეს საკმარისი ინფორმაციაა იმისთვის, რომ მათ მოითხოვონ ოფიციალური უწყებებიდან პასუხი და რეაგირება. ამიტომაც, „ახალგაზრდა ადვოკატები" წერილობით მიმართავს საქართველოს ეროვნული უშიშროების საბჭოს, საქართელოს კონტროლის პალატას და საქართელოს განათლებისა და მეცნიერების სამინისტროს. 

შიდა ქართლი. 14 ივნისს, გორის დემოკრატიული ჩართულობის ცენტრში საერთაშორისო ორგანიზაციამ „ევრიჩაილდმა" და მისმა პარტნიორმა ორგანიზაციებმა: საზოგადოება „ბილიკმა" და „მიმღებ მშობელთა ორგანიზაციამ" წარადგენეს ბავშვზე სახელმწიფო ზრუნვის ალტერნატიული მომსახურებების - მინდობით აღზრდის, მცირე საოჯახო ტიპის სახლებისა და დღის ცენტრების საჭიროებათა კვლევის შედეგები. საჭიროებათა კვლევა „ბავშვთა უფლებების დაცვის საკითხებში ჩართულობის ხელშეწყობის" პროექტის  ფარგლებში ჩატარდა, რომელსაც ევროკავშირი აფინანსებს და „ევრიჩაილდი" ახორციელებს. ეს პირველი შეფასებაა, რომელმაც დეინსტიტუციონალიზაციის რეფორმის ფარგლებში მოქმედ ბავშვზე ზრუნვის სამივე სახის ალტერნატიულ მომსახურება მოიცვა. კვლევის შედეგების საფუძველზე პროექტის 11-მა პარტნიორმა ორგანიზაციამ ერთობლივად შეიმუშავა რიგი რეკომენდაციები, რომლებიც სისტემურ/სტრუქტურულ, ადმინისტრაციულ, ჯანდაცვის, განათლების, დაფინანსებისა და შესაძლებლობების განვითარების სფეროებს ეხება. შეხვედრას ესწრებოდნენ: ადგილობრივი მუნიციპალიტეტის თვითმმართველობის, ბავშვთა კეთილდღეობის სფეროში მომუშავე საზოგადოებრივი ორგანიზაციების, ევროკავშირის სადამკვირვებლო მისიის და მასმედიის წარმომადგენლები. კვლევის შედეგების და შეთავაზებული რეკომენდაციების წარდგენის შემდეგ გაიმართება დისკუსია.

აჭარა.14 ივნისს, „დემოკრატიის ინსტიტუტმა", ბათუმის დემოკრატიული ჩართულობის ცენტრში, გამართა პრესკონფერენცია თემაზე:  „გოდერძის უღელტეხილლის მიმდებარედ  სამთო (ზამთრის) კურორტის მშენებლობასთან დაკავშირებით წარმოქმნილი საკუთრების პრობლემა". გოდერძის ურელტეხილზე მიმდინარეობს სამთო კურორტის მშენებლობა. როგორც ორგანიზაციის პრესრელიზშია ნათქვამი, ამ ტერიტორიაზე მცხოვრებ ოჯახებს აღნიშნული ქონება საკუთრების უფლებით ოფიციალურად 1998 წელს გადაეცათ, მაგრამ მათი გამოუცდელობისა და საჭირო ფინანსების არქონის გამო ქონება ვერ დაარეგისტრირეს (იმ პერიოდში ქონება საჯარო რეესტრში რეგისტრაციას არც საჭიროებდა). 2011 წლის 21 ოქტომრის საქართველოს მთავრობის განკარგულებით კი, ეს ტერიტორიია მთლიანად სახელმწიფო საკუთრებად გამოცხადდა. „დემოკრატიის ინსტიტუტი" ითხოვს, რომ გოდერძის უღელტეხილზე, მიმდინარე სამთო კურორტის მშენებლობის არეალში მცხოვრებ ოჯახებს  საკუთრებაში გადაეცეთ მათ მფლობელობაში არსებული სახლები, ან სახელმწიფომ კერძო მესაკუთრეებისგან გამოისყიდოს არსებული ქონება.

კახეთი. საქართველოში დოკუმენტური ფილმების ფესტივალი წელს  პირველად თელავში ჩატარდება. დოკუმენტური ფილმების პოპულარიზაციაზე ჩეხურმა არასამთავრობო ორგანიზაციამ - PIN (people in need) იზრუნა და ამის თაობაზე 2 დღის წინ შეხვედრაც  გამართა. ორგანიზაცია ამიერკავკასიის სამივე რესპუბლიკაში მუშაობს და ამ ქვეყნებიდან იწვევს არასამთავრობო ორგანიზაციების წარმომადგენლებს დოკუმენტური ფილმების ფესტივალების ორგანიზებისათვის მათივე მშობლიურ ქალაქებში.

14 ივნისს, 14:00 საათზე, ორგანიზაცია "ახალგაზრდა ადვოკატები" გამართავენ სპეციალურ პრესკონფერენციას.  თემა: წინასაარჩვენოდ ამომრჩეველთა მოსყიდვა და ადმინისტრაციული რესურსების გამოყენება. მისამართი: ძმები ზუბალაშვილების ქუჩა #36

14 ივნისს, 11:30 საათზე, "საქართველოს ახალგაზრდა იურისტთა ასოციაცია" და "საერთაშორისო გამჭვირვალობა – საქართველო" სისხლისა და ადმინისტრაციული სამართლის საქმეებზე თბილისისა და ბათუმის საქალაქო სასამართლოების პროცესების მონიტორინგის შედეგების პრეზენტაციას გამართავენ. მისამართი: სასტუმრო "შერატონ მეტეხი პალასი"