ზემო სვანეთი. ადგილობრივი განვითარების ჯგუფი ზემო სვანეთი იწყებს პროექტის ,,Სოფლის მხარდაჭერის სახელმწიფო პროგრამის მონაწილეობითი მონიტორინგი მესტიისა და ლენტეხის მუნიციპალიტეტებში” სათემო შეხვედრებს: 22 იანვარი, 15:00 საათი - ცხუმარის თემი 23 იანვარი, 14:00 საათი - წვირმის თემი 23 იანვარი, 16:00 საათი - იფარის თემი 24 იანარი, 15:00 საათი - მულახის თემი აღნიშნულ პროექტს ზემო სვანეთის ადგილობრივი განვითარების ჯგუფი ახორციელებს USAID-ის ადგილობრივი თვითმართველობის პროგრამის ფარგლებში ორ სამიზნე მუნიციპალიტეტში - მესტიასა და ლენტეხში. სრულად... წყარო: ადგილობრივი განვითარების ჯგუფი ზემო სვანეთი სრულად... წყარო: ადგილობრივი განვითარების ჯგუფი ზემო სვანეთი

ქვემო ქართლი.დმანისის მუნიციპალიტეტმა მოქალაქეთა მონაწილეობის სამოქმედო გეგმაზე მუშაობა დაიწყო. გეგმის მიზანია დმანისის მუნიციპალიტეტში გამჭვირვალობის და გადაწყვეტილების მიღების პროცესში მოქალაქეთა მონაწილეობის გაუმჯობესების ხელშეწყობა. 12 იანვარს სამუშაო შეხვედრა გაიმართა მუნიციპალიტეტის სამოქმედო გეგმაზე მომუშავე ჯგუფთან, შეხვედრაზე შემდეგი ძირითადი მიმართულებები გამოიკვეთა: ანგარიშვალდებულების და გამჭირვალობის გაუმჯობესება, მოქალაქეთა მონაწილეობის გაძლიერება და მოტივაციის ამაღლება და ასევე საჯარო მოხელეთა შესაძლებლობის გაზრდა.  სამოქმედო გეგმა ეყრდნობა მუნიციპალიტეტის საქმიანობაში მოქალაქეთა მონაწილეობის თვითშეფასების შედეგად გამოვლენილ მიგნებებს. გეგმის სამუშაო ვერსიას გაეცნობიან როგორც სამოქალაქო საზოგადოების წარმომადგენლები, ასევე მუნიციპალიტეტში არსებული საბჭოების წევრები.  სამოქმედო გეგმა მუშავდება დმანისის მუნიციპალიტეტის მიერ, USAID-ის ადგილობრივი თვითმმართველობის პროგრამის ფარგლებში, სამოქალაქო საზოგადოების ინსტიტუტის (CSI) მხარდაჭერით.

იმერეთი. ა(ა)იპ ადგილობრივი დემოკრატიის სააგენტო საქართველომ ა(ა)იპ ტყიბულის რაიონის განვითარების ფონდთთან პარტნიორობით დაიწყო პროექტის ,,მეტი გამჭირვალობა და ანგარიშვალდებულება ეფექტური თვითმმართველობისთვის’’ განხორციელება.  პროექტის მიზანია უზრუნველყოს იმერეთის მხარის თერჯოლის, ტყიბულისა და ბაღდათის მუნიციპალიტეტებში ეფექტური თვითმმართველობის განხორციელება და ხელი შეუწყოს სამოქალაქო საზოგადოების ჩართულობას გადაწყვეტილების მიღების პროცესში.  პროექტი ხორციელდება ა(ა)იპ ტყიბულის რაიონის განვითარების ფონდის მიერ ა(ა)იპ ადგილობრივი დემოკრატიის სააგენტო საქართველოსთან პარტნიორობით, რომელიც დაფინანსებულია გერმანიის საერთაშორისო თანამშრომლობის საზოგადოების (GIZ)-ის მიერ, გერმანიის ფედერალური მთავრობისა და ევროკავშირის მიერ დაფინანსებული „აღმოსავლეთ პარტნიორობის ქვეყნებში სამოქალაქო საზოგადოების გაძლიერების პროგრამის“ ფარგლებში.  სრულად... წყარო: ადგილობრივი დემოკრატიის სააგენტო საქართელო

გურია. სამოქალაქო საზოგადოების ინსტიტუტმა (CSI) ჩოხატაურის მუნიციპალიტეტში მერიისა და საკრებულოს თანამშრომლებისთვისა და წევრებისთვის გამართა ტრენინგი სტრატეგიული დოკუმენტების შემუშავებაზე. აღნიშნული სწავლება, შესაძლებლობების გაძლიერების პროგრამის ნაწილია, რომელიც ეყრდნობა მოქალაქეთა მონაწილეობის ხარისხის თვითშეფასებას (www.ppmeter.ge).  ტრენერმა ლიზი სოფრომაძემ აუდიტორიას მიაწოდა ინფორმაცია იმ სტანდარტებისა და კომპონენტების შესახებ, რომელიც სამთავრობო დადგენილებებისა და საერთაშორისო გამოცდილებებით სტრატეგიული დოკუმენტებისა და სამოქმედო გეგმების შექმნისთვის გამოიყენება.  აღნიშნული პროგრამა დაეხმარება მუნიციპალიტეტებს შეიმუშაონ სტრატეგია და სამოქმედო გეგმა მოქალაქეთა მონაწილეობის მიმართულებით. მუნიციპალიტეტის თანამშრომლებისთვის შესაძლებლობის განვითარების პროგრამას სამოქალაქო საზოგადოების ინსტიტუტი(CSI), USAID-ის ადგილობრივი თვითმმართველობის პროგრამის ფარგლებში მართავს.

ქვემო ქართლი. სამოქალაქო საზოგადოების ინსტიტუტმა (CSI) დმანისის მუნიციპალიტეტში მერიისა და საკრებულოს თანამშრომლებისთვისა და წევრებისთვის გამართა ტრენინგი სტრატეგიული დოკუმენტების შემუშავებაზე. აღნიშნული სწავლება, შესაძლებლობების გაძლიერების პროგრამის ნაწილია, რომელიც ეყრდნობა მოქალაქეთა მონაწილეობის ხარისხის თვითშეფასებას (www.ppmeter.ge). ტრენერმა ლიზი სოფრომაძემ აუდიტორიას მიაწოდა ინფორმაცია იმ სტანდარტებისა და კომპონენტების შესახებ, რომელიც სამთავრობო დადგენილებებისა და საერთაშორისო გამოცდილებებით სტრატეგიული დოკუმენტებისა და სამოქმედო გეგმების შექმნისთვის გამოიყენება.  აღნიშნული პროგრამა დაეხმარება მუნიციპალიტეტებს ჩამოიყალიბონ ხედვა და შეიმუშაონ სამოქმედო გეგმა მოქალაქეთა მონაწილეობის მიმართულებით.  მუნიციპალიტეტის თანამშრომლებისთვის შესაძლებლობის განვითარების პროგრამას სამოქალაქო საზოგადოების ინსტიტუტი (CSI), USAID–ის ადგილობრივი თვითმმართველობის პროგრამის ფარგლებში მართავს

22 ნოემბერს მარნეულის, დმანისის, ჩოხატაურის და ბათუმის მუნიციპალიტეტებში 2024 წლის ბიუჯეტის პროექტის საჯარო განხილვები გაიმართა. შეხვედრებს 150-ზე მეტი სამოქალაქო საზოგადოების და მუნიციპალიტეტის წარმომადგენელი ესწრებოდა. მუნიციპალიტეტის ძირითად ფინანსურ დოკუმენტზე სამოქალაქო სექტორის მხრიდან 50-ზე მეტი რეკომენდაცია და დაზუსტება იქნა წარდგენილი. კანონმდებლობის მიხედვით საკრებულო 25 ნოემბრამდე დაუბრუნებს მერიას ბიუჯეტის პროექტს რეკომენდაციებით და შენიშვნებით. მერია 10 დეკემბრამდე ვალდებულია განიხილოს ის და წარადგინოს კორექტირებული ან იგივე ვერსია საკრებულოს დასამტკიცებლად. მიმდინარე წლის 31 დეკემბრამდე საკრებულომ უნდა დაამტკიცოს მუნიციპალიტეტის მომდევნო წლის ბიუჯეტი. საჯარო განხილვები ჩატარდა მუნიციპალიტეტების მიერ USAID ადგილობრივი თვითმმართველობის პროგრამის მხარდაჭერით.

სამოქალაქო საზოგადოების ინსტიტუტი (CSI) აგრძელებს სისტემური ხედვის საკითხებზე სწავლებას.  17 ნოემბერს ტრენინგი გაიმართა მარნეულის მუნიციპალიტეტის მერიისა და საკრებულოს თანამშრომლებისთვის. აღნიშნული სწავლება, შესაძლებლობების გაძლიერების პროგრამის ნაწილია, რომელიც ეყრდნობა მოქალაქეთა მონაწილეობის ხარისხის თვითშეფასებას (www.ppmeter.ge).  პროგრამა, მუნიციპალიტეტების წარმომადგენლებს დაეხმარება განივითარონ სისტემური ხედვა და შესაძლებლობები მტკიცებულებებზე დაფუძნებული პოლიტიკის შემუშავებისათვის და შეძლონ სტანდარტების შესაბამისი სტრატეგიული დოკუმენტების, მათ შორის სამოქმედო გეგმების შემუშავება, რათა გააძლიერონ მოქალაქეთა მონაწილეობა ადგილობრივ დონეზე.  სწავლების პროგრამაში ამჯერად ჩართულები არიან მერიის და საკრებულოს თანამშრომლები და წევრები ოთხი მუნიციპალიტეტიდან – დმანისიდან, ჩოხატაურიდან, მარნეულიდან და ბათუმიდან.  იგი მოიცავს სამ მიმართულებას: „ადგილობრივ დონეზე მოქალაქეთა მონაწილეობის ხარისხის თვითშეფასების“ ინსტრუმენტს; დაგეგმვას – სისტემური ხედვის შემუშავებას; სტრატეგიული დოკუმენტების შემუშავებას. მუნიციპალიტეტის თანამშრომლებისთვის შესაძლებლობის განვითარების პროგრამას სამოქალაქო საზოგადოების ინსტიტუტი (CSI), USAID-ის ადგილობრივი თვითმმართველობის პროგრამის ფარგლებში მართავს. სრულად... წყარო: სამოქალაქო საზოგადოების ინსტიტუტი

აჭარა სოციალური სამართლიანობის ცენტრი ახალ კვლევას აქვეყნებს, რომელიც აჭარაში მცხოვრები აფხაზების საჭიროებებს იკვლევს. სხვადასხვა ცნობით, დღეს, აჭარაში 1600–2000–მდე აფხაზი ცხოვრობს.  კვლევა...  წყარო: სოციალური სამართლიანობის ცენტრი

რაჭა.ფონდ „აფხაზინტერკონტის“ ორგანიზებით 2023 წლის 14 ნოემბერს ჩატარდა სემინარი ონის მუნიციპალიტეტში თემაზე: „მოქალაქეთა ჩართულობის მნიშვნელობა გადაწყვეტილებების მიღების პროცესში“.  სემინარის მიზანი იყო საზოგადოების საჭიროებების უკეთ გააზრების, სამოქალაქო ღირებულებების აქტიური პოპულარიზაციის, სამოქალაქო აქტივიზმის და ადგილობრივი მოსახლეობის გადაწყვეტილების მიღების პროცესში ჩართულობის მნიშვნელობის პოპულარიზაცია. სემინარში მონაწილეობდნენ სამოქალაქო საზოგადოების ორგანიზაციები, სათემო ორგანიზაციები, საინიციატივო ჯგუფები, ახალგაზრდების, სამოქალაქო აქტივისტების, მოქალაქეების, ადგილობრივი თვითმმართველობის წარმომადგენლები; სემინარი ჩატარდა ევროკავშირისა (EU) და კონრად ადენაუერის ფონდის (KAS) მიერ დაფინანსებული პროექტის ,,სამოქალაქო საზოგადოების ინიციატივა"ფარგლებში.  სრულად... წყარო: აფხაზინტერკონტი

16–17 ნოემბერს, სათემო ლიდერთა ფორუმი 2023 გაიმართება. ფორუმი წლების განმავლობაში ჩამოყალიბდა, როგორც სათემო ორგანიზაციების ინფორმირების, განვითარების და საინტერესო პარტნიორობის დაწყების პლატფორმად.  წლევანდელ ფორუმზე:მოისმენთ სხვადასხვა სათემო ორგანიზაციის გამოცდილებას, გაეცნობით პროგრამის ფარგლებში დაფინანსებულ საინტერესო და გამორჩეულ სათემო პროექტებს და ინიციატივებს, გახდებით 2021-2022 წლების საუკეთესო სათემო ინიციატივის დაჯილდოვების პროცესის მონაწილე, დაესწრებით ერთობლივ და პარალელურ ინტერაქტიულ სესიებს მნიშვნელოვან თემებზე.  სათემო ლიდერთა ფორუმი იმართება საქართველოს სტრატეგიული კვლევებისა და განვითარების ცენტრის ორგანიზებით, პროექტის “სამოქალაქო საზოგადოების ინიციატივა” ფარგლებში, ევროკავშირისა და კონრად ადენაუერის ფონდის მხარდაჭერით. წლევანდელი ფორუმის მხარდამჭერები ასევე არიან: ორგანიზაცია „პური მსოფლიოსათვის“, გაეროს განვითარების პროგრამა, ნორვეგია და ბირმინგემის უნივერსიტეტი. სრულად... წყარო: სტრატეგიული კვლევებისა და განვითარების ცენტრი 

გურია. კავკასიის გარემოსდაცვითი არასამთავრობო ორგანიზაციების ქსელის (CENN) ინფორმაციით, პროექტის “მწვანე გურია“ ფარგლებში, ოზურგეთის, ჩოხატაურისა და ლანჩხუთის LAG-ების წევრები ადგილობრივი განვითარებისთვის აქტიურ მუშაობას იწყებენ.  გურიის LAG-ის წევრებმა უკვე დაიწყეს მუშაობა ადგილობრივი განვითარების სტრატეგიის შემუშავებაზე.  განვითარების სტრატეგიის შემუშავების პირველ სამუშო შეხვედრაზე LAG-ის წევრების მიერ პრიორიტეტულ თემად სოფლის მეურნეობა და მისი დარგების განვითარების პერსპექტივები განისაზღვრა. სამუშაო შეხვედრაზე გურიის სამივე მუნიციპალიტეტის LAG-ის წევრებმა სოფლის მეურნეობის განვითარების შესახებ იმსჯელეს და თავიანთი ხედვები წარმოადგინეს. შეხვედრის ფარგლებში შემუშავდა SWOT ანალიზიც.  სრულად...   წყარო: კავკასიის გარემოსდაცვითი არასამთავრობო ორგანიზაციების ქსელი

გურია.სამოქალაქო საზოგადოების ინსტიტუტის და ჩოხატაურის მუნიციპალიტეტის საკრებულოს ორგანიზებით, 10 ნოემბერს, გაიმართა „ღია კარის დღე – მოქალაქეთა მონაწილეობა და თვითმმართველობა“. შეხვედრის მონაწილეები გაეცნენ ინფორმაციას თვითმმართველობის განხორციელების პროცესში რა გზები, ინსტრუმენტები არსებობს, რათა მოქალაქეებმა მონაწილეობა მიიღონ მართვაში. ასევე, როგორია ამ კუთხით ჩოხატაურის მუნიციპალიტეტში დამკვიდრებული პრაქტიკა. შეხვედრისას, „ბიუჯეტისა და მონაწილეობის“, „ახალგაზრდობის მონაწილეობის“ თემატიკის ფარგლებში, შეუშავდა რეკომენდაციები, რომელიც მიეწოდება ადგილობრივ მუნიციპალიტეტს. შეხვედრა გაიმართა USAID-ის ადგილობრივი თვითმმართველობის პროგრამის ფარგლებში, სამოქალაქო საზოგადოების ინსტიტუტის (CSI) მხარდაჭერით.

აჭარა. 7 ნოემბერს, ბათუმის 2024 წლის ბიუჯეტის პროექტზე საბიუჯეტო ინიციატივების შემუშავების მიზნით, სამუშაო შეხვედრა გაიმართა. რეკომენდაციების შემუშავების პროცესში სხვადასხვა სექტორისა და ასაკობრივი ჯგუფის 40-მდე წარმომადგენელი ჩაერთო. თავისუფალი სივრცის ტექნოლოგიის გამოყენებით, შეხვედრის მონაწილეებს შესაძლებლობა მიეცათ, მათთვის საინტერესო 5 საბიუჯეტო პრიორიტეტის მიხედვით, თანამოაზრეებთან ერთად ემსჯელათ და მოემზადებინათ საბიუჯეტო წინადადებები. შეხვედრას 8 შეზღუდული შესაძლებლობის მქონე პირი ესწრებოდა და უზრუნველყოფილი იყო ჟესტური ენის თარგმანით. შეხვედრის ორგანიზებაში და ჯგუფური მუშაობის პროცესის ეფექტურად წარმართვის მიზნით, პროცესში ჩართულნი იყვნენ ადგილობრივი საზოგადოებრივი ორგანიზაციების – „ბათუმის დამოუკიდებელი ცხოვრების ცენტრის“, „ცვლილებები თანაბარი უფლებებისთვის“ (CER), დემოკრატიული ჩართულობის ცენტრის ბათუმის ოფისის (NCCE) წარმომადგენლები, სამოქალაქო აქტივისტები და პედაგოგები. შეხვედრის ფარგლებში 34 სხვადასხვა რეკომენდაცია შემუშავდა, როგორიცაა ახალგაზრდული, განათლების, ინფრასტურქუტურული თუ შეზღუდული შესაძლებლობების გარემოს გაუმჯობესების მიმართულებით განსახორციელებელი ნაბიჯები. რეკომენდაციები წარედგინება ბათუმის მუნიციპალიტეტის მერიასა და საკრებულოს. შეხვედრა ჩატარდა სამოქალაქო საზოგადოების ინსტიტუტის (CSI) მიერ, USAID-ის ადგილობრივი თვითმმართველობის პროგრამის ფარგლებში.

შიდა ქართლი. სოფელ ბებნისის საჯარო სკოლაში სამეწარმეო ფესტივალი გაიმართა.  მოსწავლეთა თვითმმართველობისა და სამოქალაქო კლუბის წევრებმა აქტიურად ითანამშრომლეს ადგილობრივ თვითმმართველობასთან.  შედეგად, ქალაქ ქარელის ცენტრში სკოლისთვის გამოიყო სივრცე და მოსწავლეებმა შეძლეს მათ მიერ დამზადებული ნივთების გამოფენა-გაყიდვა საქველმოქმედო მიზნით. სრულად...  წყარო: სამოქალაქო განათლების პროგრამა

თბილისი.სათემო ლიდერთა ლიდერთა ფორუმის ერთი–ერთი პანელი დაეთმობა თვითმმართველობასთან თანამშრომლობის საკითხებსა და დისკუსიას. საუბარი შეეხება დადებით პრაქტიკებს, არსებულ გამოწვევებს. კერძოდ ისეთ საკითხებს, როგორიცაა მუნიციპალიტეტის მიერ სათემო ორგანიზაციების დაფინანსების მექანიზმები, სათემო ორგანიზაციისთვის მუნიციპალურ საკუთრებაში არსებული ფართის სარგებლობის უფლებით გადაცემის საკითხი და ასე შემდეგ.  სათემო ლიდერთა ფორუმს, საქართველოს სტრატეგიული კვლევებისა და განვითარების ცენტრი ყოველ წელს მართავს, წელს იგი,16-17 ნოემბერს გაიმართება.  გაეცანით ინფორმაციას სრულად და გაიგეთ ვინ გამოვლენ ამ საკითხებზე. წყარო: საქართველოს სტრატეგიული კვლევებისა და განვითარების ცენტრი

კახეთი.სოციალური სამართლიანობის ცენტრის მომზადებულ ვიდეო რგოლში საგარეჯოს მუნიციპალიტეტში მდებარე სოფლის, იორმუღანლოს მოსახლეობა საკუთარ პრობლემებზე საუბრობს. სოფლის მოსახლეობისთვის ისეთი ბაზისური ინფრასტრუქტურა როგორიცაა წყალი, გაზი, საბავშვო ბაღი, სკოლა ჯერ კიდევ მიუწვდომელია. იორმუღანლოელები ამ პრობლემების მოგვარებას დიდი ხანია ითხოვენ, თუმცა ამბობენ, რომ მათი ხმა და საჭიროებები მუნიციპალიტეტისთვის მნიშვნელოვანი არ არის. სრულად... წყარო: სოციალური სამართლიანობის ცენტრი

იმერეთი.ორგანიზაცია „თაობათა დიალოგმა“ მოსწავლეთა თვითმმართველობის გაძლიერების პროგრამა „ღია თვითმმართველობა“ დაიწყო.  გეიმიფიცირებული პროგრამა უკვე მეორედ განხორციელდება და იგი ითვალისწინებს ისეთი აქტივობების განხორციელებას რომლებიც მიმართულია:  გააძლიეროს სკოლის მოსწავლეთა თვითმმართველობები;  გაზარდოს თვითმმართველობის საქმიანობაში მოსწავლეთა ჩართულობა;  გაზარდოს თვითმმართველობის მონაწილეობა სკოლაში გადაწყვეტილების მიღების პროცესში;  გააქტიუროს თვითმმართველობები სხვადასხვა პროექტების რეალიზებასა და აქტივობების ჩატარებაში.  პროგრამა იმართება USAID-ის სამოქალაქო განათლების პროგრამის ფარგლებში. პროექტს PH International - საქართველო ახორციელებს, საქართველოს განათლებისა და მეცნიერების სამინისტროს მხარდაჭერით. იგი დაფინანსებულია USAID-ის მიერ და მისი მიზანია მაღალი მოქალაქეობრივი შეგნების, სამოქალაქო პროცესებში ჩართული ახალგაზრდების აღზრდა. სრულად... წყარო: თაობათა დიალოგი

ქვემო ქართლი. ბოლნისის მუნიციპალიტეტის სოფელ ტანძიასა და ხატისსოფელში, 17 ოქტომბერს დასახლების საერთო კრება გაიმართა.  შეხვედრის მიზანი იყო თვითდახმარების ჯგუფთა და ადგილობრივი თვითმმართველობის წარმომადგენელთა თანამშრომლობა, რათა თემის დონეზე გამოკვეთილი პრიორიტეტები და საჭიროებები გათვალისწინებული იქნას ადგილობრივი ბიუჯეტირების პროცესში.  შეხვედრა ჩატარდა „ქალთა ეკონომიკური გაძლიერება სოციალური მობილიზაციისა და შესაძლებლობათა განვითარების გზით” პროექტის მეორე ფაზის ფარგლებში, რომელსაც ფონდი „ტასო“ გაეროს ქალთა ორგანიზაციასთან, კახეთის რეგიონალური განვითარების ფონდსა და ქეა საერთაშორისო კავკასიასთან პარტნიორობით ახორციელებს.  პროექტის მხარდამჭერია შვეიცარიის განვითარების და თანამშრომლობისა (SDC) და ავსტრიის განვითარების თანამშრომლობის (ADC) სააგენტოების მიერ.  სრულად... წყარო: ფონდი ტასო

თბილისი. სოციალური სამართლიანობის ცენტრი ანი ისაკაძის სტატიას აქვეყნებს – „ეთნიკური უმცირესობების განათლების უფლების გარანტიები და მისი დაცვის საუკეთესო მიდგომები“.  „...დღესდღეისობით ეთნიკური უმცირესობები, საზოგადოების ერთ-ერთი ყველაზე მოწყვლადი სოციალური ჯგუფია, რაც, როგორც სხვადასხვა სოციალურ-ეკონომიკური ფაქტორით, ისე ამ ჯგუფების გარიყულობისა და მივიწყების სისტემური პრაქტიკითაა განპირობებული. ამდენად, მათი უფლებრივი მდგომარეობის გაუმჯობესების მნიშვნელოვანი ბერკეტი უშუალოდ ხარისხიან განათლებაზე წვდომასთანაა დაკავშირებული“ - ნათქვამია სტატიაში სრულად... წყარო: სოციალური სამართლიანობის ცენტრი 

თბილისი.26 სექტემბერს, სასტუმრო „ჰოლიდეი ინში“, სამოქალაქო საზოგადოების ინსტიტუტის ორგანიზებით გაიმართა ფორუმი „მოქალაქეთა მონაწილეობა ადგილობრივი განვითარებისთვის“. ფორუმის მიზანი იყო მოქალაქეთა მონაწილეობის მიმართულებით არსებული გამოცდილებისა და საუკეთესო პრაქტიკების გაზიარება, გამოწვევებისა და შესაძლებლობების გაანალიზება, ამ კუთხით მნიშვნელოვან საკითხებზე დიალოგისა და დისკუსიის სივრცის შექმნა, რაც ხელს შეუწყობს სამოქალაქო მონაწილეობის საკითხით დაინტერესებული აქტორების შესაძლებლობების გაძლიერებას და მათ შორის თანამშრომლობის სტიმულირებას.  ფორუმი რამდენიმე პანელს მოიცავდა: 1.მოქალაქეთა მონაწილეობის ფორმალური და დამატებითი მექანიზმები; 2.ახალგაზრდების მონაწილეობა ადგილობრივ დონეზე გადაწყვეტილების მიღების პროცესში – გამოწვევები და წარმატებული მაგალითები; 3.დისკუსია დონორი ორგანიზაციების წარმომადგენლებთან. ფორუმის მონაწილეებმა ისაუბრეს გადაწყვეტილების მიღების პროცესში მოქალაქეთა მონაწილეობის მნიშვნელობასა და არსებულ მექანიზმებზე. საზოგადოებრივი ორგანიზაციებისა და ადგილობრივი თვითმმართველობის წარმომადგენლებმა ასევე ისაუბრეს ადგილობრივ დონეზე ახალგაზრდების მონაწილეობის საკითხებზე.  სამოქალაქო საზოგადოების ინსტიტუტის (CSI) მიერ ორგანიზებული ფორუმი დონორთა პანელით დასრულდა, სადაც საუბარი შეეხო იმ პროგრამებსა და შესაძლებლობებს, რომლებიც ხელს უწყობს მოქალაქეთა მონაწილეობას ადგილობრივ დონეზე.  ფორუმი ორგანიზებულია სამოქალაქო საზოგადოების ინსტიტუტის (CSI) პროექტის – „ადგილობრივი განვითარების აქტორების მდგრადი კავშირის შექმნა საქართველოში“ – ფარგლებში, რომლის ფინანსური მხარდამჭერია გერმანული საერთაშორისო ფონდი „პური მსოფლიოსთვის“ (Bread for the World). ფორუმის ფოტო–რეპორტაჟი... წყარო: სამოქალაქო საზოგადოების ინსტიტუტი

სამოქალაქო საზოგადოების ინსტიტუტმა (CSI) ჩოხატაურის მუნიციპალიტეტში მერიისა და საკრებულოს თანამშრომლებისა და წევრებისთვის სისტემური ხედვის საკითხებზე ტრენინგი გამართა. აღნიშნული სწავლება, შესაძლებლობების გაძლიერების პროგრამის ნაწილია, რომელიც ეყრდნობა მოქალაქეთა მონაწილეობის ხარისხის თვითშეფასებას (www.ppmeter.ge). პროგრამა, მუნიციპალიტეტების წარმომადგენლებს დაეხმარება განივითარონ სისტემური ხედვა და შესაძლებლობები მტკიცებულებებზე დაფუძნებული პოლიტიკის შემუშავებისათვის და შეძლონ სტანდარტების შესაბამისი სტრატეგიული დოკუმენტების, მათ შორის სამოქმედო გეგმების შემუშავება, რათა გააძლიერონ მოქალაქეთა მონაწილეობა ადგილობრივ დონეზე.  სწავლების პროგრამაში ამჯერად ჩართულები არიან მერიის და საკრებულოს თანამშრომლები და წევრები ოთხი მუნიციპალიტეტიდან – დმანისიდან, ჩოხატაურიდან, მარნეულიდან და ბათუმიდან. იგი მოიცავს სამ მიმართულებას: „ადგილობრივ დონეზე მოქალაქეთა მონაწილეობის ხარისხის თვითშეფასების“ ინსტრუმენტს; დაგეგმვას – სისტემური ხედვის შემუშავებას; სტრატეგიული დოკუმენტების შემუშავებას.  მუნიციპალიტეტის თანამშრომლებისთვის შესაძლებლობის განვითარების პროგრამას სამოქალაქო საზოგადოების ინსტიტუტი(CSI), USAID-ის ადგილობრივი თვითმმართველობის პროგრამის ფარგლებში მართავს.

კახეთი. სოციალური სამართლიანობის ცენტრი ვიდეოს ავრცელებს, რომელშიც თოზუ გულმამედლი, საგარეჯოს მუნიციპალიტეტის მოსახლე, აზერბაიჯანული თემის წარმომადგენლების პრობლემებზე საუბრობს.  როგორ ცხოვრობენ, რა რეალობის წინაშე უწევთ გამკლავება და როგორია მათი საზოგადოებაში ინტეგრაციის პროცესი. ვრცლად... წყარო: სოციალური სამართლიანობის ცენტრი