თბილისი. 3 თებერვალს, „ფრონტლაინ ჯორჯიაში" შეხვედრა - „ხუდონჰესის სოციალურ-ეკონომიკური გამოწვევები" - გაიმართა. იძულებით განსახლების, ადამიანის უფლებების, ასევე ხუდონჰესის ეკონომიკური მოგების საკითხებზე ორგანიზაცია „მწვანე ალტერნატივის" წარმომადგენლებმა: მანანა ქოჩლაძემ და დავით ჭიპაშვილმა ისაუბრეს. შეხვედრა წყარო: „ფრონტლაინ ჯორჯიას" გვერდი სოციალურ ქსელში

თბილისი. „კონსტიტუციის 42-ე მუხლმა" - წიგნის „სამართლებრივი გზამკვლევი ქალებისთვის" - პრეზენტაცია გამართა. საჯარო ღონისძიებას ესწრებოდნენ არასამთავრობო და სამოქალაქო სექტორის წარმომადგენლები, დონორი ორგანიზაციები და გენდერული საკითხებით დაინტერესებული მოქალაქეები. გზამკლევის მიზანია საქართველოში მცხოვრებ ქალებს ინფორმაციის საკუთარი უფლებებისა და თავისუფლებების შესახებ მიწოდება, რაც, შედეგად, მათ კანონით უზრუნველყოფილი უფლებების დაცვას კუთხით და სერიოზული პრობლემების აღმოფხვრას უზრუნველყოფს. ღონისძიებაზე, ასევე შედგა დისკუსია -„გენდერული თანასწორობის შესახებ სამოქმედო გეგმა 2014-2016". დისკუსიაში მომხსენებლებად წარსდგნენ საქართველოს პარლამენტის ვიცე-სპიკერი და „პარტნიორობა ადამიანის უფლებებისთვის" ხელმძღვანელი. სრულად წყარო:ორგანიზაციის გვერდი სოციალურ ქსელში

სამცხე–ჯავახეთი. ადამიანის უფლებებისა და მონიტორინგის ცენტრმა (EMC) მოამზადა ვიდეო მასალა, რომელიც სამცხე-ჯავახეთის სოფლებში (ივლიტა, ვალე, უდე, არალი) ადგილობრივი კათოლიკე თემის მიმართ რელიგიის თავისუფლების შეზღუდვის ფაქტებს ასახავს. „ადგილობრივი კათოლიკე მოძღვრები ყვებიან საჯარო სკოლებში ინდოქტრინაციის, პროზელიტიზმის და კათოლიკე მოსწავლეების მიმართ დისკრიმინაციურლი მიდგომის პრაქტიკებზე, რომელშიც მათი შეფასებით, მართლმადიდებელი სასულიერო პირებიც აქტიურად არიან ჩართულნი", ნათქვამია ორგანიზაციის გვერდზე სოციალურ ქსელში. ვიდეომასალა: „კათოლიკეთა დისკრიმინაციის ფაქტები სამცხე-ჯავახეთში" წყარო: ორგანიზაციის გვერდი სოციალურ ქსელში

თბილისი. 29 იანვარს ჰაინრიჰ ბიოლის ფონდში გაიმართა საჯარო დისკუსია: „რატომ პოლიტიკა: მიწოდება, პროფესია თუ დასაქმება". დისკუსიაში მონაწილეობას იღებდნენ ლელა გაფრინდაშვილი (ფილოსოფოსი, თბილისის სახელმწიფო უნივერსიტეტის ასოცირებული პროფესორი). ბექა ნაცვლიშვილი (პოლიტოლოგი, საქართველოს სოციალ–დემოკრატიული პარტია), ხათუნა სამნიძე (რესპუბლიკური პარტიის თავმჯდომარე). მათ ვინც ვერ შეძლო დისკუსიაზე დასწრება, ფონდი საშუალებას აძლევს იხილოს ვიდეოჩანაწერი. დისკუსიის ვიდეოჩანაწერი: „რატომ პოლიტიკა: მიწოდება, პროფესია თუ დასაქმება?" წყარო: ბიოლის ფონდი

თბილისი. ადამიანის უფლებათა ცენტრი ეხმაურება მუხროვანის შესახებ სოციალურ ქსელებში გავრცელებულ ვიდეოკადრებს. ცენტრს მიაჩნია, რომ ეს ვიდეოკადრები ხელისუფლების მხრიდან საჭიროებს სასწრაფო რეაგირებას. „მთავარმა პროკურატურამ დროული გამოძიება უნდა დაიწყოს ვიდეოკადრებში ასახულ ფაქტთან დაკავშირებით და დაადგინოს, კონკრეტულად ვის ეხებოდა ყოფილი შს მინისტრის მიერ ადამიანების გაუსამართლებლად ლიკვიდაციის ბრძანება. სასწრაფოდ უნდა დაიკითხონ  კადრებში აღბეჭდილი ის სამხედრო მაღალჩინოსნები, რომლებიც უშუალოდ იღებდნენ მითითებებს ვანო მერაბიშვილისაგან სამხედრო ოპერაციის ჩატარების თაობაზე", ნათქვამია განცხადებაში. სრულად წყარო: humanrights.ge

თბილისი. „საერთაშორისო გამჭვირვალობა - საქართველო" აგრძელებს საჯარო სამსახურში საკადრო პოლიტიკის საკითხების კვლევას. ამჯერად საერთაშორისო გამჭვირვალობა- საქართველო მუშაობს კვლევაზე, რომლის მიზანია აღწეროს საჯარო სამსახურში ჩატარებული კონკურსების მიმდინარეობა. ორგანიზაცია ავრცელებს კითხვარს, რომელიც განკუთვნილია იმ პირებისათვის, ვინც 2013 წლის 1 მარტის შემდეგ ცენტრალური ხელისუფლების ორგანოებში გამოცხადებულ ვაკანტურ თანამდებობებზე გააკეთეს განაცხადი და აქვთ საფუძვლიანი ეჭვი, რომ შესარჩევი კონკურსები უსამართლოდ წარიმართა. კითხვარი წყარო:ორგანიზაციის გვერდი სოციალურ ქსელში

თბილისი. საქართველოს ახალგაზრდა იურისტთა ასოციაცია საგანგებო განცხადებას ავრცელებს. ორგანიზაციის განცხადებაში ნათქვამია, რომ ბოლო პერიოდში მათ რამდენიმე მოქალაქემ მიმართა „პოლიციის თანამშრომლების მხრიდან ფიზიკური და სიტყვიერი შეურაცხყოფის ფაქტების შესახებ... საიას ადვოკატები უშუალოდ შეხვდნენ მოქალაქეებს. მათ მიერ დაწერილ დეტალურ ახსნა-განმარტებებში არსებული ინფორმაცია შეიცავს სისხლის სამართლის კოდექსით გათვალისწინებულ სხვადასხვა სახის დანაშაულის ნიშნებს და აუცილებელია ყველა მათგანი დაუყოვნებლივ იქნეს სათანადოდ გამოძიებული.... ... საქართველოს ახალგაზრდა იურისტთა ასოციაცია მოუწოდებს საქართველოს მთავარ პროკურატურას, რომ თითოეულ ზემოაღნიშნულ ინფორმაციაზე აწარმოოს ეფექტური, ობიექტური გამოძიება. მოვითხოვთ, დანაშაულის დადგენის შემთხვევაში, თითოეულ პირს კანონით დადგენილ ფარგლებში და დადგენილი წესით დაეკისროს ადეკვატური პასუხისმგებლობა. ამავე დროს, ხელისუფლება უნდა დაფიქრდეს თუ რამდენად ეფექტურია სისხლის სამართლის საქმეთა საგამოძიებო-უწყებრივი ქვედებარეობის მოქმედი წესი და ხომ არ იქნება უმჯობესი პარლამენტმა საკანონმდებლო დონეზე შექმნას სამართალდამცველთა მიერ ჩადენილი დანაშაულის გამოძიების უკეთესი მექანიზმი", ნათქვამია განცხადებაში. სრულად წყარო: gyla.ge

თბილისი. 29 იანვარს, თბილისის ადამიანის უფლებათა სახლში ყოფილი პატიმრების საქმეებთან დაკავშირებით პრესკონფერენცია გაიმართა. „...რამდენიმე თვის წინ ვახტანგ მაისაიამ და ზაზა აზარიაშვილმა, ადამიანის უფლებათა ცენტრის დახმარებით, ოფიციალურად მიმართეს მთავარ პროკურატურას და მოითხოვეს, გამოიძიოს მათ მიმართ განხორციელებული წამების ფაქტები. ...ადამიანის უფლებათა ცენტრი მთავარ პროკურატურას მოუწოდებს, დროულად მოახდინოს რეაგირება წამების მსხვერპლი პატიმრების განცხადებებზე, სცნოს ისინი დაზარალებულებად და ჩაატაროს ეფექტური გამოძიება. წინააღმდეგ შემთხვევაში, ამ საქმეებზე ეფექტრური რეაგირების მიზნით, ადამიანის უფლებათა ცენტრი ევროპის ადამიანის უფლებათა სასამართლოს მიმართავს", ნათქვამია ორგანიზაციის ვებ-გვერდზე. სრულად წყარო:ორგანიზაციის გვერდი სოციალურ ქსელში

შიდა ქართლი. ფონდ „ღია საზოგადოება – საქართველოს" ინიციატივით და მხარდაჭერით გამოცემული კრებულის – „კარი გამიღე" – პრეზენტაცია 29 იანვარს, გორში თავდაცვის აკადემიაში გაიმართა. კრებულიდან ნაწყვეტები მწარლებმა ლაშა ბუღაძემ და დათო ტურაშვილმა წაიკითხეს. კრებული პროექტის – „მწერლები ადამიანის უფლებებისთვის" – ფარგლებში გამოცია, რომლის მიზანია პაციენტის უფლებების პოპულარიზაცია და მათი პრობლემების საზოგადოებამდე ლიტერატურული ტექსტების მეშვეობით მიტანა. წყარო: osgf.ge

თბილისი. საქართველოს ახალგაზრდა იურისტთა ასოციაცია პატიმრობის კოდექსში სპეციალურ საშუალებებთან დაკავშირებულ ცვლილებებს ეხმაურება და განცხადებას ავრცელებს. „საქართველოს პარლამენტში ინიცირებულია კანონპროექტი, რომელიც მიზნად ისახავს პატიმრობის კოდექსში მთელი რიგი ცვლილებების შეტანას... საიას, სხვა არასამთავრობო ორგანიზაციებთან ერთად, ჰქონდა შესაძლებლობა ჩართული ყოფილიყო აღნიშნული კანონპროექტის ირგვლივ მიმდინარე სამუშაო პროცესში და სამინისტროსათვის საკუთარი პირველადი მოსაზრებები მის ინიცირებამდე მიეწოდებინა. ცვილებების ნაწილს ორგანიზაცია დადებითად აფასებს, ნაწილს კი - უარყოფითად. საია აპირებს კანონპროექტთან დაკავშირებით საკუთარი მოსაზრებები პარლამენტს უახლოეს მომავალში წერილობით მიაწოდოს", ნათქვამია განცხადებაში. ამჯერად ორგანიზაცია ეხმაურება ცვლილებათა უშუალოდ იმ ნაწილს, რომელიც სპეციალური საშუალებებს უკავშირდება. სრულად წყარო: gyla.ge

თბილისი. მსოფლიო პერსონალური მონაცემების დაცვის საერთაშორისო დღესთან დაკავშირებით სახალხო დამცველი განცხადებას ავრცელებს. იგი „ფარული თვალთვალის პრაქტიკის გამოძიების აუცილებლობას ხაზს უსვამს. სახალხო დამცველი კიდევ ერთხელ დადებითად აფასებს იმ ფაქტს, რომ 2013 წლის 5 სექტემბერს საქართველოს შინაგან საქმეთა სამინისტროში, პირადი ცხოვრების ამსახველი ფარული ფოტო და ვიდეო ჩანაწერების გარკვეული ნაწილი განადგურდა". 2014 წლის 29 იანვარს ფარული ჩანაწერების საკითხებზე მომუშავე კომისიის მორიგი სხდომა გაიმართება. სახალხო დამცველი იმედს იტოვებს, „რომ მიღებული იქნება გადაწყვეტილება სრულად იქნეს გამოძიებული უკანონო თვალთვალის ფაქტები. ამასთან, საქართველოს სახალხო დამცველი მოუწოდებს სამართალდამცავ ორგანოებს აწარმოონ სწრაფი და ეფექტიანი გამოძიება მოცემული დანაშაულებრივი ფაქტების გახსნის მიზნით". სრულად წყარო: ombudsman.ge

თბილისი. არასამთავრობო ორგანიზაცია „ახალგაზრდა ადვოკატებმა"  შრომის კოდექსში შესული ცვლილებების შემდგომ ქართულ კომპანიებში მათი იმპლემენტაციის მონიტორინგის შედეგები წარმოადგინეს.  ორგანიზაციამ განახორციელა ქართული კომპანიების მონიტორინგი, რათა „განხორციელებული ცვლილებების გათვალისწინებით, საჯარო გამხდარიყო დამსაქმებლისა და დასაქმებულის უფლებრივი მდგომარეობა, პრობლემების იდენტიფიცირება და არსებული ხარვეზების საკანონმდებლო დონეზე წარდგენა და ლობირება".  სრულად წყარო:ორგანიზაციის გვერდი სოციალურ ქსელში

ორგანიზაცია „რეპორტიორები საზღვრების გარეშე" უკრაინის ხელისუფლებას მოუწოდებს, პატივი სცეს მედიის პერსონალს და უზრუნველყოს მათი უსაფრთხო გარემოში მუშაობა. ორგანიზაციის მიერ გამოქვეყნებული წერილის მიხედვით, მაშხალების, რეზინის ტყვიებისა და სხვა არალეტალური იარაღებისგან, უკვე, როგორც მინიმუმ, 37 მედია მუშაკია დაშავებული. ორგანიზაციის მიერ გავრცელებული განცხადების მიხედვით, უკრაინის ხელისუფლებამ დემოკრატიული პრინციპების დაცვისთვის უნდა უზრუნველყოს ჟურნალისტებისთვის უსაფრთხო გარემოს შექმნა და არ გაამწვავოს დაპირისპირება მომიტინგეებთან. სრულად წყარო: media.ge

თბილისი. 20 იანვარს, ორგანიზაცია „იდენტობამ" კონფერენცია - „უმცირესობათა საკითხები საქართველოში" - გამართა. კონფერენციის პირველი ნაწილი, „იდენტობას" მიერ 2013-2014 წლებში ჩატარებული კვლევების წარდგენას დაეთმო. კვლევების ძირითადი ფოკუსი საქართველოში ლგბტ ადამიანების დისკრიმინაციის სხვადასხვა ფორმებსა თუ ინსტრუმენტებს შეეხებოდა. კონფერენციის მეორე ნაწილი, უმცირესობათა ჯგუფების უფლებრივ მდგომარეობასა და რეკომენდაციებზე საუბარს დაეთმო. საქართველოში სხვადასხვა უმცირესობების საკითხებზე მომუშავე ორგანიზაციების სახელით, მომხსენებლებმა გასულ წელს ქვეყანაში საზოგადოების სხვადასხვა ჯგუფების დისკრიმინაციის საკითხებზე ისაუბრეს. ღონისძიების დასკვნითი ნაწილი, არასამთავრობო ორგანიზაცია „იდენტობას" მიერ გასული წლის მიწურულს ჩატარებული გამოკითხვის გამარჯვებულების დასახელებას დაეთმო.  კვლევის - „გეი, ბისექსუალ და ტრანსგენდერ კაცთა სოციალური მდგომარეობა” - წინასწარი შედეგები კვლევა: დილემები და კომპრომისები; ლგბტ ადამიანების პროფესიული განვითარება სრულად წყარო: identoba.com

თბილისი. არასამთავრობო ორგანიზაცია „იდენტობამ" ადამიანის ღირსებისა და უფლებების დამცველთა ყოველწლიური ჯილდო წელს პირველად გასცა. გამარჯვებულები ოთხ ნომინაციაში გამოვლინდნენ. 2013 წლის უფლებადამცველი ჟურნალისტის ნომინაციაში გიორგი კიკონიშვილმა გაიმარჯვა, სამოქალაქო საზოგადოების წარმომადგენლებს შორის კი არასამთავრობო ორგანიზაცია GDI-ის წარმომადგენელმა - გიორგი მშვენიერაძემ. სამოქალაქო აქტივისტის ნომინაციაში გამარჯვებული იურისტი თამარ გურჩიანი გახდა. სახელმწიფო მოხელეებს შორის ჯილდო კი საპარლამენტო უმრავლესობის წევრს, დეპუტატ თამარ კორძაიას გადაეცა. წყარო: ginsc.net

ეუთოს დემოკრატიული ინსტიტუტებისა და ადამიანის უფლებათა დაცვის სადამკვირვებლო მისიამ საქართველოში 2013 წელს ჩატარებული საპრეზიდენტო არჩევნების სადამკვირვებლო მისიის ანგარიში გამოაქვეყნა. ანგარიში 2014 წლის 14 იანვარს გამოქვეყნდა. ანგარიში (ინგლისური) წყარო: osce.org

თბილისი. ორგანიზაცია „იდენტობამ" ფილმი - „ორიენტაციის გამო ადამიანის დევნა მიუღებელია" - გამოაქვეყნა. ფილმი მოგვითხრობს პარალელურ სიტუაციებზე, ერთი და იგივე ადამიანებზე, ორიენტაციის გამო განსხვავებულ მოპყრობაზე. ფილმის გადაღება კანადის ადგილობრივი ინიციატივების ფონდის დახმარებით გახდა შესაძლებელი. ფილმი წყარო: identoba.com

აჭარა. 16 იანვარს, ახალგაზრდულმა ორგანიზაცია - „ცვლილებები თანაბარი უფლებებისათვის", ბათუმის დემოკრატიული ჩართულობის ცენტრში. ადგილობრივ შშმ პირებს, მათ მშობლებს და სტუდენტებს შეხვდა. შეხვედრის მიზანი შშმ პირების მიმართ არასწორად გამოყენებული ტერმინების განმარტება და მათთვის მართებული ტერმინების შესახებ მასალების მიწოდება იყო. ასევე, შშმ პირთა გააქტიურების მიზნით, ორგანიზაციის ხელმძღვანელმა საკუთარი გამოცდილება გაუზირა დამსწრეებს და მოუწოდა გააქტიურებისკენ. შეხვედრის ფარგლებში სიმულაციური თამაშების მეშვეობით შშმ პირებმა და მათმა მშობლებმა ისაუბრეს საზოგადოებაში შშმ პირთა ინტეგრაციის შემაფერხებელ ფაქტორებზე და პრობლემის მოგვარების სამომავლო გეგმების შეიმუშავება დაიწყეს.

თბილისი. დემოკრატიული განვითარების ეროვნულმა ცენტრმა სოციალურ ქსელში განცხადება გაავრცელა. ორგანიზაციის გვერდზე საუბარია შერიგებისა და სამოქალაქო თანასწორობის საკითხებში საქართველოს სახელმწიფო მინისტრის განცხადებაზე. „14 იანვარს პაატა ზაქარეიშვილმა საბჭოთა რეჟიმის მიერ დეპორტირებული საქართველოს მოქალაქეები, რომლებიც რეპატრიაციას ექვემდებარებიან, მოიხსენია „მაჰმადიან მესხებად". აღნიშნული ტერმინი, გარდა იმისა, რომ ლახავს ადამიანის საყოველთაოდ აღიარებულ უფლებებს, ყოფს საზოგადოებრივ ჯგუფებს რელიგიური ნიშნით, ახდენს მათ დისკრიმინაციას და ლახავს პირის ან პირთა წრის პატივსა და ღირსებას ... მოვუწოდებთ ბატონ ზაქარეიშვილს, დროულად განმარტოს საკუთარი განცხადების შინაარსი და საჯაროდ მოიხადოს ბოდიში რათა არ შეილახოს სახელმწიფოს რეპუტაცია", ნათქვამია განცხადებაში. სრულად წყარო:ორგანიზაციის გვერდი სოციალურ ქსელში

თბილისი. ბოლო თვეების განმავლობაში საერთაშორისო გამჭვირვალობა – საქართველო აქტიურად მუშაობს SMS რეკლამის ირგვლივ. „ეს არის გამოწვევა, რომელიც არღვევს ადამიანების პირადი ცხოვრების ხელშეუხებლობის უფლებას, მაშინ როცა კერძო კომპანიები სარგებლობენ იმ ვითარებით, რომ ამ მომენტისათვის კანონის დარღვევის გამო მათ პასუხს იოლად ვერავინ აგებინებს", ნათქვამია ორგანიზაციის ვებგვერდზე.. 15 იანვარს ორგანიზაციამ გამოაქვეყნა ამ საკითხზე ჩატარებული გამოკითხვის შედეგები, რომლის მიხედვითაც საქართველოში ყოველი სამიდან ორი ადამიანი იღებს SMS სპამს. სრულად წყარო: transparency.ge

თბილისი. ადამიანის უფლებების სწავლებისა და მონიტორინგის ცენტრის ვებგვერდზე გამოქვეყნდა ნინო გურულის ბლოგპოსტი: „ხელმისაწვდომობის უფლება შეზღუდული შესაძლებლობის მქონე პირთათვის". ავტორი მკითხველს უზიარებს ევროპის ქვეყნების მრავალწლიან პრაქტიკას შეზღუდული შესაძლებლობის მქონე პირების საზოგადოებრივ ცხოვრებაში ჩართულობის და თანასწორობის პრინციპის უზრუნველსაყოფი ღონისძიებების შესახებ. ბლოგპოსტი: ხელმისაწვდომის უფლება შეზღუდული შესაძლებლოობის მქონე პირთათვის წყარო: emc.org.ge

თბილისი. „აჰუაჰუ – თანამედროვე ხელოვნების განვითარებისთვის", „სამოქალაქო საზოგადოების განვითარების ცენტრი" და „ჰელფინგ ჰენდი" ახორციელებენ პროექტს – „მეც მოქალაქე ვარ". პროექტი ქუჩაში მცხოვრები უსაბუთო ბავშვების უფლებრივი მდგომარეობის ხელშეწყობას ისახავს მიზნად. „კვლევის შედეგებიდან ერთ-ერთ მწვავე საკითხად იკვეთება პირადობის დამადასტურებელი საბუთების არქონა, რის გამოც, იურიდიული თვალსაზრისით, ისინი არ არიან იდენტიფიცირებული, ვერ იღებენ განათლებას, ჯანდაცვას და სახელმწიფოსგან თუ არასამთავრობო სექტორისგან მათთვის განკუთვნილ სარგებელს", ნათქვამია პროექტის ვებგვერდზე. ორგანიზაციები პეტიციას ავრცელებენ, რომელითაც მიმართავენ საქართველოს მთავრობასა და პარლამენტს „შემუშავდეს სპეციალური სამართლებრივი მექანიზმი ამ არასრუწლოვანთა უფლებების დაცვის მიზნით და მათთვის იურიდიული სტატუსის მისანიჭებლად". პეტიციაზე მიერთება ნებისმიერ მოქალაქეს შეუძლია. პეტიცია პროექტის ვებგვერდი სოციალურ ქსელში წყარო: პროექტის ვებგვერდი სოციალურ ქსელში