თბილისი. საქართველოს განათლებისა და მეცნიერების სამინისტროს ინიციატივით შექმნილია არაერთი ციფრული რესურსი, რომლებსაც სკოლები ეფექტიანად იყენებენ. იხ. რესურსები ბმულზე... სრულად... წყარო: სამინისტროს გვერდი სოციალურ ქსელში

თბილისი. კივიტას გეორგიკა გთავაზობთ ონლაინ ტრენინგს თემაზე საბავშვო ბაღების ფუნქციონირება პანდემიის პირობებში. ტრენინგს გაუძღვებიან ოლღა მუსხელიშვილი და ნინო ჯიჯავაძე.  სრულად... წყარო: ორგანიზაციის გვერდი სოციალურ ქსელში

გურია. გაეროს ქალთა ორგანიზაციის წარმომადგენელი საქართველოში, კაორი იშიკავა, ოზურგეთში, გოგო სკაუტების ასოციაციის „დიას“ წარმომადგენლებს შეხვდა. „გაეროს ქალთა ორგანიზაციის მხარდაჭერით, გურიაში, ქვემო ქართლსა და თბილისში საქართველოს გოგო სკაუტების ასოციაცია „დია“ ახალგაზრდებისთვის ძალადობის შესახებ სწავლებას ატარებს. სესიები სექსუალური შევიწროებისა და ბულინგის, ადრეული და იძულებითი ქორწინების, ოჯახში ძალადობისა და სხვა საკითხებს მოიცავს. სულ ინიციატივის ფარგლებში სწავლებას 400 გოგო და 200 ბიჭი გაივლის“.  სრულად... წყარო: ორგანიზაციის გვერდი სოციალურ ქსელში

თბილისი. მასწავლებლის სახლის ინფორმაციით, ინკლუზიური განათლების ხელშეწყობის პროგრამის ფარგლებში გრძელდება მშობლების მხარდამჭერი აქტივობები. „დღეს გაიმართება მშობლებისთვის გაკუთვნილ ვიდეო ლექცია თემაზე: სკოლის გუნდისა და მშობლის თანამშრომლობის საკითხები. თემაზე საუბრობს თამარ ისაკაძე - განათლებისა და მეცნიერების სამინისტროს მულტიდისციპლინური გუნდის კოორდინატორი“. სრულად... წყარო: ორგანიზაციის გვერდი სოციალურ ქსელში

მცხეთა-მთიანეთი. 9 ოქტომბერს „შატო მუხრანში“ რონდელის ფონდის ორგანიზებით პროგრამის „საჯარო მოხელეთა პროფესიული შესაძლებლობები ზრდა გადაწყვეტილების მიღებასა და მოლაპარაკებების წარმართვის ტექნიკაში“ მონაწილე საჯარო მოხელეებისთვის მოლაპარაკებების წარმართვის შესახებ ტრენინგი გაიმართა. სრულად... წყარო: ორგანიზაციის გვერდი სოციალურ ქსელში

შიდა ქართლი. განათლების განვითარების და დასაქმების ცენტრი (EDEC) 21 წლის თამუნა მაისურაძეზე ბლოგპოსტს აქვეყნებს. „თამუნა თანატოლთა განათლების ტრენინგებს დაესწრო, გაიღრმავა ცოდნა ისეთ საკითხებზე, როგორიცაა გენდერული თანასწორობა, ადამიანის უფლებები და COVID-19 ვირუსის პრევენცია. მიღებული ცოდნა თანატოლგანმანათლებლებმა სხვადასხვა ღონისძებების, მათ შორის საინფორმაციო შეხვედრების გზით საზღვრისპირა სოფლებში მცხოვრებ ახალგაზრდებს გაუზიარეს. ამჟამად მომავალი არქიტექტორი კომპანია „ანაგის” სამშენებლო ობიექტებზე სტაჟირებას გადის, სამშენებლო ტექნოლოგიას და ხარისხის კონტროლს სწავლობს და საკუთარი წარმატების ისტორიით წვლილი შეაქვს გენდერული სტერეოტიპების ნგრევაში“. სრულად... წყარო: edec.ge

თბილისი. ორგანიზაცია „საფარი“ აქვეყნებს სახელმძღვანელოს მშობლებისთვის: როგორ დავიცვა ჩემი შვილის სხეულებრივი ხელშეუხებლობა და კიბერუსაფრთხოება. „ყველა მშობელს სურს, მისი შვილი დაცული იყოს საფრთხეებისაგან, მაგრამ ხშირად მან არც თავად იცის საფრთხის ადრეული ნიშნების ამოცნობა და ვერც ბავშვს ასწავლის ამას, რადგან ასეთი ტიპის სისტემატიზებული განათლება საქართველოში ხელმისაწვდომი არ არის. ეს სახელმძღვანელო მშობლებისთვისაა განკუთვნილი და მიზნად ისახავს ისეთი რჩევებისა და სავარჯიშოების გაზიარებას, რაც სრულიად საკმარისია იმისთვის, რომ მშობელმა დამოუკიდებლად შეძლოს საკუთარი შვილისთვის უსაფრთხოების ძირითადი ელემენტების სწავლება, როგორც რეალურ, ისე - ვირტუალურ სივრცეში“, ნათქვამია პუბლიკაციის შესავალში. წყარო: sapari.ge

თბილისი. 4 ოქტომბერს საქართველოს გაეროს ასოციაციისა და გაეროს ასოციაციების მსოფლიო ფედერაციის (WFUNA) ორგანიზებით დაიწყო ხუთდღიანი სატრენინგო კურსის „Human Rights in Action“ მონაწილეთა ახალი ჯგუფისთვის. „ტრენინგისთვის შეირჩა 20 მონაწილე ახალგაზრდა საქართველოდან და აზერბაიჯანიდან. ტრენინგ-კურსის ფარგლებში მონაწილეები სფეროს ექსპერტებისა და ტრენერების მიერ კვალიფიკაციას აიმაღლებენ ადამიანის უფლებებისა და პროექტების მენეჯმენტის საკითხებში“. სრულად... წყარო: ორგანიზაციის გვერდი სოციალურ ქსელში

თბილისი. USAID-PROLoG - Promoting Rule of Law in Georgia Activity-ის ონლაინ ბიბლიოთეკას ახალი სახელმძღვანელო „საკონსტიტუციო მართლმსაჯულება“ შეემატა. სრულად... წყარო: ორგანიზაციის გვერდი სოციალურ ქსელში

თბილისი. 27 სექტემბერს „მომავალ ლიდერთა სკოლაში“ (Emerging Leaders School - ELS) მონაწილეობის მსურველებისთვის საინფორმაციო შეხვედრა გაიმართა. საქართველოს პოლიტიკის ინსტიტუტი (GIP) იწვევს აქტივისტებს, ახალგაზრდა პოლიტიკოსებს, ჟურნალისტებს, სტუდენტებს, სამოქალაქო საზოგადოების წარმომადგენლებსა და სოციალურ-პოლიტიკური თემატიკით დაინტერესებულ ახალგაზრდებს მომავალ ლიდერთა სკოლაში (Emerging Leaders School - ELS) მონაწილეობის მისაღებად! ტრენინგები ჩატარდება ჰიბრიდული რეჟიმით - ვირტუალ და ფიზიკურ სივრცეში - თბილისში. სრულად... წყარო: ორგანიზაციის გვერდი სოციალურ ქსელში

თბილისი. "სოციალური სამართლიანობის ცენტრის" ინფორმაციით, გალში ეთნიკური ქართველებისთვის საკუთარ ენაზე განათლების მიღების უფლების ხელყოფამ უმძიმესი ფორმები მიიღო. „გალის რაიონში ქართველი მოსწავლეებისთვის მშობლიურ ენაზე სწავლების აკრძალვა პრობლემაა არა მხოლოდ მისი დისკრიმინაციული და ასიმილაციური შინაარსის გამო, არამედ მოსწავლეების და ახალგაზრდების განვითარების თვალსაზრისითაც. მოსწავლეები, იმის გამო, რომ შინ მეგრულად ან ქართულად საუბრობენ, სკოლაში კი ყველა საგანს რუსულად ასწავლიან და უცხო ენებთან ერთად აფხაზურ ენასაც სწავლობენ, შედეგად, ვერც ერთ ენას ვერ ფლობენ სრულყოფილად“. სრულად... წყარო: socialjustice.org.ge

თბილისი. პროექტის, „ეთნიკურად აზერბაიჯანელი ახალგაზრდების მხარდაჭერა ეროვნული გამოცდებისთვის მოსამზადებლად“ ხელშეწყობით, ქვემო ქართლის ახალგაზრდები სტუდენტები გახდნენ.  პროექტში მარნეულის სამი სოფლის, ხულდარას, მოლაოღლისა და სადახლოს მცხოვრები 24 აბიტურიენტი მონაწილეობდა. მათგან 23-მა ჩააბარა თსუ-ს, ილიას, ტექნიკურ, სამედიცინო, სოხუმის და აკაკი წერეთლის სახელმწიფო უნივერსიტეტებში. 23 სტუდენტიდან 13 გოგონა და 10 ბიჭია. მათ შორის ერთი შეზღუდული შესაძლებლობის მქონე პირია. 100%-იანი გრანტი მიიღო 9 აბიტურიენტმა, აქედან 5 გოგონა, 4 ბიჭია.  უკვე სამი წელია მსგავსი პროექტები „ღია საზოგადოების ფონდის“ მხარდაჭერით ხორციელდება. შედეგად, მარნეულის სამი სოფლიდან 70-ზე მეტი ახალგაზრდა ახლა უკვე სტუდენტია.  სრულად...  წყარო: ორგანიზაციის ვებგვერდი

თბილისი. ტოლერანტობისა და მრავალფეროვნების ცენტრმა (TDI) პროექტი „საჯარო სკოლებში რელიგიური ტოლერანტობისა და კულტურული მრავალფეროვნების ხელშეწყობა” დაასრულა, რომელიც 2018 წლის სექტემბრიდან, საქართველოში ნიდერლანდების სამეფოს საელჩოს მხარდაჭერით ხორციელდებოდა. პროექტის მიზანი იყო საჯარო სკოლებში კულტურული მთავალფეროვნების, ტოლერანტობის და თანასწორობის შესახებ ცნობიერების ამაღლება, სასწავლო პროგრამების და სახელმძღვანელოების შინაარსის გაუმჯობესება.  სრულად... წყარო: tdi.ge

თბილისი. 2-7 აგვისტოს, პერსონალურ მონაცემთა დაცვის თემაზე „ინფორმაციის თავისუფლების განვითარების ინსტიტუტის (IDFI)“ და სახელმწიფო ინსპექტორის სამსახურის ერთობლივი საზაფხულო სკოლა გაიმართა. „საზაფხულო სკოლაში მონაწილეობდნენ საქართველოში ავტორიზებული უნივერსიტეტების სამართლის სკოლის მე-3 და მე-4 კურსის სტუდენტები, ასევე მაგისტრანტები. კონკურსში მონაწილეობდა 188 კანდიდატი, რომელთაგან IDFI-იმ და სახელმწიფო ინსპექტორის სამსახურმა წინასწარ განსაზღვრული კრიტერიუმებით შეფასებისა და გასაუბრების საფუძველზე 20 სტუდენტი შეარჩიეს“. სკოლის ფარგლებში, მონაწილეები გაეცნენ პერსონალურ მონაცემთა დაცვასთან დაკავშირებულ აქტუალურ საკითხებს. სრულად... წყარო: idfi.ge

თბილისი. 11 აგვისტოს, 15:00 საათზე, ახალგაზრდობის საერთაშორისო დღესთან დაკავშირებით სოციალურ საწარმოთა ალიანსი, სოციალური ინოვაციების პლატფორმა და ლოგიკმეტრი წარმოგიდგენთ ერთობლივ ვებინარს: „სოციალური მეწარმეობა + ინოვაცია = დადებითი გავლენა”. „სამეწარმეო უნარები წარმოადგენს ერთ-ერთ საკვანძო კომპეტენციას ზოგადი განათლების სისტემაში და მიჩნეულია როგორც პიროვნული განვითარებისა და მომავალი საქმიანობის მნიშვნელოვან ხელისშემწყობ პირობად. მეწარმეობის სწავლებისას მოსწავლეებმა უნდა გამოიმუშაონ უნარი და მზაობა იმისთვის, რომ შექმნან ღირებულება სხვა ადამიანებისთვის“. ვებინარში მონაწილეობის მისაღებად დარეგისტრირდით ბმულზე...  სრულად... წყარო: ორგანიზაციის გვერდი სოციალურ ქსელში

სამცხე-ჯავახეთი. 6 აგვისტოს, „საერთაშორისო გამჭვირვალობა - საქართველომ“, ბორჯომის მუნიციპალიტეტის მერიისა და საკრებულოს წარმომადგენლებისთვის გამართა ტრენინგი შემდეგ საკითხებზე: საქართველოს ადგილი ევროკავშირის პოლიტიკაში - სამეზობლო პოლიტიკა-აღმოსავლეთის პარტნიორობა და ასოცირების ხელშეკრულების შესრულების სავარაუდო შედეგები; დაფინანსების პოლიტიკა და მექანიზმები. სრულად... წყარო: ორგანიზაციის გვერდი სოციალურ ქსელში

თბილისი. საქართველოს პოლიტიკის ინსტიტუტი (GIP) აქვეყნებს სამუშაო თემატური ჯგუფის “ახალგაზრდების პროფესიული ზრდა და დასაქმება” წევრის, ლიკა მერაბიშვილის მიერ მომზადებულ ბლოგპოსტს: რა როლი აქვს ფსიქოლოგს კარიერული დაგეგმვის პროცესში. „დღეს, სწრაფად ცვალებად თანამედროვე სამყაროში, სადაც მაღალი კონკურენტული გარემოა, მომავალი პროფესიის შერჩევა უფრო რთულია. საკითხი განსაკუთრებით პრობლემურია სკოლის ასაკის ახალგაზრდებისთვის, რომელთაც შესაბამისი ცნობიერება და ინფორმაცია არ აქვთ. არასწორად შერჩეული პროფესია დასაქმებისთვის ერთ-ერთ დაბრკოლებას წარმოადგენს“. სრულად... წყარო: gip.ge

თბილისი. ომბუდსმენის ინფორმაციით, მცხეთის მუნიციპალიტეტის ერთ-ერთი საჯარო სკოლის დირექტორი 2020 წელს განმეორებით აღარ დაინიშნა დირექტორის მოვალეობის შემსრულებლად, მისი პოზიცია კი სხვა პირმა დაიკავა. განმცხადებელი ამბობს, რომ მისი გათავისუფლება ოპოზიციური პარტიის მხარდამჭერი შვილისა და მეუღლის პოლიტიკურ საქმიანობას უკავშირდება. „სახალხო დამცველის შეფასებით, საგანმანათლებლო სისტემის პოლიტიზებისა და პირთა შესაძლო დისკრიმინაციული საფუძვლით გათავისუფლების მომატებული რისკის გათვალისწინებით, ეჭვს იწვევს, რომ განმცხადებლის დაკავებულ თანამდებობაზე განმეორებით არდანიშვნა დროში დაემთხვა მეუღლისა და შვილის პოლიტიკურ აქტიურობას. ამასთან, მოპასუხემ ვერ წარმოადგინა რეალური გამამართლებელი საფუძველი, რომელიც განმცხადებლის მიერ წარმოდგენილი ინფორმაციის საფუძველზე წარმოშობილი დისკრიმინაციული ქმედების განხორციელების ვარაუდს გააქარწყლებდა“.  სრულად... წყარო: ombudsman.ge

თბილისი. საქართველოს პოლიტიკის ინსტიტუტი (GIP) წარმოგიდგენთ მეორე სამუშაო თემატურ ჯგუფს „ახალგაზრდების პროფესიული ზრდა და დასაქმება“, რომელიც „ცვლილებებზე ორიენტირებული ახალგაზრდების ხელშეწყობა საქართველოში” პროექტის ფარგლებში შეიქმნა. განათლებისა და ახალგაზრდების გაძლიერების მიმართულებით მომუშავე ამ ჯგუფმა ჩაატარა კვლევა და მოამზადა პოლიტიკის დოკუმენტი: რატომ უნდა ინტეგრირდეს კარიერის მართვა ზოგადი განათლების სისტემაში? გაეცანით დოკუმენტს... წყარო: gip.ge

თბილისი. ჯირსას კამპანია #დააგროვეცოდნა და ჩინური ენისა და კულტურის კვლევების დეპარტამენტი, გიწვევთ ჩინური ენის უფასო 2 საათიან მასტერკლასზე ნინო გელანტიასთან ერთად.  რეგისტრაციის ბმული... მასტერკლასზე იქნება (ონლაინ) - ენის ლოგიკის ზოგადი გაცნობა,იეროგლიფების მიმოხილვა, სახალისო ტესტი, ორიგამის ხელოვნება და უამრავი საინტერესო აქტივობა. საჩუქრად კი მიიღებთ ელ-წიგნს ორგანიზაციის ელ-ბიბლიოთეკიდან.              წყარო: საქართველოს ახალგაზრდა მკვლევარ-სოციოლოგთა ასოციაციის გვერდი სოციალურ ქსელში

თბილისი. 3 აგვისტოს პერსონალურ მონაცემთა დაცვის თემაზე ინფორმაციის თავისუფლების განვითარების ინსტიტუტსა (IDFI) და სახელმწიფო ინსპექტორის სამსახურის ერთობლივი საზაფხულო სკოლის გახსნითი ღონისძიება გაიმართა. „სკოლის ფარგლებში მონაწილეები გაეცნობიან პერსონალურ მონაცემთა დაცვასთან დაკავშირებით აქტუალურ საკითხებს“. სრულად... წყარო: idfi.ge

თბილისი. ინფორმაციის თავისუფლების განვითარების ინსტიტუტის (IDFI) ინფორმაციით, 2021 წლის ივლისში კორუფციასთან მებრძოლთა საგანმანათლებლო სასერტიფიკატო პროგრამის მეორე სასწავლო წელი დასრულდა. „პროგრამა მიმდინარეობდა ილიას სახელმწიფო უნივერსიტეტის მეცნიერებთა და ხელოვნების ფაკულტეტის საბაკალავრო და სამაგისტრო პროგრამების ბაზაზე. პროგრამის ფარგლებში შეთავაზებული იყო ორი სასწავლო კურსი ბაკალავრიატის, ხოლო ორი სასწავლო კურსი მაგისტრატურის საფეხურზე სტუდენტებისა და კონკურსის წესით შერჩეული სხვა უნივერსიტეტის სტუდენტებისათვის, საჯარო და კერძო უწყებებისა და არასამთავრობო სექტორის წარმომადგენლებისათვის“. სრულად... წყარო: idfi.ge