აჭარა. ევროკავშირის მხარდაჭერით, ქედის მუნიციპალიტეტის რესურსებისა და საჭიროებების კვლევის შედეგები გამოქვეყნდა. 156 გვერდიანი ანგარიში მოიცავს როგორც სამაგიდო, ისე თვისებრივი და რაოდენობრივი კვლევის შედეგებს. პუბლიკაცია თითოეული თემის დონეზე ფარავს ისეთ საკითხებს როგორიცაა სოციალურ-ეკონომიკური მდგომარეობა, ინფრასტრუქტურა, ორგანიზაციების განვითარების დონე, ადგილობრივი ინტერესები და ინტერესთა ჯგუფები. აღნიშნული კვლევა ჩატარდა და ანგარიში დაიბეჭდა ევროკავშირის ENPARD-ის პროექტის „ადგილობრივი რესურსებისა და პოტენციალის ოპტიმალური გამოყენება სოფლის განვითარებისათვის (ქედა ლიდერი)" ფარგლებში, საქართველოს სტრატეგიული კვლევების და განვითარების ცენტრის, CENN-ის პარტნიორი ორგანიზაციის მიერ. სრულად  წყარო: ორგანიზაციის ვებგვერდი

თბილისი. „საერთაშორისო გამჭვირვალობა - საქართველოს" განცხადებით, იმერეთის მუნიციპალიტეტში საკრებულოებში ქალთა წარმომადგენლობა გაიზარდა. „იმერეთის მუნიციპალიტეტებში საკრებულოს ქალთა წარმომადგენლობა, 2014 წლის თვითმმართველობის არჩევნების შედეგებთან შედარებით, გაზრდილია. ამასთან, სამი მუნიციპალიტეტის საკრებულოს თავმჯდომარე ქალია. მიუხედავად ამისა, ქალთა წარმომადგენლობა ადგილობრივი თვითმმართველობის თანამდებობის პირებს შორის დაბალია," ნათქვამია ორგანიზაციის ვებგვერდზე. სრულად... წყარო: www.transparency.ge

სამეგრელო. სენაკის მუნიციპალიტეტის ადგილობრივი თვითმმართველობის საჯარო მოხელეებისათვის, გაიმართა საინფორმაციო შეხვედრა პროექტ „სამეგრელო-ზემო სვანეთის მხარეში ევროკავშირთან ასოცირების პროცესის შესახებ საზოგადოებაში ინფორმირებულობის გაზრდა" შესახებ. „პროექტის მიზანია სამეგრელო-ზემო სვანეთის მხარის მუნიციპალიტეტებში საზოგადოების ინფორმირება და ცნობიერების ამაღლება ასოცირების შეთანხმების 21-ე თავის - „რეგიონული განვითარება, თანამშრომლობა საზღვრისპირა და რეგიონულ დონეზე" შესახებ, რომელიც ხორციელდება GIZ-ის პროექტის „მოლდოვასა და უკრაინას შორის ასოცირების ხელშეკრულების ფარგლებში რეგიონული განვითარების მიმართულებით თანამშრომლობის პლატფორმა" ფინანსური მხარდაჭერით", ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

თბილისი. 1-2 ნოემბერს სათემო ლიდერთა ფორუმი გაიმართა. იგი, საქართველოს სტრატეგიული კვლევებისა და განვითარების ცენტრის ორგანიზებით, 2011 წლიდან ტარდება და სათემო ორგანიზაციების გაძლიერებას, მათი საქმიანობის პოპულარიზაციასა და მნიშვნელოვან საკითხებზე ინფორმაციის მიწოდებას ემსახურება. წლევანდელი ფორუმის პირველი დღე გამოირჩეოდა საქართველოს სხვადასხვა სოფლის საგამოფენო კუთხით, დაჯილდოების ცერემონიითა და სამოქალაქო და სამთავრობო სფეროს მოწინავე სპიკერებით. ფორუმი იმართება პროექტების „სამოქალაქო საზოგადოების განვითარების ინიციატივა“ (დაფინანსებულია ევროკავშირის მიერ) და „ქალთა გაძლიერება ცვლილებისთვის“ (დაფინანსებულია შვედეთის მთავრობის მიერ და ახორციელებს გაეროს განვითარების პროგრამა) ფინანსური მხარდაჭერით. პროექტს „სამოქალაქო განვითარების ინიციატივა" ახორციელებს კონსორციუმი კონრად ადენაუერის ფონდის ხელმძღვანელობით.

აჭარა. ქედის ადგილობრივი განვითარების ჯგუფის ინიციატივითა და მხარდაჭერით, ქედის მუნიციპალიტეტის მერია შეუერთდა ინიციატივას - „მერები ეკონომიკური ზრდისთვის". „მერები ეკონომიკური ზრდისთვის" წარმოადგენს ევროკავშირის ახალ ინიციატივას, რომელსაც საფუძველი ჩაეყარა 2017 წლის იანვარში და ხორციელდება აღმოსავლეთ პარტნიორობის ფარგლებში. ინიციატივის მიზანია დაეხმაროს მერებს აქტიური როლი შეასრულონ ადგილობრივი ეკონომიკის განვითარებასა და სამუშაო ადგილების შექმნაში. სრულად  წყარო: http://enpard.ge

შიდა ქართლი. 1 ნოემბერს, გორში „კონსტიტუციის 42-ე მუხლის" იურისტები შეხვდნენ გორის მუნიციპალიტეტის მერიისა და საკრებულოს თანამშრომლებს. „შეხვედრაზე განხილვის მთავარი თემა იყო სამუშაო ადგილზე შევიწროება და ამ საკითხზე არსებული კვლევების უახლესი მონაცემები. მუნიციპალიტეტის თანამშრომლებს მიეწოდათ ინფორმაცია თუ როგორ არის დარეგულირებული სამუშაო ადგილზე შევიწროების/სექსუალური შევიწროების საკითხები როგორც ქართულ, ასევე სხვადასხვა ევროპული ქვეყნების სამართლებრივ სივრცეში”, ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

თბილისი. საქართველოს ადგილობრივი განვითარების ჯგუფების ასოციაციისა (GALAG) და ევროკავშირის პარტნიორი არასამთავრობო ორგანიზაციების 30-ზე მეტმა წარმომადგენელმა მონაწილეობა მიიღო სოფლის განვითარების თემაზე საქართველოს გარემოს დაცვისა და სოფლის განვითარების სამინისტროში გამართულ სამუშაო შეხვედრაში. შეხვედრის ინიციატორები იყვნენ საქართველოს გარემოს დაცვისა და სოფლის მეურნეობის სამინისტრო და საქართველოს სოფლის განვითარების ქსელი (GRDN), ხოლო მხარდამჭერები – ევროკავშირი (EU) და გაეროს განვითარების პროგრამა (UNDP). სრულად  წყარო: http://enpard.ge

კახეთი. ევროკავშირის მხარდაჭერით, ადგილობრივი განვითარების ჯგუფმა ლაგოდეხის შესახებ ახალი საინფორმაციო ვებ-გვერდი - www.visitlagodekhi.com შექმნა. „აღმოაჩინე კავკასიის ჭეშმარიტი ბუნება…სადაც დოვლათიანი ბაღები, უძველესი ტყე და ცად აზიდული მთები ხვდებიან ერთმანეთს!" - ეს დახასიათება ლაგოდეხს ეკუთვნის და მას მუნიციპალიტეტისთვის სპეციალურად შექმნილ ამ ვებ-გვერდზე წაიკითხავთ. გვერდი სულ ახლახანს, ევროკავშირის ENPARD-ის პროგრამის მხარდაჭერით შეიქმნა, ლაგოდეხის განვითარების ჯგუფის წევრი ახალგაზრდებისა და ევროპელი მოხალისეების ძალისხმევით, და მისი საშუალებით, ლაგოდეხის მრავალფეროვან შესაძლებლობებს აღმოაჩენთ. სრულად  წყარო: http://enpard.ge/ge /

აჭარა. საქართველოს სოციალურ მუშაკთა ასოციაციის ორგანიზებით, ბათუმში რეგიონალური შეხვედრა ჩატარდა. შეხვედრას გაეროს ბავშვთა ფონდის წარმომადგენლები, ბათუმის, ხელვაჩაურის, ქედის მერები, აჭარის ექვსივე მუნიციპალიტეტის მერიის წარმომადგენლები და სოციალური მომსახურების სააგენტოს აჭარის ფილიალის სოციალური მუშაკები ესწრებოდნენ. შეხვედრის მიზანი იყო ადგილობრივი თვითმმართველობის, პროექტის განმახორციელებელი, პარტნიორი და მხარდამჭერი ორგანიზაციების წარმომადგენლებს შორის პროექტის ფარგლებში განხორციელებული ღონისძიებების გააზრება, მიღწევებისა და გამოწვევის განხილვა, განსხვავებული მუნიციპალური პრაქტიკის მიმოხილვა და სამომავლო ქმედებებზე შეთანხმება. სრულად  წყარო: ორგანიზაციის გვერდი სოციალურ ქსელში

აჭარა. თბილისის გარეთ პირველი ვიზიტის დროს, ევროკავშირის ახალი ელჩი, კარლ ჰარცელი გურიასა და აჭარაში გაემგზავრა. ამ ვიზიტის ფარგლებში იგი გაეცნო ევროკავშირის ხელშეწყობით განხორციელებულ პროექტებს და დაესწრო ღონისძიებებს, სადაც წარმოდგენილი იყო ევროკავშირის მხარდაჭერის პრაქტიკული შედეგები. გურიაში ელჩმა, როგორც ადგილობრივი სამოქალაქო საზოგადოების ორგანიზაციების, ასევე, ადგილობრივი ხელისუფლებისა და მუნიციპალიტეტების წარმომადგენლებთან, მიმდინარე გამოწვევებსა და ევროკავშირის მხარდაჭერის სამომავლო პერსპექტივებთან დაკავშირებით, საკონსულტაციო შეხვედრები გამართა. სრულად  წყარო: http://enpard.ge

აჭარა. 13 ოქტომბერს, საქართველოში ევროკავშირის წარმომადგენლობამ, ევროკავშირის პარტნიორებთან ერთად, ბათუმში ევროპის დღის აღსანიშნავი ღონისძიება გამართა. ამ დღეს, ანბანის კოშკის მიმდებარე ბულვარი გარდაიქმნა ევროსოფლად, სადაც ნებისმიერ სტუმარს შესაძლებლობა ჰქონდა მთელი დღის მანძილზე ემოგზაურა ევროკავშირში და მონაწილეობა მიეღო მრავალ გასართობ ღონისძიებაში. სრულად  წყარო: http://enpard.ge

თბილისი. არასამთავრობო ორგანიზაციების დამკვირვებლების ინფორმაციით, რამდენიმე რეგიონში მუნიციპალიტეტების თანამდებობის პირები საბიუჯეტო დაფინანსებაზე მყოფი ა(ა)იპ-ების დირექტორებს და მათ თანამშრომლებს ავალდებულებენ, სალომე ზურაბიშვილის მხარდამჭერების მობილიზება მოახდინონ და პოტენციური მხარდამჭერების სია შესაბამის პირებთან გადააგზავნონ. „დამკვირვებლების ცნობით, ა(ა)იპების თანამშრომლებმა წინასწარ მომზადებულ ბლანკებში მათი ოჯახის წევრების შესახებ პერსონალური მონაცემები უნდა შეავსონ. კერძოდ, სახელი, გვარი, პირადი ნომერი, საარჩევნო უბნის ნომერი და ნათესაური კავშირი შესაბამის პირებთან. ა(ა)იპ-ის თანამშრომლებმა დამკვირვებლებთან საუბარში განაცხადეს, რომ მუნიციპალიტეტის ხელმძღვანელების დავალებით მათ გადაეცათ ცარიელი ბლანკები, რომელშიც თითოეულმა ათი მხარდამჭერის პერსონალური მონაცემები უნდა მიუთითოს. მათივე ინფორმაციით, სიების შედგენა იმ მოტივით ხდება, რომ „ქართული ოცნების" მხარდაჭერილმა პრეზიდენტობის კანდიდატმა სალომე ზურაბიშვილმა გამარჯვება პირველივე ტურში მოიპოვოს. ა(ა)იპ-ის თანამშრომლები ასევე აცხადებენ, რომ მსგავსი სიების შედგენას წინა ხელისუფლების დროსაც ავალებდნენ", ნათქვამია ორგანიზაციის ვებგვერდზე. სრულად... წყარო: gyla.ge

თბილისი. ინფორმაციის თავისუფლების განვითარების ინსტიტუტმა (IDFI), კონსულტაციის და ტრენინგის ცენტრთან (CTC) და მმართველობითი სისტემების განვითარების ცენტრთან (MSDC) ერთობლივი პროექტის ფარგლებში დაიწყო მუშაობა ადგილობრივი თვითმმართველობის ინდექსზე. მის ფარგლებში იგეგმება საქართველოს ყველა მუნიციპალიტეტის გამჭვირვალობისა და ანგარიშვალდებულების განმეორებითი შეფასება. ახალი შედეგების გამოქვეყნებამდე, შეგიძლიათ იხილოთ 2017 წლისთვის მუნიციპალიტეტების რეიტინგი და მათი შეფასებები შემდეგ ვებგვერდზე www.LSGIndex.org. პროექტის ფინანსური მხარდამჭერია ღია საზოგადოების ფონდი. წყარო: ინფორმაციის თავისუფლების განვითარების ინსტიტუტი

სამეგრელო–ზემო სვანეთი. ასოციაცია „ათინათი" სამეგრელო ზემო სვანეთის 4 მუნიციპალიტეტში - მესტია, წალენჯიხა, ჩხოროწყუ, აბაშა, ახორციელებს პროექტს სახელწოდებით „ახალგაზრდების ჩართულობა". 8 ოქტომბერს მესტიაში პროექტის პრეზენტაცია ჩატარდა. შეხვედრას ესწრებოდნენ მესტიის მუნიციპალიტეტის მერის და საკრებულოს წარმომადგენელები. შეხვედრის ბოლოს ასოციაცია „ათინათსა" და მესტიის მუნიციპალიტეტის მერიას შორის ურთიერთთანამშრომლობის მემორანდუმი. პროექტი დაფინანსებულია ამერიკის საელჩოს მიერ. წყარო: ორგანიზაცია „ათინათი"

აჭარა. 2 ოქტომბერს, ბათუმის შოთა რუსთაველის სახელმწიფო უნივერსიტეტში „სამოქალაქო საზოგადოების ინსტიტუტმა" და „თავისუფალ ჟურნალისტთა სახლმა" ახალგაზრდული აქტივობა „ჩემს ქალაქში ვისურვებდი რომ..." ჩაატარა. აქტივობის მიზანი იყო თვითმმართველობის კომპეტენციის ფარგლებში, ახალგაზრდების სურვილების გამოკვეთა. მასში 120-მდე ახალგაზრდა მონაწილეობდა. „სურვილების დაფა" გარკვეულწილად სიახლე იყო ბათუმელი ახალგაზრდებისთვის, რამაც მათი დაინტერესება გამოიწვია. ფერად ფურცლებზე სურვილის დაფიქსირების გარდა, ადგილზევე მოეწყო მსჯელობა ახალგაზრდებს შორის, სადაც გამოკვეთა მათი მზაობა იყვნენ უფრო აქტიურები თვითმმართველობის პროცესში, თუმცა იყო ნიჰილისტური განწყობაც, რაც ბათუმის მერიის ახალგაზრდული პოლიტიკის მთავარი გამოწვევაა. იხ. სრულად...

თბილისი. საქართველოს ადგილობრივ თვითმმართველობათა ეროვნული ასოციაციის (NALAG) ორგანიზებით, ევროკავშირის პროექტის „ეფექტიანობის და განვითარების ქსელი" (N4ED) ფარგლებში, კონფერენცია თემაზე - „ადგილობრივი თვითმმართველობის საქმიანობის მონიტორინგი და შეფასება" გაიმართა. „ღონისძიების მონაწილეებმა თვითმმართველობაში საქმიანობის შეფასებისა და თვითშეფასების მექანიზმების დანერგვაზე, მუნიციპალიტეტებს შორის საუკეთესო პრაქტიკის გაზიარების მნიშვნელობაზე და მოქალაქეთა ჩართულობის იმ ახალ საკანონმდებლო ინიციატივაზე იმსჯელეს, რომელიც საქართველოს სამოცდაოთხივე მუნიციპალიტეტში განხორციელდება", ნათქვამია ორგანიზაციის ვებგვერდზე. სრულად... წყარო: ორგანიზაციის ვებგვერდი სოციალურ ქსელში

თბილისი. „საერთაშორისო გამჭვირვალობა - საქართველოს" (TI) დასკვნით, ცაგერის მუნიციპალიტეტის ვებგვერდი ინფორმაციული არ არის. „ცაგერის მუნიციპალიტეტი ვებ-გვერდზე საჯარო ინფორმაციას არაჯეროვნად აქვეყნებს, რითაც არღვევს საქართველოს კანონმდებლობით გათვალისწინებულ მოთხოვნებს”, - აღნიშნულია TI-ის მიერ გამოქვეყნებულ ინფორმაციაში. სრულად  წყარო: ორგანიზაციის ვებგვერდი

სამეგრელო-ზემო სვანეთი. „საქართველოს სოციალურ მუშაკთა ასოციაციიის" წევრები აბაშისა და სენაკში მუნიციპალიტეტების, არასამთავრობო სექტორის წარმომადგენლებსა და ადგილობრივ სოციალურ მუშაკებს შეხვდნენ. შეხვედრის მონაწილეებს პროექტის - „ძლიერი სამოქალაქო საზოგადოება ეფექტიანი მმართველობისთვის" - ფარგლებში ჩატარებული კვლევების შედეგები, ასევე, პროგრამის ექსპერტების მიერ მომზადებული მასალა - "საჭიროებებზე დაფუძნებული პოლიტიკის მიმოხილვა" და „საუკეთესო მუნიციპალური მომსახურებების მიწოდების პრაქტიკის მიმოხილვა" გააცნეს. სრულად  წყარო: ორგანიზაციის გვერდი სოციალურ ქსელში

თბილისი. 14-15 სექტემბერს თბილისში ტარდება ბოშური კულტურის ფესტივალი ტარდება. ფესტივალის სტუმრებს შესაძლებლობა ექნებათ, გაეცნონ ბოშური კულტურის სიმდიდრეს, მოისმინონ ბოშათა ტრადიციებისა და წეს-ჩვეულებების შესახებ, მოუსმინოთ და უყუროთ ბოშურ რომანსებსა და ცეკვებს, დაესწროთ სემინარსა და კონფერენციას თემაზე: ბოშთა კულტურის, ტრადიციების და მდგომარეობის შესახებ თანამედროვე საზოგადოებაში. ფესტივალი ტარდება ორგანიზაცია „განიარაღება და არაძალადობა"-ს ორგანიზებით, საქართველოს განათლების, მეცნიერების, კულტურის და სპორტის სამინისტროს ფინანსური მხარდაჭერით. სრულად  წყარო: ორგანიზაციის გვერდი სოციალურ ქსელში

ქვემო ქართლი. „საქართველოს სოციალურ მუშაკთა ასოციაციამ" რუსთავსა და მარნეულში მუნიციპალიტეტების წარმომადგენლებთან, ადგილობრივ სოციალურ მუშაკებთან და არასამთავრობო სექტორთან შეხვედრა გაიმართა. შეხვედრის მონაწილეებს გააცნეს პროექტის - "ძლიერი სამოქალაქო საზოგადოება ეფექტიანი მმართველობისთვის" - ფარგლებში ჩატარებული კვლევების შედეგები, ასევე, პროგრამის ექსპერტების მიერ მომზადებულ მასალა - "საჭიროებებზე დაფუძნებული პოლიტიკის მიმოხილვა" და „საუკეთესო მუნიციპალური მომსახურებების მიწოდების პრაქტიკის მიმოხილვა". სრულად  წყარო: ორგანიზაციის გვერდი სოციალურ ქსელში

კახეთი. ევროკავშირის პროექტის - „ეფექტიანობისა და განვითარების ქსელი" (N4ED) - ფარგლებში, საქართველოს ადგილობრივ თვითმმართველობათა ეროვნული ასოციაციამ, კაჭრეთში, ტრენერთა ტრენინგი გამართა. ევროკავშირის ექსპერტებმა ღონისძიებაზე ევროკავშირში ადგილობრივი და რეგიონული, თემზე დაფუძნებული განვითარების პოლიტიკაზე ისაუბრეს და ქართულ მხარეს საკუთარი გამოცდილება გაუზიარეს. შეხვედრის მონაწილეებმა პროექტის - „ეფექტიანობისა და განვითარების ქსელი" - მნიშვნელობას გაუსვეს ხაზი, მისი კომპონენტები განიხილეს და იმსჯელეს საქართველოში რეგიონული განვითარების პოლიტიკის, მუნიციპალიტეტების როლის, ასევე, იმ მეთოდოლოგიის დანერგვის გზების თაობაზე, რომელიც ხელს შეუწყობს თემის განვითარების პროცესს. სრულად  წყარო: ორგანიზაციის გვერდი სოციალურ ქსელში

იმერეთი. ადგილობრივი დემოკრატიის სააგენტო საქართველომ, „მშვიდობის კორპუსის" მოხალისეებთან ერთად, პროექტ "გაეროს მოდელირების საერთაშორისო კონფერენცია - ქუთაისი 2018”-ის ფარგლებში, კონფერენციის მონაწილეებისათვის ჩაატარა ტრენინგი, თემაზე - „დებატების კულტურა". „გაეროს მოდელირების საერთაშორისო კონფერენციაში” მონაწილეობას იღებს 18-დან 25 წლამდე 60 ახალგაზრდა, როგორც ქუთაისის მუნიციპალიტეტიდან, ისე - ქუთაისთან დაძმობილებული ქალაქებიდან. "გაეროს მოდელირების” მიზანია ახალგაზრდებში დემოკრატიული ღირებულებების დანერგვა და გავრცელება, კომუნიკაციური და პროფესიული უნარ-ჩვევების განვითარება და ქუთაისის თანამშრომლობის გაძლიერება მუნიციპალიტეტთან დაძმობილებულ ქალაქებთან. პროექტი „ქუთაისის გაეროს მოდელირება (MUN )-2018" ხორციელდება „ადგილობრივი დემოკრატიის სააგენტო საქართველოს" მიერ, ქალაქ ქუთაისის მერიასთან, „გაეროს განვითარების ფონდთან (UNDP)" და „მშვიდობის კორპუსთან" თანამშრომლობით. სრულად  წყარო: ორგანიზაციის გვერდი სოციალურ ქსელში