თბილისი. ადამიანის უფლებების სწავლებისა და მონიტორინგის ცენტრი (EMC) ეხმაურება მედიაში გასულ ინფორმაციას, დეკანოზ გიორგი მამალაძის ჯანმრთელობის მდგომარეობისა და დაგეგმილი სამედიცინო კვლევების შესახებ. „EMC - მ, როგორც მამალაძის ინტერესების დამცველმა ორგანიზაციამ მაისი-სექტემბრის პერიოდში არაერთხელ მიმართა სასჯელაღსრულებას დაწესებულებას და ითხოვა გიორგი მამალაძისთვის, მისი მძიმე ჯანმრთელობის მდგომარეობიდან გამომდინარე, საჭირო კვლევების ჩატარებას და შემდგომი მკურნალობის დაგეგმვას. თუმცა დაწესებულება მხოლოდ სექტემბერში დაეთანხმა ჩვენს მოთხოვნას. შესაბამისად, გიორგი მამალაძის ჯანმრთელობის მდგომარეობის სრული გამოკვლევა სამოქალაქო პროფილის კლინიკაში 15 ოქტომბერს იგეგმება და განისაზღვრება დეკანოზის მკურნალობის ტაქტიკაც“, ნათქვამია ორგანიზაციის ვებგვერდზე. სრულად... წყარო: emc.org.ge

თბილისი. სექტემბერში USAID-ისა და IFRC-ის მხარდაჭრით კოვიდ 19-ზე რეაგირების საქმიანობების ფარგლებში, საქართველოს წითელი ჯვრის ჯანდაცვის თანამშრომლებმა ჩაატარეს ონლაინ ტრენინგი თემაზე „COVID19 დაინფიცირებული ან მისი სიმპტომების მქონე პირის მოვლა სახლის პირობებში“. ტრენინგის მიზანს იყო თანამშრომლების და მოხალისეებისთვის წითელი ჯვრის ჯანდაცვის გუნდის მიერ ქვეყანაში არსებული პროტოკოლების და საერთაშორისო რეკომენდაციების საფუძველზე შემუშავებული ახალი მოდულის გაცნობა და მათი ცოდნის ამაღლება სახლის პირობებში COVID-19 დაინფიცირებული ან მისი სიმპტომების მქონე პირის მოვლის შესახებ. სრულად... წყარო: ორგანიზაციის გვერდი სოციალურ ქსელში

თბილისი. სექტემბერში USAID-ის მხარდაჭრით COVID-19-ზე რეაგირების საქმიანობების ფარგლებში, საქართველოს წითელი ჯვრის საზოგადოების 33 ფილიალში ჩატარდა NCDC-თან შეთანხმებით შემუშავებული ტრენინგები ადგილობრივი თანამშრომლებისა და მოხალისეებისთვის. ტრენინგის მიზანი იყო მოხალისეთა ცოდნის განახლება და გაღრმავება კოვიდ-19-ის ნიშნების, გადაცემის გზების, პრევენციის და პირადი უსაფრთხოების საშუალებების სწორად გამოყენების, ასევე სოციალური სტიგმის და რისკ-კომუნიკაციის ძირითადი გზავნილების შესახებ. სრულად... წყარო: ორგანიზაციის გვერდი სოციალურ ქსელში

თბილისი. მითების დეტექტორის ლაბორატორიის რეგიონული ქსელის წევრმა მარიამ თოფჩიშვილმა ჯგუფში „შევაჩეროთ 5G საქართველოში“ კორონავირუსზე გავრცელებულ ტყუილებსა და მანიპულაციებს მოუყარა თავი. სრულად... წყარო: www.mythdetector.ge

თბილისი. განვითარებისა და დემოკრატიის ცენტრის (CDD) სადამკვირვებლო მისიის ხელმძღვანელის მოადგილემ - პაატა ყვავაძემ მონაწილეობა მიიღო ცენტრალური საარჩევნო კომისიის (ცესკო) ინიციატივით შექმნილ რიგით მესამე სპეციალური სამუშაო ჯგუფის მუშაობაში. შეხვედრის განმავლობაში მსჯელობა მიმდინარეობდა საკარანტინო ზონებში მყოფი საქართველოს მოქალაქეების, ასევე სტაციონარულ სამკურნალო დაწესებულებებში მოთავსებული Covid–19-ით ინფიცირებული პირების ხმის მიცემისა და არჩევნებში მონაწილეობის საკითხებზე. სრულად... წყარო: ორგანიზაციის გვერდი სოციალურ ქსელში

თბილისი. ადამიანის უფლებების სწავლებისა და მონიტორინგის ცენტრი (EMC) Covid 19-ის პენდემიის კონტექსტში, ადამიანის უფლებებთან და დემოკრატიასთან დაკავშირებით გამოვლენილ ყველაზე მწვავე პრობლემებს და მათთან მიმართებით ორგანიზაციის მიერ განხორციელებულ საქმიანობებს ანგარიშში მიმოიხილავს. სრულად... წყარო: emc.org.ge

თბილისი. მითების დეტექტორის ინფორმაციით, 2020 წლის 3 ოქტომბერს Tvalsazrisi ge-მ გამოაქვეყნა ინტერვიუ თერაპევტ და ასტროფსიქოლოგ ნონა აღდგომელაშვილთან, სათაურით: „უნდა იცოდეთ, პირბადეს გააჩნია კატეგორიული უკუჩვენებები! – ექიმ ნონა აღდგომელაშვილის განგაში“. მასალაში რესპონდენტი საუბრობს პირბადის გამოყენების უარყოფით მხარეებზე და აღნიშნავს, რომ პირბადეს ადამიანის ნახშიროჟანგით ინტოქსიკაცია შეუძლია. მისივე თქმით, ნიღბები ეფექტიანობას მხოლოდ სტერილურ გარემოში ინარჩუნებს და არა მაგალითად, საზოგადოებრივ ტრანსპორტში. „მტკიცება, რომ პირბადეს შეუძლია ადამიანის ნახშიროჟანგით ინტოქსიკაცია ან მისი გამოყენება ეფექტიანი მხოლოდ სტერილურ გარემოშია, არ შეესაბამება სიმართლეს. ჯანდაცვის მსოფლიო ორგანიზაციის თანახმად, რეკომენდაციების სრული დაცვითა და სიზუსტით გამოყენებული პირბადე ვირუსისგან თავდაცვის ერთ-ერთი ეფექტიანი საშუალებაა და მას გავრცელების პრევენციაში მნიშვნელოვანი ადგილი უჭირავს“, ნათქვამია ბლოგპოსტში. სრულად... წყარო: www.mythdetector.ge

აჭარა. საქართველოს წითელი ჯვრის საზოგადოების ბათუმის ფილიალმა სათნოების სახლ „სავანეს“ სასურსათო და ჰიგიენური ამანათები გადასცა. საქართველოს წითელი ჯვრის საზოგადოება აღნიშნულ დახმარებას ახორციელებს აშშ-ის საერთაშორისო განვითარების სააგენტოსა (USAID) და წითელი ჯვრისა და წითელი ნახევარმთვარის საზოგადოებათა საერთაშორისო ფედერაციის მხარდაჭერით. სრულად... წყარო: ორგანიზაციის გვერდი სოციალურ ქსელში

აჭარა. საქართველოს წითელი ჯვრის საზოგადოებისა და ახალგაზრდობის რეგიონული ცენტრის ერთობლივი პროექტის ,,ახალგაზრდა მოხალისე’’ ფარგლებში 30 სექტემბერს გადამზადდა 15 მოხალისე, რომლებიც პროექტში 1 ოქტომბრიდან ჩაერთვებიან და გადანაწილდებიან სხვადასხვა ლოკაციაზე. სრულად... წყარო: ორგანიზაციის გვერდი სოციალურ ქსელში

თბილისი. 23 სექტემბერს საქართველოს სახალხო დამცველის აპარატმა ადამიანის უფლებათა ეროვნული ინსტიტუტების ევროპული ქსელთან (ENNHRI) თანამშრომლობით ონლაინ ვებინარი გამართა თემაზე „შშმ პირთა უფლებების დაცვის მონიტორინგი ახალი კორონა ვირუსის პანდემიის პირობებში“. ღონისძიება მიეძღვნა პანდემიისადმი ერთ-ერთი ყველაზე მოწყვლადი ჯგუფის, შშმ პირთა განთავსების ადგილებში მონიტორინგის საუკეთესო პრაქტიკის გამოვლენასა და ამ მიმართულებით გამოცდილების გაზიარებას. სრულად... წყარო: ombudsman.ge

თბილისი. ადამიანის უფლებათა ცენტრმა წარმატებით დაასრულა კიდევ ერთი ადმინისტრაციული საქმის წარმოება, რომელიც პანდემიის გავრცელების პირობებში სახელმწიფოს მხრიდან უსამართლოდ დაჯარიმებულ მოქალაქეს შეეხებოდა. პირმა კომენდანტის საათი გადაუდებელი აუცილებლობის გამო დაარღვია, რაც მისი მცირეწლოვანი შვილის ჯანმრთელობის მდგომარეობას უკავშირდებოდა. ორგანიზაციის იურისტების მიერ გაწეული სამართლებრივი დახმარების შედეგად, მოქალაქე ვ.წ-ს გაუუქმდა 3000 ლარიანი საჯარიმო ქვითარი. სრულად... წყარო: www.humanrights.ge

თბილისი. მითების დეტექტორი აქვეყნებს ბლოგპოსტს: ნიშნავს თუ არა შვედური მოდელი კორონავირუსის უარყოფას? „გავრცელებული ინფორმაცია, თითქოს შვედეთის ეპიდემიის მართვის მიდგომა (ნაკლები რეგულაციები), იმით არის განპირობებული, რომ კოვიდ-19 ჩვეულებრივი ვირუსია, რაც შვედეთის ყოფილმა ჯანდაცვის მინისტრმაც განაცხდა, მცდარია. სინამდვილეში, 1. ინტერვიუში წარმოდგენილი რესპოდენტი არა შვედეთის ყოფილი ჯანდაცვის მინისტრი, არამედ შვედი ინჟინერი და ყოფილი ბიზნესმენი ლარს ბერნია. 2. კოვიდ-19-თან გამკლავების შვედური მოდელი ჯანდაცვის სისტემის მართვის განსხვავებულ მიდგომებს ითვალისწინებს და არა პანდემიის უარყოფას“, ნათქვამია მასალაში. სრულად... წყარო: www.mythdetector.ge

თბილისი. ჯანდაცვის მსოფლიო ორგანიზაციის ინფორმაციით, 1 ოქტომბერი ხანდაზმულთა საერთაშორისო დღეა. კოვიდ 19-ის პირობებში, კარანტინში, ხანდაზმულებისთვის განსაკუთრებით რთულია კომუნიცირება. შეინარჩუნეთ მათთან ურთიერთობა ტელეფონით, სოციალური მედიის მეშვეობით, აგრძნობინეთ თავი დაცულად და უსაფრთხოდ. სრულად... წყარო: ორგანიზაციის გვერდი სოციალურ ქსელში

კახეთი. საქართველოს წითელი ჯვრის სიღნაღის ფილიალის მოხალისეებმა, ქალაქ წნორში მცხოვრებ ხანდაზმულ მოქალაქეებს COVID-19-თან დაკავშირებული საინფორმაციო ბუკლეტები გადასცეს. მოხალისეებმა ადგილობრივებს გააცნეს ვირუსის პრევენციის მეთოდები და მოუწოდეს, რომ მოერიდონ ხალხმრავლობას. სრულად... წყარო: ორგანიზაციის გვერდი სოციალურ ქსელში

თბილისი. პარტნიორობა ადამიანის უფლებებისთვის (PHR) ინფორმაციით, 14 წლის ლუკა ფსიქიატრიული საავამდყოფოს სასამართლოს დღევანდელი გადაწყვეტილების შემდეგ დატოვებს, ვინაიდან ამ გადაწყვეტილებით სასამართლომ ლუკას სიცოცხლის და უსაფრთხოების დაცვა მთავრობისთვის პრიორიტეტად აქცია. „ლუკა, 14 წლის ბავშვი, ფსიქიატრიულ საავადმყოფოში 2020 წლის 28 აგვისტოდან იმყოფება. ლუკას გამოკეტვის ერთადერთი მიზეზი საავადმყოფოს გარეთ, თემში, ადეკვატური სერვისის არქონა გახდა. ამ სარეაბილიტაციო სერვისის გარეშე ლუკას ოჯახი ვერ იცავდა ბავშვის უსაფრთხოებას და სიცოცხლეს, შესაბამისად, იძულებული გახდა, სასწრაფო დახმარება გამოეძახა მის გადასარჩენად, რომელმაც იგი ფსიქიატრიულ საავადმყოფოში გადაიყვანა, ვინაიდან არ მოიძებნა მისთვის სხვა ალტერნატიული სერვისი მთელ საქართველოში“. სრულად... წყარო: phr.ge

ქვემო ქართლი. საქართველოს წითელი ჯვრის საზოგადოებისა და გაეროს მოსახლეობის ფონდის (UNFPA) საქართველოს ოფისის პარტნიორობით, გრძელდება სოციალურ-ეკონომიკური რეაგირება COVID-19-თან დაკავშირებულ გამოწვევებზე. კერძოდ, ხანდაზმულთა მხარდაჭერა პრევენციული ღონისძიებების, ხანდაზმულთა ჯანმრთელობის და დაცვის ხელშეწყობით. პროექტის ფარგლებში საქართველოს წითელი ჯვრის საზოგადოებისა და გაეროს მოსახლეობის ფონდის (UNFPA) საქართველოს ოფისის წარმომადგენლები ბოლნისს ეწვივნენ. სრულად... წყარო: ორგანიზაციის გვერდი სოციალურ ქსელში

იმერეთი. ადგილობრივი დემოკრატიის სააგენტო საქართველომ, პროექტ "სამოქალაქო საზოგადოების განვითარების ინიციატივის" ფარგლებში, საჩხერის მუნიციპალიტეტის არასამთავრობო ორგანიზაციებთან ურთიერთობაზე პასუხისმგებელ პირებთან და მუნიციპალიტეტის სხვა საჯარო მოხელეებთან შეხვედრა გამართა. შეხვედრაზე საუბარი შეეხო, COVID19-ის შედეგად მიღებულ გამოწვევებს და საკითხებს, რომელი მიმართულებითაც მნიშვნელოვანია სამოქალაქო საზოგადოებრივმა ორგანიზაციებმა გააგრძელონ აქტიური მუშაობა. აღნიშნული პროექტი ხორციელდება კონრად ადენაუერის ფონდის (KAS) მიერ სამოქალაქო საზოგადოების ინსტიტუტთან (CSI), ტრენინგის და კონსულტაციის ცენტრთან (CTC), საქართველოს სტრატეგიული კვლევის და განვითარების ცენტრთან (CSRDG) და განათლების განვითარების და დასაქმების ცენტრთან (EDEC) პარტნიორობით. სრულად... წყარო: ორგანიზაციის გვერდი სოციალურ ქსელში

თბილისი. 23 სექტემბერს, სახალხო დამცველის აპარატის დასავლეთ საქართველოს სამმართველოს გაეროს ბავშვთა ფონდის წარმომადგენელი საქართველოში (UNICEF) ღასან ხალილი ეწვია და სამმართველო წარმომადგენლებს მადონა ბასილაძეს და თამთა ჩეჩელაშვილს შეხვდა. "შეხვედრაზე შეაფასეს დასავლეთ საქართველოს რეგიონებში ბავშვთა უფლებრივი მდგომარეობა და სახალხო დამცველის როლი პანდემიის (COVID-19) პირობებში. განსაკურებული ყურადღება გაამახვილეს ბავშვთა განათლების ხელმისაწვდომობის უფლებზე და იმ გამოწვევებზე, რაც დისტანციური სწავლების დროს გამოიკვეთა. ისაუბრეს ბავშვთა მიმართ ოჯახში ძალადობის გახშირებულ ფაქტებზე, ბავშვთა სიღარიბესა და ოჯახების მძიმე სოციალურ პირობებზე და ამ მიმართულებით რეგიონებში არსებულ ვითარებაზე", ნათქვამია ომბუდსმენის ვებგვერდზე. სრულად... წყარო: ombudsman.ge

თბილისი. საერთაშორისო გამჭვირვალობა - საქართველოს ინფორმაციით, ოკუპირებულ აფხაზეთში, სამედიცინო დაწესებულებების ნაწილი კორონავირუსთან ბრძოლისთვის საჭირო სამედიცინო აღჭურვილობის დეფიციტს განიცდის. მათ შორის ერთ-ერთი საბერიოს სამედიცინო დაწესებულებაა, რომელსაც ორგანიზაციამ საჩუქრად გადასცა სამედიცინო ხალათები და ხელთათმანები.  "ოკუპირებულ აფხაზეთში ცალკეულ სამედიცინო დაწესებულებებს სამედიცინო ინვენტარი და ვირუსისგან დამცავი აღჭურვილობა პანდემის დაწყების შემდგომ რამდენჯერმე გადავეცით. ვიმედოვნებთ, რომ საქართველოს მოსახლეობა, მათ შორის ოკუპირებულ ტერიტორიაზე მცხოვრები ჩვენი თანამოქალაქეები, წარმატებით გავუმკლავდებით კორონავირუსთან ბრძოლის პროცესს", ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

თბილისი. 27 სექტემბერს EMC მარნეულის მუნიციპალიტეტის სოფელ ალგეთში ადგილობრივი მოსახლეობისთვის უფასო სამართლებრივი და სამედიცინო დახმარების შეხვედრებს გამართავს. სამართლებრივი და სამედიცინო კონსულტაციებისთვის საჭიროა წინასწარი ჩაწერა. დარეკეთ ნომერზე - 591620212 სრულად...  წყარო: გვერდი სოციალურ ქსელში

თბილისი. მეტადონის პროგრამაში ცვლილებების შეტანასთან დაკავშირებით, საზოგადოებრივი ორგანიზაციები განცხადებას ავრცელებენ. „ხელმომწერი ორგანიზაციები კრიტიკულად ვაფასებთ ნარკომანიის ჩანაცვლებითი პროგრამის მკურნალობის წესში შეტანილ ცვლილებებს. ახალი რეგულაციით, პროგრამის ბენეფიციარებს წაერთვათ უფლება, ეპიდემიის, პანდემიის, ან ეპიდემიოლოგიური აფეთქების დროს წინასწარ მიეღოთ მათი მკურნალობისათვის საჭირო ნივთიერების მაქსიმუმ 5 დღის ულუფა. ამგვარი მიდგომა უარყოფითად აისახება ჩანაცვლებითი პროგრამის ბენეფიციარების უფლებრივ და სოციალურ მდგომარეობაზე და სერიოზულ საფრთხეს უქმნის მათ ჯანმრთელობას“, - ვკითხულობთ განცხადებაში. სრულად...  წყარო: emc.org.ge

ადამიანის უფლებათა ცენტრმა, პროექტის „ადამიანის უფლებათა მონიტორინგი და ადვოკატირება პანდემიის შემდეგ“ გასვლითი ვიზიტები გამართა იმერეთის, და ქვემო ქართლის რეგიონებში.  პროექტის იურისტები ამ რეგიონებში შეხვდნენ ადგილობრივ მოქალაქეებს და გაესაუბრნენ პროექტის ფარგლებში გათვალისწინებული უფასო იურიდიული დახმარების თემებზე.  სრულად...   წყარო: გვერდი სოციალურ ქსელში