თბილისი. GIZ-სამართლის პროგრამა აქვეყნებს გერმანიის სამოქალაქო კოდექსის თარგმანის მეორე რედაქტირებულ გამოცემას. სახელმძღვანელო: გერმანიის სამოქალაქო კოდექსი... წყარო: ორგანიზაციის გვერდი სოციალურ ქსელში განათლება სამართალი

იმერეთი. ქუთაისის ახალგაზრდული ცენტრის წევრმა ვერა სვანაძემ, სოფელ გეგუთში მოსწავლეებისა და პედაგოგებისთვის მორიგი საინფორმაციო შეხვედრა ჩაატარა მედია წიგნიერების თემაზე. შეხვედრის მიზანი იყო მონაწილეთა ცნობიერების ამაღლება დეზინფორმაციაზე, ფაქტების გადამოწმებაზე, ანტი-დასავლურ პროპაგანდასა და მედია წიგნიერებაზე. სრულად... წყარო: ორგანიზაციის გვერდი სოციალურ ქსელში

თბილისი. 24 ნოემბერს „ახალგაზრდა პედაგოგთა კავშირის“ ბაზაზე არსებული „ლიდერთა სკოლის“ თბილისის ფილიალის მოსწავლეები მეწარმე მარიამ ჭუმბურიძეს შეხვდნენ და ხილის „ცუმბო პოპსი“ დააგემოვნეს. შეხვედრა მოზარდების მაღალი ჩართულობით, საინტერესოდ წარიმართა. საუბარი შეეხო შემდეგ საკითხებს: რა პროდუქტია ხილის პოპსი, რატომ გადაწყვიტა მან ამგვარი პროდუქტისა და სამეწარმეო საქმიანობის დაწყება და ა.შ. სრულად... წყარო: ორგანიზაციის გვერდი სოციალურ ქსელში

აჭარა. ევროკავშირი და გაეროს განვითარების პროგრამა (UNDP) მხარს უჭერენ ინოვაციური ბიზნეს იდეების განხორციელებას აჭარაში.  ნოემბრის ბოლოს, ჩაქვმა უმასპინძლა კრეატული ბიზნეს სტარტაპების საწვრთნელ ბანაკს, ანუ ბუთკემპს, რომლის მუშაობაში 40-მდე ადგილობრივი მეწარმე ჩაერთო. ბუთკემპის მიზანი იყო ინოვაციური ბიზნეს იდეების გამოვლენა და მათი ავტორების ხელშეწყობა იდეების განხორციელების რეალისტური გზების შემუშავებაში. ძირითად ყურადღება დაეთმო სოფლად ახალი ტიპის მეწარმეობის ჩამოყალიბებას, რომელიც სოფლის მეურნეობის ფარგლებს გასცდებოდა.  სრულად... წყარო: http://enpard.ge

20-დან 22 ნოემბრის ჩათვლით გორში, თელავსა და ქუთაისში, სამოქალაქო ორგანიზაციებმა გამართეს ბავშვთა მიმართ ძალადობის შემცირებისკენ მიმართული კამპანია - „თქვენთვის შეტყობინებაა“, რომლის მიზანი იყო მოქალაქეების ინფორმირება ბავშვთა მიმართ ძალადობის ფორმებზე. „კამპანიის ფარგლებში მოეწყო თეატრალიზებული მონოლოგები და დისკუსიები; გაიმართა თემატური პერფორმანსები და გამოფენები. კამპანიის დასასრულს, სამოქალაქო ორგანიზაციებმა და მოქალაქეებმა ხელი მოაწერეს პეტიციას და მოუწოდეს სახელმწიფოს, რომ ბავშვთა კეთილდღეობისა და ჰარმონიული განვითარების მიზნით ნაკისრი ვალდებულებები შეასრულოს და ქმედითი ნაბიჯები გადადგას“, ნათქვამი CIDA-ს გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

იმერეთი. ქუთაისის ახალგაზრდული ცენტრის წევრებმა ვერა სვანაძემ და დიმა ქვარიანმა, სოფელ იანეთში და დიდ ჯიხაიშში მოსწავლეებისა და პედაგობისთვის ჩაატარეს საინფორმაციო შეხვედრა მედია წიგნიერებისა და კრიტიკული აზროვნების განვითარებისათვის. „ტრენინგის მიზანი იყო მონაწილეთა ცნობიერების ამაღლება დეზინფორმაციაზე, ფაქტების გადამოწმებაზე, ანტი-დასავლურ პროპაგანდასა და მედია წიგნიერებაზე. ტრენერთა ტრენინგის (ToT) გადამზადებული ახალგაზრდები სამი თვის განმავლობაში, იმერეთის რეგიონის სოფლებში, საინფორმაციო შეხვედრების ჩატარებას უზრუნველყოფენ სხვადასხვა ჯგუფებთან, მათ შორის მოსწავლეებთან, მასწავლებლებთან, მშობლებთან, თემის ლიდერებთან და მათ მიღებულ ცოდნას გაუზიარებენ”, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

თბილისი. მასწავლებლებისთვის ორდღიანი სემინარი „ნატო - არჩევანი მშვიდობიანი და სტაბილური განვითარებისთვის“ გაიმართა. ცენტრის ინფორმაციით, სემინარში მონაწილეობდნენ პედაგოგები როგორც გურიის რეგიონიდან, ასევე, თბილისიდან.  სრულად... წყარო: ორგანიზაციის გვერდი სოციალურ ქსელში

აჭარა. 22 ნოემბერს, „თავისუფალ ჟურნალისტთა სახლის“ გუნდის წევრები, შუახევის მუნიციპალიტეტის სოფელ ნიგაზეულისა და ჩანჩხალოს საჯარო სკოლის მოსწავლეებს შეხვდნენ. „დისკუსიაზე ანტიდასავლურ პროპაგანდის და დეზინფორმაციის შესახებ ვისაუბრეთ. შეხვედრის მონაწილეები გვიყვებოდნენ საკუთარ გამოცდილებაზე და გვიზიარებდნენ მოსაზრებებს. როგორც თვითონ აღნიშნეს, ისინი სოციალური ქსელის ხშირი მომხმარებლები არიან და ყოველდღიურად ხვდებიან ანტიდასავლურ პროპაგანდისტულ გვერდებს“. სრულად... წყარო: ორგანიზაციის გვერდი სოციალურ ქსელში

აჭარა. ევროკლუბის წევრებმა, 21 ნოემბერს კიდევ ერთი თანატოლთა ტრენინგი გამართეს, „გიმნაზია XXI საუკუნის“ მოსწავლეებთან. „არასრულწლოვნების შრომითი ურთიერთობები, შრომის უსაფრთხოება და ასოცირების ხელშეკრულება - ეს ის ძირითადი საკითხებია რაც შეხვედრის პროცესში მონაწილეების ჩართულობით განიხილეს. თანატოლთა ტრენინგები იმართება პროექტის „ევროინტეგრაციის პროცესის გაძლიერება მოქალაქეთა ინფორმირების გზით“ ფარგლებში, რომლის მხარდამჭერია „ფონდი ღია საზოგადოება საქართველო““, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

შიდა ქართლი. 17 ნოემბერს, გორის სახელმწიფო სასწავლო უნივერსიტეტში, CineDoc-Tbilisi on Tour-ის ფარგლებში ნაჩვენები იქნა ფილმი „მოლენბეკის ღმერთები“. „ფილმის ჩვენებისა და დისკუსიის შემდეგ კი მოხდა ესეების კონკურსის დაჯილდოება, რომელიც ეხებოდა ადამიანის და ქალთა უფლებებს“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

მცხეთა-მთიანეთი. ევროკავშირი და გაეროს განვითარების პროგრამა ხელს უწყობენ საქართველოს გარემოს დაცვისა და სოფლის მეურნეობის სამინისტროს ადამიანური რესურსების მართვის სისტემის რეფორმას.  საქართველოს გარემოს დაცვისა და სოფლის მეურნეობის სამინისტროს ადამიანური რესურსების მართვის ოცდაათამდე თანამშრომელმა მონაწილეობა მიიღო სამდღიან ტრენინგში ადამიანური რესურსების მართვისა და ორგანიზაციული სწავლების თანამედროვე სისტემებისა და მეთოდების საკითხებთან დაკავშირებით.  ტრენინგი ჩატარდა ევროკავშირის ხელშეწყობით, გაეროს განვითარების პროგრამასთან (UNDP) თანამშრომლობით, პროგრამის ENPARD ფარგლებში. მისმა მონაწილეებმა განიხილეს მაღალი კლასის პროფესიონალების დაინტერესებისა და სამსახურში შენარჩუნების გზები. მათ ასევე იმსჯელეს ადამიანური რესურსების მართვის როლზე თანამშრომლების ხელშეწყობის საქმეში.  სრულად...  წყარო: http://enpard.ge

თბილისი. ევროკავშირის მხარდაჭერით, საქართველოში, სტრატეგიული კომუნიკაციების საერთაშორისო კონფერენცია მიმდინარეობს.  ღონისძიება, რომელიც პირველად იმართება, 15 ქვეყნის ექსპერტებს - ოფიციალურ პირებს, დიპლომატებს, ახალგაზრდა პროფესიონალებს, სამოქალაქო საზოგადოებისა და მედიის წარმომადგენლებს მასპინძლობს. კონფერენცია სტრატეგიული კომუნიკაციებისა და დეზინფორმაციის საკითხების ირგვლივ საზოგადოების ინფორმირების, ევროკავშირისა და აღმოსავლეთ პარტნიორობის ქვეყნების გამოცდილების გაზიარებასა და სახალხო დიპლომატიის ხელშეწყობას ეძღვნება. მისი მზიანი დეზინფორმაციის საფრთხის უკეთ გააზრება და მასზე კოორდინირებულად რეაგირებაა.  სრულად... წყარო: https://eeas.europa.eu

თბილისი. 18 ნოემბრიდან დაიწყო ახალი სასწავლო მოდულის „კერძო აღმასრულებლის საქმიანობისთვის აუცილებელი პროფესიული უნარების განვითარება“ პრაქტიკაში განხორციელება. „პირველი ნაკადის ფარგლებში კერძო აღმასრულებლის საქმიანობის პრაქტიკულ საკითხებს გაეცნობა და გადამზადდება 25 სახელმწიფო აღმასრულებელი. სასწავლო მოდულის დანერგვა და განხორციელება მიზნად ისახავს საჯარო აღმასრულებლების მომზადებას კერძო საქმიანობისთვის“, ნათქმია GIZ-ის გვერდზე სოციალურ ქსელში.  სრულად... წყარო: ორგანიზაციის გვერდი სოციალურ ქსელში

შიდა ქართლი. „კეთილდღეობის და განვითარების ცენტრთან“ არსებული გორის სამოქალაქო აქტივიზმის ცენტრის მოხალისეებმა გიორგი თინიკაშვილმა და მზიკო საათაშვილმა „მედია წიგნიერებისა და კრიტიკული აზროვნების“ კამპანიის ფარგლებში, სოფელ აძვში საინფორმაციო კამპანია ჩაატარეს, სადაც შეხვდნენ სკოლის მოსწავლეებს, მასწავლებლებს და მშობლებს. სრულად... წყარო: ორგანიზაციის გვერდი სოციალურ ქსელში

აჭარა. ყალბი ინფორმაციისა და ანტიდასავლური პროპაგანდის თემაზე, მიმდინარე დისკუსიის ციკლის ფარგლებში, კიდევ ერთი შეხვედრა გაიმართა. „ჩვენი ორგანიზაციის გუნდი შუახევის მუნიციპალიტეტის სოფელ, ხაბელაშვილების საჯარო სკოლის მოსწავლეებს შეხვდა. შეხვედრას პედაგოგებიც ესწრებოდნენ. ვისაუბრეთ ანტიდასავლური პროპაგანდის უარყოფით გავლენებისა და სიძულვილის ენის შესახებ. მონაწილეებმა გაიხსენეს ქვეყანაში განვითარებული უახლესი მოვლენები, რომლებიც დეზინფორმაციასა და ანტიდასავლური განწყობის გავრცელებას უწყობდა ხელს. როგორც ახალგაზრდებმა აღნიშნეს, სოციალური ქსელებით აქტიურად სარგებლობენ, შესაბამისად ხშირად აწყდებიან ინტერნეტში გავრცელებულ, სხვადასხვა მცდარ ინფორმაციას“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

აჭარა. 19 ნოემბერს, „თავისუფალ ჟურნალისტთა სახლის” მოხალისე - ანა მჟავანაძე, ქ.ბათუმის №10 საჯარო სკოლის მოსწავლეებს შეხვდა და ნარჩენების მართვასთან დაკავშირებულ საკითხებზე ესაუბრა. „მონაწილეებს მივაწოდეთ ინფორმაცია, გარემოს დაცვის კუთხით, საქართველო-ევროკავშირის ასოცირების ხელშეკრულების მნიშვნელობასა და სარგებელზე. განვიხილეთ ევროპული ქვეყნების მაგალითები, რომლებსაც ნარჩენების მართვის ეფექტური სტრატეგია გააჩნიათ. შეხვედრაზე მოსწავლეებმა დასვეს კითხვები და გამართეს დისკუსია. ტრენინგის მიზანია, ახალგაზრდებში გარემოს დაცვის მექანიზმებსა და ნარჩენების მართვაზე, ცნობიერების ამაღლების ხელშეწყობა”, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

აჭარა. 15 ნოემბერს, ბათუმის №17 საჯარო სკოლის მოსწავლეებისთვის, „ევროკლუბის“ წევრებმა - თათია ქათამაძემ და მარიამ გორაძემ თანატოლთა ტრენინგი ჩაატარეს. „თანატოლგანმანათლებლებმა ისაუბრეს ასოცირების ხელშეკრულების მნიშვნელობაზე, არასრულწლოვნების შრომით უფლებებსა და შრომის უსაფრთხოების სტანდარტებზე. განიხილეს ისეთი საკითხები, როგორიცაა: დამსაქმებლების ვალდებულებები და დასაქმებულების უფლებები, აგრეთვე, შრომის უსაფრთხოების მიმართულებით არსებული სტატისტიკა“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

თბილისი. მედიის განვითარების ფონდში „ათასწლეულის სკოლის“ მოსწავლეებისათვის ჩატარდა სემინარი, რომელზეც ფონდის მკვლევარებმა ყალბი ინფორმაციის გავრცელების არხებზე, პროპაგანდაზე და ინტერნეტ-ტროლებზე ისაუბრეს.  სემინარების ციკლი “გაზომე სიმართლე!” ტარდება პროექტის “ახალგაზრდების მედიაწიგნიერების ლაბორატორია პასუხისმგებლიანი მედია მოხმარებისთვის” ფარგლებში, რომელსაც მხარს საქართველოში აშშ-ს საელჩო უჭერს.  სრულად...  წყარო: https://www.facebook.com/MediaDevelopmentFoundation

ქართლი. კონკურენციის შესახებ საქართველოს კანონის საფუძველზე შექმნილი ტრენინგთა კურსის მეორე ეტაპის, ბოლო სწავლება რუსთავში ჩატარდა. სწავლება მიზნად ისახავდა ადგილობრივი თვითმმართველობების წარმომადგენელთა საქმიანობის კონკურენციის კანონმდებლობის მოთხოვნებთან შესაბამისობის უზრუნველყოფას.  სსიპ საქართველოს კონკურენციის სააგენტოს ინიციატივით, GIZ-ის სამართლის პროგრამის მხარდაჭერითა და სსიპ საქართველოს ფინანსთა სამინისტროს აკადემიის ტექნიკური დახმარებით, 2019 წლის აპრილ-ივნისში საქართველოს ექვს შერჩეულ რეგიონში კანონის ზოგიერთი მუხლების პრაქტიკული გამოყენების შესახებ 14 სწავლება ჩატარდა, რომელმაც ჯამში 420 ადგილობრივი მოხელე მოიცვა.  სრულად...  წყარო: https://www.facebook.com/giz.law.ge

აჭარა. 11 ნოემბერს, ხულოს მუნიციპალიტეტში, სოფელ ჩაოში მცხოვრებ მოსწავლეებს ყალბი ინფორმაციისა და ანტიდასავლური პროპაგანდის შესახებ ვესაუბრეთ. „შეხვედრაზე განვიხილეთ მიზანმიმართული პროპაგანდის მაგალითები. მონაწილეებს გავაცანით კვლევა, რომელშიც საუბარია ძირითად ყალბ ინფორმაციაზე. ვიმსჯელეთ, რამდენად ხშირად ხდება თითოეული ჩვენგანი ინტერნეტში გავრცელებული მცდარი ინფორმაციის მსხვერპლი. მონაწილეებს ასევე გავაცანით ყალბ ინფორმაციასა და ანტიდასავლურ პროპაგანდასთან ბრძოლის გზები“, ნათქვამი ორგანიზაციის ვებგვერდზე. სრულად... წყარო: ორგანიზაციის გვერდი სოციალურ ქსელში

შიდა ქართლი. მცირე გრანტების პროგრამის ფარგლებში გორის სამოქალაქო აქტივიზმის ცენტრის მოხალისემ - გიორგი ცერაძემ სამდღიანი პროექტი განახორციელა. „სამდღიანი ტრენინგ-კურსი სოციალური ინკლუზიის შესახებ ცნობიერების ამაღლებას ისახავდა მიზნად. გაცნობითი აქტივობების შემდეგ თემატური ტრენინგისა და აქტივობების დროც დადგა“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

აჭარა. „თავისუფალ ჟურნალისტთა სახლი“ აჭარის მაღალმთიან მუნიციპალიტეტში ტრენინგების ციკლს იწყებს. „6 ნოემბერს, შუახევის მუნიციპალიტეტში მცხოვრები ახალგაზრდებისთვის ჩატარდა პირველი შეხვედრა, სადაც მონაწილეებმა მიიღეს ინფორმაცია ევროკავშირთან ასოცირების ხელშეკრულებისა და გარემოს დაცვის სფეროში აღებული ვალდებულებების შესრულების შესახებ. ტრენინგი დატვირთული იყო როგორც თეორიული, ისე პრაქტიკული სავარჯიშოებით“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში