სამეგრელო. 21 დეკემბერს, ასოციაცია „ათინათის" ახალგაზრდული ცენტრის ორგანიზებით, ზუგდიდში გაიმართა აქცია - ერთი თბილი დღე ქუჩაში მომუშავე მოსახლეობისთვის. აქტივობა მიმდინარეობდა ზუგდიდში, ბაზრის მიმდებარე ტერიტორიაზე. ქალაქის მცხოვრებლებს, ახალგაზრდები დიდი მონდომებით უმასპინძლდებოდნენ უფასო ცხელი ჩაითა და ყავით, ორცხობილებით. ხალხმა მადლიერება გამოხატა და პოზიტიურად შეხვდა ახალგაზრდების მიერ განხორციელებულ ინიციატივას", ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

თბილისი. პარტნიორობა ადამიანის უფლებებისთვის აქვეყნებს სოციალურ ვიდეორგოლს: დროულად იხსენი ბავშვი ძალადობისგან. სრულად... წყარო: ორგანიზაციის ვებგვერდი სოციალურ ქსელში

თბილისი. ადამიანის უფლებების სწავლებისა და მონიტორინგის ცენტრის (EMC) ადვოკატირების შედეგად, OGP-ის სამოქმედო გეგმაში, საცხოვრისის პოლტიკის შესახებ სახელმწიფოს ვალდებულებები გაიწერა. „2018 წლის 8 ნოემბერს, საქართველოს მთავრობამ ღია მმართველობის პარტნიორობის (OGP) საქართველოს რიგით მეოთხე - 2018-2019 წლების სამოქმედო გეგმა - დაამტკიცა. დოკუმენტში, ადამიანის უფლებების სწავლებისა და მონიტორინგის ცენტრის (EMC) აქტიური ადვოკატირების შედეგად, სათანადო საცხოვრებლის უფლების იმპლემენტაციის მიმართულებით სახელმწიფოს ვალდებულებები გაიწერა. ეს არის პირველი შემთხვევა, როდესაც სამოქმედო გეგმით საქართველოს მთავრობამ აღნიშნულ სფეროში კონკრეტული ვალდებულებები აიღო", - აღნიშნულია EMC-ის მიერ გავრცელებულ ინფორმაციაში. სრულად  წყარო: ორგანიზაციის ვებგვერდი

თბილისი. „საერთაშორისო გამჭვირვალობა - საქართველო" (TI) „შრომის უსაფრთხოების შესახებ" ორგანულ კანონში შესატან ცვლილებებს მიმოიხილავს. დოკუმენტში, რომელიც ორგანიზაციის ვებგვერდზეა გამოქვეყნებული, ვკითხულობთ: „საქართველოს პარლამენტი პირველი მოსმენით განიხილავს ცვლილებებს საქართველოს „შრომის უსაფრთხოების შესახებ" ორგანულ კანონში. საკანონმდებლო ინიციატივის მიხედვით, 2019 წლის 1 სექტემბრიდან შრომის უსაფრთხოების შესახებ საქართველო კანონი - არა მხოლოდ საფრთხის შემცველ, მძიმე, მავნე და საშიშპირობებიან სამუშაოებზე, არამედ ეკონომიკური საქმიანობის ყველა დარგზე გავრცელდება". სრულად  წყარო: ორგანიზაციის ვებგვერდი

იმერეთი. ქმედუნარიანობის რეფორმის შესახებ მორიგი სამუშაო შეხვედრა ორგანიზაციამ „პარტნიორობა ადამიანის უფლებებისთვის" (PHR) ქუთაისის დღის ცენტრ „ვალენტინში" გამართა. შეხვედრის მიზანი, ქმედუნარიანობის რეფორმასთან დაკავშირებული საკითხების შესახებ, ცენტრის თანამშრომლების, მისი მხარდამჭერების, შეზღუდული შესაძლებლობების მქონე ბავშვების მშობლების ინფორმირება იყო. სრულად  წყარო: ორგანიზაციის ვებგვერდი

თბილისი. სტრატეგიული კვლევების და განვითარების ცენტრის (CSRDG) ორგანიზებით, 25-26 ოქტომბერს, ჩატარდა ტრენინგი თემაზე „სოციალური გავლენის მართვა”. „ტრენინგის მიზანი იყო სოციალური მეწარმეების ცოდნისა და უნარების გაუმჯობესება სოციალური გავლენის გაზომვისა და მართვის სფეროში, გავლენაზე ორიენტირებული მართვისა და ორგანიზაციული კულტურის დანერგვის მხარდაჭერას სოციალურ საწარმოებში”, ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

აჭარა. საქართველოს სოციალურ მუშაკთა ასოციაციის ორგანიზებით, ბათუმში რეგიონალური შეხვედრა ჩატარდა. შეხვედრას გაეროს ბავშვთა ფონდის წარმომადგენლები, ბათუმის, ხელვაჩაურის, ქედის მერები, აჭარის ექვსივე მუნიციპალიტეტის მერიის წარმომადგენლები და სოციალური მომსახურების სააგენტოს აჭარის ფილიალის სოციალური მუშაკები ესწრებოდნენ. შეხვედრის მიზანი იყო ადგილობრივი თვითმმართველობის, პროექტის განმახორციელებელი, პარტნიორი და მხარდამჭერი ორგანიზაციების წარმომადგენლებს შორის პროექტის ფარგლებში განხორციელებული ღონისძიებების გააზრება, მიღწევებისა და გამოწვევის განხილვა, განსხვავებული მუნიციპალური პრაქტიკის მიმოხილვა და სამომავლო ქმედებებზე შეთანხმება. სრულად  წყარო: ორგანიზაციის გვერდი სოციალურ ქსელში

თბილისი. „ადამიანის უფლებების სწავლებისა და მონიტორინგის ცენტრი" (EMC) აქვეყნებს ანალიტიკურ დოკუმენტს, რომელშიც თბილისის მერიის სოციალური საცხოვრისის პროგრამა და მასთან დაკავშირებული პრობლემებია მიმოხილული. როგორც დოკუმენტშია აღნიშნული, პრობლემის მასშტაბისა და მის საპასუხოდ გრძელვადიანი საცხოვრისი სერვისების საჭიროებიდან გამომდინარე, „ადამიანის უფლებების სწავლებისა და მონიტორინგის ცენტრი" რიგ რეკომენდაციებსაც გასცემს. სრულად  წყარო: ორგანიზაციის ვებგვერდი

თბილისი. ორგანიზაცია „პარტნიორობა ადამიანის უფლებებისთვის" (PHR) იურისტებმა ასოციაცია „ანიკაში", ქმედუნარიანობის რეფორმასთან დაკავშირებით, საინფორმაციო შეხვედრა გამართეს. ყურადღება გაამახვილეს იმ განსხვავებებზე, რომელიც მეურვეობის კანონმდებლობასა და მხარდამჭერის ინსტიტუტს შორის არსებობს. ორგანიზაციის იურისტებმა შეხვედრის მონაწილეებს მიაწოდეს ინფორმაცია, მხარდამჭერის ინსტიტუტთან დაკავშირებით საზღვარგარეთ არსებული პრაქტიკის შესახებ; გააცნეს ის რეგულაციები, რომელთა მეშვეობითაც, ფსიქოსოციალური საჭიროების მქონე პირთა ქმედუნარიანობის უფლების განხორციელების დამატებითი უზრუნველყოფა არის შესაძლებელი. სრულად  წყარო: ორგანიზაციის ვებგვერდი

სამეგრელო-ზემო სვანეთი. „საქართველოს სოციალურ მუშაკთა ასოციაციიის" წევრები აბაშისა და სენაკში მუნიციპალიტეტების, არასამთავრობო სექტორის წარმომადგენლებსა და ადგილობრივ სოციალურ მუშაკებს შეხვდნენ. შეხვედრის მონაწილეებს პროექტის - „ძლიერი სამოქალაქო საზოგადოება ეფექტიანი მმართველობისთვის" - ფარგლებში ჩატარებული კვლევების შედეგები, ასევე, პროგრამის ექსპერტების მიერ მომზადებული მასალა - "საჭიროებებზე დაფუძნებული პოლიტიკის მიმოხილვა" და „საუკეთესო მუნიციპალური მომსახურებების მიწოდების პრაქტიკის მიმოხილვა" გააცნეს. სრულად  წყარო: ორგანიზაციის გვერდი სოციალურ ქსელში

ქვემო ქართლი. „საქართველოს სოციალურ მუშაკთა ასოციაციამ" რუსთავსა და მარნეულში მუნიციპალიტეტების წარმომადგენლებთან, ადგილობრივ სოციალურ მუშაკებთან და არასამთავრობო სექტორთან შეხვედრა გაიმართა. შეხვედრის მონაწილეებს გააცნეს პროექტის - "ძლიერი სამოქალაქო საზოგადოება ეფექტიანი მმართველობისთვის" - ფარგლებში ჩატარებული კვლევების შედეგები, ასევე, პროგრამის ექსპერტების მიერ მომზადებულ მასალა - "საჭიროებებზე დაფუძნებული პოლიტიკის მიმოხილვა" და „საუკეთესო მუნიციპალური მომსახურებების მიწოდების პრაქტიკის მიმოხილვა". სრულად  წყარო: ორგანიზაციის გვერდი სოციალურ ქსელში

თბილისი. „ადამიანის უფლებების სწავლებისა და მონიტორინგის ცენტრი" (EMC) აქვეყნებს განცხადებას, რომელიც ქვეყანაში არსებულ საბანკო ვალდებულებებსა და მისგან გამოწვეულ უსახლკარობას ეხება. „ფინანსური ვალდებულებების შეუსრულებლობის საფუძველზე, იპოთეკით დატვირთული საცხოვრისიდან გამოსახლების შედეგად დამდგარი უსახლკარობის პრობლემა საქართველოში მნიშვნელოვან გამოწვევას წარმოადგენს. დაურეგულირებელი ურთიერთობები საბანკო და საკრედიტო სუბიექტებთან, უმუშევრობის მაღალი მაჩვენებელი, განათლებისა და ჯანდაცვის სერვისების არასათანადო ხარისხი და სხვა სახის პოლიტიკების სისუსტე ან არარსებობა მნიშვნელოვნად ამწვავებს ამ კუთხით არსებულ მდგომარეობას - საქართველოში საბანკო ვალდებულებებზე დამოკიდებულების ზრდის მაჩვენებლები საგანგაშოა. სახელმწიფოს მიერ სათანადო მხარდაჭერის გარეშე დარჩენილი ოჯახები სესხის აღებას განიხილავენ, როგორც მძიმე ეკონომიური მდგომარეობიდან თავის დაღწევის ერთ-ერთ მნიშვნელოვან გზას. აღნიშნულ მსჯელობას ამყარებს საქართველოს ეროვნული ბანკის მონაცემები, რომლის თანახმადაც, 2018 წლის ივნისის მდგომარეობით, ფიზიკურ პირებზე გაცემული უძრავი ქონებით უზრუნველყოფილი სესხების რაოდენობრივი მაჩვენებელი 8 162 997 ერთეულია, მაშინ როდესაც 2013 წლის ივნისის მდგომარეობით, აღნიშნული მაჩვენებელი 1 727 354 ერთეულს შეადგენდა. საყურადღებოა მსოფლიო ბანკის 2016 წლის მონაცემებიც რომლის მიხედვითაც, საქართველოში ყოველ 1000 ადამიანიდან 724 პირს სასესხო ვალდებულება გააჩნია. აღნიშნული მკვეთრად უარყოფითი მაჩვენებლით საქართველო მსოფლიოში მესამე ადგილს იკავებს და მხოლოდ სინგაპურისა და თურქეთის მონაცემებს ჩამოუვარდება", - ვკითხულობთ განცხადებაში. სრულად  წყარო: ორგანიზაციის ვებგვერდი

თბილისი. საქართველოს სახალხო დამცველმა ახმეტის მუნიციპალიტეტის მერს საბავშვო ბაგა–ბაღების კეთილმოწყობის მიზნით დროული და კომპლექსური ღონისძიებების გატარების რეკომენდაციით მიმართა. სახალხო დამცველის აპარატის მონიტორინგის შედეგად გამოიკვეთა, რომ სოფლების – ქისტაურისა და ზემო ხოდაშენის, ასევე ახმეტის N5 და N6 საბავშვო ბაგა-ბაღებში საკმაოდ მძიმე მდგომარეობაა, მოუწესრიგებელია სასწავლო და სააღმზრდელო გარემო, არ არის უზრუნველყოფილი უსაფრთხოება, ფიზიკურ-ინფრასტრუქტურული და სანიტარულ-ჰიგიენური პირობები. სრულად  წყარო: სახალხო დამცველის ვებგვერდი

17 ივლისი - 6 აგვისტოს, საქართველოს 7 ქალაქში - გორი, ახალციხე, ქუთაისი, ამბროლაური, ზუგდიდი, ოზურგეთი, ბათუმი - სოციალურ თემებზე მომუშავე სამოქალაქო სექტორის წარმომადგენლებისათვის ერთდღიანი სემინარი ჩატარდა თემაზე „სოციალური პროგრამების დაგეგმვის და განხორციელების ძირითადი ასპექტები". „სემინარებს საერთო ჯამში 150 ადამიანი დაესწრო და მისი ჩატარების მიზანი სხვადასხვა სოციალური ჯგუფებისათვის სოციალური სერვისებით მომსახურების თემაზე ინფორმაციის მიწოდება გახლდათ. სემინარების დასრულების შემდეგ (სექტემბერი) სოციალური საწარმოების იდეების საგრანტო კონკურსი გამოცხადდება. სემინარის მონაწილეებს და, ასევე, ყველა სხვა დაინტერესებულ პირს, შესაძლებლობა ექნება მონაწილეობა მიიღოს იდეების კონკურსში. პროექტის ფარგლებში მინიმუმ 10 გამარჯვებული იდეის ავტორი გრანტის სახით 15 000 ევროს მიიღებს", ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

თბილისი. საქართველო სტრატეგიული კვლევებისა და განვითარების ცენტრი CSR ბლოგზე აქვეყნებს ალექსანდრე ლორთქიფანიძის ბლოგპოსტს: ბავშვები არ უნდა შიმშილობდნენ. „მე კი მინდა, რომ ერთ დღეს ისეთ დუნიაზე გავიღვიძო, ბავშვები აღარ შიმშილობდნენ და სიღარიბის ზღვარს მიღმა მყოფ ადამიანთა რიცხვი ნულს უტოლდებოდეს, განა ის რომ ყველა მდიდრები ვიყოთ, ლომი ცხვართან ძოვდეს და ჰაერში სასწაულების სუნი ტრიალებდეს, არა, მხოლოდ ის, ბავშვს პური ჰქონდეს და დიდს სითბო, არგასაყინად და გასაზიარებლადაც", ნათქვამია CSR ბლოგში. სრულად... წყარო: csrblog.ge

იმერეთი. "განათლების განვითარების და დასაქმების ცენტრის" (EDEC) ინიციატივით ევროკავშირის პროექტის „თანაბარი შესაძლებლობები შეზღუდული შესაძლებლობის მქონე პირთათვის" ფარგლებში გაიმართა დისკუსია თემაზე „ადაპტირებული ტრანსპორტი შეზღუდული შესაძლებლობის მქონე პირთა უსაფრთხო და კომფორტული გადაადგილებისთვის". დისკუსია მრგვალი მაგიდის ფორმატში წარიმართა და შეზღუდული შესაძლებლობის მქონე პირთათვის ადაპტირებულ ტრანსპორტზე - არსებულ პრობლემებსა და მათი გადაჭრის გზებზე მოწვეულმა ექსპერტმა, ქუთაისისა და წყალტუბოს თვითმმართველობების წარმომადგენლებმა, ქ. ქუთაისის მუნიციპალიტეტის მერიის შეზღუდული შესაძლებლობის მქონე პირთა უფლებების დაცვისა და ინტეგრაციის საბჭოს წევრებმა და ტრანსპორტის პროვაიდერებმა შშმ პირებთან ერთად იმსჯელეს. სრულად  წყარო: ორგანიზაციის ვებგვერდი სოციალურ ქსელში

ქვემო ქართლი. ორგანიზაცის „პარტნიორობა ადამიანის უფლებებისთვის" (PHR) წარმომადგენლები ფსიქიატრიულ დაწესებულებებში მცხოვრები პირებისთვის სამართლებრივი დახმარების აღმოჩენის სამუშაოებს განაგრძობენ. ამ კუთხით დისკრიმინაციასთან დაკავშირებით ცნობიერების ამაღლებისა და ანტიდისკრიმინაციული მექანიზმების შესახებ ინფორმაციის მიწოდების მიზნით, ისინი რუსთავის ფსიქიკური ჯანმრთელობის ცენტრშიც იმყოფებოდნენ. PHR-ის იურისტები დაწესებულების პერსონალსა და იქ მცხოვრებ პირებს შეხვდნენ. საუბრისას, განსაკუთრებული ყურადღება გამახვილდა ქმედუნარიანობის რეფორმასა და დაწესებულებაში ამ მიმართულებით არსებულ გამოწვევებზე. სრულად  წყარო: ორგანიზაციის ვებგვერდი

თბილისი. ტყიბულში, მინდელის სახელობის შახტაში მომხდარ ტრაგედიასთან დაკავშირებით, საზოგადოებრივი ორგანიზაციების ნაწილი განცხადებას ავრცელებს. „მეშახტეების დაღუპვისა და დასახიჩრების შემთხვევები და მისი განმეორებადობა აჩვენებს, რომ ჩვენ საქმე გვაქვს არა ერთეულ და საგამონაკლისო საწარმოო შემთხვევებთან, არამედ დასაქმებულებთა წინააღმდეგ ჩადენილ განგრძობად და სისტემურ პრაქტიკასთან, რომლის მიმართაც სახელმწიფოს აბსოლუტური გულგრილობა მას დანაშაულის თანამონაწილედ აქცევს", - ვკითხულობთ განცხადებაში, - „ არსებული კრიზისული მოცემულობის გათვალისწინებით, დღის წესრიგში ვტოვებთ მოთხოვნებს, რაც გულისხმობს სახელმწიფოს პასუხისმგებლობას დაუყოვნებლივ, უმოკლეს ვადებში უზრუნველყოს გამართული და ეფექტიანი შრომის საზედამხედველო სისტემის ამუშვება, ხოლო საქართველოს შინაგან საქმეთა სამინისტრომ დროულად და ეფექტიანად წარმართოს გამოძიება მომხდარ შემთხვევაზე და საზოგადოებას პროაქტიულად გააცნოს ინფორმაცია გამოძიების მიმდინარეობის შესახებ". სრულად  წყარო: www.osgf.ge

თბილისი. ივლისში ამოქმედდა ფონდ „ღია საზოგადოება - საქართველოსა" და საქართველოს ადვოკატთა ასოციაციის ერთობლივი პროექტი, რომელიც შეზღუდული შესაძლებლობების მქონე და პალიატიური მზრუნველობის პაციენტებისთვის უფასო იურიდიულ დახმარების გაწევას გულისხმობს. პროექტისთვის თბილისში, აჭარაში, კახეთში, შიდა ქართლსა და სამეგრელო-ზემო სვანეთში შეირჩა ცხრა კვალიფიციური ადვოკატი, რომელმაც, პროექტის ამოქმედებამდე, სამდღიანი ტრენინგი გაიარა. ადვოკატები უფასო იურიდიულ დახმარებას გაუწევენ და დაიცავენ დაზარალებულების ინტერესებს როგორც სასამართლოში, ისე სხვა ინსტაციებში, ყველა იმ საქმეზე, რომელიც ეხება ჯანმრთელობის უფლების დარღვევითა და ბენეფიციარის ჯანმრთელობის მდგომარეობით გამოწვეულ ქონებრივ თუ არაქონებრივ უფლებებს. სრულად  წყარო: ორგანიზაციის ვებგვერდი

თბილისი. საქართველოს SOS ბავშვთა სოფელს, ამიერიდან, შეგიძლიათ ონლაინ პლატფორმის საშუალებითაც დაუჭიროთ მხარი დაეხმარეთ, მზრუნველობამოკლებულ ბავშვებსა და სოციალურად დაუცველ ოჯახებს.  სრულად... წყარო: ორგანიზაციის ვებგვერდი სოციალურ ქსელში

თბილისი. 21 ივნისს, 18:00 საათზე, „ღია გალერეა" უმასპინძლებს ქართველი მხატვრის, თამარ შიუკაშვილის ნახატების გამოფენას, რომელიც ბავშვთა ჰოსპისს „ციცინათელების ქვეყანას" ეძღვნება. ნახატების გაყიდვით შეგროვილი თანხა ბავშვთა ჰოსპისს „ციცინათელების ქვეყანას" გადაერიცხება. „თამარის ნახატები დადებით ემოციას იწვევს და კარგ განწყობას ქმნის. პერსონაჟების და თემების მრავალფეროვნების წყალობით, თამარის ნამუშევრების ადგილი ყველგან მოიძებნება", - ნათქვამია გამოფენასტან დაკავშირებით გავრცელებულ ინფორმაციაში. სრულად  წყარო: http://www.osgf.ge

თბილისი. სახალხო დამცველის აპარატში სახალხო დამცველთან არსებული შეზღუდული შესაძლებლობის მქონე პირთა უფლებების კონვენციის პოპულარიზაციის, დაცვისა და იმპლემენტაციის მონიტორინგის საკონსულტაციო საბჭოს მე-15 შეხვედრა გაიმართა. შეხვედრაზე შშმ პირთა უფლებების დაცვისა და მონიტორინგის მიზნით განხორციელებული და დაგეგმილი ღონისძიებები განიხილეს და აქტუალური საკითხების შესახებ ისაუბრეს. განსაკუთრებული ყურადღება დაეთმო ფსიქიკური ჯანმრთელობის თემას, ინკლუზიური განათლების სფეროს გამოწვევებს, ადგილობრივ დონეზე შშმ პირთა საჭიროებების გათვალისწინების მნიშვნელობას. სრულად  წყარო: სახალხო დამცველის ვებგვერდი