კახეთი. კახეთის რეგიონიდან 100-ზე მეტმა გუნდმა მონაწილეობა მიიღო პოპულარულ თამაშში „რა? სად? როდის?“ ევროპის შესახებ.  თამაშის კითხვები მომზადებული იყო სპეციალურად ახალგაზრდებისათვის, რომ მათ, მხიარული და ინტერაქციური გზით, ევროკავშირის შესახებ მეტი ინფორმაცია მიეღოთ.  წლის განმავლობაში თამაშები საქართველოს 63 მუნიციპალიტეტში ჩატარდება და 2024 წლის გაზაფხულზე თბილისში დასრულდება. სრულად... წყარო: ევროკავშირი საქართველოსთვის 

სამეგრელო. „ათინათის" ახალგაზრდული ცენტრის წევრებისთვის არტ–თერაპიაში ტრენინგები გაიმართა. არტ თერაპიის ერთ-ერთი მთავარი მიზანია ფოკუსირება მოხდეს შეგრძნებებზე და გრძნობებზე. ახალგაზრდებმა რამოდენიმე საათის განმავლობაში ხატვისა და ძერწვის საშუალებით გამოხატეს და ერთმანეთს გაუზიარეს საკუთარი ემოციები რამაც ხელი შეუწყო ახალგაზრდების დაახლოებას. ტრენინგი ჩატარდა USAID პროგრამა "ერთიანობა მრავალფეროვნებაშია" ფარგლებში, რომელსაც საქართველოს გაეროს ასოციაცია, აშშ-ის შეერთებული შტატების საერთაშორისო განვითარების სააგენტოს (USAID) ფინანსური მხარდაჭერით ახორციელებს. სამეგრელოში პროგრამის პარტნიორია ათინათი.  წყარო: ახალგაზრდული ცენტრი

თბილისი. პარტნიორობა ადამიანის უფლებებისთვის აქვეყნებს სოფო მენაბდიშვილის ბლოგს – „მოსწავლის შევიწროვება სასკოლო გარემოში“.  ბლოგი ამ თემის მიმართ არსებულ აქტუალურ კითხვებბზე პასუხებს აერთიანებს. სრულად... წყარო: ორგანიზაციის გვერდი სოციალურ ქსელში

თბილისი. ფრიდრიხ ებერტის ფონდმა დღეს ახალი კვლევის პრეზენტაცია გამართა. ახალგაზრდობის კვლევა პირველად საქართველოში 2016 წელს ჩატარდა და 7 წლის შემდეგ შესაძლებლობა გაჩნდა განმეორებით ჩატარებულიყო. პუბლიკაცია წარმოადგენს ქვეყნის მასშტაბით ჩატარებულ, ემპირიულ კვლევას, რომელიც შეისწავლის ახალგაზრდა თაობის განწყობას, ცნობიერებას თუ მოლოდინებს, ასევე, ცვალებადი გარემოს მიმართ მათი დამოკიდებულებას. ამასთანავე, ის მოიცავს ახალგაზრდების წინაშე მდგარ გამოწვევებს და საზოგადოებისთვის მნიშვნელოვან საკითხებს.  კვლევა...  წყარო: ებერტის ფონდი

თბილისი. ფრიდრიხ ებერტის ფონდი, 26 სექტემბერს გამართავს ახალი კვლევის პრეზენტაციას –  „დამოუკიდებელი საქართველოს თაობა: იმედებსა და გაურკვევლობას შორის - ახალგაზრდობის კვლევა 2023“.  „ახალგაზრდობის კვლევა პირველად საქართველოში 2016 წელს ჩატარდა და 7 წლის შემდეგ შესაძლებლობა მოგვეცა განმეორებით ჩატარებულიყო. პუბლიკაცია წარმოადგენს ქვეყნის მასშტაბით ჩატარებულ, ემპირიულ კვლევას, რომელიც შეისწავლის ახალგაზრდა თაობის განწყობას, ცნობიერებას თუ მოლოდინებს, ასევე, ცვალებადი გარემოს მიმართ მათი დამოკიდებულებას. ამასთანავე, ის მოიცავს ახალგაზრდების წინაშე მდგარ გამოწვევებს და საზოგადოებისთვის მნიშვნელოვან საკითხებს. აღნიშნული კვლევა სათავეს იღებს შელის ახალგაზრდული კვლევისგან (Shell Youth Study), რომელიც პერიოდულად ტარდებოდა გერმანიაში 1953 წლიდან მოყოლებული. ფრიდრიხ ებერტის ფონდმა მსგავსი კვლევა განახორციელა აღმოსავლეთ ევროპასა და ცენტრალურ აზიაში“ ნათქვამი ორგანიზაციის ინფორმაციაში.  სრულად... წყარო: ფრიდრიხ ებერტის ფონდი

გურია. პროექტი „სკოლის მოსწავლეებში მოქალაქეობის კომპეტენციის განვითარებისა და ცოდნის პრაქტიკული გამოყენების ხელშეწყობის პროგრამა“ - გრძელდება.  პროექტის ფარგლებში ოზურგეთის N2 საჯარო სკოლაში ჩატარდა სამუშაო შეხვედრა მშვიდობის მშენებლობის შესახებ.  შეხვედრის მიზანია მხარი დაუჭიროს ახალგაზრდებს განივითარონ ცოდნა უნარები და შესაბამისი დამოკიდებულებები კონფლიქტების ანალიზის გაგების, ტრანსფორმაციისა და მშვიდობის მშენებლობის მიმართულებით. სრულად... წყარო: თაობათა დიალოგი

სამეგრელო-სვანეთი. მესტიაში და ჭუბერში ტექნოლოგიური ფესტივალი გაიმართა, რომელიც ინტერაქტიული ლექციებისა და პრაქტიკული სესიებისგან შედგებოდა.  პროექტის მიზანია ახალგაზრდებში ციფრული და სამეწარმეო უნარ-ჩვევების განვითარება.  პროექტი USAID-ის და GITA-ს პარტნიორობით მიმდინარეობს. სრულად... წყარო: აშშ- ს საერთაშორისო განვითარების სააგენტო (USAID)

თბილისი. ახალი სასწავლო წლის დაწყება ბავშვებისთვის განსაკუთრებით მნიშვნელოვანია.  სკოლაში დაბრუნება გამოწვევებით არის სავსე როგორც ბავშვებისთვის, ასევე მშობლებისთვის.  გაეროს ბავშვთა ფონდი მშობლებისთვის რჩევებს აქვეყნებს. როგორ შევამსუბუქოთ სკოლაში დაბრუნებისგან მომატებული შფოთვა. სრულად... წყარო: გაეროს ბავშვთა ფონდი 

სამცხე-ჯავახეთი. დემოკრატ–მესხთა კავშირის ინციატივით, ახალციხის ახალგაზრდული ცენტრის წევრებისთვის გაიმართა პრეზენტაცია – როლის თეორია.  ღონისძიება გაიმართა USAID-ის პროგრამა, ერთიანობა მრავალფეროვნებაშია ფარგლებში, რომელსაც ახორციელებს საქართველოს გაეროს ასოციაცია, USAID-ის ფინანსური მხარდაჭერით. სრულად... წყარი: დემოკრატ მესხთა კავშირი

თბილისი. ახალი სასწავლო წელი სულ მალე დაიწყება. სექტემბერი განსაკუთრებულად მნიშვნელოვანი თვეა, რადგან ამ დროს ბავშვები ზაფხულის რეჟიმიდან სკოლის რეჟიმზე უნდა გადაერთონ.  გაეროს ბავშვთა ფონდი მშობლებისთვის რჩევებს აქვეყნებს. სრულად... წყარო: გაეროს ბავშვთა ფონდი

იმერეთი.მედია წიგნიერების შესახებ მორიგი ტრენინგი გაიმართა ქუთაისის ახალგაზრდული ცენტრის წევრებისთვის. შეხვედრის მიზანს წარმოადგენდა ახალგაზრდების ცნობიერების ამაღლება მედიაწიგნიერების საჭიროებისა და როლის შესახებ. ტრენინგი გაიმართა აშშ–ის საერთაშორისო განვითარების სააგენტოს პროგრამის – „ერთიანობა მრავალფეროვნებაშია“ ფარგლებში, რომელიც ხორციელდება საქართველოს გაეროს ასოციაციის (UNAG) მიერ, აშშ-ს საერთაშორისო განვითარების სააგენტოს (USAID) ფინანსური მხარდაჭერით. იმერეთის რეგიონში პროგრამის პარტნიორია განათლების განვითარების და დასაქმების ცენტრი (EDEC).  სრულად... წყარო: განათლების განვითარების და დასაქმების ცენტრი

გაეროს ბავშვთა ფონდი მოუწოდებს მთავრობებს, მეტი ძალისხმევა მიმართონ სუფთა ენერგიასა და ტრანსპორტზე გადასვლის მიმართულებით, შექმნან და შეინარჩუნონ ჰაერის ხარისხის მონიტორინგის სისტემები საბავშვო ბაღებსა და სკოლების მიმდებარედ და გააცნონ საზოგადოებას ინფორმაცია ჰაერის დაბინძურების სახიფათო დონეების შესახებ ბავშვებსა და ორსულ ქალებში. სრულად...  წყარო: გაეროს ბავშვთა ფონდი

მცხეთა–მთიანეთი. მცხეთა–მთიანეთის ჰაბის ინიციატივით გაიმართა ესეების კონკურსი – „ევროინტეგრაცია და ევროპული ღირებულებები“. გაეცანით კონკურსის მონაწილე ახალგაზრდების მოსაზრებებს. კონკურსი ჩატარდა პროექტის "სამოქალაქო საზოგადოების ინიციატივა" ფარგლებში, ევროკავშირისა და კონრად ადენაუერის ფონდის მხარდაჭერით.  წყარო: სამოქალაქო ინიციატივა  სრულად... 

უკვე ოცდაათ წელზე მეტია, რაც მომავალ ლიდერთა გაცვლითი პროგრამა "FLEX" შესაძლებლობას აძლევს ქართველ უფროსკლასელებს ისწავლონ ამერიკულ სკოლებში და იცხოვრონ ამერიკულ ოჯახებში. პროგრამას აფინანსებს ამერიკის მთავრობა და ადმინისტრირებას უწევს საერთაშორისო განათლების ამერიკული საბჭოები.  2024-2025 აკადემიური წლისათვის "FLEX" პროგრამის ფარგლებში მიმდინარეობს ფინალისტების შერჩევა. გამარჯვებულების მგზავრობა, ამერიკაში და უკან, სრულად ფინანსდება. ისინი, ასევე, უზრუნველყოფილნი იქნებიან ყოველთვიური სტიპენდიითა და ჯანმრთელობის დაზღვევით. აშშ-ში ყოფნისას ქართველ მოსწავლეებს საშუალება ექნებათ, გააცნონ თავიანთი კულტურა ამერიკელებს და ასევე, გაეცნონ ამერიკულ კულტურას სკოლაში სწავლის, ოჯახური ცხოვრებისა და სხვადასხვა ღონისძიებებში მონაწილეობის გზით.  "FLEX" პროგრამის ფინალისტები შეირჩევიან ვაშინგტონის დამოუკიდებელი კომისიის მიერ, რომელიც შედგება ამერიკელი სპეციალისტებისაგან განათლების დარგში. შერჩევის პროცესი დაფუძნებულია კონკურსზე. კონკურსი კომპლექსურია და განისაზღვრება ელექტრონულად შევსებული აპლიკაციის, რეკომენდაციების, ინგლისური ენის ცოდნის დონისა და კანდიდატის მიერ გამომჟღავნებული ერთწლიანი გაცვლითი გამოცდილებისათვის მზადყოფნის საფუძველზე.  პროგრამაში მონაწილეობის მიღება შეუძლია ყველა ზოგადსაგანმანათლებლო სკოლის (1) მე-9, მე-10 და მე-11 კლასის, (2) 2007 წლის 1 იანვრიდან 2009 წლის 16 ივლისამდე დაბადებულ მოსწავლეებს, რომელთაც (3) ბოლო 5 წლის მანძილზე არ უცხოვრიათ აშშ-ში 3 თვის ან მეტი ხნის განმავლობაში, (4) არიან საქართველოს მოქალაქეები (4) ირიცხებიან და სწავლობენ სკოლაში, საქართველოში და (5) ფლობენ ინგლისურ ენას. "FLEX" პროგრამაში მონაწილეობის მისაღებად ჩვენ ვიწვევთ ყველა უფროსკლასელს, რომელიც აკმაყოფილებს პროგრამის კრიტერიუმებს, მათ შორის შეზღუდული შესაძლებლობის მქონე მოსწავლეებს (შშმპ). ასაკობრივი და სასკოლო კრიტერიუმი ასეთი პირებისათვის განსხვავებულია: მე-8, მე-9, მე-10, მე-11 და მე-12 კლასის მოსწავლე და 2006 წლის 15 თებერვლიდან 2009 წლის 15 ივლისამდე დაბადებული.  2023-2024 წლისთვის პირველი და მეორე ეტაპი ჩატარდება ონლაინ, 2023 წლის 1 აგვისტოდან 28 სექტემბრამდე. ნახევარფინალი კი ჩატარდება ლაივ რეჟიმში, რაც გულისხმობს - პირად გასაუბრებასა და ტესტირებას. მსურველებს პროგრამის შესარჩევ ეტაპებზე მონაწილეობა შეუძლიათ ნებისმიერი რეგიონიდან, სადაც ხელმისაწვდომია ინტერნეტი ან არის ტელეფონის/კომპიუტერის გამოყენების შესაძლებლობა.   I რაუნდი ჩატარდება აგვისტოში. იგი მოიცავს ონლაინ აპლიკაციასა და 3 ესსეს კითხვებს, რომლებიც უნდა ჩაბარდეს აპლიკაციის დაწყებიდან 10 დღეში. მონაწილეობის მისაღებად გადადით ბმულზე... II რაუნდში, აპლიკაციის ეტაპის გავლის შემდეგ შერჩეული მონაწილეები დაწერენ ინგლისური ენის ონლაინ ტესტს. ფინალური რაუნდი მოიცავს პირისპირ გასაუბრებას, 2 ესსეს კითხვას, ინგლისური ენის გაძლიერებულ ტესტს და სრულ აპლიკაციას.  ზემოთ ჩამოთვლილი ყველა საფეხურს წარმატებით გადალახვის შემთხვევაში მოსწავლეები ინფორმაციას ამერიკული საბჭოების საქართველოს ოფისიდან მიიღებენ. იხ. სრული ინფორმაცია... წყარო: georgia.americancouncils.org

თბილისი. გაეროს ბავშვთა ფონდი მსობლებს და აღმზრდელებს გიზიარებთ გზამკვლევს ძალიან ცხელი ზაფხულისთვის. „ზაფხულის დადგომასთან ერთად სითბური დარტყმის საფრთხე მნიშვნელოვნად მატულობს. მიუხედავად იმისა, რომ მშობელმა შეიძლება თავი ნორმალურად იგრძნოს გარკვეულ ტემპერატურაზე, ეს სულაც არ ნიშნავს, რომ ბავშვიც იმავეს გრძნობს. პატარა ასაკში ადამიანს ჯერ კიდევ არ აქვს სრულად ჩამოყალიბებული თერმორეგულაცია. გაეცანით რჩევებს, თუ როგორ დავიცვათ ბავშვები სითბური დარტყმისგან: ზაფხულში ახალშობილები, ჩვილები და 3 წლამდე ბავშვები  გარეთ გავიყვანოთ მხოლოდ ადრე დილით და ნაშუადღევს. არ არის მიზანშეწონილი მცირეწლოვანი ბავშვების გარეთ გაყვანა დღის ყველაზე ცხელ პერიოდში, დილის 11-დან საღამოს 5 საათამდე. ბავშვს ჩავაცვათ ნატურალური მასალისგან (ბამბა, ტილო) დამზადებული, თავისუფალი სტილის ტანსაცმელი. თავზე კი კეპი ან ქუდი დავახუროთ. ყოველთვის თან იქონიეთ ბოთლით წყალი, რომელიც ხშირად შესთავაზებთ ბავშვს, სულ მცირე, ერთი-ორი ყლუპი მაინც რომ დალიოს. არასოდეს დატოვოთ ბავშვები მანქანაში ან სხვა ტიპის ტრანსპორტში სიცხეში - თუნდაც რამდენიმე წუთით!“ სრულად... https://uni.cf/475v1JK  წყარო: www.unicef.org 

თბილისი. გაეროს ბავშვთა ფონდი გიზიარებთ მოზარდების ფსიქოლოგის, დოქტორი ლიზა დამურის რჩევებს, თუ როგორ დავუჭიროთ მხარი თინეიჯერების განვითარებას ისე, რომ მათი უსაფრთხოება დაცული იყოს. „ახალი გამოცდილებებისადმი მოზარდების ინტერესი ბუნებრივია და ეს მათ ზრდას უწყობს ხელს. საზღვრების გადალახვით მოზარდები იძენენ დამოუკიდებლობას და უფრო თვითმყოფადები ხდებიან. მაგრამ ზოგჯერ თინეიჯერები ისეთ რისკებზეც მიდიან, რაც მათ ან მათ გარშემომყოფებს სერიოზულ საფრთხეს უქმნის. მათი ასეთი ქცევა მშობლებს ძალიან გვანერვიულებს, თუმცა მნიშვნელოვანია გვახსოვდეს, რომ მოზარდების სწრაფვა დამოუკიდებლობისა და თავისუფლებისკენ მათი ჯანსაღი განვითარების ნიშანია“. სრულად... წყარო: www.unicef.org

სამცხე-ჯავახეთი. რონდელის ფონდის პროექტის „რეგიონული აქტივიზმის გაძლიერება მდგრადი ცვლილებისთვის“ ფარგლებში, საქართველოს რამდენიმე რეგიონში, იქ მცხოვრები ახალგაზრდების, საინიციატივო ჯგუფებისა და არასამთავრობო ორგანიზაციებისთვის გაცემული მცირე გრანტების ფარგლებში, გრძელდება სხვადასხვა აქტივობისა და ღონისძიების განხორციელება.  9 ივლისს, ახალციხეში ჩატარდა ინიციატივის „მოხალისეობრივი საქმიანობა-სამოქალაქო ჩართულობის გაძლიერება“ პირველი სამუშაო შეხვედრა და ტრენინგი. სამცხე-ჯავახეთის რეგიონიდან შერჩეულ მონაწილეებს ჩაუტარდათ ტრენინგი მოხალისეობრივი საქმიანობის მნიშვნელობისა და სამოქალაქო ჩართულობის შესახებ.  მცირე გრანტების ამ საპილოტე პროექტის მიზანია ხელი შეუწყოს სამოქალაქო აქტივობას, დემოკრატიული მმართველობის პრინციპების დანერგვას და ადგილობრივ დონეზე კულტურული და სოციალურ-ეკონომიკური განვითარებისთვის ახალგაზრდების ჩართულობის გაზრდას. სრულად... წყარო: ორგანიზაციის გვერდი სოციალურ ქსელში

გურია. „ახალგაზრდა პედაგოგთა კავშირმა” საჯარო უწყებებში მოზარდთა მოხალისეობის პროგრამის მეორე ეტაპი შეაჯამა.  „ორგანიზაციის წარმომადგენლებმა მოხალისეობის მასპინძელი უწყებების წარმომადგენლებს პროგრამის შეფასების მიზნით განხორციელებული კვლევის შედეგები გააცნეს. მონაწილეებმა იმსჯელეს საკითხებზე, რომელთა გათვალისწინებაც სამომავლოდ უფრო ეფექტურს გახდის მოხალისეობის პროცესს. აქტივობა განხორციელდა პროექტის „უკეთესი მომავლისთვის“ ფარგლებში. დონორი ორგანიზაციის, Brot fur die Welt ფინანსური მხარდაჭერი“. სრულად... წყარო: ორგანიზაციის გვერდი სოციალურ ქსელში

ქვემო ქართლი. 6 ივლისს, სოციალური ქსელის საშუალებით, ორგანიზაციისთვის „პარტნიორობა ადამიანის უფლებებისთვის“ (PHR) ცნობილი გახდა, რომ ქალაქ რუსთავში 9 წლის ბავშვზე ფიზიკურად იძალადა ოჯახის წევრმა (მამინაცვლის მამამ). არასრუწლოვანი გამოკითხეს რუსთავის სამმართველოს პირველ განყოფილებაში, სადაც ბავშვმა, სავარაუდოდ, მოძალადეების შიშის გამო, ვერ შეძლო ძალადობის შესახებ საუბარი. PHR-მა, როგორც ბავშვის უფლებებზე მომუშავე ორგანიზაციამ, ინფორმაციის მიღების წუთიდან წერილობით მიმართა ადამიანის უფლებათა დაცვისა და გამოძიების ხარისხის მონიტორინგის დეპარტამენტს და სახელმწიფო ზრუნვისა და ტრეფიკინგის მსხვერპლთა, დაზარალებულთა დახმარების სააგენტოს და მოითხოვა ბავშვის უფლებების და უსაფრთოხების დაცვისთვის ყველა საჭირო ზომის დაუყოვნებლივ მიღება. გავრცელებული ინფორმაციის თანახმად, სავარაუდო მოძალადე დაკავებულია, თუმცა ძალადობაგამოვლილი ბავშვის რეაბილიტაციისა და მისი ინტერესების დასაცავად, არაერთი ღონისძიების გატარებაა საჭირო. PHR-ი მოუწოდებს სახელმწიფო ორგანოებს და გადაწყვეტილების მიმღებ პირებს უზრუნველყონ საქმეზე სრულყოფილი და სწრაფი მართლმსაჯულების განხორიცელება, ბავშვის საუკეთესო ინტერესის უპირატესი გათვალისწინებით. სრულად... წყარო: ორგანიზაციის გვერდი სოციალურ ქსელში

თბილისი. ახალი შესაძლებლობები საქართველოსთვის - ევროკავშირის პროგრამის Erasmus+ აქტივობები ფართოვდება. 2024 წლიდან ორგანიზაციებს საქართველოდან შესაძლებლობა ექნებათ მიიღონ მონაწილეობა საერთაშორისო თანამშრომლობის პროექტებში Erasmus+ პროგრამის ქვეყნებში, ახალგაზრდობისა და სპორტის მიმართულებით. თვალი ადევნეთ ახალ შესაძლებლობებს ახალგაზრდობისთვის... და სპორტის მიმართულებით... სრულად... წყარო: ევროკავშირის გვერდი სოციალურ ქსელში

თბილისი. 13 წლის გიორგის (სახელი შეცვლილია) შეზღუდული შესაძლებლობის მქონე ბავშვია, მას ინფორმაციის ვერბალურად გადმოცემა უჭირს. საქმე ეხება 2023 წლის აპრილში მომხდარ ფაქტს, როდესაც ტრანსპორტის მძღოლმა ბავშვზე ფიზიკურად იძალადა. „სკოლიდან დაბრუნებულმა ბავშვმა დედას მაშინვე მიანიშნა ჯერ ფეხზე, შემდეგ კი მკერდზე. დედამ ბავშვის სხეული დაათვალიერა და აღმოაჩინა, რომ გიორგის მარცხენა ბარძაყზე, მკერდის მარჯვენა და მარცხენა მხარეს დაზიანებები ემჩნეოდა და აშკარად ეტყობოდა თითების კვალი. აღსანიშნავია, რომ ბავშვი სახლში მხოლოდ მძღოლმა მოიყვანა, ტრანსპორტირების ასისტენტი მასთან ერთად არ ყოფილა“. მძღოლმა ბავშვის დედას უთხრა, რომ ბავშვს მხოლოდ ეხუმრა. გიორგის დედამ საგამოძიებო უწყებას მიმართა, გამოძიება დაიწყო, გიორგის სამედიცინო ექსპერტიზა ჩაუტარდა. პარტნიორობა ადამიანის უფლებებისთვის (PHR) 2023 წლის აპრილში, ფაქტიდან რამდენიმე დღეში საქმეში ჩაერთო. ბავშვის ადვოკატმა ანა თავხელიძემ განცხადებით მიმართა პროკურორს და გიორგის დაზარალებულად ცნობა მოითხოვა. პროკურორმა ბავშვი მსხვერპლად არ აღიარა, რადგან ის ამ დრომდე გამოკითხული არ არის, მისი ფიზიკური საჭიროებებიდან გამომდინარე (პროკურორის არგუმენტი). 2023 წლის 30 ივნისს ბავშვის ადვოკატმა თბილისის საქალაქო სასამართლოს მიმართა პროკურატურის უარის გაუქმებისა და გიორგის დაზარალებულად აღიარების მოთხოვნით. სრულად... წყარო: phr.ge

თბილისი. 2023 წლის 12 ივნისს, ორგანიზაციამ „პარტნიორობა ადამიანების უფლებებისთვის“ (PHR) საზოგადოებას აცნობა, რომ სამართლებრივად იცავს შეზღუდული შესაძლებლობის მქონე გოგოებს, რომლებიც გახდნენ სქესობრივი დანაშაულების და პირადი ცხოვრების ამსახველი ინფორმაციის უკანონოდ მოპოვების და გავრცელების მსხვერპლები. ორგანიზაციის ადვოკატების ჩართულობით, საქმეზე ამ წუთებშიც გრძელდება საგამოძიებო და საპროცესო მოქმედებები - იკითხებიან მოწმეები, გროვდება მტკიცებულებები, რომლის შემდეგაც, PHR-ი მოითხოვს მსხვერპლი გოგოების დაზარალებულად ცნობას. „მაღალი საზოგადოებრივი ინტერესებიდან გამომდინარე, საქმის პროგრესის შესახებ PHR პერიოდულად მოგაწვდით განახლებულ ინფორმაციას მსხვერპლი გოგოების კონფიდენციალობის და ინტერესების დაცვით“. სრულად... წყარო: ორგანიზაციის გვერდი სოციალურ ქსელში