თბილისი. გაეროს განვითარების პროგრამის (UNDP) დაფინანსებით, გარემოსდაცვითი ინფორმაციისა და განათლების ცენტრისა და ეროვნული სატყეო სააგენტოს თანამშრომლებისათვის გაიმართა ტრენინგი - „პროფესიული საგანმანათლებლო პროგრამები, საკანონმდებლო მოთხოვნები და მათი ორგანიზების/განხორციელების თავისებურებები“.  ტრენინგის მიზანს წარმოადგენდა ცენტრის თანამშრომელთა შესაძლებლობების გაძლიერება და მათთვის პროფესიული კურსების აკრედიტაციის პროცესისათვის საჭირო პროცედურების გაცნობა.  სრულად...  წყარო: გვერდი სოციალურ ქსელში

იმერეთი. ქუთაისის ახალგაზრდული ცენტრის სოფელ დიმში, ფარცხანაყანევში, ორპირში, ასევე ქუთაისის უნივერსიტეტში, ახალგაზრდებისა და პედაგობისთვის ჩაატარეს საინფორმაციო შეხვედრები მედია წიგნიერების თემაზე. შეხვედრების მიზანს წარმოადგენდა მონაწილეთა ცნობიერების ამაღლება დეზინფორმაციაზე, ფაქტების გადამოწმების, ანტი-დასავლურ პროპაგანდისა და მედია წიგნიერების კუთხით.  ეს ღონისძიება ორგანიზებულია ტოლერანტობის, სამოქალაქო ცნობიერებისა და ინტეგრაციის მხარდაჭერის პროგრამის (PITA) ფარგლებში, რომელიც ხორციელდება საქართველოს გაეროს ასოციაციის (UNAG) მიერ, აშშ-ს საერთაშორისო განვითარების სააგენტოს (USAID) ფინანსური მხარდაჭერით. პროგრამის პარტნიორია განათლების განვითარების და დასაქმების ცენტრი (EDEC).  სრულად...  წყარო: გვერდი სოციალურ ქსელში

თბილისი. გაეროს სურსათისა და სოფლის მეურნეობის ორგანიზაციამ (FAO), ევროკავშირის მიერ მხარდაჭერილი ENPARD-ის ფარგლებში, გარემოს დაცვისა და სოფლის მეურნეობის სამინისტროს თანამშრომლებისთვის ტრენინგების მეორე მოდული განახორციელა. სასწავლო გეგმით გათლისწინებულ კურსებს – ლიდერობა და საჯარო გამოსვლები, საოფისე კომპიუტერული პროგრამები, ადამიანური რესურსის მართვა და პროფესიული ინგლისური ენა – 100 ზე მეტი ადამიანი დაესწრო. ოთხთვიანი სწავლება წარმატებული მონაწილეებისთვის სერტიფიკატების გადაცემით დასრულდა. სრულად...  წყარო: http://enpard.ge

თბილისი. 21-23 დეკემბერს საბჭოთა წარსულის კვლევის ლაბორატორიის ორგანიზებით, ილიას სახელმწიფო უნივერსიტეტში ჩატარდა კომბინირებული, საბაზისო კურსი დამწყები მკვლევრებისათვის - „საარქივო კვლევა XX საუკუნის ისტორიის გააზრებისათვის“. „ლექცია საბჭოთა წარსულის კვლევის ლაბორატორიის მკვლევარმა, ისტორიკოსმა, ირაკლი ხვადაგიანმა წაიკითხა. კურსი წარმოადგენს არაფორმალურ, შემჭიდროვებულ, პრაქტიკაზე ორიენტირებულ 2 სალექციო შეხვედრას, რომლის მიზანია მაქსიმალურად შეუწყოს ხელი დაინტერესებულ მსმენელებს, მიიღონ ხელშესახები ცოდნა საარქივო კვლევის საბაზისო პრინციპების შესახებ. კურსის მიზანია დაეხმაროს მონაწილეს გახდეს ინფორმირებული დამწყები მკვლევარი“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

თბილისი. ადამიანის უფლებების სწავლებისა და მონიტორინგის ცენტრი (EMC) აქვეყნებს სტატიას: ქრისტიანული სოციალური სწავლების წარმოშობა და განვითარება დასავლეთის ეკლესიის მაგალითზე. „ყოველივე ზემოთაღნიშნულთან ერთად, აუცილებელია გვესმოდეს, რომ ეკლესიის სოციალური სწვლება არ არის რაღაც, ერთგვარი „მესამე“ ან „საშუალო გზა“ კაპიტალიზმსა და სოციალიზმს შორის. ის არ არის ეკონომიკური ან პოლიტიკური პროგრამა და, მითუმეტეს არც არანაირი „სისტემა“. მიუხედავად იმისა, რომ ის სოციალიზმსა და კაპიტალიზმს საკმაოდ მკაცრად აკრიტიკებს, ის არ გვთავაზობს რაიმე სახის კონკრეტულ ალტერნატიულ სისტემას. ის არის არა ტექნიკური შემოთავაზება პრაქტიკული პრობლემის გადასაჭრელად, არამედ - უფრო მორალური სწავლება, ერთგვარი გზამკვლევი, რომელიც ადამიანს, ფუნდამენტური ქრისტიანული წარმოდგენების შესაბამისად, ტრადიციულად სიყვარულისაკენ მოუწოდებს და საუკუნო სიცოცხლისაკენ მიუძღვის“, ნათქვამია ორგანიზაციის ვებგვერდზე. სრულად... წყარო: emc.org.ge

თბილისი. სიდა-ს ორგანიზებითა და შვედეთის მთავრობის ფინანსური მხარდაჭერით, გაიმართა კორპორაციული პასუხისმგებლობის სკოლის ინტენსიური (საპილოტე) კურსი.  კურსი ბიზნესის, მთავრობის, არასამთავრობო სექტორისა და მედიის წარმომადგენლებისთვის გაიმართა და პასუხისმგებლიან, მდგრად კორპორაციულ მართვას ეხებოდა.  სრულად...  წყარო: https://www.facebook.com/pg/cidacso

აჭარა. ხულოს განვითარების ჯგუფის (LAG) წევრებმა, საოჯახო სასტუმროს ოპერატორებმა და აგროტურისტული მეურნეობის მართვით დაინტერესებულმა 20-მდე წარმომადგენელმა ეკოტურისტული და აგროტურისტული მეურნეობის მართვის ტრენინგში მიიღო მონაწილეობა.  ტრენინგი მიზნად ისახავდა ხულოს მუნიციპალიტეტში აგრომეურნეობების ტურისტულ ობიექტებად ფორმირების ძირითადი მოთხოვნების და სტანდარტების განსაზღვრას და დანერგვის ხელშეწყობას. ტრენინგი ევროკავშირის მხარდაჭერით ENPARD-ის ხულოს პროექტის ფარგლებში ჩატარდა და მას „საქართველოს ეკოტურიზმის ასოციაციის“ საგანმანათლებლო პროექტების მენეჯერი ნატა რობიტაშვილი უძღვებოდა.  სრულად...  წყარო: http://enpard.ge

თბილისი. საქართველოს სახალხო დამცველმა წინადადებით მიმართა საქართველოს მთავრობასა და საქართველოს განათლების, მეცნიერების, კულტურისა და სპორტის სამინისტროს. საკითხი, ყოვლადწმინდა ღვთისმშობლის წილხვდომილობის დღესასწაულთან დაკავშირებით, საჯარო სკოლების მასწავლებლებისთვის სალექციო ციკლის ორგანიზებასა და ჩატარებას ეხებოდა. სახალხო დამცველი მიიჩნევს, რომ საჯარო სკოლების პედაგოგებისთვის ჩატარებული საჯარო ლექციების ციკლი თემაზე - „რელიგიის ისტორია“ არ შეესაბამებოდა საჯარო სკოლების რელიგიური გაერთიანებებისგან გამიჯვნის კანონისმიერ პრინციპს. აღსანიშნავია, რომ მართლმადიდებლური ქადაგების მოსმენა მოუწიათ როგორც მართლმადიდებელ პედაგოგებს, ასევე სხვა რელიგიის წარმომადგენლებს. ლექციის მსვლელობისას ხაზი გაესვა მართლმადიდებლობის მნიშვნელობასა და უპირეტესობას სხვა რელიგიებთან მიმართებით. სრულად...  წყარო: http://ombudsman.ge

თბილისი. გარემოსდაცვითი ინფორმაციისა და განათლების ცენტრის ორგანიზებით, ჩატარდა კონკურსი „მწვანე ჯილდო 2019 - სკოლამდელი გარემოსდაცვითი განათლება”.  კონკურსი, რომლის მიზანიც სკოლამდელი აღზრდის დაწესებულებებში გარემოსდაცვითი საკითხების სწავლების ხელშეწყობა და აღმზრდელებისა და მეთოდისტების წახალისებაა, უკვე მეორედ გაიმართა და მასში მონაწილეობა საქართველოს ყველა რეგიონის წარმომადგენელმა მიიღო.  კონკურსის მონაწილეები კომისიის წევრებმა მთელი წლის განმავლობაში განხორციელებული გარემოსდაცვითი აქტივობების მიხედვით შეაფასეს და საუკეთესო ათეული გამოავლინეს.  სრულად...  წყარო: https://www.facebook.com/pg/eiecgovge

შიდა ქართლი. დღეს, საქართველოს სახალხო დამცველი შიდა ქართლის სკოლის მოსწავლეებს შეხვდა და ადამიანის უფლებების სწავლების მნიშვნელობაზე და ამ პროცესში სახალხო დამცველის როლზე, მის საქმიანობასა და მანდატზე ესაუბრა. სახალხო დამცველმა ადამიანის უფლებების დაცვის თვალსაზრისით მუდმივად მზარდი საფრთხეები და გამოწვევები მიმოიხილა; აპარატის მიერ ადამიანის უფლებათა დარღვევის შესახებ ინფორმაციის მიღების ფორმები, რეაგირება და რეკომენდაციების შესრულებაზე მეთვალყურეობის საკითხები და აპარატისადმი მომართვიანობის მექანიზმი გააცნო. სრულად...  წყარო: http://ombudsman.ge

აჭარა. ქედის მუნიციპალიტეტის სხვადასხვა სკოლების 20-ზე მეტმა მოსწავლემ მონაწილეობა მიიღო ევროკავშირის მიერ მხარდაჭერილ, ქედის LAG-ის მიერ ორგანიზებულ დისკუსიაში კლიმატის ცვილებისა და ნარჩენების მდგრადი მართვის შესახებ. ღონისძიება, რომელიც ქედის LAG-ის ოფისში ევროკავშირის მიერ დაფინანსებული „ქედა ლიდერის“ პროექტის ფარგლებში ჩატარდა, მიზნად ისახავდა მუნიციპალიტეტის ახალგაზრდების ცნობიერების ამაღლებას გარემოსდაცვითი საკითხებისადმი და მათი ჩართულობის ხელშეწყობას შესაბამის აქტივობებში.  დისკუსიას წინ უძღოდა მობილური ფილმის საერთაშორისო ფესტივალის ფარგლებში შერჩეული 1-წუთიანი თემატური ფილმების ჩვენება. მოსწავლეებმა ასევე მონაწილეობა მიიღეს ნარჩენების ხელახალი გამოყენების აქტივობასა და ნარჩენების მდგრადი მართვის პრაქტიკულ ტრენინგში.  სრულად... წყარო: http://enpard.ge

თბილისი. 9 დეკემბერს, 156-ე საჯარო სკოლაში ბულინგისა და ბავშვთა მიმართ ძალადობის შესახებ მორიგი საინფორმაციო შეხვედრა ჩატარდა. „შეხვედრა, ამავე სკოლის მოსწავლეების მშობლებთან და მასწავლებლებთან გაიმართა, სადაც ფსიქოლოგები - მაია ცირამუა და ქეთი ფილაური აუდიტორიასთან განიხილავდნენ სასკოლო სივრცეში ბულინგის სხვადასხვა ფორმებს; შეხვედრაზე მასწავლებლებმა და მშობლებმა ფსიქოლოგებთან ერთად იმსჯელეს ბულინგის პრევენციის გზებზე და ბავშვთა მიმართ ძალადობის მათთვის ცნობილი კონკრეტული შემთხვევები განიხილეს“, ნათქვამია ორგანიზაციის გვერდზე სოციალურ ქსელში.  სრულად... წყარო: ორგანიზაციის გვერდი სოციალურ ქსელში

კახეთი. 65-ზე მეტმა ადგილობრივმა მაცხოვრებელმა მიიღო მონაწილეობა კახეთის რეგიონის ახმეტის მუნიციპალიტეტში გამართულ ორდღიან ტრენინგში თემაზე „LEADER-თემზე დაფუძნებული ადგილობრივი განვითარების მიდგომები (CLLD)“.  ტრენინგი ორგანიზებული იყო პროექტის „ინკლუზიური და თამონაწილეობითი ადგილობრივი განვითარების ხელშეწყობა ახმეტის მუნიციპალიტეტში“ ფარგლებში და მიზნად ისახავდა დამსწრე საზოგადოებისთვის LEADER-CLLD ძირითადი პრინციპების გაცნობას, მათ შორის აღნიშნული მეთოდოლოგიის ინდივიდუალური კონტექსტის გათვალისწინებით გამოყენებას და დანერგვას.  სრულად...  წყარო: http://enpard.ge

შიდა ქართლი. 4 დეკემბერს „კეთილდღეობის და განვითარების ცენტრს“ შეზღუდული შესაძლებლობების მქონე პირთა საერთაშორისო დღისადმი მიძღვნილი კამპანიის ფარგლებში ესტუმრა სახალხო დამცველის აპარატის გორის წარმომადგენელი, ანა ჯანიაშვილი. „ანამ შშმ ახალგაზრდებს ძალიან მარტივი ენით გააცნო საკუთარი უფლებები და რაოდენ გასაკვირიც არ უნდა იყოს ახალგაზრდებისგანაც წამოვიდა უკუკავშირი და ბავშვებმა გულახდილ საუბრებში რამდენიმე ისტორია გააჟღერეს ხმამაღლა, რომელიც საზოგადოებაში მათ ბულინგს ეხებოდა“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

გურია. 30 ნოემბერსა და 1 დეკემბერს „ახალგაზრდა პედაგოგთა კავშირში“ პარტნიორი სკოლებისთვის (ოზურგეთის მუნიციპალიტეტის: სოფელი შემოქმედი, სოფელი ნასაკირალი, სოფელი ლაითური, სოფელი ნაგომარი, სოფელი შრომა, ლანჩხუთის მუნიციპალიტეტის სოფელი ხაჯალია) გაიმართა ტრენინგი თემაზე „საჯარო სკოლების თვითშეფასება“. „ტრენინგის მიზანი იყო ორგანიზაციის პარტნიორი სკოლების წარმომადგენლებისთვის თვითშეფასების შესახებ თეორიული ინფორმაციის მიწოდება, შეფასების პროცესის განხორციელებისთვის საჭირო უნარების გამომუშავება. მიღებული ინფორმაციის საფუძველზე ტრენინგის ბოლოს განისაზღვრა თვითშეფასების პროცესის სამუშაო გეგმა. აღნიშნული სკოლების წარმომადგენლები მოამზადებენ სკოლის თვითშეფასების დოკუმენტს“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

აჭარა. ბათუმის სხვადასხვა საჯარო და კერძო სკოლაში ასოცირების ხელშეკრულების შესახებ შეხვედრები დასრულდა. „ევროკლუბის წევრებმა მიმდინარე პროექტის ფარგლებში 25 თანატოლთა ტრენინგი ჩაატარეს. სხვადასხვა სფეროს მიმართულებით აღებული ვალდებულებები და მიმდინარე სიახლეები თავიანთ თანატოლებს გააცნეს. შეხვედრებზე, ჯამში 600-ზე მეტმა ახალგაზრდამ მიიღო მონაწილეობა. სურსათის უვნებლობა, ვიზალიბერალიზაცია, შრომის უსაფრთხოება, გარემოს დაცვა და ნარჩენების მართვა - ეს ის თემებია, რაზეც ევროკლუბის მოხალისეები საუბრობდნენ”, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

თბილისი. 8, 21 და 22 ნოემბერს ადამიანის უფლებების სწავლებისა და მონიტორინგის ცენტრმა (EMC) ექსპერტ ნანა მჭედლიძესთან თანამშრომლობით, თელავის, ბათუმისა და ქუთაისის საქალაქო სასამართლოებში გამართა ამავე ექსპერტის ორი სახელმძღვანელოს („შრომითი უფლებები“ და „საცხოვრისის უფლება“) პრეზენტაცია. „დოკუმენტები არის ერთგვარი დამხმარე სახელმძღვანელო, რომელიც მიზნად ისახავს, მოსამართლეებს, ადვოკატებს, ადამიანის უფლებებზე მომუშავე ორგანიზაციებს, იურიდიული პროფესიის წარმომადგენლებს გაუზიაროს თემატურად თავმოყრილი, სისტემატიზებული და გადამუშავებული მასალა შრომისა და საცხოვრისის უფლებებთან დაკავშირებით. სახელმძღვანელოებს პრაქტიკული დანიშნულება აქვს კანონმდებლობისა და პოლიტიკის მიმღები, ნორმის შემფარდებელი, კანონმდებლობისა და პოლიტიკის მიღებისა და გამოყენების შედეგად სავარაუდო უფლებადარღვევების განმხილველი ორგანოებისთვის“, ნათქვამია ორგანიზაციის ვებგვერდზე. სრულად... წყარო: emc.org.ge

თბილისი. მედიის განვითარების ფონდმა (MDF) ყველა ტროლი 1 საიტზე გამოავლინა. „ჩვენი მიზანია გან-ვტროლოთ ისინი, ვისაც საზოგადოება შეცდომაში შეჰყავს და ვების სახელწოდებაც - გან-ტროლე.ge - სწორედ ამ ნიშნით შეირჩა. ვებ-გვერდზე თავმოყრილია იმ ტროლების პროფილები, რომლებიც მედიის განვითარების ფონდის კვლევების შედეგად გამოვლინდა. ასევე, ახალი ტროლები, რომელთაც პერიოდულად ვავლენთ. საბოლოო ჯამში, ჩვენი მიზანია, ავამაღლოთ საზოგადოების ცნობიერება და ხელი შევუწყოთ მედია წიგნიერების განვითარებას, რათა მოქალაქეებმა თავად შეძლონ რეალურის გამოგონილისგან გარჩევა“, ნათქვამია ორგანიზაციის გვერდზე სოციალურ ქსელში. სრულად... წყარო: www.gantrole.ge

თბილისი. ადამიანის უფლებების სწავლებისა და მონიტორინგის ცენტრი (EMC) წარმოგიდგენთ ზურა ჯაშის ლექციას: „მოდერნულობა და საეკლესიო ტრადიცია“. ზურა ჯაში არის მიუნსტერის მართლმადიდებლური თეოლოგიური ფაკულტეტის დოქტორანტი. ლექცია წაკითხულია EMC-ს მიერ ორგანიზებული დისკუსიის ფარგლებში: „რელიგია და მისი სოციალური განზომილებები - ხელახალი წაკითხვის მცდელობა“. ] წყარო: emc.org.ge

სამეგრელო. 28 ნოემბერს ასოციაცია „ათინათის“ ახალგაზრდული ცენტრის წევრებს გერმანელი მოხალისე შეხვდა. „შეხვედრის განმავლობაში ახალგაზრდებმა ისაუბრეს ძალადობისა და ჩაგვრის გზებსა და მათი პრევენციის შესახებ. სიმულაციურად გაითამაშეს პრობლემური სიტუაციები, სადაც მოირგეს მოძალადისა და მსხვერპლის როლები და იპოვეს პრობლემების გადაჭრის ალტერნატიული გზები“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

აჭარა. 28 ნოემბერს, თავისუფალ ჟურნალისტთა სახლის გუნდი ქედის მუნიციპალიტეტის, სოფელ წონიარისის საჯარო სკოლის მოსწავლეებს შეხვდა. შეხვედრას სკოლის პედაგოგიც ესწრებოდა. „დისკუსიაზე ისაუბრეს ანტიდასავლური პროპაგანდისა და დეზინფორმაციის, მედიისა და სოციალური ქსელების გავლენის, სიძულვილის ენისა და ყალბ ინფორმაციასთან ბრძოლის მექანიზმების შესახებ“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

თბილისი. პარტნიორობა ადამიანების უფლებებისთვის (PHR) ორგანიზებით, ამჯერად, თბილისის 123-ე საჯარო სკოლის მოსწავლეებს, გურჯაანის რაიონული სასამართლოს მოსამართლე დევი დევიძე ეწვია. „მეგობრულ გარემოში, ბავშვებმა და მოსამართლემ ისაუბრეს ბავშვთა უფლებებზე, სასამართლოს როლზე“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში