<div style="text-align: justify;"><span style="font-weight: bold;">ქვემო ქართლი. </span>ევროკავშირმა, პარტნიორ ორგანიზაცია CENN-თან ერთად, წალკის მუნიციპალიტეტში სოფლის განვითარების ახალი პროექტი - „ეს წალკაა" - ოფიციალურად წარადგინა.</div> <div style="text-align: justify;">პროექტის მიზანია საოჯახო მეურნეობების გაძლიერება, მეწარმეების საქმიანობის ხელშეწყობა, ქალებისა და ახალგაზრდების დასაქმება და მუნიციპალიტეტის სხვა ადგილობრივი ჯგუფების მხარდაჭერა ცოდნაზე, ინოვაციებსა და ახალ ტექნოლოგიებზე ხელმისაწვდომობის უზრუნველყოფით, ბიზნესკავშირების დამყარებითა და სამუშაო ადგილების შექმნის გზით.</div> <div style="text-align: justify;"><a href="http://enpard.ge/ge/es-tsalkaa-evrokavshiri-tsalkis-munitsipalitetshi-sophlis-ganvitharebis-akhal-proeqts-itsqhebs/" target="_blank" style="font-weight: bold;">სრულად </a></div> <div style="text-align: justify;">წყარო: http://enpard.ge</div> <div style="text-align: justify;"><br /> </div>

<div style="text-align: justify;"><span style="font-weight: bold;">თბილისი.</span> „ადამიანის უფლებების სწავლებისა და მონიტორინგის ცენტრმა" (EMC) გამართა კონფერენცია, თემაზე - „არადომინანტური ეთნიკური ჯგუფების წინაშე მდგარი გამოწვევები".</div> <div style="text-align: justify;">კონფერენციზე მკვლევრებმა და ექსპერტებმა წარმოადგინეს მოხსენებები არადომინანტური ეთნიკური ჯგუფების პოლიტიკური მონაწილეობის და განათლების ხელმისაწვდომობის პრობლემების შესახებ; ეთნიკური ჯგუფების ინტეგრაციისა და უფლებების დაცვის საკითხებზე მომუშავე ორგანიზაციებმა იმსჯელეს იმსჯელეს, ეთნიკურ ჯგუფებთან მათი მუშაობის სტრატეგიებისა და ახალი პერსპექტივების თაობაზე. ღონისძიებაზე, ასევე, წარმოადგინეს EMC-ის მიერ მომზადებული სახელმძღვანელო, რომელიც ეთნიკური უმცირესობების უფლებებთან დაკავშირებულ საერთაშორისო სტანდარტებს მიმოიხილავს და ქართულ, აზერბაიჯანულ და რუსულ ენებზეა გამოცემული.</div> <div style="text-align: justify;"><a href="http://emc.org.ge/ka/events/konferentsia-aradominanturi-etnikuri-jgufebis-tsinashe-mdgari-gamotsvevebi" target="_blank" style="font-weight: bold;">სრულად </a></div> <div style="text-align: justify;"> <div><a href="http://emc.org.ge/ka/products/etnikuri-umtsiresobebis-uflebebtan-dakavshirebuli-saertashoriso-standartebis-mimokhilva" target="_blank" style="font-weight: bold;">სახელმძღვანელოები</a></div> <div>წყარო: ორგანიზაციის ვებგვერდი</div></div> <div style="text-align: justify;"><br /> </div>

<div style="text-align: justify;"><span style="font-weight: bold;">აჭარა.</span> „საერთაშორისო გამჭვირვალობა - საქართველოს" (TI) ინფორმაციით, აჭარაში მუნიციპალური იურიდიული პირების ხელმძღვანელთა ნაწილს ქონებრივი დეკლარაცია არასრულად აქვს შევსებული. ორგანიზაციამ აჭარის რეგიონის 6 მუნიციპალიტეტის მიერ სხვადასხვა დროს დაფუძნებული შეზღუდული პასუხისმგებლობის საზოგადოებების (შპს) ხელმძღვანელი პირების 21 დეკლარაცია შეისწავლა.</div> <div style="text-align: justify;">„შედეგად, დეკლარაციის არასრულად შევსების 8 ფაქტი გამოვლინდა, რომელთაგან 2 ეხება საკუთარი და ოჯახის წევრების მფლობელობაში არსებული წილების მიუთითებლობას, 3 შემთხვევაში თანამდებობის პირებს საკუთარი წილის მართვის უფლება სხვა პირებისთვის მინდობით არ გადაუციათ, 3 შემთხვევაში კი დეკლარაციაში არ აქვთ შეტანილი ოჯახის წევრების მფლობელობაში არსებული ქონება. სამივე გარემოება არღვევს საჯარო დაწესებულებაში ინტერესთა შეუთავსებლობისა და კორუფციის შესახებ კანონის მოთხოვნებს", - ვკითხულობთ TI-ის მიერ გავრცელებულ ინფორმაციაში.</div> <div style="text-align: justify;"><a href="http://www.transparency.ge/ge/blog/acharis-municipaluri-iuridiuli-pirebis-direktorebis-arasrulad-shevsebuli-deklaraciebi" target="_blank" style="font-weight: bold;">სრულად </a></div> <div style="text-align: justify;">წყარო: ორგანიზაციის ვებგვერდი</div> <div style="text-align: justify;"><br /> </div>

<div style="text-align: justify;"><span style="font-weight: bold;">თბილისი.</span> საერთაშორისო გამჭვირვალობა - საქართველოს აქვეყნებს ბლოგპოსტს: რატომ ტოვებენ მერები თანამდებობებს?</div> <div style="text-align: justify;"><span style="font-family: Sylfaen, serif; font-size: 11pt;">„</span>2017 წლის თვითმმართველობის არჩევნებიდან წელიწადნახევარში 5 მუნიციპალიტეტი მერის გარეშე დარჩა. ზუგდიდის, მარნეულის, ჭიათურისა და ხულოს შემდეგ უმაღლესი აღმასრულებელი პირის გარეშე მუშაობს ზესტაფონის მუნიციპალიტეტიც - 2019 წლის 12 თებერვალს კახაბერ მახათაძემ თანამდებობა დატოვა.</div> <div style="text-align: justify;">ამავე დღეს უფლებამოსილების შეწყვეტის განცხადებით საკრებულოს მიმართა მარნეულის მერმა თემურ აბაზოვმა, რომელიც მოქალაქის მიმართ არაადამიანური მოპყრობის ბრალდებით 2018 წლის 13 ივნისს დააკავეს და 7 თვიანი წინასწარი პატიმრობის შემდეგ 2018 წლის დეკემბერში გირაოთი გაათავისუფლეს.</div> <div style="text-align: justify;">ამ დრომდე წინასწარ პატიმრობაში რჩება კორუფციის ბრალდებით დაკავებული ზუგდიდის ყოფილი მერი ლაშა გოგიაც.</div> <div style="text-align: justify;">„საერთაშორისო გამჭვირვალობა - საქართველომ” ზუგდიდის, მარნეულის, ჭიათურის, ხულოს და ზესტაფონის მერებთან დაკავშირებული ცნობები შეკრიბა", ნათქვამია ორგანიზაციის ვებგვერდზე.</div> <div style="text-align: justify;"><a href="http://www.transparency.ge/ge/blog/ratom-toveben-merebi-tanamdebobebs" target="_blank" style="font-weight: bold;">სრულად...</a></div> <div style="text-align: justify;">წყარო: www.transparency.ge</div> <div><br /> </div>

<div style="text-align: justify;"><span style="font-weight: bold;">თბილისი.</span> 15 თებერვალს, საქართველოს ეროვნული არქივის საგამოფენო პავილიონში გაიხსნა გერმანიის საერთაშორისო თანამშრომლობის საზოგადოების მიერ (GIZ) ორგანიზებული გამოფენა - ადგილობრივი თვითმმართველობა 100 წლის წინ; აღმოაჩინე უცნობი მემკვიდრეობა.</div> <div style="text-align: justify;">„გამოფენაზე წარმოდგენილია მასალები - მე-19 საუკუნის მეორე ნახევრიდან თვითმმართველობის კულტურის განვითარების შესახებ და საქართველოს დამოუკიდებლობის გამოცხადების შემდეგ გატარებული თვითმმართველობის ფუნდამენტური რეფორმის ამსახველი დოკუმენტები: სამაზრო ერობების, საქალაქო და სათემო თვითმმართველობების არჩევნების, დეპუტატთა შემადგენლობების, თვითმმართველობათა წარმატებული მუშაობის და მათი პრობლემების ამსახველი პირველწყაროები", ნათქვამია საბჭოთა კავშირის კვლევის ლაბორატორიის ვებგვერდზე.</div> <div style="text-align: justify;"><a href="http://sovlab.ge/ka/news/28?fbclid=IwAR1HOppav94WTRA5FEoXW3-zpq8tgWzLULp28YLxWHwuzdZuQPOh3fN1dbk" target="_blank" style="font-weight: bold;">სრულად...</a></div> <div style="text-align: justify;">წყარო: sovlab.ge</div> <div style="text-align: justify;"><br /> </div>

<div style="text-align: justify;">ევროკავშირის მხარდაჭერით, გაეროს სურსათისა და სოფლის მეურნეობის ორგანიზაცია (FAO), გარემოს დაცვისა და სოფლის მეურნეობის სამინისტროსთან ერთად, საქართველოში სასოფლო-სამეურნეო პროდუქტების ფასების მონიტორინგის სისტემას აუმჯობესებს. მონიტორინგის სისტემა საქართველოში 2015 წლიდან ჩამოყალიბდა სოფლის მეურნეობისა და სოფლის განვითარების ევროპის სამეზობლო პროგრამის (ENPARD) ფარგლებში.</div> <div style="text-align: justify;">სოფლის მეურნეობის პროდუქტების საბაზრო ფასების მონიტორინგი 100-ზე მეტ სასოფლო-სამეურნეო პროდუქტზე ქვეყნის მასშტაბით 59 მუნიციპალიტეტში ხორცილდება. გარემოს დაცვისა და სოფლის მეურნეობის სამინისტროს ფერმერთა საინფორმაციო-საკონსულტაციო სამსახურების თანამშრომლები სასოფლო-სამეურნეო პროდუქტებზე ფასებს ყოველკვირეულად აგროვებენ და სამინისტროს ცენტრალურ აპარატს აწვდიან, ამ ინფორმაციის შემდგომი დამუშავებისა და პოლიტიკის შემუშავებაში გამოყენების მიზნით.</div> <div style="text-align: justify;">ფასების მონიტორინგის პროცესის გაუმჯობესების მიზნით შეიქმნა ონლაინ აპლიკაცია, რომლის საშუალებითაც მონაცემთა შეგროვება ელექტრონულად, კომპიუტერული ტაბლეტების მეშვეობით ხორციელდება და მონიტორინგის დასრულებისთანავე, შეგროვებული და შეყვანილი ინფორმაცია სამინისტროს სერვერზე ავტომატურად იგზავნება. აღნიშნული საგრძნობლად ამარტივებს მონიტორინგის პროცესს და ამცირებს შეცდომის დაშვების შესაძლებლობას.</div> <div style="text-align: justify;"><a href="http://enpard.ge/ge/fao-da-evrokavshiri-saqarthveloshi-phasebis-monitoringis-sistemis-gaumjobesebas-khels-utsqhoben/" target="_blank" style="font-weight: bold;">სრულად </a></div> <div style="text-align: justify;">წყარო: http://enpard.ge</div> <div style="text-align: justify;"><br /> </div>

სამეგრელო. 24 იანვარს, „დემოკრატიული ჩართულობის ცენტრების ქსელის" ზუგდიდის ოფისში გაიმართა დისკუსია თემაზე „მუნიციპალური ინიციატივები და ტურიზმის განვითარების ხელშეწყობა" გაიმართა. შეხვედრაზე საუბარი შეეხო თვითმმართველობის გეგმებს მუნიციპალიტეტის ტურისტული პოტენციალის ასამაღლებლად და არსებული რესურსების უფრო თვალსაჩინოდ გამოყენებას. დისკუსიის მონაწილეებმა საკუთარი მოსაზრება გამოთქვეს და ქალაქში არსებულ პრობლემებზეც ისაუბრეს. სრულად... წყარო: ორგანიზაციის ვებგვერდი სოციალურ ქსელში

შიდა ქართლი. რეგიონებში დეცენტრალიზაციის საშუალოვადიანი სტრატეგიის (2019-2025) პროექტის განხილვის მეორე ეტაპი გრძელდება. „საქართველოს ადგილობრივ თვითმმართველობათა ეროვნულმა ასოციაციამ (NALAG), გაეროს განვითარების პროგრამის (UNDP) მხარდაჭერით, გორში შეხვედრა გამართა. შეხვედრის მიზანია, ცენტრალურ და ადგილობრივ ხელისუფლებებს შორის დეცენტრალიზაციის საკითხებზე დიალოგის წარმართვა და დეცენტრალიზაციის ახალ სტრატეგიაში ადგილობრივი ხელისუფლების ინტერესების გათვალისწინება. დასავლეთ საქართველოს მუნიციპალიტეტების შემდეგ, პროექტის განხილვა უკვე განხორციელდა მცხეთაში, რუსთავში და თელავში. ხვალ კი, ანალოგიური შეხვედრა ახალციხეში გაიმართება,” ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

თბილისი. „საერთაშორისო გამჭვირვალობა - საქართველოს" (TI) დასკვნით, სახელმწიფო რწმუნებულების-გუბერნატორებისა და მათი მოადგილეების ნაწილმა 2018 წელს ქონებრივი მდგომარეობის შესახებ დეკლარაციები არასრულად შეავსო. „საერთაშორისო გამჭვირვალობა-საქართველომ” თანამდებობის პირთა 20-ზე მეტი ქონებრივი დეკლარაცია შეისწავლა. შედეგად, დეკლარაციების არასრულად შევსების 5, თანამდებობასთან შეუთავსებელი საქმიანობის 1 და კუთვნილი წილების სხვა პირებზე მინდობით გადაუცემლობის 2 ფაქტი გამოავლინა", - ვკითხულობთ TI-ის მიერ გავრცელებულ ინფორმაციაში.  სრულად  წყარო: ორგანიზაციის ვებგვერდი

თბილისი. „საერთაშორისო გამჭვირვალობა - საქართველოს" (TI) დასკვნით, იმერეთის მუნიციპალიტეტები საჯარო ინფორმაციას კანონმდებლობით დადგენილ ვადებში არ გასცემენ, ხშირ შემთხვევაში კი, მათ მიერ გაცემული ინფორმაცია არასრულია. „საერთაშორისო გამჭვირვალობა-საქართველო", კვლევებისა და სტატიების მომზადებისას, ხშირად მუნიციპალიტეტებიდან მიღებულ საჯარო ინფორმაციას ეყრდნობა. იმერეთის მუნიციპალიტეტების შემთხვევაში, ამ კუთხით პრობლემები არაერთხელ შეგვქმნია", - ვკითხულობთ TI-ის მიერ გავრცელებულ ინფორმაციაში, - „საჯარო ინფორმაციის გაცემის პროცესის მონიტორინგის მიზნით, ჩვენმა ორგანიზაციამ, 2018 წლის სექტემბერში საჯარო ინფორმაცია იმერეთის მხარის ყველა მუნიციპალიტეტის მერიიდან და საკრებულოდან გამოითხოვა. ინფორმაცია ეხებოდა საშტატო ნუსხას, შრომის ანაზღაურებას, მივლინებებზე, საწვავსა და სატელეკომუნიკაციო საშუალებებზე დახარჯულ საბიუჯეტო თანხებს". სრულად  წყარო: ორგანიზაციის ვებგვერდი

თბილისი. „საერთაშორისო გამჭვირვალობა - საქართველოს" (TI) ინფორმაციით, იმერეთის 2017 წლის მოწვევის საკრებულოებში შექმნილი 61 ფრაქციიდან 43-ს, რეგისტრაციის დღიდან 2018 წლის 1 ნოემბრის ჩათვლით, არც,ერთი საკითხის ინიცირება არ მოუხდენია. „საკრებულოს წევრებისათვის ფრაქციის შექმნა ხელფასის მიღების საშუალებაა, რადგან საკრებულოს წევრობა არაანაზღაურებადი საქმიანობაა. ჯამში, ფრაქციების თანამდებობის პირების შრომის ანაზღაურებისა და სხვა ხარჯებისთვის 1 მილიონ 800 ათას ლარზე მეტი დაიხარჯა", - ვკითხულობთ TI-ის მიერ გავრცელებულ ინფორმაციაში.  სრულად  წყარო: ორგანიზაციის ვებგვერდი

<div style="text-align: justify;"><span style="font-weight: bold;">შიდა ქართლი. </span>2019 წლის გორის მუნიციპალიტეტის ბიუჯეტის პროექტი საკრებულოს წევრებმა 18 დეკემებერს მუნიციპალიტეტის საკრებულოს გაერთიანებული კომისიების სხდომაზე განიხილეს. პროექტის მიხედვით მომავალი წლის ადგილობრივი ბიუჯეტი, მიმდინარე წელთან შედარებით, 6 900 000 ლარით გაზრდილია და ის 39 109 000 ლარს შეადგენს.</div> <div style="text-align: justify;"><a href="http://www.humanrights.ge/index.php?a=main&pid=19762&lang=geo&fbclid=IwAR3WeUHH_SAL9SVGWmiD3yZvpEBmjC406cIBlCtCPb--ZlwSw5iDoezNBno" target="_blank" style="font-weight: bold;">სრულად...</a></div> <div style="text-align: justify;">წყარო: www.humanrights.ge</div> <div><br /> </div>

იმერეთი. ადგილობრივი დემოკრატიის სააგენტო საქართველომ, პროექტ „მოქალაქეთა ინიციატივა ანგარიშვალდებული თვითმმართველობისათვის" ფარგლებში, ბაღდათის მუნიციპალიტეტში მრგვალი მაგიდის ფორმატში შეხვედრა გამართა. შეხვედრის ფარგლებში, ორგანიზაციის საპროექტო გუნდმა და ადგილობრივი მოსახლეობით დაკომპლექტებულმა საინიციატივო ჯგუფმა, სხვადასხვა ჩართულ მხარეს მუნიციპალიტეტში გამოკვეთილი პრობლემები წარუდგინეს და მათი მოგვარების ეფექტური გზები განსაზღვრეს. სრულად... წყარო: ორგანიზაციის ვებგვერდი სოციალურ ქსელში

თბილისი. ევროკავშირის მიერ დაფინანსებული საქართველოს ადგილობრივი განვითარების ჯგუფების ასოციაციის (GALAG) 20-ზე მეტმა წარმომადგენელმა მიიღო მონაწილეობა ევროპული სოფლის განვითარების LEADER ასოციაციის (ELARD) მიერ ორგანიზებულ სამდღიან სამუშაო შეხვედრაში. სამუშაო შეხვედრის მიზანი იყო ადგილობრივი LAG-ებისთვის სოფლის განვითარების სფეროში ევროპული გამოცდილებისა და ცოდნის გაზიარება, დახმარება შიდა და გარე საკომუნიკაციო გეგმების შემუშავებაში და საჭირო პარტნიორების მოძიებაში ადვოკატირებისა და დაფინანსების მოზიდვისთვის მყარი პლატფორმის შესაქმნელად, რჩევები თემატური სამუშაო ჯგუფების ჩამოსაყალიბებლად და, ასევე, GALAG-ის წევრებს შორის პასუხისმგებლობების გადანაწილების საკითხების განხილვა. სრულად  წყარო: http://enpard.ge

თბილისი. „ადამიანის უფლებების სწავლებისა და მონიტორინგის ცენტრმა" (EMC) წარმოადგინა ახალი კვლევა - „იდენტობის პრობლემატიკა ქვემო ქართლის აზერბაიჯანელებში და მისი პოლიტიკური და სოციალური განზომილებები". „ჩატარებული პირველადი კვლევის მიზანს წარმოადგენდა ქვემო ქართლში მცხოვრებ აზერბაიჯანელთა თემში ეთნიკური და კულტურული იდენტობის პრობლემატიკის პირველადი შესწავლა, ასევე, იდენტობის კონსტრუირებასთან დაკავშირებული პოლიტიკური, სოციალური და კულტურული მიზეზების გამოვლენა. კვლევის ძირითადი კითხვები იყო: წარმოადგენს თუ არა იდენტობის „გამოღვიძება" პროცესს, რომელიც უშუალოდ ადგილობრივ თემში გაჩნდა? ასეთის შემთხვევაში, რა არის ამის გამომწვევი მიზეზები? რა ნარატივებს ეფუძნება ახალი იდენტობა? როგორი თვითაღქმა აქვთ ქვემო ქართლში მცხოვრებ აზერებაიჯანელებს? ასევე, კვლევის ნაწილს წარმოადგენდა იმ სოციო-კულტურული და პოლიტიკური მიზეზების იდენტიფიცირება, რომელიც ზეგავლენას ახდენს იდენტობის კონსტრუირების ან მისი რევიტალიზაციის პროცესზე", - ვკითხულობთ კვლევის შესავალ ნაწილში. სრულად  წყარო: ორგანიზაციის ვებგვერდი

აჭარა. გრძელდება აჭარის ავტონომიური რესპუბლიკის მთავრობის თანამშრომლობა ევროკავშირთან (EU) და გაეროს განვითარების პროგრამასთან (UNDP) სოფლის ეკონომიკის დივერსიფიცირებისა და მოსახლეობის შემოსავლების გაუმჯობესებისათვის. აჭარის ავტონომიური რესპუბლიკის მთავრობის გადაწყვეტილებით, აჭარა თავის წვლილს შეიტანს ევროკავშირის დაფინანსებით მიმდინარე 10 მილიონი ევროს ღირებულების პროექტის „ENPARD-3: საქართველოს სოფლის განვითარების ხელშეწყობა" განხორციელებაში. აჭარაში ეს ინიციატივა სოფლის განვითარებასა და მცირე და საშუალო ბიზნესს ეხმარება. აჭარის ავტონომიური რესპუბლიკის მთავრობის თანამონაწილობა 230,000 ევროს შეადგენს. სრულად  წყარო: http://enpard.ge

იმერეთი. ადგილობრივი დემოკრატიის სააგენტო საქართველომ, ზესტაფონის მუნიციპალიტეტში გამართა მოქალაქეთა ფორუმი, რომელშიც მონაწილეობა მიიღეს მუნიციპალიტეტის მოსახლეობამ, მუნიციპალიტეტის მერმა, მერიის სამსახურების უფროსებმა და მერის წარმომადგენლებმა ადმინისტრაციულ ერთეულებში. საერთო ჯამში ფორუმს ესწრებოდა 100-მდე ადამიანი. „ფორუმის ჩატარების მიზანი გახლდათ მუნიციპალურ დონეზე ბიუჯეტის დაგეგმვის პროცესში მოქალაქეთა ჩართულობის გაზრდა, რათა მოხდეს მომდევნო 2019 წლის ბიუჯეტის სწორად განსაზღვრა და ადგილობრივი ხელისუფლების წარმომადგენელთა და მოსახლეობას შორის კომუნიკაციის გაუმჯობესება," ნათქვამია ორგანიზაციის ვებგვერდზე. სრულად... წყარო: ორგანიზაციის ვებგვერდი სოციალურ ქსელში

საქართველოს ადგილობრივი განვითარების ჯგუფები სოფლის განვითარების ევროპულ ქსელებთან მჭიდრო თანამშრომლობას აყალიბებენ. ევროკავშირის მხარდაჭერილმა ბორჯომის განვითარების ჯგუფის (LAG) და ENPARD-ის განმახორციელებელი ორგანიზაციის „მერსი ქორფსის" წარმომადგენლებმა მონაწილეობა მიიღეს ავსტრიაში, ქალაქ ვენაში გამართულ LINC-ის (Leader Inspired Network Community) შეხვედრაში. ღონისძიების მიზანი იყო განვლილი შეხვედრებიდან მიღებული გამოცდილების გაზიარება და LINC-ის მომავალი სემინარების უკეთ დაგეგმვა. LINC-ის ქსელის მონაწილეებმა განხორციელებული საერთაშორისო პროექტები განიხილეს და სამომავლო თანამშრომლობის შესახებ იმსჯელეს. შეხვედრის ფარგლებში, ქართულმა დელეგაციამ LINC-ის პარტნიორი ორგანიზაციების და საქართველოში მოქმედი ადგილობრივი განვითარების ჯგუფების თანამშრომლობის შესაძლებლოლები განიხილეს. მიუხედავად იმისა, რომ ამჟამად საქართველო ევროკავშირის მხოლოდ ასოცირებული წევრია, LINC-ის ორგანიზატორების მიერ მიღებულ იქნა გადაწყვეტილება, რომ საქართველოს LAG-ები LINC-ის მიერ ორგანიზებულ ყველა სამუშაო შეხვედრასა და კონფერენციაში ჩაერთვებიან. სრულად  წყარო: http://enpard.ge

თბილისი. „საქართველოს დემოკრატიული ინიციატივამ" (GDI) ანგარიშის - „სამართალწარმოება თანასწორობისთვის" - პრეზენტაცია გამართა. დოკუმენტი აღმოსავლეთ-დასავლეთის მართვის ინსტიტუტის (EWMI) პროგრამის - ,,კანონის უზენაესობის მხარდაჭერა საქართველოში" (PROLoG) მიერ დაფინანსებული პროექტის - „სამართალწარმოება თანასწორობისთვის" ფარგლებში მომზადდა. ანგარიშში მიმოხილულია პროექტის ფარგლებში განხორციელებული აქტივობები. გაანალიზებულია საქართველოს ექვს მუნიციპალიტეტში (ნინოწმინდა, ახალციხე, ახალქალაქი, ხულო, შუახევი და ადიგენი) მცხოვრები ეთნიკური და რელიგიური უმცირესობების წარმომადგენელ ქალთა უფლებრივი და სამართლებრივი მდგომარეობა. წარმოდგენილია ქალთა მიმართ და ოჯახში ძალადობის შესახებ GDI-ს მიერ წარმოებული სტრატეგიული საქმეები, ასევე, ეთნიკურ და რელიგიურ უმცირესობებში ამ მიმართულებით არსებული გამოწვევები. სრულად  წყარო: ორგანიზაციის ვებგვერდი

თბილისი. „საერთაშორისო გამჭვირვალობა - საქართველოს" (TI) ინიციატივით შექმნილმა სამოქალაქო საბჭომ იმერეთის მუნიციპალიტეტების ყველაზე მნიშვნელოვანი საჭიროებების ჩამონათვალი შეადგინა. მოქალაქეთა გაერთიანება - სამოქალაქო საბჭო, რომლის მიზანია მუნიციპალიტეტებში არსებული ყველაზე მნიშვნელოვანი პრობლემების გამოვლენა და, ადგილობრივი მოსახლეობის მონაწილეობით, აღმოფხვრა, TI-იმ წელს შექმნა. „ჩვენ მიერ შედგენილი პრობლემების დოკუმენტი, შესაძლოა, მნიშვნელოვანი წყარო იყოს, რეგიონული განვითარებისა და ინფრასტრუქტურის სამინისტროს, ასევე - მუნიციპალური განვითარების ფონდისა და ადგილობრივი მუნიციპალიტეტებისთვის, ამა თუ იმ დასახლებაში არსებული საჭიროებების იდენტიფიკაციისა და, შემდგომში, მოსახლეობის საკეთილდღეოდ ინფრასტრუქტურული თუ სხვა სახის პრობლემის მოსაგვარებლად", - მიიჩნევენ TI-ში. სრულად  წყარო: ორგანიზაციის ვებგვერდი

თბილისი. „საერთაშორისო გამჭვირვალობა - საქართველო" ზუგდიდის მუნიციპალიტეტს სთავაზობს რეკომენდაციებს 2019 წლის ბიუჯეტის პროექტზე. „ზუგდიდის მუნიციპალიტეტის საკრებულოში განსახილველად წარდგენილი 2019 წლის ბიუჯეტის პროექტი, წინა წლის მსგავსად, პროგრამული ბიუჯეტის არსსა და მიზნებს სრულყოფილად ვერ პასუხობს. დოკუმენტი 2019 წლისთვის დაგეგმილი ინფრასტრუქტურული, სოციალური და სხვა სახის პროექტების შესახებ დაინტერესებულ პირებს ინფორმაციას არ აწვდის," ნათქვამია ორგანიზაციის ვებგვერდზე. სრულად... წყარო: www.transparency.ge

თბილისი. სამოქალაქო საზოგადოების ინსტიტუტის (CSI) ინიციატივით, ღია მმართველობა საქართველოს (OGP) 2018-2019 წლების სამოქმედო გეგმაში სახელმწიფო საგრანტო დაფინანსების სისტემის გამჭვირვალობის გაზრდის ვალდებულება აისახა (გეგმის ვალდებულება 12). სამოქმედო გეგმა საქართველოს მთავრობის 2018 წლის 12 ნოემბრის N537 დადგენილებით დამტკიცდა.  ვალდებულების მიზანია, სახელმწიფო/საჯარო ინსტიტუციების მიერ საგრანტო დაფინანსების გაცემის არსებული სისტემის გამჭვირვალობის, ხელმისაწვდომობისა და ეფექტიანობის გაზრდა. გეგმაში ასახული სამოქალაქო საზოგადოების ინსტიტუტის მიერ წარდგენილი ინიციატივა, ეყრდნობა სამოქალაქო საზოგადოების ინსტიტუტის მიერ ჩატარებულ კვლევებს, აგრეთვე საზოგადოებრივი ორგანიზაციებისა და დაინტერესებული ინსტიტუციების მონაწილეობით შემუშავებულ რეკომენდაციებს (სახელმწიფო საგრანტო დაფინანსების სისტემის რეფორმის კონცეფცია).  სამოქმედო გეგმაში ასახული ვალდებულების ერთ-ერთი კომპონენტი გულისხმობს, კანონით დადგინდეს ძირითადი სტანდარტ-პრინციპები, რომელიც საკმარისად მკაფიო იქნება იმისთვის, რომ საგრანტო დაფინანსება სანდო და გამჭვირვალე პროცესად იქცეს. ვალდებულება, ასევე, გულისხმობს ადგილობრივი თვითმმართველობებისთვის გრანტის გაცემის მექანიზმის გამოყენების უფლების მიცემას, რაც ხელს შეუწყობს, ინტერ-მუნიციპალური ინიციატივების წახალისებას, ამ პროცესში სამოქალაქო საზოგადოების აქტიურ ჩართვასა და ადგილზე სხვადასხვა ინიციატივების წახალისებას.  კონცეფცია შეიქმნა „სამოქალაქო საზოგადოების განვითარების ინიციატივის"(#CSSIGE) პროექტის ფარგლებში, რომელსაც ახორციელებს კონრად ადენაუერის ფონდი (KAS) სამოქალაქო საზოგადოების ინსტიტუტთან (CSI), საქართველოს სტრატეგიული კვლევებისა და განვითარების ცენტრთან (CSRDG), კონსულტაციისა და ტრენინგის ცენტრთან (CTC) და განათლების განვითარების და დასაქმების ცენტრთან (EDEC) თანამშრომლობით. პროექტი დაფინანსებულია ევროკავშირის და გერმანიის ეკონომიკური თანამშრომლობისა და განვითარების ფედერალური სამინისტროს მიერ.