თბილისი. კოალიციამ „დამოუკიდებელი ცხოვრებისათვის" გაავრცელა განმარტება საქართველოს პარლამენტის მიერ გაეროს შეზღუდული შესაძლებლობების მქონე პირთა უფლებების კონვენციის რატიფიცირებაზე. „კონვენციის რატიფიცირებასთან და ფაკულტატურ ოქმთან დაკავშირებით, მინდა მოგაწოდოთ დაზუსტებული ინფორმაცია, რადგან გავრცელდა, რომ თითქოს მოხდა ფაკულტატი ოქმის რატიფიცირება კონცენციასთან ერთად. გაცნობებთ, რომ 91 ხმით პარლამენტმა, კენჭი უყარა გაეროს კონვენციას ფაკუტატური ოქმის გარეშე. რაც შეეხება თანდართულ დეკლარაციას, იგი ეხება კონვენციის მე-12 მუხლს, რომელშიც საუბარია „ქმედითუუნარობაზე". რაც შეეხება ფაკულტატურ ოქმს, განხილვის პროცესში საქართველოს მთავრობამ განაცხადა, რომ მაქსიმუმ 2 წელიწადში პარლამენტში დადგება ოქმის რატიფიცირების საკითხი, ხოლო მანამდე, განხორციელდება კონვენციის იმპლემენტაციისათვის საჭირო საკანონმდებლო ცვლილებები და სამთავრობო-სახელმწიფო გეგმით გათვალისწინებული ღონისძიებები", ნათქვამია განმარტებაში. წყარო:ორგანიზაციის გვერდი სოციალურ ქსელში

თბილისი. 26 დეკემბერს, საქართველოს ახალგაზრდა იურისტთა ასოციაციისა და ძალადობისგან დაცვის ეროვნული ქსელის ორწლიანი პროექტის პრეზენტაცია გაიმართა. „სამოქალაქო საზოგადოების ცნობიერების ამაღლება ქალთა უფლებების დაცვის სფეროში" - მიზანი იყო ოჯახში ძალადობის მსხვერპლთა ეფექტური დაცვის მიზნით საერთაშორისო პრაქტიკის გაზიარება. პროექტი განხორციელდა ჩეხეთის არასამთავრობო ორგანიზაცია „ADRA”-სთან თანამშრომლობით ჩეხეთის საგარეო საქმეთა სამინისტროს ფინანსური მხარდაჭერით. წყარო:ორგანიზაციის გვერდი სოციალურ ქსელში

თბილისი. საქართველოს ახალგაზრდა იურისტთა ასოციაციის განცხადებით საზოგადოებრივ მაუწყებელს გიორგი ბარათაშვილის თანამდებობაზე დაუყოვნებლივ აღდგენის შესახებ სააღსრულებო ფურცელი წარედგინა. ინფორმაცია ორგანიზაციამ ვებგვერდზე გაავრცელა. „ვინაიდან საზოგადოებრივი მაუწყებლის თანამდებობაზე გიორგი ბარათაშვილის აღდგენა არ არის დაკავშირებული საზოგადოებრივი მაუწყებლის ხელმძღვანელობის მიერ დამატებით რაიმე აქტის გამოცემასთან, 2013 წლის 24 დეკემბრის სააღსრულებო ფურცლის საზოგადოებრივი მაუწყებლისათვის ჩაბარებისთანავე გიორგი ბარათაშვილი უნდა შეუდგეს საზოგადოებრივი მაუწყებლის გენერალური დირექტორის მოვალეობების შესრულებას. ...ვიმედოვნებთ, რომ სამეურვეო საბჭო, გენერალური დირექტორის საქმიანობასთან დაკავშირებით აღარ მიიღებს კანონშეუსაბამო და დაუსაბუთებელ გადაწყვეტილებებს", ნათქვამია ორგანიზაციის გვერდზე. სრულად წყარო: gyla.ge

თბილისი. ადამიანის უფლებების სწავლებისა და მონიტორინგის ცენტრმა ნინო გურულის ბლოგპოსტი - „დამოუკიდებელი ცხოვრების უფლება შშმ პირთათვის" - გამოაქვეყნა. ბლოგპოსტში საუბარია, თუ რა ზომებს იღებენ სხვადასხვა ქვეყნები შეზღუდული შესაძლებლობის მქონე პირებისთვის დამოუკიდებელი ცხოვრების უფლების ეფექტური რეალიზაციისთვის.  სრულად  წყარო: emc.org.ge

თბილისი. 17 დეკემბერს „დისკრიმინაციის ყველა ფორმის აღმოფხვრის შესახებ" კანონპროექტის დასრულებული ვარიანტის პრეზენტაცია გაიმართა. პრეზენტაციას ესწრებოდნენ ეთნიკური და რელიგიური უმცირესობების წარმომადგენლები, ასევე არასამთავრობო ორგანიზაციები, რომლებიც მუშაობენ ქალების, შეზღუდული შესაძლებლობების მქონე პირების, ეთნიკური და რელიგიური უმცირესობების წარმომადგენელთა საკითხებზე. კანონპროექტი იუსტიციის სამინისტროს ეკუთვნის. სრულად წყარო: ginsc.net

თბილისი. 13 დეკემბერს გაიმართა სამუშაო შეხვედრა, რომლის თემა იყო შშმ პირების დასაქმების მხრივ საქართველოში არსებული სიტუაციის მიმოხილვა.   შშმ პირების დასაქმების შესახებ სტრატეგიის შემუშავება ხდება პროექტია - „შეზღუდული შესაძლებლობის მქონე ადამიანები - საზოგადოების განუყოფელი და პატივსაცემი ჯგუფი" - ფარგლებში. პროექტი მხარდაჭერილია ჩეხეთის მთავრობის მიერ და ახორციელებს ჩეხეთის კარიტასი - საქართველოს კარიტასთან თანამშრომლობით. საქართველოში პროექტის პარტნიორები არიან „კოალიცია დამოუკიდებელი ცხოვრებისათვის", „საქართველოს სოციალურ მუშაკთა ასოციაცია", „საზოგადოებრივი პოლიტიკის ინსტიტუტი". წყარო: „კოალიცია დამოუკიდებელი ცხოვრებისათვის" გვერდი სოციალურ ქსელში

მცხეთა-მთიანეთი. 14-15 დეკემბერს, UNICEF Georgia-ს ორგანიზებით, გუდაურში გაიმართა საინფორმაციო შეხვედრა ჟურნალისტებთან ბავშვთა მიმართ ძალადობის საკითხებზე. UNICEF-ის წარმომადგენლებმა ჟურნალისტებს საქართველოში ჩატარებული კვლევის შედეგები გააცნეს. წყარო:ორგანიზაციის გვერდი სოციალურ ქსელში

შშმ პირთა უფლებების დამცველმა საერთაშორისო ორგანიზაციამ (Disability Rights International) ანგარიში - „უყურადღებოდ მიტოვებულები" - გამოაქვეყნა. ანგარიში დოკუმენტურად აღწერს ქვეყნის ყველაზე მოწყვლადი მოსახლეობის - დაწესებულებებში მოთავსებული შშმ ბავშვების - უფლებების დაცვას საქართველოში. სრულად წყარო: „კოალიცია დამოუკიდებელი ცხოვრებისათვის" გვერდი სოციალურ ქსელში

აჭარა. ხანდაზმულ ქალთა ასოციაციამ გენდერული ძალადობის წინააღმდეგ ბრძოლის 16 დღიანი კამპანიის ფარგლებში სოციალური რეკლამა მოამზადა. რეკლამა  წყარო:ორგანიზაციის გვერდი სოციალურ ქსელში

სამცხე–ჯავახეთი. რეგიონში ადამიანის უფლებათა დაცვის საერთაშორისო დღეს გამოეხმაურნენ. 10 დეკემბერს ახალციხის დემოკრატიული ჩართულობის ცენტრში გაეროს მიერ შექმნილი ადამიანთა უფლებების დაცვის დეკლარაცია განიხილეს. შეხვედრა „კონფლიქტებისა და მოლაპარაკებების კვლევის ცენტრის” მხარდაჭერით გაიმართა. მასში მონაწილეობა სამცხე– ჯავახეთის სხვადსხვა საჯარო სკოლის მოსწავლეებმა მიიღეს. ახალგაზრდებმა ადამიანთა უფლებების დაცვის დეკლარაციის თითოეული მუხლი განიხილეს და მათ შესახებ იმსჯელეს.

იმერეთი. 12 დეკემბერს ქუთაისის ახალგაზრდული ცენტრის წევრებისათვის ორგანიზება გაუკეთდა ტრენინგ-სემინარს - „ადამიანის უფლებები". ღონისძიებას უძღვებოდა საქართველოს სახალხო დამცველის რეგიონული რწმუნებული. ტრენინგი მთლიანად დაეთმო ადამიანის უფლებებებთან დაკავშირებულ საკითხებს. მონაწილეები გაეცვნენ: რა არის ადამიანის უფლებები, ადამიანის უფლებები მსოფლიოს სხვადასხვა კუთხეში, როგორ ვისარგებლოთ ჩვენი უფლებებით? ადამიანის უფლებათა ევოლუცია/თაობები, ადამიანის უფლებათა სამართლებრივი დაცვა, ადამიანის უფლებათა დაცვის უზრუნველყოფა, ადამიანის უფლებათა საყოველთაო დელკარაცია და სხვა. ტრენინგ-კურსი ორგანიზებული იქნა „საქართველოში ეროვნული ინტეგრაციის გაძლიერების" პროექტის (ANI) ფარგლებში, რომელიც ხორციელდება საქართველოს გაეროს ასოციაციის (UNAG) მიერ, აშშ-ს საერთაშორისო განვითარების სააგენტოს (USAID) მხარდაჭერით. წყარო:ორგანიზაციის გვერდი სოციალურ ქსელში

თბილისი. 10 დეკემბერს სახალხო დამცველმა საზოგადოების წინაშე ადამიანის უფლებებისა და თავისუფლებების კუთხით ქვეყანაში არსებული მდგომარეობის ანგარიში წარადგინა. აღნიშნული ანგარიში წარმოადგენს საქართველოს სახალხო დამცველის ინიციატივას, ყოველი წლის 10 დეკემბერს შეაჯამოს ქვეყანაში ადამიანის უფლებებისა და თავისუფლებების კუთხით არსებული მდგომარეობა. „2013 წელმა წინა წელთან შედარებით ნაკლებ დრამატულად ჩაიარა. მიუხედავად იმისა, რომ თვალსაჩინოა ადამიანის უფლებათა და თავისუფლებათა დაცვის მხრივ წინგადადგმული ნაბიჯები, საქართველოს სახალხო დამცველის აზრით, კვლავ რჩება მთელი რიგი გამოწვევები და პრობლემები, როგორც სამოქალაქო და პოლიტიკური, ასევე სოციალური და ეკონომიკური უფლებების რეალიზების მხრივ", ნათქვამია სახალხო დამცველის ვებ-გვერდზე, ანგარიში წყარო: ombudsman.ge

თბილისი. საქართველოს ახალგაზრდა იურისტთა ასოციაციამ პრიკურატურიდან თანამშრომელთა გათავისუფლების ფაქტზე პრესკონფერენცია 11 დეკემბერს გამართა. ორგანიზაციას „ასოციაციას მომართა საქართველოს პროკურატურის რამდენიმე მაღალმა თანამდებობის პირმა, რომლებიც დაკავებული თანამდებობებიდან მთავარ პროკურორად ოთარ ფარცხალაძის დანიშვნის შემდეგ გათავისუფლდნენ. ისინი აღნიშნავენ, რომ მოსთხოვეს გათავისუფლების შესახებ განცხადების დაწერა. მოწოდებული ინფორმაციის თანახმად, ამ მოთხოვნას ძირითადად ახალი მთავარი პროკურორის მოადგილე, გიორგი გაბიტაშვილი, აჟღერებდა, რომელიც თანამშრომლებს საკუთარ კაბინეტში იბარებდა და გათავისუფლების შესახებ განცხადების დაწერას ითხოვდა. თუმცა, როგორც მომმართველები აღნიშნავენ, არცერთ მათგანს არ განუმარტავედნენ, თუ რა იყო მსგავსი მოთხოვნის მიზეზი", ნათქვამია ორგანიზაციის გვერდზე. საია მიმართავს საქართველოს იუსტიციის მინისტრსა და საქართველოს პრემიერ- მინისტრს, როგორც მთავარი პროკურორის შერჩევასა და დანიშვნაზე პასუხისმგებელ თანამდებობის პირებს, დაინტერესდნენ პროკურატურაში განვითარებული მოვლენებით. სრულად წყარო: gyla.ge

მცხეთა-მთიანეთი. 10 დეკემბერს, „საქართველოს ახალგაზრდა კონსტიტუციონალისტთა ასოციაციის" წარმომადგენლებმა სოფელ წეროვანში, კომპაქტურად ჩასახლებულ დევნილებთან შეხვედრა გამართეს. საუბარი შეეხო, როგორც დევნილთა ქონებრივ უფლებებს, ისე, სხვა საკითხებს. მათ შორის, გამოიკვეთა რამდენიმე საკანონმდებლო ხარვეზი, რომელიც იძულებით გადადგილებულ პირთათვის დევნილის სტატუსის მინიჭების პროცესს აფერხებს.  წყარო:ორგანიზაციის გვერდი სოციალურ ქსელში

გურია. „ახალგაზრდა პედაგოგთა კავშირის" ბაზაზე არსებული ახალგაზრდული ცენტრის წევრებმა ადამიანთა უფლებების დაცვის საერთაშორისო დღე ქუჩის აქციით აღნიშნეს. ცენტრის ლიდერებმა, სპეციალურად ამ დღისთვის დამზადებული მაისურებით ქალაქის ცენტრალურ ადგილებში მსვლელობა მოაწყვეს და მოსახლეობას საკუთარი უფლებები გააცნეს. წყარო:ორგანიზაციის გვერდი სოციალურ ქსელში

კახეთი. ახალგაზრდა იურისტთა ასოციაციის თელავის ოფისმა, დემოკრატიული ჩართულობის ცენტრში, ადამიანის უფლებათა დაცვის საერთაშორისო დღისადმი მიძღვნილ საჯარო შეხვედრა გაიმართა. რომელსაც ადგილობრივი თვითმმართველობის და არასამთავრობო ორგანიზაციების წარმომადგენელები და დაინტერესებული პირები ესწრებოდნენ. ახალგაზრდა იურისტთა ასოციაციის თელავის ოფისის ხელმძღვანელის, მარეხ მგალობლიშვილის თქმით, შეხვედრის მიზანია სამოქალაქო საზოგადოების წევრებს შორის ცნობიერების ამაღლება ადამიანის უფლებებზე, კერძოდ ქალთა უფლებებზე, აგრეთვე, უკანასკნელ პერიოდში საქართველოს შრომის კოდექსში შეტანილი ცვილელების შესახებ, რომელიც ეხება დასაქმებულ ქალთა უფლებებს: ,,შეხვედრაზე ვისაუბრეთ შრომის კოდექსის შესახებ, დამსწრე საზოგადოებას გავაცანით კოდექსში შესული ცვლილებები და ვუპასუხე კითხვებს ქალთა უფლებებთან დაკავშირებით." შეხვედრაზე, ასევე, საუბარი იყო საქართველოში ქალთა საკუთრების უფლების შესახებ და ქალებს შორის სოლიდარობის მნიშვნელობაზე.

შიდა ქართლი. 10 დეკემბერს, ასოციაცია „გორის ინვალიდთა კლუბთან" არსებული გორის ახალგაზრდული ცენტრის მოხალისეები ახალგაზრდა იურისტთა ასოციაციას ესტუმრნენ. იურისტმა ადამიანთა უფლებების დაცვის საერთაშორისო დღის შესახებ ინფორმაცია მიაწოდა ბავშვებს. აქტივობა გაიმართა ეროვნული ინტეგრაციის გაძლიერების პროექტის ფარგლებში, რომელსაც ახორციელებს საქართველოს გაეროს ასოციაცია, აშშ-ს საერთაშორისო განვითარების სააგენტოს (USAID) მხარდაჭერით. გორში პროექტის პარტნიორი ორგანიზაციაა „გორის ინვალიდთა კლუბი". წყარო:ორგანიზაციის გვერდი სოციალურ ქსელში

თბილისი. საქართველოს ახალგაზრდა იურისტთა ასოციაციამ ადამიანის უფლებათა დაცვის საერთაშორისო დღესთან დაკავშირებით განცხადება გაავრცელეს. „გვსურს აღვნიშნოთ, რომ ბოლო ერთი წლის განმავლობაში ადამიანის უფლებათა დაცვა მთელი რიგი მიმართულებებით მნიშვნელოვნად გაუმჯობესდა. სახელმწიფო უკეთ ასრულებს ე.წ. ნეგატიურ ვალდებულებას, რაც უფლებებში უკანონო და მიზანმიმართული ჩარევისაგან თავის შეკავებას გულისხმობს. ...დადებით ტენდენციებთან ერთად, რჩება გამოწვევებიც", ნათქვამია ორგანიზაციის ვებ-გვერდზე.  სრულად წყარო:gyla.ge

თბილისი. 10 დეკემბერს, ადამიანის უფლებათა დაცვის საერთაშორისო დღეს, თბილისის ადამიანის უფლებათა სახლის წარმომადგენლები რკინიგზის ყოფილ საავადმყოფოში შესახლებულ უსახლკარო ოჯახებს მოინახულებენ. უსახლკარო მოქალაქეებს ადგილზე იურიდიულ კონსულტაციებს გაუწევენ თბილისის ადამიანის უფლებათა სახლის წევრი ორგანიზაციის, „კონსტიტუციის 42-ე მუხლის" იურისტები. სრულად წყარო: humanrights.ge

თბილისი. სასტუმრო „რედისონში" გაიმართა კონფერენცია ადამიანის უფლებების, მომავლის გეგმებისა და არსებული გამოწვევების შესახებ. მასში მონაწილეობას ღებულოდნენ მთავრობის, პარლამენტის, არასამთავრობო და დონორი ორგანიზაციების წარმომადგენლები. სრულად წყარო: ginsc.net

აჭარა.  3 დეკემბერს, ბათუმის დემოკარატიული ჩართულობის ცენტრისა და ახალგაზრდული ორგანიზაციის „ცვლილებები თანაბარი უფლებებისათვის" ორგანიზებით,  შშმ პირების უფლებების დაცვის საერთაშორისო დღისადმი  მიძღვნილი დისკუსია" „მე ვირჩევ თანაბარ გარემოს" –  გაიმართა.  ადგილობრივი საჯარო  უწყებების წარმომადგენლებმა და შშმ პირების უფლებებზე მომუშავე  ორგანიზაციის ხელმძღვანელებმა წარადგინეს მოხსენებები, რომლითაც დამსწრე საზოგადოებას 3 დეკემბრის მნიშვნელობის,  ასევე  შშმ პირებისათვის განკუთნილ სახელმწიფო პროგრამებზე ესაუბრნენ. შეხვედრას ადგილობრივი საზოგადოებრივი ორგანიზაციების წარმომადგენლები, შშმ პირები და სტუდენტები ესწრებოდნენ. შეხვედრა გაგრძელდა ფოტოგამოფენით, სადაც წარმოდგენილი იყო ბათუმში არაადაპტირებული შენობების ამსახველი ფოტოები.

იმერეთი. 3 დეკემბერს, ქუთაისის ახალგაზრდულმა ცენტრმა შეზღუდული შესაძლებლობის მქონე პირთა საერთაშორისო დღე აღნიშნა.  ცენტრის წევრებისთვის გაიმართა სემინარი თემაზე: „შშმ პირთა უფლებები და ინკლუზიური განათლების დანერგვა საქართველოში". ახალგაზრდები ასევე ეწვივნენ შეზღუდული შესაძლებლობის მქონე ბავშვთა დღის ცენტრს „ჯადოსნურ სამყაროს", სადაც 19 აღსაზრდელს გადასცეს წიგნები, სახატავი რვეუელები და მათთან ერთად გამართეს შემეცნებით-საგანმანათლებლო აქტივობები. ღონისძიებები გაიმართა საქართველოში ეროვნული ინტეგრაციის გაძლიერების პროექტის (ANI) ფარგლებში, რომელსაც ახორციელებს საქართველოს გაეროს ასოციაცია(UNAG), აშშ-ს საერთაშორისო განვითარების სააგენტოს (USAID) მხარდაჭერით. წყარო:ორგანიზაციის გვერდი სოციალურ ქსელში