თბილისი. პარტნიორობა ადამიანის უფლებებისთვის (PHR) აქვეყნებს დოკუმენტს, რომელიც განკუთვნილია შეზღუდული შესაძლებლობის მქონე (შემდგომში „შშმ“) გოგოებისთვის, მათი მშობლების, მზრუნველების და ოჯახებისთვის, რომლებიც შშმ ბავშვების მომწიფების ასაკთან დაკავშირებული საჭიროებების გამოვლენისას წინააღმდეგობებს აწყდებიან. სრულად... წყარო: phr.ge

აჭარა. „ფორთოხლისფერი მსოფლიო - შეწყვიტე ძალადობა ქალებისა და გოგონების მიმართ!“ გენდერული ძალადობის წინააღმდეგ ბრძოლის 16 დღიანი კამპანიის ფარგლებში, ჩაქვის სკოლის მოსწავლეებთან შეხვედრა გაიმართა. საიას იურისტმა სალომე ღოღობერიძე და ბათუმის დემოკრატიული ჩართულობის ცენტრის ხელმძღვანელმა თეონა დიასამიძემ ისაუბრეს ქალთა მიმართ ძალადობის წინააღმდეგ სახელმწიფოს დაცვის მექანიზმებსა და ქალთა მიმართა ძალადობის საკითხებზე, არსებულ კანონმდებლობაზე, კრიზისულ ცენტრებზე, რეგიონში მოქმედ სერვისებზე...  სრულად... წყარო: ორგანიზაციის გვერდი სოციალურ ქსელში

თბილისი. საფარმა წელს ქართული ვიკიპედიის შევსება დაისახა მიზნად და 25 ნოემბრის შესახებ ინფორმაცია დაამატა. „როგორც იცით, 25 ნოემბერი ქალთა მიმართ ძალადობის აღმოფხვრის საერთაშორისო დღეა, საფარისთვის 2021 წლის 16 დღიანი კამპანიის ძირითადი თემაა: სქესობრივი დანაშაულები: გამოწვევები კანონმდებლობასა და პრაქტიკაში“. სრულად... წყარო: ორგანიზაციის გვერდი სოციალურ ქსელში

აჭარა. დაბა შუახევში თავისუფალ ჟურნალისტთა სახლმა პროექტის „ქალთა და ახალგაზრდების გაძლიერება შუახევის მუნიციპალიტეტში “ფარგლებში, ტრენინგები ჩაატარა თემაზე, „საპროექტო იდეების შედგენა “. სრულად... წყარო: ორგანიზაციის გვერდი სოციალურ ქსელში

აჭარა. ხულოში აჭარის კრიტიკული პოლიტიკის სკოლის შეხვედრა გაიმართა. „ლექციები წაიკითხეს სოციალურმა ანთროპოლოგებმა რუსლან ბარამიძემ და თამთა ხალვაშმა. რუსლან ბარამიძემ ისაუბრა საბჭოთა კავშირის პერიოდში აჭარელი თემის მუსლიმურ პრაქტიკებზე, ხოლო თამთა ხალვაშმა ილაპარაკა აჭარულ რწმენა-წარმოდგენებსა და მოდერნიზაციის პროექტებზე საბჭოთა კავშირში და დღევანდელობაში. მოხსენებების შემდეგ გაიმართა დისკუსია. კრიტიკული პოლიტიკის სკოლა ნახევრად აკადემიური და ნახევრად პოლიტიკური სივრცეა, რომლის მიზანია სოციალური სამართლიანობის, თანასწორობის და დემოკრატიის საკითხებით დაინტერესებულ ახალგაზრდა აქტივისტებსა და თემის ლიდერებში კრიტიკული ცოდნის გაზიარება და კოლექტიური მსჯელობისა და საერთო მოქმედების პლატფორმის შექმნა“. სრულად... წყარო: socialjustice.org.ge

გურია. ქალთა მიმართ ძალადობის აღკვეთის საერთაშორისო დღესთან დაკავშირებით ლიდერთა სკოლის თანატოლგანმანათლებელმა თაზო ჯოჯუამ ორგანიზაციის პარტნიორი სკოლის მოსწავლეებისთვის სესია ჩაატარა. „სესიაზე განიხილეს ლიდერთა სკოლის მოსწავლეების მიერ მიკრო გრანტების პროგრამის ფარგლებში შექმნილი კომიქსები „შეცვალე დამოკიდებულება“. იდეებისა და მეწარმეობის ლაბორატორიის მონაწილეებმა იმსჯელეს კომიქსებში წარმოდგენილი ქალთა მიმართ ძალადობის ქესისების შესახებ, განიხილეს გამომწვევი მიზეზები და შედეგები. შეხვედრაზე ყურადღება გამახვილდა გენდერულ სტერეორიპებსა და მათ გავლენაზე პროფესიების არჩევის პროცესში“. სრულად... წყარო: ორგანიზაციის გვერდი სოციალურ ქსელში

კახეთი. რონდელის ფონდის ორგანიზებით, თელავში ჩატარდა სასწავლო პროგრამა „ახალგაზრდები ცვლილებისთვის“. „პროგრამის ფარგლებში 5 დღის განმავლობაში ახალგაზრდა აქტივისტები კახეთის რეგიონიდან გაეცნენ ისეთ თემებს როგორებიცაა: საშინაო და საგარეო პოლიტიკის გამოწვევები, პოლიტიკური იდეოლოგიები და საარჩევნო პროცესები საქართველოში“. სრულად... წყარო: ორგანიზაციის გვერდი სოციალურ ქსელში

თბილისი. გაეროს ქალთა ფონდის ცნობით, გაეროს ქალთა გაძლიერების პრინციპებზე ხელმომწერი კომპანიები ტექნოლოგიებში გოგოების ჩართულობისთვის გაერთიანდნენ. „ქართულ-ამერიკული უნივერსიტეტი გაუ, კანტის აკადემია და ჯეოლაბი ქალებისთვის ახალ, 6-თვიან საგანმანათლებლო პლატფორმას WE-Tech -ს ქმნიან. პროგრამა მონაწილეებს ტექნოლოგიური და სამეწარმეო უნარების განვითარებაში ეხმარება“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

თბილისი. ტოლერანტობის და თანასწორობის კვირეულის ფარგლებში, ლიდერთა სკოლის მოსწავლეების მონაწილეობით ჩატარდა შეხვედრა თემაზე: „თაობათაშორის ეპოქალური ცვლილებები, ღირებულებები და დამოკიდებულებები“. „მოწვეული სტუმრები იყვნენ: ჟურნალისტი ნინო ზაუტაშვილი, კომპიუტერული და ელექტრონული ინჟინერიის პროფესორი ნანა დიხამინჯია და კონსტიტუციონალისტი ვახუშტი მენაბდე. სტუმრებმა ისაუბრეს თაობათაშორის ტოლერანტულ დამოკიდებულებეზე, განსხვავებულ რწმენა-წარმოდგენებზე, ფასეულობებისა და ღირებულებების ცვლილებაზე. ასევე, ციფრულ ეკონომიკაზე, თაობათაშორის ბრძოლაზე და ინტერესთა კონფლიქტებზე“. სრულად... წყარო: ორგანიზაციის გვერდი სოციალურ ქსელში

აჭარა. სოლიდარობის თემისა და სოციალური სამართლიანობის ცენტრის ერთობლივი პროექტის ფარგლებში, „კრიტიკული პოლიტიკის სკოლა“, ხულოში კიდევ ერთი შეხვედრა გაიმართა.  მომხსენებლებმა ისაუბრეს საბჭოთა კავშირისა და ისლამიზაციის შესახებ, მათ შორის ისლამურ პრაქტიკებზე, მოდერნიზაციის პროექტებზე - რუსეთის იმპერიიდან დღემდე, როგორ უკავშირდება ეს ინფრასტრუქტურას და ადგილობრივ ტრადიციულ რწმენებს (უჟმურები, ქაჯები). სრულად... წყარო: ორგანიზაციის გვერდი სოციალურ ქსელში

თბილისი. ყოველ ორშაბათს, ოთხშაბათს, პარასკევს, 15:30 სთ-ზე, უყურეთ გადაცემას „სამასწავლებლო“, რომელიც საინტერესო თემებით ტელესკოლაზე, ზოგადი განათლების რეფორმის გვერდსა და კენწეროზე გავა. გადაცემა მასწავლებლებისთვის, მოსწავლეებისთვის და მშობლებისთვის არის განკუთვნილი. პროექტი საქართველოს განათლებისა და მეცნიერების სამინისტროს, პირველი არხის ტელესკოლისა და ონლაინ საგანმანათლებლო პლატფორმა „კენწეროს“ თანამშრომლობის შედეგია. „რა თვისებები უნდა ჰქონდეს მასწავლებელს და როგორ ავუმაღლოთ მოტივაცია მოსწავლეს; რამდენად მნიშვნელოვანია ოჯახის ჩართულობა ბავშვის განათლებაში; როგორია შეფასების თანამედროვე სტანდარტების სისტემა და დისტანციური სწავლების საუკეთესო პრაქტიკა? ამ და სხვა საკითხებზე „სამასწავლებლოში” განათლების ექსპერტები და მოქმედი მასწავლებლები ისაუბრებენ“. სრულად... წყარო: ორგანიზაციის გვერდი სოციალურ ქსელში

ქვემო ქართლი. გაეროს განვითარების პროგრამა (UNDP) აგრძელებს მოგზაურობას საქართველოს რეგიონებში, სადაც ადგილობრივ მოსახლეობას ვაქცინაციისა და ვაქცინების შესახებ სანდო ინფორმაციას აწვდის. ამჯერად, ორგანიზაცია მარნეულს ეწვია და 300-მდე ადგილობრივ მაცხოვრებელს საინფორმაციო ბროშურები დაურიგა. სრულად... წყარო: ორგანიზაციის გვერდი სოციალურ ქსელში

თბილისი. სოციალური სამართლიანობის ცენტრის მკვლევარი, ქამრან მამადლი ვიდეოში ჰყვება რა დონით არიან ეთნიკური უმცირესობები საჯარო სამსახურებში დასაქმებულნი და რა შედეგები მოაქვს ამ მხრივ არსებულ პრობლემებს. „ყოველწიულად, ეთნიკურად დასახლებული რეგიონებიდან, თითქმის 1000-მდე ახალგაზრდა სახელმწიფო უნივერსიტეტებში აბარებს, თუმცა საჯარო სამსახურებში დასაქმება ეთნიკურად არადომინანტური ჯგუფებისთვის კვლავ პრობლემაა“. წყარო: socialjustice.org.ge

გურია. 9 ნოემბერს, ჩოხატაურისა და ოზურგეთის სწავლებისა და დასაქმების ხელშეწყობის ცენტრის მონაწილეებისთვის სამუშაოს მოძიების უნარების კურსი დაიწყო. განხილულ საკითხებს შორის იყო: ინტერპერსონალური კომუნიკაცია; არავერბალური კომუნიკაცია; დროის მართვა და თვითმენეჯმენტი; ასერტიული ქცევა; საქმიანი წერილობითი კომუნიკაცია და სხვ.  სრულად... წყარო: ორგანიზაციის გვერდი სოციალურ ქსელში

თბილისი. 14 ნოემბერს, ინფორმაციის თავისუფლების განვითარების ინსტიტუტმა (IDFI) მონიტორინგის, მონაცემების მოძიების მეთოდებისა და მონაცემთა ვიზუალიზაციის შესახებ კორუფციასთან ბრძოლის სასერტიფიკატო პროგრამის მონაწილეებისთვის ტრენინგი გამართა. სრულად... წყარო: idfi.ge

თბილისი. ორგანიზაცია „საფარის“ ინფორმაციით, გამომცემლობები: „დიოგენე“, „სულაკაურის გამომცემლობა“, „კლიო“, „სედი“, „წყაროსთვალი“, „ინტელექტი“, „სწავლანი“ და მაღაზია „ინგლისური წიგნი საქართველოში“ გაერთიანდნენ საქართველოს საპატრიარქოს ჯავახეთის ქ. ნინოწმინდის წმიდა ნინოს ობოლ, უპატრონო და მზრუნველობამოკლებულ ბავშვთა სახლის დასახმარებლად და პანსიონატის ბენეფიციარებს უსასყიდლოდ გადასცეს მათთვის საჭირო სასკოლო წიგნები.  „მარტვილის პანსიონში არსებულ სკოლაში ოთხი მოსწავლეა, რომელთაც არ ჰქონდათ სახელმძღვანელოები სასწავლო პროცესში სრულყოფილად ჩასართავად. ვინაიდან, პანსიონი არ შედის განათლების სამინისტროს საჯარო სკოლების შემადგენლობაში, პანსიონში არსებული სკოლა მოსწავლეებს ვერ უზრუნველყოფს შესაბამისი სასკოლო სახელმძღვანელოებით, ხოლო ოჯახებს არ აქვთ საკმარისი სახსრები მათ შესაძენად“. სრულად... წყარო: sapari.ge

თუ ეძებთ გრანტების, სტიპენდიების ან ტრენინგების შესახებ ინფორმაციას ეწვიეთ პროექტის, EU NEIGHBOURS east ახალ ვებსაიტს და გაეცანით ყოველდღიურად განახლებად ახალ შესაძლებლობებს ახალგაზრდების, ქალების, მეწარმეების, ჟურნალისტების, სამოქალაქო საზოგადოებისა და მრავალი სხვა ჯგუფისთვის. გააუზიარეთ საიტის ბმული მეგობრებს... გამოიწერეთ სიახლეები ვებგვერდიდან... ვებსაიტზე ხელმისაწვდომია უახლესი ცნობები, სტატიები და პრაქტიკული ინფორმაცია ევროკავშირის მიერ დაფინანსებულ პროექტებზე. საიტი რვა ენაზე - აზერბაიჯანულად, ბელარუსულად, ინგლისურად, რუმინულად, რუსულად, სომხურად, უკრაინულად და ქართულადაა ხელმისაწვდომი. წყარო: ორგანიზაციის გვერდი სოციალურ ქსელში

თბილისი. საქართველოს სტრატეგიისა და განვითარების ცენტრის (GCSD) ორგანიზებით, ძალადობრივ ექსტრემიზმთან გამკლავების და მისი პრევენციის შესახებ, სიმულაციური სწავლება ჩატარდა.  „ტრენინგის შედეგად, მონაწილეებმა უფრო ნათლად დაინახეს თავიანთი სამსახურების როლი ძალადობრივი ექსტრემიზმის პრევენციისა და მასთან გამკლავების პროცესში. სწავლება ჩატარდა პროგრამის „ძალადობრივი ექსტრემიზმისა და რადიკალიზაციის პრევენციისთვის საქართველოს შესაძლებლობების გაძლიერება” ფარგლებში, რომელიც GCSD-ის მიერ, საქართველოში ნორვეგიის სამეფოს საელჩოს ფინანსური მხარდაჭერით ხორციელდება”. სრულად... წყარო: www.gcsd.org.ge

აჭარა. თავისუფალ ჟურნალისტთა სახლის ინფორმაციით, ჭვანის ხეობაში მცხოვრები მოზარდებისთვის ინგლისური ენის სწავლების კურსი დაიწყო. სწავლებას უძღვება, ჭვანაში ორგანიზაციის წარმომადგენლობის ხელმძღვანელი - ელზა ლემსაძე. აქტივობა ხორციელდება პროექტის „თავისუფალ ჟურნალისტთა სახლის ინსტიტუციური გაძლიერება“ ფარგლებში, რომლის ფინანსური მხარდამჭერია საქართველოს ახალგაზრდა იურისტთა ასოციაცია. სრულად... წყარო: ორგანიზაციის გვერდი სოციალურ ქსელში

შიდა ქართლი. 3-4 ნოემბერს საქართველოს საპატრიარქოსა და გაეროს ბავშვთა ფონდის ორგანიზებით გორში მართლმადიდებელი სასულიერო პირებისთვის ორდღიანი სემინარი გაიმართა. სემინარის მთავარი თემა იყო ბავშვთა უფლებები და რელიგიური ლიდერების როლი ამ უფლებების დაცვის პოპულარიზებაში. სრულად... წყარო: ორგანიზაციის გვერდი სოციალურ ქსელში

კახეთი. 2-3 ნოემბერს, CENN-მა, GIZ-თან თანამშრომლობით, ახმეტის მუნიციპალიტეტში, ტყის მდგრადი მართვის, ენერგოეფექტიანობისა და განახლებადი ენერგიის საკითხებზე მასწავლებლებისთვის ტრენინგი ჩაატარა. „პროექტი დაფინანსებულია გერმანიის ეკონომიკური თანამშრომლობისა და განვითარების ფედერალური სამინისტროს (BMZ) სახელით, გერმანიის საერთაშორისო თანამშრომლობის საზოგადოების (GIZ) მიერ განხორციელებული პროგრამის - „ბუნებრივი რესურსების მართვა და ეკოსისტემური მომსახურებებით უზრუნველყოფა სოფლად მდგრადი განვითარებისთვის სამხრეთ კავკასიაში“ (ECOserve) ფარგლებში. ინიციატივები ასევე ხორციელდება პროექტის „ტყის მდგრადი მართვა სოფლის განვითარებისათვის“ ფარგლებში, რომელსაც CENN ავსტრიის განვითარების თანამშრომლობის (ADC) მხარდაჭერით ახორციელებს“. სრულად... წყარო: ორგანიზაციის გვერდი სოციალურ ქსელში

თბილისი. ახალი ინიციატივის ფარგლებში, მშობლის სკივრი მშობლებთან დახურულ ჯუფში შეხვედრას იწყებს. მომავალი შეხვედრის თემაა ყურადღების დეფიციტის და ჰიპერაქტივობის სინდრომი (ADHD) სასკოლო ასაკში. შეხვედრა გაიმართება ზუმში, 9 ნოემბერს, 4 საათზე. რეგისტრაცია შესაძლებელია 7 ნოემბრის ჩათვლით. სრულად... წყარო: ორგანიზაციის გვერდი სოციალურ ქსელში