თბილისი. ბავშვთა ჰოსპისი ინფორმაციის თავისუფლების განვითარების ინსტიტუტს (IDFI) მიღებული საჩუქრებისთვის (სამედიცინო სახარჯი მასალა, კვების ზონდები, სანაციის მილები, შპრიცები...) მადლობას უხდის. სრულად... წყარო: ჰოსპისის გვერდი სოციალურ ქსელში

თბილისი. საერთაშორისო გამჭვირვალობა - საქართველო (TI) საარჩევნო დავებს საქალაქო და რაიონულ სასამართლოებში მთელი საქართველოს მასშტაბით აწარმოებს. TI-ს რამდენიმე თანამშრომელს კოვიდ ინფექცია დაუდასტურდა, ამ გარემოების გამო და ზოგადად, მძიმე ეპიდემიოლოგიური ვითარებიდან გამომდინარე, ორგანიზაციამ მიმართა ყველა სასამართლოს დავების ონლაინ რეჟიმში ჩატარების თხოვნით, თუმცა მოთხოვნა არც ერთმა სასამართლომ არ დააკმაყოფილა. „გამაოგნებელია სასამართლოს პოზიცია შექმნილ მძიმე სიტუაციაში. სრულიად გაურკვეველია, რატომ არის შეუძლებელი სხდომების ონლაინ რეჟიმში ჩატარება, იმ პირობებში როდესაც სასამართლოს უკვე გააჩნია პროცესების ონლაინ ჩატარების შესაბამისი გამოცდილება და ინფრასტრუქტურა. კიდევ ერთხელ მოვუწოდებთ შესაბამის სასამართლოებს, გადავიდნენ პროცესების ონლაინ ჩატარების რეჟიმზე და მოგვცენ შესაძლებლობა, სათანადოდ უზრუნველვყოთ ჩვენი პოზიციების წარდგენა სასამართლო პროცესებზე“, ნათქვამია განცხადებაში. სრულად... წყარო: ორგანიზაციის გვერდი სოციალურ ქსელში სამართალი

თბილისი. ადამიანის უფლებების სწავლებისა და მონიტორინგის ცენტრი (EMC) სოლიდარობას უცხადებს სამედიცინო სექტორში დასაქმებულებს, რომლებიც პანდემიის შედეგად შექმნილ უმძიმეს პირობებში ცდილობენ ადამიანების ჯანმრთელობის და სიცოცხლის დაცვას. ორგანიზაცია მოუწოდებს სახელმწიფოს, გააძლიეროს ძალისხმევა მათთვის უსაფრთხო სამუშაო გარემოსა და სამედიცინო სექტორის გამართული მუშაობის უზრუნველსაყოფად. სრულად... წყარო: emc.org.ge

თბილისი. COVID-19 პანდემიის დროს, ევროპის მთავრობებმა თავიანთ მოქალაქეებს სახლში დარჩენისკენ მოუწოდეს, გაეცანით ქალთა საინფორმაციო ცენტრის პროექტის ფარგლებში მომზადებულ მასალას. „იზოლაცია წარმოადგენდა აუცილებლობას, ვირუსის გავრცელების თავიდან აცილებისათვის. მნიშვნელოვანია იცოდეთ, თუ რას ნიშნავდა ეს გადაწყვეტილება მრავალი ქალისა და ბავშვისათვის. ოჯახში ძალადობის მქონე ადამიანებმა გადაიხადეს ყველაზე მაღალი საფასური საზოგადოებრივი ჯანმრთელობის დაცვისთვის. ვირუსთთან ბრძოლისას ევროპის ქვეყნებმა განსხვავებული რეაგირება მოახდინეს, მაგრამ უმეტესობამ გადაწყვიტა იზოლაციის დაწესება 2020 წლის მარტში. აღნიშნული მომენტიდან დაიწყო საუბრები არა მხოლოდ COVID - 19 პანდემიაზე, არამედ ოჯახში ძალადობის პანდემიაზეც“... სრულად... წყარო: ginsc.net

აჭარა. კორონავირუსის გავრცელების ამ ეტაპზე საქართველოს წითელი ჯვრის საზოგადოების ბათუმის ფილიალის მოხალისეები აგრძელებენ სასურსათო და ჰიგიენური ამანათების დარიგებას. პროდუქტები გადაეცა შემდეგ ჯგუფებს: • 70 წლის და მეტი ასაკის მარტო მცხოვრები, სოციალურად დაუცველი ხანდაზმულები; • ადამიანები, რომლებიც მიეკუთვნებიან მოწყვლად ჯგუფებს და იმყოფებიან თვითიზოლაციაში; საქართველოს წითელი ჯვრის საზოგადოება აღნიშნულ დახმარებას ახორციელებს აშშ-ის საერთაშორისო განვითარების სააგენტოსა (USAID) და წითელი ჯვრისა და წითელი ნახევარმთვარის საზოგადოებათა საერთაშორისო ფედერაციის მხარდაჭერით. სრულად... წყარო: ორგანიზაციის გვერდი სოციალურ ქსელში

თბილისი. წამების მსხვერპლთა ფსიქოსოციალური და სამედიცინო რეაბილიტაციის ცენტრი - GCRT უფასო მომსახურებას გაუწევს იმ მოქალაქეებს, ვინც 8-9 ნოემბერს აქციაზე დაზარალდა. სრულად... წყარო: ორგანიზაციის გვერდი სოციალურ ქსელში ადამიანის უფლებები ჯანდაცვა

თბილისი. ინფორმაციის თავისუფლების განვითარების ინსტიტუტის (IDFI) მოსაზრებით, Covid-19-თან დაკავშირებული შეზღუდვების დარღვევისთვის გამოყენებული ჯარიმების კონსტიტუციურობაზე მნიშვნელოვანი კითხვის ნიშნები არსებობს, თუმცა პირბადის ტარების წესში შეტანილმა ბოლო ცვლილებამ პირის დაჯარიმების კონსტიტუციურობის და კანონიერების სრულად განსხვავებული პრობლემა წარმოშვა. „კერძოდ, საქართველოს პარლამენტმა პირბადის ტარების წესის დარღვევისთვის ცალკე სამართალდარღვევა გაითვალისწინა, საიდანაც ცხადად იკითხება, რომ საქართველოს ადმინისტრაციულ სამართალდარღვევათა კოდექსის 4211 მუხლი არ ითხოვს პირბადის ტარებას ღია სივრცეში და არც აკრძალული ქმედების შინაარსის გაფართოების უფლებას ანიჭებს საქართველოს მთავრობას“.  სრულად... წყარო: idfi.ge

თბილისი. PHR - მა დაიწყო ახალი პროექტი, რომელიც უზრუნველყოფს შშმ ქალების წვდომას სექსუალურ და რეპროდუქციულ უფლებებზე. „პროექტის განხორციელებისას ჩვენი იურისტები შშმ ქალებსა და გოგონებს გაუწევენ სამართლებრივ კონსულტაციებს შემდეგ საკითხებზე: დამოუკიდებელი ცხოვრების უფლება; პირადი და ოჯახური ცხოვრების მხარდაჭერა სახელმწიფოსგან;  სექსუალური და რეპროდუქციული ჯანმრთელობის უფლება; შშმ ქალების მიერ მშობლის უფლების განხორციელება“. სრულად... წყარო: phr.ge

მცხეთა-მთიანეთი. 1 ნოემბერს, განათლების განვითარების და დასაქმების ცენტრის მხარდაჭერით, „კავკასიის ველო ქსელმა“, პროექტის „სამოქალაქო საზოგადოების განვითარების ინიციატივა“ ფარგლებში, დუშეთის მუნიციპალიტეტში, კერძოდ, ანანურიდან არაგვის სათავგადასავლო ცენტრამდე, ჩაატარა ველოშეჯიბრს “Zhinvali XC Adventure 2020”, რომელიც მიზნად ისახავდა ჯანსაღი ცხოვრებისა და მოხალისეობრივი იდეის პოპულარიზაციას. „ველოშეჯიბრი “Zhinvali XC Adventure 2020” ერთ–ერთი მოხალისეობრივი ინიციატივაა, რომელმაც განათლების განვითარების და დასაქმების ცენტრის (EDEC) მიერ გამოცხადებულ კონკურსში „იდეების კონკურსი მოხალისეობრივი ინიციატივებისთვის“ გაიმარჯვა. კონკურსი პროექტის „სამოქალაქო საზოგადოების განვითარების ინიციატივა“ ფარგლებში ჩატარდა და მისმიზნად ისახავს მოხალისეობის იდეის პოპულარიზაციის ხელშეწყობას, მოხალისეობის გზით მოქალაქეთა სამოქალაქო ცნობიერების ამაღლებასა და სამოქალაქო აქტივობებში მათი ჩართულობის გაზრდას.  „სამოქალაქო საზოგადოების განვითარების ინიციატივა“ ხორციელდება კონრად ადენაუერის ფონდის (KAS) მიერ სამოქალაქო საზოგადოების ინსტიტუტთან (CSI), კონსულტაციისა და ტრენინგის ცენტრთან (CTC), საქართველოს სტრატეგიული კვლევებისა და განვითარების ცენტრთან (CSRDG) და განათლების განვითარების და დასაქმების ცენტრთან (EDEC) თანამშრომლობით. პროექტს აფინანსებს ევროკავშირი (EU), ხოლო თანადამფინანსებელია კონრად ადენაუერის ფონდი (KAS)“. სრულად... წყარო: ორგანიზაციის გვერდი სოციალურ ქსელში

თბილისი. ადამიანის უფლებების სწავლებისა და მონიტორინგის ცენტრი (EMC) აქვეყნებს შეფასებას: ნარკოპოლიტიკა პარტიების წინასაარჩევნო ხედვებში - 2020. „ზოგადად უნდა ითქვას, რომ წინასაარჩევნო კონტექსტში ნარკოპოლიტიკის საკითხი ფაქტობრივად იგნორირებულია და მასზე საჯარო დისკუსიები გამონაკლის შემთხვევებში თუ მიმდინარეობს. წინასაარჩევნო პროგრამებსა და ხედვებში კი ეს თემა მეტად ფრაგმენტულად არის წარმოდგენილი“, ნათქვამია ორგანიზაციის ვებგვერდზე. სრულად... წყარო: emc.org.ge

თბილისი. 26 ოქტომბერს, სასტუმრო სტამბაში, ეკონომიკური პოლიტიკის კვლევის ცენტრმა (EPRC), უმასპინძლა შეხვედრას საქართველოს ოკუპირებულო ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრ - ეკატერინე ტიკარაძესთან. „შეხვედრაზე განიხილეს კოვიდ-19-ის პანდემიის შედეგად საქართველოს ჯანდაცვის სისტემის წინაშე დამდგარი ახალი გამოწვევები, მათი გადაჭრის შესაძლო გზები და ჯანდაცვის სამუშაო ჯგუფის მიერ მომზადებული რეკომენდაციები”. სრულად... წყარო: ორგანიზაციის გვერდი სოციალურ ქსელში

აჭარა. კორონავირუსის გავრცელების ამ ეტაპზე საქართველოს წითელი ჯვრის საზოგადოების ბათუმის ფილიალის მოხალისეები აგრძელებენ სასურსათო და ჰიგიენური ამანათების დარიგებას საზოგადოების განსაკუთრებულად მოწყვლადი ჯგუფებისთვის.: 70 და მეტი წლის მარტოხელა, სოციალურად დაუცველი ხანდაზმულები; ხანდაზმულები, რომლებიც ცხოვრობენ მხოლოდ განსაკუთრებული საჭიროებების მქონე (შშმ) პირებთან ერთად; ბინაზე მოვლის საჭიროების მქონე მარტოხელა პენსიონერები; სოციალურად დაუცველი, მარტოხელა პენსიონერები, განსაკუთრებული საჭიროებების მქონე პირები (შშმ). სრულად... წყარო: ორგანიზაციის გვერდი სოციალურ ქსელში

თბილისი. ეკონომიკური პოლიტიკის კვლევის ცენტრი (EPRC) აქვეყნებს პუბლიკაციას: რა განაპირობებს ჯანმრთელობას და რას ემსახურება პრევენციული ღონისძიებები. „როდის და სად იწყება ჯანმრთელობისთვის ზრუნვა? არის თუ არა საკმარისი ხარისხიანი და ხელმისაწვდომი სამედიცინო მომსახურება ამისათვის? ვინ არის პასუხისმგებელი პრევენციულ ღონისძიებებზე და რას გულისხმობს ეს პასუხისმგებლობა? გაეცანით ჩვენი ექსპერტების მოსაზრებებს; მოგვწერეთ თქვენი პოზიცია“.  პუბლიკაცია მომზადებულია ეკონომიკური პოლიტიკის კვლევის ცენტრის (EPRC) პროექტის „საქართველოს მთავრობის მხარდაჭერა კოვიდ-19-ის შედეგების შესამსუბუქებლად, ინკულუზიური და მტკიცებულებებზე დაფუძნებული მმართველობის ხელშეწყობის გზით“ ფარგლებში.  პუბლიკაცია სრულად... წყარო: ორგანიზაციის გვერდი სოციალურ ქსელში

თბილისი. ღია საზოგადოების ფონდი გიზიარებთ საინფორმაციო პოსტერებს, რომელიც საერთაშორისო რეკომენდაციების მიხედვით ინფექციონისტ მაია ბუწაშვილთან თანამშრომლობით მომზადდა.  „Covid-19 ინფიცირების მაჩვენებლის ყოველდღიური ზრდა მოქალაქეებში მომატებულ შფოთვასთან არის დაკავშირებული. მსოფლიო პრაქტიკამ აჩვენა, რომ ბინაზე Covid-19 ინფექციის სწორად მართვის შემთხვევაში დაავადების დაძლევა და მისი გავრცელების პრევენცია შესაძლებელია“. სრულად... წყარო: ორგანიზაციის გვერდი სოციალურ ქსელში

თბილისი. საქართველოს წითელი ჯვარი ეხმაურება ქალაქ ზუგდიდში მომხდარ ფაქტს და სრულ მხარდაჭერას უცხადებს მოქალაქეებს. „მომხდარ ფაქტთან დაკავშირებით, საქართველოს წითელი ჯვარი მოქალაქეებს, დაზარალებულ პირებს და მათ ოჯახის წევრებს სთავაზობს ემოციურ მხარდაჭერასა და ფსიქოგანათლებას და, მომდევნო პერიოდში, ქვემოთ ჩამოთვლილი სიმპტომების არსებობის შემთხვევაში, უფასო ფსიქოლოგიურ დახმარებას“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

თბილისი. ეკონომიკური პოლიტიკის კვლევის ცენტრი (EPRC) აქვეყნებს პუბლიკაციას „ჯანმრთელობის სფეროს განვითარების სტრატეგიული ხედვა - შეჯერებული დებულებები“. „ეს არის პირველი შემთხვევა, როცა ჯანდაცვის სისტემასთან დაკავშირებით მომზადებულია კომპრომისული, შეჯერებული დოკუმენტები, რომელსაც ხელს სხვადასხვა პოლიტიკური პარტიისა და ასევე განსხვავებული პოლიტიკური ხედვების მქონე ადამიანები აწერენ“. სრულად... წყარო: ორგანიზაციის გვერდი სოციალურ ქსელში

თბილისი. საქართველოს წითელი ჯვრის საზოგადოების პრეზიდენტი, ნათია ლოლაძე და გენერალური მდივანი, ნინო ოსეფაიშვილი შეხვდნენ დაავადებათა კონტროლისა და საზოგადოებრივი ჯანმრთელობის ეროვნული ცენტრის გენერალურ დირექტორ, ამირან გამყრელიძეს. „მხარეებმა განიხილეს საქართველოს წითელი ჯვრის საზოგადოების COVID-19-ზე რეაგირების საქმიანობები, ასევე ისაუბრეს ეპიდემიის პირობებში ეროვნული საზოგადოების სხვადასხვა მიმართულებით ჩართულობაზე. შეგახსენებთ, რომ ამჟამინდელი კრიზისის პირობებში, საქართველოს წითელი ჯვრის საზოგადოება მოხალისეების, სათაო ოფისისა და ქვეყნის მასშტაბით 39 რეგიონული ფილიალის მობილიზებით ახორციელებს მნიშვნელოვან ღონისძიებებს, რომლის უპირველესი მიზანი კორონავისურის გავრცელების პრევენციაა“, ნათქვამია ორგანიზაციის გვერდზე სოციალურ ქსელში.  სრულად... წყარო: ორგანიზაციის გვერდი სოციალურ ქსელში

თბილისი. საზოგადოებრივი ორგანიზაციები ქვეყანაში უკიდურესად გართულებულ ეპიდემიოლოგიურ ვითარებას ეხმაურებიან. ორგანიზაციები მომცემულ სიტუაციას აფასებენ და სახელმწიფოს მოუწოდებენ მაქსიმალურად გამჭვირვალედ მიიღოს კოვიდ 19-ის დაძლევასთან დაკავშირებული გადაწყვეტილებები. სსო-ები თვლიან, რომ აუცილებელია მოსახლეობას მიეწოდოს ინფორმაცია სიტუაციის სხვადასხვა სცენარით განვითარების შემთხვევაში, რა გეგმები აქვს სახელმწიფოს. „გვსურს, გამოვხატოთ ჩვენი გულისტკივილი საქართველოში „კოვიდ-19”-ით ინფიცირებულებისა და გარდაცვლილების რაოდენობის მნიშვნელოვან ზრდასთან დაკავშირებით. ინფიცირებულების რიცხვის ზრდასთან ერთად, როგორც ჩანს, სახელმწიფოს სულ უფრო მეტად უჭირს კრიზისთან გამკლავება“. სრულად... წყარო: transparency.ge

თბილისი. 20 ოქტომბერის, ინფორმაციის თავისუფლების განვითარების ინსტიტუტმა (IDFI), ევროკავშირის მხარდაჭერით, პროექტის - „კოვიდ-19-თან დაკავშირებული სახელმწიფო ხარჯების და ადამიანის უფლებების მდგომარეობის მონიტორინგი“ პრეზენტაცია გამართა. „ღონისძიების მიზანი მონაწილეებისთვის პროექტის მთავარი აქტივობების, მიზნების და ახალი ინიციატივის მონიტორინგის მეთოდოლოგიის გაცნობა იყო. ღონისძიების მონაწილეებს მისასალმებელი სიტყვით მიმართეს ინფორმაციის თავისუფლების განვითარების ინსტიტუტის (IDFI) პროექტების მენეჯერმა - ლევან ავალიშვილმა და საქართველოში ევროკავშირის დელეგაციის წარმომადგენელმა და სამოქალაქო საზოგადოების პროგრამის ოფიცერმა - დომინიკა სკუბიდამ“. სრულად... წყარო: idfi.ge

თბილისი. საზოგადოებრივი ორგანიზაციები ცხინვალის რეგიონში დამძიმებულ ეპიდსიტუაციას ეხმიანებიან და მოუწოდებენ საქართველოს ხელისუფლებას, დაუყოვნებლივ გააძლიეროს მოლაპარაკებები ცხინვალის დე-ფაქტო რეჟიმთან, ასევე გამოიყენოს საერთაშორისო პოლიტიკური მექანიზმები გადაადგილების თავისუფლების დროულად აღსადგენად და სამედიცინო სერვისებზე ხელმისაწვდომობის გასაზრდელად. სრულად... წყარო: gyla.ge

თბილისი. „უფლებები საქართველოს“ იურისტებმა დღეს, 16 ოქტომბერს, შესაბამისი განცხადებით მიმართეს საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს და მოითხოვეს პროფესორი ტომას კრუსმანის საკარანტინო სივრციდან დაუყოვნებლივ გათავისუფლება. „მიუხედავად იმისა, რომ თბილისის საერთაშორისო აეროპორტში კრუსმანმა წარადგინა ბოლო 72 საათის განმავლობაში ჩატარებული PCR ტესტირების შედეგი, რომლითაც დასტურდებოდა, რომ პროფესორი კრუსმანი იყო სრულად ჯანმრთელი, სასაზღვრო პოლიციამ ტესტირების შედეგი ვადის დარღვევით წარმოდგენილად მიიჩნია. გარდა ამისა, მას არ მიეცა საშუალება, აეროპორტში, საკუთარი ხარჯებით ჩაეტარებინა განმეორებითი ტესტირება. პროფესორი კრუსმანისათვის არავის განუმარტებია მისთვის გასაგებ ენაზე რატომ არ იქნა მის მიერ წარმოდგენილი PCR ტესტირების შედეგი მიჩნეული რელევანტურად, მოაწერინეს ხელი დოკუმენტზე, რომელიც ასევე არ იყო მისთვის გასაგებ ენაზე ნათარგმნი და ისე გადაიყვანეს საკარანტინო სივრცეში, ოფიციალური განმარტება მას არ მიუღია“. სრულად... წყარო: ორგანიზაციის გვერდი სოციალურ ქსელში

თბილისი. რა გამოწვევების წინაშე აღმოჩნდნენ უცხო ქვეყნის მოქალაქეები კორონავირუსის გავრცელების შემდეგ ევროპასა და საქართველოში, და რამდენად ეფექტიანად უმკლავდებიან ქვეყნები პანდემიით გამოწვეულ პრობლემებს - ამის შესახებ, დღეს, სამოქალაქო საზოგადოების წარმომადგენელებმა ონლაინ შეხვედრაზე იმსჯელეს, რომელიც „უფლებები საქართველოს“ და მიგრაციის საერთაშორისო ორგანიზაციის IOM Georgia ორგანიზებით გაიმართა. სრულად... წყარო: ორგანიზაციის გვერდი სოციალურ ქსელში ჯანდაცვა