თბილისი. კონსულტაციისა და ტრენინგის ცენტრი (CTC) აქვეყნებს სასწავლო და საინფორმაციო რესურსების ბმულს. „ბმულზე თავმოყრილია CTC-ის მიერ მომზადებული და გამოცემული სასწავლო და საინფორმაციო მასალები, სახელმძღვანელოები, კვლევითი ანგარიშები, პუბლიცისტური ნაშრომები თუ საინტერესო უცხოელი ავტორების ქართული თარგმანები. ბაზაში წარმოდგენილი მასალები შეეხება სამოქალაქო საზოგადოების, არამომგებიანი ორგანიზაციის მართვის, კარგი მმართველობის, ადგილობრივი და რეგიონალური განვითარების, განათლებისა და სოციალური პოლიტიკის საკითხებს“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

სამეგრელო. 13-14 თებერვალს ქალთა საინფორმაციო ცენტრის ორგანიზებით ჩხოროწყუს მუნიციპალიტეტში, სოფელ ლესიჭინეს საზოგადოებრივ ცენტრში ჩატარდა საინფორმაციო შეხვედრა, რომელიც მიზნად ისახავდა ადგილობრივი მოსახლეობის ინფორმირებას ქალთა უფლებებისა და გენდერული თანასწორობის საკითხებზე. “ტრენინგის მონაწილეებმა მიიღეს ინფორმაცია გენდერული როლებისა და სტერეოტიპების, შრომის ბაზრის გენდერული სეგრეგაციის და გენდერული თანასწორობის, როგორც დემოკრატიის, სოციალური სამართლიანობისა და კეთილდღეობის საკითხების შესახებ. ასევე ოჯახში ძალადობის გამომწვევი მიზეზებისა და ოჯახში ძალადობის მსხვერპლებისთვის დახმარების სერვისების შესახებ“, ნათქვამია ქალთა საინფორმაციო ცენტრის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

თბილისი. GIZ-ის სამართლის პროგრამა აქვეყნებს ევროკავშირის სამართლის დამხმარე სახელმძღვანელოს. გამოცემის ელექტრონული ვერსიის ჩამოტვირთვა შესაძლებელია ბმულიდან… “გამოცემის ბეჭდური ვერსიები გადაეცემათ აკადემიური დაწესებულების ბიბლიოთეკებს და ასევე, გაიცემა დაინტერესებულ პირებზე ჩვენი ოფისიდან. გაცემის თარიღს დავწერთ მოგვიანებით ჩვენს ფეისბუქ გვერდზე”, ნათქვამია ორგანიზაციის გვერდზე სოციალურ ქსელში. წყარო: ორგანიზაციის გვერდი სოციალურ ქსელში

აჭარა. 11-12 თებერვალს, ქალაქ ბათუმში საქართველოს წითელი ჯვრის საზოგადოება საქართველოს განათლების, მეცნიერების, კულტურისა და სპორტის სამინისტროსა და კოლეჯ „ბლექსი“-სთან პარტნიორობით მართავს პროფესიული ორიენტაციის შეხვედრებს. „აღნიშნული შეხვედრების ფარგლებში ახალგაზრდები გაეცნობიან რეგიონში არსებულ დასაქმების ბაზრის მოთხოვნებს, ასევე ქვეყანაში/რეგიონში არსებულ განათლების შესაძლებლობებს. ზემოაღნიშნული დაეხმარება ახალგაზრდებს პროფესიის სწორად შერჩევასა და მომავლის დაგეგმვაში. შეხვედრის მონაწილეებს ასევე საშუალება აქვთ გაეცნონ პროფესიული კოლეჯების მუშაობის სისტემას. შეხვედრები გაიმართება ყოველ თვიურად სენაკის, ზუგდიდისა და ხელვაჩაური/ბათუმის ახალგაზრდებისათვის“. სრულად... წყარო: ორგანიზაციის გვერდი სოციალურ ქსელში

თბილისი. 10 თებერვალს, ორგანიზაციამ „პარტნიორობა ადამიანის უფლებებისთვის“ (PHR) და გერმანიის საერთაშორისო თანამშრომლობის საზოგადოებამ (GIZ) გამართა პროექტის „ბავშვთა მიმართ ძალადობის აღმოფხვრა საჯარო სკოლებში“ შემაჯამებელი ღონისძიება. "პროექტის მიზანი იყო საჯარო სკოლებში უსაფრთხოების ხარისხის ზრდა. 7 თვის განმავლობაში იმართებოდა შეხვედრები სკოლის ადმინისტრაციასთან, მოსწავლეებთან და მათ მშობლებთან, ასევე საჯარო სკოლის მოსწავლეებს მიეცათ შესაძლებლობა შეხვედროდნენ მოსამართლეებს და დაესვათ მათთვის სასურველი კითხვები. ჯამში პროექტს 200 მონაწილე ჰყავდა რომელთაგან 100 მოსწავლე, 50 მშობელი და 50 მასწავლებელი იყო. პროექტის ფარგლებში მოხდა 150-ე საჯარო სკოლის შეფასება, სადაც შეფასებულ საკითხებს შორის არის სკოლის ნორმები და ღირებულებები, უსაფრთხო გარემო, მანდატურების როლი, ბავშვის აზრის გათვალისწინება, ოჯახების ეკონომიკური გაძლიერება, გუნდური მუშაობა და სხვა მნიშვნელოვანი საკითხები. სკოლის შეფასებისას გამოყენებულ იქნა INSPIRE მეთოდოლოგია და არსებული რეკომენდაციები მიემართება როგორც სკოლას, ასევე მთლიანად სისტემას“, ნათქვამია ორგანიზაციის ვებგვერდზე. სრულად... წყარო: phrgeorgia.wordpress.com

თბილისი. „საერთაშორისო გამჭვირვალობა-საქართველოს“ მედია გუნდის წარმომადგენლებმა, 8-9 თებერვალს, სტუდენტებს ღია მონაცემების მოძიების შესახებ ტრენინგი ჩაუტარეს. „სტუდენტებმა ისწავლეს, როგორ გაუწიონ მონიტორინგი სახელმწიფო შესყიდვებს, მოიძიონ ბიზნესის მფლობელები, პოლიტიკური პარტიების შემომწირველები და ა.შ. ტრენინგი მიზნად საგამოძიებო და სამოქალაქო ჟურნალისტიკის განვითარებას ისახავდა“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

შიდა ქართლი. კეთილდღეობისა და განვითარების ცენტრთან არსებულ სამოქალაქო აქტივიზმის ცენტრში პროგრამა PITA-ს მოხალისეებისათვის ჩატარდა ტრენინგი „პროექტების წერა“. „ტრენინგი დაიგეგმა და ჩატარდა პროგრამაში ჩართული ახალგაზრდების თხოვნით. ტრენინგის მსვლელობის დროს ახლაგაზრდები გაეცვნენ პროექტის წერის საბაზისო უნარ-ჩვევებს, განიხილეს მარტივი საპროექტო განაცხადის ფორმა, იმუშავეს ჯგუფებში და წარმოადგინეს მინი-პროექტები“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

თბილისი. GIZ-ის სამართლის პროგრამა აქვეყნებს სახელმძღვანელოს ელექტრონულ ვერსიას: სამშენებლო სამართალი. „გამოცემის ბეჭდური ვერსიები გადაეცემათ აკადემიური დაწესებულების ბიბლიოთეკებს და ასევე გაიცემა დაინტერესებულ პირებზე ჩვენი ოფისიდან. გაცემის თარიღს დავწერთ ჩვენს ფეისბუქ გვერდზე“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

სამეგრელო. ზუგდიდში სოციალურ კაფე „მეგობარში“ სასწავლო პროგრამების ღია კარის დღე და პრეზენტაცია გაიმართა. USAID Zrda-ს მხარდაჭერით, კოლეჯი „ახალი ტალღა“ ახალ სასწავლო პროგრამას ახორციელებს. „ახალი სასწავლო კურსები ანაკლიასა და ზუგდიდში 17 თებერვალს დაიწყება და ოთხ თვემდე ხანგრძლივობის საგანმანათლებლო პროგრამებს მოიცავს. სასწავლო კურსებზე დარეგისტრირება შესაძლებელია 6, 7 და 10 თებერვალს, 12:00-16:00 საათზე, ზუგდიდის ტექნო-პარკში (ლაღიძის ქ. 2), პროფორიენტაციის ფარგლებში. ახალი საგანმანათლებლო კურსები მოიცავს შემდეგ სპეციალობებს: ბართენდერის პროგრამა, მზარეულის ასისტენტის სპეციალობა, რესტორნის მენეჯმენტის პროგრამა, სასტუმროში მიღება განთავსების სპეციალობა, სასტუმროს დასუფთავების სამსახურის პროგრამა“, ნათქვამია USAID Zrda-ს გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

თბილისი. საქართველოს სტრატეგიული კვლევების და განვითარების ცენტრი (CSRDG) კორპორატიული სოციალური პასუხისმგებლობის და მდგრადი განვითარების ბლოგზე აქვეყნებს ბლოგპოსტს: www.asocireba.ge – ყველაფერი ევროკავშირთან ასოცირების შესახებ ერთ საიტზე. „ძალიან ხშირად ისმის სხვადასხვა მოსაზრება იმ ვალდებულებებზე, რომელიც საქართველომ ევროკავშირთან ასოცირების ხელშეკრულებით აიღო. სწორედ იმიტომ, რომ საზოგადოება არ შევიდეს შეცდომაში და უფრო ზედმიწევნით გაეცნოს ევროპულ ღირებულებებს, საკანონმდებლო სისტემასა და ვალდებულებებს, რომელიც ევროკავშირის ასოცირების ხელშეკრულებას სდევს თან, საქართველოს სტრატეგიული კვლევებისა და განვითარების ცენტრმა (CSRDG) შექმნა პლატფორმა www.asocireba.ge. ვებგვერდზე განთავსებულია შემეცნებითი ვიდეო გაკვეთილები, რომლებიც 10-15 წუთში შეგიქმნით წარმოდგენას იმაზე, თუ რა არის ევროპა და რა ღირებულებების მატარებელია, რას ნიშნავს ასოცირების ხელშეკრულება და რა ვალდებულებები თუ სარგებელი შეიძლება მოუტანოს, როგორც ქვეყანას, ასევე მის თითოეულ მოქალაქეს“, ნათქვამია ბლოგპოსტში. სრულად... წყარო: csrblog.ge

თბილისი. სექტორ 3-ში (გ. ჭოხონელიძის #5) აშშ-ს საელჩოს განათლებისა და პროფესიული პროგრამების კოორდინატორ თეა კუჭუხიძესთან, დიდი ბრიტანეთის საელჩოს პოლიტიკური მდივან სოფიო ბერიშვილთან და განათლების საერთაშორისო ცენტრის აღმასრულებელ დირექტორთან ნინო ჭელიძესთან ერთად გაიმართება შეხვედრა თემაზე: როგორ მოვიპოვოთ სტიპენდია საზღვარგარეთ სწავლისთვის. „როგორ მოვიპოვოთ სწავლისთვის გრანტი და დაფინანსება, რა საერთაშორისო შესაძლებლობებს გვთავაზობს აშშ-ს და დიდი ბრიტანეთის საელჩოები, როგორ უწყობს ხელს განათლების საერთაშორისო ცენტრი სტიპენდიების მოპოვებას - ამ და ბევრ საინტერესო შესაძლებლობაზე პარასკევ საღამოს გაიგებთ“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

თბილისი. საქართველოს ახალგაზრდა იურისტთა ასოციაციის (საია) ინფორმაციით, ბათუმის შოთა რუსთაველის სახელმწიფო უნივერსიტეტს და აკაკი წერეთლის სახელობის ქალაქ ბათუმის საჯარო ბიბლიოთეკას დისკრიმინაციის აკრძალვის და პრევენციის შიდა დოკუმენტის შემუშავება დაევალათ. „27 იანვარს, საქართველოს სახალხო დამცველმა დაადგინა, რომ ,,იდენტობას“ მიმართ ბათუმის შოთა რუსთაველის სახელმწიფო უნივერსიტეტმა და აკაკი წერეთლის სახელობის ქალაქ ბათუმის საჯარო ბიბლიოთეკამ განახორციელეს სექსუალური ორიენტაციისა და საქმიანობის სფეროს ნიშნით პირდაპირი დისკრიმინაცია“, ნათქვამია საიას ვებგვერდზე. სრულად... წყარო: www.gyla.ge

26 იანვარს, ინფორმაციის თავისუფლების განვითარების ინსტიტუტმა (IDFI) კორუფციასთან ბრძოლის სასერტიფიკატო პროგრამის მონაწილეებისთვის ტრენინგი გამართა. „ტრენინგზე ისაუბრეს ხელისულების საქმიანობის მონიტორინგის მეთოდებსა და მექანიზმებზე. შეხვედრის ფარგლებში მსმენელებმა მიიღეს ინფორმაცია საქართველოში არსებული ონლაინ ბაზების გამოყენებისა და საჯარო ინფორმაციის გამოთხოვის შესახებ“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

GIZ-ის სამართლის პროგრამა აქვეყნებს სახელმძღვანელოს „ზოგადი ვალდებულებითი სამართალი, კაზუსების კრებული” ელექტორნულ ვერსიას. კრებული... „გამოცემის ბეჭდური ვერსიები გადაეცემათ აკადემიური დაწესებულების ბიბლიოთეკებს და ასევე, გაიცემა დაინტერესებულ პირებზე ჩვენი ოფისიდან. გაცემის თარიღს ჩვენს ფეისბუქ გვერდზე დავწერთ”, ნათქვამია ორგანიზაციის გვერდზე სოციალურ ქსელში.

თბილისი. ადამიანის უფლებების სწავლებისა და მონიტორინგის ცენტრი (EMC) აქვეყნებს თარგმანების კრებულს: „სამხრეთიც არსებობს“. სრულად... წყარო: emc.org.ge

თბილისი. ადამიანის უფლებების სწავლებისა და მონიტორინგის ცენტრი (EMC) აქვეყნებს ბროშურას: რა უნდა ვიცოდეთ პოლიციასთან კონტაქტის დროს. „ბროშურა მიზნად ისახავს ძირითადი უფლებებისა და დაცვის გარანტიების შესახებ პირთა ინფორმირებულობის ზრდას. მასში ყურადღება გამახვილებულია ადმინისტრაციული დაკავებისას, ნარკოლოგიური შემოწმებისას, პოლიციის მიერ პრევენციული უფლებამოსილებით სარგებლობისას, მოწმედ დაბარებისას, ქმედებების ადრესატისათვის კანონმდებლობით მინიჭებულ უფლებებზე, რომელთა ცოდნაც განსაკუთრებით მნიშვნელოვანია იმ ვითარებაში, როდესაც შესაბამისი ორგანოს თანამშრომელი არ ასრულებს კანონისმიერ ვალდებულებას და მოქალაქეს უფლებებსა და განსახორციელებელი ღონისძიების საფუძველს არ განუმარტავს“, ნათქვამია ორგანიზაციის ვებგვერდზე. სრულად... წყარო: emc.org.ge

თბილისი. გაეროს ბავშვთა ფონდი აქვეყნებს ვიდეოს პოზიტიური დისციპლინის შესახებ. „გაიგეთ, რა არის პოზიტიური დისციპლინა, როგორ უნდა ვმართოთ რთული ქცევა და განვავითაროთ ბავშვის კომპეტენციები პოზიტიური დისციპლინის მეთოდების გამოყენებით სკოლამდელ დაწესებულებებში“. სრულად... წყარო: ორგანიზაციის გვერდი სოციალურ ქსელში

აჭარა. „თავისუფალ ჟურნალისტთა სახლის“ გუნდი აგრძელებს სტუდენტურ დისკუსიათა ციკლს. „17 იანვარს, ბათუმის №10 და 20 იანვარს,№25 საჯარო სკოლის მოსწავლეებს შევხვდით. დისკუსიაზე ანტიდასავლური პროპაგანდისა და დეზინფორმაციის შესახებ ვისაუბრეთ“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში მასმედია

სამცხე-ჯავახეთი. ბორჯომში, საქართველოს ფერმერთა ასოციაციის ორგანიზებით, აგრარულ პროფესიულ განათლებაში, სექტორული უნარების ორგანიზაციის „აგრი-დუო” წევრთა შესაძლებლობების გაძლიერების ტრენინგი მიმდინარეობს. ტრენინგს შვეიცარიელი ექსპერტი აგრარულ პროფესიულ განათლებაში, ჯეიკობ როში უძღვება. „შეხვედრას, დონორი ორგანიზაციის, სახელმწიფო უწყების, კერძო სექტორისა და სხვადასხვა სექტორული ასოციაციის წარმომადგენლები ესწრებიან“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

განათლება რეინტეგრაციისთვის, გზა საზოგადოებაში დასაბრუნებლად თბილისი. არბაიტერ სამარიტერ ბუნდი (ASB-საქართველო) აქვეყნებს დოკუმენტურ ფილმს, რომელიც გადაღებულია „განათლება რეინტეგრაციისთვის, გზა საზოგადოებაში დასაბრუნებლად“. პროექტი დაფინანსებული იყო ევროკავშირის მიერ. წყარო: ორგანიზაციის გვერდი სოციალურ ქსელში განათლება სხვა

თბილისი. საქართველოს სტრატეგიის და საერთაშორისო ურთიერთობების კვლევის ფონდი აქვეყნებს ჟურნალ „ჩემი სამყაროს“ 26-ე ნომერს. „საქართველოს სტრატეგიისა და საერთაშორისო ურთიერთობების კვლევის ფონდში 2013 წლის აპრილიდან ხორციელდება პროექტი „ჩემი სამყარო“. პროექტს აფინანსებს აშშ-ის საელჩო საქართველოში“, ნათქვამია ორგანიზაციის ვებგვერდზე. სრულად... წყარო: www.gfsis.org

GIZ-ის სამართლის პროგრამა აქვეყნებს შედარებითი სამართლის ქართულ-გერმანული ჟურნალის, მე-4 გამოცემას. "ქვემოთ მოცემული ბმულიდან შეგიძლიათ ჩამოტვირთოთ გამოცემის ელ-ვერსია. ასევე, გიწვევთ ყველა დაინტერესებულ ავტორს ჟურნალის შემდგომ გამოცემებში მონაწილეობისთვის". გამოცემის ბმული... წყარო: ორგანიზაციის გვერდი სოციალურ ქსელში