თბილისი. 19 მაისს. ომბუდსმენმა თბილისის საქალაქო სასამართლოში, შშმ ბავშის სავარაუდო დისკრიმინაციასთან დაკავშირებით, სასამართლოს მეგობრის მოსაზრება წარადგინა. განმცხადებლის ინტერესებს სასამართლოში ორგანიზაცია „პარტნიორობა ადამიანის უფლებებისთვის" წარმოადგენს. „სასამართლოს მეგობრის მოსაზრებაში, საქართველოს საკონსტიტუციო სასამართლოს და საერთაშორისო ინსტიტუტების მიერ დადგენილი სტანდარტების საფუძველზე, სახალხო დამცველმა წარმოადგინა ირიბი დისკრიმინაციის ფაქტის გამოვლენის ტესტი, ასევე ყურადღება გაამახვილა დისკრიმინაციასთან დაკავშირებულ საქმეებში მხარეებს შორის მტკიცების ტვირთის გადანაწილების საკითხსა და გონივრული მისადაგების პრინციპზე", ნათქვამია ორგანიზაციის ვებ-გვერდზე.  სრულად...  წყარო: www.ombudsman.ge

თბილისი. საქართველოს ახალგაზრდა იურისტთა ასოციაციამ (საია) ინფორმაციის თავისუფლების კანონპროექტზე საკუთარი მოსაზრებები საქართველოს იუსტიციის სამინისტროს წარუდგინა. „საიას მოსაზრებები შეეხება ისეთ მნიშვნელოვან საკითხებს, როგორიცაა პროფესიული საიდუმლოების განმარტება, შიდა მოხმარების დოკუმენტთა ჩამონათვალი, საჯარო ინფორმაციის წლიური ანგარიშების შინაარსი და მათი შემდგომი განხილვის პროცედურა...", ნათქვამია ორგანიზაციის ვებ-გვერდზე.  სრულად... წყარო: ორგანიზაციის ვებ-გვერდი სოციალურ ქსელში

თბილისი. „ახალგაზრდა ადვოკატები" ყურადღებით აკვირდება კონსტიტუციის გადასინჯვის პროცესს და სახელმწიფო საკონსტიტუციო კომისიას სარეკომენდაციო წინადადებათა პაკეტით მიმართავს.  „სახელმწიფო საკონსტიტუციო კომისიამ კონსტიტუციის გადასინჯვის პროცესში ყურადღება უნდა დაუთმოს საზოგადოებრივი ჩართულობას, რაც გულისხმობს ახალ დოკუმენტში საერთო, სახალხო ნების ასახვას. იმისათვის, რომ კონსტიტუციის ახალი პროექტი იყოს მაღალი ლეგიტიმაციის მქონე, საჭიროა ყველა საზოგადოებრივი ჯგუფის მოსაზრების გათვალისწინება, როგორებიც არიან: პოლიტიკური პარტიები, არასამთავრობო და საერთაშორისო ორგანიზაციები, უმცირესობები და საკითხზე მომუშავე ექსპერტები. ამასთან, გადაწყვეტილების მიღების პროცესში მნიშვნელოვანია გათვალისწინებული იყოს დასავლურ დემოკრატიებში არსებული პრაქტიკა და გამოცდილება", ნათქვამია ორგანიზაცის ვებ-გვერდზე.  სრულად... წყარო: barristers.ge

თბილისი. ადამიანის უფლებების სწავლებისა და მონიტორინგის ცენტრი (EMC)აქვეყნებს ბლოგპოსტს: „რა უნდა ვიცოდეთ შრომითი უფლებების შესახებ". „ბროშურა მოიცავს  მხოლოდ კერძო სექტორსა და საჯარო სამსახურში დასაქმებულ იმ თანამშრომლთა  შრომით უფლებებს, რომელთა სამართლებრივ ურთიერთობაზეც ვრცელდება შრომის კოდექსი", ნათქვამია ორგანიზაციის ვებ-გვერდზე.  სრულად... წყარო: emc.org.ge

თბილისი. საია კიდევ ერთხელ ეხმაურება დეკანოზ გიორგი მამალაძის საქმეს და სასამართლო პროცესის დახურულად წარმართვას გაუმართლებლად მიიჩნევს. „აღსანიშნავია, რომ სასამართლო განხილვის საჯაროობა არის სამართლიანი სასამართლო განხილვის ერთ-ერთი უმნიშვნელოვანესი ასპექტი. სასამართლო სხდომის საჯაროობა მნიშვნელოვანია, როგორც ინდივიდის უფლებების სრულყოფილად რეალიზებისთვის, ასევე საზოგადოებისთვის. საჯარო ხასიათი იცავს მხარეებს საზოგადოების მეთვალყურეობის გარეშე, მართლმსაჯულების საიდუმლო განხორციელებისგან. სხდომის საჯაროობა, ასევე, არის ერთ-ერთი საშუალება რომ საზოგადოებაში სასამართლოს მიმართ ნდობა იქნას შენარჩუნებული. შესაბამისად, სხდომის დახურვა  მხოლოდ განსაკუთრებულ, გამონაკლის შემთხვევებში შეიძლება იყოს გამართლებული,  მაშინ როცა უფრო ნაკლებად შემზღუდველი საშუალებით ვერ იქნება მიზანი მიღწეული", ნათქვამია ორგანიზაციის ვებ-გვერდზე.  სრულად... წყარო: gyla.ge

თბილისი. 20-21 მაისს, იუსტიციის უმაღლეს სკოლაში საერთო სასამართლოს მოსამართლეთათვის საკორპორაციო სამართალში სწავლება (ტრენერთა ტრენინგი) გაიმართა. „აღნიშნული სწავლება ტრენინგების ციკლის ნაწილია, რაც საბოლოო ჯამში სწავლების მოდულის შემუშავებას, ტრენერების მომზადებასა (ToT) და იუსტიციის უმაღლეს სკოლაში საკორპორაციო სამართლის კურსის დანერგვას ისახავს მიზნად. სწავლების დროს მოსამართლეებმა იმსჯელეს ისეთ მნიშვნელოვან თემებზე, როგორიც არის საწესდებო კაპიტალი და დივიდენდის განაწილება, დირექტორთა მოვალეობები კრედიტორთა მიმართ, გამჭოლი პასუხისმგებლობა და სხვ. ევროკავშირის დირექტივების, აშშ-სა და გერმანიის სასამართლო პრაქტიკის ანალიზის კონტექსტში", ნათქვამია ორგანიზაციის ვებ-გვერდზე. სრულად... წყარო: ორგანიზაციის ვებ-გვერდი სოციალურ ქსელში

თბილისი. კოალიციამ ვენეციის კომისიას გაუგზავნა დოკუმენტი, რომელიც მოიცავს კოალიციის მოსაზრებებს სასამართლოს ხელისუფლების თავზე კონსტიტუციის ახალ პროექტში.  „კოალიცია პრობლემურად მიიჩნევს რამდენიმე ცვლილებას, მათ შორის დებულებებს, რომლებიც ეხება იუსტიციის საბჭოს დაკომპელქტების წესს, მოსამართლეთა გამოსაცდელ ვადას, მოსამართლეთა დანიშვნის შესახებ მიღებული გადაწყვეტილებების დასაბუთებას, და უზენაესი სასამართლოს მოსამართლეთა დანიშვნის წესს", ნათქვამია ორგანიზაციის ვებ-გვერდზე.  სრულად... წყარო: idfi.ge

თბილისი. „კოალიცია თანასწორობისთვის", შშმ ბავშვთა მშობლები და სხვა ხელმომწერი პირები/ორგანიზაციები ეხმიანებიან თბილისის მერიის მიერ „აუტიზმის სპექტრის დარღვევის მქონე ბავშვთა რეაბილიტაციის" ქვეპროგრამაში შესატანი ცვლილებების პროექტს.  „პროექტი გულისხმობს ქვეპროგრამით გათვალისწინებული არსებული მომსახურების შეკვეცას, რაც გამოიხატება კომპლექსური თერაპიის სეანსების შემცირებაში და რაც სერიოზული საფრთხის წინაშე აყენებს აუტიზმის მქონე ბავშვთა უფლების რეალიზებას ჯანმრთელობის უმაღლეს შესაძლო სტანდარტზე, პროგრამის ზოგად ეფექტურობასა და პოზიტიური შედეგების მიღწევის შესაძლებლობას", ნათქვამია განცხადებაში. ორგანიზაციები მოუწოდებენ მერიას უარი თქვას უკვე შემუშავებულ ცვლილებებზე და ითანამშრომლოს შშმ ბავშვთა მშობლებთან. სრულად... წყარო: phrgeorgia.wordpress.com

თბილისი. არასამთავრობო ორგანიზაციები სათემო მუნიციპალიტეტისა და თვითმმართველი ქალაქების გაერთიანების საკანონმდებლო ინიციატივის თაობაზე მთავრობას და პარლამენტს მიმართავენ.  „სამწუხაროა, რომ სამინისტრომ აღნიშნული კანონპროექტის შემუშავების პროცესი წარმართა საზოგადოების წარმომადგენლებისა და ექსპერტების ყოველგვარი ჩართულობის გარეშე. ეს მით უფრო გასაკვირია, როცა 29 მარტს 130-მდე არასამთავრობო, სათემო და მედია ორგანიზაციამ მივმართეთ საქართველოს მთავრობასა და პარლამენტს და მზად ვიყავით, საქართველოს რეგიონული განვითარებისა და ინფრასტრუქტურის  ჩვენ დაუშვებლად მიგვაჩნია, რომ ასეთი მნიშვნელოვანი ცვლილებების მომზადებისა და განხორციელების პროცესი წარიმართოს საზოგადოების ზურგს უკან. ამიტომაც მივმართავთ საქართველოს პარლამენტის რეგიონული პოლიტიკისა და თვითმმართველობის კომიტეტს, აგრეთვე, საქართველოს რეგიონული განვითარებისა და ინფრასტრუქტურის სამინისტროს, უახლოეს დღეებში, საკრებულოებისთვის ინიციატივის გადაგზავნამდე, გაიმართოს შეხვედრა ხელისუფლებისა და სამოქალაქო საზოგადოების წარმომადგენლებს შორის, მიუხედავად იმისა, ვინ არის ინიციატივის მომხრე თუ მოწინააღმდეგე, რათა განვიხილოთ თვითმმართველი ქალაქებისა და თემებისთვის სტატუსის გაუქმების თაობაზე სამინისტროს მიერ მომზადებული წინადადებები", ნათქვამია ერთობლივ განცხადებაში.  სრულად... წყარო: www.isfed.ge

თბილისი. საიას სარჩელის საფუძველზე, საკონსტიტუციო სასამრთლომ ადგილობრივი თვითმმართველობის არჩევნებზე ბინადრობის ორ წლიანი ცენზი გააუქმა.  „გასაჩივრებული იყო საარჩევნო კოდექსის ის ნორმები, რომლებიც მოქალაქეს უკრძალავდა გემგებლის, მერის, ასევე საკრებულოს წევრის არჩევნებში მონაწილეობას, თუკი კანდიდატი არჩევნებამდე ბოლო ორი წლის განმავლობაში არ ცხოვრობდა საქართველოში. საკონსტიტუციო სასამართლომ მერთან და გამგებელთან მიმართებაში დაადგინა კონსტიტუციის 29 მუხლის (თანამდებობის დაკავების უფლება) დარღვევა, ხოლო საკრებულოს წევრთან მიმართებაში კონსტიტუციის 28 მუხლის (პასიური საარჩევნო უფლება) დარღვევა. ამ გადაწყვეტილების შემდეგ აღარ არსებობს ბინადრობის 2 წლიანი ცენზი", ნათქვამია ორგანიზაციის ვებ-გვერდზე.  სრულად... წყარო: gyla.ge

თბილისი. საკონსტიტუციო სასამართლომ „კამპანია ეს შენ გეხებას" მიერ მომზადებული სარჩელი დაარეგისტრირა.  „ფარულ მოსმენა-მიყურადებასთან დაკავშირებული საკანონმდებლო პაკეტი საკონსტიტუციო სასამართლოში საქართველოს 277-მა მოქალაქემ გაასაჩივრა. რეგისტრირებული სარჩელი უკვე გამოქვეყნდა საკონსტიტუციო სასამართლოს ვებ-გვერდზე. ჯერჯერობით უცნობია, როდის დანიშნავს სასამართლო აღნიშნული სარჩელების არსებით განხილვას. რეგლამენტის თანახმად, კონსტიტუციური სარჩელის არსებითად განხილვის ვადა რეგისტრაციის მომენტიდან 4 თვეს არ უნდა აღემატებოდეს", ნათქვამია ორგანიზაციის ვებ-გვერდზე.  სრულად... წყარო: www.esshengexeba.ge

თბილისი. როგორც საზოგადოებისთვის ცნობილია, 2017 წლის 11 მაისს, იუსტიციის უმაღლესმა საბჭომ თანამდებობაზე 64 მოსამართლე დანიშნა, მათგან 5 მოსამართლე (უზენაესი და საკონსტიტუციო სასამართლოების ყოფილი მოსამართლეები) დაინიშნა უვადოდ, გამოსაცდელი პერიოდის გარეშე. „კოალიციის შეფასებით, საბჭოს მიერ მოსამართლეთა დანიშვნის მანკიერი პრაქტიკა შედეგად იწვევს სასამართლო სისტემის „ჩაკეტვას" ხანგრძლივი ვადით, რაც გამორიცხავს სისტემის განახლებას. ეს მათ შორის განპირობებულია პოლიტიკური ხელისუფლების მხრიდან გაჭიანურებული და არასაკმარისი რეფორმების განხორციელებით, მიღებული კანონების აღსრულებაში არსებული ხარვეზებით, რაც შედეგად იწვევს სისტემის შიგნით გავლენიანი ჯგუფების კიდევ უფრო გაძლიერებას და სასამართლო სისტემის გაჯანსაღების მრავალი წლით გადავადებას", ნათქვამია ორგანიზაციის ვებ-გვერდზე. სრულად... წყარო: gyla.ge

თბილისი. 4 მაისს, პარლამენტმა პირველი მოსმენით განიხილა და მხარი დაუჭირა ცვლილებებს, რომლებიც საკანონმდებლო წინადადების წარდგენის რეგულაციას შეეხება. „ინიციატივის თანახმად დგინდება საკანონმდებლო წინადადებით პარლამენტისთვის მიმართვის ამჟამინდელი პრაქტიკისაგან განსხვავებული პირობები და წესები. საკანონმდებლო წინადადება არის საკანონმდებლო ინიციატივის უფლების არმქონე სუბიექტის მიერ პარლამენტისათვის წარდგენილი, დადგენილი წესით გაფორმებული, დასაბუთებული მიმართვა ახალი კანონის მიღების, კანონში ცვლილების შეტანის ან კანონის ძალადაკარგულად გამოცხადების თაობაზე. მეცხრე მოწვევის პარლამენტის მიერ პირველი მოსმენით მიღებული ცვლილებები აწესებს დაუსაბუთებელ ბარიერს მოქალაქეებისათვის საკანონდებლო წინადადების წარდგენის პროცესში", ნათქვამია საერთაშორისო გამჭვირვალობა - საქართველოს ვებ-გვერდზე. სრულად... წყარო: www.transparency.ge

თბილისი. „კოალიცია დამოუკიდებელი და გამჭვირვალე მართლმსაჯულებისთვის" აქვეყნებს კვლევას: „სასამართლო სისტემა: რეფორმები და პერსპექტივები". კვლევა მიზნად ისახავს მართლმსაჯულების სისტემაში 2012 წლის შემდეგ განხორციელებული რეფორმებისა და ცვლილებების ანალიზს, არსებული გამოწვევების იდენტიფიცირებას და შესაბამისი რეკომენდაციების წარმოდგენას. სრულად... წყარო: emc.org.ge

თბილისი. ორგანიზაცია „ახალგაზრდა ადვოკატები” კომპანია „ფრესკოს" მიმართ სამართლებრივ დავაში წარმომადგენლობითი უფლებამოსილებით ჩართვის თაობაზე განცხადებას ავრცელებს. ორგანიზაცია საზოგადოების საყურადღებოდ აღნიშნავს, რომ „კომპანიის მხრიდან წარმოდგენილი სარჩელი სასამართლოში რეგისტრირებულია 2017 წლის 13 მარტს. ორგანიზაცია, რომელიც სიტყვისა და გამოხატვის თავისუფლების სფეროში არსებულ დავებთან დაკავშირებით მნიშვნელოვან გამოცდილებას ფლობს, კომპანიის სამართლებრივ პრეტენზიებთან დაკავშირებით, არავითარ კომენტარს არ გააკეთებს და დავის მნიშვნელობიდან გამომდინარე, საკითხს საზოგადოების მსჯელობის საგნად მიიჩნევს". სრულად... წყარო: barristers.ge

თბილისი. ადამიანის უფლებების სწავლებისა და მონიტორინგის ცენტრი (EMC) აქვეყნებს სახელმძღვანელო დოკუმენტს სექსუალური ორიენტაციისა და გენდერული იდენტობის საფუძველზე ჩადენილი დანაშაულის გამოძიების შესახებ. „დღემდე ლგბტ ჯგუფის წინააღმდეგ მიმართულ გახმაურებულ და არსებითად მძიმე შემთხვევებზეც კი, როცა ჰომო/ბი/ტრანსფობიის მოტივი აშკარა იყო, სახელმწიფოს საპასუხო რეაგირება არაადეკვატური იყო.მსგავსი შემთხვევები თვალსაჩინოს ხდის სამართალდამცავი სისტემისათვის სიძულვილით მოტივირებული დანაშაულების გამოძიებაზე, აღკვეთაზე, დასჯასა და მსხვერპლთა რეპარაციაზე ფოკუსირებული დეტალიზებული ოპერაციული სახელმძღვანელო დოკუმენტის საჭიროებას. წინამდებარე დოკუმენტი სწორედ ამგვარი სახელმძღვანელო დოკუმენტის შექმნის წინაპირობაა, რაც არსებითად დაეხმარება საქართველოს შინაგან საქმეთა სამინისტროს, შეიმუშაოს სიძულვილით მოტივირებულ დანაშაულთა გამოძიებისა და პრევენციის პოლიტიკის დოკუმენტები და შიდა ინსტრუქციები", ნათქვამია ორგანიზაციის ვებ-გვერდზე. სრულად... წყარო: emc.org.ge

თბილისი. „ახალგაზრდა ადვოკატები" ორგანიზაცია „ახალგაზრდები ადამიანის უფლებებისთვის" არასამთავრობო ორგანიზაციათა ალიანსში: „ასოცირების ხელშეკრულების ხელმოწერიდან ევროკავშირის წევრობამდე" სათანამშრომლოდ წევრის სტატუსით მოიწვევს. „ახალგაზრდა ადვოკატების" ხელმძღვანელის, არჩილ კაიკაციშვილის განცხადებით, პროექტი „კანონშემოქმედი 2017" თამამად შეიძლება ეწოდოს წარმატებული ინიციატივა და იმედი გამოთქვა, რომ პროექტი სტარტს რეგიონებშიც აიღებს. მისივე განცხადებით, ორგანიზაცია ყურადღებით გაეცნობა პროექტის ფარგლებში შემუშავებულ საკანონმდებლო რეკომენდაციებს და ინტერესის შესაბამისად, აქტუალურ საკითხებზე მუშაობას გააგრძელებს.”, ნათქვამია ორგანიზაციის ვებ-გვერდზე. სრულად... წყარო: barristers.ge

თბილისი. 2011 წლის 3 ივლისს საქართველოს ახალგაზრდა იურისტთა ასოციაციამ (საია) და ადამიანის უფლებათა დაცვის ევროპულმა ცენტრმა (EHRAC) ერთობლივი საჩივრით მიმართეს ადამიანის უფლებათა ევროპულ სასამართლოს, საპროტესტო აქციის მონაწილე პირთა სახელით. 2017 წლის 4 მაისს ევროპულმა სასამართლომ ამ საქმეზე განჩინება გამოიტანა. „2016 წლის 3 მაისს საქართველოს მთავრობამ, ევროპული კონვენციის 39-ე მუხლის საფუძველზე, მომჩივნებს საქმის მეგობრული მოგვარებით დასრულება შესთავაზა. საქართველოს მთავრობამ მომჩივნების მიმართ განხორციელებული არასათანადო მოპყრობის და შეკრების უფლების დარღვევის გამო კონვენციის მე-3 (პროცედურული ნაწილი) და მე-11 მუხლების დარღვევა აღიარა და მომჩივნებისთვის კომპენსაციის გადახდის ვალდებულება აიღო", ნათქვამია ორგანიზაციის ვებ-გვერდზე. სრულად... წყარო: gyla.ge

თბილისი. ომბუდსმენი კიდევ ერთხელ ეხმაურება ე.წ. ციანიდის სისხლის სამართლის საქმის განხილვას და აღნიშნავს, რომ სასამართლო პროცესის სრულად დახურვა არ ემსახურება საგამოძიებო და სასამართლო ხელისუფლების ორგანოების მიმართ საზოგადოების ნდობის ამაღლებას. „იმ პირობებში, როდესაც სისხლის სამართლის საქმის გამოძიება დასრულდა, თუმცა დაცვის მხარეს კვლავ ეკისრება გაუთქმელობის ვალდებულება, საჯარო პროცესი მართლმსაჯულების მიმართ საზოგადოების ნდობის ამაღლების ერთადერთ საშუალებას წარმოადგენს. საქართველოს სახალხო დამცველი იმედოვნებს, რომ სასამართლო გაცილებით უფრო მკაცრ ტესტს გამოიყენებს პროცესის საჯარო ხასიათის შეზღუდვისას და შესაძლებელი გახდება აღნიშნულ საქმეზე საზოგადოებრივი კონტროლის განხორციელება", ნათქვამია ომბუდსმენის ვებ-გვერდზე. სრულად... წყარო: www.ombudsman.ge

თბილისი. ცნობილია, რომ იუსტიციის სამინისტრომ გაიზიარა „პარტნიორობა ადამიანის უფლებებისთვის" ინიციატივა და ოჯახში ძალადობის მოწმე ბავშვს მსხვერპლის სტატუსი მიენიჭება. ცვლილება სტამბოლის კონვენციის სარატიფიკაციო პაკეტშია ასახული. სრულად... წყარო: phrgeorgia.wordpress.com

თბილისი. „პარტნიორობა ადამიანის უფლებებისთვის" (PHR) უფასი იურიდიულ დახმარებას გაუწევს ძალადობის მსხვერპლ ქალებს. „კონსულტაციები შეეხება ნებისმიერი სახის ძალადობასთან დაკავშირებულ საკითხებს, მათ შორის, ფიზიკურ, ფსიქოლოგიურ, სექსუალურ, ეკონომიკურ ძალადობასა და იძულებას. თუკი გამოგივლია ძალადობა ან, მიგაჩნია, რომ შენ გვერდით მყოფი ქალი, მათ შორის, შეზღუდული შესაძლებლობის მქონე ქალი ძალადობის ან გენდერული ნიშნით დისკრიმინაციის მსხვერპლია, – მოგვმართეთ!", ნათქვამია ორგანიზაციის განცხადებაში. სრულად...  წყარო: phrgeorgia.wordpress.com

თბილისი. „ახალგაზრდა ადვოკატებმა" საჯარო ტრენინგი ჩაატარა, რომელიც საქართველოს პარლამენტში საკანონმდებლო ინიციატივისა და საკანონმდებლო წინადადებათა წარდგენის ტექნიკას ეხებოდა. პროექტი, რომელიც ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის სტუდენტების მიერ დაფუძნებული ორგანიზაცია „ახალგაზრდები ადამიანის უფლებებისთვის" ინიციატივის ფარგლებში ტარდება, მიზნად ისახავს საზოგადოებისათვის განსაკუთრებულად მნიშვნელოვანი კანონპროექტების ინიცირებას, საჯაროდ განხილვას, საკანონმდებლო მუშაობის სპეციფიკის გაცნობასა და ამ მიმართულებით, არსებული ცოდნის გაღრმავებას. პროექტის მონაწილეებს შესაძლებლობა მიეცემათ იმუშაონ რელიგიური თანასწორობის, სისხლის სამართლის პოლიტიკის, ნარკო–დანაშაულის, გამოხატვის თავისუფლების, პრეზიდენტის არჩევის წესის, მოწმეთა დაკითხვის წესის, სავალდებულო სამხედრო სამსახურისა და სხვა აქტუალურ საკითხებზე, მოამზადონ მათზე პარლამენტის მიმართ წარსადგენი რეკომენდაციები", ნათქვამია ორგანიზაციის ვებ-გვერდზე. სრულად... წყარო: barristers.ge