თბილისი. პროექტის „მასობრივი განადგურების იარაღის გამოყენებით პოლიტიკური მკვლელობების პრევენციისთვის საქართველოს შესაძლებლობების გაძლიერება“ ფარგლებში, GCSD-მ ჩაატარა ტრენინგი ქბრბ (ქიმიური, ბიოლოგიური, რადიაციული და ბირთვული) უსაფრთხოების შესახებ სხვადასხვა მედია ორგანიზაციის წარმომადგენლებისთვის. ტრენინგს, დოქტორი მარკ მაიკლ ბლუმი უძღვებოდა და სამი დღის განმავლობაში მოიცავდა თემების ფართო სპექტრს, მათ შორის: ბირთვული იარაღის ისტორია და ამ იარაღის კონტროლის რეჟიმები, ქიმიური იარაღის ტიპები და მასობრივი განადგურების იარაღის გამოყენებით ჩადენილი მკვლელობები. პროექტი ხორციელდება ამერიკის შეერთებული შტატების სახელმწიფო დეპარტამენტის ერთობლივი საფრთხის შემცირების ოფისის (CTR) მხარდაჭერით. სრულად... წყარო: ორგანიზაციის გვერდი სოციალურ ქსელში

თბილისი. 23 დეკემბერს, სწავლებისა და დასაქმების ხელშეწყობის ცენტრების კარიერის დაგეგმვის კონსულტანტებისთვის ტრენერთა ტრენინგი გაიმართა. პროგრამა მიზნად ისახავდა მონაწილეებისათვის ინტერაქციული ტრენინგის მომზადებისა და ჩატარების შესახებ ცოდნის გადაცემასა და იმ შესაბამისი უნარ-ჩვევების განვითარებას, რომელიც როგორც ტრენინგების, ასევე სასწავლო პროგრამების დაგეგმვის, განხორციელებისა და შეფასების პროცესში, ზრდასრულთა სწავლების მიდგომების დანერგვასა და ინტერაქტიური მეთოდიკის გამოყენებას კიდევ უფრო მეტად ეფექტიანს გახდის. ტრენინგი გაიმართა პროექტის „უნარების გაძლიერება და დასაქმების ინოვაციური შესაძლებლობები საქართველოს რეგიონული განვითარებისთვის“ ფარგლებში. პროექტი ხორციელდება საქართველოს სტრატეგიული კვლევებისა და განვითარების ცენტრის (CSRDG) ლიდერობით, ახალგაზრდა პედაგოგთა კავშირთან და საქართველოს სამოქალაქო განვითარების ასოციაციასთან ერთად. პროექტის ფინანსური მხარდამჭერია ევროკავშირი. სრულად... წყარო: ორგანიზაციის გვერდი სოციალურ ქსელში

თბილისი. ახალგაზრდულ მუშაკთა ასოციაციის ცნობით, უკვე ხელმისაწვდომია სახელმძღვანელო - „ახალგაზრდული საქმიანობის კარგი პრაქტიკის მაგალითების კომპენდიუმი“. კარგი პრაქტიკის მაგალითების გამოყენება სულ უფრო მნიშვნელოვანი ხდება არა მარტო ახალგაზრდულ საქმიანობაში, არამედ ადამიანისა და საზოგადოების განვითარების ნებისმიერ სფეროში. ეს სახელმძღვანელო განსაკუთრებით საინტერესო იქნება მათთვის, ვისაც შეხება აქვს ახალგაზრდულ საქმიანობასთან ან უბრალოდ საინტერესებულია ამ სფეროთი. სახელმძღვანელოს ელ.ვერსია... კამპანია ხორციელდება პროექტის “Skills4Success - უნარები წარმატებისთვის” ფარგლებში. პროექტს ევროკავშირის დაფინანსებით ახორციელებს Save the Children International-ი პარტნიორ ორგანიზაციებთან: საქართველოს ახალგაზრდულ მუშაკთა ასოციაციასთან, ახალგაზრდობის სააგენტოსა და კონრად ადენაუერის ფონდთან ერთად. სრულად... წყარო: ორგანიზაციის გვერდი სოციალურ ქსელში

რეგიონები. აჭარის, გურიის, ქვემო ქართლისა და შიდა ქართლის პროფესიული სასწავლებლების წარმომადგენლებმა მონაწილეობა მიიღეს „ძირითადი კომპეტენციებისა და სამუშაოსთვის მზაობის“ ტრენერთა ტრენინგში. საქართველოს გაეროს ასოციაციის ინფორმაციით, მიღებული ცოდნისა და გამოცდილების საფუძველზე, სხვადასხვა პროფესიული სასწავლებლის 14 თანამშრომელი იგივე დასახელების ტრენინგს ჩაატარებს საკუთარი საგანმანათლებლო დაწესებულების სტუდენტებისთვის. ტრენინგი ჩატარდა ევროკავშირის მიერ დაფინანსებული „ცოდნისა და უნარების განვითარების ქსელებისა და პლატფორმების გაძლიერების პროექტის (LINKS)“ ფარგლებში, რომელიც ხორციელდება საქართველოს გაეროს ასოციაციისა და საქართველოს ღია საზოგადოების ფონდის მიერ. სრულად... წყარო: ორგანიზაციის გვერდი სოციალურ ქსელში

თბილისი. საქართველოს გაეროს ასოციაციის ორგანიზებით, ნატოსა და ევროკავშირის საინფორმაციო ცენტრსა და შერიგებისა და სამოქალაქო თანასწორობის საკითხებში საქართველოს სახელმწიფო მინისტრის აპარატთან თანამშრომლობითა და აშშ-ის საერთაშორისო განვითარების სააგენტოს (USAID) ფინანსური მხარდაჭერით ჩატარდა ახალგაზრდული პროგრამა „ახალგაზრდა ევროპელი ელჩები.“ მონაწილეებს სამი დღის განმავლობაში ჩაუტარდათ თეორიული და პრაქტიკული ტრენინგები საქართველოს ევროატლანტიკურ ინტეგრაციაზე არსებულ შესაძლებლობებსა და გამოწვევებზე. ტრენერთა ტრენინგის გავლის შემდგომ, ახალგაზრდები ჩაერთვებიან საინფორმაციო კამპანიაში და ცნობიერების ასამაღლებელ შეხვედრებს ჩაატარებენ მინიმუმ 13 მუნიციპალიტეტის სოფლების მოსახლეობასთან, მათ შორის მათ თანატოლებთან, სკოლის მოსწავლეებთან, სტუდენტებთან, მშობლებთან, მასწავლებლებთან და თემის ლიდერებთან. სრულად... წყარო: ორგანიზაციის გვერდი სოციალურ ქსელში

თბილისი. ინფორმაციის თავისუფლების განვითარების ინსტიტუტმა (IDFI) 2022 წლის 10-15 დეკემბრის პერიოდში, შვედეთის საერთაშორისო განვითარების თანამშრომლობის სააგენტოს (Sida) მხარდაჭერით, ზამთრის სკოლა „კანონის უზენაესობა და ადამიანის უფლებები“ გამართა. ზამთრის სკოლას ორსაფეხურიანი კონკურსის საფუძველზე შერჩეული 25 მონაწილე ჰყავდა და მის მთავარ მიზანს პროგრამით გათვალისწინებულ საკითხებთან დაკავშირებით მონაწილეების ცნობიერების ამაღლება, არსებულ გამოწვევებზე დისკუსიების გამართვისა და შეხედულებების ურთიერთგაცვლის ხელშეწყობა წარმოადგენდა. სკოლის ფარგლებში, იურიდიული ფაკულტეტის სტუდენტებსა და დამწყებ პრაქტიკოსებს, მათ შორის, მე-3 და მე-4 რანგის საჯარო მოხელეებს, მიეცათ შესაძლებლობა მონაწილეობა მიეღოთ დარგის სპეციალისტების მიერ აქტუალურ სამართლებრივ საკითხებთან დაკავშირებით დაგეგმილ ტრენინგებში. 15 დეკემბერს სკოლის დახურვის ცერემონიაზე მონაწილეებს ტრენინგთა კურსის წარმატებით გავლა მიულოცეს და სკოლის აქტივობები შეაჯამეს IDFI-ს კანონის უზენაესობისა და მედიის მიმართულების ხელმძღვანელმა გიორგი დავითურმა, შვედეთის საელჩოს განვითარების თანამშრომლობის ხელმძღვანელმა/მისიის ხელმძღვანელის მოადგილემ - ერიკ ილესმა და ადამიანის უფლებათა საერთაშორისო სამართლის პროფესორმა კონსტანტინე კორკელიამ. სრულად... წყარო: idfi.ge

თბილისი. გაეროს ბავშვთა ფონდმა ჰელფინგ ჰენდ (Helping Hand)-ის მოხალისეებსა და იმუნიზაციისა და ვაქცინოლოგიის ასოციაციის MEDიატორებისთვის გამართა სემინარი: „მტკიცებულებებზე დაფუძნებული ლიდერობის მოდელი ვაქცინაციის ჩემპიონებისთვის“. სემინარს გაეროს ბავშვთა ფონდის წარმომადგენელი საქართველოში, ღასან ხალილი გაუძღვა. მსმენელებმა მიიღეს ინფორმაცია ლიდერობისა და მოხალისეობის პროცესში სწორი ღირებულებების, ნდობისა და ემპათიის აუცილებლობისა და მნიშვნელობის შესახებ. სრულად... წყარო: ორგანიზაციის გვერდი სოციალურ ქსელში

თბილისი. ინფორმაციის თავისუფლების განვითარების ინსტიტუტმა აჭარის უმაღლესი საბჭოს საზედამხედველო საქმიანობაში საზოგადოების მონაწილეობის მხარდასაჭერად მორიგი ტრენინგი გამართა. ტრენინგის თემა ამჯერად თემატურ მოკვლევას შეეხებოდა. მონაწილეები გაეცნენ თემატური მოკვლევის მნიშვნელობას, მისი დაგეგმვისა და განხორციელების პროცესს და სტადიებს, როგორ უნდა ჩაერთოს მესამე მხარე თემატური მოკვლევის პროცესში და რა ფორმით უნდა გაიგზავნოს კითხვებზე პასუხი. სრულად... წყარო: idfi.ge

თბილისი. გაეროს ბავშვთა ფონდმა მიმართა ლუსი კლავერს, ოქსფორდის უნივერსიტეტის ბავშვთა და ოჯახის სოციალური სამუშაოს პროფესორს და ორი პატარა ბიჭის დედას, გაგვიზიარონ, როგორ დაეხმარება მშობლებს „პოზიტიური დისციპლინის“ მიდგომა შვილებთან პოზიტიური ურთიერთობების დამყარებაში და მათთვის ისეთი უნარების სწავლებაში, როგორიცაა პასუხისმგებლობა, თანამშრომლობა და თვითდისციპლინა. „დასჯის და აკრძალვების საპირისპიროდ, პოზიტიური დისციპლინა ითვალისწინებს შვილთან ჯანსაღი ურთიერთობის ჩამოყალიბებას და ქცევის შესახებ მოლოდინების დაწესებას. კარგი ამბავი ყველა მშობლისთვის ის არის, რომ ეს მიდგომა მუშაობს და აი, როგორ შეგიძლიათ დაიწყოთ მისი პრაქტიკაში გამოყენება: გამოყავით პირისპირ საურთიერთო დრო; შეაქეთ დადებითი ქცევა; დასახეთ მკაფიო მოლოდინები; გადაიტანეთ ყურადღება; განუმარტეთ მიზეზ-შედეგობრივი კავშირი“. სრულად... წყარო: www.unicef.org

თბილისი. სოციალური სამართლიანობის ცენტრის მიერ გაზიარებულ ვიდეოში მოისმენთ სამი ოჯახის შესახებ, რომლებიც საქართველოში არადომინანტური ეთნიკური უმცირესობებით დასახლებულ რეგიონებში ცხოვრობენ. სამივე ოჯახს სურს, თავის სოფელში, ბავშვებისთვის არსებობდეს საბავშვო ბაღი და მათმა შვილებმა შეძლონ სოციალიზაცია; ენის სწავლა ან თუნდაც, სასკოლო პროცესისთვის მომზადება.  ორგანიზაციის ცნობით, არადომინანტური ეთნიკური უმცირესობებით დასახლებულ რეგიონებში საბავშვო ბაღები რაოდენობა იმაზე 2.7-ჯერ უფრო ნაკლებია, ვიდრე დანარჩენ საქართველოში. სრულად... წყარო: socialjustice.org.ge

თბილისი. 11 დეკემბერს, ინფორმაციის თავისუფლების განვითარების ინსტიტუტმა (IDFI) ზამთრის სკოლის „კანონის უზენაესობა და ადამიანის უფლებები“, გახსნის ღონისძიება გამართა. სკოლა შვედეთის საერთაშორისო განვითარების თანამშრომლობის სააგენტოს (Sida) მხარდაჭერით, 10-15 დეკემბრის პერიოდში, გუდაურში, სასტუმრო მარკო პოლოში, გაიმართება. სრულად... წყარო: idfi.ge

თბილისი. გაეროს განვითარების პროგრამა (UNDP) მიესალმება და მხარს უჭერს საქართველოს განათლებისა და მეცნიერების სამინისტროს ინიციატივას ქართული ბრაილის შრიფტის ელექტრონული ვერსიის შექმნასთან დაკავშირებით.  „ეს ხელს უწყობს საგანმანათლებლო რესურსებზე წვდომას მხედველობის შეზღუდვის მქონე ადამინებისთვის, ინკლუზიური განათლების განვითარებასა და თანასწორი საზოგადოების მშენებლობას“. სრულად... წყარო: ორგანიზაციის გვერდი სოციალურ ქსელში

რეგიონები. 6-9 დეკემბერს საქართველოს გაეროს ასოციაციის ორგანიზებით ჩატარდა სამდღიანი ტრენერთა ტრენინგი „ახალგაზრდები ქალთა უფლებებისთვის“. ტრენინგში მონაწილეობა მიიღეს ახალგაზრდებმა საქართველოს 6 რეგიონიდან: ქვემო ქართლი, სამცხე-ჯავახეთი, შიდა ქართლი, გურია, აჭარა და იმერეთი.  ტრენინგკურსის ფარგლებში მონაწილეები სფეროს ექსპერტებისა და ტრენერების მიერ გადამზადდნენ შემდეგ საკითხებში:  ქალთა უფლებები და გენდერული თანასწორობა; ოჯახში ძალადობა და სახელმწიფო რეფერირების მექანიზმები; სერვისები გენდერული ნიშნით დისკრიმინაციის მსხვერპლთათვის;  სამართლებრივი მექანიზმები; ბავშვობის ასაკში ქორწინების პრევენციის მექანიზმები;  ქალთა საგანგმანათლებლო, პროფესიული და ეკონომიკური მხარდაჭერის შესაძლებლობები საქართველოში. სრულად... წყარო: ორგანიზაციის გვერდი სოციალურ ქსელში

გურია. 13 დეკემბერს, ახალგაზრდა პედაგოგთა კავშირთან არსებული არაფორმალური განათლების ცენტრის „ლიდერთა სკოლისა“ და „იდეებისა და მეწარმეობის ლაბორატორიის წევრების“ მონაწილეობით მოეწყო შეხვედრა მსახიობ მერაბ ნინიძესთან.  შეხვედრის თემა: ევროპული ღირებულებები ქართველი მწერლების შემოქმედებაში.  მოწვეულმა სტუმარმა მოზარდებთან ისაუბრა განათლების, თავისუფლების, დამოუკიდებელი გადაწყვეტილებების აუცილებლობის, თვითშემეცნების, თაობათაშორის არსებული განსხვავებების, ცვლილებების, სწორად აზროვნების/ფიქრის მნიშვნელოვნების  და განვითარებისკენ, წინსვლისკენ მუდმივი სწრაფვის შესახებ.   შეხვედრა განხორციელდა პროექტის „უკეთესი მომავლისთვის“ ფარგლებში ორგანიზაცია Brot für die Welt-ის ფინანსური მხარდაჭერით. სრულად... წყარო: ორგანიზაციის გვერდი სოციალურ ქსელში

გურია. ადამიანის უფლებების საერთაშორისო დღესთან დაკავშირებით, ახალგაზრდა პედაგოგთა კავშირის ახალგაზრდული ცენტრის წევრების მონაწილეობით ჩატარდა ტრენინგი თემაზე: ადამიანის უფლებები და თავისუფლება.  შეხვედრას უძღვებოდა ომბუდსმენის აპარატის გურიის რეგიონის წარმომადგენელი თამარ ოგანოვა.  სრულად... წყარო: ორგანიზაციის გვერდი სოციალურ ქსელში

სამეგრელო. 1 დეკემბერს, Burtula Creative-მა CHCA-ს ზუგდიდის ოფისში ჩაატარა ტრენინგი თემაზე „სოციალური მედია მარკეტინგი და მისი მნიშვნელობა მცირე ბიზნესის წარმოებისას”. ტრენინგს ესწრებოდნენ კონფლიქტით დაზარალებული პირები, რომლებიც დაკავებული არიან მცირე მეწარმეობით, სამეგრელოსა და აფხაზეთში. შეხვედრა ჩატარდა CHCA-სა და Burtula Creative-ს შორის გაფორმებული მემორანდუმის ფარგლებში, ციფრული საგანმანათლებლო პროგრამების ერთობლივი განხორცილებისათვის. სრულად... წყარო: ორგანიზაციის გვერდი სოციალურ ქსელში

იმერეთი. იმერეთის რეგიონული ჰაბის „ადგილობრივი დემოკრატიის სააგენტო საქართველოს“ (LDA Georgia) და განათლების განვითარების და დასაქმების ცენტრის (EDEC) ორგანიზებით, ბაღდათის მუნიციპალიტეტის ახალგაზრდული საბჭოს წევრებისთვის ტრენინგი გაიმართა. თემა: ახალგაზრდული საჭიროებების იდენტიფიცირების მეთოდოლოგია და მისი განხორციელების ინსტრუმენტები. ტრენინგზე ბაღდათის მუნიციპალიტეტის საბჭოს წევრებს მიეწოდათ ინფორმაცია ახალგაზრდების საჭიროებების იდენტიფიცირების მეთოდების, პროცედურების და მათი თანამონაწილეობის გააქტიურების შესახებ. ტრენინგი გაიმართა პროექტის „სამოქალაქო საზოგადოების ინიციატივა: მდგრადი, ღია და ანგარიშვალდებული სამოქალაქო საზოგადოების ორგანიზაციები საქართველოს განვითარებისთვის“ფარგლებში, რომელიც ხორციელდება ევროკავშირისა (EU) და კონრად ადენაუერის ფონდის (KAS) მხარდაჭერით. სრულად... წყარო: ორგანიზაციის გვერდი სოციალურ ქსელში

გურია. 12 დეკემბერს, ჩოხატაურის მუნიციპალიტეტის N1 საჯარო სკოლის კლუბის „იდეებისა და მეწარმეობის ლაბორატორია“ წევრები სასწავლო ვიზიტით ოზურგეთის ტექნოპარკში იმყოფებოდნენ. ვიზიტის მიზანი იყო მომავლის პროფესიების და ტექნოლოგიური მიღწევების შესახებ მოზარდების ინფორმირება. ტექნო პარკის ხელმძღვანელმა მოზარდებს გააცნო სამრეწველო ინოვაციები, უახლესი დანადგარების მუშაობის სპეციფიკა, ინფორმაცია ტექნოლოგიურ საკითხებთან დაკავშირებული კურსებისა თუ ბანაკების, პროექტების შესახებ. სასწავლო ვიზიტი განხორციელდა ევროკავშირისა (EU) და „პური მსოფლიოსთვის“ (Brot) ფინანსური მხარდაჭერით. სრულად... წყარო: ორგანიზაციის გვერდი სოციალურ ქსელში

თბილისი. საქართველოს სტრატეგიული კვლევებისა და განვითარების ცენტრის ორგანიზებით, ჩატარდა ტრენინგის „საზოგადოებასთან ურთიერთობის უნარების გაძლიერება ციფრული ინსტრუმენტების გამოყენებით“ მეორე ციკლი.   ტრენინგი ჩატარდა იმერეთის, გურიის, სამეგრელოსა და აჭარის რეგიონების  ადგილობრივი  სათემო და საზოგადოებრივი ორგანიზაციების წარმომადგენლებისა და სამოქალაქო აქტივისტებისთვის. შეხვედრაზე განიხილეს შემდეგი საკითხები: სათემო მუშაობა - თემის რესურსების რუქა საზოგადოებასთან ურთიერთობა და მისი მნიშვნელობა ციფრული კომუნიკაციის პლატფორმები და ინსტრუმენტები კამპანიის სახეები: ადვოკატირების კამპანია, ფონდების მოძიება, ქრაუდფანდინგ კამპანია კამპანიის დაგეგმვა ტრენინგები ჩატარდა ევროკავშირისა და კონრად ადენაუერის ფონდის (KAS) მხარდაჭერით, პროექტის „სამოქალაქო საზოგადოების ინიციატივის“ ფარგლებში. სრულად... წყარო: ორგანიზაციის გვერდი სოციალურ ქსელში

თბილისი. სოციალური სამართლიანობის ცენტრი გთავაზობთ საინტერესო ლიტერატურას, სტატიებისა და ინტერვიუების ციკლს, რომელიც კონფლიქტების ტრანსფორმაციის, მდგრადი მშვიდობის მშენებლობისა და კონფლიქტის რეგიონებში ადამიანის უფლებების დაცვის საკითხებს უკავშირდება. სრულად... წყარო: socialjustice.org.ge

იმერეთი. როგორ ვიკვლიოთ პოლიტიკური კორუფცია - ამ თემაზე ქუთაისში „საერთაშორისო გამჭვირვალობა - საქართველოს” ორგანიზებით ტრენინგი ჩატარდა. ტრენინგს, რომელსაც ჟურნალისტები და არასამთავრობო ორგანიზაციების წარმომადგენლები ესწრებოდნენ, ორგანიზაციის მთავარი ეკონომისტი, ბესო ნამჩავაძე უძღვებოდა. შეხვედრაზე საუბარი შეეხო საჯარო მონაცემების ბაზებიდან ინფორმაციის მოპოვებისა და დამუშავების ხერხებს, „საერთაშორისო გამჭვირვალობა - საქართველოს“ მიერ შექმნილი ვებგვერდების გამოყენების მეთოდებს. სრულად... წყარო: ორგანიზაციის გვერდი სოციალურ ქსელში

თბილისი. NED-ის მხარდაჭერით, „თავისუფალ ჟურნალისტთა სახლის“ პროექტის ფარგლებში, მომზადდა სტატია „კომპიუტერისა და ინტერნეტის გარეშე - რა ხდება, როცა სოფელში სწავლობ“. „14 წლის თედო მჟავანაძე შუახევში, სოფელ წყაროთაში ცხოვრობს. ის წყაროთის საჯარო სკოლის მეათე კლასის მოსწავლეა. სკოლაში მის გარდა 39 ბავშვია. თედოს, ისევე, როგორც მისი თანასკოლელების უმრავლესობას, არ აქვს ლეპტოპი და არ მიუწვდება ხელი ინტერნეტზე“. წაიკითხეთ სრულად... წყარო: batumelebi.netgazeti.ge