გურია. ახალგაზრდა პედაგოგთა კავშირის მხარდამჭერთა პროგრამის ფარგლებში, შემოქმედის იდეებისა და მეწარმეობის ლაბორატორიაში მენტორის - ვახუშტი მენაბდის და მოწვეულო სტუმრის - რეჟისორ ლევან შუბაშვილის ფასილიტაციით ფილმის ჩვენება-განხილვა მოეწყო. ფილმის ჩვენების შემდეგ წარიმართა დისკუსია მრავალფეროვნებისა და ტოლერანტობის მნიშვნელობაზე მსოფლიოში. შეხვედრა განხორციელდა პროექტის „უკეთესი მომავლისთვის“ ფარგლებში ორგანიზაცია Brot für die Welt-ის ფინანსური მხარდაჭერით. სრულად... წყარო: ორგანიზაციის გვერდი სოციალურ ქსელში

თბილისი. ასოციაცია „საქართველოს SOS ბავშვთა სოფელი“ გიზიარებთ გზამკვლევს „1-3 წლის ბავშვის კვება: ძირითადი პრინციპები და პრაქტიკული ინფორმაცია“, რომელიც შემუშავდა პედიატრიული და ფსიქოლოგიური სამსახურის „მრჩეველი“ მიერ.  „ბავშვის ზრდისა და განვითარებისთვის მნიშვნელოვანია ჯანსაღი კვება. ისეთი დაავადებები, როგორიცაა სიმსუქნე, გულ-სისხლძარღვთა დაავადებები, II ტიპის დიაბეტი, ზოგიერთი ავთვისებიანი სიმსივნე, პირდაპირ უკავშირდება არასწორ კვებას. თუ ჯანსაღად კვებაზე ზრუნვას ბავშვობის ასაკიდან დავიწყებთ, ამ დაავადებების რისკს შევამცირებთ. წინამდებარე დოკუმენტში მოცემულია ინფორმაცია ჯანსაღი კვების ძირითადი პრინციპების შესახებ, განმარტებულია ბავშვთა კვების თეორიული და პრაქტიკული საკითხები, კვებასთან დაკავშირებული უსაფრთხოების წესები. ძირითად ტექსტს ახლავს 1-კვირიანი მენიუს ნიმუში. ამ ინფორმაციის საფუძველზე მშობლები, ბავშვთა მომვლელები და დაინტერესებული პირები შეძლებენ სათანადო მენიუს დამოუკიდებლად შედგენას მცირე ასაკის (1-3 წლის) ბავშვებისთვის“, ნათქვამია გზამკვლევში. სრულად... წყარო: www.sos-childrensvillages.ge

აჭარა. 23 იანვარს, გაეროს ბავშვთა ფონდის წარმომადგენელმა საქართველოში, ღასან ხალილმა ბათუმის შოთა რუსთაველის სახელმწიფო უნივერსიტეტში არსებულ ბავშვის უფლებათა ცენტრში შეხვედრა გამართა. შეხვედრაზე შეჯამდა ცენტრის მიერ ჩატარებული აქტივობები და გაიმართა დისკუსია ცენტრის განვითარებისა და მდგრადობის სტრატეგიის შესახებ. შეხვედრას დაესწრო ბათუმის შოთა რუსთაველის სახელმწიფო უნივერსიტეტის რექტორი, მერაბ ხალვაში. ბავშვის უფლებათა ცენტრი ნორვეგიის მთავრობის მხარდაჭერით დაარსდა და ბავშვთა უფლებების შესახებ მნიშვნელოვან ცოდნას აწვდის პედაგოგებს, აკადემიისა და სამოქალაქო საზოგადოების წარმომადგენლებს, მშობლებსა და ბავშვებს აჭარის რეგიონში. სრულად... წყარო: ორგანიზაციის გვერდი სოციალურ ქსელში

თბილისი. USAID ხელს უწყობს ახალგაზრდებს სრულად შეძლონ თავიანთი პოტენციალის რეალიზება, მათთვის სასურველი მიმართულებით, მათ შორის IT სფეროში, რომელიც გლობალურად მზარდი და მოთხოვნადი ინდუსტრიაა. სრულად... წყარო: ორგანიზაციის გვერდი სოციალურ ქსელში

თბილისი. მულტიმედია პლატფორმა Chai Khana გიზიარებთ მარიამ ჯაჭვაძის სტატიას „მოსწავლეები შიმშილის ზღვარზე - რატომ ვერ უზრუნველყოფს სახელმწიფო სკოლებში კვებას?“, რომელიც აღწერს მასწავლებლების და მოსწავლეების ინდივიდუალურ ძალისხმევას მოერიონ შიმშილს, მაშინ, როცა სახელმწიფო უფასო სასკოლო კვების პროგრამაზე მეორე წელია მუშაობს, თუმცა როდის დანერგავს, დღემდე უცნობია. „საკვები უნდა იყოს მაქსიმალურად მრავალფეროვანი, დღეში დაახლოებით 4-ჯერ ან 5-ჯერ უნდა მიირთვათ. სასურველია ერთსა და იმავე დროს; ყოველდღიურ მენიუში უნდა შედიოდეს რძის პროდუქტები, ხილი, ბოსტნეული; სასურველია ხორციანი საკვები ორთქლზე იყოს დამზადებული. შაქარი, ტკბილეული, გაზიანი წყლები მაქსიმალურად შეზღუდეთ; არ არის რეკომენდირებული ცხარე საკვების, მაიონეზისა და კეტჩუპის დიდი რაოდენობით მიღება" - მე-6 კლასელებს ბუნებისმეტყველების გაკვეთილი აქვთ. ზუგდიდის რაიონის ერთ-ერთი სოფლის* საჯარო სკოლის მასწავლებელი ვეფხია მანია ბავშვებს კვებისა და ჯანმრთელობის კავშირს უხსნის. წიგნში ილუსტრირებული დილის საუზმით, ტკბილეულით, შუადღეს ხორცით და საღამოს ხილით,  ცდილობს ბავშვები ჯანსაღ კვებაზე და მის გავლენაზე დააფიქროს. Საშინაო დავალებასაც აძლევთ: შემდეგი გაკვეთილისთვის პრეზენტაცია უნდა მოამზადონ: რას ჭამენ დღის მანძილზე… „მომდევნო გაკვეთილზე აღმოვაჩინე, რომ კლასში ნახევარზე მეტი ხორცს მხოლოდ დღესასწაულზე ჭამს. სახლში კი, ძირითადად, ნახშირწყლებით - პური, ღომი, მაკარონი, კარტოფილი - იკვებებიან. ისეთ უხერხულ მდგომარეობაში ჩავვარდი, გაკვეთილი შევწყვიტე.” სრულად... წყარო: chaikhana.media ილუსტრაციები: თინა ჩერტოვა

თბილისი. გაეროს ბავშვთა ფონდის ცნობით, მშობლობის შესახებ მრავალი მითი არსებობს. მაგალითად, საზოგადოების ნაწილი მიიჩნევს, რომ ძალადობას აღმზრდელობითი დანიშნულება აქვს. სინამდვილეში, ძალადობის გამართლება არ შეიძლება შვილის „კარგად აღზრდის“ მიზნით. ბავშვს ნებისმიერი ფორმის ძალადობა აზიანებს. გაეცანით პლატფორმას „იმშობლე“ და მიიღეთ სასარგებლო რჩევები ბავშვებთან არსებული გამოწვევების დასაძლევად და მათთან პოზიტიური კომუნიკაციის ჩამოსაყალიბებლად. სრულად... კამპანიას ახორციელებს გაეროს ბავშვთა ფონდი ევროკავშირის მხარდაჭერით. წყარო: ორგანიზაციის გვერდი სოციალურ ქსელში

თბილისი. „საფარი“ გიზიარებთ ორგანიზაციის მკვლევრის გიორგი ურჩუხიშვილის ვიდეოს, რომელშიც მშობლის მიერ შვილისთვის ალიმენტის გადახდის ვალდებულებაზეა საუბარი. საფარის კვლევის მიგნებების თანახმად, მამები ალიმენტის გადასახადისგან თავის არიდებას უამრავი ხერხით ცდილობენ. მათ ზურგს უმაგრებთ დამკვიდრებული კულტურული ნორმები, საზოგადოება, ქალები კი სრულიად მარტო რჩებიან შვილის აღზრდის პროცესში. „შვილზე ზრუნვაზე უარის თქმა ცუდ მშობლობას ნიშნავს, ალიმენტის არგადახდა კი - ეკონომიკურ ძალადობას“. პროექტი ხორციელდება ეროვნულ-დემოკრატიული ინსტიტუტის (NDI) მხარდაჭერით და დიდი ბრიტანეთის UK aid-ის ფინანსური ხელშეწყობით. სრულად... წყარო: ორგანიზაციის გვერდი სოციალურ ქსელში

თბილისი. საქართველოს მთავრობა გაეროს ბავშვთა ფონდის მხარდაჭერით მოწყვლადი უკრაინელი ბავშვიანი ოჯახებისთვის ერთჯერად ფინანსურ დახმარებას გასცემს. ფულად დახმარებას სულ 3000-ზე მეტი უკრაინელი ბავშვი მიიღებს. ორგანიზაციის ცნობით, 470 ლარს თითოელ ბავშვზე მიიღებენ ის ოჯახები, რომლებიც საქართველოში 2022 წლის 1 თებერვლის შემდეგ შემოვიდნენ. ფინანსური დახმარების მისაღებად უკრაინელი ბავშვების კანონიერმა წარმომადგენლებმა განაცხადით უნდა მიმართონ სოციალური მომსახურების სააგენტოს ტერიტორიულ და სამხარეო ოფისებს. გაიგეთ მეტი… წყარო: www.unicef.org

თბილისი. ახალგაზრდულ მუშაკთა ასოციაციის ცნობით, უკვე ხელმისაწვდომია სახელმძღვანელო - „ახალგაზრდული საქმიანობის კარგი პრაქტიკის მაგალითების კომპენდიუმი“. კარგი პრაქტიკის მაგალითების გამოყენება სულ უფრო მნიშვნელოვანი ხდება არა მარტო ახალგაზრდულ საქმიანობაში, არამედ ადამიანისა და საზოგადოების განვითარების ნებისმიერ სფეროში. ეს სახელმძღვანელო განსაკუთრებით საინტერესო იქნება მათთვის, ვისაც შეხება აქვს ახალგაზრდულ საქმიანობასთან ან უბრალოდ საინტერესებულია ამ სფეროთი. სახელმძღვანელოს ელ.ვერსია... კამპანია ხორციელდება პროექტის “Skills4Success - უნარები წარმატებისთვის” ფარგლებში. პროექტს ევროკავშირის დაფინანსებით ახორციელებს Save the Children International-ი პარტნიორ ორგანიზაციებთან: საქართველოს ახალგაზრდულ მუშაკთა ასოციაციასთან, ახალგაზრდობის სააგენტოსა და კონრად ადენაუერის ფონდთან ერთად. სრულად... წყარო: ორგანიზაციის გვერდი სოციალურ ქსელში

თბილისი. ომბუდსმენის აპარატი ეხმიანება სოციალურ ქსელში გავრცელებულ ინფორმაციას ქუჩაში მცხოვრები ან/და მომუშავე ბავშვების მიერ განხორციელებული სავარაუდო დანაშაულებრივი ქმედებების შესახებ. გავრცელებულ კადრებში ასევე, ჩანს თუ როგორ გადარბიან ბავშვები საავტომობილო გზაზე სამართალდამცავებისგან გაქცევის მიზნით, რაც საფრთხის შემცველია, როგორც უპირატესად მათი სიცოცხლისა და ჯანმრთელობისთვის, ასევე საკმაოდ დატვირთული საგზაო მოძრაობის სხვა მონაწილეებისთვის, იქნებიან ეს მძღოლები, მგზავრები თუ ქვეითად მოსიარულე პირები.  „საქართველოში ასეულებით ბავშვის ყოველდღიურობას წარმოადგენს მძიმე რეალობა, რასაც ქუჩაში ცხოვრება და მუშაობა ჰქვია. ბავშვების ამ რეალობისგან დასაცავად აუცილებელია, უწყებებს შორის კოორდინირებული მუშაობით,  სახელმწიფომ დროულად დაგეგმოს და გაატაროს კონკრეტული პრევენციული ღონისძიებები, მათ შორის დანაშაულის პრევენციის კუთხით;  დანერგოს ქუჩაში მცხოვრები, მომუშავე თუ შემწეობის მთხოვნელი ბავშვების რეაბილიტაციასა და რესოციალიზაციაზე ორიენტირებული დამატებითი სერვისები, რაც ხელს შეუწყობს ბავშვების რთული ან/და ანტისოციალური ქცევის პოზიტიურ მართვას, უზრუნველყოფს მათი ქუჩაში დაბრუნების პრევენციას.  საქართველოს სახალხო დამცველის აპარატი გამოთქვამს სრულ მზაობას - წარმართოს მჭიდრო თანამშრომლობა ყველა შესაბამის უწყებასთან და წარუდგინოს მათ დამატებითი რეკომენდაციები მიუსაფარ ბავშვებთან დაკავშირებულ საკითხებზე რეაგირებისა და შესაბამისი მექანიზმების გაუმჯობესების მიზნით“. სრულად... წყარო: ორგანიზაციის გვერდი სოციალურ ქსელში

21 დეკემბერს სამოქალაქო საზოგადოების ინსტიტუტის გორის ოფისის მხარდაჭერით გორის მუნიციპალიტეტის საკრებულოს სხდომათა დარბაზში გაიმართა სამუშაო შეხვედრა გორის, გურჯაანის და დუშეთის მუნიციპალიტეტის მერის ახალგაზრდა მრჩეველთა საბჭოს წარმომადგენლებთან. შეხვედრის მიზანი იყო ახალგაზრდული მიმართულებით არსებული გამოწვევების განხილვა და მუნიციპალიტეტებს შორის არსებული კარგი პრაქტიკების გაზიარება. შეხვედრაში მონაწილეობას იღებდნენ გორის მუნიციპალიტეტის მერიის ახალგაზრდული განყოფილების ხელმძღვანელი, საკრებულოს ახალაგაზრდა წევრი და აპარატის წარმომადგენელი. შეხვედრის მონაწილეებს შესაძლებლობა ჰქონდათ გაეცნოთ, წარმოდგენილ მუნიციპალიტეტებში გადაწყვეტილების მიღების პროცესში ახალგაზრდების ჩართულობის ფორმალურ და არაფორმალურ მექანიზმებს და ემსჯელათ იმ შესაძლებლობებზე, რაც ადგილობრივი თვითმართველობის, არასამთავრობო სექტორის და ახალგაზრდების საერთო თანამშრომლობით არის შესაძლებელი.  სამოქალაქო საზოგადოების ინსტიტუტი აქტიურად მუშაობს ახალგაზრდების შესაძლებლობების გაძლიერების მიმართულებით, გერმანული საერთაშორისო ორგანიზაციის „პური მსოფლიოს“ მხარდაჭერით.

თბილისი. ფონდი „ტასოს“ ინფორმაციით, 2020 წელს, 5 წლამდე ასაკის 149,2 მილიონი ბავშვი იყო ზედმეტად დაბალი თავისი ასაკისთვის და 45,4 მილიონი იყო ძალიან გამხდარი თავისი სიმაღლისთვის. „ქალთა გაძლიერების ინდიკატორები, როგორიცაა დედის განათლება და დასაქმების სტატუსი, პირდაპირ კავშირშია ბავშვთა კვებასთან. ქალები ოჯახში ბავშვების ძირითადი მომვლელები არიან და მათი შიდა საყოფაცხოვრებო თუ სოციალურ ცხოვრებაში ჩართულობის დინამიკა გავლენას ახდენს ოჯახის წევრების, განსაკუთრებით კი ბავშვების კეთილდღეობაზე, კვებასა და ჯანმრთელობაზე“. სრულად... წყარო: ორგანიზაციის გვერდი სოციალურ ქსელში

თბილისი. საქართველოს გაეროს ასოციაციის ორგანიზებით, ნატოსა და ევროკავშირის საინფორმაციო ცენტრსა და შერიგებისა და სამოქალაქო თანასწორობის საკითხებში საქართველოს სახელმწიფო მინისტრის აპარატთან თანამშრომლობითა და აშშ-ის საერთაშორისო განვითარების სააგენტოს (USAID) ფინანსური მხარდაჭერით ჩატარდა ახალგაზრდული პროგრამა „ახალგაზრდა ევროპელი ელჩები.“ მონაწილეებს სამი დღის განმავლობაში ჩაუტარდათ თეორიული და პრაქტიკული ტრენინგები საქართველოს ევროატლანტიკურ ინტეგრაციაზე არსებულ შესაძლებლობებსა და გამოწვევებზე. ტრენერთა ტრენინგის გავლის შემდგომ, ახალგაზრდები ჩაერთვებიან საინფორმაციო კამპანიაში და ცნობიერების ასამაღლებელ შეხვედრებს ჩაატარებენ მინიმუმ 13 მუნიციპალიტეტის სოფლების მოსახლეობასთან, მათ შორის მათ თანატოლებთან, სკოლის მოსწავლეებთან, სტუდენტებთან, მშობლებთან, მასწავლებლებთან და თემის ლიდერებთან. სრულად... წყარო: ორგანიზაციის გვერდი სოციალურ ქსელში

თბილისი. გაეროს ბავშვთა ფონდმა მიმართა ლუსი კლავერს, ოქსფორდის უნივერსიტეტის ბავშვთა და ოჯახის სოციალური სამუშაოს პროფესორს და ორი პატარა ბიჭის დედას, გაგვიზიარონ, როგორ დაეხმარება მშობლებს „პოზიტიური დისციპლინის“ მიდგომა შვილებთან პოზიტიური ურთიერთობების დამყარებაში და მათთვის ისეთი უნარების სწავლებაში, როგორიცაა პასუხისმგებლობა, თანამშრომლობა და თვითდისციპლინა. „დასჯის და აკრძალვების საპირისპიროდ, პოზიტიური დისციპლინა ითვალისწინებს შვილთან ჯანსაღი ურთიერთობის ჩამოყალიბებას და ქცევის შესახებ მოლოდინების დაწესებას. კარგი ამბავი ყველა მშობლისთვის ის არის, რომ ეს მიდგომა მუშაობს და აი, როგორ შეგიძლიათ დაიწყოთ მისი პრაქტიკაში გამოყენება: გამოყავით პირისპირ საურთიერთო დრო; შეაქეთ დადებითი ქცევა; დასახეთ მკაფიო მოლოდინები; გადაიტანეთ ყურადღება; განუმარტეთ მიზეზ-შედეგობრივი კავშირი“. სრულად... წყარო: www.unicef.org

თბილისი. სოციალური სამართლიანობის ცენტრის მიერ გაზიარებულ ვიდეოში მოისმენთ სამი ოჯახის შესახებ, რომლებიც საქართველოში არადომინანტური ეთნიკური უმცირესობებით დასახლებულ რეგიონებში ცხოვრობენ. სამივე ოჯახს სურს, თავის სოფელში, ბავშვებისთვის არსებობდეს საბავშვო ბაღი და მათმა შვილებმა შეძლონ სოციალიზაცია; ენის სწავლა ან თუნდაც, სასკოლო პროცესისთვის მომზადება.  ორგანიზაციის ცნობით, არადომინანტური ეთნიკური უმცირესობებით დასახლებულ რეგიონებში საბავშვო ბაღები რაოდენობა იმაზე 2.7-ჯერ უფრო ნაკლებია, ვიდრე დანარჩენ საქართველოში. სრულად... წყარო: socialjustice.org.ge

თბილისი. თუ გაქვთ კითხვები ბავშვის განვითარების შესახებ, მაკლეინის ასოციაცია გთავაზობთ, გაიაროთ უფასო, დისტანციური კონსულტაცია ფსიქოლოგთან. დაჯავშნეთ კონსულტაცია, თუ ბავშვს აქვს სწავლის და აკადემიური საგნების ათვისების სირთულეები, ბავშვი ავლენს ასაკის შეუსაბამო ქცევებს, ბავშვი გამოირჩევა გადაჭარბებული ემოციურობით, შფოთვით ან დაქვეითებული გუნება-განწყობით. შეარჩიეთ თქვენთვის სასურველი დრო, კონსულტაცია გაიმართება ორშაბათს, 19 დეკემბერს, 13:00, 14:00, 15:00, 16:00 საათებზე. სრულად... წყარო: ორგანიზაციის გვერდი სოციალურ ქსელში

იმერეთი. იმერეთის რეგიონული ჰაბის „ადგილობრივი დემოკრატიის სააგენტო საქართველოს“ (LDA Georgia) და განათლების განვითარების და დასაქმების ცენტრის (EDEC) ორგანიზებით, ბაღდათის მუნიციპალიტეტის ახალგაზრდული საბჭოს წევრებისთვის ტრენინგი გაიმართა. თემა: ახალგაზრდული საჭიროებების იდენტიფიცირების მეთოდოლოგია და მისი განხორციელების ინსტრუმენტები. ტრენინგზე ბაღდათის მუნიციპალიტეტის საბჭოს წევრებს მიეწოდათ ინფორმაცია ახალგაზრდების საჭიროებების იდენტიფიცირების მეთოდების, პროცედურების და მათი თანამონაწილეობის გააქტიურების შესახებ. ტრენინგი გაიმართა პროექტის „სამოქალაქო საზოგადოების ინიციატივა: მდგრადი, ღია და ანგარიშვალდებული სამოქალაქო საზოგადოების ორგანიზაციები საქართველოს განვითარებისთვის“ფარგლებში, რომელიც ხორციელდება ევროკავშირისა (EU) და კონრად ადენაუერის ფონდის (KAS) მხარდაჭერით. სრულად... წყარო: ორგანიზაციის გვერდი სოციალურ ქსელში

რეგიონები. გაეროს ბავშვთა ფონდმა ევროკავშირის მხარდაჭერით, რეგიონებში მცხოვრები მშობლებისთვის საინფორმაციო შეხვედრები გამართა.  პოზიტიური მშობლობის შესახებ დისკუსიებს გორში, ოზურგეთსა და ბაღდათში 180 მშობელი დაესწრო. სრულად... წყარო: ორგანიზაციის გვერდი სოციალურ ქსელში

იმერეთი. 3 დეკემბერს, ჭიათურაში, „უფლებები საქართველოს“ სამართლებრივი დახმარების ცენტრში, USAID სამართლის უზენაესობის პროგრამის მხარდაჭერით, სხვადასხვა სკოლის უფროსკლასელებთან, ქალთა მიმართ და ოჯახში ძალადობის საკითხებზე დისკუსია გაიმართა. შეხვედრის ფარგლებში, „უფლებები საქართველოს“ იურისტმა თამარ ჯოხაძემ მოსწავლეებს ქალთა მიმართ ძალადობის ფორმები, ასევე ძალადობის მსხვერპლთა დაცვისა და დახმარების მექანიზმები გააცნო. სრულად... წყარო: ორგანიზაციის გვერდი სოციალურ ქსელში

უკვე ცნობილია „ეს ქვეყანა შენიას“ ახალგაზრდული კონკურსის გამარჯვებულები. კონკურსში მონაწილეობას იღებდნენ საჯარო სკოლებისა და საინიციატივო ჯგუფების 500–მდე ახალგაზრდა. გამარჯვებულებს ვულოცავთ წარმატებას, თითოეულ მონაწილეს კი მადლობას ვუხდით კონკურსში მონაწილეობისთვის. გამარჯვებულები: თბილისი – ახალგაზრდების საინტიციატივო ჯგუფი • ელენე ფილფანი • ანი კახიძე • ლიკა გოდერძიშვილი • ვიკა კახიძე • თამო ტოტიკაშვილი შიდა ქართლი – ახალგაზრდების საინიციატივო ჯგუფი (გორი) • გიორგი ტალახაძე • ვალერი მეტრეველი • ნინო კასრაძე ქვემო ქართლი – რუსთავის #16 საჯარო სკოლა • ბარბარე ლაზარიაშვილი • თემური კვიჟინაძე • ქრისტინე დვალიშვილი • ლელა მამულაძე • ნინო სადაღაშვილი • ამირან ჯანჯღავა (ჯგუფის ხელმძღვანელი) სამცხე–ჯავახეთი – ადიგენის საინტიატივო ჯგუფი • სოფო მსხვილიძე • თამთა მსხვილიძე • თათია მსხვილიძე • სალომე მსხვილიძე • საბა მსხვილიძე მცხეთა–მთიანეთი – წეროვნის #3 საჯარო სკოლა • მარიამ ცისკარიძე • მარი თვაური • თამარი ბუთხუზი • ნინო კობაური • ანი ცინცაძე (ჯგუფის ხელმძღვანელი) კახეთი – რუისპირის საინიციატივო ჯგუფი • ნაზი ღარიბაშვილი • მარიამ ღარიბაშვილი • მერი მოსახლიშვილი გურია – ჩოხატაური, სოფელ ფარცხმას საჯარო სკოლა • ოთარ მუშარბაძე • ლიზი სიხარულიძე • ლიკა ეზიეშვილი. • ლუკა კიკვაძე • ნინო მარკოიძე • მარიკა ქურიძე (ჯგუფის ხელმძღვანელი) აჭარა – ბათუმის საინიციატივო ჯგუფი • ნიაზ ჩიტიძე • მარიამ ჩხაიძე • გიგა მაგრაქველიძე • მარიამ პაქსაძე • ლიზი ძნელაძე სამეგრელო – ფოთის #2 საჯარო სკოლა • ნიკა ქაჯაია • ბარბარე უგრეხელიძე • ნინი უბირია • შალვა სარდალიშვილი (ჯგუფის ხელმძღვანელი) იმერეთი – ქუთაისის მე–2 საჯარო სკოლა • ანი ჭიჭუეიშვილი • ანანო ჩოგოვაძე • ლილე ჭეიშვილი • ნია გოგსაძე • მარიამ კაპანაძე • ნინო თევდორაძე (ჯგუფის ხელმძღვანელი) სპეციალური პრიზი • ნინო გოშაძე • გვანცა მოლაშვილი • ვენერა ალექსანიანი • ზურაბ მაჭარაშვილი

თბილისი. 29 ნოემბერს, გაეროს ბავშვთა ფონდმა და საქართველოს საერთაშორისო სავაჭრო პალატამ ხელი მოაწერეს ურთიერთგაგების მემორანდუმს, რომელიც მიზნად ისახავს ბავშვების მხარდაჭერის მობილიზებას ბიზნეს პრაქტიკაში ბავშვის უფლებების უზრუნველყოფისა და ახალგაზრდების გაძლიერების გზით, რაც შრომის ბაზარზე მათ კონკურენტუნარიან სამუშაო ძალად გახდის. სრულად... წყარო: ორგანიზაციის გვერდი სოციალურ ქსელში

თბილისი. შეზღუდული შესაძლებლობის მქონე ბავშვების მშობლებისთვის მშობელთა რიგით მე-6 ეროვნული კონფერენციის თემაა - მშობლობა მარათონია და არა მოკლე გარბენი! 2022 წლის მშობელთა ეროვნული კონფერენციის ორგანიზატორები არიან „მაკ ჯორჯია“ (MAC Georgia), Caritas Georgia, კოალიცია მოძრაობა ცვლილებებისთვის, International Woman Association (IWA) & რეგიონალურ დონეზე დამოუკიდებელი ცხოვრების ცენტრები. მშობელთა ეროვნული კონფერენციის მიზანია მშობლებს შესთავაზოს ის რესურსები და გამოცდილება, რაც მშობლობას, როგორც მარათონს, უფრო საინტერესოს და სახალისოს გახდის, როგორც მშობლისთვის, ასევე ბავშვისთვის. კონფერენციაში მონაწილეობა უფასოა. იხილეთ კონფერენციის გზამკვლევი… კონფერენციაზე დასწრების სურვილის შემთხვევაში გთხოვთ ყურადღებით შეავსოთ ონლაინ სააპლიკაციო ფორმა… აპლიკაციების შევსების ბოლო ვადაა: 24 ნოემბერი. სრულად... წყარო: ორგანიზაციის გვერდი სოციალურ ქსელში