შიდა ქართლი. 3-4 ნოემბერს საქართველოს საპატრიარქოსა და გაეროს ბავშვთა ფონდის ორგანიზებით გორში მართლმადიდებელი სასულიერო პირებისთვის ორდღიანი სემინარი გაიმართა. სემინარის მთავარი თემა იყო ბავშვთა უფლებები და რელიგიური ლიდერების როლი ამ უფლებების დაცვის პოპულარიზებაში. სრულად... წყარო: ორგანიზაციის გვერდი სოციალურ ქსელში

კახეთი. 2-3 ნოემბერს, CENN-მა, GIZ-თან თანამშრომლობით, ახმეტის მუნიციპალიტეტში, ტყის მდგრადი მართვის, ენერგოეფექტიანობისა და განახლებადი ენერგიის საკითხებზე მასწავლებლებისთვის ტრენინგი ჩაატარა. „პროექტი დაფინანსებულია გერმანიის ეკონომიკური თანამშრომლობისა და განვითარების ფედერალური სამინისტროს (BMZ) სახელით, გერმანიის საერთაშორისო თანამშრომლობის საზოგადოების (GIZ) მიერ განხორციელებული პროგრამის - „ბუნებრივი რესურსების მართვა და ეკოსისტემური მომსახურებებით უზრუნველყოფა სოფლად მდგრადი განვითარებისთვის სამხრეთ კავკასიაში“ (ECOserve) ფარგლებში. ინიციატივები ასევე ხორციელდება პროექტის „ტყის მდგრადი მართვა სოფლის განვითარებისათვის“ ფარგლებში, რომელსაც CENN ავსტრიის განვითარების თანამშრომლობის (ADC) მხარდაჭერით ახორციელებს“. სრულად... წყარო: ორგანიზაციის გვერდი სოციალურ ქსელში

თბილისი. ახალი ინიციატივის ფარგლებში, მშობლის სკივრი მშობლებთან დახურულ ჯუფში შეხვედრას იწყებს. მომავალი შეხვედრის თემაა ყურადღების დეფიციტის და ჰიპერაქტივობის სინდრომი (ADHD) სასკოლო ასაკში. შეხვედრა გაიმართება ზუმში, 9 ნოემბერს, 4 საათზე. რეგისტრაცია შესაძლებელია 7 ნოემბრის ჩათვლით. სრულად... წყარო: ორგანიზაციის გვერდი სოციალურ ქსელში

თბილისი. საქართველოს სტრატეგიის და განვითარების ცენტრი (GCSD) გთავაზობთ, თემატურ სახელმძღვანელოს: „ძალადობრივ ექსტრემიზმთან გამკლავება და მისი პრევენცია: სახელმძღვანელო საუკეთესო საერთაშორისო პრაქტიკის შესახებ“, ქართულ და ინგლისურ ენაზე. სახელმძღვანელოს მიზანია მკითხველის ყურადღების გამახვილება კონტრტერორიზმის, ძალადობრივ ექსტრემიზმთან გამკლავების და მისი პრევენციის საუკეთესო გამოცდილებაზე, არამხოლოდ საერთაშორისო, არამედ - ევროპულ დონეზეც. წიგნი შემუშავდა პროექტის „ძალადობრივი ექსტრემიზმისა და რადიკალიზაციის პრევენციისთვის საქართველოს შესაძლებლობების გაძლიერება“ ფარგლებში, რომელიც GCSD-ის მიერ, საქართველოში ნორვეგიის სამეფოს საელჩოს ფინანსური მხარდაჭერით ხორციელდება. სახელმძღვანელო... წყარო: ორგანიზაციის გვერდი სოციალურ ქსელში

სამცხე-ჯავახეთი. 29 ოქტომბერს, რონდელის ფონდის მკვლევრებმა გიორგი ბადრიძემ და გიორგი ბილანიშვილმა ზარზმის ახალგაზრდებისთვის განიხილეს თემები: „საქართველოს საგარეო პოლიტიკის პრიორიტეტები“ და „რუსეთი და საქართველო“. „პროექტს რონდელის ფონდი „ზარზმის ბავშვთა აკადემიისა“ და ზარზმის მონასტრის ხელშეწყობით ახორციელებს. სასწავლო პროგრამა ფოკუსირდება სხვადასხვა მიმართულებებზე, რომელიც ითვალისწინებს როგორც მათემატიკის ცოდნისა და უნარ-ჩვევების გაღრმავებას სპეციალურად შემუშავებული პროგრამის შესაბამისად, ასევე აქტუალური თემების განხილვას სამოქალაქო განათლებასა და ეროვნული უსაფრთხოების საკითხებზე“. სრულად... წყარო: ორგანიზაციის გვერდი სოციალურ ქსელში

თბილისი. 9-10 ნოემბერს, ილიას სახელმწიფო უნივერსიტეტის ორგანიზებით, გაიმართება ჰაკათონი „ციფრული განათლება მომავლისთვის Georgia - Digital Education For Future“, რომელიც საერთაშორისო პროექტის DigiEduHack-ის ფარგლებში ხორციელდება. „პროექტი ორი დღის განმავლობაში მთელს მსოფლიოში ერთდროულად მიმდინარეობს და მონაწილე ქვეყნებს ადგილზე უწევთ თავიანთ გამოწვევებზე მუშაობა. ღონისძიების თანაორგანიზატორები არიან ევროკავშირის დაფინანსებით მიმდინარე პროექტი: „ახალგაზრდული ტექნოლოგიური კლუბების ქსელი” და ინოვაციური განათლების ფონდი“. სრულად... წყარო: ილიას უნივერსიტეტის გვერდი სოციალურ ქსელში

თბილისი. ინფორმაციის თავისუფლების განვითარების ინსტიტუტისა (IDFI) და საქართველოს უნივერსიტეტის (UG) ერთობლივი პროგრამის ფარგლებში ჩატარებული სასემინარო კვირის მონაწილეებს სერთიფიკატები გადაეცათ. უნარების განვითარებაზე ორიენტირებული პრაქტიკული კურსი: „რა არის დეზინფორმაცია და როგორ შემიძლია დავუპირისპირდე მას?”, 25-29 ოქტომბრის კვირაში ყოველდღიურად მიმდინარეობდა. მონაწილეები გაეცნენ ყოველდღიური დეზინფორმაციის გადამოწმების მექანიზმებს, დეზინფორმაციის გავრცელების თანამედროვე ხერხებს და იმსჯელეს დეზინფორმაციის წინააღმდეგ ბრძოლაში ჟურანლისტური და მოქალაქეობრივი წვლილის შეტანის გზებზე. სრულად... წყარო: idfi.ge

თბილისი. გაეროს ბავშვთა ფონდი UNICEF გამოდის ახალი ინიციატივით მოსწავლეებისთვის, მშობლებისა და მასწავლებლებისთვის.  გაეროს ბავშვთა ფონდის ინფორმაციით, 14-დან 17 წლამდე 1500-ზე მეტ მოზარდს საქართველოს საჯარო სკოლებიდან, მათ მშობლებსა და მასწავლებლებს ექნებათ საშუალება, ჩაერთონ ახალ ინიციატივაში, რომელსაც ორგანიზაცია „აზარტული თამაშების კვლევისა და ლუდომანიის პრევენციის ცენტრთან“ და განათლებისა და მეცნიერების სამინისტროსთან ერთად განახორციელებს.  „ინიციატივის მიზანია, აზარტული თამაშებზე დამოკიდებულების არიდება და მოზარდებისთვის ჯანსაღი გარემოს შეთავაზება პირისპირი ტრენინგების, საჯარო ღონისძიებების და სოციალური მედიის საშუალებით“. სრულად... წყარო: ორგანიზაციის გვერდი სოციალურ ქსელში

თბილისი. 26 ოქტომბერს, სოციალური სამართლიანობის ცენტრმა გამართა ონლაინ დისკუსია თემაზე: „გალი - ორმაგი გამოტოვების ადგილი“. „2021 წლის 12 სექტემბერს ცნობილი გახდა აფხაზეთის დე ფაქტო განათლების სამინისტროს გადაწყვეტილების შესახებ, რომლის მიხედვითაც, გალის რაიონის სკოლებში ქართულ ენაზე სწავლება სრულად აიკრძალა. ამ გადაწყვეტილებით, ფაქტობრივად, დასრულდა გალის სკოლების აფხაზურ საგანმანათლებლო სისტემაში ასიმილაციისა და რუსიფიკაციის პროცესი, რომელიც წლების წინ წამოიწყო. დისკუსიის მიზანი აღნიშნულ საკითხზე მრავალშრიანი ფიქრის და მსჯელობის სივრცის შექმნა იყო“. სრულად... დისკუსია... წყარო: socialjustice.org.ge

ქვემო ქართლი. მარნეულში, სამოქალაქო ინტეგრაციის ფონდის მიერ „ახალი აზროვნების ინსტიტუტის ოფისში“ აქტიური ახალგაზრდებისთვის გაიმართა ტრენინგი „ლიდერობა და გუნდურობა“.  ტრენინგი განხორციელდა ევროკავშირისა და კონრად ადენაუერის ფონდის მიერ დაფინანსებული პროექტის „სამოქალაქო საზოგადოების ინიციატივის“ ფარგლებში, რომელსაც ახორციელებს კონსორციუმი კონრად ადენაუერის ფონდის (KAS) ხელმძღვანელობით. სრულად... წყარო: ორგანიზაციის გვერდი სოციალურ ქსელში

თბილისი. თუ ხართ ჟურნალისტი და ეკონომიკისა და ბიზნესის საკითხებს აშუქებთ, შეგიძლიათ მონაწილეობა მიიღოთ ეკონომიკის, ახალი მედიისა და მონაცემებზე დაფუძნებული ჟურნალისტიკის ტრენინგში, რომელიც USAID-ის მიერ არის დაფინანსებული. სრულად... რეგისტრაცია... წყარო: ორგანიზაციის გვერდი სოციალურ ქსელში

თბილისი. PHR-მა რეგიონალური მედიის წარმომადგენლებისთვის შეზღუდული შესაძლებლობის მქონე ქალთა უფლებებზე და მათი საჭიროებების გაშუქების ფორმებზე სამუშაო შეხვედრები ჩაატარა.  „შეხვედრაზე ჟურნალისტები გაეცნენ შეზღუდული შესაძლებლობის მქონე ქალთა უფლებებზე საერთაშორისო პრაქტიკებს, ასევე ადგილობრივ მიმდინარე და დასრულებულ საქმეებს, დეტალურად განიხილეს მედიაში გასული სიუჟეტები შშმ პირთა უფლებებზე და შემოგვთავაზეს საკუთარი ხედვა ამ საკითხების გაშუქებასთან დაკავშირებით“. სრულად... წყარო: phr.ge

თბილისი. ორგანიზაცია „კივიტას გეორგიკა“ გთავაზობთ მორიგ ონლაინ სემინარს თემაზე: სკოლამდელი განათლების ხარისხის მონიტორინგი და შეფასება. სემინარი ჩატარდება 1 ნოემბერს, 11:00 საათზე, ონლაინ. სრულად... წყარო: ორგანიზაციის გვერდი სოციალურ ქსელში

თბილისი. საქართველოს ახალგაზრდა იურისტთა ასოციაციის ინფორმაციით, თბილისის საქალაქო და სააპელაციო სასამართლოების გადაწყვეტილებით, განათლებისა და მეცნიერების სამინისტროს შშმ პირის სასარგებლოდ მატერიალური ზიანის ანაზღაურება დაევალა. ეს კი გულისხმობს სამედიცინო სარეაბილიტაციო კურსის საფასურის, შეზღუდული შესაძლებლობების სტატუსის არსებობამდე ადაპტირებული ტრანსპორტით მომსახურების საფასურის და ღამის მომვლელის მომსახურების ხარჯის ანაზღაურებას. სრულად... წყარო: gyla.ge

თბილისი. ინფორმაციის თავისუფლების განვითარების ინსტიტუტის (IDFI) ცნობით, 18 ოქტომბერს დაიწყო 2021-2022 წლების სასწავლო წელი კორუფციასთან ბრძოლის სასერტიფიკატო პროგრამის საბაკალავრო კურსის მონაწილეებისათვის. „საბაკალავრო საფეხურზე შერჩეული 22 მონაწილე, ერთი წლის განმავლობაში, გაივლის ისეთ საგნებს როგორიცაა „კარგი მმართველობა და კორუფცია“ და „საჯარო პოლიტიკა და კორუფცია““. სრულად... წყარო: idfi.ge

აჭარა. 11 ოქტომბრიდან 15 ოქტომბრის ჩათვლით, ინფორმაციის თავისუფლების განვითარების ინსტიტუტმა (IDFI) ბათუმში, წმინდა მატათა მოციქულის სახელობის გიმნაზია-პანსიონში International Coalition of Sites of Conscience მიერ დაფინანსებული პროექტის - „ინტერ-რელიგიური ურთიერთგაგება გრაფიკული ხელოვნების საშუალებით“ - ფარგლებში განახორციელა ძირითადი აქტივობები.  „პროექტის მიზანი იყო, რეპრესიის მსხვერპლთა ისტორიების შესახებ კომიქსების შექმნითა და გავრცელებით ახალი ცოდნის გაჩენა წარსული რეჟიმისა და რეპრესირებული პიროვნებების შესახებ, რაც ასევე კიდევ უფრო გაზრდიდა თანაგრძნობას რელიგიური უმცირესობის მსხვერპლთა მიმართ. საბოლოო ჯამში, გიმნაზია-პანსიონის აღსაზრდელებმა აღნიშნული პროექტის ფარგლებში შექმნეს 5 ორიგინალური კომიქსი საბჭოთა რეჟიმის პერიოდში რეპრესირებული ადამიანების შესახებ“. სრულად... წყარო: idfi.ge

შიდა ქართლი. 19 ოქტომბერს, ბილიკის თანამშრომლებისთვის მოხალისე მათეუშ სლობოდამ სამუშაო შეხვედრა გამართა. თემა: როგორ შევქმნათ პოსტერები, ბროშურები, ლამაზი, ფერად-ფერადი დიზაინი და პრეზენტაციები Canva საშუალებით და როგორ გამოვიყენეთ ის ყოველდღიურ საქმიანობასა და ცხოვრებაში. სრულად... წყარო: ორგანიზაციის გვერდი სოციალურ ქსელში

თბილისი. მაკ ჯორჯიას ინფორმაციით, წელს „მესტუმრეს“ ფარგლებში 60 მოხალისე გაერთიანდა, რომლებიც ხანდაზმულების მეგობრები და თანამოსაუბრენი გახდებიან. „„მესტუმრეს“ მოხალისეები ერთი თვის განმავლობაში გაივლიან მრავლისმომცველსა და ინტენსიურ ტრენინგებს, რომელსაც MAC Georgia-ს ოკუპაციური თერაპევტი, ფსიქოლოგი და სპეციალური განათლების კოორდინატორი გაუძღვებიან. ტრენინგები მოხალისეებს ყველა იმ საჭირო უნარს შესძენს, რაც პროექტის მსვლელობისას ხანდაზმულებთან ურთიერთობას სასიამოვნოსთან ერთად, ნაყოფიერსაც გახდის“. სრულად... წყარო: ორგანიზაციის გვერდი სოციალურ ქსელში

თბილისი. საქართველოს ახალგაზრდა იურისტთა ასოციაციის (საია) აქვეყნებს იურიდიული განათლების ხელშეწყობის ფონდის მიერ მომზადებულ სახელმძღვანელოს - „თანასწორობის გზამკვლევი სასკოლო სახელმძღვანელოების ავტორებისთვის“. „გზამკვლევში, კონკრეტული მაგალითების საფუძველზე, მოცემულია რეკომენდაციები თანასწორობისა და ადამიანის უფლებების სწავლების ძირითადი სტანდარტების შესახებ. ის, ასევე, მოიცავს ეთნიკური, რელიგიური, გენდერული და შშმ პირების საკითხების ინკლუზიური ასახვის პრინციპებს“. სრულად... წყარო: ორგანიზაციის გვერდი სოციალურ ქსელში

თბილისი. ინფორმაციის თავისუფლების განვითარების ინსტიტუტმა (IDFI) მონიტორინგისა და მონაცემების მოძიების მეთოდების შესახებ საგამოძიებო ჟურნალისტებისთვის ტრენინგი გამართა.  „ტრენინგის მონაწილეებს საშუალება ჰქონდათ ბენეფიციარ მესაკუთრეთა გამჭვირვალობის კონტექსტში აქტუალურ საკითხებზე ამომწურავი ინფორმაცია მიეღოთ, ასევე, მონაცემთა/გამომძიებელი ჟურნალისტებისა და სამოქალაქო მონიტორინგის ჯგუფებისთვის განკუთვნილ საერთაშორისო პლატფორმებს გაცნობოდნენ“. სრულად... წყარო: idfi.ge

გურია. ქალთა საინფორმაციო ცენტრის ცნობით, გაეროს ქალთა ორგანიზაციის წარმომადგენელი საქართველოში, კაორი იშიკავა, ოზურგეთში, ქალთა მიმართ ძალადობის შესახებ ტრენინგის მიმდინარეობას გაეცნო. „ტრენინგების ციკლი, რომელსაც გაეროს ქალთა ორგანიზაციის მხარდაჭერით, ქალთა საინფორმაციო ცენტრი გურიასა და ქვემო ქართლში ახორციელებს, ცნობილი სახელმძღვანელოს In Her Shoes-ის მიხედვითაა შექმნილი. იგი ინტერაქტიულ როლურ თამაშებსა და ძალადობაგამოვლილი ქალებისა და გოგოების ების რეალურ ისტორიებს ეფუძნება“. სრულად... წყარო: ორგანიზაციის გვერდი სოციალურ ქსელში

თბილისი. 15 ოქტომბერს, 20:00 საათზე, ორგანიზაციის „ოჯახები დისკრიმინაციის წინააღმდეგ“ (FAD) ორგანიზებით, გაიმართება ონლაინ შეხვედრა შეზღუდული შესაძლებლობის მქონე ბავშვთა სექსუალური განათლების შესახებ. შეხვედრაზე განიხილება შემდეგი საკითხები: 1. რა არის სექსუალური განათლება 2. რატომ არის მნიშვნელოვანი სექსუალური განათლება 3. რა ასაკიდან უნდა მიეწოდოს ბავშვს სექსუალური განათლება 4. მშობლის როლი სექსულურ განათლბაში 5. რომელი ასაკიდან იწყება გარდატეხის ასაკი შშმ ბავშვებში 6. მშობლის მხარდაჭერა სრულად... წყარო: ორგანიზაციის გვერდი სოციალურ ქსელში