თბილისი. 2020 წლის მარტიდან ოქტომბრამდე კოვიდ-19 ინფექციის გავრცელების პრევენციისა და პანდემიით გამოწვეული შედეგების შემსუბუქების მიზნით ღია საზოგადოების ფონდმა საქართველოში 1.5 მილიონ აშშ დოლარამდე ოდენობის დაფინანსება გამოყო. „კოვიდ-19 შედეგებთან გამკლავებისთვის გაწეულმა მხარდაჭერამ რამდენიმე მიმართულება მოიცვა, მათ შორის მშრომელთა უფლებების დაცვა, სოციალურ-ეკონომიკურ დახმარებები, ჯანდაცვის ინსტიტუციების და სამედიცინო პერსონალის გაძლიერება, ეთნიკური უმცირესობების, შეზღუდული შესაძლებლობების მქონე პირების და რეგიონული მოსახლეობის ინფორმირება, უფასო სამართლებრივი და ფსიქოლოგიური სერვისები მოქალაქეებისთვის, მოსწავლეების ხელშეწყობა ონლაინ სწავლების პროცესში“, ნათქვამია ორგანიზაციის ანგარიშში. სრულად... წყარო: ორგანიზაციის გვერდი სოციალურ ქსელში

თბილისი. საქართველოს წითელი ჯვრის საზოგადოება ჰიპერმარკეტ გუდვილთან ერთად იწყებს კამპანიას სოციალურად დაუცველი მარტოხელა ხანდაზმულებისა და Covid-19 დადასტურებული სოციალურად დაუცველი ოჯახების მხარდასაჭერად. „დღეიდან ქავთარაძის გუდვილში მომხმარებლებს საშუალება ექნებათ შეიძინონ ნებისმიერი პროდუქტი საქართველოს წითელი ჯვრის მიერ შემუშავებული საჭიროებების სპეციალური სიიდან და მონაწილეობა მიიღონ ქველმოქმედებაში. საქველმოქმედო კამპანიას ეტაპობრივად შეურთდება გუდვილის სხვა ფილიალებიც“. სრულად... წყარო: ორგანიზაციის გვერდი სოციალურქ ქსელში

თბილისი. პარტნიორობა ადამიანის უფლებებისთვის აქვეყნებს შეზღუდული შესაძლებლობების მქონე დედების ისტორიის მეორე ნაწილს. „პირველი ტრავმა მშობიარობა იყო. 2007 წელს ვიმშობიარე. იდეალური ორსულობით, 6 თვემდე ვმუშაობდი. სასწრაფოს ექიმი ვიყავი. აყვანილი ექიმით, იდეალური, სწრაფი მშობიარობით მე-4 სამშობიაროში ვიმშობიარე. 2.900კგ გაჩნდა ახალშობილი. ექიმს ეჩქარებოდა და მისი დაუდევრობით მოწყვიტა მომყოლი და ატყდა ატომური სისხლდენა. 2 ლიტრი სისხლი დავკარგე. ჰემორაგიული შოკით გამიყვანეს საოპერაციოში და საშვილოსნო ამომიღეს. პირველი კლინიკური სიკვდილი საოპერაციო მაგიდაზე მქონდა. გარდა ამისა, კანის ღრმა შრეში ჩამიტოვეს კანის საკერავი ნემსი, რაც ცალკე საოპერაციო გახდა 9 თვის შემდეგ“, ამბობს ერთ-ერთი რესპონდენტი. სრულად... წყარო: phr.ge

თბილისი. პარტნიორობა ადამიანის უფლებებისთვის აქვეყნებს შეზღუდული შესაძლებლობის მქონე დედების ისტორიებს. „სახელმწიფოს აქვს ორსულებისთვის პროგრამა, მაგრამ მე ვერაფრით ვისარგებლე. გამოდის ორსული შშმ პირებისთვის არ არის პროგრამა - მე რომ მივედი კლინიკაში არსად არ გამიშვეს. მითხრეს, იარე აქ. ვუთხარი, ისეთ კლინიკაში გამიშვით, სადაც კიბეები მაინც არ იქნება-მეთქი. ხელით დამატარებდა მეუღლე, ფეხები მეჭიმებოდა, მერე მუცელიც. რისკებთან იყო დაკავშირებული. ამ ყველაფერზე სხვაგანაც მილაპარაკია, მაგრამ იშვიათი მოვლენა რომაა, არავის აინტერესებს. კიდევ კარგი, გამოკვლევების ფულიც მქონდა და ბავშვიც ჯანმრთელი გაჩნდა. ყელში ამომივიდა უკვე ამაზე საუბარი. რეაგირება მაინც არ მოჰყოლია და ჰუმანურობაც არავის გამოუჩენია“, ამბობს ერთ-ერთი რესპონდენტი. სრულად... წყარო: phr.ge

თბილისი. საქართველოს წითელი ჯვარი 30 ნოემბრიდან კვლავ იწყებს კამპანიას სოციალურად დაუცველი მარტოხელა ხანდაზმულებისა და Covid-19 დადასტურებული სოციალურად დაუცველი ოჯახების მხარდასაჭერად. „დღეიდან თბილისი მოლის კარფურის ფილიალის მომხმარებლებს საშუალება ექნებათ შეიძინონ ნებისმიერი პროდუქტი საქართველოს წითელი ჯვრის მიერ შემუშავებული საჭიროებების სპეციალური სიიდან და მონაწილეობა მიიღონ ქველმოქმედებაში. საქველმოქმედო კამპანიას ეტაპობრივად შეურთდება კარფურის სხვა ფილიალებიც“. სრულად... წყარო: ორგანიზაციის გვერდი სოციალურ ქსელში

თბილისი. ინფორმაციის თავისუფლების განვითარების ინსტიტუტი (IDFI) აქვეყნებს ანალიზს: ონკოლოგიური მკურნალობის ხელმისაწვდომობა საქართველოში. „ონკოლოგიური დაავადებები მსოფლიოში სიკვდილიანობის ერთ-ერთ მთავარ მიზეზს წარმოადგენს. მსგავსი დაავადებების მკურნალობა რთული და ხანგრძლივი პროცესია, რომელიც მნიშვნელოვან ფინანსურ რესურსს მოითხოვს. საქართველოს ჯანდაცვის მინისტრის განცხადებით დღეის მდგომარეობით საქართველოში აღრიცხულია 40 ათასამდე ონკოლოგიური დაავადების მქონე პაციენტი. ონკოლოგიური დაავადებების მკურნალობასთან დაკავშირებით ქვეყანაში მოქმედი სახელმწიფო პროგრამების ანალიზი აჩვენებს, რომ მოქალაქეებისათვის მსგავსი დაავადებების სრულფასოვანი მკურნალობის ხელმისაწვდომობა კვლავ მნიშვნელოვანი გამოწვევების წინაშეა“, ნათქვამია ორგანიზაციის ვებგვერდზე. სრულად... წყარო: idfi.ge

თბილისი. წამების მსხვერპლთა ფსიქოსოციალური და სამედიცინო რეაბილიტაციის ცენტრი (GCRT) და ადამიანის უფლებების სწავლებისა და მონიტორინგის ცენტრი (EMC) იწვევს პრაქტიკოს ექთნებს ვებინარზე: „სამედიცინო მუშაკის მედეგობა: თანაგრძნობით გადაღლის შეფასება და კეთილდღეობის შენარჩუნება COVID 19-ით შექმნილი გამოწვევების დროს“. შეხვედრის თარიღები: 30 ნოემბერი და 4 დეკემბერი, 14:00 სთ. შეარჩიეთ თქვენთვის სასურველი დრო და მონაწილეობისთვის დარეგისტრირდით მეილზე: info@gcrt.ge ან stabaghua@gcrt.ge  სრულად... წყარო: ორგანიზაციის გვერდი სოციალურ ქსელში

თბილისი. ეკონომიკური პოლიტიკის კვლევის ცენტრისა (EPRC) და USAID/Georgia-ის დემოკრატიული მმართველობის ინიციატივის (GGI Georgia) ერთობლივი პლატფორმის ფარგლებში, ექსპერტთა სამუშაო ჯგუფის მიმართვა ვრცელდება, კოვიდ 19-ის პანდემიასთან დაკავშირებით. „ცალსახაა, რომ დღეს სახელმწიფოს მხრიდან გატარებული ანტიეპიდემიური ღონისძიებები უკვე არასაკმარისია პანდემიის გავრცელების შესაკავებლად და იგი მნიშვნელოვან ცვლილებებს საჭიროებს. წინააღმდეგ შემთხვევაში, ქვეყანას დრამატულად რთული პერიოდი დაუდგება, რაც, შეუძლებელს გახდის არამარტო კორონავირუსის ეპიდემიის მართვას, არამედ უკიდურესად შეზღუდავს სხვა გადაუდებელ და გეგმიურ სამედიცინო სერვისებზე ხელმისაწვდომობას“, ნათქვამია განცხადებაში. სრულად... წყარო: ორგანიზაციის გვერდი სოციალურ ქსელში

თბილისი. საქართველოს წითელი ჯვრის საზოგადოება ასობით ადამიანის სიცოცხლის გადასარჩენად, ვირუსის ფართოდ გავრცელების პრევენციისათვის და მის სოციალურ შედეგებთან საბრძოლველად დახმარებას გთხოვთ. მოცემულ ბმულზე თქვენ შეძლებთ დონაციას და შედეგად, მხარს დაუჭერთ ორგანიზაციის ჰუმანიტარულ მისიას. სრულად... წყარო: ორგანიზაციის გვერდი სოციალურ ქსელში

თბილისი. ღირსეული შრომის პლატფორმა ეხმაურება თბილისის მეტროპოლიტენში განვითარებულ მოვლენებს სამუშაო ადგილზე „კოვიდ-19“-ით დაინფიცირების შემთხვევების საგრძნობლად გაზრდიდან გამომდინარე. „თბილისის მეტროპოლიტენის დამოუკიდებელი პროფკავშირის „ერთობა 2013-ის“ ინფორმაციით, „კოვიდ-19“-ით დაინფიცირებულია კომპანიაში დასაქმებული მეტროს ორივე ხაზზე მომუშავე 50 მემანქანე. ამასთანავე, დაინფიცირებულნი არიან მეტროპოლიტენში მომუშავე სხვა პოზიციებზე დასაქმებულებიც. ყოველივე ეს მეტროს გამართულ და უსაფრთხო მუშაობას აფერხებს. სექტემბრის თვეში, როდესაც ვირუსმა მნიშვნელოვნად დაიწყო გავრცელება, ,,ერთობა-2013"-ის გამგეობის წევრები შეხვდენენ სატრანსპორტო კომპანიის დირექციას, რომელსაც შესთავაზეს ვირუსთან დაკავშირებით ისეთი პრევენციული ღონისძიებების გატარება, რომელიც მეტროს შეუნარჩუნებდა მუშაობას მცირედი შეზღუდვებით და მგზავრებსა და თანამშრომლებს ინფიცირებისაგან მაქსიმალურად დაიცავდა. სამწუხაროდ, პროფკავშირის ინიციატივა არ იყო გათვალისწინებული, ხოლო ვირუსის გავრცელებამ მაღალ ნიშნულებს მიაღწია“, ნათქვამია განცხადებაში. სრულად... წყარო: gyla.ge

თბილისი. ევროკავშირმა საქართველოსთვის 100 მილიონი ევროს ოდენობის დახმარება გამოყო კოვიდ-19 პანდემიასთან გასამკლავებლად. აღნიშნული მხარდაჭერა ხელს შეუწყობს ქვეყნის მაკროფინანსურ სტაბილურობას, რათა მთავრობამ შეძლოს დაეხმაროს მოქალაქეებსა და კომპანიებს პანდემიით გამოწვეულ კრიზისთან გამკლავებაში. გაიგეთ მეტი მაკროფინანსური დახმარების პროგრამების შესახებ აქ... გაიგეთ მეტი საქართველოსთვის ევროკავშირის მხარდაჭერის შესახებ კოვიდ-19 პანდემიასთან გასამკლავებლად აქ... წყარო: ევროკავშირის გვერდი სოციალურ ქსელში

თბილისი. სახალხო დამცველმა „სოფლის ექიმის“ სახელმწიფო პროგრამის ფარგლებში მოსახლეობისათვის პირველადი ჯანდაცვის მომსახურებაზე ხელმისაწვდომობის მონიტორინგის საფუძველზე შედგენილი სპეციალური ანგარიში წარმოადგინა. „მონიტორინგისა და მოქმედი მარეგულირებელი აქტების გაანალიზების საფუძველზე გამოიკვეთა, რომ აუცილებელია გაიზარდოს სოფლად პირველადი ჯანდაცვის ხელმისაწვდომობა და ეფექტურობა“. სრულად... წყარო: ombudsman.ge

თბილისი. მითების დეტექტორის ინფორმაციის თანახმად, 17 ნოემბერს ფეისბუქ მომხმარებელმა ლაშა ჯანგიძემ გამოაქვეყნა (არქივი) Shorena Chkheidze-Toidze-ს კომენტარის სქრინი ერთ-ერთ პოსტსტზე, სადაც მომხმარებელი ირწმუნება, რომ მარტვილში გარდაცვლილი 31 წლის ქალის გარდაცვალების მიზეზი გრიპის ვაქცინა გახდა. „აღნიშნული კომენტარის თანახმად, გარდაცვლილმა გრიპის ვაქცინა პროფილაქტიკის მიზნით მას შემდეგ გაიკეთა, რაც მამამისს კორონავირუსი დაუდასტურდა, თავად ის კი კორონავირუსით დაავადებული არ ყოფილა; გრიპის ვაქცინის გაკეთებიდან რამდენიმე საათში კი მას დამბლა დაეცა და 3 დღეში კგარდაიცვალა. მარტვილში ახალაგაზრა ქალის გარდაცვალების მიზეზის შესახებ გავრცელებული ინფორმაცია მცდარია. მარტვილის საზოგადოებრივ ცენტრში განმარტეს, რომ 31 წლის ქალის გარდაცვალება კოვიდინფექციამ გამოიწვია, ხოლო გრიპის ვაქცინის აცრა მას რამდენიმე კვირით ადრე ჰქონდა ჩატარებული. NCDC-ში კი დააკონრეტეს, რომ ამ შემთხვევაში ვაქცინაციასა და სიკვდილს შორის გასული დრო მათ შორის რაიმე კავშირის არსებობას გამორიცხავს“. სრულად... წყარო: mythdetector.ge

თბილისი. ადამიანის უფლებების სწავლებისა და მონიტორინგის ცენტრი (EMC) აქვეყნებს ილია ზოსიმოვის ბლოგპოსტს: გზა დამოუკიდებელი ცხოვრებისკენ. „მე, ამ ბლოგის ავტორი, ილია ზოსიმოვი, ფსიქოსოციალური ნიშნით შშმ პირი ვარ. როდესაც ფსიქიკური ჯანმრთელობის პრობლემა შემექმნა, ვცხოვრობდი თბილისის ერთ-ერთი სათემო ორგანიზაციის საცხოვრისში და ვიყავი ილიას სახელმწიფო უნივერსიტეტის მეორე კურსის სტუდენტი. მიუხედავად დროული სამედიცინო ჩარევისა, ჩემი მდგომარეობა გამწვავდა, რის გამოც მომიწია უნივერსიტეტში სწავლის შეჩერება. ჯანმრთელობის მდგომარეობის გაუმჯობესების შემდეგ მომეცა იმედი, რომ კვლავ შევძლებდი აქტიურად ცხოვრებას. სწორედ ამიტომ გადავწყვიტე, ბედი პროფესიულ სასწავლებელში მეცადა, სადაც გავდიოდი ვებდეველოპერის კურსს. სწავლის დაწყებიდან მოკლე ხანში მომიწია კოლეჯის მიტოვება, რადგან სათემო ორგანიზაციაში ჩემი ცხოვრების ვადა ამოიწურა“.  სრულად... წყარო: emc.org.ge

თბილისი. მითების დეტექტორი აქვეყნებს ბლოგპოსტს: რამდენად საშიშია კოვიდ-19 სეზონურ გრიპთან შედარებით? „ფეისბუქ გვერდმა “მოძრაობა ძლევაი საკვირველი” კოვიდ-19-ის შესახებ ვიდეო გაავრცელა, რომელიც ცდილობს დაამტკიცოს, რომ სეზონური გრიპი კორონავირუსზე საშიშია. ვიდეოს ავტორი იმის დასამტკიცებლად, რომ ყოველწლიურად სეზონური გრიპი 60-ჯერ მეტ ადამიანს კლავს, ვიდრე კოვიდ-19, ევექსის ერთ-ერთ კლინიკაში „კავკასიის მედიცინის ცენტრში” საინფორმაციო პოსტერებზე განთავსებულ ინფორმაციას იმოწმებს. მტკიცება, თითქოს სეზონური გრიპის სიკვდილიანობის მაჩვენებელი კორონავირუსთან შედარებით 60-ჯერ მეტია, მცდარია. 17 ნოემბრის მონაცემებით, 2020 წელს კოვიდ-19-ით სეზონურ გრიპზე 3.1-ჯერ მეტი ადამიანი გარდაიცვალა. ვიდეოს ავტორი ევექსის ძველ პოსტერებს მანიპულაციურად იყენებს, რადგან ის პანდემიის საწყის ეტაპზე, მარტში არსებულ მდგომარეობას ასახავს და დღევანდელ ვითარებასთან შეუსაბამოა“, ნათქვამია ბლოგპოსტში. სრულად... წყარო: mythdetector.ge

თბილისი. საქართველოს საზოგადოებრივი ორგანიზაციების ნაწილი ეხმაურება ნამახვანი ჰესის მშენებლობის მოწინააღმდეგეთა აქციის საპოლიციო ძალის გამოყენებით დაშლას. „იმ ფონზე, როდესაც ადგილობრივ მოსახლეობას, საზოგადოებას და დარგის სპეციალისტებს არაერთი კრიტიკული დასკვნა და შეკითხვა აქვთ როგორც ჰესის მშენებლობის კანონიერების, ისე მისი უკიდურესად მაღალი ზეგავლენისა და რისკების შესახებ მასშტაბური ენერგეტიკული პროექტის მშენებლობა გაუმჭვირვალედ და ამ შეკითხვებისა და მოსაზრებების იგნორირებით, შეუფერხებლად მიმდინარეობს. ხელისუფლება ადგილობრივი მოსახლეობის წუხილებსა და მშვიდობიან პროტესტზე პასუხად რეპრესიულ მეთოდებს იყენებს და საპოლიციო ძალის მეშვეობით ცდილობს ადგილობრივების პროტესტის ჩახშობას, რითაც უხეშად არღვევს პროექტის ზეგავლენის ქვეშ მოქცეული მოსახლეობის ფუნდამენტურ უფლებებს“, ნათქვამია ორგანიზაციის გვერდზე სოციალურ ქსელში. სრულად... წყარო: gyla.ge

თბილისი. 2020 წლის 7 მაისს და 12 ივნისს სახალხო დამცველის მოადგილემ და სპეციალური პრევენციული ჯგუფის წევრებმა შპს „ფსიქიკური ჯანმრთელობის და ნარკომანიის პრევენციის ცენტრში“ საგანგებო ვიზიტები განახორციელეს. „ვიზიტების მიზანი დაწესებულების მიერ ახალი კორონავირუსის გავრცელების პრევენციის კუთხით გატარებული ზომებისა და პაციენტის უფლებებზე მათი გავლენის შესწავლა იყო. კორონავირუსის გავრცელების პრევენციისათვის დაწესებულებამ გარკვეული ღონისძიებები გაატარა. თუმცა, ფსიქიატრიულ დაწესებულებებში COVID 19-ის პირობებში კლინიკური მდგომარეობის მართვის სახელმწიფო სტანდარტის დამტკიცების შემდეგაც კი, დაწესებულებას სრულად არ ჰქონდა დანერგილი სტანდარტით გათვალისწინებული რიგი რეკომენდაციები“, ნათქვამია ომბუდსმენის ვებგვერდზე. სრულად... წყარო: ombudsman.ge

თბილისი. ეკონომიკური პოლიტიკის კვლევის ცენტრმა (EPRC) USAID/Georgia-ის დემოკრატიული მმართველობის ინიციატივის (GGI Georgia) ფარგლებში მოამზადა კვლევა: Covid 19-ის ეპიდემია - არის თუ არა რეაქცია საფრთხის შესაბამისი. არის თუ არა ლოქდაუნი გამოსავალი? დაიცვა თუ არა შემზღუდავმა ზომებმა ქვეყნები ეპიდემიისგან? რა შედეგები მოიტანა მკაცრი ჩაკეტვის პოლიტიკამ ჯანდაცვის და ეკონომიკის მიმართულებით? ამ კითხვებზე პასუხებს პუბლიკაციაში ამოიკითხავთ... წყარო: ორგანიზაციის გვერდი სოციალურ ქსელში

თბილისი. მითების დეტექტორი სოციალურ ქსელში კოვიდ 19-ის დიაგნოსტირებასთან დაკავშირებით გავრცელებული წინააღმდეგობრივი ინფორმაციების გასაქარწყლებლად, გთავაზობთ ილიას სახელმწიფო უნივერსიტეტის ასოცირებული პროფესორის, ეკოლოგიის ინსტიტუტის მოლეკულურ-გენეტიკური ლაბორატორიის მენეჯერის მარი მურცხველაძის სამეცნიერო ბლოგპოსტს. „მსოფლიო ჯანდაცვის ორგანიზაციის რეკომენდაციით, ადამიანის ორგანიზმში კოვიდინფექციის დასადასტურებლად გამოიყენება PCR მეთოდი. ამ დროს ტესტირების მომენტში SARS-CoV-2-ის არსებობას ადგენენ. მეთოდი ემყარება შებრუნებულ ტრანსკრიფციულ ჯაჭვური პოლიმერაზას რეაქციას (RT-PCR). PCR ტესტი მიიჩნევა ძალიან ზუსტ მეთოდათ და ამ დროს ცრუ დადებითი შემთხვევები თითქმის არ ფიქსირდება. ტესტირების არასწორი შედეგი, შესაძლოა, გამოწვეული იყოს ნაცხის არასწორი აღებით, ტრანსპორტირების და ნიმუშის შენახვის პირობების დარღვევით, მკვლევარის მიერ დაშვებული შეცდომით. ამიტომ, ამ შეცდომების გამოსარიცხად, პაციენტის ავადმყოფობის ისტორიის და ეპიდემიულოგიური მონაცემების საფუძველზე ზოგჯერ ტესტს განმეორებით ატარებენ“. სრულად... წყარო: www.mythdetector.ge

თბილისი. მითების დეტექტორის მასალის თანახმად, 9 ნოემბერს, ანტი-ვაქსერმა აქტივისტმა შორე შანიძემ თავის ფეისბუქ გვერდზე კორონავირუსის ტესტების შესახებ პოსტი გამოაქვეყნა. „პოსტის თანახმად, კორონავირუსის გამოვლენა შესაძლებელია არა მხოლოდ PCR ტესტით, არამედ სისხლის ანალიზით და ტესტირების ამ მეთოდს ბევრ ქვეყანაში იყენებენ. ავტორის მტკიცებით, საქართველოში ადამიანებს საშუალებას არ აძლევენ, კორონავირუსის გამოსავლენად, PCR ტესტის ნაცვლად სისხლის ანლიზი გაიკეთონ, რაც ამ ტესტების სანდოობასთან დაკავშირებით კითხვებს აჩენს.  აღნიშნული პოსტი კორონავირუსის ტესტირების მეთოდების შესახებ დეზინფორმაციას ავრცელებს. სისხლის ნიმუშის საშუალებით დგინდება აქვს თუ არა ორგანიზმს გადატანილი ვირუსი, თუმცა ინფორმაციას ტესტირების მომენტში ადამიანის ინფიცირების შესახებ ის არ იძლევა, ხოლო PCR ტესტი მიმდინარე ინფექციას მაღალი სიზუსტით აჩვენებს“, ნათქვამია მითების დეტექორის ბლოგპოსტში. სრულად... წყარო: www.mythdetector.ge

შიდა ქართლი. მეგობრობის ხიდი ქართლოსი პროექტის „საქართველოში ოჯახში ძალადობის პრევენციისა და მოძალადეთათვის თერაპიული დახმარების გაწევის“ ფარგლებში, ჯანდაცვის მუშაკებთან საინფორმაციო შეხვედრებს მართავს. „გორის მედიქალ ცენტრის მედპერსონალს და სკრის ამბულატორიის ოჯახის ექიმებს გავაცანით გზამკვლევი ოჯახში ძალდობის წინააღმდეგ, რომელიც ჯანდაცვის მუშაკების არის შექმნილი“.  სრულად... წყარო: ორგანიზაციის გვერდი სოციალურ ქსელში

თბილისი. მითების დეტექტორი აქვეყნებს ბლოგპოსტს: გვიცავს თუ არა პირბადეები კორონავირუსით დაინფიცირებისგან. News Front Georgia-ს მიერ გამოქვეყნებული სტატია FB მომხმარებლის პოსტს ეყრდნობა და შეიცავს ისეთ კონსპირაციებსა და დეზინფორმაციას, როგორიცაა: კოვიდ 19 გრიპისმაგვარი ვირუსია და მსოფლიო პანდემია მოსახლეობის შესამცირებლად დაგეგმილი ხელოვნური პროცესია. „რეალურად: 1) პირბადეების ტარება მნიშვნელოვნად ამცირებს ვირუსის გადადების რისკებს; 2) კოვიდ 19 გრიპის ვირუსის მსგავსი არ არის და ის ბევრად მწვავე ინფექციაა; 3) მტკიცება, თითქოს პანდემია მოსახლეობის შემცირებას ემსახურება მტკიცებულებების გარეშეა და კონსპირაციის თეორიაა“. სრულად... წყარო: www.mythdetector.ge