თბილისი. საქართველოს სახალხო დამცველმა საზოგადოებას ე.წ. „ციანიდის საქმის" მონიტორინგის ძირითადი შედეგები გააცნო. სახალხო დამცველის შეფასებით, იმის მიუხედავად, რომ თბილისის საქალაქო სასამართლოს მოსამართლემ სასამართლო სხდომები არსებითი საპროცესო ხარვეზების გარეშე წარმართა, შეუძლებელი გახდა გამოძიების პროცესში დაშვებული დარღვევების გამოსწორება, რამაც გადამწყვეტი გავლენა მოახდინა სასამართლოს საბოლოო გადაწყვეტილებაზე. სრულად  წყარო: ორგანიზაციის ვებგვერდი

თბილისი. ორგანიზაცია „პარტნიორობა ადამიანის უფლებებისთვის" აქვეყნებს მასალას არასრულწლოვანის უფლების შესახებ, თავად მიმართოს სასამართლოს. პუბლიკაციაში განხილულია ისეთი საკითხები, როგორიცაა: რა როლი აქვს ინდივიდს სახელმწიფოში, რისთვისაა საჭირო ბავშვზე მორგებული მართლმსაჯულება, რატომაა პრობლემატური არასრულწლოვანის მიერ სასამართლოსთვის დამოუკიდებლად მიმართვა და სხვა. სრულად  წყარო: ორგანიზაციის ვებგვერდი

თბილისი. „ადამიანის უფლებების სწავლებისა და მონიტორინგის ცენტრი" (EMC) დაბა ხარაგაულში მცხოვრები ამირან კვირიკაშვილის თვითმკვლელობის შემთხვევას და ამ საქმეზე მიმდინარე გამოძიებას ეხმაურება. გარდაცვლილი ამირან კვირიკაშვილის ოჯახის ინტერესებს გამოძიების პროცესში EMC-ის წარმომადგენლები იცავენ. „ამირან კვირიკაშვილის თვითმკვლელობის შემთხვევა თავისი კონტექსტით ძალიან ჰგავს დემურ სტურუას თვითმკვლელობის საქმეს. ორივე შემთხვევა ნათლად აჩვენებს საპოლიციო რეპრესიის სისტემის მუშაობას პერიფერიებში ყველაზე დაუცველი ადამიანების მიმართ, რომელთა მინიმალური საარსებო პირობების უქონლობას, ეკონომიკურ სიდუხჭირეს, განათლების უფლებაზე ხელმიუწვდომლობას სამართალდამცავი სისტემა ბოროტად იყენებს. ამ პირობებში პოლიციის რეპრესიული პოლიტიკა, თანამშრომლობის იძულება, მუქარა და დაშინება განსაკუთრებით მძიმე ტვირთად ყველაზე მოწყვლად ოჯახებს აწვება. სტურუასა და კვირიკაშვილის საქმეებში პოლიციის მუშაობის ერთგვაროვანი ხელწერა, ასევე პოლიციის მხრიდან ძალადობის სხვა ფაქტების ანალიზი, ცხადად მიანიშნებს პოლიციაში არსებულ სისტემურ პრობლემაზე...," ნათქვამია ორგანიზაციის განცხადებაში. სრულად... წყარო: emc.org.ge

თბილისი. 11-12 ნოემბერს, საერთო სასამართლოს მოსამართლეთათვის საკორპორაციო სამართალში სწავლება გაიმართა. „სწავლება იუსტიციის უმაღლესს სკოლაში ახლად დანერგილი სასწავლო კურსის ნაწილია და სამ ეტაპს მოიცავს. სასწავლო კურსი შემუშავდა და დაინერგა ევროკავშირის მიერ დაფინანსებული პროექტის „კერძო და ადმინისტრაციული სამართლის სისტემების განვითარების ხელშეწყობა საქართველოში" და USAID-ის მიერ დაფინანსებული პროექტის „კანონის უზენაესობის მხარდაჭერა საქართველოში" (PROLoG) მხარდაჭერით, რაც ასევე ითვალისწინებდა სასწავლო მოდულის შექმნასა და ტრენერების (მოსამართლეების) მომზადებას. სწავლება წარმართეს ტრენერთა ტრენინგში მონაწილე მოსამართლეებმა და ექსპერტმა, რომლებმაც მონაწილეობა მიიღეს სწავლების მოდულისა შემუშავებასა და კურსის დანერგვაში", ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

შიდა ქართლი. საქართველოს ახალგაზრდა იურისტთა ასოციაცია ხაშურში მომხდარი ინციდენტის სრულყოფილ გამოძიებას ითხოვს. „ჩვენს ხელთ არსებული ინფორმაციით, „ქართული ოცნების" მხარდამჭერებმა, რომლებიც მანქანებით გადაადგილდებოდნენ ქალაქში, მაშხალები ესროლეს რამაზ ნოზაძის ოფისს. აღნიშნული ფაქტის შემდეგ, ოფისიდან გამოვიდნენ რამაზ ნოზაძის მხარდამჭერები, ადგილი ჰქონდა ფიზიკურ დაპირისპირებას, რა დროსაც, მსუბუქად დაშავდნენ მერობის დამოუკიდებელი კანდიდატის მხარდამჭერები, სულ 3 ადამიანი, მათ შორის 1 ახალგაზრდა ქალი. დამოუკიდებელი კანდიდატის შტაბის ინფორმაციით, ინციდენტში ქართული ოცნების მხრიდან მონაწილეობდა ხაშურის თვითმმართველობაში დასაქმებული რამდენიმე საჯარო მოხელე", - ნათქვამია ორგანიზაციის მიერ გავრცელებულ განცხადებაში. სრულად  წყარო: ორგანიზაციის ვებგვერდი

თბილისი. საქართველოს ახალგაზრდა იურისტთა ასოციაცია (საია) მიიჩნევს, რომ ამირან კვირიკაშვილის გარდაცვალების ფაქტზე გამოძიებას არაუფლებამოსილი ორგანო აწარმოებს. „მოვუწოდებთ საქართველოს შინაგან საქმეთა სამინისტროსა და პროკურატურას, რომ დაიცვან როგორც საქართველოს კანონმდებლობის მოთხოვნები, ასევე ადამიანის უფლებათა ევროპული სასამართლოს მიერ დადგენილი სტანდარტები და ამირან კვირიკაშვილის თვითმკვლელობამდე მიყვანის საქმეზე დაწყებული გამოძიება დაუყოვნებლივ გადაეცეს საქართველოს პროკურატურას. ამასთან, პროკურატურამ უნდა უზრუნველყოს საქმის ყოველმხრივი, სწრაფი და ობიექტური გამოძიება და როგორც გარდაცვლილის ოჯახის წევრების, ასევე საზოგადოების ინფორმირება გამოძიების მიმდინარეობისა და შედეგების თაობაზე", ნათქვამია ორგანიზაციის ვებგვერდზე. სრულად... წყარო: gyla.ge

თბილისი. 9-10 ნოემბერს, ევროკავშირის პროექტის ფარგლებში გაიმართა ტრენინგის მეორე ეტაპი „ევროკავშირის სამართალთან დაახლოება: სახელმძღვანელო/გზამკვლევი საქართველოს კანონმდებლობის დაახლოება ევროკავშირის სამართალთან". „ტრენინგის მიზანია, საქართველოს იუსტიციის სამინისტროს ევროკავშირის სამართლის დეპარტამენტის თანამშრომლებმა კოლეგებს, საქართველოს პარლამენტის, სამინისტროებისა და სხვა საჯარო უწყებების თანამშრომლებს გააცნონ სახელმძღვანელო/გზამკვლევი და ის ერთიანი მიდგომები, რაც ასახულია ნაშრომში. სახელმძღვანელო/გზამკვლევი შემუშავდა იუსტიციის სამინისტროს მიერ ევროკავშირის სამართალთან ეროვნული კანონმდებლობის ჰარმონიზაციის პროცესის ხელშეწყობის მიზნით. ტრენინგს წინ უსწრებდა მოსამზადებელი პერიოდი, რაც გულისხმობდა ევროკავშირის სამართლის დეპარტამენტის თანამშრომლების კვალიფიკაციის ამაღლებას ამ მიმართულებით (ToT)", ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

თბილისი. საქართველოს ახალგაზრდა იურისტთა ასოციაცია აქვეყნებს ბლოგპოსტს: „რას პასუხობს სახელმწიფო, პოლიციის კონტროლის ქვეშ გარდაცვლილის ოჯახს?!" „კადრების არ არსებობის გადაფარვის მიზნით განვითარდა მოსაზრება, რომ პოლიციის თანამშრომელი არ არის ვალდებული მოქალაქესთან ურთიერთობის დროს ჩართოს ვიდეო კამერა. სანამ რთული ფორმულირებით შეუდგებით ამოცანის ამოხსნას, მარტივად დავსვათ რიტორიკული შეკითხვა: რა მიზანს ემსახურება კანონმდებლობაში განხორციელებული ცვლილება, რომლითაც საპატრულო ეკიპაჟი აღიჭურვა ვიდეო ტექნიკით?! ზედმეტი განმარტებების გარეშე ნათელია, რომ პოლიციის თანამშრომელს, რომელიც წარმოადგენს ინციდენტის მონაწილე ერთ-ერთ მხარეს ჭირდება, რომ საკუთარი პოზიცია გაამყაროს უტყუარი მტკიცებულებით, თუნდაც ისეთით როგორიც არის ვიდეო თვალის მიერ გადაღებული კადრები", ნათქვამია ორგანიზაციის ვებგვერდზე. სრულად... წყარო: gyla.ge

თბილისი. საქართველოს ახლაგაზრდა იურისტთა ასოციაცია (საია) მოითხოვე ცვლილებები - ახალ პროექტს - „I-CHANGE პორტალის შესახებ საზოგადოებაში ცნობიერების ამაღლების და განათლების კამპანიას" იწყებს. „პროექტის მიზანია საზოგადოებას გააცნოს პეტიციების ახალი პორტალი, რომლის მეშვეობით საქართველოს მოქალაქეები შეძლებენ წარადგინონ პეტიცია საქართველოს მთავრობის სახელზე და მოითხოვონ ცვლილებები. მოქალაქეს უფლება ექნება ონლაინ პეტიციის საშუალებით, მოითხოვოს რეაგირება მთავრობისგან, იმ საკითხებზე, რომლებიც მათ აწუხებთ და რომლის გადაჭრა მთავრობის კომპეტენციას განეკუთვნება. პეტიციაში დაყენებულ საკითხს, მთავრობა განიხილავს, თუ ის ერთ თვეში 10 000 ხელმოწერას დააგროვებს", ნათქვამია ორგანიზაციის ვებგვერდზე. სრულად... წყარო: gyla.ge

თბილისი. ადამიანის უფლებების სწავლებისა და მონიტორინგის ცენტრი (EMC)აქვეყნებს პოსტს: აქვს თუ არა პოლიციელს ფოტოგადაღების უფლება და რა უნდა ვიცოდეთ ამ შემთხვევაში? „პირის შეჩერება და მისთვის ფოტოს გადაღება საპოლიციო საქმიანობის ერთ-ერთი ფორმაა. თუმცა, მნიშვნელოვანია ვიცოდეთ რა დროს და რა ფორმებით შეუძლია პოლიციას ამ მექანიზმის გამოყენება", ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

თბილისი. კავშირი „საფარი" აქვეყნებს ბლოგპოსტს, რომლის თანახმადაც პარლამენტის ადამიანის უფლებათა დაცვისა და სამოქალაქო ინტეგრაციის კომიტეტმა ერთხმად მიიღო განსახილველად პეტიცია სექსუალური შევიწროების აკრძალვის მოთხოვნით. „ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარემ, სოფიო კილაძემ კოლეგებს გააცნო პეტიციის არსი, რომელიც ითვალისწინებს მოთხოვნას პარლამენტმა მიიღოს საკანონმდებლო ცვლილებები შრომის კოდექსში და ადმინისტრაციულ სამართალდარღვევათა კოდექსში, რათა სექსუალური შევიწროვება აიკრძალოს, როგორც დასაქმების ადგილზე, ისე საჯარო სივრცეში და მსგავსი ქმედება გახდეს დასჯადი”, ნათქვამია ორგანიზაციის ვებგვერდზე. სრულად... წყარო: parliament.ge

თბილისი. 8 ნოემბერს სასტუმრო „ბილტმორი თბილისი" უმასპინძლებს კონფერენციას - „ნარკოპოლიტიკის რეფორმა საქართველოში", რომელიც ნარკოპოლიტიკის ეროვნული პლატფორმისა და საქართველოს პარლამენტის ჯანმრთელობის დაცვისა და სოციალურ საკითხთა კომიტეტის ორგანიზებით იმართება. ქართული ნარკოპოლიტიკის რეფორმის მიმდინარეობის შეფასებას კონფერენციაზე ხელისუფლების წარმომადგენლები და სამოქალაქო საზოგადოების წევრები გააკეთებენ, საერთაშორისო ექსპერტები კი, ამ მიმართულებით სხვა ქვეყნების გამოცდილებას წარმოადგენენ. სრულად  წყარო: ორგანიზაციის ვებგვერდი

თბილისი. ორგანიზაციამ „პარტნიორობა ადამიანის უფლებებისთვის" განათლებისა და მეცნიერების სამინისტროს კერძო სკოლაში დისკრიმინაციის ფაქტის აღმოსაფხვრელად წერილობით მიმართა. „როგორც ორგანიზაციას „პარტნიორობა ადამიანის უფლებებისთვის" განათლებისა და მეცნიერების სამინისტრომ 10 ოქტომბერს აცნობა – „დაწყებულია ზოგადსაგანმანათლებლო დაწესებულების ავტორიზაციის ახალი დებულების შემუშავება. აღნიშნული დოკუმენტის სამუშაო ვერსიაში განსაზღვრულია კერძო სკოლებში ბავშვის უფლებადარღვევის ფაქტებზე რეაგირების მექანიზმი. ასევე, სკოლებს მოეთხოვებათ, კონკრეტულად გაწერონ ბავშვის მიმართ ძალადობის მოკვლევის პროცესის მიზნები, ფუნქციები და პროცედურები", ნათქვამია ორგანიზაციის ვებგვერდზე. სრულად... წყარო: phrgeorgia.wordpress.com

თბილისი. კონფერენცია მიზნად ისახავს განრიდების და მედიაციის პროგრამის შედეგების მიმოხილვას და აღდგენითი მართლმსაჯულების კონცეფციის სისხლის სამართლის პროცესში დანერგვას. „ღონისძიება ევროკავშირის სასამართლოს მხარდაჭერის პროექტის მხარდაჭერით საქართველოში აღდგენითი მართლმსაჯულების დღეების ფარგლებში იმართება. არასრულწლოვანთა მართლმსაჯულების კოდექსის ამოქმედების შემდეგ პროკურორი ვალდებულია, პირველ რიგში, განიხილოს განრიდების შესაძლებლობა და მხოლოდ უარყოფითი გადაწყვეტილების შემთხვევაში დაიწყოს სისხლისსამართლებრივი დევნა", ნათქვამია ორგანიზაციის ვებგვერდზე. სრულად... წყარო: unicef.ge

თბილისი. "სამართლიანი არჩევნებისა და დემოკრატიის საერთაშორისო საზოგადოება" (ISFED) ადგილობრივი არჩევნების დროს წარმოქმნილი საჩივრების განხილვის პროცესს აფასებს. როგორც ორგანიზაციის მიერ გავრცელებულ ინფორმაციაში ვკითხულობთ, ამ დროისთვის დამუშავებული შუალედური მონაცემებით, 21 ოქტომბრის ადგილობრივი თვითმმართველობის არჩევნების კენჭისყრის დღის, ხმის დათვლის პროცესისა და არჩევნების შემდგომ პერიოდში დაფიქსირებულ დარღვევებთან დაკავშირებით, საოლქო საარჩევნო კომისიებში 194 საჩივარი წარადგინა. აქედან 42 საჩივარი დაკმაყოფილდა, 30 ნაწილობრივ დაკმაყოფილდა, 80 არ დაკმაყოფილდა და 6 საჩივარი განუხილველად იქნა დატოვებული. საჩივრები, რომლითაც მოთხოვნილია კომისიის წევრებისთვის ადმინსიტრაციული პასუხისმგებლობის დაკისრება ჯერ ისევ განხილვის ეტაპზეა. სრულად  წყარო: ორგანიზაციის ვებგვერდი

თბილისი. „საერთაშორისო გამჭვირვალობა – საქართველოს" იურისტის თეონა ზაქარაშვილის დახმარებით, მოქალაქე დავით ცირამუამ 4 წლიანი სასამართლო დავა მოუგო ვეტერანთა სახელმწიფო სამსახურს. „სააპელაციო სასამართლომ დავით ცირამუას სამსახურიდან განთავისუფლების ბრძანება ბათილად ცნო, უწყებას მისი ტოლფას თანამდებობაზე აღდგენა და განაცდური ხელფასის სრულად ანაზღაურება დაავალა - ამ დროისათვის ეს თანხა დაახლოებით 100 000 ლარს შეადგენს", ნათქვამია ორგანიზაციის ვებგვერდზე. სრულად... წყარო: ორგანიზაციის ვებგვერდი სოციალურ ქსელში

აჭარა. 2017 წლის 1 ნოემბერს საკონსტიტუციო სასამართლომ დაიწყო საია-ს საკონსტიტუციო სარჩელის არსებითი განხილვა, რომელიც წარდგენილია დავით მალანიას სახელით. საია ასაჩივრებს ადმინისტრაციულ სამართალდარღვევათა კოდექსის იმ ნორმებს, რომლითაც პირის მიმართ ადმინისტრაციული სახდელის დაკისრების შესახებ ადმინისტრაციული ორგანოს გადაწყვეტილება მხოლოდ პირველი ინსტანციის სასამათლოში საჩივრდება. სრულად  წყარო: ორგანიზაციის ვებგვერდი

თბილისი. 2017 წლის 31 ოქტომბერს მედიის განვითარების ფონდმა (MDF) თბილისის საქალაქო სასამართლოს საქართველოს კომუნიკაციების ეროვნული კომისიის (GNCC) წინააღმდეგ სარჩელით მიმართა. სარჩელის საფუძველი ის გარემოება გახდა, რომ კომისია საჯაროს არ ხდის ინფორმაციას მაუწყებელთა 2017 წლის I და II კვარტლის (იანვარი-ივნისი) ფინანსური შემოსავლების შესახებ, რაც, ორგანიზაციის განცხადებით, კანონმდებლობით განსაზღვრული ფინანსური გამჭვირვალობის სტანდარტის უგულვებელყოფაა. სრულად  წყარო: ორგანიზაციის ვებგვერდი

თბილისი. საქართველოს ახალგაზრდა იურისტთა ასოციაციის (საია) საჩივარი, რომელიც საარჩევნო უბნებზე მოსული ამომრჩევლების შესახებ ინფორმაციის შეგროვებას ეხებოდა, სააპელაციო სასამართლომ ნაწილობრივ დააკმაყოფილა. „საია მიიჩნევდა, რომ საარჩევნო უბნებზე პოლიტიკური პარტიების - „ქართული ოცნებისა" და „მემარცხენე ალიანსის" წარმომადგენლების რეგისტრატორების უკან განთავსება იმ მიზნით, რომ აღერიცხათ მოსული ამომრჩევლის სიითი ნომრები (რითაც შესაძლებელი ხდებოდა მოსული ამომრჩევლების შესახებ ინფორმაციის შეგროვება), წარმოადგენდა საარჩევნო კანონმდებლობის დარღვევას და საუბნო კომისიის თავმჯდომარეები ვალდებულნი იყვნენ მოეხდინათ შესაბამისი რეაგირება. მიუხედავად იმისა, რომ საია-ს დამკვირვებლებმა აღნიშნულ საკითხზე საჩივრები წარადგინეს როგორც საუბნო საარჩევნო კომისიაში, ასევე შესაბამის საოლქო საარჩევნო კომისიაში, წარდგენილი საჩივრები არ დაკმაყოფილდა და ჩაითვალა, რომ ადგილი არ ჰქონია დარღვევას. ასეთივე განმარტება გააკეთა თბილისის საქალაქო სასამართლომ. თბილისის სააპელაციო სასამართლომ შეცვალა საქალაქო სასამართლოს გადაწყვეტილება, ბათილად ცნო #3 საბურთალოს საოლქო საარჩევნო კომისიის განკარგულება საია-ს საჩივრის დაკმაყოფილებაზე უარის თქმის შესახებ და დაავალა ახალი აქტის გამოცემა", ნათქვამია ორგანიზაციის ვებგვერდზე. სრულად... წყარო: ორგანიზაციის ვებგვერდი სოციალურ ქსელში

თბილისი. საქართველოს პროკურატურაში იმართება კონფერენცია, რომლის მთავარი თემაა არასრულწლოვანთა მართლმსაჯულების სფეროში არსებული მიღწევები და გამოწვევები. ასევე, კანონთან კონფლიქტში მყოფი არასრულწლოვნების მიმართ განხორციელებული სისხლის სამართლის საქმეების ანგარიში და განრიდების შემთხვევების ანალიზი. კონფერენცია იმართება გაეროს ბავშვთა ფონდის მხარდაჭერით, ბავშვზე მორგებული მართლმსაჯულების სისტემის განვითარების შესახებ ევროკავშირის დაფინანსებით მიმდინარე პროექტის ფარგლებში. სრულად... წყარო: unicef.ge

აჭარა. „ადამიანის უფლებების სწავლებისა და მონიტორინგის ცენტრი (EMC)” სარჩელით მიმართავს საქართველოს საკონსტიტუციო სასამართლოს და ჩხრეკის მარეგულირებელი ნორმების არაკონსტიტუციურად ცნობას ითხოვს. „საკონსტიტუციო სარჩელის თანახმად, საქართველოს კონსტიტუციით დაცულ უფლებებთან წინააღმდეგობაში მოდის ჩხრეკის ჩატარება მხოლოდ ოპერატიული ინფორმაციის საფუძველზე, რაც სისხლის სამართლის საქმეთა, განსაკუთრებით კი, ნარკოტიკული დანაშაულების გამოძიებისას დაშვებულ პრაქტიკას წარმოადგენს. EMC-იმ შეისწავლა რამდენიმე გახმაურებული სისხლის სამართლის საქმე, რომელიც ნარკოტიკული ნივთიერების შეძენა-შენახვას შეეხებოდა. ყველა შესწავლილი საქმის გამოძიების პროცესში გამოვლინდა ერთგვაროვანი სამართლებრივი ხარვეზები, რაც საფუძვლიან ეჭვებს აჩენს ამ საქმეებში პოლიციის მოქმედების კანონიერების და მართლმსაჯულების სამართლიანად განხორციელებასთან დაკავშირებით", - ნათქვამია ორგანიზაციის მიერ გავრცელებულ ინფორმაციაში. სრულად  წყარო: ორგანიზაციის ვებგვერდი

თბილისი. საქართველოს ახალგაზრდა იურისტთა ასოციაცია ირაკლი ხოფერიას წამების საქმეზე გამოძიების შეწყვეტასა და მისთვის დაზარალებულის სტატუსის მოხსნას ასაჩივრებს. „საია-ს მიაჩნია, რომ პროკურატურის მიერ მიღებული დადგენილებები არის დაუსაბუთებელი და პასუხს არ ცემს იმ მნიშვნელოვან კითხვას, თუ სად და რა ვითარებაში მიიღო ირაკლი ხოფერიამ ფიზიკური დაზიანებები", - ნათქვამია ორგამოზაცოოს ვებგვერდზე გამოქვეყნებულ ინფორმაციაში. სრულად  წყარო: ორგანიზაციის ვებგვერდი