თბილისი. 16 აპრილს CISV-საქართველოს ოფისში ჩატარდა ტრენინგი სიქას ახალგაზრდა ტრენერების მიერ. ტრენინგის თემა იყო რეპროდუქციული ჯანმრთელობა. ფასილიტატორებმა სხვადასხვა მეთოდის გამოყენებით წარუდგინეს ინფორმაცია მონაწილეებს.  ჯგუფი, რომელიც 22 წევრისგან შედგებოდა 3 საათის განმავლობაში აქტიურად იყო ჩართული ტრენინგის პროცესში. წყარო:ორგანიზაციის გვერდი სოციალურ ქსელში

თბილისი.15 აპრილს სახალხო უნივერსიტეტთა გერმანული ასოციაციის, dvv international -ის პროექტის ფარგლებში - „დისკუსიები სამუშაო დღის შემდეგ", გაიმართა დისკუსია „საყოველთაო ჯანდაცვის პროგრამა: მოლოდინები და რეალობა". პროექტის მიზანია საზოგადოების სამოქალაქო თვითშეგნების ამაღლება და აქტიური სამოქალაქო პოზიციის ჩამოყალიბება. 2013 წლიდან პროექტის პარტნიორია ინფორმაციის თავისუფლების განვითარების ინსტიტუტი (IDFI). შეხვედრაზე განხილულ იქნა მიმდინარე სადაზღვევო პოლიტიკა, მისი რისკები და შედეგები, სადაზღვევო სექტორში არსებული პრობლემები. დისკუსიას დაესწრნენ სადაზღვევო კომპანიებისა და სამედიცინო დაწესებულებების წარმომადგენლები, სადაზღვევო პაკეტის ბენეფიციარები, ექიმები, სტუდენტები, არასამთვრობო ორგანიზაციის წარმომადგენლები და სხვა დაინტერესებული საზოგადოება. წყარო: idfi.ge

გურია. ჯანმრთელობის დაცვის საერთაშორისო დღის აღსანიშნავად,  „ახალგაზრდა პედაგოგთა კავშირის" ბაზაზე არსებული ახალგაზრდული ცენტრის წევრებმა აქცია მოაწყვეს. აქციის მიზანი იყო, გაემახვილებინათ საზოგადოების ყურადღება ქვეყანაში ბავშვთა ჯანმრთელობის დაცვის კუთხით არსებულ პრობლემებზე. სახელმწიფოს პასუხისმგებლობაზე ბავშვთა უფლებების დაცვის მიმართულებით.

იმერეთი. 5 აპრილს ჯანმრთელობის მსოფლიო დღის კვირეულის ფარგლებში ქუთაისის ახალგაზრდული ცენტრის წევრებმა ქალაქის მასშტაბით საინფორმაციო კამპანია ჩაატარეს სახელწოდებით „კარგი ჯანმრთლეობა მატებს წლებს სიცოცხლეს", აქციაში მონაწილოება 34 წევრმა მიიღო. საინფორმციო კამპანიის მიზანს წარმოადგენდა მოსახლეობის ცნობიერების ამაღლება ჯანდაცვის საკითხებზე, ცხოვრების ჯანსაღი წესის პოპულარიზაცია და მოსახლეობის ინფორმირება ჯანდაცვის მსოფლიო დღესთან დაკავშირებით. ახალგაზრდებმა მოსახლეობას ცხოვრების ჯანსაღი წესის პრინციპების, ვირისული დაავადებების, თამბაქოს მავნებლობის, აივ ინფექცია/შიდისის და ნარკომანიის საკითხებზე მომაზადებული პოსტერები და ბროშურები დაურიგეს. საინფორმაციო კამპანია ორგანიზებული იქნა „საქართველოში ეროვნული ინტეგრაციის გაძლიერების" პროექტის (ANI) ფარგლებში, რომელიც ხორციელდება საქართველოს გაეროს ასოციაციის (UNAG) მიერ, აშშ-ს საერთაშორისო განვითარების სააგენტოს (USAID) მხარდაჭერით. წყარო: ორგანიზაციის გვერდი სოციალურ ქსელში

გორის. ახალციხის, თელავის, ოზურგეთის, ბათუმის, ქუთაისის და ზუგდიდის ახალგაზრდული ცენტრები „ჯანმრთელობის მსოფლიო დღესთან" დაკავშირებით სხვადასხვა ახალგაზრდულ სათემო აქტივობებს ახორციელებენ. ყველა აქტივობა ასახავს "ჯანმრთელობის მსოფლიო დღის" 2013 წლის პრიორიტეტულ თემას არტერიულ ჰიპერტენზიას! წყარო: ბათუმის ახალგაზრდული ცენტრის გვერდი სოციალურ ქსელში

იმერეთი. 4 აპრილს ქუთაისის ახალგაზრდულმა ცენტრმა ჰიპერტენზიის კვირეულს ფარგებში დისკუსია მოაწყო. „აიცილე თავიდან ინფაქტი და ინსულტი-აკონტროლე წნევა" –ეს გახლდათ დისკუსიის მთავარი ლოზუნგი. შეხვედრის მიზანს წარმოადგენდა ახალგაზრდების ცნობიერების ამაღლება საზოგადოებრივი ჯანდაცვის საკითხებზე. ექიმ-სპეციალისტებმა ახალგაზრდებს გააცვნეს ჯანდაცვის მსოფლიო ორგანიზაციის მონაცემები ჰიპერტენზიის საკითხებზე, რომლის მიხედვით ყოველწლიურად ჰიპერტენზიით 1,5 მილიარდი ადამიანი ავადდება და 7 მილიონი კვდება. ჯანმრთელობის მსოფლიო ორგანიზაციის მონაცემებით საქართველო იმყოფება მსოფლიოს იმ 5 ქვეყანას შორის, რომელთა მოსახლეობაშიც აღინიშნება არტერიული წნევის ყველაზე მაღალი ციფრები. დისკუსია ორგანიზებული იქნა „საქართველოში ეროვნული ინტეგრაციის გაძლიერების პროექტის" (ANI) ფარგლებში, რომელიც ხორციელდება საქართველოს გაეროს ასოციაციის (UNAG) მიერ, აშშ-ს საერთაშორისო განვითარების სააგენტოს (USAID) მხარდაჭერით. წყარო: ორგანიზაციის გვერდი სოციალურ ქსელში

აჭარა. 3 აპრილს, აჭარის ჯანმრთელობისა და სოციალური დაცვის სამინისტროს სხდომათა დარბაზში გაიმართა აჭარის  ჯანმრთელობისა და სოციალური დაცვის სამინისტროს 2014 წლის პრიორიტეტების დოკუმენტის განხილვა. შ ეხვედრაზე მოწვეული იყვნენ უმაღლესი საბჭოს ჯანმრთელობისა და სოციალური დაცვის საკითხთა კომისიის თავმჯდომარე და აჭარაში მოქმედი არასამთავრობო ორგანიზაციების წარმომადგენლები. შეხვედრის მიზანად ისახავდა ჯანმრთელობისა და სოციალურ სფეროში არსებული პრობლემების საჯარო განხილვას და მათი გადაჭრის გზების შემუშავების მიზნით სამინისტროსა და მის სისტემაში შემავალი დაწესებულებების 2014 წლისათვის პროგრამების, ქვეპროგრამებისა და ღონისძიებების მოსამზადებელ ეტაპზე საზოგადოების ჩართულობის უზრუნველყოფას. შეხვედრა კითხვა - პასუხის რეჟიმში გაიმართა. გეგმის თანახმად მომავალ წელს ბიუჯეტის ზრდასთან ერთად იზრდება აჭარის ჯანმრთელობისა და სოციალური დაცვის სამინისტროს, საზოგადოებრივი ჯანდაცვის ცენტრის და დასაქმების სააგენტოს მიზნობრივი პროგრამების რაოდენობა.

თბილისი. ორგანიზაცია „მერცესის" ორგანიზებით ექთნებისთვის სასწავლო სემინარების ციკლი ხორციელდება, რომელიც ზურგის ტვინის დაზიანების მქონე პაციენტების მოვლას ეხება. თბილისის ოთხი წამყვანი კლინიკიდან სემინარში მონაწილეობს სამედიცინო მომსახურების 40-მა თანამშრომელი. კურსი უტარდება 4 ჯგუფს. ლექციებს ატარებენ ყოფილი პაციენტები და პროფესიონალი ექიმები, რომლებიც  მონაწილეებს აცნობენ საერთაშორისო სტანდარტებს და თანამედროვე მიდგომებს ზურგის ტვინის დაზიანების მქონე პაციენტების მდგომარეობის მართვაზე, აწვდიან თეორიულ მასალას და უზიარებენ პრაქტიკულ გამოცდილებას. სასწავლო პროცესი 11 მარტს დაიწყო და 1 თვეს გაგრძელდება. ორგანიზაცია „მერცესი" საკვირაო კლუბის ჩამოყალიბებასაც გეგმავს,  სადაც შეიკრიბებიან ხერხემლის დაზიანების მქონე პაციენტები და მათი ოჯახის წევრები,  დაგეგმავენ სხვადასხვა სამოქალაქო ინიციატივებს, ერთმანეთს გაუზიარებენ პირად გამოცდილებას და მონაწილეობას მიიღებენ ჯგუფურ თერაპიებში.  წყარო:osgf.ge

აჭარა. 28 მარტს, ბათუმის დემოკრატიული ჩართულობის ცენტრში, ახალგაზრდული ორგანიზაცია "არტ ვეის" ორგანიზებით Art Way Club-ის წევრებს და სხვა დაინტერესებულ ახალგაზრდებს ტრენიგი ჩაუტარდათ, თემაზე: "რეპროდუქციული ჯანმრთელობა ახალგაზრდებში". ტრენინგი თავის მხრივ მოიცავდა რეპროდუქციულ ჯანმრთელობასთან დაკავშირებულ რისკებზე, სგგ ინფექციების სახეებისა და მათი გამოვლენების საშუალებებზე საუბარს, ასევე ტრენინგის მონაწილეებმა განიხილეს  ადამიანის რეპროდუქციული უფლებები და რეალური შემთხვევები. აღნიშნული ტრენინგი წარმოადგენდა "ახალგაზრდული ხმების" პროექტის – "რეპროდუქციული ჯანმრთელობა"–ს  მესამე ეტაპს, რომელიც საქართველოს სხვადასხვა რეგიონში აღნიშნულ თემაზე ინფორმაციის გავრცელებას გულისხმობდა.  

თბილისი. ლ.საყვარელიძის სახელობის დაავადებათა კონტროლისა დასაზოგადოებრივი ჯანმრთელობის ეროვნულმა ცენტრმა საქართველოს შრომის, ჯანმრთელობისა და სოციალური დაცვის სამინისტროსთან ერთად 29 მარტს დაგეგმილ ღონისძიებებთან დაკავშირებით პრესკონფერენცია გამართა.  29 მარტს, საქართველოში ჯანმრთელობის  სამინისტროსა და არასამთავრობო ორგანიზაციების ინიციატივით აღინიშნება – ,,საქართველო თამბაქოს გარეშე" და იგი ეძღვნება თამბაქოსაგან თავისუფალი გარემოს მნიშვნელობის შესახებ საზოგადოების ცნობიერების ამაღლებას. 2013 წლის 29 მარტს ღონისძიებები გაიმართა სლოგანით: ორსულობა და თამბაქო. პრესკონფერენციის შემდეგ საჯარო ლექციები გაიმართა საჯარო და კერძო სკოლებში. წყარო:ორგანიზაციის გვერდი სოციალურ ქსელში

კახეთი. თელავში „სამოქალაქო დასაქმებისა და განვითარების ცენტრმა" საჯარო  სკოლის მოსწავლეებთან ერთად ტუბერკულოზის წინააღმდეგ აქცია გამართა. აქციის ფარგლებში მონაწილეებმა ქალაქის სამ ადგილას: მოედანზე, აგრარულ ბაზართან დასახელმწიფო უნივერსიტეტთან, საინფორმაციო ფლაერები დაარიგეს, სადაც მითითებულია ინფორმაცია ტუბერკულოზის თავიდან აცილებისა და მისი მკურნალობის შესახებ.

კახეთი. თელავის დემოკრატიული ჩართულობის ცენტრში „საქართველოს საზოგადოებრივი ინტერესების დაცვის ასოციაციამ" პროექტის „ბავშვთა დაცვა უპირველესი საზრუნავია” ფარგლებში შეხვედრა გამართა.  ეკა ონიკაძე, „საქართველოს საზოგადოებრივი ინტერესების დაცვის ასოციაციის" წარმომადგენლის ეკა ონიკაძის თქმით, „პროექტი ითვალისწინებს  ბავშვთა ხელმისაწვდომობის გაზრდას ქვეყანაში მოქმედ სოციალურ და სამედიცინო დაზღვევის სახელმწიფო პროგრამებში. შეხვედრაზე ყურადღება გავამახვილეთ სახელმწიფოს სადაზღვევო პროგრამებზე. სადაზღვევო კომპანიებს, რომლებსაც ბავშვები ჰყავთ დაზღვეული, უკვე მიმართა რამდენიმე ოჯახმა პრეტენზიით, რადგან მათი რეგისტრაციის ადგილი არ ემთხვეოდა საცხოვრებელ ადგილს და ვერ სარგებლობდნენ ამბულატორიული დახმარებით”. პროექტი დაფინანსებულია აღმოსავლეთ-დასავლეთის მართვის ინსტიტუტის (EVMI) „საჯარო პოლიტიკის, ადვოკატირებისა და სამოქალაქო საზოგადოების განვითარება საქართველოში’’ (G-PAC) პროგრამის,  მოქალაქეთა ადვოკატირების გრანტების ფარგლებში.

თბილისი. 25 – 26 მარტს, „ექსპო ჯორჯიაში" ჩატარდა კონფერენცია „ზიანის შემცირება - უფლებები, ჯანმრთელობა, ჩართულობა".კონფერენცია მიეძღვნა რამდენიმე ძირითად თემას: როგორი ნარკოპოლიტიკა უნდა შეიმუშავოს ქვეყანამ, რა ზიანი შეიძლება მოიტანოს ნარკოტიკების მოხმარებამ ჯანმრთელობის და სოციალური თვალსაზრისით და რა გზები არსებობს მის შესამცირებლად. კონფერენციამ მოიცვა თემატურ სესიები: C ჰეპატიტზე, ზედოზირებაზე, აივ-სა და ტუბერკულოზზე, ნარკოტიკების მომხმარებელთა თემის მობილიზაციაზე, ქალ მომხმარებლებზე და ა.შ. ოფიციალური პროგრამის პარალელურად ქალ მომხმარებელთა ნამუშევრების გამოფენა-გაყიდვა და აქცია პერფორმანსი - „იპოვე გამოსავალი" – მოეწყო. წყარო:ასოციაცია „ქსენონის" გვერდი სოციალურ ქსელში

თბილისი. დაავადებათა კონტროლისა და საზოგადოებრივი ჯანმრთელობის ეროვნული ცენტრის ორგანიზებით ტუბერკულოზთან ბრძოლის საერთაშორისო დღესთან დაკავშირებით საინფორმაციო აქცია გაიმართა. აქციის მიზანს დაავადებაზე მოსახლეობის ცოდნის დონის ამაღლება წარმოადგენდა. აქცია ხალხმრავალ ადგილებში ჩატარდა და მოსახლეობას საგანმანათლებლო ფლაერები დაურიგდა. წყარო:ორგანიზაციის გვერდი სოციალურ ქსელში

თბილისი. აშშ საერთაშორისო განვითარების სააგენტოს ტუბერკულოზის პრევენციის პროექტის ორგანიზებით ტუბერკულოზის მსოფლიო დღისადმი მიძღვნილი კონფერენცია გაიმართა. შეხვედრაზეს დაესწრნენ ტუბერკულოზის სფეროში მომუშავე სამთავრობო და არასამთავრობო ორგანიზაციების წარმომადგენლები. ღონისძიებაზე ტუბერკულოზის ეროვნული პროგრამის მიღწევებისა და გამოწვევების შესახებ მოხსენებით გამოვიდნენ ტუბერკულოზისა და ფილტვის დაავადებათა ეროვნული ცენტრის, დაავადებათა კონტროლისა და საზოგადოებრივი ჯანმრთელობის ეროვნული ცენტრის, საქართველოს სასჯელაღსრულების, პრობაციისა და იურიდიული დახმარების საკითხთა სამინისტროსა და აშშ ტუბერკულოზის პრევენციის პროექტის ხელმძღვანელები. წყარო:ორგანიზაციის გვერდი სოციალურ ქსელში

სამეგრელო.სადაზღვევო პოლისებით მოსარგებლე პაციენტების სამედიცინო მომსახურების ხარისხზე ისაუბრეს, 21 მარტს, ზუგდიდის საკრებულოს სხდომათა დარბაზში, არასამთავრობო ორგანიზაციების და სამედიცინო დაწესებულებების წარმომადგენლებმა. შეხვედრის ორგანიზატორმა, არასამთავრობო ორგანიზაცია „ჰანგის" ხელმძღვანელმა რუსლან საჯაიამ განაცხადა, რომ მისი ორგანიზაციის მიერ გამოკითხული პაციენტების ის ნაწილი, რომლებიც სადაზღვევო პოლისებით სარგებლობენ სამედიცინო მომსახურების ხარისხით უკმაყოფილონი არიან. „პაციენტები ამბობენ, რომ  სამედიცინო დაწესებულებებში მათ პრობლემებს უქმნიან. ხშირ შემთხვევაში ეს სამედიცინო პერსონალის დაბნეულობით აიხსნება. გარდა ამისა, სამედიცინო დაწესებულებებსა და სადაზღვევო კომპანიებს შორის არ არის კარგი კომუნიკაცია, რის გამოც საბოლოდ პაციენტი ზარალდება",– განაცხადა რუსლან საჯაიამ მისივე თქმით, არასმთავრობო ორგანიზაცია მომავალ შეხვედრას სადაზღვევო კომპანიების წამრომადგენლებთან გამართავს. ასოციაცია „ჰანგი" სადაზღვევო პოლისებით მოსარგებლე პაციენტთა ადვოკატირების პროექტს 2012 წლის მაისიდან ახორციელებს ჩეხური ორგანიზაციის „ადამიანი გაჭირვებაში" მხარდაჭერით.

თბილისი. „საერთაშორისო გამჭვირვალობა – საქართველომ"  საყოველთაო ჯანმრთელობის დაცვის სახელმწიფო პროგრამასთან დაკავშირებით პრობლემები და რეკომენტაციები გამოაქვეყნა. საყოველთაო ჯანმრთელობის დაცვის პროგრამა ორ მიმდინარე სახელმწიფო სადაზღვევო პროგრამას დაემატა და მოქალაქეთა მასობრივ დაზღვევას გულისხმობს. რა არის პოზიტიური საყოველთაო ჯანმრთელობის დაცვის პროგრამაში?  რა არის პრობლემატური საყოველთაო ჯანმრთელობის დაცვის პროგრამაში?  რა არის პროგრამის მართვასთან დაკავშირებული გამოწვევები? ამ კითხვებს ორგანიზაციის მიერ გამოქვეყნებული ბლოგპოსტი პასუხობს.  სრულად წყარო:ორგანიზაციის გვერდი სოციალურ ქსელში

თბილისი. ფონდ „ღია საზოგადოება საქართველოს" მხარდაჭერით „ფსიქიატრიულ დაწესებულებებში არსებული მდგომარეობის ანგარიშის პრეზენტაცია" გაიმართა. პრეზენტაცია საქართველოს ფსიქიატრიული დაწესებულებების მონიტორინგის პრევენციის ეროვნული მექანიზმის ფარგლებში  ჩატარდა. მონიტორინგის მიზანს წარმოადგენდა ფსიქიატრიულ დაწესებულებებში არსებული პირობების, მკურნალობისა და მოვლის მეთოდების შესაბამისობის შეფასება საქართველოს კანონმდებლობით დადგენილ წესებთან და საერთაშორისო სტანდარტებთან. მონიტორინგის ძირითადი აქცენტები იყო პაციენტების მიმართ მოპყრობის შეფასება, ფიზიკური შეზღუდვის პროცედურის კანონთან შესაბამისობაში გამოყენების შემოწმება.  ანგარიშის პრეზენტაციას დაესწრენ საქართველოს მთავრობისა და პარლამენტის,  საერთაშორისო და არასამთავრობო ორგანიზაციების წარმომადგენლები, ასევე ფსიქიატრიული დაწესებულებების ხელმძღვანელი პირები. ანგარიში წყარო: ombudsman.ge

აჭარა. 22-24 თებერვალს, მსოფლიო ბანკის მოხალისეთა ჯგუფმა „ახალგაზრდული ხმები – საქართველომ"  საქართველოში ახალგაზრდულ თემატიკაზე მომუშავე საზოგადოებრივი ორგანიზაციებისთვის ტრენინგი გამართა. სადაც სამი დღის განმავლობაში საზოგადოებივ ორგანიზაციებს კომპეტენტური ტრენერი უტარებდა ტრენინგს ისეთ აქტუალურ საკითხზე, როგორიცაა: „რეპროდუქციული ჯანმრთელობა ახალგაზრდებში". ტრენინგის მიზანს წარმოადგენდა ახალგაზრდებში რეპროდუქციული ჯანმრთელობის შესახებ ცნობიერების ამაღლება, ინფორმაციის გავრცელება და ხელმისაწვდომობის უზრუნველყოფა, ასევე საზოგადოების მიმღებლობის ზრდა რეპროდუქციული ჯანმრთელობის აქტუალურ საკითხების ღიად განხილვის მიმართ. 

თბილისი. ფონდი „ღია საზოგადოება–საქართველოს" აღმასრულებელმა დირექტორმა, ქეთი ხუციშვილმა და სასჯელაღსრულების, პრობაციისა და იურიდიული დახმარების საკითხთა მინისტრმა სოზარ სუბარმა  სასჯელაღსრულების სისტემაში ჰეპატიტი „C"-ს პრევენციის, დიაგნოსტიკისა და მკურნალობის პროგრამის შემუშავების თაობაზე ერთობლივი განცხადება გააკეთეს.  ფონდი „ღია საზოგადოება–საქართველოს" მხარდაჭერით კონკურსის საფუძველზე შეირჩევა სამი ექსპერტი, რომლებიც პროგრამის დოკუმენტზე მუშაობას მარტის ბოლოს შეუდგებიან. პროგრამული დოკუმენტი განსაზღვრავს თუ რამდენი მსჯავრდებულის მკურნალობა მოხდება წლის განმავლობაში, რა კრიტერიუმების საფუძველზე შეირჩევიან პაციენტები, რა სქემებით ჩაუტარდებათ მათ მკურნალობა და რა ფინანსური რესურსი იქნება საჭირო. ექსპერტების შექმნილ დოკუმენტს განიხილავენ საზოგადოებრივი ჯანდაცვის თემაზე მომუშავე არასამთავრობო ორგანიზაციები და ექსპერტები, რის შემდეგაც ის წარედგინება მთავრობას და დონორ ორგანიზაციებს დასაფინანსებლად. წყარო: osgf.ge

თბილისი. 22 თებერვალს ფონდ „ღია საზოგადოება საქართველოს" ოფისში სასჯელაღსრულების, პრობაციისა და იურიდიული დახმარების საკითხთა მინისტრი სოზარ სუბარი და ფონდის აღმასრულებელი დირექტორი ქეთევან ხუციშვილი ერთობლივ განცხადებას გააკეთებენ. განცხადება მიეძღვნება სასჯელაღსრულების სისტემაში ჰეპატიტი „C" პრევენციის, დიაგნოსტიკისა და მკურნალობის პროგრამის შემუშავებას. ფონდის მიერ კონკურსის საფუძველზე შერჩეული სამი ექსპერტი პროგრამაზე მუშაობას მარტის ბოლოს დაიწყებს. ღონისძიება გაიმართება ფონდ „ღია საზოგადოება საქართველოს" ოფისში, 14:00 საათზე წყარო:osgf.ge

აჭარა. 4 თებერვალს, „ბათუმის ახალგაზრდულმა ცენტრმა" კიბოსთან ბრძოლის მსოფლიო დღესთან დაკავშირებით ბათუმის ქუჩებში მსვლელობა მოაწყო.  6 მაისის პარკიდან  პრეს–კაფემდე მოზარდებმა სპეციალურად შექმნილი გულსაბნევები დაარიგეს. 2012 წლის ნოემბერში ასოცოაცია „თავისუფალ ჟურნალისტთა სახლის" ბაზაზე ჩამოყალიბდა „ბათუმის ახალგაზრდული ცენტრი". ღონისძიება გაიმართა „ეროვნული ინტეგრაციის გაძლიერება საქართველოში" პროექტის ფარგლებში, რომელსაც ახორციელებს საქართველოს გაეროს ასოციაცია, აშშ–ს საერთაშორისო განვითარების სააგენტოს (USAID) ფინანსური მხარდაჭერით.