გურია. 22 ივნისს ოზურგეთის საკრებულოს სხდომათა დარბაზში, „საზოგადოებრივი დარბაზის" რიგგარეშე სხდომა გაიმართა, რომელზეც სხვა განსახილველ საკითხებთან ერთად წარმოდგენილ იქნა ოზურგეთში მომუშავე დემოკრატიული მმართველობის პროგრამის გრანტიორი ორგანიზაციების საქმიანობები. დაგეგმილი შეხვედრის ორგანიზატორები: ოზურგეთის მუნიციპალიტეტის საკრებულო, ოზურგეთის მუნიციპალიტეტის გამგეობა, აშშ საერთაშორისო განვითარების სააგენტოს (USAID) პროგრამა - დემოკრატიული მმართველობა საქართველოში (G3). ოზურგეთის მუნიციპალიტეტსა და აშშ-ს საერთაშორისო განვითარების სააგენტოს (USAID) პროგრამას „დემოკრატიული მმართველობა საქართველოში” შორის 2011 წლის დეკემბერში გაფორმებული შეთანხმების წერილი (LOA) ითვალისწინებს მრავალ ღონისძიებას, რომელიც ოზურგეთის თვითმმართველობის მუშაობის გაუმჯობესებისა და საზოგადოებასთან ეფექტური კავშირისაკენ არის მიმართული. ამ მიზნით ოზურგეთის მუნიციპალიტეტთან სამუშაოდ დემოკრატიული მმართველობის პროგრამის ფარგლებში ღია კონკურსის საფუძველზე შეირჩა არასამთავრობო ორგანიზაციები: ადგილობრივ თვითმმართველობათა ეროვნული ასოციაცია, მუნიციპალური სერვისების მიმწოდებელთა ასოციაცია, საქართველოს დემოკრატიული განვითარების კავშირი და ადგილობრივი მედია საშუალება – დამოუკიდებელი სამაუწყებლო კომპანია „გურია”.

კახეთი.22-23 ივნისს, გურჯაანში, გაზეთ „კახეთის ხმის" ოფისში სამოქალაქო განვითარების ინსტიტუტმა შეხვედრა გამართა ახალი პროექტის შესახებ „მოქალაქე ჟურნალისტები თავისუფალი და სამართლიანი არჩევნებისთვის". ახალი პროექტის მიზანია საქართველოს სხვადასხვა ქალაქებში მოქალაქე ჟურნალისტების მოძებნა და მათ მიერ საარჩევნო თემაზე საჭირო მასალის მიწოდება. პროექტი ხორციელდება საქართველოს 11 ქალაქში. პროექტის ხელმძღვანელია ჟურნალისტი, მედია ექსპერტი ია ანთაძე. პროექტის განმავლობაში ყველა ქალაქში მომზადდება სტატია წინასწარ შეთანხმებულ 10 თემაზე. სულ 110 სტატია. პროექტში ასევე ჩართულები იქნებიან პროფესიონალი ჟურნალისტები, რომლებიც მოქალაქე ჟურნალისტებთან ერთად მასალას მიაწვდიან ორგანიზაციას. მასალის მიწოდება შესაძლებელია მეილზე info@cdi.org.ge  და ტელეფონზე (790) 88 99 00. მიწოდებული მასალა განთავსდება ვებგვერდზე www.cdi.org.ge. დამატებითი ინფორმაცია იხილეთ ამავე ვებგვერდზე.

თბილისი. 22 ივნისს, საქართველოს ჟურნალისტური ეთიკის ქარტიამ და სლოვაკურმა არასამთვრობო ორგანიზაციამ „მემო 98–მა" ერთობლივი მედიამონიტორინგის პროექტი წარადგინეს. ორგანიზაციების მიერ შერჩეული 6 მონიტორი წინასაარჩევნოდ 11 ტელეკომპანიას დააკვირდება. კერძოდ, ისინი სატელევიზიო არხებზე 7 საათიდან 12 საათამდე ტრანსლირებულ ყველა გადაცემის კონტენ–ანალიზს ჩაატარებენ. ორგანიზაციის წარმომადგენლების თქმით მონიტორები კონკრეტული ტელეარხების მიერ გავრცელებული კონტენტის შესაბამისობას გამოიკვლევენ მაუწყებელთა ეთიკის კოდექსთან და ჟურნალისტური ეთiკის ქარტიის ნორმებთან მიმართებაში. მონიტორინგი 1 ივლისიდან დაიწყება და არჩევნების დღემდე გაგრძელდება. მონიტორები დააკვირდებიან შემდეგ ნაციონალურ არხებს: „საზოგადოებრივ მაუწეყებელს", „რუსთავი 2–ს", „იმედს", ასევე ისეთ ტელევეზიებსაც, რომელთა მაუწყებლობა თბილისიდან ხორციელდება, მაგალითად „მაესტრო", „რეალტივი", „კავკასია", „მეცხრე არხი". მონიტორების ყურადღების ცენტრში ასევე მოექცა რეგიონული მაუწყებლები, იმერთში „რიონი" და "მეგატივი", ხოლო აჭარაში „აჭარის ტელევიზია" და „25–ე არხი".  პროექტი „ღია საზოგადოება–საქართველოს" დაფინანსებით ხორციელდება.  

თბილისი. „საერთაშორისო გამჭვირვალობა – საქართველომ", „საერთაშორისო გაჭვირვალობა – აზერბაიჯანმა" და „საერთაშორისო გამჭვირვალობა – სომხეთმა" დღეს ახალი ანაგარიშის პრეზენტაცია გამართეს. ანგარიშში „სახელმძღვანელოს სამხრეთ კავკასიის ქვეყნებში ინფორმაციის თავისუფლების შესახებ"  განხილულია სამი ქვეყნის (საქართველო, სომხეთი , აზერბაიჯანი) საკანონმდებლო ბაზა ინფორმაციის ხელმისაწვდომობის კუთხით, ასევე საერთაშორისო გამჭვირვალობის ოფისებმა საჯარო დაწესებულებების ტესტი ჩატარეს და გამოითხოვეს გარკვეული ინფორმაცია. ანგარიშში გამოკვლეულია საზოგადობრივი აზრი იმაზე, ითხოვენ თუ არა მოქალაქეები საჯარო ინფორმაციას, რა ტიპის ინფორმაცია დააინტერესებდათ მათ და ა.შ.  საქართველოში, აზერბაიჯანსა და სომხეთში ინფორმაციიის საჯაროობის კვლევა ჩაატარა კავკასიის კვლევითი რესურსრბის ცენტრმა.  ანგარიში მომზადებულია რეგიონული პროექტის „ინფორმაციის თავისუფლება სამხრეთ კავკასიის ქვეყნებში" ფარგლებში. პროექტი დაფინანსებულია ჩეხეთის რესპუბლიკის საგარეო საქმეთა სამინისტროს მიერ. 

თბილისი. 21 ივნისს, სამოქალაქო განვითარების ინსტიტუტმა კვლევის და ფილმის პრეზენტაცია გამართა. სტუდია მონიტორის მიერ გადაღებული ფილმი ეხებოდა საქართველოს სხვადასხვა რეგიონში სკოლიდან გათავისუფლებულ პედაგოგებს. მასწავლებლები მათი გათავისფულების მიზეზს მათი ოჯახის წევრების ოპოზიციურ პოლიტიკურ შეხედულებებს უკავშირებენ. სტუდია მონიტორმა რამდენიმე ასეთი შემთხვევა შეისწავლა და გაარკვია, რომ მათი გათავისუფლების ბრძანებაში საფუძველი დაკონკრეტებული არ არის. ფილმში ასევე აღწერილია თუ როგორ ხორციელდება ცვლილებები და რეფორმები განათლების სამინისტროში 2005 წლიდან დღემდე. შეხვედრაზე ასევე გაიმართა სამოქალაქი განვითარების ინსტიტუტის მიერ ჩატარებული კვლევის პრეზენტაცია, რომელიც იკვლევდა სასკოლო თემის დამოკიდებულებას სკოლის უსაფრთხოების პოლიტიკისადმი. კველვა ორ ნაწილად მიმდინარეობდა, რაოდენობრივი და თვისებრივი მეთოდოლოგიის გამოყენებით. იგი თბილისის სკოლებს მოიცავს და მე–6–დან მე 12 კლასამდე მოსწავლეების და მათი მშობლების დამოკიდებულებას იკლევს, კვლევის ფარგლებში ჩატარდა ფოკუს ჯგუფებიც. გამოიკვლიეს შემდეგი საკითხები: სკოლის კლიმატი, ძალადობის შემთხვევები სკოლაში და გარეთ, დამოკიდებულებები და წარმოდგენები და განსხვავებები  ამ დამოკიდებულებებში.  დღევანდელი ღონისძიება პროექტის  – „ბავშვზე ორიენტირებული სკოლის ადვოკატირების” –ფარგლებში ხორციელდება აღმოსავლეთ-დასავლეთის მართვის ინსტიტუტის (EWMI) პროგრამის – „საქართველოში საჯარო პოლიტიკის, ადვოკატირებისა და სამოქალაქო საზოგადოების განვითარების" (G-PAC) ფარგლებში.

კახეთი. „სათემო განვითარების ცენტრი” პოლონურ არასამთავრობო ორგანიზაცია B4-თან პარტნიორობით კახეთში ახალი პროექტის განხორციელებას იწყებს. პროექტი „ბიზნესი სტარტისთვის" განხორციელდება კახეთის სამ მუნიციპალიტეტში, კერძოდ სიღნაღის მუნიციპალიტეტის სოფელ ნუკრიანში, თელავის მუნიციპალიტეტის სოფელ ნაფარეულსა და გურჯაანში. პროექტი მიზნად ისახავს ხელი შეუწყოს მიზნობრივ სოფლებში მცხოვრები ქალების მიერ მცირე მეწარმეობის დაწყებას და  თვითდასაქმებას. პროექტის ფარგლებში შეირჩევა და გადამზადდება 60 ქალი - მცირე ბიზნესის დაწყებასა და მის გაძღოლაში. კონკურსში გამარჯვებული 20 მონაწილე მიიღებს მცირე გრანტს, საკუთარი ბიზნესის დაწყებისთვის. ბიზნეს-პროექტების მომზადებაში მათ პროექტში ჩართული კონსულტანტები დაეხმარებიან. სამიზნე მუნიციპალიტეტებში საინფორმაციო ბუკლეტები დღეს გავრცელდა.

გურია.„ახალგაზრდა პედაგოგთა კავშირის"  ოფისში, პროექტის  –  „ბავშვთა უფლებები ანიმაციაში" – ფარგლებში (დაფინანსებულია G-PAC მიერ), მომზადებული 4 ანიმაციური ფილმის პრეზენტაცია გაიმართა. ანიმაციური ფილმები ლიდერთა სკოლისა და ანიმაციის განვითარების ფონდის ექსპერტების ერთობლივი ნამუშევარია და ეხება ბავშვის უფლებათა კონვენციის მუხლებს. ფილმი „თამაში" (ბავშვის უფლებათა კონვენცია მუხლი 2 –  „ყველა ბავშვი თანასწორია და ერთნაირი უფლებები აქვთ"); ფილმი „მე, ჩიტი და მასწავლებელი" (ბავშვის უფლებათა კონვენცია მუხლი 13 – „ყველა ბავშვს უფლება აქვს გამოხატოს თავისი შეხედულება ყველა საკითხზე, რომელიც მას ეხება. მის შეხედულებებს სათანადო ყურადღება უნდა მიექცეს"); ფილმი „საფეხური" (ბავშვის უფლებათა კონვენცია მუხლი 23 – „სახელმწიფო ვალდებულია განსაკუთრებული მზრუნველობა გამოიჩინოს ინვალიდი ბავშვების მიმართ»); ფილმი „ცივი სახლი" (ბავშვის უფლებათა კონვენცია მუხლი 19 –  „ყველა ბავშვი დაცული უნდა იყოს ნებისმიერი სახის ძალადობისაგან"). პრეზენტაციას ესწრებოდა ოზურგეთის საზოგადოების წარმომადგენლები.

21 ივნისს, 14.00 საათზე, ფონდ „ღია საზოგადოება - საქართველო" ოფისში, სამოქალაქო განვითარების ინსტიტუტი და სტუდია "მონიტორი" ფილმისა და კვლევის პრეზენტაციას გამართავს. მისამართი: ჭოველიძის ქუჩა 10, ფონდი „ღია საზოგადოება – საქართველო"

22 ივნისს, 12:00 საათზე, სლოვაკური არასამთავრობო ორგანიზაცია „მემო 98" და საქართველოს ჟურნალისტური ეთიკის ქარტია გამართავს პროექტის „მედია სამართლიანი და გამჭვირვალე არჩევნებისათვის" პრეზენტაციას. მისამართი: სასტუმრო „თბილისი მერიოტი"

კახეთი.20 ივნისს, საღამოს 7 საათზე, გურჯაანში, საზოგადოებრივი ორგანიზაციის მედია ცენტრ კახეთის მოხალისეებმა ,,პაპას ბაღში" მორიგი აქცია გამართეს. მედია ცენტრ კახეთის მოხალისეებმა სლოგანით ,,დაიწყე ცხოვრება ღიმილით" საზოგადოებას გაერთიანებისკენ და გახალისებისკენ მოუწოდეს. ახალგაზრდბემა საზოგადოებას სხვადასხვა სახის „ღიმილები"დაურიგეს, რომელიც საინტერესო და პოზიტიური სლოგანებით იყო გაფორმებული. აქციის მიზანი საზოგადოების სამოქალაქო პროცესებში ჩათვა და გააქტიურება იყო. მაკა ხაზიური, აქციის ორგანიზატორი: ,,მედია ცენტრ კახეთის მოხალისეებმა გამართეს კიდევ ერთი საინტერესო აქცია. ღონისძიების მონაწილეებმა მოაწყეს ასფალტზე სმაილების ხატვა, გამართეს ფლეშმობი, ხოლო საღამოს მოეწყო ნაყინების დაგემოვნება და დისკოთეკა".

თბილისი. 20 ივნისს, „მშვიდობის დემოკრატიის და განვითარების კავკასიური  ინსტიტუტის" ორგანიზებით, ილიას სახელმწიფო უნივერსიტეტში, ახალგაზრდებთან შეხვედრა გაიმართა თემაზე „მე და არჩევნები". პროექტი ევროპის საბჭოს დაფინანსებით ხორციელდება და მისი მისი მიზანია საარჩევნო თემატიკაზე გაიმართოს შეხვედრები და დისკუსიები იმ ადამიანებთან, რომლებიც პირველად მიდიან არჩევნებზე. შეხვედრას უძღვებოდა „მშვიდობის დემოკრატიის და განვითარების კავკასიური  ინსტიტუტის"  თავმჯდომარე, გია ნოდია და „სამოქალაქო კულტურის საერთაშორისო ცენტრის" გამგეობის თავმჯდომარე, კოტე კანდელაკი. შეხვედრაზე  ისაუბრეს იმაზე, თუ რატომაა არჩევნები მნიშვნელოვანი პროცესი დემოკრატიულ განვთარებისთვის,  საარჩევნო სისტემის თავისებურებებზე, საარჩევნო  პროცედურებსა და არჩევნებთან დაკავშირებულ სხვა საკანონმდებლო ინიციატივებსა თუ ცვლილებებებზე. „ის რომ ხალხის მიერ არჩეული ხელისუფალი არსებობს, არასაკმარისი პირობაა დემოკრატიისთვის. ძალიან მნიშვნელოვანია, მაგრამ არასაკმარისი" – აღნიშნა შეხვედრაზე გია ნოდიამ. შეხვედრის ბოლოს მონაწილეებს დაურიგდათ ბროშურა „მე და არჩევნები".

22 ივნისს, 17:00  საათზე  სოციალური კვლევისა და პოლიტიკის ანალიზის საერთაშორისო ცენტრი და მაასტრიხტის მართველობის სკოლა მართავს მრგვალ მაგიდას თემაზე - „მიგრაციის ზეგავლენა საქართველოში და მოლდოვაში დარჩენილ ბავშვებსა და მოხუცებზე”, მისამართი:  თბილისი, ლესელიძის 25, ცენტრი „კალასი"

23 ივნისს, GeoCapital-ის  საზოგადოებრივი მისიის ფარგლებში,  ქუთაისში გაიმართება სემინარი –  „თქვენ და თქვენი ფინანსები”. მისამართი: ქუთაისი, წერეთლის ქუჩა #5.

გურია. 18 ივნისს, ოზურგეთში „დემოკრატიული ჩართულობის ცენტრში" კოალიციამ „არჩევანის თავისუფლებისთვის" წარმომადგენლებმა შეხვედრა გამართეს საზოგადოებრივი ორგანიზაციის, მედიისა და საზოგადოების წარმომადგენლებთან. შეხვედრის მიზანი იყო  კამპანია „ეს შენ გეხებას" ფარგლებში განხორციელებული და დაგეგმილი ღონისძიებების შესახებ ინფორმაციის მიწოდება. ასევე საუბარი შეეხო საარჩევნო გარემოს და მასთან დაკავშირებულ საკითხებს. კოალიცია „არჩევანის თავისუფლებისთვის" საქართველოს 8 რეგიონში შეხვედრების ორგანიზება 15 ივნისიდან დაიწყო.

22 ივნისს, 19:00 საათზე, სახალხო უნივერსიტეტთა გერმანული ასოციაციის საერთაშორისო თანამშრომლობის ინსტიტუტი მართავს დისკუსიას თემაზე – რელიგიური უფლებები: კანონმდებლობა და რეალობა. მისამართი:თბილისი, ყიფშიძის 20

22 ივნისს, 14:00 საათზე, „საერთაშორისო გამჭვირვალობა – საქართველო” და ჩეხეთის რესპუბლიკის საელჩო საქართველოში  მართავს ანგარიშის – „სახელმძღვანელო სამხრეთ კავკასიის ქვეყნებში ინფორმაციის თავისუფლების შესახებ" – პრეზენტაციას. მისამართი:თბილისი, მაყაშვილის 5, სასტუმრო „ბეტსი".

20 ივნისს, 12 :00 საათზე მშვიდობის დემოკრატიის და განვითარების კავკასიური ინსტიტუტი გიწვევთ შეხვედრაზე  „მე და არჩევნები". შეხვედრის მიზანია ახალგაზრდების მოტივაციის გაზრდა არჩევნებში მონაწილეობის მისაღებად. მისამართი: ილიას სახელმწიფო უნივერსიტეტის დარბაზი #106

კახეთი. სამოქალაქო საზოგადოების ინსტიტუტის ორგანიზებით 18 ივნისს ლაგოდეხში გაიმართა ადგილობრივი საზოგადოებრივი ორგანიზაციების და ჟურნალისტების შეხვედრა თემაზე: საზოგადოებრივი ორგანიზაციები და საზოგადოება, გამოწვევები და პერსპექტივები. შეხვედრის მიზანი იყო საზაგადოებრივი ორგანიზაციების ეფექტურობის გაზრდისადა საზოგადოებასთან კომუნიკაციის გაუმჯობესების ხელშეწყობა.შეხვედრაზე ნაჩვენები იქნა დოკუმენტური ფილმი, რომელიც ასახავს საქართველოში სამოქალაქო საზოგადოებისა და საზოგადოებრივი ორგანიზაციების განვითარების მდგომარეობას. ფილმის მიზანია, ფართო საზოგადოებას კიდევ ერთხელ შეახსენოს თუ რა როლი და ფუნქცია აქვს ამ სექტორს მთლიანად საზოგადოების ცხოვრებაში და განვითარებაში. როგორ მოვიდა დღემდე, რა ხდება დღეს და რა პერსპექტივები და გამოწვევებია მის წინაშე. გარდა ამისა,შეხვედრის მონაწილეებს მიეწოდათ ინფორმაცია საზოგადოებრივი ორგანიზაციებისთვის საინტერესო საკანონმდებლო სიახლეების შესახებ (არასამეწარმეო იურიდიული პირების დაბეგვრა; სახელმწიფო გრანტები და ა.შ.) შეხვედრაზე გაიმართა დისკუსია, რომელიც შემდეგ გაგრძელდა ადგილობრივი ტელევიზიის (ლტვ-ს) ეთერში, გადაცემა „ქვაკუთხედის" ფარგლებში.

გურია. პროექტის „ინფორმირებული მოსახლეობა - ეფექტური ხელისუფლება" ფარგლებში სამაუწყებლო კომპანია „გურიამ" პირველი თოქ-შოუ ჩაატარა. მას საპრეზენტაციო ხასიათი ჰქონდა და მასში იმ აქტივობებზე იყო საუბარი, რომელსაც პროექტში „დემოკრატიული მმართველობა საქართველოში" ოზურგეთის მუნიციპალიტეტიდან მონაწილე სუბიექტები განახორციელებენ. გადაცემაში მოწვეულნი იყვნენ: MSI Georgia-ს კოორდინატორი გურია-იმერეთში, ოზურგეთის მაჟორიტარი დეპუტატი, ოზურგეთის მუნიციპალიტეტის საკრებულოს, პარტნიორი არასამთავრობო ორგანიზაციების - საქართველოს დემოკრატიული განვითარების კავშირის და საქართველოს თვითმმართველობათა ეროვნული ასოციაციის წარმომადგენლები. სტუდიაში მოწვეულმა სტუმრებმა ისაუბრეს პროექტის მიზნებსა და ამოცანებზე და იმ მოლოდინებზე, რაც მათ აქვთ ამ პროექტის მიმართ. პროექტის ფარგლებში სამაუწყებლო კომპანია „გურიას" დაგეგმილი აქვს კიდევ 11 თოქ-შოუს მოწყობა, ასევე შემეცნებითი გადაცემებისა და რეპორტაჟების მომზადება.

20 ივნისს, 19:00 საათზე ჰაინრიჰ ბიოლის ფონდის სამხრეთ კავკასიის რეგიონალური ბიუროში გაიმართება საჯარო დისკუსია თემაზე:„პოლიტიკა და რელიგია: დესეკულარიზაციის ტენდენცია" . მისამართი: თბილისი, ზოვრეთის ქუჩა 38

20 ივნისს, 12:30 საათზე უკრაინის საელჩის წინ საზოგადოებრივი ორგანიზაცია „იდენტობის" ორგნაიზებით გაიმართება აქცია. იგი იმ კანონის წინააღმდეგ იგეგმება, რომელსაც უკრაინაში იღებენ და რომლის თანახმადაც ლგბტ ადამიანებს გამოხატვის თავისუფლება აეკრძალებათ. მისამართი: ონიაშვილის ქუჩა 75

შიდა ქართლი. 15 ივნისს, გორის დემოკრატიული ჩართულოიბის ცენტრში გაიმართა შეხვედრა, რომლის ორგანიზატორიც იყო ჩეხური   ორგანიზაცია,  „ადამიანი გაჭირვებაში" (PIN). იგი 2005 წლიდან ახორციელებს პერმანენტულ მისიას საქართველოში.  ორგანიზაციამ „ადამიანი გაჭირვებაში" 2012 წლის 1 მარტიდან დაიწყო. პროექტის  CAUCADOC  განხორციელება. მისი  მიზნია სამხრეთ კავკასიაში დოკუმენტური კინოს განვითარების ხელშეწყობა. მას საფუძვლად უდევს თოთხმეტწლიანი გამოცდილება - ჩეხეთის ადამიანის უფლებათა საერთაშორისო დოკუმენტური კინოფესტივალი. აღნიშნული პროექტის ფარგლებში იგეგმება დოკუმენტური კინოფესტივალების ორგანიზება მთელი საქართველოს მასშტაბით სხვადასხვა რეგიონში. ორგანიზაცია „ადამიანი გაჭირვებაში" (PIN)  არასამთავრობო ორგანიზაციებისთვის და საინიციატივო ჯგუფებისთვის რეგიონებში აცხადებს დოკუმენტრი კინოფესტივალების ორგანიზების კონკურსს. კონკურსში მონაწილეობის მიღება შეუძლიათ  როგორც რეგისტრირებულ ორგანიზაციებს, ასევე საინიციატივო  ჯგუფებს.  შეხვედრის მიმდინარეობისას დამსწრეებს განემარტათ კონკურსის პირობები, მიზნები და განხორციელების ვადები. კერძოდ, კინოფესტივალის ორგანიზების მსურველებმა უნდა წარადგინონ განაცხადი და მოწონების შემთხვევაში, აპლიკანტ ორგანიზაციებს, ან საინიციატივო ჯგუფებს ჩაუტარდებოდა ორი ტრენინგ-სემინარი თბილისსა და ბათუმში.  შიდა ქართლში კინო ფესტივალის გამართვის სავარაუდო დროა 2013 წლის მარტი-აპრილი.     შეხვედრის დასრულებისას გაიმართა ფილმის ჩვენება დამსწრეთათვის.