თბილისი. თუ ხარ სკოლის მოსწავლე, გაქვს თავისუფალი დრო და ონლაინ გაკვეთილებთან ერთად გინდა იზოლაციის პერიოდი ნაყოფიერად გაატარო, შეუერთდი ადგილობრივი დემოკრატიის სააგენტო საქართელოს ვებინარებს, რომელიც ევროკავშირის დაფინანსებით იმართება. „ბავშვის უფლებათა კოდექსის ზოგადი მომოხილვა; ფსიქოგანათლება, მოზარდობის პრობლემები და მათი გამომწვევი მიზეზები; ბავშვის მავნე ზეგავლენისაგან დაცვის უფლება; ბავშვთა მიმართ ძალადობის ფსიქოლოგიური და სამართლებრივი ასპექტები“. სრულად... წყარო: ორგანიზაციის გვერდი სოციალურ ქსელში

თბილისი. დღეს, 14:00 საათზე ელჩის მოადგილე, ელიზაბეთ რუდი წაგიკითხავთ კ. და ბ. ჯექსონების მოთხრობას „The Saggy Baggy Elephant". „სანამ საქართველოში სკოლები დაკეტილია, ამერიკის საელჩოში, გვსურს, ბავშვებს სწავლის გაგრძელებაში დავეხმაროთ. ფეისბუქ ლაივის მეშვეობით სამუშაო დღეებში 14:00 საათიდან ამერიკელი დიპლომატი ინგლისურად წაგიკითხავთ და გესაუბრებათ თავის საყვარელ მოთხრობაზე“. სრულად... წყარო: საელჩოს გვერდი სოციალურ ქსელში

თბილისი. გაეროს ბავშვთა ფონდი საქართველოში დღეიდან უერთდება გლობალურ 15 დღიან კამპანიას ჰეშთეგებით #ვსწავლობთსახლში და #ვერთობითსახლში. ორგანიზაცია ინიციატივის ფარგლებში, სკოლამდელი ასაკის ბავშვების მშობლებს ყოველდღე შემოგთავაზებთ ერთ, მარტივად შესასრულებელ აქტივობას, რომელიც თქვენს პატარას გონებრივ და ფიზიკურ განვითარებას შეუწყობს ხელს. სრულად... წყარო: ორგანიზაციის გვერდი სოციალურ ქსელში

თბილისი. სოციალურ საწარმოთა ალიანსი გიზიარებთ ინფორმაციას „Entrepreneurship in Nonprofits”-ის შესახებ, რომელიც არის 5 კვირიანი უფასო, ონლაინ სასერტიფიკაციო კურსი, სადაც მიიღებთ ინფორმაციას სოციალური მეწარმეობის უნარების, მეთოდების და კონცეფციების შესახებ. „კორონავირუსის პანდემიის პირობებში, ბრიტანეთის საბჭო დაინტერესებულ პირებს სთავაზობს უფასო, ონლაინ სასერტიფიკაციო კურსებს“. სრულად... წყარო: ალიანსის გვერდი სოციალურ ქსელში

ცოდნის კაფეს ონლაინ აგრო სკოლაში რეგისტრაცია შეუძლიათ 8-დან 13 წლამდე ასაკის ბავშვებს, რომლებიც წნორში ან სიღნაღის მუნიციპალიტეტის რომელიმე სოფელში ცხოვრობენ. აგრონომები სახლიდან გაუსვლელად, ონლაინ შეასწავლიან ბავშვებს მიწის დამუშავებას და მცენარეების მოვლას. „ახლა, როცა გარეთ გასვლა კორონა ვირუსის გამო ძალიან საშიშია და კომპიუტერთან ჯდომაც მალე მოგბეზრდება, შენ შეგეძლება მცენარეებზე იზრუნო, რაც ნამდვილად დაგეხმარება ფიზიკურ აქტივობაში და უფრო მეტი ენერგიაც გექნება სასკოლო საგნების მოსამზადებლად“. სრულად... წყარო: ორგანიზაციის გვერდი სოციალურ ქსელში

თბილისი. ადამიანის უფლებების სწავლებისა და მონიტორინგის ცენტრი (EMC) აქვეყნებს მარიამ შალვაშვილის და აითაჯ ხალილლის სტატიას: გამოტოვებული საჭიროებები, ინტერესები და ისტორია - ქართული ენის სწავლების პრობლემა საქართველოს აზერბაიჯანელ თემში. „წინამდებარე კრიტიკული მიმოხილვა აზერბაიჯანულენოვანი მოსწავლეებისთვის განკუთვნილ სახელმძღვანელოებს აფასებს ქართული ენის სწავლებისა და ამ ტექსტებში საქართველოს აზერბაიჯანელების ისტორიული ადგილის და თვითიდენტიფიკაციის კუთხით. დოკუმენტი არსებითად, ამ კუთხით არსებულ კვლევებსა და საქართველოს აზერბაიჯანელ აქტივისტებთან ჩატარებულ ფოკუს ჯგუფებსა და მასწავლებლებთან ჩაწერილ ინტერვიუებს ეფუძნება“, ნათქვამია ორგანიზაციის ვებგვერდზე. სრულად... წყარო: emc.org.ge

თბილისი. ამერიკის საელჩო საქართველოში აცხადებს ფულბრაიტის მასწავლებელთა დახელოვნების 6 კვირიან პროგრამას. მონაწილეობის მისაღებად თქვენ უნდა იყოთ საშუალო სკოლის სრულ განაკვეთზე მომუშავე მასწავლებელი და სრულყოფილად ფლობდეთ ინგლისურ ენას. სრულად... წყარო: საქართველოში ამერიკის საელჩოს გვერდი სოციალურ ქსელში

ევროკაშირის ინიციატივის „ახალგაზრდა ევროპელი ელჩები“-ს მიერ შექმნილი ახალგაზრდული სივცრე „ყვარლის ევროკლუბი“, ყოველ დღე, საღამოს 21:00 საათზე, გთავაზობთ ონლაინ დისკუსიებს კლუბის Facebook გვერდზე. „დისკუსიების ფარგლებში სხვადასხვა სფეროს წარმომადგენლები საკუთარ გამოცდილებაზე, სხვადასხვა აქტუალურ საკითხზე, საინტერესო წიგნებსა და ფილმებზე, ევროკავშირის შესაძლებლობებზე საქართველოს მოქალაქეებისთვის და სხვა მნიშვნელოვან საკითხებზე ონლაინ ისაუბრებენ“. სრულად... წყარო: სოციალური ქსელი

თბილისი. 24 მარტს, 14:00 საათზე ჯული კალბფლაიში წაგიკითხავთ ერიკ ლიტვინის მოთხრობას „Pete the Cat“. „სანამ საქართველოში სკოლები დაკეტილია, ამერიკის საელჩოში, გვსურს, ბავშვებს სწავლის გაგრძელებაში დავეხმაროთ. ფეისბუქ ლაივის მეშვეობით სამუშაო დღეებში 14:00 საათიდან ამერიკელი დიპლომატი ინგლისურად წაგიკითხავთ და გესაუბრებათ თავის საყვარელ მოთხრობაზე. ინგლისურის სამეცადინოდ და ამერიკის შესახებ მეტის გასაგებად ეს შესანიშნავი შესაძლებლობაა“. სრულად... წყარო: საქართველოში ამერიკის საელჩოს გვერდი სოციალურ ქსელში

თბილისი. ინფორმაციის თავისუფლების განვითარების ინსტიტუტისა (IDFI) და ილიას სახელმწიფო უნივერსიტეტის თანამშრომლობით, უკვე მეექვსე თვეა, რაც კორუფციასთან ბრძოლის სასერტიფიკატო პროგრამა ხორციელდება. „მსოფლიოში გამოცხადებული პანდემიისა და მსოფლიო ჯანდაცვის ორგანიზაციის რეკომენდაციის გათვალისწინებით, კორუფციასთან ბრძოლის საგანმანათლებლო პროგრამა დისტანციურ რეჟიმში გრძელდება. მოდულის ლექტორები შექმნიან ვიდეო ფაილებს და გაუზიარებენ კურსის მსმენელებს ლექციებისთვის მომზადებულ პრეზენტაციებსა და დავალებებთან ერთად“, ნათქვამია ორგანიზაციის ვებგვერდზე. სრულად... ყარო: idfi.ge

თბილისი. 18 მარტს, 14:00 საათზე საქართველოში ამერიკის საელჩოს კულტურის ატაშე, ჯულიუს ცაი წაგიკითხავთ მოთხრობას „The Gift of Nothing" ("არაფერი საჩუქრად"). „სანამ საქართველოში სკოლები დაკეტილია, ამერიკის საელჩოში, გვსურს, ბავშვებს სწავლის გაგრძელებაში დავეხმაროთ. ფეისბუქ ლაივის მეშვეობით სამუშაო დღეებში 14:00 საათიდან ამერიკელი დიპლომატი ინგლისურად წაგიკითხავთ და გესაუბრებათ თავის საყვარელ მოთხრობაზე“, ნათქვამია საელჩოს გვერდზე სოციალურ ქსელში. სრულად... წყარო: საქართველოში ამერიკის საელჩოს გვერდი სოციალურ ქსელში

17 მარტს, 14:00 საათზე ბურკების ოჯახი წაგიკითხავთ მოთხრობას დიდი, წითელი ძაღლის, კლიფორდის შესახებ. „სანამ საქართველოში სკოლები დაკეტილია, ამერიკის საელჩოში, გვსურს, ბავშვებს სწავლის გაგრძელებაში დავეხმაროთ. ფეისბუქ ლაივის მეშვეობით სამუშაო დღეებში 14:00 საათიდან ამერიკელი დიპლომატი ინგლისურად წაგიკითხავთ და გესაუბრებათ თავის საყვარელ მოთხრობაზე. ინგლისურის სამეცადინოდ და ამერიკის შესახებ მეტის გასაგებად ეს შესანიშნავი შესაძლებლობაა“, ნათქვამია საელჩოს გვერდზე სოციალურ ქსელში. სრულად... წყარო: საელჩოს გვერდი სოციალურ ქსელში

თბილისი. გაეროს ბავშვთა ფონდი (UNICEF) ნეიროფსიქოლოგ, თამარ გაგოშიძის რეკომენდაციების შესახებ აქვეყნებს ვლოგს: როგორ ვაკონტროლოთ ბავშვების მიერ ელ. მოწყობილობების გამოყენების სიხშირე. „სკოლებში სწავლის შეჩერების გამო ბავშვებს სახლში უწევთ ყოფნა და ახლა განსაკუთრებით რთულია, ვაკონტროლოთ მათ მიერ ელექტრონული მოწყობილობების გამოყენების სიხშირე“. სრულად... წყარო: ორგანიზაციის გვერდი სოციალურ ქსელში

თბილისი. დღეს, 14:00 საათზე საქართველოში ამერიკის საელჩოს პრეს-ატაშე, კრის დავენპორტი წაგიკითხავთ მოთხრობას პატარა პინგვინზე. „სანამ საქართველოში სკოლები დაკეტილია, ამერიკის საელჩოში, გვსურს, ბავშვებს სწავლის გაგრძელებაში დავეხმაროთ. ფეისბუქ ლაივის მეშვეობით სამუშაო დღეებში 14:00 საათიდან ამერიკელი დიპლომატი ინგლისურად წაგიკითხავთ და გესაუბრებათ თავის საყვარელ მოთხრობაზე. ინგლისურის სამეცადინოდ და ამერიკის შესახებ მეტის გასაგებად ეს შესანიშნავი შესაძლებლობაა“, ნათქვამია ამერიკის საელჩოს გვერდზე სოციალურ ქსელში. სრულად... წყარო: საელჩოს გვერდი სოციალურ ქსელი

თბილისი. სანამ საქართველოში სკოლები დაკეტილია, ამერიკის საელჩო ბავშვებს სწავლის გაგრძელებაში დაეხმარება. „ფეისბუქ ლაივის მეშვეობით სამუშაო დღეებში 14:00 საათიდან ამერიკელი დიპლომატი ინგლისურად წაგიკითხავთ და გესაუბრებათ თავის საყვარელ მოთხრობაზე. ინგლისურის სამეცადინოდ და ამერიკის შესახებ მეტის გასაგებად ეს შესანიშნავი შესაძლებლობაა. პირველი მოთხრობა, რომელსაც ალთეა ქოლი-მერფრი წაგიკითხავთ დოქტორ სიუსის „ლორაქსია". შემოგვიერთდით ხვალ, 13 მარტს 14:00 საათიდან საელჩოს ფეისბუქის გვერდზე“, ნათქვამია საქართველოში ამერიკის საელჩოს გვერდზე სოციალურ ქსელში. სრულად... წყარო: საელჩოს გვერდი სოციალურ ქსელში

თბილისი. 2020 წლის 27 თებერვალს საქართველოს სახალხო დამცველმა ივანე ჯავახიშვილის სახელობის თბილისის სახელმწიფო უნივერსიტეტს განსხვავებული მოსაზრების ნიშნით დისკრიმინაციის დადგენის შესახებ ორი რეკომენდაციით მიმართა.  საქმის ფაქტობრივი გარემოებების თანახმად, განმცხადებლები, მოწვეული ლექტორის სტატუსით, წლების განმავლობაში კითხულობდნენ ლექციებს უნივერსიტეტის ეკონომიკისა და ბიზნესის ფაკულტეტზე. ისინი ფაკულტეტზე არსებული მდგომარეობის შესახებ საჯაროდ გამოხატავენ კრიტიკულ მოსაზრებებს, რის გამოც ეკონომიკისა და ბიზნესის ფაკულტეტის დეკანმა მათ პროფესორად მოწვევაზე უარი განაცხადა.  სრულად...  წყარო: http://ombudsman.ge

იმერეთი. ქუთაისის ახალგაზრდული ცენტრის წევრებისთვის ჩატარდა ტრენინგი თემაზე „ბულინგი და სტრესის მართვა“, რომლის მიზანიც იყო ახალგაზრდების ცნობიერების ამაღლება ბულინგის პრევენციის და ტოლერანტული კულტურის განვითარების, სტრესის მართვის ფორმების შესახებ თემაზე. სრულად... წყარო: ორგანიზაციის გვერდი სოციალურ ქსელში

იმერეთი. ადგილობრივი დემოკრატიის სააგენტო საქართველოს მიერ მოწვეულმა სპეციალისტებმა, იურისტი ანა ჩაფიძე, ფსიქოლოგი თეა ფანჩულიძე, ქუთაისის, საჩხერისა და ზესტაფონის მუნიციპალიტეტების საჯარო სკოლების მოსწავლეებისათვის ჩაატარეს სემინარები თემებზე: - ბავშვთა უფლებათა დაცვის კოდექსი; - ბავშვთა მიმართ ძალადობის ფორმები; - განრიდება/მედიაციის როლი არასრულწლოვნებში; სრულად... წყარო: ორგანიზაციის გვერდი სოციალურ ქსელში

GIZ სამართლის პროგრამა აქვეყნებს სახელმძღვანელოს: „უსაფუძვლო გამდიდრების სამართლის სარეფორმო წინადადება“. გამოცემის ელექტრონული ვერსიის ჩამოტვირთვა შესაძლებელია შემდეგი ბმულიდან... წყარო: ორგანიზაციის გვერდი სოციალურ ქსელში

სამეგრელო. 26 თებერვალს ასოციაცია „ათინათის” ახალგაზრდული ცენტრის წევრებისათვის ჩატარდა შეხვედრა. „კარიერის დაგეგმვის სპეციალისტი, ნინო გვაგვალია ახალგაზრდებს ესაუბრა თემაზე „ახალგაზრდები და პროფესიული განათლება”. ღონისძიება ორგანიზებულია „ტოლერანტობის, სამოქალაქო ცნობიერებისა და ინტეგრაციის მხარდაჭერის პროგრამის” (PITA) ფარგლებში”. სრულად... წყარო: ორგანიზაციის გვერდი სოციალურ ქსელში

აჭარა. 27 თებერვალს, სამოქალაქო საზოგადეობის ინსტიტუტის წარმომადგენლებმა სამოქალაქო აქტივისტ გია ჩხაიძესთან ერთად, სარფის საჯარო სკოლაში, ჩაატარეს თანატოლთა ტრენინგი თემაზე „ვინ არის აქტიური მოქალაქე“. შეხვედრას ესწრებოდა სარფის საჯარო სკოლის დამათავრებელი კლასების 28 მოსწავლე (15 გოგონა,13 ბიჭი) და ასევე, სამოქალაქო განათლების პედაგოგები. შეხვედრაზე ისაუბრეს აქტიური მოქალაქის როლსა და შესაძლებლობებზე, ასევე მსოფლიო ისტორიაში არსებულ სამოქალაქო აქტივისტების მაგალითებზე, რომლებმაც მცირე ნაბიჯების გადადგმით დაიწყეს და საბოლოოდ დიდ შედეგებამდე მივიდნენ. შეხვედრის ბოლოს ახალგაზრდებმა გამოთქვეს სურვილი უფრო აქტიურად ჩაერთონ საზოგადოებრივ საქმიანობაში და თავიანთ სკოლაში დაგეგმონ საზოგადოების ცნობიერების ასამაღლებელი სხვადასხვა აქტივობები.

სამეგრელო. 25 თებერვალს ასოციაცია „ათინათის“ ახალგაზრდული ცენტრის წევრებისთვის მოეწყო შეხვედრა რეპროდუქციულ ჯანმრთელობასთან დაკავშრებით. "სემინარი მოიცავდა ისეთ საკითხებს, როგორიცაა: რას ნიშნავს რეპროდუქციული ჯანმრთელობა და რატომ არის მნიშვნელოვანი ამ საკითხის განხილვა და სწავლება ახალგაზრდებისათვის; სსგი- სქესობრივი გზით გადამდები ინფექციები და მისი ძირითადი ტიპები; რა გართულებები შეიძლება მოყვეს სსგი-ს და სხვა. შეხვედრის დასასრულს, ახალგაზრდებმა შეასრულეს სავარჯიშო „მითი თუ რეალობა“. სრულად... წყარო: ორგანიზაციის გვერდი სოციალურ ქსელში