თბილისი. საია იცავდა უსინათლო ვ.კ., რომელსაც სოციალურად დაუცველ პირთა ბაზაში რეგისტრაცია იმ საფუძვლით გააუქმდა, რომ მისის ინფორმაცია დეკლარაციაში სრულყოფილად არ იყო შეტანილი. საია-მ, შშმ პირის სახელით, სახალხო დამცველის 2017 წელს მიმართა და დისკრიმინაციის ფაქტის დადგენა ითხოვა. სახალხო დამცველმა შეზღუდული შესაძლებლობის ნიშნით დისკრიმინაცია დაადგინა და საქართველოს შრომის, ჯანმრთელობისა და სოციალური დაცვის სამინისტროსათვის შესაბამისი რეკომენდაცია შეიმუშავა. სრულად  წყარო: ორგანიზაციის ვებგვერდი

სამეგრელო. 2 მაისს, ზუგდიდში, დემოკრატიული ჩართულობის ცენტრში, გაიმართა დისკუსია თემაზე „სოციალური მუშაობის ფემინისტური პერსპექტივა". „დისკუსიას უძღვებოდნენ სფეროში მრავალწლიანი პრაქტიკული გამოცდილების მქონე სოციალური მუშაკები ლიკა ჟვანია და სოფიკო მორგოშია. შეხვედრის მიზანი იყო სოციალურ მუშაკებსა და სფეროში მოღვაწე სხვა პროფესიონალებს შორის დიალოგის ინიცირება სოციალური მუშაობის პრაქტიკის ფემინისტურ ჭრილში განხილვის კუთხით", ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

თბილისი. სოციალურ კაფე „ახალ მზიურში" გაიმართა MH2R-პლატფორმის პირველი სამუშაო შეხვედრა ფსიქიკური ჯანმრთელობისა და ადამიანის უფლებების საკითხებზე მომუშავე ორგანიზაციების მონაწილეობით. „შეხვედრაზე განიხილეს პლატფორმის მისია და სტრატეგია. შეიქმნა სამუშაო ჯგუფები შემდეგი მიმართულებით: ფსიქიკური ჯანმრთელობის სერვისების მომხმარებელთა და მათი ოჯახის წევრების გაძლიერება, გაეროს შშმ პირთა უფლებების კონვენციის განხორციელების ხელშეწყობა, ცნობიერების ამაღლება და ანტისტიგმა კამპანიების წარმოება, ფსიქიკური ჯანმრთელობის სერვისების განვითარება, მათ შორის ბავშვთა და მოზარდთა, კანონმდებლობის და პოლიტიკის ანალიზი და მტკიცებულებაზე დაფუძნებული რეკომენდაციების შემუშავება", ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

თბილისი. ამ წუთებში, მეტროსადგურ რუსთაველთან მიმდინარეობს მემანქანეთა პროფკავშირის აქცია ანაზღაურების ზრდის მოთხოვნით. მეტროპოლიტენის მემანქანეები ხუთშაბათს, 3 მაისს დილის 06:00-დან გაიფიცებიან, რისთვისაც მოსახლეობას ბოდიშს უხდიან. „ხელფასის მატებას მემანქანეები 2013 წლიდან ცდილობენ. ისინი ამბობენ, რომ არსებული ანაზღაურება შეუსაბამოა იმ გარემო-პირობებთან, სამუშაო ციკლთან თუ პასუხისმგებლობასთან შედარებით, რასთან გამკლავებაც მათ ყოველდღიურად უხდებათ. მეტროპოლიტენის მემანქანეები პასუხისმგებლობას თბილისის მერიას და სახელმწიფოს აკისრებენ", ნათქვამია ადამიანის უფლებების სწავლებისა და მონიტორინგის ცენტრის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

ქვემო ქართლი. PHR-ის იურისტების სამართლებრივი დახმარების შედეგად, რუსთავის საქალაქო სასამართლომ შეზღუდული შესაძლებლობის მქონე პირის სათანადო საცხოვრებლით უზრუნველყოფის მოთხოვნა დააკმაყოფილა. სამართლებრივი დახმარებისთვის დ.ჭ.-მ ორგანიზაციას „პარტნიორობა ადამიანის უფლებებისთვის" 2015 წელს მიმართა და საცხოვრებელი სახლის მიღებაში დახმარება სთხოვა. PHR-მა 2015-2017 წლების განმავლობაში სამჯერ მიმართა გარდაბნის მუნიციპალიტეტის გამგეობას და მოითხოვა, განეხილა დ.ჭ.-ის გარდაბნის მუნიციპალიტეტში საცხოვრებელი ფართის გამოყოფის საკითხი. 22 ივნისის საპასუხო წერილის თანახმად, დ.ჭ.-ს საბოლოოდ უარი უთხრეს მოთხოვნის დაკმაყოფილებაზე. ორგანიზაციამ „პარტნიორობა ადამიანის უფლებებისთვის" შეზღუდული შესაძლებლობის მქონე პირის ინტერესების დასაცავად სასამართლოს გარდაბნის მუნიციპალიტეტის მიერ მიღებული გადაწყვეტილების ბათილად ცნობისა და მოსარჩელის საცხოვრებლით დაკმაყოფილების მოთხოვნით მიმართა. რუსთავის საქალაქო სასამართლომ გაიზიარა PHR-ის იურისტების პოზიცია და დააკმაყოფილა ორგანიზაციის მოსარჩელის მოთხოვნა, რის შედეგადაც გარდაბნის მუნიციპალიტეტის გამგეობას დ.ჭ.-ს სამართლებრივად გარანტირებული სათანადო საცხოვრებლით უზრუნველყოფა დაევალა. სრულად  წყარო: ორგანიზაციის ვებგვერდი

თბილისი. 2018 წლის 16 აპრილს სახალხო დამცველმა წინადადებით მიმართა საქართველოს მთავრობას, მცირე საოჯახო ტიპის ბავშვთა სახლებში მცხოვრებ ბენეფიციართა, სრულწლოვანების მიღწევის შემდეგ, სათანადო მომსახურებით უზრუნველყოფის შესახებ. საქართველოს სახალხო დამცველის მიერ მცირე საოჯახო ტიპის სახლებში ჩატარებულმა მონიტორინგმა გამოკვეთა, რომ ერთ-ერთ მნიშვნელოვან გამოწვევად, წლების განმავლობაში, რჩება არასრულწლოვნების დამოუკიდებელი ცხოვრებისთვის მომზადებისა და მცირე საოჯახო ტიპის სახლების მომსახურებიდან გასული 18 წლის პირების უფლებების დაცვის საკითხი. ხშირ შემთხვევაში, 18 წლის ახალგაზრდა ადამიანი ზრუნვის სისტემას დამოუკიდებელი ცხოვრებისთვის მოუმზადებელი ტოვებს - არ არის დასაქმებული, არ აქვს თავისი ინტერესების შესაბამისი პროფესია, არ არის უზრუნველყოფილი საცხოვრებლით. სახელმწიფოს ამ დრომდე არ აქვს მომსახურებიდან გასული 18 წლის პირების მხარდაჭერის კონკრეტული სერვისი, რაც მორგებული იქნება მათ ბაზისურ საჭიროებებზე, რათა მიეცეთ განათლების მიღების შესაძლებლობა და დაცული იყვნენ სიღარიბის, ძალადობისა და სხვა საფრთხეებისგან. სრულად  წყარო: ორგანიზაციის ვებგვერდი

თბილისი. EMC-მ საკონსტიტუციო სასამართლოს წარუდგინა "სასამართლოს მეგობრის” მოსაზრება, მოქალაქის კონსტიტუციურ სარჩელში სადავოდ გამხდარი ელექტროენერგიის, დასუფთავების ან/და წყალმომარაგების მომსახურებების საფასურის გადაუხდელობის მარეგულირებელი წესის კონსტიტუციურობის თაობაზე. კონსტიტუციური სარჩელი სადავოდ ხდის წესს, რომელიც ელექტროენერგიის გამანაწილებელ კომპანიებს (სს „თელასი" და სს „ენერგო-პრო ჯორჯია") ავალდებულებს მომხმარებელს შეუწყვეტოს თავისი მომსახურება, იმ შემთხვევაში თუ პირს დასუფთავების ან/და წყალმომარაგების მომსახურებების საფასური არ გადაუხდია. EMC მიიჩნევს, რომ აღნიშნული წესი წინააღმდეგობაშია კონსტიტუციის მე-17 მუხლით განმტკიცებულ ღირსების დაცვის სტანდარტთან, რადგან სახელმწიფო ზომებს იღებს მომსახურებების მომწოდებელი კომპანიების მიერ „ვალის ამოღებისთვის” ისეთი პირველადი რესურსის შეწყვეტით, როგორიც ელექტროენერგიაა, მაშინ, როდესაც პირს ამ უკანასკნელი მომსახურების საფასური გადახდილი აქვს. ამასთან, გასაჩივრებული წესით ელექტროენერგიის გათიშვა დასუფთავების და წყალმომარაგების საფასურის გადაუხდელობის გამო, ყოველგვარი გამონაკლისისა და დამცავი მექანიზმების გარეშე ხორციელდება. სრულად  წყარო: ორგანიზაციის ვებგვერდი

თბილისი. საქართველოს სახალხო დამცველმა დღეს შეზღუდული შესაძლებლობის მქონე პირთა დასაქმების ხელშემწყობი სახელმწიფო პროგრამების მონიტორინგის ანგარიში წარმოადგინა. სახალხო დამცველის სპეციალურ ანგარიშში შეფასებული და გაანალიზებულია მოქმედი ნორმატიული ბაზა, მათ შორის მთავრობის დადგენილებით დამტკიცებული სამი სახელმწიფო პროგრამა, ასევე საქართველოს შრომის, ჯანმრთელობისა და სოციალური დაცვის სამინისტროდან და სსიპ სოციალური მომსახურების სააგენტოდან მიღებული ინფორმაცია. დოკუმენტში საქართველოს სხვადასხვა ქალაქებში შშმ პირებთან გამართული შეხვედრების შედეგებიც არის ასახული. სახალხო დამცველის შეზღუდული შესაძლებლობის მქონე პირთა უფლებების დაცვის დეპარტამენტმა მონიტორინგის შედეგად დაადასტურა, რომ მიუხედავად სახელმწიფოს გაცხადებული ნებისა – უზრუნველყოს შეზღუდული შესაძლებლობის მქონე პირთა დასაქმება და რიგი პროგრამების არსებობისა, სათანადო სამართლებრივი გარანტიების, პრაქტიკული ხელშეწყობისა და აღსრულების ეფექტური მექანიზმების ნაკლებობის გამო, შეზღუდული შესაძლებლობის მქონე პირთა შრომის უფლების რეალიზება სათანადოდ არ ხდება. სრულად  წყარო: ორგანიზაციის ვებგვერდი

თბილისი. ინფორმაციის თავისუფლების განვითარების ინსტიტუტი (IDFI) აქვეყნებს ვიზუალიზაციას საქართველოში მცხოვრებ შეზღუდული შესაძლებლობების მქონე პირთა სტატისტიკაზე. 2014 წლის საყოველთაო აღწერის მონაცემებით, საქართველოში 100 113 შშმ პირი აღიწერა, 2017 წელს ჯანდაცვის სამინისტროს მონაცემებით, სოციალური პაკეტის მიმღებ შშმ პირთა რაოდენობაა 125 104. IDFI-ს მიერ ჩატარებული კვლევის შედეგად გამოვლინდა, რომ „სახელმწიფო ჯერ კიდევ ვერ აწარმოებს სრულყოფილ სტატისტიკურ მონაცემებს შეზღუდული შესაძლებლობების მქონე (შშმ) პირთა შესახებ. ამის ვალდებულება კი ქვეყანას აღებული აქვს გაეროს შშმ პირთა უფლებების კონვენციის მიხედვით". სრულად... წყარო: www.datalab.ge

აჭარა. დისკუსიათა ციკლის „მედია და საზოგადოება" მე-6 შეხვედრა ხელვაჩაურის მუნიციპალიტეტის სოფელ ქედქედის საჯარო სკოლაში გაიმართა. „შეხვედრების ფორმატი მოიცავს მედიის წარმომადგენლების მიერ მონაწილეებისთვის თავიანთი მიზნებისა და მუშაობის პრინციპების გაცნობას, შემდგომ ნაწილში კი მოსახლეობა უშუალოდ იმ საკითხებს გამოკვეთს რაც აწუხებთ. აღნიშნულ შეხვედრაზე კიდევ ერთხელ გამოიკვეთა ის პრობლემები რაც ქობულეთისა და ქედის მუნიციპალიტეტებში გამართული დისკუსიებისას გამოვლინდა", ნათქვამია თავისუფალ ჟურნალისტთა სახლის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

სამეგრელო. 28 მარტს, ქალაქ ფოთის მერი გოჩა კურდღელია საქველმოქმედო ჰუმანიტარული ცენტრი „აფხაზეთის" წარმომადგენლებს შეხვდა. „ცენტრი „აფხაზეთის" თანამშრომლებმა მერს ქ. ფოთში მიმდინარე ახალი პროექტები გააცნეს, რომელიც დევნილთა სოციალურ-პოლიტიკურ ინტეგრაციას, დასახლებებში ინფრასტრუქტურული და სოციალური პრობლემების მოგვარებას, სოციალური საწარმოების დაფინანსებას, კანონთან კონფლიქტში მყოფი ადამიანების ეკონომიკურ მხარდაჭერას და სხვ. ითვალისწინებს. ცენტრი „აფხაზეთი" სამეგრელო-ზემო სვანეთის რეგიონში ამ ეტაპზე 3 მიმდინარე პროექტს ახორციელებს", ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

თბილისი. პარტნიორობა ადამიანის უფლებებისთვის (PHR) აქვეყნებს მარიამ ბეგიაშვილის ბლოგპოსტს: „ღირსეულ ცხოვრებას ასაკი არ აქვს". „ასაკის მატებასთან ერთად, ხანდაზმულები განიცდიან მრავალ ცვლილებას, იქნება ეს ფიზიკური, ფსიქოლოგიური თუ სოციალური. არსებული სოციალური როლების დაკარგვა, როგორიცაა – თანამშრომლის, მეუღლისა თუ მეზობლის როლი, უარყოფითად აისახება მათ ფსიქო-ემოციურ მდგომარეობასა და ცხოვრების ხარისხზე. მათ აქვთ შეგრძნება, რომ საზოგადოებას ტვირთად დააწვნენ და ვერ ხედავენ ცხოვრების აზრს, რაც იწვევს დეპრესიასა და იზოლაციას", ნათქვამია ვებგვერდზე. სრულად... წყარო: phrgeorgia.wordpress.com

თბილისი. ფონდი „ღია საზოგადოება - საქართველო" აქვეყნებს ინფოგრაფიკებს პოლიტიკის დოკუმენტიდან - „შეზღუდული შესაძლებლობების მქონე ბავშვებისთვის სერვისებზე ხელმისაწვდომობის შეზღუდვა, ანუ სახელმწიფოს უარი სოციალურ ინკლუზიაზე". დოკუმენტი მოამზადა ორგანიზაციამ „პარტნიორობა ადამიანის უფლებებისთვის", ფონდ „ღია საზოგადოება - საქართველოს" ხელშეწყობით, ფონდის შიდა პროექტის - „ევროკავშირ-საქართველოს შორის ასოცირების შესახებ შეთანხმების განხორციელების მონიტორინგი საზოგადოებრვი ორგანიზაციების კოალიციის მიერ" - ფარგლებში. სრულად  წყარო: www.osgf.ge

თბილისი. 2018 წლის 20 მარტს საქართველოს სახალხო დამცველის აპარატს ხანდაზმულთა უფლებების დაცვის საკითხებზე გაეროს დამოუკიდებელი ექსპერტი, როსა კორნფელდ-მატტე ეწვია. ექსპერტთან გამართულ შეხვედრაზე საქართველოში ხანდაზმულ პირთა უფლებრივი მდგომარეობა და დაბერების თემასთან დაკავშირებული გამოწვევები განიხილეს. საუბარი შეეხო სახალხო დამცველის მნიშვნელოვან როლსა და განხორციელებულ საქმიანობას ხანდაზმულთა უფლებების დაცვის მიმართულებით. სრულად  წყარო: ორგანიზაციის ვებგვერდი

თბილისი. აგარის შაქრის კომპანიის" თანამშრომლები მესამე კვირაა ქარხნის წინ ათენებენ ღამეს. „5 თვეზე მეტია საწარმო გაჩერებულია და 500 მდე თანამშრომელი შემოსავლის გარეშეა დარჩენილი. გუშინ მოსახლეობისთვის ცნობილი გახდა რომ საწარმოს ტერიტორიაზე, რომელიც შაქრის წარმოებისათვის აუცილებელ დანადგარებითაა აღჭურვილი, კომპანია კრიპტო ვალუტის ბიტკოინის გამომუშავებისთვის აუცილებელი ტექნოლოგიების დაყენებას იწყებს. საპასუხოდ, გუშინ დასაქმებულებმა საწარმოს შესასვლელი გადაკეტეს და დღემდე აგრძელებენ პიკეტირებას. დაბა აგარაში დასახლება საწარმოსთან ერთად გაჩნდა. დღემდე, დაბის მოსახლეობა ეკონომიკურად სრულად დამოკიდებულია საწარმოს მუშაობაზე", ნათქვამია ორგანიზაციის ვებგვერდზე. სრულად... წყარო: emc.org.ge

თბილისი. საქართველოს სახალხო დამცველმა რეკომენდაციით მიმართა თიანეთის მუნიციპალიტეტის მერს, თამაზ მეჭიაურს – აღმოფხვრას თიანეთის მუნიციპალიტეტში მერის წარმომადგენლებისა და სპეციალისტების მიმართ არსებული მძიმე სამუშაო პირობები და უზრუნველყოს საშეშე მერქნით მათი დროული მომარაგება. თიანეთის მუნიციპალიტეტის ადმინისტრაციულ ერთეულებში მომუშავე თანამშრომლები 2017 წლის ნოემბრიდან არ მომარაგებულან საშეშე მერქნით, ვინაიდან, მოქმედი მერი მათ განსხვავებული პოლიტიკური ძალის მხარდამჭერებად აღიქვამს. ეს გარემოება თანამშრომლებს მძიმე პირობებში აყენებს და ხელს უშლის სამუშაოს ჯეროვნად შესრულებაში. სრულად  წყარო: ორგანიზაციის ვებგვერდი

იმერეთი. საქართველოს სახალხო დამცველმა ქუთაისის ხანდაზმულთა პანსიონატი დაათვალერა, ბენეფიციარებს, დაწესებულების ადმინისტრაციას ესაუბრა. სახალხო დამცველის შეფასებით, პანსიონატის მდგომარეობა დამაკმაყოფილებელია, კომუნიკაციები გამართულად მუშაობს. თუმცა, მოსაწესრიგებელია შიდა ეზო და დასასვენებელი ადგილების ინფრასტრუქტურა. სახალხო დამცველთან საუბარში ბენეფიციარები აღნიშნავდნენ, რომ პანსიონატის სიახლოვეს არ მოძრაობს მუნიციპალური ტრანსპორტი, რაც ხანდაზმულებს გადაადგილების პრობლემას უქმნის, ხოლო ახლობლებს მათ მონახულებას ურთულებს. სრულად  წყარო: ორგანიზაციის ვებგვერდი

თბილისი. 1-2 მარტს, „ქალთა ფონდმა საქართველოში" ჩაატარა საქველმოქმედო გამოფენა-გაყიდვა და აუქციონი „თავშესაფარს მიღმა". მისი მიზანი იყო „ძალადობის მსხვერპლთა და დედათა და ბავშვთა თავშესაფარში" დროებით მცხოვრები ქალებისთვის დასაქმებასა და ფინანსურ გაძლიერებაში ხელის შეწყობა. „ღონისძიება ამავე სახელწოდების კამპანიის ნაწილია, რომელიც გრძელდება. შეგროვილი თანხით თავშესაფრის სამზარეულო აღიჭურვება საჭირო პროფესიული ტექნიკით, რაც იქ მცხოვრებ ქალებს საშუალებას მისცემს, გამოცდილი შეფ-მზარეულის ხელმძღვანელობით გაიარონ მზარეულის კურსი, რაც როგორც თავშესაფარში, ასევე თავშესაფრის მიღმა მათ დასაქმებაში დაეხმარება. საჭირო თანხის შეგროვების შემდეგ თავშესაფარში ამუშავდება სოციალური საწარმო - მზა კერძების მიწოდების სერვისი, სადაც დასაქმდებიან ცენტრში მცხოვრები ქალები. გარდა იმისა, რომ ისინი შეიძენენ პროფესიულ გამოცდილებას, თავშესაფარი უზრუნველყოფილი იქნება დამატებითი შემოსავლით", ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

თბილისი. პარტნიორობა ადამიანის უფლებებისთვის (PHR) აქვეყნებს ბლოგპოსტს: „სასამართლოს დროებითი განჩინებით ჯანდაცვის სამინისტროს შშმ ბავშვისთვის სერვისით უზრუნველყოფა დაევალა". „თბილისის საქალაქო სასამართლომ მიიღო მნიშვნელოვანი გადაწყვეტილება, დააკმაყოფილა PHR-ის მოსარჩელე არასრულწლოვნის მოთხოვნა და საქართველოს შრომის, ჯანმრთელებისა და სოციალური დაცვის სამინისტროს დაავალა, სასამართლოს საბოლოო გადაწყვეტილების მიღებამდე, ს.ქ.-ასთვის პირადი ასისტენტის მომსახურების უზრუნველყოფა დღის ცენტრში", ნათქვამია პრგანიზაციის ვებგვერდზე. სრულად... წყარო: phrgeorgia.wordpress.com

თბილისი. პარტნიორობა ადამიანის უფლებებისთვის (PHR) აქვეყნებს ბლოგპოსტს: „სოციალური მუშაკის ფუნქცია ინკლუზიურ განათლებაში". „ინკლუზიური განათლების ხელმისაწვდომობა დადებითად მოქმედებს არა მარტო სპეციალური საგანმანათლებო საჭიროების მქონე მოსწავლეებისთვის, არამედ მთლიანად საზოგადოებისთვის. მოსწავლეები დაწყებითი ასაკიდან, როდესაც სოციალური ბარიერები ჯერ კიდევ არ არის ჩამოყალიბებული, სწავლობენ მრავალფეროვან გარემოში ცხოვრებას, სხვადასხვა საჭიროების მქონე მოსწავლეებთან ერთად ერთვებიან საგაკვეთილო პროცესში და ერთად ქმნიან ინკლუზიურ საზოგადოებას. ინკლუზიური განათლება საშუალებას აძლევს საზოგადოებას, იცხოვროს უფრო ჰარმონიულ გარემოში და იყვნენ უფრო ემპათიურები", ნათქვამია ორგანიზაციის ვებგვერდზე. სრულად... წყარო: phrgeorgia.wordpress.com

თბილისი. სოციალურ მუშაკთა კლუბმა საინტერესო მომხსენებლებს უმასპინძლა. „ჩვენმა კოლეგებმა ირმა ბებერაშვილმა და მარიამ სულამანიძემ გაგვიზიარეს ძალიან საინტერესო კვლევის „მცირე საოჯახო ტიპის სახლებში მცხოვრები ბავშვები და განათლება" შედეგები. მათი კვლევა მოიცავდა თითქმის ყველა რეგიონსა და ალტერნატიულ მომსახურებებში - მცირე საოჯახო ტიპის სახლებში მცხოვრები ბავშვებისა და ახალგაზრდების განათლების საკითხებს. შეხვედრა იყო ინტერაქტიული და მეტად საჭირო აღმოჩნდა დამსწრე სოციალური მუშაკებისა და მომსახურების მიმწოდებელი ორგანიზაციებისთვის", ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

თბილისი. მიმდინარე დღეებში საქართველოს პარლამენტი „დაგროვებითი პენსიის შესახებ" კანონპროექტს იხილავს, რომლის თანახმად, 2018 წლის პირველი ივლისიდან საქართველოში დაგროვებითი საპენსიო სისტემა ამოქმედდება. საზოგადოებრივი ორგანიზაციების ნაწილი, ამასთან დაკავშირებით, საპენსიო რეფორმის ირგვლივ დაგროვილ 10 შენიშვნას აქვეყნებს. სრულად წყარო: www.gdi.ge