თბილისი. 10 აგვისტოს CENN-ის ვებინარების სერიის მესამე შეხვედრა გაიმართება თემაზე: „რატომ არის მოხალისეობა მნიშვნელოვანი?“. შეხვედრას გაუძღვება თიკო მესხი, ორგანიზაცია Helping Hand-ის აღმასრულებელი დირექტორი.  ვებინარზე შეძლებთ მიიღოთ ინფორმაცია შემდეგ საკითხებზე: რა არის მოხალისეობა? მისი ფორმები და უპირატესობები; მოხალისეობა ვირტუალურად - როგორ ჩავერთოთ მოხალისეობრივ საქმიანობაში პანდემიის პირობებში? რა მოხალისეობრივი პლატფორმები არსებობს ჩვენ გარშემო? გთხოვთ, გაიაროთ რეგისტრაცია შემდეგ ბმულზე: https://forms.gle/6gX87dzdLAxFS4pq7                    წყარო: ორგანიზაციის გვერდი სოციალურ ქსელში

თბილისი. ინფორმაციის თავისუფლების განვითარების ინსტიტუტი (IDFI) აქვეყნებს კვლევას: განათლების სექტორის მიმოხილვა COVID-19 პანდემიის პირობებში. ორგანიზაციის შეფასებით: „სასწავლო პროცესის შეფერხებით გამოწვეული დანაკარგების დღევანდელი ღირებულება საქართველოს ეკონომიკისათვის დაახლოებით 55 მლრდ ლარამდეა. 2020 წელს, დისტანციური სასწავლო პროგრამა TEAMS-ით მასწავლებლებისა და მოსწავლეების 11%-ს საერთოდ არ უსარგებლიათ.  COVID პანდემიის რისკების მიუხედავად სოფლებში მაცხოვრებელი მოსწავლეების 75%, ხოლო ქალაქში მაცხოვრებლების მხოლოდ 46% დაუბრუნდა საკლასო ოთახებს. ჩვენი შეფასებით, 100 მლნ ლარამდეა საჭირო სოციალურად დაუცველი ოჯახებისთვის კომპიუტერებისა და ინტერნეტის მისაწოდებლად, რომ მათ დისტანციურ სწავლების პლატფორმასთან წვდომა ჰქონდეთ“... სრულად... წყარო: idfi.ge

თბილისი. „ფიფლ ინ ნიდ“ იწყებს ონლაინ სასწავლო პროგრამას „ციფრული ტრანსფორმაციის მედია სკოლა“ #MOODLE-ის პლატფორმაზე. პროგრამის მიზანია გააძლიეროს მედიაწიგნიერების უნარები რეგიონებში. ის ხელს შეუწყობს ხელს და წაახალისებს მოსახლეობის გაძლიერებას დეზინფორმაციის წინააღმდეგ ბრძოლაში და ციფრული ტექნოლოგიების გამოყენებას მათ ყოველდღიურ საქმიანობაში. სრულად... წყარო: ორგანიზაციის გვერდი სოციალურ ქსელში

სამცხე-ჯავახეთი. ბორჯომში ქართული მედიასაშუალებების წარმომადგენლებისთვის ორდღიანი სემინარი ჩატარდა. „მონაწილეები საქსტატის მიერ წარმოებულ და გავრცელებულ გენდერული სტატისტიკასა და ინდიკატორებს გაეცნენ, შემდეგ კი პრაქტიკაში მათ გამოყენებაზეც იმსჯელეს. ამავდროულად, საქსტატის წარმომადგენლებმა ჟურნალისტებისგან ის მოსაზრებები მოისმინეს, რომლებიც სამომავლოდ გენდერული სტატისტიკის ხელმისაწვდომობის გაზრდისთვის შეიძლება იყოს გამოყენებული“. სრულად... წყარო: georgia.unwomen.org

თბილისი. „მშობლის სკივრი” მოხარულია გაცნობოთ, რომ 26-30 ივლისის კვირა დაეთმობა კომუნიკაციის, ენისა და მეტყველების განვითარების სირთულეებზე საუბარს. „კვირეულის ფარგლებში „მშობლის სკივრი“ უმასპინძლებს „საქართველოს ენისა და მეტყეველების თერაპევტთა ასოციაციის“ წევრებს, რომლებიც გაუწევენ დისტანციურ კონსულტაციებს მშობლებს ან ბავშვთან დაკავშირებულ სხვა პირებს“. სრულად... წყარო: ორგანიზაციის გვერდი სოციალურ ქსელში

ქვემო ქართლი. სოციალური სამართლიანობის ცენტრი გთავაზობთ მარიამ გაბრიელაშვილის სტატიას - “იმედგაცრუებული და არაღიარებული ახალგაზრდები ეთნიკური უმცირესობების თემებიდან”.  „1+4 პროგრამის“ კურსდამთავრებულებთან საუბრისას, არაერთმა ახალგაზრდამ ჩემთანაც აღნიშნა, რომ დასაქმება მათთვის მნიშვნელოვანი გამოწვევაა. ის მოლოდინები, რაც სწავლის დაწყებისას ჰქონდათ, არ გამართლდა. უნივერსიტეტში სწავლის პროცესმა ვერ უზრუნველყო ისინი პროფესიული და პრაქტიკული ცოდნით, ვერ შესძინა ის პროფესიული თუ სოციალური უნარები, რაც საჭიროა შემდგომი დასაქმებისთვის. სწავლის დასრულების შემდგომ სოფელში დაბრუნებულები კი, ძირითადად სოფლის რუტინულ შრომაში ჩაერთვნენ და შეძენილ განათლებასა და უნარებს სათანადოდ ვერ იყენებენ“. სრულად... წყარო: socialjustice.org.ge

თბილისი. მედია და ინფორმაციული წიგნიერების ლაბორატორიის (MilLab) ონლაინ პლატფორმა გთავაზობთ ბლოგპოსტს პროპაგანდის განმარტების, მეთოდების, სახეების, ტექნიკის შესახებ.  „პროპაგანდა კომუნიკაციის ფორმაა, რომელიც ფაქტების სელექციური შერჩევით ან გაყალბებით სისტემატურად და მიზანმიმართულად პროპაგანდისტისთვის სასურველი შედეგის მიღებას და საზოგადოებრივ აზრზე გავლენის მოხდენას ისახავს მიზნად. პროპაგანდის იდენტიფიცირებისთვის და მისი გავლენის შესასწავლად, მნიშვნელოვანია პროპაგანდის მეთოდებისა და ტექნიკების ცოდნა“. სრულად... წყარო: millab.ge

თბილისი. „უფლებები საქართველოს“ დახმარებით, ყოფილმა ლექტორმა, დავით ნიჟარაძემ, რომელიც თბილისის სახელმწიფო უნივერსიტეტს (თსუ) დისკრიმინაციაში ადანაშაულებდა, უნივერსიტეტის წინააღმდეგ სასამართლოში დავა მოიგო. „თბილისის საქალაქო სასამართლომ თავისი გადაწყვეტილებით დაადასტურა, რომ თსუ, განსხვავებული მოსაზრებების გამოხატვის გამო, დავით ნიჟარაძეს დისკრიმინაციულად მოეპყრო. შესაბამისად, სასამართლომ უნივერსიტეტს ლექტორის სასარგებლოდ, მატერიალური და მორალური ზიანის ასანაზღაურებლად, 4350 ლარის გადახდა დააკისრა“. სრულად... წყარო: rights.ge

თბილისი. ამ საინფორმაციო ბლოგსპოსტში წაიკითხავთ თუ როგორ უწყობს ხელს ევროკავშირი საქართველოს ციფრული მიმართულების განვითარებაში. „ციფრულ მომსახურებაზე გადასვლამ კიდევ უფრო გაზარდა ციფრული ბარიერი და მკაფიოდ უჩვენა, რომ ციფრული ინფრასტრუქტურის და უნარების განვითარების მიუხედავად, საზოგადოებაში კვლავაც უამრავი არაპრივილეგირებული ადამიანია, ვისაც არ შეუძლია ჩაერთოს ციფრულ ეკონომიკასა და საზოგადოებაში. ამიტომ როგორც ევროკავშირში, ისე აღმოსავლეთ პარტნიორობის ქვეყნებში უფრო დიდი ყურადღება უნდა მიექცეს ამ ადამიანების მხარდაჭერას და გაძლიერებას“. სრულად... წყარო: eufordigital.eu

თბილისი. „საერთაშორისო გამჭვირვალობა - საქართველოს“ და პარლამენტის აპარატის ორგანიზებით კომიტეტებისა და დეპარტამენტების, ასევე მაჟორიტართა ბიუროების თანამშრომლებისათვის ტრენინგები ჩატარდა. სწავლება შეეხო შემდეგ საკითხებს: კორუფციის კვლევა და პრევენცია; პარლამენტის ღიაობისა და გამჭვირვალობის სტანდარტი; კანონპროექტის დასაბუთების სტანდარტი (განმარტებითი ბარათი და რეგულირების ზეგავლენის შეფასების ანგარიში); ცენტრალური და ადგილობრივი ხელისუფლების ფუნქციები და უფლება-მოვალეობები;                             წყარო: ორგანიზაციის გვერდი სოციალურ ქსელში

თბილისი. კონსულტაციისა და ტრენინგის ცენტრის მიერ გამოცხადებული საგრანტო კონკურსის „ინოვაციური სოციალური იდეები კოვიდ-19-ის საპასუხოდ” ფარგლებში დაფინანსებული კიდევ ერთი პროექტი დასრულდა. „2020 წლის სექტემბრიდან 2021 წლის ივნისის ჩათვლით კონსულტაციისა და ტრენინგის ცენტრის დაფინანსებით ორბელიანი საქართველო ახორციელებდა პროექტს „მეტი ქალი - მეტი შესაძლებლობა“. პროექტის მიზანი იყო ახალგაზრდა ქალების კარიერული განვითარებისთვის საჭირო უნარების განვითარება და ეკონომიკური საქმიანობის ხელშეწყობა“.                                            წყარო: ორგანიზაციის გვერდი სოციალურ ქსელში

თბილისი. საქართველოს სტრატეგიის და განვითარების ცენტრის ინფორმაციით, ორგანიზაციამ „ჩეთემ ჰაუსის“ პუბლიკაციის „მითები და მცდარი მოსაზრებები რუსეთის შესახებ არსებულ დებატებში” ოფიციალური თარგმანის უფლება მოიპოვა. „მოლაპარაკების პროცესი მიმდინარე წლის მაისიდან დაიწყო და ამ ეტაპზე უკვე პუბლიკაციის თარგმანი სრულდება. პუბლიკაცია ქართულ ენაზე ხელმისაწვდომი სხვადასხვა დაინტერესებული ჯგუფებისთვის გახდება, მათ შორის საგანმანათლებლო დაწესებულებებისა და მედიისთვის”.                                                  წყარო: ორგანიზაციის გვერდი სოციალურ ქსელში

თბილისი. 2021 წლის 8 ივლისს ინფორმაციის თავისუფლების განვითარების ინსტიტუტსა (IDFI) და Transitions Online (TOL) შორის თანამშრომლობის მემორანდუმი გაფორმდა. „დეზინფორმაციისა და პროპაგანდის წინააღმდეგ ბრძოლის მიმართულებით, მემორანდუმი მიზნად ისახავს ერთობლივ მუშაობას მედიისა და ჟურნალისტური საქმიანობის მიმართ ნდობის ხარისხის გაუმჯობესებისთვის. გარდა ამისა, მხარეები თანხმდებიან კოლაბორაციული ტრენინგების ჩატარების მნიშვნელობაზე საზოგადოების ყველაზე მოწყვლადი ჯგუფებისთვის, ფაქტების შემოწმებისა და დეზინფორმაციის ამოცნობის/განეიტრალების კუთხით“. სრულად... წყარო: idfi.ge

თბილისი. შეზღუდული შესაძლებლობის მქონე ბავშვების მშობლები და სხვა მზრუნველები საჭირო ინფორმაციის და მხარდაჭერის მისაღებად ტელე და ონლაინ პლატფორმებით სარგებლობენ, რომელიც გაეროს ბავშვთა ფონდის, სახელმწიფო ზრუნვისა და ტრეფიკინგის მსხვერპლთა, დაზარალებულთა დახმარების სააგენტოს, საქართველოს საზოგადოებრივ მაუწყებლისა და მაკ საქართველოს პარტნიორობით და დიდი ბრიტანეთის მთავრობის დახმარებით შეიქმნა. სრულად... წყარო: www.unicef.org

თბილისი. USAID/PROLoG-ის მხარდაჭერით განხორციელდა კვლევა სამართლის ახალი დარგობრივი მახასიათებლის დანერგვის შესახებ საგანამანათლებლო პროგრამების აკრედიტაციის პროცესში.  „კვლევის შედეგად გამოვლინდა გამოწვევები სხვადასხვა კუთხით, მათ შორის დარგობრივი მახასიათებლის პრაქტიკაში გამოყენების ერთგვაროვანი პრაქტიკისა და საგანმანათლებლო პროგრამების აკრედიტაციის საბჭოს დაკომპლექტების მიმართულებით“. კვლევა...                                                                            წყარო: ორგანიზაციის გვერდი სოციალურ ქსელში

თბილისი. მითების დეტექტორი ბლოგერ Natia Colussi-ს მიერ გავრცელებულ მორიგ დეზინფორმაციაზე ბლოგპოსტს აქვეყნებს.  10 ივლისს, Natia Colussi (ნათია ქოლუსი) გამოეხმაურა ორგანიზაცია „პარტნიორობა ადამიანის უფლებებისთვის“ (PHR) მიერ სასწავლო გეგმაში ინკლუზიური სექსუალური და რეპროდუქციული ჯანმრთელობის საკითხების შეტანის შესახებ სარჩელს. Colussi-ს მტკიცებით, სრჯ საკითხების სწავლების შეტანა სკოლებში თაობების განადგურებას უდრის, ხოლო სიტყვა „ინკლუზიური“ სქესის არ არსებობის აღმნიშვნელი ტერმინია. „ნათია ქოლუსის მიერ გავრცელებული ინფორმაცია, თითქოს ინკლუზიური სექსუალური და რეპროდუქციული ჯანმრთელობის საკითხების სასწავლო პროცესში შეტანა მათთვის არაბინარული იდენტობის შესახებ ინფორმაციის მიწოდებას და იმის სწავლებას გულისხმობს, თითქოს სქესი არ არსებობს, მცდარია. PHR-ის სარჩელი ბავშვებზე სექსუალური ძალადობის პრევენციას მიემართება, ხოლო ინკლუზიურობა ნიშნავს იმას, რომ ყველა ადამიანს მიუწვდებოდეს ხელი განათლების უფლებაზე“. სრულად... წყარო: mythdetector.ge

შიდა ქართლი. საზოგადოება „ბილიკის“ დედათა და ბავშვთა თავშესაფრის ბიბლიოთეკის გასამრავალფეროვნებლად კამპანია იწყება. „თუ გსურთ შემოუერთდეთ კამპანიას და თქვენი წვლილი შეიტანოთ კეთილი საქმის კეთებაში, გთხოვთ, გადმოგვცეთ თუნდაც ერთი წიგნი (მხატვრული და საბავშვო ლიტერატურა).  მისამართი: გორი, რუსთაველის 19 ა; საზოგადოება „ბილიკის“ ოფისი; ხაშური, იმერეთის ქუჩა N20, დედათა და ბავშვთა თავშესაფარი“.                                                         წყარო: ორგანიზაციის გვერდი სოციალურ ქსელში

თბილისი. „უფლებები საქართველო“ აქვეყნებს საერთაშორისო სამართლის ექსპერტის, ორგანიზაციის გამგეობის წევრის ნანა მჭედლიძის ბლოგპოსტს: სიძულვილის ენა და მისგან მომდინარე საფრთხეები. ბლოგპოსტში განხილულია „სიძულვილის ენა, მისი გამოხატვის ფორმები, ვის წინააღმდეგ არის მიმართული სიძულვილის ენა და მასთან ბრძოლის საუკეთესო გამოცდილება ადამიანის უფლებათა ევროპული სტანდარტების მიხედვით, აგრეთვე ის საფრთხე, რაც შეიძლება გამოიწვიოს სიძულვილის ენაზე რეაგირების არქონამ“. სრულად... წყარო: rights.ge

თბილისი. 9 ივლისს, ორგანიზაციამ „პარტნიორობა ადამიანის იფლებებისთვის“ (PHR) თბილისის საქალაქო სასამართლოში შეიტანა სარჩელი ერთიან ეროვნულ სასწავლო გეგმაში, ბავშვის ასაკის შესაბამისი ინკლუზიური სექსუალური და რეპროდუქციული ჯანმრთელობის საკითხების შეტანისა, და სწავლების, როგორც სასწავლო პროცესის განუყოფელი ნაწილის შესახებ. სრულად... წყარო: phr.ge

თბილისი. 8 ივლისს კონსულტაციის და ტრენინგის ცენტრის დირექტორმა ირინა ხანთაძემ და საქართველოს უნივერსიტეტის რექტორმა კონსტანტინე თოფურიამ ხელი მოაწერეს ურთიერთთანამშრომლობის მემურანდუმს, რაც საუნივერსიტეტო კურსის „სამოქალაქო საზოგადოების როლის“ შემდგომ განვითარებას და მხარდაჭერას გულისხმობს. საუნივერსიტეტო კურსი „სამოქალაქო საზოგადოების როლი“ შემუშავდა პროექტის „სამოქალაქო საზოგადოების განვითარების ინიციატივა (CSSIGE) ” ფარგლებში ადგილობრივ უმაღლეს სასწავლებლებთან და ექსპერტებთან თანამშრომლობით. საუნივერსიტეტო კურსის მიზანია ახალმა თაობებმა სწავლების საბაკალავრო საფეხურზე მიიღონ სანდო და აკადემიური ცოდნა სამოქალაქო საზოგადოებისა და ორგანიზაციების შესახებ. კურსი დაინერგა 2018-2020 წლებში ქვეყნის სხვადასხვა რეგიონში მოქმედ 6 სასწავლებელში. სამოქალაქო საზოგადოების ინიციატივის (STAR Initiative) ფარგლებში გაგრძელდება კურსის შემდგომი განვითარება და დანერგვა. სრულად... წყარო: პროექტის გვერდი სოციალურ ქსელში

თბილისი. განათლების კოალიცია და ორგანიზაცია „ღია სივრცე კავკასია“, ღია საზოგადოების ფონდის ფინანსური მხარდაჭერით, პროექტის „რეგიონული ნდობის ჯგუფები სკოლების დეპოლიტიზებისთვის“ განხორციელებას იწყებს. სრულად... წყარო: publika.ge

გურია. საქართველოს სტრატეგიული კვლევებისა და განვითარების ცენტრის (CSRDG) ინფორმაციით, ჩოხატაურსა და ოზურგეთში, სწავლებისა და დასაქმების ხელშეწყობის ცენტრები გაიხსნა. ივლისის თვიდან ცენტრის მომსახურებით შეუძლია ისარგებლოს ყველას, ვისაც უნარების გაძლიერება, კარიერის დაგეგმვა, ახალი საქმის წამოწყება ან დასაქმება სურს. სრულად... წყარო: ორგანიზაციის გვერდი სოციალურ ქსელში